🇹🇷🇮🇱 Туркия Исроил билан савдо алоқаларини тўхтатиб қўйди — Bloomberg

Агентликнинг турк расмийларига таяниб ёзишича, Туркия бугундан бошлаб Исроил билан барча импорт ва экспорт жарайoнларини тўхтатган.

Туркия Статистика институти маълумотларига кўра, 2023 йилда икки давлат ўртасидаги товар айирбошлаш ҳажми 6,8 миллиард долларни ташкил этган бўлиб, шундан 76 фоизи Туркия экспорти ҳисобланади.

🔥 @burchakostida

🇨🇭🇺🇦🇷🇺 Швейцария 160 дан ортиқ давлатни тинчлик саммитига таклиф қилди

Бу ҳақда Швейцария ҳукумати сайтидаги хабарда айтилади.

Мамлакат, шунингдек, бошқа давлатлар қатори, Россияни ҳам ушбу саммитга таклиф қилишга тайёрлигини билдирди.

"Швейцария Россияни саммитга таклиф қилишга доим очиқ, бироқ Россия бу биринчи саммитда иштирок этишдан манфаатдор эмаслигини бир неча бор ва ошкора таъкидлаган", — дейилади хабарда.

🔥 @burchakostida

🇮🇱 Исроил полицияси Тел-Авивда бош вазири Бинямин Нетаняҳунинг кортежига ҳужум уюштиришга уринганликда гумон қилиб, бир кишини ҳибсга олди

Бу ҳақда Исроил полицияси матбуот хизмати хабар бермоқда.

Полиция маълумотларига кўра, қўлга олинган шахс йўл ҳаракатига тўсқинлик қилган. Ҳодиса Тел-Авив марказидаги Дизенгофф кўчасида содир бўлган. Қўлга олинган 58 ёшли эркак сўроқ қилинмоқда. Унинг шахси ҳақида батафсил маълумотлар берилмаган.

🔥 @burchakostida

🇬🇧🇺🇦🇷🇺 Буюк Британия Ташқи ишлар вазири Дэвид Кэмерон Киевга ташрифи чоғида Украина Россия ҳудудига Британия қуроллари билан зарба беришга ҳақли эканини айтди — Reuters.

🔥 @burchakostida

🇫🇷🇺🇦🇷🇺 Эммануэл Макрон француз қўшинларини Украинага юбориш имкониятини истисно қилмаслиги ҳақидаги баёнотини тасдиқлади

Франция президентининг сўзларига кўра, Украинанинг Ғарбдаги иттифоқчилари ўз ҳаракатлари чегарасини аниқ белгилаш орқали Россияга имконият бермаслиги керак.

"Аввал ҳам айтганимдек, мен ҳеч нарсани истисно қилмайман, чунки биз қаршилик қилаётганлар ҳеч нарсани истисно этмайди. Агар руслар фронтни ёриб ўтишса ва Украинадан расмий сўров бўлса, шундан кейин бу масалани жиддий ўйлаб кўришга мажбур бўламиз. Айтиш мумкинки, бугунги кунда вазият бундай эмас. Менимча, бу имкониятни инкор этиш охирги икки йилдаги воқеалардан хулоса чиқармаслик бўлади", — дея ўз фикрини изоҳлади Макрон The Economist журналига берган интервьюсида.

Президентнинг фикрича, европаликлар Россияга “нима қилиши ёки қилмаслигимиз ҳақида тўлиқ тасаввур” бермаслиги керак.

🔥 @burchakostida

🇬🇪 Тбилисида “хорижий агентлар” тўғрисидаги қонунга қарши норозилик намойиши иштирокчилари ҳукуматга ўз талабларини илгари сурди

Талаблар қуйидагиларни ўз ичига олади:
— “Хорижий агентлар” тўғрисидаги қонунни бекор қилиш;
— Олдинги намойишларда ҳибсга олинганларнинг барчасини озод қилиш;
— Махсус воситалардан номутаносиб фойдаланган ҳолда олдинги намойишларни тарқатиб юборишда иштирок этган хавфсизлик кучлари вакилларини жавобгарликка тортиш.

Маҳаллий оммавий ахборот воситаларига кўра, намойишчилар барча талаблари қондирилмагунча, ҳукуматтга бўйсунмасликларини эълон қилган.

🔥 @burchakostida

🇺🇸 АҚШ суди Binance криптобиржаси асосчисини 4 ойлик қамоқ жазосига ҳукм қилди

Сиэтл федерал суди дунёда энг йирик бўлган Binance криптобиржаси асосчиси Чанпэн Чжаони тўрт ойлик қамоқ жазосига ҳукм қилди, дея хабар бермоқда  Reuters. Прокурорлар унга уч йиллик қамоқ жазосини сўраган эди.

Суд 47 ёшли Чжаони АҚШнинг пул ювишга қарши кураш қонунларини бузганликда айбдор деб топди. Прокурорлар Binance раҳбариятини 100 000 та шубҳали транзакцияни, жумладан, ҲАМАС, Ал-Қоида ва ИШИД гуруҳларига ўтказмаларни яширишда айблади. Шунингдек, айблов хулосасида келтирилишича, биржа болалар жинсий зўравонлик материалларини сотишни қўллаб-қувватлаган ва товламачиликдан тушган даромаднинг катта қисмини олиб келган.

Binance 4,32 миллиард доллар жарима тўлашга рози бўлди, Чжао эса 50 миллион доллар жиноий жарима тўлади, яна 50 миллион долларни АҚШ Товар фьючерс савдо комиссиясига берди.

🔥 @burchakostida

🇺🇸🇸🇦 АҚШ ва Саудия Арабистони Яқин Шарқни ўзгартириши мумкин бўлган мудофаа пактини тузишга яқин турибди — Bloomberg

Битим Ар-Риёдга Американинг илғор қуролларидан фойдаланиш имконини беради ва Исроилга Ғазо урушини тугатиш учун рағбатлар тақдим этади.

Америка Қўшма Штатлари ва Саудия Арабистони қиролликка хавфсизлик кафолатларини берувчи, Исроил Ғазо секторидаги урушни тўхтатса, у билан дипломатик муносабатларга йўл очувчи мудофаа пактини тайёрламоқда, деб хабар бермоқда агентлик нашри манбаларига таяниб.

Bloomberg маълумотларига кўра, келишувнинг бир қисми сифатида Саудия Арабистони “Американинг илгари тақиқланган илғор қуролларига” кириш ҳуқуқига эга бўлиши мумкин. Бундан ташқари, араб мамлакати АҚШнинг сунъий интеллектга сармояси ва фуқаролик ядровий дастурини ишлаб чиқишдаги ёрдами эвазига Хитой технологиясининг ўз мамлакати тармоқларига киришини чеклаши шарт бўлади.

🔥 @burchakostida

🇮🇪🇬🇧 Ирландия муҳожирларни Буюк Британияга чиқариб юбориш учун қонунларини ўзгартиради — AFP

Бу Буюк Британиядан мамлакатга кириб келаётган ноқонуний муҳожирлар оқимининг кўпайиши фонида юз бермоқда. Ирландия Адлия вазирлиги маълумотларига кўра, бошпана изловчиларнинг 80 фоизи Буюк Британия таркибига кирувчи Шимолий Ирландияда ҳудудидан мамлакатга кириб келади. Буюк Британиядан фарқли ўлароқ, Ирландия Европа Иттифоқи аъзоси, шу сабабли, муҳожирларга қўйиладиган талаблар мамлакатларда фарқланади.

Ирландия Адлия вазири Хелен Макэнти томонидан ҳукуматга тақдим этилиши кутилаётган янги қонун лойиҳасига Ирландияда яшаш учун рухсатнома ололмаган шахсларни Буюк Британияга депортация қилиш имконияти ҳақида таклиф киритилиши мумкин.

🔥 @burchakostida

🇬🇪🇺🇸 Грузия бош вазири Вашингтоннинг “хорижий агентлар” тўғрисидаги қонунни кўриб чиқишни тўхтатиш ҳақидаги сўрови туфайли АҚШга ташрифини бекор қилди

Бу ҳақда Грузия Ташқи ишлар вазирлиги маълум қилди.

"Ташрифни шартлар билан ўтказиш ўзаро ҳурмат ва ишончга асосланиши керак бўлган шериклик руҳига тўғри келмайди", дейилади Грузия ТИВ баёнотида.

АҚШ Давлат департаменти вакили Нед Прайс Тбилисининг баёнотларини рад этди, шу билан бирга, агар “хорижий агентлар” тўғрисидаги қонун қабул қилинса, Грузия расмийларига қарши санкциялар қўлланилиши мумкинлигини истисно этмади.

🔥 @burchakostida

🇳🇪🇷🇺🇺🇸 Россия қўшинлари Нигердаги Америка ҳарбий ҳаво базасига жойлаштирилди — Reuters

Агентлик бу ҳақда АҚШ Мудофаа вазирлигининг юқори мартабали мулозимига таяниб хабар бермоқда.

"Руслар Ниамейдаги ҳарбий базанинг алоҳида комплексида жойлашган. Улар Қўшма Штатлар қўшинлари ва ҳарбий техникасидан фойдаланиш ёки уларни кузатиш имконига эга эмас", — дея ҳолатга изоҳ берди Пентагон раҳбари Ллойд Остин.

Аввалроқ Нигердаги ҳарбий хунта раҳбарияти ва АҚШ расмийлари ушбу мамлакатдаги барча америкалик ҳарбийларни олиб чиқилиши бўйича келишувга эришилгани хабар қилинган эди.

🔥 @burchakostida

🇷🇺 Financial Times: Россиянинг Музлатилган активларини тўлиқ мусодара қилиш ғояси энди муҳокама қилинмаяпти

Бу ҳақда G7нинг бир-биридан мустақил бўлган расмийлари маълум қилди.

Нашрнинг ёзишича, ҳозирда мусодара қилиш ўрнига, Ғарб давлатлари блокланган маблағлардан фойдаланишнинг муқобил усулларини ўрганмоқда.

🔥 @burchakostida

#бурчакстат

Океан саломатлиги индекси

Океанлардаги жорий ҳолат ва экотизимнинг инсониятга таъсирини баҳолашнинг муҳим йўлларидан бири "Океан саломатлиги индекси"дир.

Эритрея 54,8 индекс билан таҳлил қилинган 220 мамлакат ва минтақалар орасида энг паст ўринни эгаллади, Кот-Д'Ивуар ва Конго Республикаси мос равишда 54,9 ва 55,9 балл билан ундан олдинги ўринларда туради. Ҳар учала давлат ҳам озиқ-овқат хавфсизлиги суб-индексида ёмон баҳо олган, Эритрея эса яшаш ва иқтисод сегментида атиги уч баллга эга, Кот-Д'Ивуар ва Конго Республикасининг натижалари эса қирғоқни муҳофаза қилиш суб-индексида сезиларли яхшиланганини кўришимиз мумкин.

Африка қитъасидаги кўплаб мамлакатлар ёмон балл тўплаган бўлса-да, қитъанинг шарқий қирғоқларидаги баъзи оролларда бунинг аксини кўришимиз мумкин. Масалан, Сейшел ороллари 100 000 дан ортиқ аҳолига эга мамлакатлар орасида 86,6 балл билан табиий маҳсулотлар, углеродни сақлаш, туризм ва дам олиш учун тўлиқ балл олган мамлакатлар орасида биринчи ўринда туради. Африка қирғоқларидан 320 мил узоқликда жойлашган яна бир ороллар гуруҳи бўлган Майотте 83,9 балл билан учинчи ўринда, Португалия эса 83,6 балл билан юқори ўнталикдан жой олган Европанинг ягона вакили ҳисобланади. Умуман олганда, глобал индекс бўйича ўртача балл 73,5 ни ташкил этмоқда.

"Океан саломатлиги индекси", лойиҳаси веб-сайтида ёзилишича, "океан тизимлари одамларга керакли имтиёзлар ва хизматларни қанчалик барқарор таъминлашини ўлчайди" ва биринчи марта 2012 йилда нашр этилган. Мутахассислар ушбу индекс доирасида биологик хилма-хиллик, тоза сув ва углеродни сақлаш, шунингдек, озиқ-овқат хавфсизлиги, туризм ва дам олиш каби ўнта асосий йўналиш бўйича кўрсаткичларни кўриб чиқади.

🔥 @burchakostida

🇸🇪 Швеция ташқи ишлар вазирлиги “Шимолий оқим” портлашлари бўйича халқаро тергов ўтказиш зарур деб ўйламаяпти

Бу ҳақда РИА Новости агентлигига ТИВ матбуот хизмати маълум қилди.

Эслатиб ўтамиз, Хитой Халқ Республикасининг БМТдаги доимий вакили ўринбосари Генг Шуанг аввалроқ “Шимолий оқим”даги теракт юзасидан БМТ бошчилигида халқаро терговни тезроқ бошлашга чақиришини айтган эди.

🔥 @burchakostida