🇺🇸🇮🇷 Трамп энди Эронда ҳокимият алмашишини хоҳламаяпти, чунки у минтақада "тартибсизлик" бўлишини истамайди — CNN

"Биласизми, эронликлар жуда яхши савдогарлар, жуда яхши тадбиркорлар ва уларнинг кўп нефти бор. Улар билан ҳаммаси жойида бўлиши керак. Улар ўзларини тиклаб, яхши ишлашга қодир бўлиши шарт". Улар ҳеч қачон ядровий энергияга эга бўлмайди, лекин қолган жиҳатларда улар аъло даражада бўлиши мумкин", — деди АҚШ президенти.

Аввалроқ Доналд Трамп уруш натижасида Эронда ҳокимият алмашиши эҳтимолини инкор этмаган эди.

🔥 @burchakostida

NATO'нинг Гаагадаги саммити бошланиши олдидан алянсга аъзо давлатллар етакчилари суратга тушишди

Улар орасида Украина президенти Володимир Зеленский ҳам бор.

🔥 @burchakostida

🇺🇸 АҚШ Конгресси Вакиллар палатаси Трампга импичмент эълон қилиш таклифини қўллаб-қувватламади — CNN

Телеканалнинг хабар беришича, 344 нафар қонун чиқарувчи (барча республикачи ва 128 нафар демократ) конгрессмен Эл Гриннинг ташаббусига қарши овоз берди, 79 нафар демократ эса уни қўллаб-қувватлади.

🔥 @burchakostida

🇺🇸🇮🇱🇮🇷 АҚШнинг зарбалари Эрон ядро дастурининг асосий таркибий қисмларини йўқ қилмади, балки уни бир неча ойга орқага қайтарди

Бу ҳақда CNN разведка маълумотларига таяниб хабар бермоқда.

Аввалроқ Исроил Эроннинг ядровий дастурини “бир неча йилларга” орқага сурганини маълум қилганди.

🔥 @burchakostida

🇫🇷🇺🇦🇷🇺 NATO саммити доирасида Зеленский Макрон билан учрашди — Украина президенти президент девони

Хабарда айтилишича, Украина ва Франция етакчилари Украинанинг Россиянинг йирик дрон ҳужумларига қарши мудофаасини кучайтириш учун Мираге қирувчи самолётларини етказиб беришни кўпайтириш ва ҳамкорликда дронлар ишлаб чиқаришни йўлга қўйишни муҳокама қилган.

🔥 @burchakostida

🇺🇸🇮🇷 АҚШ разведкаси Эроннинг ядровий дастури бутунлай йўқ қилинганини тасдиқламади. Оқ уй бундан ғазабланди

Пентагон разведка бошқармаси АҚШ зарбалари Эроннинг ядровий дастурини бутунлай йўқ қилмаганини, фақат уни бир неча ойга орқага сурганини маълум қилди, деб хабар берди CNN ва Тhe New York Times манбаларига таяниб.

"Бойитилган уран захиралари олдиндан Фордо, Натанз ва Исфаҳон объектларидан бошқа жойларга кўчирилган бўлиши мумкин, шунингдек, центрифугалар зарар кўрмаган", дея Пентагон ҳисоботидан иқтибос келтиради ОАВ.

CNN асосий зарар ер усти иншоотларига етказилганини таъкидлади. Бундан ташқари, NYT'нинг ёзишича, Эроннинг уранни бойитиш бўйича кичик яширин объектлари ҳам зарар кўрмаган.

Bloomberg агентлиги Исфаҳон объектидаги учта реакторга зарар етмаганини хабар қилди. Агентликнинг МАГАТЭдаги (Халқаро атом энергияси агентлиги) манбаларига кўра, АҚШ бу реакторларга атайлаб ҳужум қилмаган бўлиши мумкин.

Оқ уй ушбу хабарларга кескин муносабат билдирди. Президент Доналд Трамп оммавий ахборот воситалари "муваффақияцизлар" ва "ёлғончилар" деб атаб, улар бомба ташлаган учувчилардан узр сўраши кераклигини айтди.

Оқ уй матбуот котиби Кэролайн Ливитт матбуотнинг шубҳаларини "президентни камситиш ва жасур учувчиларни обрўсизлантиришга уриниш" деб атади.

"30 минг фут оғ ирликдаги ўн тўртта бомба аниқлик билан ташланса, бу нишон тўлиқ йўқ қилинишини ҳамма билади", — деди Ливитт.

Аввалроқ Теҳрон Қўшма Штатларнинг ҳужумидан сўнг ҳам мамлакат ядровий дастурини ривожлантириш давом этаётганини билдирганди.

🔥 @burchakostida

🇮🇱🇺🇸🇮🇷 Исроил мудофаа вазири Исраэл Кац Пентагон раҳбари Пит Ҳегсетга агар Эрон ўт очишни тўхтатиш режимига риоя этса, Исроил ҳам унга амал қилишини маълум қилди.

🔥 @burchakostida

🇮🇱🇮🇷 "Эронга қарши ҳарбий операция давомида Исроилга 550 та ракета ва 1000 дан ортиқ дрон учирилди, натижада 28 киши ҳалок бўлди, яна 1400 киши жароҳатланди. Бундан ташқари, 15,5 мингдан ортиқ одам уй-жойидан маҳрум бўлди", дея хабар бермоқда Исроил бош вазири Бинямин Нетаняҳу идораси.

🔥 @burchakostida

🇹🇷🇺🇸 NATO'нинг Гаагадаги саммити доирасида Эрдўған Трамп билан учрашув ўтказди — Туркия президенти матбуот хизмати

"Музокаралар чоғида икки томонлама ҳамкорлик масалалари, жумладан, энергетика, инвестициялар ва мудофаа саноати муҳокама қилинди. Эрдўған Исроил ва Эрон ўртасида ўт очишни тўхтатиш бўйича эришилган келишувни олқишлади. Шунингдек, Туркия етакчиси Ғазода давом этаётган гуманитар инқирозни тугатиш ва Россия ҳамда Украина ўртасидаги можарога тинч йўл билан ечим топиш учун мулоқотни мустаҳкамлаш зарурлигини таъкидлади", дейилади Туркия президенти матбуот хизмати хабарида.

🔥 @burchakostida

🇺🇸🇮🇷 Вашингтон Теҳронга эҳтимолий ядровий келишув доирасида уранни бойитишга рухсат бермайди — АҚШ президентининг махсус вакили Стив Уиткофф

Унинг таъкидлашича, Қўшма Штатлар Эрон билан ҳар томонлама тинчлик келишувига эришиш имкониятига ишонади.

🔥 @burchakostida

🇮🇷 Эрон парламенти МАГАТЭ билан ҳамкорликни тўхтатиш тўғрисидаги қонун лойиҳасини қўллаб-қувватлади

Бу ҳақда Эрон оммавий ахборот воситалари хабар бермоқда.

Аввалроқ мамлакат Ташқи ишлар вазирлиги Теҳрон бундан буён МАГАТЭ билан аввалгидек ҳамкорлик қилинмаслигини ва ядровий дастурдан воз кечмаслигини маълум қилганди.

🔥 @burchakostida

🇺🇸🇮🇷 Трамп АҚШ самолётлари Эронни бомбардимон қилгани акс этган видеони эълон қилди

АҚШ президенти ушбу видеони Truth Social ижтимоий тармоғидаги саҳифасида жойлади, унда “Bomb Iran” (“Эронни бомбардимон қилинг”) қўшиғини эшитиш мумкин.

"Масжидга бораман, бир-иккита тош отаман, оятуллоҳга “Сени тобутга жойлайман!” деб айтаман. Эронни бомбардимон қилинг!", дейилади видео фонидаги қўшиқда.

🔥 @burchakostida

🇺🇦🇳🇱 Украина президенти NATO саммити доирасида Гаагадаги Нидерландия қироли қароргоҳидаги тадбирга классик костюмда келди — “РБК”

Володимир Зеленский Россиянинг Украинага кенг кўламли босқини бошланганидан буён классик услубдаги кийинишни тўхтатган эди.

🔥 @burchakostida

🇦🇲 Арманистон бош вазири мамлакатдаги вазиятни беқарорлаштириш ва ҳокимиятни эгаллашга қаратилган “жиноятчи-олигархик клерикализм” режасининг олди олинганини эълон қилди

Никол Пашинян бу ҳақда ўзининг Telegram каналида хабар берган ва Арманистон Тергов қўмитасининг тегишли баёнотига ҳавола қилган.

Арманистон Тергов қўмитаси баёнотига кўра, мухолифатдаги “Муқаддас кураш” ҳаракати етакчиси архиепископ Баграт Галстанян ва унинг сафдошлари ҳокимиятни эгаллаш мақсадида террорчилик ҳаракатларини тайёрлаганликда айбланмоқда.

ТАСС агентлигининг хабар беришича, 25 июн куни эрталабдан бери архиепископ Галстанян ва унинг тахминан 30 нафар тарафдорининг уйларида тинтувлар ўтказилмоқда. Агенликка кўра, хавфсизлик кучлари архиепископ Баграт Галстанянни қўлга олган.

Галстаняннинг тарафдорларидан бири, парламент депутати Гарник Даниелян матбуотга бу ҳаракатларни "диктатура режимининг ҳаракати" деб атаб, руҳонийга нисбатан илгари сурилган айбловларни сохта деб баҳолади.

BBC хабарига кўра, бош вазир Пашинян ва архиепископ Галстанян ўртасидаги можаро бир неча ойдан бери давом этмоқда. 18 июн куни Арманистонда ҳокимиятни эгаллашга даъват қилганлик айблови билан бизнесмен Самвел Карапетян ҳибсга олинган эди. Нааҳр маълумотига кўра, Карапетян архиепископ Галстанянни қўллаб-қувватлаб келган.

🔥 @burchakostida

🇺🇸🇺🇦 Зеленский – яхши йигит — Доналд Трамп

NATO'нинг Гаагадаги саммити йиғилиши бошланишидан олдин журналистлар Доналд Трампдан Володимир Зеленский билан бўладиган учрашуви ҳақида сўрашди.

"Биз аниқ масалаларни муҳокама қиламиз. Зеленскийнинг қийинчиликлари ҳақида гаплашамиз. Унинг кичик муаммолари бор.
Зеленский яхши йигит. Менимча, бугун у билан учрашаман. Биз Украина ҳақида гаплашамиз", — деди АҚШ президенти.

🔥 @burchakostida

🇪🇺🇭🇺🇷🇺 Россия Европа учун таҳдид эмас, биз учун асосий хавф рақобатбардошликни йўқотишдир — Венгрия бош вазири

Виктор Орбан, шунингдек, NATO'нинг Украинада аиладиган иши йўқлигини, чунки у алянс аъзоси эмаслигини қўшимча қилди.

🔥 @burchakostida

🇺🇸🇮🇱🇮🇷 АҚШ президенти Эронга зарбаларни Ҳиросима ва Нагасаки бомбардимонлари билан қиёслади

"Мен Ҳиросимани ёки Нагасакини мисол сифатида келтиришни хоҳламайман, лекин моҳиятан бу бир хил – мазкур зарбалар урушни тугатди", — деди Доналд Трамп Гаагадаги NATO саммитида.

Унинг фикрича, АҚШ бомбардимонлари нафақат Исроил ва Эрон ўртасидаги урушни якунлади, балки Ғазо секторида Исроил ва ҲАМАС ўртасидаги урушда ҳам муҳим бурилиш ясашга ёрдам бериши мумкин.

Трамп, шунингдек, АҚШ Эрон ўзининг ядровий дастурини тикласа, яна зарба беришини айтди. "АҚШ Эронга уранни бойитишни давом эттиришга, ҳеч қачон йўл қўймайди. Керак бўлса, буни ҳарбий йўл билан тўхтатамиз", — дея таъкидлади Қўшма Штатлар президенти.

Бундан ташқари, Трамп зарба берилган Эрон ядровий объектларидаги материалларни кўчириш жуда қийин бўлганини таъкидлади. "Бизнингча, ҳаммаси ўша ерда қолган", — дея қўшимча қилди президент.

Трамп матбуотга сизиб чиққан, "АҚШ зарбалари Эрон ядровий дастурини фақат бир неча ойга орқага сургани" ҳақидаги разведка маълумотлари якуний эмаслигини ҳам таъкидлади. АҚШ етакчисининг сўзларига кўра, фақат Исроил тегишли маълумотларни тақдим этгандан кейин Фордо, Натанз ва Исфаҳон объэктларига етказилган зарарни тўлиқ баҳолаш мумкин бўлади.

🔥 @burchakostida

🇺🇸🇷🇺🇺🇦 Вашингтон ҳозирча Россияга нисбатан янги санкциялар жорий қилмайди — АҚШ Давлат котиби

Марко Рубионинг сўзларига кўра, Вашингтон Украина ва Россия ўртасида тинчлик битими бўйича музокаралар учун имконият қолдиришни истамоқда.

"Агар ҳамма биздан кутаётган ишни қилсак, яъни янги санкциялар билан Россияни эзиб ташласак, эҳтимол, биз ўт очишни тўхтатиш бўйича улар билан мулоқот қилиш имкониятини йўқотамиз. Шунда Москва билан яна ким гаплашади?" — деди Рубио Politico нашрига NATO саммити доирасида берган интервюсида.

АҚШ давлат котиби, шунингдек, президент Доналд Трамп янги иқтисодий чоралар учун "мос вақт қачон келишини" жуда яхши тушунишини айтди.

"Агар бизда вазиятни ўзгартириш ва Россияни музокара столига ўтказиш имконияти бўлса, биз бу имкониятдан албатта фойдаланамиз", — дея қўшимча қилди Рубио.

🔥 @burchakostida