🇦🇲🇷🇺 Арманистонда Россия телеканалларини ўчириш таклиф қилинмоқда

Арманистон Миллий Ассамблеяси (парламенти) раиси Ален Симонян мамлакатда Россия телеканаллари трансляциясини тўхтатиш масаласини жиддий кўриб чиқиш зарурлигини билдирди.

У бу ҳақда “Ташир” компаниялар гуруҳи раҳбари Самвел Карапетян иши ва унинг Арманистон-Россия муносабатларига мумкин бўлган таъсирини шарҳлаш чоғида журналистларга маълум қилди.

"Бу манқуртларнинг дастурлари Арманистонда аллақачон ёпилган, уларнинг мамлакатимизга кириши ҳам тақиқланган. Аммо агар уларнинг давлат телеканаллари Арманистон ички ишларига аралашишга журъат қилса, балки биз ҳам уларни фуқароларимиз хонадонларига кириш ҳуқуқидан маҳрум қилишимиз керакдир", — деди Симонян.

У Россия телеканаллари бошловчиларини Арманистон-Россия муносабатларига салбий таъсир кўрсатиб, вазиятни қасддан кескинлаштиришини таъкидлади.

🔥 @burchakostida

🇦🇿🇷🇺 Озарбойжонда россияликлардан иборат “уюшган жиноий гуруҳ аъзолари” қўлга олинди — Report

Мамлакат Ички ишлар вазирлиги маълумотларига кўра, қўлга олинганлар икки уюшган жиноий гуруҳ аъзолари бўлган. Улар Эрондан гиёҳванд моддалар контрабандаси ва кибержиноятларда гумон қилинмоқда.

🔥 @burchakostida

🇺🇸 АҚШ Халқаро тараққиёт агентлиги (USAID) хорижий ёрдам дастурларини амалга оширишни расман тўхтатади — АҚШ давлат котиби

"Трамп маъмурияти сиёсатига мос келадиган ва мамлакат манфаатларини илгари сурадиган хорижий ёрдам дастурларини бундан буён бевосита Қўшма Штатлар Давлат департаменти бошқаради", — дея қўшимча қилди Марко Рубио.

🔥 @burchakostida

🇺🇦🇦🇿🇷🇺 Зеленский Алиев билан телефон орқали суҳбатлашди ва Россия билан зиддиятда уни қўллаб-қувватлашини билдирди

Украина президенти бу суҳбат ҳақида Теlegram каналидамаълум қилди. Зеленскийнинг айтишича, у Илҳом Алиевга Екатеринбургда ҳибсга олиш жараёнида вафот этган ака-ука Сафаровларнинг ўлими муносабати билан ҳамдардлик билдирган.

"Украинани, халқимизни ва ҳудудий яхлитлигимизни қўллаб-қувватлагани учун Алиевга миннатдорчилик билдирдим. Шунингдек, Россия Озарбойжон фуқароларини таҳқирлаб, Озарбойжон Республикасига таҳдид қилаётган вазиятда Украина томонидан аниқ қўллаб-қувватлашимизни ифода этдим", — деб ёзди Зеленский.

🔥 @burchakostida

🇷🇺🇫🇷 Путин ва Макрон 2022 йил сентябридан бери биринчи марта телефон орқали суҳбатлашди

Бу ҳақда Россия президентининг расмий сайтида хабар эълон қилинди.

Кремл маълумотига кўра, давлат раҳбарлари Эрон ва Исроил ўртасидаги можаро ҳамда Қўшма Штатларнинг Эрон ядро объектларига берган зарбалари фонида Яқин Шарқдаги вазиятни муҳокама қилган.

Путин суҳбат давомида Макрон билан Украина атрофидаги вазиятни ҳам муҳокама қилиб, бу можаро Ғарб сиёсатининг бевосита натижаси эканини эслатди.

Кремлнинг хабар беришича, Путин Макронга Ғарб кўп йиллар давомида Украинада Россияга қарши плацдарм яратганини, ҳозир эса жанговар ҳаракатларни чўзишга интилаётганини таъкидлади.

Кремл суҳбат мазмунли бўлгани ҳақида ҳам қўшимча қилди. Путин Макронга Украина бўйича тинчликка эришиш комплекс ёндашув асосида бўлиши, бу жараён можаронинг илдиз сабаблари бартараф этилиши ва фронтдаги реал ҳолатларга таяниши кераклигини айтди.

"Шунингдек, давлат раҳбарлари Эроннинг тинч атом лойиҳаларидан фойдаланиш ҳуқуқини ҳурмат қилиш ва унинг Ядро қуролини тарқатмаслик шартномаси бўйича мажбуриятларига, жумладан, МАГАТЭ билан ҳамкорликка амал қилиш муҳимлигини таъкидладилар", дейилади Россия президенти матбуот хизмати хабарида.

🔥 @burchakostida

🇦🇿🇷🇺 “Sputnik Озарбойжон” бош муҳаррири ва унинг ўринбосари тўрт ойга ҳибсга олинди

Озарбойжон оммавий ахборот воситаларининг хабар беришича, Игор Картавих ва Евгений Белоусовларга нисбатан профилактика чоралари бўйича қарор Бокунинг Хатай туман суди томонидан қабул қилинган. 

Улар Россия Федерал хавфсизлик хизматида (ФСБ) ишлаганликда гумон қилинмоқда. Ҳолат юзасидан фирибгарлик, ноқонуний тадбиркорлик ва жиноий йўл билан қўлга киритилган мулкни легаллаштириш моддалари бўйича жиноят иши қўзғатилган.

Маълумотларга кўра, Картавих ва Белоусовдан ташқари яна беш киши жиноий жавобгарликка тортилган, лекин уларнинг исми ошкор этилмаган.

🔥 @burchakostida

🇺🇸🇮🇱 Трамп Ғазодаги можарога барҳам бериш учун Нетаняҳуга нисбатан “ўта қаттиққўллик” қилиш ниятида эканини айтди

"Исроил бош вазири Бинямин Нетаняҳу ҳам Ғазодаги урушни тўхтатмоқчи. Келгуси ҳафта бу масалада келишувга эришилишига ишонаман", — дея қўшимча қилди АҚШ президенти.

🔥 @burchakostida

🇫🇷🇷🇺 Макрон Путин билан телефон суҳбати чоғида Украинада “имкон қадар тезроқ” ўт очишни тўхтатишга чақирди

Бу ҳақда Le Monde Елисей саройига таяниб хабар бермоқда.

Елисей саройи суҳбат давомида томонлар Украинадаги вазият ва Эрон ядро дастурини муҳокама қилганини тасдиқлади.

"Эммануэл Макрон Украинада зудлик билан ўт очишни тўхтатишга чақирди", дейилади Елисей саройи баёнотида.

АFP, шунингдек, Макрон Путин билан алоқаларни давом эттиришни кутаётгани ҳақида хабар берди.

"Франция Россия президентлари яқин орада янги суҳбат ўтказишга келишиб олдилар", деб хабар бермоқда Reuters агентлиги.

🔥 @burchakostida

🇫🇷🇺🇦🇷🇺 Макрон Путин билан суҳбатдан сўнг Зеленскийга қўнғироқ қилди

Бу ҳақда Украина матбуоти манбасига таяниб хабар бермоқда.

Унинг сўзларига кўра, Макрон Зеленскийга Россия президенти билан суҳбат тафсилотларини айтиб берган. Ҳозирча бу маълумотнинг расмий тасдиғи йўқ.

🔥 @burchakostida

Исроил Ғазаода 60 кунлик сулҳ шартларига рози бўлди — АҚШ президенти

Доналд Трампнинг айтишича, Исроил вакиллари АҚШ расмийлари билан учрашувда Ғазо секторида икки ойлик ўт очишни тўхтатиш учун зарур бўлган шартларга рози бўлишган.

"Бугун менинг вакилларим Ғазо масаласида исроилликлар билан узоқ ва самарали учрашув ўтказишди. Исроил 60 кунлик сулҳ тузиш учун зарур шартларга рози бўлди. Бу давр давомида биз урушни тугатиш учун барча томонлар билан ишлаймиз", — деб ёзди Трамп ўзининг Truth Social ижтимоий тармоғида.

АҚШ президентининг сўзларига кўра, тинчлик ўрнатиш учун "катта меҳнат қилган" Қатар ва Миср вакиллари ҲАМАС ҳаракатига якуний таклифни етказишади.

"Умид қиламанки, Яқин Шарқ манфаати йўлида ҲАМАС бу келишувни қабул қилади, чунки вазият бундан яхшироқ бўлмайди, фақат ёмонлашади", — дея қўшимча қилди Трамп.

Аввалроқ Америка оммавий ахборот воситалари Исроилнинг стратегик режалаштириш вазири Рон Дермер Вашингтонга келиб, Оқ уй вакиллари билан Ғазо ва Эрон бўйича вазиятни, шунингдек, Исроил бош вазири Бинямин Нетаняҳунинг Қўшма Штатларнингташрифини муҳокама қилиши кераклиги ҳақида хабар берган эди.

🔥 @burchakostida

🇬🇪 Грузияда мухолифатдаги партиялар маҳаллий сайловларни бойкот қилди — 1TV

Грузияда мухолифатдаги 8 та партия маҳаллий ҳокимият органлари сайловларида иштирок этмаслигини эълон қилди. Қайд этилишича, биратўла саккизта партия ҳам маҳаллий сайловларни “ноқонуний тузумни легитимлаштириш воситаси” деб атаб, унга қарши курашни давом эттиришга ваъда берган.

"Бизнинг асосий мақсадимиз россияпараст тузумни тўлиқ демонтаж қилиш, Грузия мустақиллиги ва суверенитетини ҳимоя қилиш, Европа андозасидаги демократик бошқарувни барпо этиш, фуқаролар учун хавфсиз ва муносиб ҳаёт яратиш ҳамда Грузиянинг Европа Иттифоқи ва NATO'га аъзо бўлишини таъминлаш", дейилади қўшма баёнотда.

Улар сайловларда иштирок этишни ҳозирги шароитда “Россияга қарам тузумга қаршилик кўрсатиш” деб ҳисобламоқда.

Партиялар якуний мақсад сифатида “нодемократик, олигархик тизимни тугатиш учун қўлдан келган барча чораларни кўришга” ваъда берган.

🔥 @burchakostida

🇺🇸🇺🇦 АҚШ Украинага Байден маъмурияти ваъда қилган зенит ракеталарини етказиб беришни тўхтатди — Politico

Пентагоннинг сиёсий бошқармаси раҳбари Элбриж Колби бу қарорни Қўшма Штатларнинг ўзидаги ушбу қуроллар захиралари жуда камайиб кетгани ҳақидаги хавотирлар сабаб қабул қилган.

"Бу қарор аслида июн ойи бошида қабул қилинган бўлса-да, амалда етказиб бериш фақат ҳозирга тўхтатилган", дея аниқлик киритди Politico.

🔥 @burchakostida

🇷🇺🇦🇿 Екатеринбургдаги озарбойжон диаспораси раҳбари Шаҳин Шихлинский гувоҳ сифатида сўроқ қилингандан сўнг қўйиб юборилди.

Бу ҳақда Шихлинскийнинг ўғли хабар берди.

🔥 @burchakostida

🇺🇸 Калифорниядаги пиротехника виситалари омборида ёнғин чиқди ва кучли портлаш содир бўлди —ОАВ

Хабар берилишича, Сакраменто шимоли-ғарбида жойлашган Ёло округида пиротехника воситалари омборида кучли кулучли ёнғин юз берган. Ёнғиндан сўнг пиротехника воситалари портлай бошлаган.

Ҳодиса жойида фавқулодда хизматлар ишламоқда. Омбор атрофида тахминан 2 километр радиусда эвакуация зонаси ташкил этилган. Ҳозирча ҳалок бўлганлар ёки жароҳат олганлар ҳақида маълумот йўқ.

🔥 @burchakostida