Дунёдаги энг ёқимли смс 🫠

Совет кишиси совет мактабларида сифатли таълим кўрганми?

Кўпгина ҳолларда “homo sovietiques”нинг совет мактабларида зўр таълим кўргани ҳақида айтишади. Бу 30% га тўғри, аммо 70% га нотўғри хулоса. Буни ҳаётимиздаги оддий мисоллар билан тушунтириш мумкин.

Ҳозирги кунда камроқ, аммо 15-20 йиллар олдин, 90 йилларнинг бошида ҳам оилаларда келинлар қиз туққани учун сиқувга олинган, ҳатто калтакланган ҳам. Аслида оилада қиз фарзанд туғилишига келинлар сабабчими? Йўқ. Аммо совет кишиси оддий мактаб дарслигини ҳам қисман ўзлаштира олмагани сабабли келинларни айблайди.

Хўш, унда қиз фарзанд туғилишига ким сабабчи? Ҳеч ким сабабчи эмас ва буни ҳеч ким назорат қила олмайди. Демак, мактабга қайтиб 8-синф одам анатомияси дарсидан битта мавзуни қайта тушунтириб бераман сизларга. Чунки каналим обуначилари ҳам “совет кишиси” сингари чала билим соҳиби бўлиб қолишмасин.

Аёл ўзида 1 та хромосомани ташийди, Х хромосомаларни. Х хромосомалар аёл жинсига мансуб эмбрионни ҳосил қилади. Яъни XX - аёл, XY - эркак. Эркак эса 2 та: Х ёки Y хромосомани ташийди. Агар жинсий алоқа вақтида эркак сперматозоидининг Х хромосомаси аёл бачадонига тезроқ етиб борса, ҳомила жинси аёл бўлади. Агар Y хромосома тезроқ етиб борса ҳомила жинси эркак бўлади.

Эрекция вақтида эркак сперматозоидида 1 млн.га яқин хромосома бўлади. Шунинг 50% Х, қолган ярми эса Y хромосомалардир. Ана шу 1 млн.та хромосомадан фақат 1 тасигина уруғдонга етиб боради. Қайси турдаги хромосома уруғдонга биринчи етиб бориши лотореядек гап.

Қисқача қилиб айтганда тангани осмонга отсангиз гербли томони тушиш эҳтимоли 50%, орқа томони тушиш эҳтимоли 50% ни ташкил этади. Шу сабабли бола жинси билан боғлиқ жанжалларга нуқта қўйиш учун ҳеч бўлмаса мактабда яхши ўқинг.

Рак касалидан даволанаётгани учун узоқ вақтдан буён акаси ва опасини кўролмаган қизалоқ.

Бундай қўшиқ услубини ўйлаб топган қизча бундан соққа қиляптими йўқми билмадим. Лекин мени жияним қўшиқ айтиб соққа қиляпти.

Кеча кичкина жияним битта қурт эвазига опасига шу қўшиқни айтиб видео қилишга рози бўлибди. Ўзимизни оилавий гуруҳ бўлгани учун арзонга кўнибди. Кейин опаси синфдошларига жўнатгани учун алоҳида видео олмоқчи бўлган экан опасидан 2000 сўм олибди. 😂😂😂

Жиянларим шустрий

Смсларни ўчириб юбориш ҳақида. График рассомим бор эди, қиз бола. Бир лойиҳани бошлаган эдик. Наъмуналар чизганди, анча меҳнат кетган. Маблағлар сабаб лойиҳа озроқ тўхтаб қолганди. Пул топиб давом эттираман десам, не кўз билан кўрайки, смсларни ўчириб ташлабди. На телеони бор ва на бошқа тармоқлардаги аккаунти. Шунақа иш қилманглар энди. Мен севги изҳор қилиб ёзибманми ўчириб ташлайдиган. Эртадан бошлаб мен ҳам ҳаммани блоклаб чиқаман. Чунки эртага лавозимим ошади 😂

моро бўсинми, лавозимим бакалаврдан магистрга кўтарилди.

П.С Устоз деб чақиринглар энди.

Охирги марта Венс билан учрашган экан. Йилнинг бошида Папа 20 апрелда ўлади деган хабар чиқаришганди твиттерда. Ишонмагандим, ўлибди мана. Кеча ўлганини эълон қилишмаганига асосий сабаб, христианларнинг энг катта байрами Пасха куни эди 20 апрель. Майли пешанасига ёзилгани шу эканда.

Бизда ҳам битта блогер бор, русларда ҳам. Ким билан кўришса палакат босади. Форбеснинг “андер 30” рукни ҳам шунақа “қора қўл”. Венс ҳам. Йилни бошидан бери қанчадан қанча одамни бошини еди, хосиятсиз. Папага келибдида навбат.

Телеграмнинг энг яхши имкониятларидан бири "сторй" ҳикоялар жойлаштириш имкони бўлса керак.

Телеграм ҳикояларимда ҳар куни нотаниш одамларнинг жойлаштирган видеолари чиқиб туради. Ўша рақамлар одатда "Нотаниш 22.06.", "Ярим кечаси ким?", "Ким2", "Ким???", "Яна ким" - деб антиқа сақланган бўлади.

Одатда соат 22:00 дан кейин қариндошларнинг рақамидан бошқа ҳеч кимнинг қўнғироғини кўтармайман. Қариндошлар ё уруш-жанжал ва ёки кимдир ўлиб қолсагина телефон қилади. "Ҳеч ким телефон қилмаяптими демак ишлари жойида экан" деб ўйлайман. 4-5 йилдан бери телефоним деярли жирингламайди. Ҳафта ёки ойда бир кимнингдир муаммоси пайдо бўлиб қолмаса, эслашмайди ҳам.

Нотаниш рақамларни эса юқоридагидек сақлаб қўяман. Одамларнинг анча-мунча томи кетган кўринади. Кеча ҳам "Нотаниш 21-апр" рақами кечаси қўнғироқ қилибди. Бир эмас 2 марта қўнғироқ қилибди. Биринчи марта "нотаниш рақамлар"нинг қўнғироғидан хурсанд бўлдим. Сабаби "уйқу фалажи"да уйғона олмай ётган эканман.

Охирги марта 2018 йил "уйқу фалажи"га чалингандим. Кейинчалик шу ҳақида илмий мақолалар ўқиб тушундимки, "уйқу фалажи"нинг асосий сабаби баланд ва ноқулай ёстиқлар. Кеча ҳам жуда ноқулай ёстиқда ухлаб қолибман. Натижада бўйин қайрилиб нафас йўлларини қисим қўйган. Мияга етарли даражада кислород етиб бормаганлиги сабаб, тана одамни уйғотишга ҳаракат қилади.

Шу сабабли, тўғри ёстиқ танлаб ухланглар. Японларнинг ётоғига қарасангиз деярли теп текис бўлади. Ҳа айтганча, нотаниш рақамларнинг сиз контактларингизга нима деб сақлаб қўйгансиз?

Sede Vakante - Cum clave - Папа ўлди - Habemus Papam

Папа ўлди, энди нима бўлади? Папа вафот этиши билан черков ичида жуда мураккаб, қадимий ва сирли маросимлар бошланади. Ушбу маросимлар тартиботи Исо Масиҳ замонидан, аниқроғи Бутрус ҳаворийнинг танланганидан бошлаб амал қилиб келинади.

Папанинг вафот этгани маълум бўлгач, черков Кардинал Камерленгоси папанинг чўқинтирилгандаги асл исмини 3 марта айтиб чақиради. Папа жавоб бермагач унинг вафоти расман эълон қилинади. Папа саройи ва хоналари махсус муҳр билан тамғаланади. Ўша вақтдан бошлаб то янги Папа сайланмагунича Ватиканни Кардинал Камерленго ва Кардиналлар коллежи бошқаради.

Папа вафоти ҳақида расмий ҳужжат тайёрланиб аввал Ватикан ходимларига, кейин эса христиан дунёсига тарқатилади. Авлиё Бутрус ибодатхонаси Папа яшаган йиллар сонига мос тарзда қўнғироқ чалади. Жасади очиқ тобутга ётқизилади. Тобут ёғоч ва рухдан ясалади. Тобут ичига унинг хизмат йиллари сонига тенг олтин, кумуш ва мис тангалар солинади.

Шундан сўнг сайлов жараёни - Cum clave бошланади. Дунёнинг барча нуқтасидан энг юқори даражадаги кардиналлар Ватиканга йиғилади. Сайловда 80 ёшдан кичик 120 нафар кардинал иштирок этади.

Сайлов жараёни ёпиқ бўлгани сабабли, кардиналлар ташқи дунёдан узилади. Телефон, газета, радио ва телевидение тақиқланади. Сайлов Сикстин ибодатхонасида махфий тарзда ўтказилади. Сайловда ғалаба қозониш учун номзод кардиналларнинг 3/2 қисм овозини олиш керак (камида 80 та кардинал ёқлаб овоз бериши зарур). Ҳар қандай чўқинтирилган эркак Папаликка номзодини қўйиши мумкин.

Сайлов ўтказиш ва овоз бериш Папа сайлангунича давом этаверади. Тарихда энг узун сайлов 1268-1271 йиллар оралиғида Папа Грегорий Х сайлангунгача 3 йил давом этган. Биринчи кун сайлов 1 марта ўтказилади. Кейинги кунларда эса 4 мартадан бўлади. Папа сайлангани халққа мўридан тутун чиқариш орқали билдирилади. Мўридан қора тутун (fumata nera) чиқса папа сайланмади, оқ тутун (fumata bianca) чиқса папа сайланди деган маънони билдиради. Мўридаги тутун сайловда ишлатилган бюллетенларнинг тутуни ҳисобланади.

Мўридан оқ тутун чиққач, Кардиналлар сайланган Папага “Accettasne electionem?” – “Сайловни қабул қиласизми?”, - дея савол беради. Розилик билдирса, янги Папа ўзига исм танлаши мумкин бўлади. Шундан сўнг Папага махсус оқ либос кийдирилади. Авлиё Бутрус ибодатхонаси балконига чиқиб, жамоатчиликка Папа сайлангани қуйидагича эълон қилинади: “Habemus Papam!” – “Энди Папамиз бор!”

Инаугурация 3 кун ичида ўтказилади. Ўша куни Папа махсус либос кияди ва Кардиналлар кенгаши унга махсус "fisherman ring" тақдим этади. Папа зиёратига келганлар шу узукни ўпиб, тавоф қилишади.

P.S Сайловда ишлатилган барча материаллар бюллетенлар ва ҳужжатлар печда ёқилишидан олдин, овозларни санаб чиқиш жараёнида ўқилади. Бюллетенлар ҳисоб китобига кўра мўридан чиқадиган тутун ранги белгиланади. Сайловда иштирок этишдан олдин махфийлик шартномаси имзоланиб, қасамёд қабул қилингани учун ҳеч ким ҳеч қачон овоз бериш жараёнлари ҳақида тўлиқ маълумот ололмаган. Папа сайланганидан сўнг, ўзи хоҳласа жамоатчиликка худди мен ёзган маълумотларни айтиб бериши мумкин.

Ҳар бир нарсанинг ибтидоси борки, унинг интиҳоси ҳам бўлади.

Канал фаолиятига 17 майда 5 йил бўлади. Шу давр мобайнида қанчадан қанча яхши инсонлар билан канал орқали танишдик, дўстлашдик, уруш-жанжаллар ҳам бўлди. Шу давр мобайнида нималар қилган бўлсам барчасига ўзингиз гувоҳ бўлиб турдингиз. Ўрганганларим, ўқиганларим, билганларим, кузатганларим ҳақида ёзиб бордим.

Баъзан яхши кунларни, баъзан ёмон кунларни хотирладик. Китоблар улашдик, муносабатлар ўрнатдик. Мени қўллаб-қувватлаб келганингиз учун миннатдорман. Ва бугун англаб етдимки, манзилимиз шу ергача етиб келибди. Энди поезд релсларини алмаштиришимиз, бошқа-бошқа манзиллар томон юришимиз зарур.

Журналист учун ўз ахборот майдонидан воз кечиш катта оғриқ ва шу билан бирга катта жасорат талаб этади. Мен бугун ўзгаришларни амалга оширмоқчиман. Кулранг ҳаёт саҳифаларини ёпмоқчиман.

Ториқ ибн Зиёд 711 йил Испанияни босиб олиш учун Гибралтар бўғозини кечиб ўтди. Кемалар соҳилга келгач, уларни ёқиб юбориб: “Қаршимизда душманлар, ортга чекинишга эса ҳаққимиз йўқ”, - деди. Базан кемаларни ёқиб юбориш одатим бор. Шу вақтга қадар ҳам “бир нечта кемаларни ёқиб юбордим”.

Балки бирор кун янги кемада сафарга отланган вақтда сиз азизлар билан яна бир бор кўришиб қолармиз. Барчангизга раҳмат. Канал ўз фаолиятини тугатди. Канал билан боғлиқ инсонлар билан ҳам алоқалар узилса, хафа бўлманг. Шунчаки, мен янгитдан бошлашим керак бўлган масалалар бор. Бунда эса чалғитувчи омилларни йўқ қилишим керак.

Сизга керакли китоблар бўлса юклаб олишингиз мумкин.

Hurmatli do’stlar, modomiki jurnalist ekanman. Bo’lib ham “siyosiy-huquqiy” jurnalist ekanman, albatta siyosat haqida yozish kerak. Shu sababli, asosiy e’tiborni shu yo’nalishga qaratishga va tahlil qilishga bel bog’ladim.

Quyidagi kanal orqali jahonda sodir bo’layotgan muhim voqealar tahlili, siyosiy sharhlar berib boraman. Kanalga obuna bo’lish uchun havol:

https://www.tg-me.com/ochiqsiyosat

Uzoq o’ylab, o’z hayotimni biroz tartibga keltirib, bu kanalimizda ham avvalgidek balki ma’lumotlar berib borarman degan fikrdaman. Har holda 1,500 dan ortiq obunachilarim hali hanuz kanalni tark etishmagan ekan, demak sadoqatli auditoriyaga ega bo’libman.

“Oddiy yo’lovchi” kanali qachondan faoliyatini boshlashi noma’lum. Ungacha esa siyosat haqida gaplashamiz.

Obuna bo’ling:

https://www.tg-me.com/ochiqsiyosat

Kecha internetda bir videoga ko'zim tushib qoldi. Unda o'zbekistonlik migrantlar Krosnodarda avtobusda yo'l haqqini to'lamay yurishganini video qilishibdi. Videoda bir rus yigiti "nega yo'l haqqini to'lamading" deb yigitlarga tanbeh bermoqda. Albatta, yo'lkira to'lamasdan yurish kamida jinoyat. Toshkentda ham shunday avtobuslarda yo'lovchilarning aksariyat qismi yo'lkira to'lamay jamoat transportidan foydalanib yurishibdi.

Ammo rus yigitining "avtobusdan tekin foydalanyapsan" deya tanbeh bergani kulguli tuyildi. Bo'lib ham kechagina butun respublikamiz boyliklarini tekindan tekinga olib ketganlar "pul to'lab avtobusdan foydalan" deyotgani juda ham ajablanarli. 150 yil davomida mamlakat boyliklarini imperiya maqsadlari uchun tekinga olib ketishdi-ku.

Pasternak va inqilob

«Doktor Jivago» romanining yana bir muhim mavzusi — ziyolilar dunyosi bilan proletariat o‘rtasidagi qarama-qarshilikdir. Asar qahramoni Yuriy, uning birinchi rafiqasi Tonya, do‘stlari Gordon va Dudorov roman boshida o‘zlarini xavfsiz, begona bo‘lmagan muhitda his qiladigan tor doirada yashaydilar. Bu muhit ularga ta’lim, ziyoli insonlar bilan muloqot qilish imkonini beradi, nikohda va kasbda hamkorlik uchun zarur sharoit yaratadi. Biroq Pasternak nuqtayi nazaridan bunday yopiqlik xavflidir. U insonni hayotni uning butun haqiqatlari, ziddiyatlari va fojialari bilan ko‘ra olish qobiliyatidan mahrum qiladi. Shuning uchun shoir inqilobni – tinch, beparvo hayot kechirayotgan kishilarning osoyishta olamini vayron qiluvchi tabiiy hodisa sifatida qabul qiladi, bu vayronagarchilik esa atrofdagi xalqning azob-uqubatlarini sezmaganlar dunyosiga qarshi qaratilgan adolatli va qonuniy hodisadir.

Bir kuni Annа Axmatovadan so‘rashgan: Pasternak ham, masalan, «O‘n ikki» singari, inqilob haqida doston yoza olarmidi? U, albatta, yozgan bo‘lardi, degan, lekin bu doston inqilobiy voqealarni shamolda tebranayotgan daraxtlarning uchlarida tasvirlagan bo‘lardi, deb javob bergan. Haqiqatan ham, bu Pasternakning metaforik poetikasiga juda mos bo‘lardi. Chunki u hayotning asosiy jarayonlari — tabiiy, tarixiy va ruhiy — o‘zaro qarindosh va uzviy bog‘langan deb hisoblagan. Shuning uchun uning romanida inqilob faqat jamiyatda emas, balki tabiatda va inson qalbida ham yuz beradi. Shu tariqa Lara Jivago hayotidagi inqilobga aylanadi. Yuriy Tonya oldida sodiq er bo‘lib qolishga intiladi, ammo hayotning o‘zi uni doimiy ravishda Lara tomon undaydi. His-tuyg‘ular Jivagodan ustun keladi — u esa ularga bo‘ysunishdan boshqa chora topolmaydi.

Pasternak uchun inqilobni boshqarish shunchalik imkonsizki, xuddi shaxsiy tuyg‘ularni «kerak» yoki «to‘g‘ri» degan doiraga solish ham imkonsizdir. Inqilob — bu qarshi turib bo‘lmaydigan kuch. Shu sababli Jivago bu kuchga qarshilik qilmay, o‘z hayotiy vazifasini yakunlash imkoniga ega bo‘ladi. Antipov esa bu kuchdan foydalanishga urinish orqali o‘zini halokatga olib boradi va hayotdan ayriladi.

📖 Dostoyevskiy va "Oydin tunlar": orzular va haqiqat orasidagi iztirob

1848-yilda yozilgan “Oydin tunlar” qissasi Fyodor Dostoyevskiyning lirik va tasavvurga boy asarlaridan biri sanaladi. Yozuvchi bu asarni Peterburg inqilobiy doiralarida yurib, Petrashevskiy to‘garagida faol qatnashayotgan paytda yaratgan. Qissa hayotiy orzular, yolg‘izlik va insoniy ichki kurashni tasvirlash orqali Dostoyevskiy uslubining shakllanishida muhim bosqich bo‘ldi.

Asar ilk bor “Otetchestvenniye zapiski” jurnalida bosilganidan so‘ng, Dostoyevskiy hibsga olinadi. U Vissarion Belinskiyning Gogolga qarshi maktubini ovoz chiqarib o‘qiganlikda ayblanib, avval o‘lim jazosiga mahkum qilindi, keyin esa jazo Sibirga surgun bilan almashtiril. Yozuvchi 1859-yilda Peterburgga qaytishga muvaffaq bo‘ladi va aynan shu yerda “Oydin tunlar”ni qayta ishladi. Asarni kamroq romantik, chuqurroq psixologik tusda qayta tahrir qildi.

Qissada Peterburg nafaqat manzara, balki metafora sifatida ham ishlatiladi: oydin tunlar, orzularga boy shahar, yolg‘izlik va umidlar — bularning barchasi bosh qahramonning ichki holati bilan uyg‘unlashadi. Dostoyevskiy bu asarda “peterburglik orzumand” tipini yaratadi — bu obraz keyinchalik uning boshqa romanlarida ham davom ettiriladi.

“Oydin tunlar”da Dostoyevskiy insonning taqdir oldidagi zaifligi, lekin ma’naviy sodiqligini aks ettiradi. Bosh qahramon voqealarga faol ta’sir qila olmaydi, biroq o‘z ichki erkinligini, tuyg‘ulariga sodiqligini asrab qoladi. Bu Dostoyevskiy falsafasining markaziy g‘oyalaridan biri: inson tashqi bosimga qaramay, o‘z mohiyatiga xiyonat qilmasligi kerak.

Bugun ham “Oydin tunlar” o‘z dolzarbligini yo‘qotmagan: undagi yolg‘izlik, intilish, umid va alam motivlari har bir zamonaviy o‘quvchiga tanish. Bu qissa bizni orzular va haqiqat o‘rtasidagi nozik chegarani ko‘ra bilishga, yurak tovushiga quloq tutishga undaydi.