🇺🇸🇨🇴 АҚШ Колумбия президентига қарши санкциялар жорий этди

Қўшма Штатлар Молия вазирлигининг маълум қилишича, гиёҳванд моддалар савдоси билан боғлиқ фаолиятни молиявий жиҳатдан чеклаш мақсадида Колумбия президент Густаво Петро ва унинг яқинларига қарши санкциялар қўлланган.

Нафақат президент, балки унинг рафиқаси Вероника Алкосар, ўғли Николас Петро ва яқин ҳамкори Армандо Бенедеттига қарши чекловлар киритилган.

"Энди Петро ва уни яқинларининг Қўшма Штатлардаги барча активлари музлатилади, уларга тегишли мол-мулк ёки маблағлардан фойдаланиш тақиқланади. Шунингдек, АҚШ фуқаролари ва компанияларига улар билан ҳар қандай молиявий ёки тижорий битим тузиш қатъиян ман этилади", дейилади АҚШ Молия вазирлиги баёнотида.

🔥 @burchakostida

🇱🇹🇧🇾 Тунда Литва ҳаво ҳудудида беларуслик контрабандачилар томонидан учирилган тахминан 90 та ҳаво шари аниқланди — Литва Миллий инқирозларни бошқариш маркази.

🔥 @burchakostida

🇺🇸🇺🇦🇷🇺🇨🇳 Трамп Украинадаги урушни тугатиш учун Хитойнинг ёрдамига умид қилмоқда — BBC

Нашрнинг хабар беришича, АҚШ президенти Доналд Трамп Хитой раҳбари Си Жинпин билан яқин кунларда бўлиб ўтадиган учрашуви чоғида Украинадаги урушни тугатиш йўлларини муҳокама қилишни режалаштираётганини маълум қилди.

"Биз Россияга қарши жиддий санкциялар жорий этдик. Ўйлайманки, бу санкциялар жуда кучли таъсир кўрсатади. Лекин мен Хитой ҳам бизга ёрдам беришини истардим", —деди Осиё давлатлари бўйлаб сафарга йўл олаётган АҚШ президенти Air Force One самолётида журналистлар билан мулоқотда.

Журналистлар, шунингдек, Трампдан "Россияга қарши санкциялар Путин томонидан кескин ҳаракатларга олиб келишидан қўрқмаяпсизми?", деб сўради.

"Мен бундай деб ўйламайман. Путин бу санкциялар Россияга катта таъсир кўрсатмаслигини айтди. Мен ушбу масалада унинг ҳақ эмаслигига ишонаман. Кўрамиз, нима бўлади. Менимча, Путин ҳам Украина урушини тугатишни хоҳлайди", — деди АҚШ президенти.

Доналд Трампнинг Осиё давлатлари бўйлаб турнеси беш кун давом этади. У Малайзия, Япония ва Жанубий Кореяга ташриф буюради ҳамда якшанба куни Куала-Лумпурда бошланадиган Жануби-Шарқий Осиё давлатлари ассоциацияси (АSEAN) саммитида иштирок этади.

🔥 @burchakostida

🇺🇸🇨🇴 Колумбия президенти гиёҳванд моддалар савдогари — АҚШ президенти Доналд Трамп.

🔥 @burchakostida

🇺🇸 АҚШ ҳарбийлари Исроил ва ҲАМАС ўртасидаги сулҳга риоя этилишини кузатиш мақсадида Ғазо сектори устида дронлар ёрдамида махсус амалиётни бошлади — ОАВ.

🔥 @burchakostida

🇹🇭 Таиланд она қироличаси Сирикит вафот этди, давлат хизматчилари учун бир йиллик мотам эълон қилинди — Associated Press

Қироллик саройи бюроси баёнотига кўра, 93 ёшли она қиролича Сирикит Бангкокдаги шифохонада вафот этган. У 2012 йилда инсултга учраган ва шундан бери деярли жамоатчилик ҳаётида иштирок этмаган. Унинг эри, қирол Пҳумипон Адулядет, 2016 йил октябр ойида вафот этган эди.

Таиланд бош вазирининг хабар беришича, мамлакатдаги барча ҳукумат идораларида давлат байроғи бир ой туширилган ҳолда туради, давлат хизматчилари эса бир йил давомида мотам тутади.

"Сирикит Таиландда катта ҳурмат ва муҳаббатга сазовор бўлган. Унинг портретлари уйлар, офислар ва жамоат жойларини безаб турган, туғилган куни эса мамлакатда Оналар куни сифатида нишонланган. Сирикит камбағал аҳолига ёрдам бериш, анъанавий ҳунармандчилик анъаналарини сақлаш ва атроф-муҳитни муҳофаза қилиш бўйича қироллик лойиҳаларини назорат қилган", дея ёзмоқда Associated Press.

🔥 @burchakostida

🇹🇷 Эрдўғаннинг рақиби Имомўғлу коррупция иши бўйича оқланди — Cumhuriyet

Нашрнинг хабар беришича, Туркия суди Истанбулнинг собиқ мэри Экрем Имомўғлуни у Бейликдузу туманига раҳбарлик қилган даврдаги коррупция иши бўйича оқлади.

Экрем Имомўғли ва яна олти киши устидан иш 2023 йил январ ойида қўзғатилган. Айбловга кўра, сиёсатчи 2015 йилда Бейликдузу тумани ҳокими лавозимида ишлаган чоғида тендер натижаларини сохталаштиришда иштирок этган. Бунинг ортидан эса унга уч йилдан етти йилгача қамоқ жазоси таҳдид солаётганди.

Судланувчининг адвокати Нусрет Йилмаз суд мажлисида айблов томони беш маротаба ўтказилган суд жараёнларига қарамай, ҳали ҳам айблов хулосасини тайёрламаганини танқид қилган.

"Суд Имомўғлв ва Бейликдузу туманининг олти нафар собиқ ходимини жиноят таркибининг аниқланмагани сабабли коррупция ишида оқлади", дейилади хабарда.

Март ойида Эрдўғаннинг асосий сиёсий рақиби, мухолифат томонидан 2028 йилги президентлик сайловларида номзод этиб кўрсатилган Истанбул мэри Экрем Имамўғли ҳам ҳибсга олинган эди. Сўнгги ойларда Туркияда минглаб одамлар иштирокида мухолифат норозилик намойишлари ўтказилмоқда, уларда Эрдўғаннинг истеъфоси талаб қилинмоқда.

🔥 @burchakostida

#бурчакстат

Tesla’нинг йиллик даромади 37 фоизга камайди

Tesla 2025 йилнинг учинчи чорагидаги соф фойдаси ўтган йилнинг шу даврига нисбатан 37 фоизга тушди, дея маълум қилди компания 22 сентябр куни эълон қилган ҳисоботида.

Июлдан сентябргача бўлган даврда компаниянинг жаҳон бозоридаги соф фойдаси 1,37 миллиард долларни ташкил этди, бу эса 2024 йилнинг шу давридаги 2,17 миллиард долларга нисбатан анча паст кўрсаткичдир. Йил бошидан сентябргача бўлган умумий натижалар ҳам 37 фоизга пасайган. Компания бунинг сабабини АҚШ божхона тўловлари ва ички қайта ташкилотлаштириш жараёнларига боғлиқ харажатлар ошиши билан изоҳлаган.

Таҳлилчиларнинг фикрича, сўнгги чорак компания учун янада қийин кечиши мумкин. Сентябр ойида кузатилган сотувлар ўсиши келаси ойларда секинлашиши эҳтимол қилинмоқда. Шу билан бирга, Tesla бу йил электр транспорт воситалари бозоридаги етакчиликни Хитойнинг BYD компаниясига бой берди, ҳозирда айнан шу компания жаҳон бозорида устунликни сақлаб турибди.

🔥 @burchakostida

🇺🇦🇷🇺 Шу йилнинг бошидан бери Россия Украинага ҳужумларда тахминан 770 та баллистик ракета ва 50 дан ортиқ “Кинжал” ракетасини учирди — Украина президенти Володимир Зеленский.

🔥 @burchakostida

🇷🇺🇺🇦 Россия-Украина можаросини ҳал этиш “атиги бир неча элементдан иборат”, — Россия президентининг махсус вакили

Кирилл Дмитриевнинг сўзларига кўра, улардан бири Украина учун хавфсизлик кафолатларини таъминлаш ҳисобланади.

"Россия Украина учун хавфсизлик кафолатлари масаласига доимо очиқ. Шунингдек, можародан анча олдин украин кучлари ҳужумига учраган рус аҳолиси билан боғлиқ ҳудудий масала ҳам мавжуд", — деди Путиннинг махсус вакили.

Дмитриев учинчи элемент сифатида Украинанинг нейтраллик масаласини тилга олди ва буни "Россия хавфсизлиги учун муҳим" деб атади.

🔥 @burchakostida

🇩🇪 Германияда мамлакатнинг собиқ энг йирик атом электр станцияси портлатилди

Маҳаллий оммавий ахборот воситаларининг хабар беришича, АЭСнинг 160 метр баландликдаги иккита совутиш минораси миналанган ҳолда йўқ қилинган.

Қайд этилишича, бу воқеа Германияда атом энергияси даврининг якунланишини ва янги босқичнинг бошланишини англатади. Мамлакат атом энергетикасидан тўлиқ воз кечган ва барча АЭСларни ёпган.

🔥 @burchakostida

🇭🇺🇷🇺🇺🇸🇺🇦 Будапештда тинчлик саммити албатта бўлиб ўтади — Венгрия бош вазири

"АҚШда Доналд Трамп раҳбарлик қилаётган пайтда келишувлар амалга ошади. Европа эса ахлоқий даъватлар билан ўзини фалаж ҳолатига келтиради. Будапештдаги тинчлик саммити албатта ўтказилади, Европа эса томошабинга айланиши мумкин", — дея фикр билдирди Виктор Орбан.

🔥 @burchakostida

🇺🇸🇪🇺🇺🇦🇷🇺 АҚШ Россияга қарши янги санкциялар киритиш имкониятини кўриб чиқмоқда, бироқ Европа томонидан босимнинг кучайишини кутмоқда — Reuters

Агентликнинг ўз манбаларига таяниб хабар беришича, Трамп маъмурияти қўшимча санкциялар тўпламини ишлаб чиққан бўлиб, агар Москва Украинадаги урушни тугатиш учун чоралар кўрмаса, бу санкциялар Россия иқтисодиётининг асосий тармоқларига қарши қўлланилиши мумкин.

Манбаларнинг таъкидлашича, Вашингтон томонидан тайёрланган чоралар орасида Россиянинг банк сектори ва нефт экспортини таъминловчи инфратузилмага нисбатан чекловлар кўриб чиқилмоқда. АҚШ, шунингдек, Европа Иттифоқининг Киев учун Америка қурол-аслаҳаларини харид қилишни молиялаштириш мақсадида музлатилган Россия активларидан фойдаланиш ташаббусини қўллаб-қувватламоқда ва ўзи ҳам шунга ўхшаш қадамлар қўйиш эҳтимолини инкор этмаяпти.

Яқинда Украина вакиллари Оқ уйга санкцияларни кенгайтириш, жумладан, Россия банкларини доллар билан ҳисоб-китоб тизимидан бутунлай узиб қўйиш бўйича таклифлар тақдим этди. АҚШ бу чораларни қачон амалга ошириши ҳозирча номаълум бўлса-да, манбалар маъмурият пухта ўйланган босим воситаларига эга эканлигини таъкидлашмоқда.

🔥 @burchakostida

🇺🇸🇶🇦 АҚШ президенти Малайзияга боришда Қатар амири билан учрашади — Оқ уй матбуот хизмати

Хабар берилишича, Доналд Трампнинг самолёти Малайзияга парвоз давомида ёнилғи қуйиш учун Қатар ҳудудидаги Ал-Удейд базасида тўхтаб ўтади. Ўша пайтда президент Air Force One бортида Қатар амири  Шайх Тамим бин Ҳамад Ол Соний билан учрашади билан учрашув ўтказилади.

Маълумотларга кўра, учрашувда АҚШ Давлат котиби Марко Рубио ва Қатар бош вазири Муҳаммад бин Абдураҳмон Ол Соний ҳам иштирок этади.

🔥 @burchakostida

🇺🇸 Трамп АҚШ ҳарбий флотини янгилашни ва уни “Олтин флот” деб аташни режалаштирмоқда — Тhe Wall Street Journal

Нашр маълумотларига кўра, Қўшма Штатларнинг янгиланган флоти Хитойга қарши ҳаракатларга мўлжалланади ва таркибига 280–300 та кема, жумладан гипертовушли ракеталар билан жиҳозланган фрегатлар ҳамда бошқарувчисиз кемалар киради.

🔥 @burchakostida

🇬🇧 Буюк Британияда юзлаб маҳкумлар хатолик туфайли озодликка чиқарилган — Sky News

Телеканалнинг ҳукумат статистикасига таяниб хабар беришича, Буюк Британияда 2024 йилнинг мартидан 2025 йилнинг мартигача бўлган даврда 260 дан ортиқ маҳкум хатолик билан озод қилинган, бу ўтган йилги кўрсаткичдан 128 фоизга кўп.

Маълумотларга кўра, хатолик сабаб 233 киши қамоқхонадан, яна 29 нафари суд залидан озод этилган. Бу рақамлар эфиопиялик ноқонуний муҳожир Хадуш Кебатунинг хатолик туфайли озод қилиниши билан боғлиқ жанжал фонида эълон қилинган. Кебату жинсий жиноятлар учун судланган ва унинг озод қилиниши бутун мамлакат бўйлаб жамоатчилик норозилигига сабаб бўлган.

🔥 @burchakostida