🇩🇪🇬🇧🇮🇹🇳🇱 Германияда NATO'нинг тўрт давлати иштирокида ҳарбий машғулотлар бошланди — NTV

Телеканалнинг Германия Мудофаа вазирлигига таяниб хабар беришича, ушбу машғулотларга тахминан 1,2 минг аскар ва 500 та ҳарбий техника жалб қилинган.

"Мазкур машғулотлар давомида Германия, Буюк Британия, Нидерландия ва Италия аскарлари икки ҳафта давомида денгизда кенг кўламли ҳарбий машқлар ўтказади", дейилади хабарда.

🔥 @burchakostida

​​Яқин кунларда Ғарбий Европани жазирама иссиқ қамраб олади — Deutsche Welle

Метеорологларнинг кутилмаларига кўра, Римда ҳарорат Целсий шкаласи бўйича 37 даражагача кўтарилади, Франциянинг порт шаҳри Марселда эса 40 даражагача етади. Италия жанубидаги Палермода +39°C иссиқ кутилаётгани сабабли Сицилия расмийлари куннинг энг иссиқ соатларида очиқ ҳавода ишлашни тақиқлади, бундай чорани Италия шимолидаги Лигурия минтақаси ҳам жорий қилди.

29 июн куни Португалия қутқарув хизматлари мамлакатдаги ўрмон ёнғинлари хавфига тайёр ҳолатда бўлиши эълон қилинган. Мамлакат пойтахти Лиссабонда ҳаво +42°C иссиқ бўлиши кутилмоқда. Шунингдек, ўтган йиллар давомида ҳалокатли ёзги ёнғинларга дуч келган Испаниянинг катта қисмида ҳам ҳарорат 40°C даражадан ошиши тахмин қилинмоқда. Ғарбий Германияда эса июл ойининг дастлабки икки кунида ҳарорат +35°C даражага етиши кутилмоқда.

Европа Иттифоқининг Copernicus иқлим хизмати маълумотларига кўра, кучли иссиқ Европа қитъасида қайд этилган энг иссиқ март ойи каби рекорд даражадаги ҳароратлар кетма-кетлигидан кейин юзага келмоқда. Олимлар узоқ вақтдан бери инсоният томонидан углеводород ёқилғиларидан фойдаланишни глобал иқлим исишининг асосий сабабчиси деб огоҳлантириб келмоқда, бу эса атроф-муҳит учун ҳалокатли оқибатларга олиб келмоқда. Европадаги тобора кучли ва тез-тез такрорланаётган ёзги иссиқ тўлқинлари эса ушбу глобал исишнинг бевосита натижаси ҳисобланади.

🔥 @burchakostida

🇮🇷🇮🇱 Исроил томонидан ўлдирилгани эълон қилинган Эрон олий раҳбарининг бош маслаҳатчиси тирик эканлиги аниқланди — Clash Report

Оммавий ахборот воситалари Али Шамхонийнинг Теҳронда қўриқчилар қуршовида тушган суратини чоп этди.

Исроил Шамхоний 13 июнда амалга оширилган ҳужумдаги олган жароҳатлари оқибатида вафот этгани ҳақида эълон қилган эди.

Аввалроқ Исроил томонидан "ўлдирилгани" эълон қилинган Эрон Ислом инқилоби қўриқчилари корпусининг “Ал-Қудс” махсус кучлари қўмондони Исмоил Қаъани ҳам тирик эканлиги маълум бўлганди.

🔥 @burchakostida

🇮🇷 Эрон ўз ҳудудининг марказий ва қисман ғарбий қисми устида ички ва халқаро авиақатновлар учун ҳаво маконини очди, дея хабар бермоқда Эрон расмийлари.

🔥 @burchakostida

🇩🇪🇷🇺 Bild: Германия Болтиқ денгизи устида Россиянинг Ил-20М самолёти қайд этилгани туфайли қирувчи самолётларини ҳавога кўтарган

Нашрнинг хабар беришича, Калининграддан учган самолёт транспондерларини ўчириб, алоқага чиқмаган ҳолда ҳаракат қилган. Германиянинг иккита Eurofighter қирувчи самолёти мамлакат қирғоқларидан 100 километр масофада Россия самолёти билан визуал алоқа ўрнатган ва учувчилар рус самолётини суратга олган.

Ил-20М Ғарб томон парвозини давом эттириб, Узедом оролидан 40 километр масофада Германия ҳаво ҳудудини бузмаган ҳолда йўналишини шимолга ўзгартирган ва узоқлашган.

Bild манбаларига кўра, бу NATO қирувчиларининг Россия самолётлари яқинлашгани туфайли бир йил ичида тўққизинчи марта ҳавога кўтарилиш ҳолати ҳисобланади.

🔥 @burchakostida

🇮🇷 Эрон энди МАГАТЭ раҳбарини ўз ядровий обектларига киритмайди — мамлакат парламенти вице-спикери

"Биз, шунингдек, ўз ядровий обектларимизда МАГАТЭ томонидан кузатув камералари ўрнатилишига рози бўлмаймиз", — дея таъкидлади Эрон парламенти вице-спикери Ҳамид Ризо Ҳожи Бобоий.

Аввалроқ Эрон парламенти мамлакатнинг Халқаро атом энергияси агентлиги (МАГАТЭ) билан ҳамкорлигини тўхтатиш назарда тутилган қонунни қабул қилган эди. Шу фонда ташкилот инспекторларига Эронга кириш тақиқланди, бироқ бу МАГАТЭ раҳбари Рафаэл Гроссига тааллуқли ёки йўқлиги номаълумлигича қолаётганди.

Эрон агентликни АҚШ ва Исроилнинг ўз ядровий объектларига ҳужумларига ёрдам беришда ва бу ҳужумларни тўғридан-тўғри қораламаганликда айбламоқда.

Қўшма Штатларнинг Эрондаги ядровий объектларга зарбаларидан кейин МАГАТЭ раҳбари Рафаэл Гросси Теҳронда ўз ядро дастурини давом эттириш учун ресурслар қолганини билдирган ва бойитилган уран захираларини текшириш учун зарарланган объектларга киришни талаб қилган эди.

🔥 @burchakostida

🇩🇪🇺🇦🇷🇺 Германия канцлери Украинада вазият янада кескинлашишидан хавотирдалиги сабабли Россия президенти билан телефон орқали гаплашмоқчи эмаслигини айтди

Фридрих Мерц Süddeutsche Zeitung нашрига берган интервюсида Венгрия бош вазири Виктор Орбаннинг Москвага ташрифи, шунингдек, Германиянинг собиқ канылери Олаф Шолцнинг Владимир Путин билан телефон орқали мулоқотидан кейин Россия жанговар ҳаракатларни фаоллаштирганини маълум қилди.

🔥 @burchakostida

🇷🇺 Москвада Владимир Путин ва Чеченистон раҳбарининг ўғли Адам Қодиров ўртасида норасмий учрашув бўлиб ўтди

Бу ҳақда Чеченистон миллий сиёсат, ташқи алоқалар, матбуот ва ахборот вазири Аҳмад Дудаев маълум қилди.

"Россия президенти билан учрашув норасмий муҳитда ўтди, аммо самимият ва илиқлик билан тўла бўлди. Владимир Владимирович Адам Рамзановични бўлажак никоҳ тўйи билан шахсан табриклаб, унга мустаҳкам оилавий бахт ва Чеченистон Республикасига ҳамда буюк Ватанимизга хизматда ютуқлар тилади", — деди Дудаев.

Аввалроқ Чеченистон раҳбари Рамзан Қодиров Россия президент Владимир Путинга Адам Қодировни оила қуриши муносабати билан шахсан табриклагани учун миннатдорлик билдирган эди.

27 июн куни Чеченистон раҳбарининг қизи Айшат Қодирова 17 ёшли укаси Адам уйланаётганлиги ҳақида маълум қилган эди. Айшатнинг айтишича, тўй Қодировлар авлоди туғилиб ўсган қишлоқдаги уйда бўлиб ўтади. Кремл ҳозирча бу табрик ҳақида расмий баёнот бергани йўқ.

🔥 @burchakostida

🇷🇺Свердловск вилоятида “бир қатор қотилликлар ва қотилликка уринишларда гумон қилинаётган этник жиноий гуруҳ” фош этилди

Бу ҳақда Свердловск вилояти Тергов қўмитаси хабар берди.

Тергов маълумотларига кўра, жиноий гуруҳ иштирокчилари 2001, 2010, 2011 йилларда Екатеринбургда содир этилган бир қатор қотиллик ва суиқасдларга алоқадор.

"Бир неча гумонланувчи аллақачон айбини тан олиб, тергов билан ҳамкорлик қилмоқда, уларнинг яшаш жойларида тинтувлар ўтказилган. Қўлга олинганларга нисбатан қамоққа олиш тарзидаги эҳтиёт чорасини қўллаш масаласи ҳал қилинмоқда. Жиноят иши бўйича далилларни тўплаш бўйича тергов ҳаракатлари давом этмоқда. Шунингдек, айбланувчилар бошқа жиноятларга алоқадорлик бўйича текширилмоқда", дейилади Тергов қўмитаси баёнотида.

🔥 @burchakostida

🇷🇸 Сербияда талабалар ва мухолифат тарафдорлари Белград марказидаги Славия майдонини ва унга туташ кўчаларни тўсиб қўйишди — РИА Новости

Бугун маҳаллий вақт билан соат 23:00 да мухолифатнинг муддатидан олдин парламент сайловлари санасини белгилаш ва президент тарафдорлари томонидан парламент олдида ўрнатилган чодирларни олиб ташлаш талаб қилинган ултиматуми муддати якунланади.

Сербия президенти Александар Вучич бугун кечки норозилик акцияси иштирокчилари томонидан тартибсизликлар содир этилишини кутаётганини маълум қилди.

🔥 @burchakostida

🇺🇸АҚШ Давлат департаменти ходимларининг руҳияти режалаштирилаётган оммавий қисқартиришлар, шунингдек, Яқин Шарқдан америкаликларни эвакуация қилиш зарурати туфайли юзага келган ортиқча иш юкламалари сабаб кескин тушиб кетган — The Washington Post.

🔥 @burchakostida

🇺🇸🇮🇷 Трамп Эроннинг тинч атом дастурини ривожлантириш учун 30 миллиард доллар ажратиш имконияти кўриб чиқилаётгани ҳақидаги маълумотни рад этди

Қўшма Штатлар президентининг сўзларига кўра, оммавий ахборот воситалари томонидан тарқатилаётган бундай янгиликлар мутлақо асоссиз ва ҳақиқатга тўғри келмайди.

"Оммавий ахборот воситаларида сохта янгиликлар тарқатувчилар шармандали одамлар саналади. “Президент Трамп Эронга 30 миллиард доллар бермоқчи эмиш”, дейишмоқда. Бу каби хабарларга асос йўқ. Мен бу бемаъни ғояни ҳеч қачон эшитмаганман. Бу – яна бир ёлғон, сохта хабар, фақат обрўйимни тушириш учун тарқатилган. Бу одамлар ҳақиқатдан ҳам касал", — деб ёзди Доналд Трамп Truth Social ижтимоий тармоғидаги саҳифасида.

Аввалроқ CNN телеканали АҚШ Эроннинг тинч ядро дастурига 30 миллиард долларгача инвестиция киритиш таклифини ишлаб чиққани ҳақида хабар берган эди. Бу дастур уранни бойитмасдан, фақат фуқаролик энергияси мақсадларида фойдаланишни назарда тутади.

Маълумотларга кўра, бу инвестиция Вашингтон томонидан ажратилмайди, маблағ Қўшма Штатларнинг араб ҳамкорлари (эҳтимол, Қатар, БАА ва Саудия Арабистони) томонидан берилади.

🔥 @burchakostida

🇷🇺🇫🇮 Yle: Россия бомбардимончи самолётлар ишлаб чиқарувчи заводини кенгайтирмоқда

Финландиянинг Yle жамоат телерадиокомпанияси Planet Labs томонидан олинган сунъий йўлдош тасвирларини таҳлил қилиб, Қозон авиация заводи кенгайтирилаётгани ҳақида хулосага келди.

Телеканалнинг хабар беришича, бу Россияда Украина ҳудудларига ҳужумларда қўлланиладиган ва ядровий қурол ташишга қодир оғир бомбардимончи самолётлар ишлаб чиқарадиган ягона корхона ҳисобланади. Шунингдек, бу ерда фуқаролик авиацияси самолётлари ҳам ишлаб чиқарилади.

"Завод ҳудудининг сунъий йўлдош орқали олинган суратларида янги бинолар кўринмоқда, улардан энг каттаси тахминан 320 метр узунликда ва тахминан 19 минг квадрат метр майдонни эгаллайди, бу учта футбол майдонига тенг.

"Сунъий йўлдош суратларида кўплаб янги ишлаб чиқариш майдонлари пайдо бўлгани аниқ кўринади. Бироқ бу Россия авиация саноати муаммоларини ҳал қилмайди", — дея фикр билдирди Финляндия ҳарбий разведкасида узоқ йиллар хизмат қилган ва Россия Қуролли кучларини 20 йилдан ортиқ кузатиб келаётган ҳарбий эксперт Марко Эклунд.

🔥 @burchakostida