يمان:أنا رايحة ألبس استناني عم قلك ملانة ولا بس إيليف وقت تمل بتصير البطل يلي رح يأنقذها من الاكتئاب ويغير نفسيتها وأنا إن شا الله عمري
ياماش:خلص اسكتي لا تبلشي روحي البسي
راحت ولبست وطلعوا وعيون كنان عم تراقبهم...بعد يومين راحو كنان ويمان عند إيليف بعد ما قدر كنان يسجللها مكالمة معو وفاتو وبركو وإيليف مستغربة من جيتهم
إيليف:أهلا وسهلا بس ليش ما جبتوا ياماش معكم
كنان:ياماش ما بيعرف بجيتنا لهون نحن بدنا ياك بموضوع
إيليف:بدكم ياني أنا بشو فيني أفيدكم
يمان:أمير..أخوك ليك قبل ما تقولي شي نحن عرفنا إنو هو لسا عايش واجا من أربع أيام لعندك وإنت شكلك عم تساعديه بشي
إيليف بحزن:لاا أبدا صدقوني الموضوع مو هيك
كنان:لكا شو عم تعمل بطاقتك البنك معو؟ والمكالمات يلي كل يوم بينك وبينو شو بتقولي عنها
بلشت إيليف تبكي لأنها ما عاد فيها تتحمل أكتر
إيليف:صدقوني غصب عني هو إجا لهون وهددني بدو أجبلو شذى ولا رح يقتل ياماش كان حاطط الشر بعيونو وأنا بعرفو بينفذ تهديدو ما شفت منو ولا ذرة رحمة بكلامو ولا عامل حساب إني أختو إجا وضربني وهددني وأخد بطاقتي البنك بدل مصاريه يلي وزعتهم وتبرعت فيهم
يمان:خلص لا تبكي نحن رح نساعدك
إيليف:كيف بدكم تساعدوني إنتو ما شفتوه كان جاي لعندي ومليان حقد وكره وشر هو مستعد يبيد الكل لينتقم مننا
يمان:معناها هو يلي عم يبعت رسائل تهديد لشذى
كنان:أكيد ولأني استوعب إنو ما فيو يوصللها بكل هالحرس يلي حطهم أردام عليها صار بدو حدا قريب منها أو فيو يفوت لعندها حتى يحسن يوصللها
يمان:أمير صح رجع بس ما رح يحسن يستخدم نفوذو والناس يلي كان شادد ضهرو فيهم لأني هو يعتبر هلق ميت ومو من صالحو يكشف حالو هلق
كنان:معك حق مجرد ما يكشف حالو ويبين إنو عايش رح تبلش الشرطة تبحث عنو بكل مكان وهو أحسن لإلو يضل يتحرك بحرية بهوية مزورة بس كيف قدر يضل عايش المكان يلي نط منو كان خطير وكلنا رجحنا موتو
إيليف:هو قلي إنو في اتنين كانو بقارب قريب من المكان أنقذوه وكانو عايشين ع جزيرة قريبة أخدو وعالجوه
يمان:يخرب بيتو قط بسبع أرواح شو بدنا نعمل هلق
كنان:لازم إنخبر شذى وإنلاقي حل لهالقصة وفورا ..إيليف خطك مو مراقب أنا تأكدت من هالشي شكلو أمير ضامن كتير ما تقوليلنا شي
إيليف:أمير بيعرفني منيح وقت الموضوع بيتعلق بناس بحبهم كيف فيني أعمل أي شي بس حتى أخليهم بعاد عن بطشو وجبروتو وخصوصي بعد ما شاف شقد كنت خايفة منو وقت إجا بالنهاية هو أخي للأسف وبيعرف نقاط ضعفي وبيعرف يستغلها منيح
يمان:إنسان خبيث حتى إختو ما سلمت منو
كنان:ع كل حال نحن هلق رح نروح لعند شذى ومنحكي معك ع الهاتف بخاف أمير يكون مراقبك ويشك بجياتنا لعندك ..نحن التلاتا حاليا بس يلي منعرف بموضوع أمير وهلق رح نروح نخبر شذى ونقلك شو تعملي
إيليف:ماشي وشكر كتير جد ما كنت بعرف شو أعمل أنا ما فيني أخونكم وأسلمو شذى ولا فيني أضحي بياماش
يمان:لا تاكلي هم نحن منتصرف
وراحو ع بيت شذى فورا
عودة للوقت الحالي_
كان شايلها ع كتفو وماشي فيها لورا المصنع قريب من المكان يلي صفوا في السيارة نزلها ولزقها ع الحيط وحاوطها بإيديه وهو عم يطلع بعيونها ويزورها وباين الغضب على وجهو وهي خجلت وشوي تطلع فيو وشوي تزيح نظرها عنو لأني قلبها ما عاد فيو يتحمل
تميم:شو مفكرة حالك عم تعملي بس تعي فهميني شو بتعملي
شذى:تميم إنت ما دخلك شو بدك فيني
تميم بصراخ:لااا تجننيني ولللك إنت شوووو فيي براااسك بس فهميييني مين خاابطك ع راسك ومخلييك تفكري بالمقلوب جاوبي
وزفر نفسو الحامي بوجهها وهو لسا عاقد حواجبو وهي غمضت عيونها لأنها خافت منو و حس صوتو رح يصمللها إذنها ودارت وجهها
شذى بتوتر:أنا..بس ما كان..بدي حدا يتأذى بسببي
تميم:وما لقيتي غير هالخطة الخنفشارية يلي مالي عارف من أي مزبلة جايبتيها؟!
شذى:ع فكرة الخطة كانت ماشي تمام لو إنو بس مو حاطط أردام بالسجن كان هلق أعتقلوا بس م
تميم:بمقاطعة:لا تجيبيلي سيرت هداك الزفت قدامي ولك ليش ما بتسمعي مني مو لو قايلتي كنت طالعت ألف حل وحل غير إنو هداك البهيم يخطفك و يلمس شعرة منك..مبسوووطة هيك
شذى:تميم أنا..
قاطعة ببوسة ع شفافها سكتتها..جمدتها بأرضها..ما عاد تعرف شو تعمل..هي بس كانت امفتحة عيونها ع وسعهم ومو قادرة حتى ترمش من هول الصدمة ومو عارفة تحدد شعورها وهي قريبة منو ولازقة فيو وقلبها حاستو رح ينشلع من مكانو من كتر ما دق وهو غرقان بشفافها بكل نهم ومحاوطها بإيديه وكل مالو عم يقربها أكتر ..بعد راسو يطلع فيها لقاها خدودها حمرررة والصدمة محتلة وجهها ومو عارفة تنطق وشكلها حلو وبضحك

تميم بحنية:خفت كتير عليك ليش مصرة تضلي تعانديني وتبعدي عني أنا شو كان رح يصيبني لو صرلك شي ليش مصرة تختاري دائما أكتر طريقة فيها خطر لألك وتختاريها؟! شوفي لسا مخبيه علي

شذى:...
تميم:وبتحكي علي لوح بوظ؟شبك جمدانة؟!
كانت الصدمة كل مالها عم تزيد ع شذى من إيمت وهادا بعبر عن مشاعرو؟شو هالاحساس يلي بيشبه الطيران كأنك فراشة بفضاء لامع ..شو هالمشاعر الجديدة يلي عم تحسها جواتها بعد ما تلقت كل هالمشاعر الدافية من تميم..قطع عليها صدمتها صوت يمان الجاية
يمان:تميم نحن ربطناه ولساتو مغمى عليه
تميم:خدوه ع مركز الشرطة وزتوه وأنا رح آخد السيارة أروح مع شذى أفهم شو عم يصير معها
يمان:ماشي
التفتت لتروح ورجعت دارت عليهم وطلعت فيهم
يمان:إنت نسيان حالك ولا شو يعني استحي لسا ملزق بالبنت وحاضنها وشبها هي متل الطشمة لا من تمها ولا من كمها
تميم ببرود:لا مو نسيان حالي وعاجبني الوضع روحي انت ع شغلك
يمان:لااا أمورك متطورة والله ليك ليك بالله شو عامل بالبنت
تميم:روحي من هون شو حشرية ولا غيرانة
يمان:يووع الله يقرفكم إنتو الاتنين أذيتولي نظري بوضعكم المخل هذا
وتركتهم وراحت..وشذى وأخيرا وصلت السيالة العصبية واستوعبت شو عم يصير ودفشت تميم عنها بقوة وهي عم تطلع فيو نظرات قاتلة
تميم:بتحبي تركبي بالسيارة وآخدك ع بيتك تفهميني شو عم يصير ولا اض شايلك متل شوال البطاطا وأرميك بالسيارة وإنت عم تعيطي وتزعبطي وبعدها نفوت ع بيتك نتفاهم مع إنك وازنة ما شا الله وعم تعذبيني بشيلتك
زورتو وهي عم تعمل وجه غاضب ودفشتو مرة تانية من طريقها وراحت ركبت بالسيارة وهي متكتفة وعم تعيد يلي صار بعقلها..وصلوا ع بيتها ونزل قبلها وسبقها بس هي ضلت بالسيارة ..رجع التفت لعندها
تميم:شكلها عجبتك السيارة كتير؟كان بودي أقلك مقدمة بس الفندق عندي بدو تظبيط وما ضل معي مصاري اجيب غيرها
راح فتحلها الباب ونزلت وهي عم تضرب الأرض بأجليها وهي طالعة ع الدرج وتميم وراها فاتت بيتها واجت تسكر الباب وراها بس تميم منعها ودفش الباب
تميم:اي خلصناااا بقى شبك شبك فهمنا إنك مزعوجة مني ومو طايقتيني بس تكرمي عليناااا وقوليلنا ليش
شذى:انت شو عملت من شوي
تميم ببرود:ولا شي عادي يعني شي بيعملو كل اتنين بحبو بعض
شذى:لااا يا عن جد والله ما كنت بعرف ومين قلك إني بحبك ومين قلك إني ممكن حب واحد خاطب
رفعلها تميم اديه وحركهم
تميم:وين الخاتم إذا خاطب ممكن أفهم من وين جايبة هالإشاعات
شذى:أبوك قلي ومو إشاعات إنت وجوى بحكم المخطوبين ورح تتجوزوا
ما خلصت كلامها إلا وتميم انفجر من الضحك كان يضحك ويضحك وكل ما يحاول يوقف يطلع بشكلها المتنرفز ويرجع يضحك أكتر
شذى وهي عم تهز رجلها:شو ليش كل هالشهنقة والضحك ليكون حاكية شي نكتة لا سمح الله وقلتلك تضحك ولا عم تضحك لأني كشفتك
تميم:عم أضحك ع ذكائك اللامتناهي
شذى:معلش حاج تهين قدراتي العقلية وذكائي يلي بتمتع فيو وتبطل تقلي غبية ولك أنا أصلا لولا ذكائي ما احسنتوا تمسكوا أمير ومرتين مو مرة ...واحد متل أمير لولا خططي بحياتكم ما بتلمحوا ظلو ولسا ع الرايحة والجاية بتقلي غبية وبعدين معك
تميم:طيب إنسانة بذكائك الخارق يلي عم تدعيه كيف بتصدق إني ممكن أكون خاطب جوى ولا رح أتزوجها كمان
شذى:لا تكذب ولا تنكر أبوك قلي
تميم:أيووو هلق فهمت قلتيلي أبوي لكا ماشي أنا بعرف أتصرف وهلق ممكن تتفضلي تحكيلي من الأول وبالتفصيل الممل شو كنت عم تعملي
شذى:احكي إنت أول شو في بينك وبين جوى
تميم:وحيات عيونك مافي شي ومافي بقلبي غيرك وشو بدك كمان أحكي
خجلت واستحت وفاتت ببعضها شبو هادا شكلو الإنفجار اجا قوي ع عقلو وغيرلو شخصيتو تركتو وراحت برك..وهو كل ما يشوفها شلون من كم كلمة عم تفوت ببعضها عم يتقصد يحكي ليشوف خجلها وكيف فورا بتستحي وتفوت ببعضها وهي يلي بتكون عم تردحلو صرلها ساعة ولا متذكرة شي اسمو خجل..لحقها وبرك مقابيلها
تميم:تفضلي احكي لنشوف رح نخلص مشاكل ولا لاء
شذى:كل القصة بلشت لما مات عمي وراجح..أردام ما اقتنع إنو الموضوع مجرد صدفة و صار يحقق بالموضوع ع المخفي وخصوصي إنو كلشي إلا شوي كان طبيعي لحد ما بلشت توصلني تهديدات وزادت الشكوك حتى إجا لعند أردام بعد ما عرف إنو أبوه انقتل قتل مو موت عادي بتتذكر وقت التقيت إنت و إياه ع باب بيتي بيومها
فلاش باك
بعد ما فات أردام وتناقرو شوي
شذى:ماشي خلص لا تنفتح علي شو صار معك بين معك شي جديد؟
أردام:بين والشي يلي شاكك فيو طلع صح أبي مو جايتوا هيك جلطة من الله حاقنينوا بأبرة هوا فاضية وجسمو ما تحمل ومات بس ولاد الإيش حاسبينها صح
شذى:كيف يعني؟
أردام:يلي عامل هالشي مراقب كلشي بدقة أبي قبل ما يتوفى فات ع المشفى وركبولوا سيروم ويلي حقنو بالابرة حقنو بمكان قريب أو نفس مكان السيروم وهو مدري نايم أو مو حاسس ف تعذبوا كتير بالتشريح يشوفوا الاعراض بس ما يشوفوا مكان الأبرة يلي انحق فيها حتى يتأكدوا إنو مات مقتول بس منيح الدكتور كان شاطر وحاطط تركيزو وشطارتو بالشغل لاكتشف هالشي

غير هيك نحن كنا هلق تاركين الموضوع وقايلين خلص
شذى بشرود:معناها كمان التماس الكهربائي بالفيلا مدبر
أردام:أكيد وبعدين كيف يعني حاطين جرات غاز جوا البيت
شذى:لحظة شوو؟
أردام:قال كان في جرات غاز بالبيت وفجروا وهنن يلي خلوا الحريق يكبر
شذى:هههههه العما الغبااااء ولك لحياتي أنا ما شفت جرة الغاز غير بالمطبخ وصعب توصلها النار
حطت إيديها ع راسها وبلعت غصتها وبلشت تحاول تضل متماسكة
أردام:مين برأيك عمل هالشي ويا ترى يلي قتل أبي نفسوا يلي قتل عمك؟
شذى:ليش مين في غيرو ما باااااينة أمير ما حدا إلو مصلحة غيرو ولا لسا الحقير ما إنشفى غليلوا قاعد بهدد بس كييف
أردام:هاارون بسبع رواح وكني نافد منها ونحن غلط مننا أرخينا دفاعاتنا وبركنا وقلنا خلصنا منو..بس خلينا نحط احتمال ٥٠ بالمية بس يكون أمير لأني المكان يلي نط منو خطر واحتمال ضعيف ينفد و خلينا نفكير مين في غيرو ونشوف شو لازم نعمل وكيف ناخد احتياطاتنا
شذى:وبعدين الشرطة بهي الحالة مافيها تساعدنا لو كان أمير لانو عند الحكومة ميت ونحن مافينا نتهم شخص ميت أو اندور عليه نحن غلطنا وقت طالعنالو شهادة وفاة وهو هلق أكيد عم يتنقل بهوية مزورة ومافي أي خيط يوصلنا إلو نحن لا منعرف لا مكانو ولا شو ناوي ولا أي شي ولا منعرف إذا هو أو لاء طيب شلون يعني ممكن يكون عايش
أردام:ما بعرف هالمرة الموضوع معقد وأمير النس آخد حريتوا ومتخبي متل السحلية لاازم إنلاقي طرف الخيط لازم
باك
شذى:لهون إكتملت شكوكنا وضل بس بدنا طريقة نحسن نوصل لأمير..وهالفرصة ما طولت لإجتنا بعد يومين كنان ويمان إجو لعندي
تميم:حساب هالاتنين عندي عم يشتغلو من وراي وعينك كنت عينك
شذى:ع فكرة هادا كان طلبي وهنن وعدوني ما يقولولك
تميم:ولييش إن شا الله أنا رجل كرسي ولا زيادة عدد هون حتى كل ما صار معك شي بتروحي عند أردام الزفت يلي بوقعك بكل قصة ما بتنجي منها غير باعجوبة و وبعدها أجي أشوف شو مخبصة ليش من الأول ما بتحكيلي هي تاني مرة بتعملي نفس الشي ولك أنا وقت كان عندي فرصة أوصل لأمير وأدمرو هو وراجح من خلالك ورغم إلحاح كنان أنا ما قدرت كيف بدك مني احطك بنص الخطر وأقلك بس أشوفك رح توقعي اسندك؟
شذى: أنا بكون مخططة معو وأنا بكون موافقة ع الشي يلي رح أعملو لأني خياراتنا بتكون قليلة وبكل مرة بصير معي شي بكون مزعوجة منك و وقت بنزعج منك ما بعود بطيقك وبعبر عن إنزعاجي من خلال معاملتي إلك على إنك من يهود خيبر أنا هيك أول مرة كنت مخبي علي بلاوي زرقة ومسبحني وكاذب علي أكتر من مسيلمة الكذاب بحد ذاتو وتاني مرة أنا حسيت إنك عم تضحك علي وعم تسايرني وبالأخير رح تتجوز جوى وبدك ياني ضل عاملك طبيعي اي لااا وألف لاااا أنا مخي ما بيشتغل غير هيك
تميم:ولك سلامتك وأمانك أهم من كل هالتفاهات لو بس من أول مرة حكاية ما كنا وصلنا لهون ليش ما بتجي بكل وضوح وبتحكي شبك مع إني سألتك ألف مرة شبك مزعلك متدايقة ليش متغيرة وكلو لاء مع نظرات كأني آكل حدا من أهلك بتقبلي أعمالك أنا هيك ولااا لسا فوق كل مصايبك كل مرة إنت يلي بتنزعجي مني وأنا بجي أصالحك وإنت مو عاجبك
شذى :حبيبي موو عاجبك الباب بفوت وبطالع جماااال روح ليش لساتك بارك ومتحمل
تميم:قال يعني ما بتعرفي ليش
شذى:لاء ما بعرف أفحمني
تميم:لأني..
وقبل ما يكمل طلع بشذى يلي مركزة معو ألف وشادة ع حالها و تطلع فيو بكل ترقب وعم تقرب منو وهي عم تستناه ينطق حتى ترتاح وترتخي
تميم بمكر:خلص انسي مو مهم
شذى:تميييييييم ولك مااا أغلظك ولك يا تافه ليش ما نطقت وانت شايفني مستنيه جد والله ما عاد متحملتك روح ما عاد بدي أشوف وجهك يالللللله
تميم:كل هالشي لأني ما قلتلك بحبك ؟!
شذى:اي وجع منيح يلي نطقت....لااا استنى ....إنت..إنت بتحبني؟!
وعملت فيها المتفاجأة المستحية وتغير حالها ورجعت لورا
تميم:يا عفو الله الجنان بالله كنت بتستنيها؟!كل أفعالي وتصرفاتي ما عنولك شي بس كلمة بحبك خربت حالك لااا جد مو طبيعية انت...شو رأيك تتركينا من قصتك انت وأمير وتجي تفهميني كيف تركيبة عقلك
شذى:لتكون مو عاجبتك تركيبة مخي يا بعدي
تميم:ما هو المشكلة إنها عاجبتني وحتى لو مو عاجبتني لازم تعجبني ما في خيار تاني عندي
شذى بفرح:طيب ماشي رح كملك خلص..بعد ما إجو كنان ويمان لعندي وحكولي يلي صاير مع إيليف وزعلت عليها جد كتير وبلشت أفكر بشو ممكن نعمل..إذا إيليف ما ساعدت أمير رح يقتل ياماش بكل سرور ويكمل ع الباقي بكل رحابة صدر ورح يلاقي طريقة يوصللي فيها وساعتها نحن بكون خسرنا كتير..أما لو ساعدتو رح تقدر تروح هي وياماش بعاد عن أمير وإجرامو بس رح تكون خسرتنا كلنا..أمير عاطيها خيارين أحلاهما علقم وهي كانت محتارة..فأنا لقيت الحل الأنسب إنجاري أمير ما عنا خيار تاني وهو أول شي نخلي إيليف تعملو إنو تخضعلو وتنفذ طلبو..

Stories📚:
خلينا نحسسو بنشوة الإنتصار ونتركلو فرصة يعمل أكتر شي بحبو وهو التبجح وشوفة حالو وإنو ما حدا قدو وإنو أخد يلي بدو ياه من بين عيون الكل..خططنا كانت قائمة ع هالشي بس بذات الوقت نحن كلنا حازم..حور..أحمد..نور..أمجد..أردام..وحتى ياماش وإيليف كلنا كنا حزرين ما إنسسو بشي يثير الشكوك فهمنا الكل الخطة وع معترض وخايف وع ما بدو بس بالنهاية قبلو بالحل..وكنان كان هو العقل المدبر والمراقب لتفاصيل الخطة ويمان أكيد مساعدتو بالتنفيذ..جاب للكل أدوات ليسهل التواصل معهم ويعطيهم تعليمات فورية إضافة لمراقبة هواتفهم و موقعهم ويمان هي يلي وصلتلهم ياهم وفهمتهم الخطة أكتر..وأنا أعطاني جهاز بمكنو يسمع أنا كلشي عم أسمعو وفيني من خلالو أحكي معو وفيو يحدد موقعي كمان من خلالو..وكل هالشي جهزوه خلال تلت أيام قبل ما نبلش بالخطة الأساسية ويلي هي بعد ما خلينا إيليف تساير أمير وتقلو إنها موافقة تنفذ خطتو وهو يخطفني جد
تميم:كل هالشي يطلع معك وأنا آخر من يعلم وكنان ويمان كيف وافقوك بس
شذى:كم مرة لازم أقلك إنو كان حلنا والوحيد والأفضل وخصوصي مع فهمنا لشخصية وتفكير أمير..بيومها الكل صح عم يعيش حياتو صح بس كلو ع إهبت الاستعداد لأني تهديدات أمير كانت واضحة وكنا متوقعين يبلش فورا بتصفية الناس يلي بيقربوني وساعدوني..الكل كان لابس أدرع حماية والشباب متسلحين في حال أضطروا يستخدموه وعم يراقبو المحيط حوليهم ويكونوا حزيرين..من خلال حكي أمير اعرفنا الهدف الأول وكان أمجد وكنان ويمان كانو ع تواصل مع الكل وحزروه ينتبه وإن شا الله هلق ما بكون صايرلو شي..أما الهدف التاني كان أردام وكنا متوقعين يبعت حدا يقوصوا أو يقتلوا بس هون غلطنا هو سجنوا ولهلق ما عرفت شلون وهادا ما كان بالحساب الخطة يلي حطيناها كانت بعد ما أردام ينفد من أمير يجي يقبض عليه ويخلصني
تميم:منيح صار هيك حتى تعرفي ما دائما الأمور بتمشي لصالحك الموضوع مو شربت مي وأردام ما فيك تعتمدي عليه بكلشي وبكل خططك مااااا فييك
شذى:طيب انت ليش غيران منو هالقد شبك
تميم:ما اشبي شي ع سلامتك كملي
شذى:بعد ما شفتو زت أردام بالسجن أنا بلشت أخاف وخصوصي وقت قلي رح يفجر الفندق وأنا هون فلتت أعصابي ما توقعت يعمل هيك أنا كنت متوقعة حسب توقعاتو يبلش بنور أمجد أردام أو حتى أحمد وحور وخصوصي إنهم ولاد عمي وكان بدو يبيد عيلتنا..بس للأسف توقعاتي كانت خاطئة بخصوص هالنقطة
تميم: هلق النقط الخاطئة يلي بخطتك كتيرة ولو كنت مستحيل أخليك تفذيها بس ما علينا هلق شو صار بعدها
شذى:دورلك تحكيلي أنا متأكدة انك دائما بهالوقت بتكون بالفندق شو صار صرلك شي إنأذيت ؟!احكيلي
طلع فيها تميم ورجع راسو لورا وسندو ع الكنباية وغطى عيونو بايدو
تميم:مو جاي على بالي بدي نام تعبان ونعسان عملتي كلشي لحالك ضلت ع هي؟!تبقى اعرفيها لحالك بس اعرفي إنك كنت رح تكوني سبب بموتي
شذى:لااا بالله جد؟!عن جد عم تحكي بلا غلاظة هلق هيك بعد ما صرلي ساعة بحكيلك ووقت إجا دورك صرت تعبان وبدك تنام
تميم:روحي عند كنان ويمان يلي عم تخطط معهم ويلي ساعدوك يحكولك أنا مالي دخل شو نسيتي إني من يهود خيبر
طلعت فيو شذى بغيظ وهي معصبة ومسكت مخدة وزتتها عليه
شذى:ماشي يا تميم ماشي الأيام بيناتنا ..عاملي حالك زعلان ومزعوج ولك بكني كلبة إذا براضيك
تميم:لا تطفي الضو وراك ما بحب نام ع العتمة
قامت شذى وطفت الضو وسكرت الباب بقوة وكانت رح تخلعو وهو ضحك بانتصار وكمل نومتو.

#سلاسل_متشابكة
#السابع_عشر
قدام السرير يلي كان متمدد عليه أمجد..كانت جوى باركة وعم تبكي وتطلع بأمجد وخوفها عليه باين
أمجد:خلص جوى والله ما فيني شي عرضية
جوى:شلون يعني ما فيك شي والسكين يلي انغزت فيك
أمجد:عدت علي خير
انفتح الباب وفاتت شذى..أول ما شافتها جوى وقفت ومسحت دموعها
جوى:أهلا وسهلا
أمجد:شو بلاقيك هون يا أم راس كبير
شذى:اجيت اطمن عليك واذا صايبك شي يا غليظ
جوى:في اتنين تهجموا عليه وبعدها ضربوه بالسكين ولو مو منتبهين عليهم كانو كملو عليه لا سمح الله
شذى:بعرف عليك العافية ما على قلبك شر
أمجد:الله يعافيك
وسكتو كلهم قامت وجوى واستأذنت وطلعت.....
شذى:هه البنت قلبها مقطوع عليك شكلها هي كمان بتحبك كتير
غمض أمجد عيونو وزفر بضيق
أمجد:امم هيك الظاهر
شذى:شو رأيك تحكي معها وتحاول تفهم الموضوع..وقت واجهت تميم بقصة إنو خاطب جوى فرط بالضحك ونفى هالشي ف بظن قصتهم فارطة
أمجد:هيك قولتك؟!
شذى:اي..جرب احكو وشوف
أمجد:ماشي ابركي احكيلي شو صار ومين تأذى غيري
شذى:تقريبا ولا حدا انت الوحيد يلي أكتلها يا مسكين
أمجد:وانت ما صرلك شي
شذى:لا نفدت متل القردة لا تخاف علي

وبركت حكتلو شو صار وبعدها استأذنت وتوجهت لعند كنان ويمان يلي استغربوا أول ما شافوها
يمان:صاير شي؟
شذى:اي..تميم حالف يجنني
كنان:انت مجنونة ما في داعي يجننك
شذى: هاها مهضوم بس بدك ناس تضحك
يمان:تعي احكيلي شبك انت وتميم رحتو سوا وما احلاكم شلون راجعة وبدنك مسموم
شذى:ولك بعد ما حكيتلو كلشي صار واجا دورو يحكيلي شو صار معو حرد وزعل وانطمز وصار بدو ينام قال اجي لعندكم تحكولي شاايفة
كنان:معو حق بتعرفي كان راح بشربة مي لو أمير مو حاكي إنو رح يفجر غرفة المكتب عندو
شذى:كيف يعني احكي من الاول وبالتفصيل
كنان:وقت كنا أنا ويمان هون عم انراقب الوضع عند الكل ومركزين معك ومع أمير ..أول الشي نبهنا أمجد يلبس الدرع لأني رح يبلشو فيو ويكون حزر وتقريبا نجى منهم..وبعدين أردام ومدري كيف قدر يسجنو
شذى:أنا هلق شوي ورح روح أشوفو
يمان:المهم وقت إجا الدور ع تميم نحن انصدمنا وبسرعة دقينالو وضل ساعة لرد وأجواء من التوتر والخوف صارت مالنا فيها ..أول ما رد قلنالو يطلع من المكتب وبسرعة وما في لحظات واسمعنا صوت الانفجار وصوت صراخك وتلبكنا وما عاد عرفنا شو نعمل
شذى:اي..يعني جد تميم كان بمكتبو؟وكان ممكن يموت
كنان:اي لو متأخر شوي بالرد كان تفجر فيو المكان وبعدها إجا لهون بسرعة وشافنا فاتحين أجهزة ولابتوبات حولينا وقالبين البيت لمخابرات وقلنالو بيلي عم يصير وكان فيو عقل وطار حسيتو رح يطلع بروحك وروح أمير معك
يمان:ولك لا ولوو مو لهالدرجة بس توقعتو أول ما يشوفك يسلخك كفين تلاتة يطيرك
شذى:اي كتر الله خيرك
كنان:والباقي بتعرفيه إجينا وجبناه معنا بعد ما أتأكدنا وتفحصنا المكان ولحسن الحظ أمير مو حاطط حراسة لأني مأمن ع حالو ومتأكد مستحيل حدا يوصلو
شذى:وهلق هو وين
يمان:رحنا أنا وكنان سلمناه للشرطة وقلنالهم قدرنا نمسكوا بمساعدة أردام وهو يلي قلنا ونحن منشتغل معو وهلق هو ببيت خالتو بس نسينا نسأل ع أردام
شذى:ماشي أنا رايحة بدكم شي أو ضل شي؟
يمان:لا سلامتك اطمني خبرنا الكل بيلي صار وهلق رايحين عند ياماش وإيليف
شذى:تمام يعطيكم ألف عافية جد تعبتو كتير معي هالكم يوم
____
بالشركة..كانوا أحمد ونور باركين وساكتين بعد ما خلصت كل القصة وكنان ويمان طمنوهم..قطع الصمت صوت نور
نور:الحمد الله عدت ع خير كان قلبي رح ينقطع من الخوف
أحمد:اي الحمد الله..اهم الشي الكل منيح
نور:اي..يالله بظن الدوام خلص أنا ..رح اروح بدك شي
أحمد:لا..قصدي اي..بدي اي
نور:شو ضل ؟
أحمد:بدي نحكي ممكن أوصلك وع الطريق نحكي
نور:بس..
أحمد:نور لا تحكي شي نحن لازم انحط النقاط ع الحروف ما بحقلك تعملي وتتصرفي هيك بدون اي سبب أو مبرر معلش نطلع نحكي بعد ما انحلت كل هالقصص
نور بتردد:طيب ماشي
واخدها وطلعوا ع مكان عالي كلو خضار وشجر ومريح بشكل..نزلوا من السيارة ونور كان عاجبها المكان كتير وكأنها من زمان بدها هيك مكان مريح
أحمد:عجبك؟
نور:كتير أول مرة بجي لهون
دق هاتف نور وكان أمجد وهي خافت واستغربت أول ما شافت الاسم
نور:هادا أمجد ليك لا تطالع صوت لأني اذا سمع انك معي رح يعملي قصة انا بغنى عنها فمنشان هيك ضل ساكت ايه
طلع فيها أحمد بمكر وهو عم يعمل حالو رح يحكي أول ما ردت ع الهاتف فقربت وحطت ايدها ع تمو
نور:أي أمجد..أنا رح اطلع من الشركة بس بجوز أتأخر اليوم
كان أحمد عم يطلع فيها وهي عم تحكي ويطلع إيدها المحطوطة ع تمو وصار يبوسها ويطلع فيها بحب وهي فتحت عيونها متفاجئة فيو ومن حركتو

نور:ليش انت بالمشفى؟...اكيد شغلة بسيطة؟..طيب ماشي رح ارجع لحالي
قرب أحمد أكتر ولفها من خصرها وقربها عليه وهو عم يتأملهاوهي بلشت تدفشو بايد وتحاول تتملص منو
نور:دير بالك ع حالك..ماشي لا تخاف علي..سلام
فصلت الخط وهي معصبة وبلشت تدفش أحمد بايديها الاتنتين حتى يبعد عنها بس هو ضل عم يطلع فيها ويتأملها وكأنو مسحور فيها وكل ما تحاول تبعد يمسكها ويستحكم فيها أكتر
نور:شووو عمم تعمل أساس جينا نحكي شو مفكر حالك عم تعمل
أحمد:مشتقلك
نور:...
أحمد:ليش فورا بعد ما تكوني عم تفوري وتغلي وبس قربت عليك بتتحولي لكائن لطيف وخجول..و..مغري كتير بالنسبة إلي؟
نور بخجل:معلش تتركني وتبعد عني لنعرف نحكي
أحمد:تؤ عاجبني الوضع هيك وأنا عم متع نظري بأحلا وأكتر بنت بحبها..يلي هزتلي توازن قلبي واحتلتو وطبعت ملكيتها عليه وخلتني دائما شارد وعم فكر فيها..عيونك الحلوين..وملامحك الجذابة..حركاتك تصرفاتك كلها شغلات بتلخبط دقات قلبي ..بحياتي ما قابلت متلك ولا أظن الحياة رح تتكرم علي بحدا بيشبهك انت بعيوني حدا ما متلو مثيل لا إجا ولا رح يجي متلو لحياتي
نور بنبرة هادئة:أحمد رجاءً
أحمد:عيونو لأحمد قولي يا قلبي عم اسمعك

نور:أحمد نحن ما فينا نكمل بترجاك تفهم علي أنا وانت مو مناسبين لبعض أنا ما فيني كون معك
كانت عم تحكي وحاسة قلبها هي يلي عم يتمزق..حاسة بدموع عم تغلي بعيونها..كيف يعني بعد كل كلمات العشق والحب يلي أغدقها فيهم عم تطلب يبعد وهي بتتمناه يكون قريب..قريب كتير منها..أقرب حتى من روحها وشراينها..هي حتى مو قادرة اتطلع بعيونو يلي عم ياكلوها..خايفة يشوف أثر الدمع بعيونها والكتير من الحب يلي متعبها..هي حتى مو قادرة تاخد نفس لمجرد إنو قريب منها..
أحمد:طيب ماشي..قوليلي ليش ..شو المشكلة كلو بينحل صدقيني..أنا بعرف انك بتحبيني حتى لو ما قلتي حتى لو ما حكيتيلي عيونك باين فيهم الحب وكاشفينك حتى لو مو قادرة ترفعيهم وتطلع بعيوني..(غير نبرتو لنبرة هادية مليانة بالمشاعر خلتها تتعذب أكتر )نور ما حاج تعذبيني..احكي ليش ما بدك نكون سوا
غمضت نور عيونها وعضت ع شفتها وشدت ع حالها حتى تضل متماسكة ولو شوي بعد الانهيار يلي صار جواتها وصار بدها بس تهرب من حضنو وأنفاسو يلي عم تلفح وجهها وعم تخليها تدوب أكتر ..نظراتو ولمست إيدو ع خصرها نبرة صوتو كانت حاستهم عم يزيدو بعذابها أكتر وأكتر
نور:أنا مافيني أكون موجودة بمكان غير مرغوبة فيو..أنا والله بحبك أمانة حاج تعذبني وتعذب حالك..الحب مو أهم من الراحة والطمأنينة..لاتفكرني ما عم أتعذب متلك وأكتر..مفكر الموضوع سهل علي؟!..بس أنا وانت ما بيظبط نكون لبعض عيلتك رافضتني..حتى لو كملنا وتزوجنا امك ما رح تتقبلني ورح يضل تخلق مشاكل ونبعد ع بعض..وكل حبنا رح يتبخر ويحل المشاكل والزعل بينا..ف خلينا من هلق أحسن ما نتعب بعدين..
أحمد:شو دخل أمي بالموضوع؟انا حتى ما قلت لأمي عليك
نور:هي بتعرف من فترة دقتلي ورحت قابلتها..وحكتلي كلام بدايق ع إني مو من مستواكم وما بترضى فيني وإنك ابنها ولازم تاخدلك احسن بنت وإني لازم ابعد عنك....خلص بترجاك حاج والله إني تعبت وما بدي أرجع أعيد كلامها لأني عن جد جرحني من جوا..ونزلو دموعها وحست بالعبرة خنقتها..كل طاقتها خلصت جد صار بدها تبعد..طلع فيها أحمد وهو مو عارف شو يعمل كان قلبو عم يرجف بس لمجرد فكرة انها رح تبعد..إنها موجوعة منو وبسببو
أحمد:يعني كل هالوقت كنت عم تتجاهليني وتعذبي حالك وتعذبيني معك بسبب هالشي كنت احكيلي
نور:أنا اصلا كان بدي اهرب واترك كلشي وراي واروح ما أحكيلك ع أمك وبس خلص العقد أنا ما رح ضل ولا ثانية قلبي مو متحمل وجع أكتر صدقني..انت كمان ابعد عيش حياتك ..ما فيني قلك اكرهني وحب حدا غيري لأني أنا ما فيني أعمل هالشي لأطلبو منك ..وهلق (رفعت راسها وطلعت بعيونها الباكية بعيونو يلي كان فيهم ألف مغزة وكلمة هي كانت قادرة تحس بقلبو يلي عم يعتصر جوا صدرو من بعد حكيها)معلش توصلني ع المشفى وياريت خلص ننهي الموضوع هون
ضل ساكت لدقائق..سكوتو كان قاتل ونظرتو كانت دابحة..مو عارفة شو صابو أو شو رح يعمل
أحمد:لهالدرجة حبك جبان؟!ولا ممكن تغامري وتضحي منشان الشخص يلي حبيتيه؟
نور:أنا لو شايفة في فايدة كنت ضحيت لو بعرف إني بعد تضحية ممكن أرتاح كنت رميت كلام أمك وضليت بس قلبي ما عاد متحمل وجع
هز براسو بشرود وتركها وسبقها ع السيارة وهي لحقتو وهي منزلة راسها..وضل طول الطريق هادي بطريقة مريبة
____
بغرفة كنان..كان عم يظبط اغراضوا والأجهزة ويشتغل وبارك ع تختو
كنان:يمان ممكن تجيبيلي هاتفي من عندك
يمان:يالله
اجت يمان وأعطتو هاتفو

يمان:شو خلصت شغل وترتيب
كنان:اي خلصت وأخير حاسس جسمي مكسر ما وقفت شغل هالكم يوم
يمان:اي والله يعطينا العافية
حط كنان الهاتف ع الكوميدينا وسكت ونزل راسو عم يفكر
يمان:ضل بدك مني شي
كنان:اي..
قام وقف مقابيلها وهو عم يطلع فيها وهي توترت شوي
كنان:لمتى؟
يمان باستغراب:شو؟!
كنان:عم اسألك لمتى رح تضلي تخفي وتخبي وتخجلي
يمان:من شو ..عن شو عم تحكي
كنان:تعالي ابركي ع السرير بدي احكيلك شغلة
يمان بتوتر:لا معلش مرتاحة احكي
كنان:لا هو الموضوع ما بصير غير إذا بركتي حتى تفهميه منيح
هزت براسها وقربت وهي رجل لورا ورجل لقدام وبركت جنبو ع السرير وهي عم تفرك بايديها
كنان:كل مالك عم تحلي يا بنت..أو انت حلوة كتير من قبل و مالي خبر
طلعت فيو يمان متفاجأة ومو عارفة شو تحكي
كنان:ما كان في داعي تغيري شي فيك بكل أشكالك وحالاتك كنت عاجبتيني.. أفكار الهبلة شذى ما كان بدك ياها لتلفتيلي انتباهي وأنا كلي ملتفتلك..صح بجوز مو باين بس هالشي كان موجود جواتي من زمان ..زمان كتير ومو عارف حتى أنا بتصدقي؟!!..بس يلي فتحلي عيوني وخلاني أعرف وقت مرضتي وكلشي جواتي أعلن حالة إنذار من خوفوا عليك..بس بتعرفي شو كانت الضربة القاضية يلي وقعتنا أكتر وغرقتني

طلع فيها عم تدوب من الخجل أنثى تانية مو متعود عليها بكل هالرقة! طيب كيف يصبر قلبو يلي عم يضرب طبول عليها
كنان:شو ما بدك تعرفي احكي؟..ولا أنا بحكيلك وقت يلي كنت تحت تأثير البنج كنت عندك مسكتيني من ايدي وقلتيلي لا تروح شقدك حيط كيف ما عم تفهم إني بحبك ولا عارف وعم تعذبني..بحبك من زمان وانت باين مو طايقني يا ظالم
يمان:اناااا؟!!مستحيل كنان حاج تكذب علي
كنان:ليش بتشكي بحكي أو بتشكي إنك بتحبيني؟
يمان:لا مو هيك..هو الموضوع ..إنو...اوووف كنان اوووف حاج تطلع فيني هيك وتخجلني
كنان:كل هالشي وعم تقولي ما بتحبيني كيف لو حبيتني بقى
يمان:لاا موهيك القصة بس إنو ..ياربي ما فيني احكي
كنان:ليش شو يلي بيمنعك تعبري عن مشاعرك
يمان:بخاف ع كرامتي..يلي بيعترف أول بيتعذب وبتصير كرامتو بالزبالة
كنان:هادا مو حكيك هادا حكي الست شذى صح؟ليش مين في غيرها اساسا كان لازم اعرف من الاول انو تغيرك بسببها..وأنا مستغرب حسب معرفتي فيك توقعت تجي تقوليلي وتخلص الشغلة مو من عادتك تلفي وتدوري أنا متعود عليك يلي بدك ياه بتقوليه دغري
سكتت يمان وهي عم تسب وتشتم شذى بقلبها
كنان:اذا بدك تضلي هيك تسكتي وتخجلي وما تردي علي ولا تعرفي تحكي أنا رح انهي هالشغلة هون
يمان:اي شغلة
كنان:إنو أنا بدي اتزوجك
يمان:شوووووو
كنان:ما بدك؟
يمان:لاا مو هيك الموضوع إنو ..يالله لك ليش أنا بس عم فوت بالحيط
ضحك كنان وسحبها لحضنو ومسحلها ع شعرها ..هو كني ناوي يجلطها اليوم
كنان:مالي عارفك وانت شو ما احكي بتفوتي بالحيط متعود عليك دائما عم تخانقيني.. شكلك تعبانة كتير تعي انام اكيد تعبانة وبدك تنامي صح
يمان:اي والله ياريت أنا صدمة تانية وبيغمى علي
كنان:يالله تعي نامي هون وتمددي
يمان:لا معلش بروح ع غرفتي
كنان:ومين قلك رح خليك تروحي
يمان:نعاااام شووو كنان شوي شوي الله يرضى عليك بتحكي جد؟!!!
كنان:ولك تعي خلصينا
وسحبها وتمدد ع التخت وهو حاصرها بحضنو وعم يشم ريحتها يلي عم تتغلغل لجواتو
كنان:خليني نستغل إنو مافي حدا بالبيت واسمعك قلبي كيف عم يدق من قربك وعم ينبض بحبك غمضي عيونك واسمعي
ضلو هيك لغفيوا و ناموا
____
بفرع الشرطة..راحت شذى تسأل ع أردام والتقت هونيك بحازم..
شذى:حازم شو صاير كيف قدر أمير يحط أردام بالسجن
حازم:شكلو واصل لأدلة عن أبي متل ما فهمت من واحد صديق لأردام هون خبرني..و وقت أردام جاب الاوراق من بيت أمير كان في كتير أدلة وأعمال لأبي واجا لعندي قلي وقررنا ما انسلمهم كلهم وضلو بمكتبو
شذى:اي ما فهمت يعني لهلق
حازم:أمير مو بيعرف كل الادلة يلي عندو وشكلو متابع كلشي بدقة وعرفان اننا ما سلمنا كل الادلة ف شكلو املاقيهم وبطريقة قدر يسلمهم للشرطة أو مخلى الشرطة تشوفهم بمكتبو..وهيك أردام بينعد إنو أخفى أدلة وإنو عم يتستر ع أبوه
شذى:لاا تقولها وكيف رح يطلع منها هلق
حازم:ما بعرف بس قلي لا تخاف رح أنفد
شذى:إن شا الله
سمع صوت شلة البنات معصبين وعم يسألو ع أردام وبدهم يقابلوه
حازم:يا حبيبي كل هدول عم يسألو ع أردام ما شا الله كيف مطبقهم كلهم سوا هدول شي ست سبع بنات وكلهم عم يسألو عليه
شذى:مصدوومة بجد ومش بنطق أول مرة بشوف واحد حربوق ونسونجي هيك ولك واذا اجا يتزوج ما رح يحسن يتزوجهم كلهم لشو الطمع يعيف كم وحدة لغيرو يعني
شوي وطلع أردام وهو عم يمشي بكل ثقة..أول ما شافوه ركضو البنات كلهم عليه وهي يلي تحضنو وهي يلي تطلع فيو مو مصدقة وهي يلي تطمن علي وهي يلي تبكي وشذى وحازم فاتحين تمهم واقفين متل التمثال عم يطلعوا بهالمشهد يلي ما بيتكرر بالعمر مرتين..انتبه عليهم أردام حكي شي مع البنات وكلهم ودعوه وراحو..قرب أردام لعند شذى وحازم يلي لسا صافنين ومو عارفين شو يحكو

أردام:هلق بوكيه الورد والشوكولا يلي لازم تجيبوها وقت واحد يطلع من السجن عدينا عنها بس إنو هالاستقبال البارد وحتى الحمد الله ع السلامة ما قلتوها هي تخينة ما بتنبلع
حازم:هو سؤال فني إنت كيف مطبق كل هالمعجبات بوقت واحد وكلهم عرفانين ورضيانين
أردام بثقة:ولك خبرة السنين هي سر المصلحة وغمزو..امشو نحكي بمكتبي
بالمكتب
شذى:هلق انت كنت بالسجن صح؟وهلق طلعت ولا شو
أردام:اي اعتقلوني وحققوا معي ورجعوني منشان موضوع الدلائل بس أنا نفدت حالي
شذى:وكيف قدرت تنفد
أردام:كنان ويمان وقت اجو يسلموا أمير قالولهم نحن منشتغل مع أردام وهو قلنا نمسك أميرونجيبوا وأنا وقت سمعت هيك خطرتلي فكرة..قلتلهم الدلائل يلي محتفظ فيها كنت عايفها قصدا بعد ما شكيت بموت أمير لأني كنت متوقع أوصل لقصص أكبر من خلالهم وبعدها كنت رح قدمهم وبكم واسطة وكم ترقيعة طلعت وخصوصي بعد ما قدرت أمسك أمير
حازم:منيحة يالله الحمد الله ع سلامتك أنا رح روح عند حور أكيد بالها مشغول بالإذن

راح حازم وضلت شذى اطلع بأردام
أردام:خير إن شا الله شو مضيعة بوجهي ولا عم تتندمي وتتحسري إنك روحتي هيك جمال ووسامة وحلاوة من إيدك
شذى:لا عم حاول استوعب شلون ست بنات كلهم بحبوك دفعة وحدة وعادي ولك أنا إذا تميم بنت بطلع بطرف عينها عليه بعميلها ياها وبنكد عليه شهر بقى هنن شلون متقاسمينك
أردام:محسستيني إني شي سفط حلو أو قالب كيك حتى يتقاسموني..وبعدين شو بدهم أحسن من هيك المتل بقلك خدي النسونجي وربيه وتركي الطمشه لأمو تبتلي فيه وهنن حابين يطبقوا هالمتل انت ليش مزعوجة ومحروقة
شذى:يعني ومستني مني هلق أصدق أكيد في سر مستحيل عامللهم سحر شي يعني؟!
أردام:طيب رح أحكيلك سر وبينا هاه
شذى:اي أكيد ما رح احكي لحدا قلي أمانة الفضول قتلني
أردام:هدول البنات يلي شفتيهم بعتبرهم متل اخواتي لا تبلشي رح فهمك..مرة كان عنا عملية اقتحام بيت دعارة وهالبنات كانو هونيك منهم قاصرات ومنهم ببداية العشرين بعد ما اعتقلناهم وحققنا معهم كانو مخطوفين ومجبورين ع هالشي وما كان الهم حدا وهنن اصلا مو من هون..بعد ما طلعوا من السجن ما كان الهم حدا وصفوا بالشارع وانا كنت متابع القضية من أولها..كل العالم رفضوا يشغلوهم او يساعدوهم وتجاهلوا محاولتهم بالتغير..وأنا ما قدرت أتركهم..ساعدتهم استأجرتلهم بيت لقيتلهم شغل وصرت دائما اطمن عليهم حتى أمنت انهم خلص فيهم يعتمدوا ع حالهم..يعني فيك تقولي الوحيد يلي واقف معهم واي بنت بتفوت ع السجن منحاول كلنا نساعدها....لو حدا غيري كان قال بيستاهلوا وهادا جزاؤهم ولا حتى رح يحاول يفهم القصة..بس نحن لازم أغلب الوقت ننظر للناس بنظرات مختلفة..الكل بقلي أبو البنات ونسونجي وصايع وانا ابدا مو فارقة معي ولا مهتم..أنا عارف شو عم اعمل مو محتاج أبرر لحدا
شذى بدهشة:واااو بتصدق إنك كبرت بعيني والله ولا كنت متوقعة منك هيك
أردام بغرور:اااخ أنا وأعوذ بالله من كلمة أنا وبعيدا عن التكبر بس مفضل عليكم كلكم واحد واحد
شذى:اي التكبر عم يبكي بالزاوية سيد أردام..المهم شو رح يصير مع أمير
أردام:أعدام فورا لسا عندي ملفاتوا وعمايلوا والجرائم يلي مرتكبها وعمك كمان الله يرحمو كان عاطيني نسخة من الملفات يلي كان عم يجمعها
(الملفات يلي كان عم يجمعهم هاشم أول القصة إذا نسيانين)
شذى بحزن: الله يرحمو ولا يسامح أمير كيف حرمني منو...ومتى رح يعدمو بس يجهز ما
أردام:أكييييد ما بدها سؤال وقت يكون مجهز حالو و رح يوظفولوا واحد يجي يسألو كل يوم شوو حبيبي كيف المعنويات للموت اليوم مودك تمام منشان تموت إذا لاء بغطيه وببوسو🙂
شذى:ما أتقل دمك يا خي قصدي بس تجهز كل الأدلة وينحكم
أردام:اي اكيد يا فطحل زمانك قايم أوديلهم ياهم منيح محتفظ بنسخة منهم ع اللابتوب ولا كان أمير أخدهم مع الباقيين
شذى:ماشي
أخدهم أردام وراح وشذى رجعت ع بيتها..بس خلص أردام شغل راح ع قبر أبوه..كان بارك والدمعة بطرف عينو كان الحزن واضح على وجهوا والقهر والغصة باينة بعيونو واخير بيقدر يفرغ وما يضل شادد ع حالو خافي حزنو
أردام: إن شا الله تكون مرتاح بقبرك..يلي قتلك أنا حطيتو بالسجن ورح ياخد عقابو ع هالشي وع كل شي عملو وع الاغلب أترقى مرة تاني شايف شقد عم أشتغل ع حالي..بتعرف أول مرة مرة قلتلي إني ابن فاشل كنت صغير دوبني١٣ او١٤ بينما حازم كان ١٨ و مبلش يشتغل معك وعم تفتخر فيه..بتصدق من وقتها أنا مقضي حياتي لأثبت العكس رغم إني بوقتها عملت حالي مو مهتم وقلتلك إني مو فاشل بس بالحقيقة أنا من وقتها لهلق عم حاول أثبت العكس..ويمكن أضل من هون لآخر عمري أحاول أطالع هالكلمة من راسي..بس أقلك سر أنا والله ما كان بدي هيك يصير معنا ليش هيك صار كان بدي بس تندم وترجعلنا كان بس بدي تحس بالفخر فيني تشوفني شو عم اعمل انت بحياتك ما سمعت حاجتي الك كنت شوف كل الابهات كيف بيدعموا ولادهم الا انا ابي عدوي فكرك هالشي ما كان يحرقني..انا قلبي من جوا نار بدها تحرق كلشي ..وانت هلق متت لا كفرت عن ذنوبك ولا عوضت ابنك متت وانت

شايفني فاشل ولا بيوم افتخرت فيني ولا يوم سألت عني تشوفني اسكر واصيع واجيب بنات واعمل كلشي لاستفزك واخليك تحرص علي بس انت ولا كنت سائل ولك انت ما بتعرف انا شقد كنت بحاجتك شقد عندي نقصص من دونك ..ياريتك ساعدني لاساعدك..الله يغفرلك مافيني قول أكتر من هيك
وقام وهو عم تقاوم دمعوا يلي بلشت تغلبو وتنزل
.......
قالت لي صديقة أحبها إني سيئة فقلت لها بكل برود أن هذا رأيها ولا يعنيني وأني لا أهتم بذلك ومضى الأمر..
لكنني قضيت نصف عمري لأثبت العكس والنصف الثاني كي أستطيع أن أخرج تلك الكلمات من رأسي
فانتقوا ما تقولون
_____
رجعت شذى ع بيتها جايبة معها أكل ..شافت لسا تميم نايم رفعت حواجبها وطلعت فيو هي صرلها ساعات برا البيت وهادا لسا نايم؟!..راحت ع المطبخ وجابت سائل جلي وحطت منو قدام الكنباية يلي نايم عليها ورجعتو ع المطبخ ورجعت ع الغرفة بسرعة طلعت فيو بمكر وبعدها صرخت بأعلى صوتها وهو فز من نومو وقام وماشاف حالو غير تزحلق وانطب ع ضهرو

تميم:شبك فيك شي صرلك شي؟ليش بتصرخي
شذى ببراءة:كان في صرصور
طلع فيها تميم متل يلي عم يطلع بأكبر مصيبة عملها بحياتو
تميم:أنا ضهري كان رح ينكسر
شذى:اي سلامتك وأنا قلبي كان رح ينفجر
تميم:اي سلامتك...اااخ ضهري أنا رايح ع بيتي قبل ما أرجع معطوب
شذى:لااا استنى جايبة عشا تاكل
تميم:لا ما بضمن ما تكوني حاطة فيو شي
شذى: ثقتك فيني دبحتني بس لا خلص تعى أنا أصلا جايبتو حتى راضيك
تميم:حنونة ورؤفة وقلبك طيب ما عرفتك
شذى:طيب ما مليت من الخناق خلينا نبرك هيك رايقين متل أي اتنين بحبو بعض ونتعشى وبعدها نسهر وهالقصص ضروري نضل طول الوقت ننتف ببعضنا
تميم:إذا متل اي اتنين بحبو بعض بسهر
وغمزها مع ضحكة وهي ضربتو
شذى:صاير صايع بعرفك مؤدب
تميم:هو في حدا بشوف القمر قبالو وبضل مؤدب
شذى:اي لا تتمادى كتير رح جيب العشا بدنا نحكي خليك هون
وبعد ما تعشو...
شذى:يالله احكيلي ليش أبوك قلي إنك رح تتجوز جوى ومستني يشوف ولادكم
تميم:يعني قصة تقليدية فارطة..أهلها لجوى ماتو قبل أربع سنين وما ضللها غير عمها يلي هو أبي ومنشان يأمن عليها قلي لازم أتزوجها ويحفظ أمانة أخوه..بوقتها لا أنا ولا هي كان بدنا بس جارينا أبي لأني حالتو كانت تعبانة وما حابين انزعلو وبوقتها جوى كانت بكلوريا وجابت الطب وفاتتو رغم إنو مو رغبتها ولا بتحبو بس لأني بدو دراسة ووقت كتير واتفقنا أنا وهي انقلوا لأبي بس تخرجت من الجامعة منتزوج وما بصير هلق وبدها تركز ع دراستها وتركنا الشغلة وأبي لسا عم يستنى
شذى:يعني هلق أبوك لو قلتلو ما بدك جوى وبدك حدا غيرها بوافق
تميم:لازم بس بالأول لازم أأمن ع جوى حتى ما تضللو حجة
شذى:طيب شو رأيك إذا بقلك عندي حدا بدو جوى
تميم:أمجد أكيد باينة
شذى:شوو عرفك
تميم:شفتو كذا مرة واقف معها بالمشفى وكيف بطلع عليها ومن حكيها عليه يعني باينة متل عين الشمس
شذى:طيب شو رأيك نروح بكرى انا وانت وجوى وأمجد لعند أبوك
تميم:إذا أمجد فيو يجي منروح
شذى:ماشي رح أحكي معو
___
تاني يوم بالشركة..جابت نور البريد لأحمد يلي ما أعطاها أي اهتمام..وقعوا وبعدها طالع ورقة
أحمد:هادا العقد يلي فرضتو عليك..وبما إنو كتير زاعجك ولولاها كنت بعدتي..
مسكو وشقوا بالنص
أحمد:اعتبريه مو موجود وإلك حرية تكملي شغل هون أو نخسرك..وهلق مالك مجبورة تضلي
طلعت فيو نور مصدومة وفي حرقة بقلبها وغصة علقت بحلقها وهي عم تشوفوا مكمل ولا على بالو..حتى ما طلع فيها ..راحت وانسحبت من المكتب بهدوء وهي حاسة حالها بدوامة ودمعة بطرف عينها واقفة..بركت شوي صافنة وعم تفكر بعدها حسمت أمرها وأخدت ورقة وراحت ع مكتب أحمد..وحطتها قدامو بكل هدوء وهي عم تستناه يسألها أو يعارضها أو يعمل أي شي منشانها..بس هو أول ما طلع فيها وقعها بكل بساطة
أحمد:كانت فرصة سعيد آنسة نور الشغل معك الله يوفقك بحياتك أكيد ما فيني اعترض ع قرارك...
طلعت فيو نور بحرقة وهي مو مصدقة..هي كانت بدها يعترض يعمل أي شي...كيف يعني بدو يخليها تروح بهالبساطة ؟!..ضلت دقائق تطلع فيو كيف عم يشتغل ولا حاول يطلع فيها..تركك المكان وراحت..

"لوّحتُ له يدي مودّعةً، ولا يعلم كم يدًا في قلبي لوّحت له للبقاء".💔
_____
بكل عمق كانوا كنان ويمان نايمين ومو حاسين ع شي قطع عليهم نومتهم صوت الباب يلي إنفتح وياماش يلي كان عم يصرخلهم بأعلى صوتو..فزو هم الاتنين من نومهم وأول ما شافت يمان كنان قريب منها صرخات وانتفضت وهي عم تطلع بكنان يلي لسا عم يحاول يستوعب شو في
كنان:شو الازعاج من الصبح شو جاب هالغبي هلق

وقام وفتح الباب وطلع لعندو وبعدها لحقتو يمان
كنان:خير شو جايبك هلق
ياماش:بيت يلي خلفك لآخد منك الأذن حتى أجي
يمان:تعى بس مو هيك فيقتنا من نومنا
ياماش:مو مهم..المهم الخبر يلي جايبلكم ياه..إيليف قبلت تتزوجني
يمان:جد؟!ألف مبروك بس كيف بهالسرعة
ياماش:لا سرعة ولا شي بعد ما حكيتو معنا وقلتولنا أمير صار بالسجن قلتلها تقبلي تتزوجيني وقالت اي
كنان:يعني وين ألاقي بذكائك بنص كل هالمشاكل جاي تعرض عليها وتتزوجها
ياماش:ايَّ مشاكل خلصنا مشاكل وصار وقت نفرح
يمان:ألف مبروك منك المال ومنها لعيال
ياماش:الله يبارك فيك ع قبالك يالله صار لازم أروح قلت بس أجي أخبركم العرس بعد شهر هاه
كنان:يعني أخوها رح يروح فيها اعدام وانت رايح تتزوجها شو هالتفكير والمنطق الأخرق يلي عندك
ياماش:عادي منحضر إعدامو سوا وهلق استودعناكم
راح ياماش وبركو كنان ويمان يطلعوا ببعضهم
كنان:شفتيلي هالمختل ياريت يفكر ربع ساعة لقدام بس
يمان:بالعكس حلو هيك ولو ما كان هيك كان انتبه علينا وانفضحنا
كنان:وليش لننفضح ليش شو كنا عم نعمل
يمان:ولا شي سلامتك

___
عند نور كانت طامرة حالها بتختها متجاهلة صوت الباب يلي عم يندق..انفتح الباب وفاتت شذى والفرحة مو سايعتها..وقامت نطت ع التخت ومو مصدقة
شذى:نووور ولك خطبني وأمجد رح يخطب جوى ولك قوومي أحكيلك شوو صار قووومااااي
طلعت شهقة مكتومة من نور غصب عنها انتبهت عليها شذى وصارت تحاول تعرف شبها ونور قامت وحضنتها وهي عم تبكي وبلش الخوف يتسلل لقلب شذى
شذى:مين امبكيلي عمري.. نور يا روحي شبك شو صاير لا تخوفيني عليك هيك
نور:شذى اتعبت والله ما ضللي قدرة بدي أبعد ما عاد فيني
وبركت حكتلها يلي صار
نور:خلص أنا دقيت لأمي وقلتلها رح أرجع لعندها وهي قالتلي في ناس جايين أصلا يخطبوني حكوا معها
شذى:واكيد ما رح توافقي ورح تطفشيهم متل كل مرة
نور:مو ضروري..جربت حظ بالحب وطلع زفت خليني أجرب غير شي هالمرة
شذى:رح اتعبي حالك هيك أكتر صدقيني
نور:رح شوف ما بتعرفي شو بصير...اي احكيلي شلون تميم خطبك وأمجد كمان رح يخطب؟!
شذى:اي رحنا عند أبو تميم وقلنالو إنو أمجد وجوى بحبو بعض وأنا وتميم كذلك الأمر وإنو أمجد رح يصون جوى ومن هالحكي وقدرنا نقنعوا بس حط شرط إنو ما بصير يتزوجوا حتى تخلص جوى دراسة يعني لبعد تلت سنين وأمجد كان رح يغط ع قلبو بس سكتو ومشي الحال وأمجد رح يروح بكرى يجيب أهلو ليتقدم لجوى رسمي وتميم طلبني قدام أبوه من أمجد وأنا وافقت
نور:الف مبروك الله يخترلكم الخير..أقوم أضب غراضي صار العصر بلكي ألحق بكرى أروح مع أمجد
شذى:يعني خلص رح تروحي وتتركيني
نور:ولك مستحيل أتركك رح أضل معك وأطمن عليك ما رح تلحقي تشتاقيلي اطمني
تاني يوم ودعتهم شذى وراحو ع منطقتهم وحكي أمجد مع أهلو حتى يروحو يطلبو جوى ووافقو ..شافت نور العريس يلي متقدمللها ويلي للصدفة كان أحمد😂اي قدر يقنع أمو وهي أصلا كانت ندمانة نوعا ما ع تصرفها مع نور وأحمد فهمها إنو يوم المطعم عملت هيك من غيرتها وإنها البنت الوحيدة يلي حبها ما ممكن يتزوج غيرها وهي تقبلت الموضوع وخطبو هنن كمان..تزوجو حور وحازم بعد ست شهور بحفلة صغيرة وكلهم تذكرو هاشم بوقتها وزعلو عليه وتذكرو آخر ليلة قضوها معو وشذى صح ما كان باين عليها بس هي كل يوم تقريبا تتذكر عمها وتبكي عليه وما تزوجت هي وتميم لبعد سنة وما رضيت حتى تعمل عرس مجرد حفلة صغيرة ..كانت مفكرة مجرد ما تخلص من أمير رح تكون ارتاحت وخلصت مشاكلها بس بالحقيقة من جواتها هي خسرت كتير خسرت أهم شي بالحياة ويلي هو عمها ويلي ضلان غصة بقلبها ..وأمير طبعا إنحكم إعدام..كنان ويمان تزوجو مع ياماش وإيليف وهي كانت صدمة كبيرة ليمان وكيف كنان نسق كلشي بسرعة..أما أردام هو هو مكانك راوح بارك بس عم يتمسخر ع يلي بينخطبوا ويتزوجوا وعايش حياتو متل ما بحب وبس والله هيك انتهت قصة هالأبطال يلي كل اتنين منهم كانت قصتهم سلسلة من الأحداث وسلاسلهم كلهم كانت متشابكة مع بعض..♡
شذى:نصيحتي خدي الصبور يلي بيتحملك يلي فيو يحتويك بكل حالاتك خدي يلي أفعالوا سابقة أقوالوا يلي بتحسي معو بحنان الأب وسند الأخ وخوف الأهل تمهلي بالإختيار لتلاقي الصح
تميم:خدها مجنونة تطالعك من أي مزاج سيء و اعرف احتويها لتضل معك اتحملها وقت تكون متل النار حتى تنعم بجنتها خدها مندفعة حتى تفرغ كل مخزون الصبر يلي عندك ..لا تاخد حدا بيشبهك بكل شي في بعض الاشياء أحلا لو كانت متناقضة
حازم:نصيحتي خدوا حب طفولتكم يلي ضل وفي كل الوقت معكم ويلي بعطيكم بهالسنين كلشي بتحتاجوه وضل محافظ ع حبو رغم كل السنين
حور: يلي شاب وهو قلبو عم يتغنى بحبك خديه يلي بينزعك من كتر الدلال وبعدها يبرك يتحمل نقك ونكدك لا تتسرعي بالإختيار اختاري صح بس

إيليف:نصيحتي خدي يلي بيشبه روحك يلي قادر بأي وقت يزرع الفرح فيه يلي بهبلو وغباؤو أحيانا بجننك وأحيانا بزيدك عشق خديه ما بيعرف من التكبر والغرور غير اسمهم خديه قلبو أبيض صافي
ياماش:خود يلي قلبك دقللها يلي عيونك ما بتقدر تشيلها عنها خدها جريئة ما بتشبهك بكل شي خود يلي قلبك بقلك هي هيه يلي رح كمل عمري معها
نور:نصيحتي أمني قلبك عند الشخص الصح يلي بيتحمل عصبيتك وطباعك يلي أقرب الناس بينفرو منها..يلي بأبدع بالتعامل معك وبيعرف يمتصل عصبيتك..بيعرف يداريك وبيعرف شو بدك أعرفي انتقي الصح
أحمد:دور ع المختلفة..يلي غيابها بيحرقك ووجودها كلو حب وحنان..لا تدور ع المظاهر ولا تدور ع شغلات بأي لحظة بتفنى دور ع جوهر ثابت
كنان:أعطي حالك فرصة لتشوف الحب الصادق لا تبعد دور حوليك منيح ولا تضل تتجاهل مشاعرك وتنكرها حطها قدامك وفجرها
يمان:أما أنا بقول كوني أنثى ع طريقتك لا تخافي الحب بجيك لا تتغيري منشان حدا كوني متل ما انت ..وانت كيف ما كنت بتنحبي..ويلي بحبك ما بيطلب منك لا تغير ولا تبديل بس لا تختاري بسرعة تمهلي

جوى وأمجد:ما عافولنا يلي فوق شي نحكيه بس خدو بنصائحهم وحبو من قلبكم بصدق وبالحلااال لا تنجروا ورا عواطفكم خلوا العقل دائما متحكم ولو شفتو المكان مو إلكم غادروا بهدوء
أردام:أما أنا نصيحتي يا سادة يا كرام..لااااا تتزوجوا ..زوااااج لااااء..اوعكم تتزوجوا لااا..عيشوا حياتكم ولا ترتبطو بكير ولا ع كيف حدا عيشو حياتكم أعملوا كلشي بنفسكم لاااا ترتبطوا ضلوا حرين ولا تسمعوا ولا نصيحة من يلي فوق هنن أساسا غارقين وندمانين ومو عارفين كيف يبنوا مبسوطين و#النهاية.
عم اكتب كلمة النهاية وأنا كلي حزن كتير استمتعت وتعبت وتعذبت وأنا أكتب وأعذب عقلي وأفرغ مشاعري فيها أخدت كتير من وقتي وجهدي وبهدلة من أمي لأني دائما ع الهاتف 🙂💔بنهاية بحب أشكر أكتر حدا ساعدني وشجعني فيها كالعادة نور يلي كانت تعطيني رأيها بكل مشهد وكل جزء وتساعدنا بالأفكار والخطط ثانكيو نور لفيو كتير☻💙✨وما بنسى الأدمونة هبه لأني من أول ما بلشتها وهي عم تعطيني رأيها بالأجزاء😅والله صرلها سنة بتضل صابرة علي لأكتب وانا أضل أشهر مو كاتبة شي جد شكرا كتير لألك وبس والله إن شا الله تكونو استمتعتوا ووصلوكم مشاعري وأحلاسيس المرهفة أو المشلخة😂💔الموجودة بآخر قصة ع الأغلب أكتبها ولا تنسووو تجاوبو ع الأسئلة بالتعليقات..نستودعكم الله والسلام عليكم ورحمة الله وبركاته💙

بداية القصة 😍💛💭

الحٌب هوِْ
قولّ الرسْوِلُ ﷺ للصٌحَابّه عٌندٓ فتَحٌ مكٌهٓ
" أنصبو لي خيمة عند قبر خديجة " 💛🍂

ﷺ

ذگّر مـن تتمنـى له رضا الخالق 💙

‏- سُبحان الله
‏- الحَمدُ لله
‏- لا إله إلا الله
‏- الله أكبر
‏- أستغفِرُ الله
‏- لا حَول و لا قوة إلا بالله
‏- سُبحان الله و بِحمده
‏- سُبحان الله العَظيم
‏- اللهم صلِّ و سلِّم على نبينا محمد ﷺ

💙💙💙💙💙💙💙💙💙💙💙💙💙

قصة تستحق القراءة

🍀🍀🍀قصة وعبرة 🍀🍀🍀

كان فأر يعيش في مزرعة
فرأى يوما صاحبها يخرج مصيدة من صندوق ،
فاندفع الفأر كالمجنون
في أرجاء المزرعة وهو يصيح:
لقد جاؤوا بمصيدة الفئران ..
يا ويلنا ..هنا صاحت الدجاجة محتجة :
تزعجنا بصياحك وعويلك
فالمصيدة سيتم إعدادها لك ..
هذه مشكلتك أنت وحدك ..
فتوجه الفأر إلى الخروف :

الحذر، الحذر ففي البيت مصيدة ..
فابتسم الخروف وقال :
يا جبان يا رعديد، لماذا تمارس السرقة والتخريب طالما أنك تخشى العواقب ثم إنك المقصود بالمصيدة فلا توجع رؤوسنا بصراخك،
وأنصحك بالكف عن سرقة الطعام وقرض الحبال والأخشاب ..

هنا لم يجد الفأر مناصا من الاستنجاد بالبقرة التي قالت له باستخفاف :
في بيتنا مصيدة ..! !
يبدو أنهم يريدون اصطياد الأبقار بها ..
هل أطلب اللجوء السياسي في حديقة الحيوان؟
و بعد ما تبين له أن لاأحد يهتم
قرر أن يتدبر أمر نفسه
و واصل التجسس على المزارع حتى عرف موضع المصيدة،
و قرر الابتعاد من مكمن الخطر
ونام بعدها قرير العين ..
وفجأة شق سكون الليل صوت المصيدة وهي تنطبق على فريسة ..

وهرع الفأر إلى حيث المصيدة ليرى ثعبانا يتلوى بعد أن أمسكت المصيدة بذيله
ثم جاءت زوجة المزارع
و بسبب الظلام حسبته فأرا وأمسكت بالمصيدة فعضها الثعبان
فذهب بها زوجها على الفور إلى المستشفى حيث تلقت إسعافات أولية،

وعادت إلى البيت وهي تعاني من ارتفاع في درجة الحرارة.

فقام المزارع بذبح الدجاجة لتوفير حساء لزوجته ..

وتدفق الأهل والجيران لتفقد أحوالها،
فكان لابد من ذبح الخروف لإطعامهم ..
ولكن الزوجة المسكينة توفيت بعد صراع مع السموم دام عدة أيام
وجاء المعزون بالمئات
واضطر المزارع إلى ذبح بقرته لتوفير الطعام لهم ..

و بذلك يكون الحيوان الوحيد الذي بقي على قيد الحياة هو الفأر

الذي كان مستهدفا بالمصيدة و كان الوحيد الذي استشعر الخطر ..بينما الآخرون حسبوا أنهم بعيدون عن المصيدة فلم يستشعروا الخطر
بل استخفوابمخاوف الفأر
الذي كان يعرف بالغريزة والتجربة
أن ضحايا المصيدة
قد يكونون أكثر مما يتصورون ..

خلاصة :
حتى لو كـانت المشكـله التي تحدث قريباً منك لاتعنيـك
فلا تستخف بهـا
لأنه من الممكن آن تؤثر عليك نتائجها لاحقا. 🌹 منقول دمتم بخير 🌹

أمثال مدسوسه ساهمت في تخريب مجتمعاتنا 👇 :

1- فخّار يكسّر بعضو... "رواه عديم المسؤوليه".

2- اذا كان الك عند الكلب حاجه، بوس إيده و قلو ياسيدي.. "رواه رخيص ".

3- امشي الحيط الحيط وقول يارب اوصل عالبيت. " رواه جبان "

4- اتمسكن حتى تتمكن. " رواه غدّار " .

5- حط راسك بين هالروس وقول ياقطاع الروس ." رواه مستسلم ".

6- الإيد اللي مابتقدر عليها بوسها وادعي عليها بالكسر " رواه منافق ".

7- ما أنا الا عبد مأمور. " رواه مهزوم ".

8- اذا جن قومك عقلك ما بينفعك . " رواه قليل مروءة".

9- اللي بيتجوز امي بقلو ياعمي. " رواه انتهازي".

10- الولد اللي مو من ضهرك كل ماجن افرحلو. " رواه أناني"

11- انا وخيي ع. ابن عمي، وانا وابن عمي ع.الغريب ." رواه عنصري ".

12- الأقارب عقارب. " رواه قاطع رحم ".

13- هم البنات للممات. " رواه جاهل.

14- لايعيب الرجل الا جيبتو. " رواه تافه".
المال لايصنع الرجال.

لا حول ولا قوة إلا بالله

هجم غزاه على احد المدن وامسكوا بعذراء جميله
وقدموها هدية لقائد فرقتهم ولما رأها القائد انبهر بجمالها وأراد افسادها . فقالت له: تمهل قليلا لأن بيدى مهنه تعلمتها
ولا تصلح لعملها ألا عذراء وألا فلا نفع لها
فقال لها : " وما هي "
قالت له : " هي دهن ، اذا دهن به انسان
فلن يؤثر فيه لا سيف ولا اى نوع من الاسلحه البته ..
وانت محتاج الى ذلك لانك فى كل وقت تخرج للحرب"
فقال لها : " وكيف اتحقق من ذلك "
فأخذت زيتا ووجهت اليه الكلام ، قائلة :
" ادهن رقبتك به واعطني السيف كي اضربك به "
فقال لها : " لا ، بل ادهني انت رقبتك اولا ، وانا اضرب بالسيف "
فأجابته الى ذلك ببشاشه ، واسرعت فدهنت رقبتها
وقالت: " اضرب بكل قوتك "
فأستل سيفه وكان ماضيا جدا ومدّت رقبتها
وضرب بكل قوته فتدحرجت رأسها على الارض ..
وهكذا رضيت ان تموت بالسيف ، على ان تدنس بتوليتها ..
فحزن ذلك القائد جدا ...
وبكى بكاء عظيما أذ قتل مثل هذه الصورة الحسنة
وعرف انها خدعته لتفلت من الدنس وفعل المحرم والفحشاء
إنها العفة والطهارة
كونى وردة رائعة الجمال لا تتغير إلا إذا امسكها غير صاحبها. حافظي على كل بنت وكل امرأة كوني لهن مثال
حافظي على عفتك وطهارتك وسيرة أهلك. فأنتي جوهرة وتذكري افضل نساء العالمين . خديجه وفاطمة ومريم البتول و آسيا بنت مزاحم
كونى مثال للشرف والنقاء

شكلك ولبسك وتعليمك وفكرك وإنجازاتك العلمية والعملية، مجموعها صفر لو اجتمعت بقلبٍ قبيح، ونوايا سيئة.
"إنَّمَا المَرءُ بِقَلبِهِ!"
(إِلّا مَن أَتَى اللَّهَ بِقَلبٍ سَليمٍ).. فإن سلِمَ القلب سلمَت الصُدور والنَّوايا، وصَلُحَ سائر الجسد كله.