🔹الحلقة القادمة من دورة سكينة مهمة جدا وكلنا كنساء محتاجين لها وبشدة لأن اكثرنا الا من رحم ربي بيقع فيها
هنتكلم فيها عن "التعلق المؤذي والتعلق الذي يجلب السكينة.".......

لكن مهم قبل ما نفتح باب جديد في رحلتنا مع «سكينة» …

عاوزاكي تقفي لحظة وتسألي نفسك:

🔸 طبّقتِ إيه من الحلقات اللي فاتت؟
🔸 إيه أكتر حاجة لمست قلبك؟
🔸 وإيه اللي لسه محتاجة تشتغلي عليه مع نفسك؟

👣
السكينة مش بس معلومات…
السكينة قرار يومي إننا نختار نعيش بوعي، ونهدّى قلبنا واحدة واحدة.

👇🏼
شاركي معايا بتطبيق واحد بس عملتيه من الحلقات السابقة،
حتى لو حاجة بسيطة جدًا… إحنا بنكبر بخطوة.

مستنياك علشان نكمل الرحلة 💌

✨ من أعظم الأذكار… وأجملها معنىً ولفظًا:
"سبحان الله وبحمده، عدد خلقه، ورضا نفسه، وزِنة عرشه، ومِداد كلماته."

☀️ ذكرٌ يغنيك عن ساعات من التسبيح، ويملأ صحيفتك أضعافًا مضاعفة.
افهم معناه… وردّده بخشوع… وداوم عليه في أذكارك اليومية.

❤️ قال النبي صلى الله عليه وسلم:
«ألا أخبرك بأحب الكلام إلى الله؟ سبحان الله وبحمده…»
احفظه، وفهِمه، وكرّره ثلاث مرات في الصباح والمساء.

#احفظ_الذكر #افهم_معناه #الحج

🎥 مقطع للشيخ د. أحمد عبد المنعم:
🔗 مشاهدة المقطع
📖 الخطبة الكاملة على قناة التليجرام
📌 قناة: www.tg-me.com/itsquraan

🎉✨ *أعظم يوم!*
*يوم عرفة*


⏳اقترب يوم عرفة… اليوم الذي تفتح فيه أبواب السماء،

وتتنزّل فيه الرحمات، وتُكتب فيه الحسنات!

فهل تودين أن يعرف طفلك فضل هذا اليوم العظيم؟ 🤍

انضمي إلينا في لقاءٍ مميز للأطفال 👇🏻👇🏻
✨ *أعظم يوم!*
*يوم عرفة*

في هذا اللقاء المشوّق، سنُجيب مع الأطفال عن أسئلة رائعة مثل:

🌟 لماذا هذا اليوم من أعظم أيام الله؟

🕊️ ما سرّ يوم عرفة ولماذا يحبه المسلمون؟

💡 ما الذي يمكن أن يفعله طفل صغير ليكسب الأجر في هذا اليوم؟



📚 بأسلوب محبّب للأطفال، مع قصص، حوارات بسيطة، مسابقات وأوراق عمل ممتعة!

🧒 الفئة العمرية: من 6 إلى 12 سنة
📅 الموعد: (يوم الأثنين القادم الساعة6م بتوقيت مصر 🇪🇬)


📍 المكان: عبر تطبيق زووم – من أي مكان في العالم!

🌈 دعينا نغرس في قلوب أطفالنا حبّ الطاعات، ونفتح لهم أبواب الخير منذ الصغر، مع معلمتنا الغالية *منى السيد*

للاشتراك🌷👇🏻

https://chat.whatsapp.com/HRazLrG4LTv0U7PVOSz7IS

حاسّة إنك متعلقة بحد زيادة عن اللزوم؟

قلبك محتاج يرتاح؟

التمرين ده هيساعدك تفهمي وتفكي التعلّق… بعقل، وراحة قلب 🌸

⬇️ حمّليه وابدئي دلوقتي

#سكينة
#أ.مي_محمود
#فك_التعلق

💬 كانت جاية مكسورة... بس مش باين عليها

شكلها متماسك، كلامها مرتب، بس صوتها فيه تعب عميق.

قالتلي في أول جلسة:

"مش قادرة أكمّل كده، تعبت من جوايا، ومش عارفة أنا المشكلة فيا ولا في جوزي ولا في الدنيا كلها!"

كانت بتحاول تكون الزوجة المثالية، اللي بتتحمّل وتسكت وتسامح دايمًا،
بس جواها غضب، ووحدة، واحتياج ماحدش شايفه… حتى هي نفسها ما كانتش عارفة تسميه.

في الجلسات، بدأنا نفكّ الخيوط بهدوء، نسمّي مشاعرها، ونفهم إيه اللي بيحصل جواها من غير لوم ولا جلد.

ولأول مرة، شافت إن المشكلة مش كلها فيه، ولا فيها،
لكن في طريقة التواصل، في الحدود الغايبة، وفي الصمت اللي كان بيخلي الجراح تكبر.

بعد الجلسة، بدأت خطوات صغيرة جدًا… بس فرقت جدًا:

🪷 بدأت تحط حدود واضحة من غير صدام
🪷 بدأت تتكلم عن احتياجاتها من غير ما تحس بالذنب
🪷 بدأت تهتم بنفسها… وبترجع تحبها
🪷 وبدأ زوجها يلاحظ الفرق، ويقرب بدل ما يبعد

وفي جلسة اليوم قالت لي بالنص يا ا.مي انا بدعوا لك....

"أنا مش بس فهمت جوزي… أنا فهمت نفسي، وحسيت إني اتولدت من جديد."

وصدقيني… التغيير مش دايمًا محتاج سنين، أوقات بيبدأ بلحظة صدق، ومساحة أمان، وحد يشوفك على حقيقتك.
انا بجد فخورة بك جدا وسعيدة باللي انت وصلتي له وصلتي له بفضل الله ثم مجهودك ... ❤️

وبعتذر لكل الحبيبات اللي بيحاولوا يحجزوا من فترة وبنأجلها لبعد العيد بسبب امتلاء الجدول بالكامل..

الاستشارات المدفوعة كل المواعيد بعد عيد الأضحى مباشرة بإذن الله.

خدي بالك من نفسك لحد ما نتقابل،
وكل عام وانتِ بخير، وبداياتك كلها سكينة ورضا 🕊️

#أ.مي_محمود
#من_وحي_الاستشارات_الخاصة

5:"إزاي أكون في حالة سكينة… حتى لو اللي حواليا مش بيساعدوني؟"


➿➿➿➿🍃➿➿➿➿🍃➿➿➿➿

فيه ناس بتتعبنا…
ناس بتضايقنا بكلمة، بتصرف، أو حتى بتجاهلهم لينا…

وساعات نحس إننا بنحاول نعيش بسلام… لكن الدنيا حواليّنا صوتها عالي، والناس مش مراعية لمشاعرنا.

في اللحظة دي بنسأل:
"هو أنا لازم أعيش تعبانة؟ طب أجيب السكينة منين؟"

النهاردة هنتكلم عن حاجة عميقة جدًا:

💫إزاي أحافظ على سكينتي الداخلية حتى لو اللي حواليا مش بيقدمولي دعم… أو بيزودوا الضغط عليا؟

🌱 السكينة مش لازم تيجي من الخارج… ممكن تبدأ من جوّاك.
من منظور علم النفس، في حاجة اسمها:

🧠 "التنظيم الداخلي للمشاعر" (Emotional Regulation)

يعني بدل ما أستنى اللي حواليا يهدوني أو يريحوني…
أنا أتعلم أهدّي نفسي، أستقبل المشاعر، وأنظمها من جوايا.

ومن القرآن الكريم، تكررت السكينة في مواضع صعبة، في القتال، في الخوف، في الفقد، زي:

"فأنزل الله سكينته على رسوله وعلى المؤمنين…"

يعني السكينة رزق… مش متوقف على الناس، لكن على علاقة القلب برب الناس.



🔍 ليه السكينة مش لازم تعتمد على الناس؟

لأن الناس:

ساعات بتكون مشغولة بنفسها

مش فاهمين طبيعتنا

أو بيعيشوا هموم تمنعهم يكونوا داعمين
فلو علّقت سكينتي على "فلان يرضى عني" أو "فلانة تكون حنونة"، عمري ما هرتاح.


🛠️ 3 خطوات عملية تحافظي بيهم على سكينتك رغم الضغط:

1⃣✋  وقفي الرد التلقائي:

لما حد يستفزك، درّبي نفسك تقولي جواكي: "أنا مسؤولة عن ردة فعلي… مش عن تصرفه"
السكينة مش إن الدنيا تهدا… السكينة إن قلبي ما يهتزش جوا العاصفة.

2⃣🔺 اسألي نفسك: "هو أنا محتاجة إيه؟"

هل محتاجة كلمة طيبة؟ حضن؟ راحة؟
ولما تعرفي احتياجك… حاولي تسديه من مصادر متعددة (كتابة – دعاء – دعم نفسي – صداقات صحية)

3⃣📿 اللجوء الواعي لله وقت التوتر

قولي: "اللهم أنزل على قلبي سكينتك، واملأني رضا وتوكّل"
وافتكري دايمًا:
"أليس الله بكافٍ عبده؟"

💡 من منظور علم النفس السلوكي:

لو اللي حواليا بيتصرفوا بشكل ضاغط، فدي فرصة:

أراجع توقعاتي

أمارس ما يسمى بـ "تثبيت الحدود النفسية" (Boundaries)
يعني أعرف فين ينتهي دوري… وفين يبدأ دور الآخرين

قولك "أنا آسفة مش هقدر أكمّل الكلام دلوقتي"
أو "أنا محتاجة وقت أفصل فيه"
ده مش جفاء… ده احترام لسكينة قلبك



💫 سكينة مش دايمًا معناها راحة… أحيانًا بتبدأ بقرار:

💠قرار إني مش هدخل في جدال كل مرة

💠قرار إني مش هستنى دعم من اللي بيأذيني

💠قرار إني أقف، وأبني بيتي الداخلي بإيدي، مع ربنا


📍 تطبيق عملي بسيط (اكتبيه عندك وارجعي له):
لما تحسي بضغط من الناس، اكتبي:
إيه اللي استفزني؟
ردة فعلي كانت إيه؟
إيه الطريقة اللي ممكن أتصرف بيها المرة الجاية… علشان أحمي سكينتي؟
وكل مرة تطبقي التمرين ده… هتلاقي فرق كبير في وعيك وسلامك الداخلي.


🌸 كلمة ختامية من القلب…
النهاردة مش مجرد نهاية لسلسلة اسمها "سكينة"…
دي بداية جديدة لقلبك.🤍

خلال خمس محطات مشينا سوا، اكتشفنا إن السكينة مش بتتولد من غياب المشاكل،
لكن من حضور الوعي، والتوكل، والنية الصافية في وسط الزحام.
السكينة مش دايمًا سهلة… بس دايمًا ممكنة.

كل فكرة فهمتيها… كل لحظة صدق عشتيها…
هي نواة لسكون داخلي، ربنا قادر يثمره في حياتك بشكل عميق ومُعجِز بإذنه.

فاكري دايمًا:
اللي حوالينا ممكن يتغيروا… يتعبونا… يخذلونا،
لكن اللي جوانا نقدر نختاره، ونبنيه، ونرجعه لله.

💬 سؤال ختامي:
بعد ما عِشتي الرحلة دي بكل مشاعرها…
❓ إيه أكتر لحظة أو فكرة قلبِك وقف عندها؟
❓ وإيه القرار اللي نفسك تمشي عليه من النهاردة، علشان "سكينتك" تبقى أسلوب حياة مش مجرد إحساس مؤقت؟
اكتبيلي… خلّي الختام شهادة منك على بدايتك الجديدة 👇

هيكون في هدية كالعادة لاكثر متفاعلة مع الدورة بعد العيد باذن الله "كوني انت هي"

ادعي صديقاتك للاستفادة معنا..🌹*

▪️تليجرام
https://www.tg-me.com/connieansa

▪️فيس بوك
https://www.facebook.com/profile.php?id=100076161404235&mibextid=ZbWKwL

▪️انستجرام
https://instagram.com/connieansa_mai.mahmoud?igshid=OGQ5ZDc2ODk2ZA==

الله اكبر من كل ألم او خوف
الله اكبر من كل شعور بالانكسار او الهزيمة
الله اكبر من كل تشتت او حيرة

الله اكبر الله اكبر الله اكبر 
لا إله إلا الله
لا نعبد إلا اياه
لا نعبد ربا سواه
لا يملك اقدارنا احد سواه
مخلصين له الدين و لو كره الكافرون

الله اكبر الله اكبر و لله الحمد

الله اكبر و لله الحمد
لله الحمد على ان الامر كله بيد الله
لله الحمد على ان كل شيء فى حياتنا بتدبير الله
لله الحمد على انه لا يكلفنا إلا ما فى وسعنا و لا يعلم وسعنا إلا الله
لله الحمد على ان الرحمن الرحيم هو الذى دبر أقدارنا فما بدا صعب فهو رحمة و ما كان هينا فهو رحمة و كل تدبير الله خير و رحمة
لله الحمد على ان ما اصابنا لم يكن ليخطئنا
لله الحمد على ان الله يعلم و نحن لا نعلم و هو الذى بيده الأمر كله و اليه يرجع الأمر كله

الله اكبر الله اكبر الله اكبر
لا إله الا الله
الله اكبر الله اكبر الله اكبر
و لله الحمد

الإحسان في الدعاء: أن تدعو الله كأنك تراه، فإن لم تكن تراه فإنه يراك.
ادعُ الله وأنت ترى آياته ومخلوقاته، وأنت تبصر رحمته وكرمه، وأنت تلمس لطفه وحكمته.
ادعُ الله وأنت توقن بفقرك وضعفك وحاجتك واضطرارك.
لا ملجأ ولا منجى ولا أمان ولا قرار ولا طمأنينة ولا سكينة إلا بالوقوف عند بابه، بل لا حياة إلا به سبحانه وتعالى.