Нукус шаҳрида “Саломатлик марафони” старт олди. Бир ой давом этадиган мазкур акция доирасида аҳолини кенг кўламли скрининг ва профилактик кўриклар билан қамраб олиш кўзда тутилган.

Соғлиқни сақлаш вазирлиги матбуот хизмати хабар беришича, тиббий текширувлар бир вақтнинг ўзида Қорақалпоғистон тиббиёт институти клиникаси ҳамда 12 та оилавий поликлиникада амалга оширилмоқда.

Марафонга маҳаллий шифокорлар билан бир қаторда Республика ихтисослаштирилган тиббиёт марказлари ва илғор хорижий клиникалар мутахассислари ҳам жалб этилган.

Локациялар

Насия савдо бозори тартибга солинади

Марказий банк насия савдо бозори иштирокчиларининг ахлоқ қоидалари лойиҳасини эълон қилди. Ҳужжат лойиҳасида Ўзбекистонда насия савдо бозорида янги талаблар жорий этиш кўзда тутилган. Лойиҳага кўра, насия бозори иштирокчилари FinTex Ассоциациясига аъзо бўлиши талаб этилади.

FinTex Ассоциацияси орқали бозор иштирокчилари учун “Ишонч белгиси” тизими жорий этилади. Ушбу белги насия хизматлари шаффоф ва қонунга мувофиқ йўлга қўйилганини англатади.

Шартномалар ва маълумот ошкоралигига оид қоидаларга кўра, ҳар бир насия ташкилоти ўз расмий веб-сайтида барча маҳсулотлар, тўлов тартиби, комиссия ва жарималар ҳақида очиқ маълумот бериши лозим. Мижозлар шартнома тузишдан олдин йиллик фоиз (APR), умумий тўлов суммаси ва кечиктириш оқибатлари ҳақида тўлиқ хабардор қилиниши шарт. Шунингдек, реклама материалларида “0%”, “бепул”, “барчага мос” каби чалғитувчи иборалардан фойдаланиш тақиқланади.

Янги талабларга кўра, насия хизматлари фақат 18 ёшдан катта фуқароларга кўрсатилади, илк лимит 2 млн сўм этиб белгиланган. Агар мижоз лимитни оширишни хоҳласа, унинг қарз юки 50 фоиздан ошмаслиги керак. Қарздорликни ундириш жараёнида таҳдид ёки босим ўтказиш каби ноқонуний усуллардан фойдаланиш қатъиян ман этилади. Барча фоиз ва йиғимлар йилига асосий қарзнинг ярмидан кўп бўлмаслиги лозим.

Шу билан бирга, фирибгарликнинг олдини олиш мақсадида янги мижозлар биометрик усулда рўйхатдан ўтказилади, ташкилотларда ахборот ва киберхавфсизлик бўлимлари фаолият юритади. Кредит бюролари билан ахборот алмашинуви йўлга қўйилади.

Лойиҳани бойитиш учун таклифлар қабул қилинмоқда.

📣 Корзинкада шакар нархи арзонлади!

Октябр Корзинка харидорлари учун ҳар қачонгидан ҳам ширин бўлмоқда, чунки “365 кун” шакарига махсус нархлар эълон қилинди:

▫️ “365 кун” шакари (900 г) — 8 990 сўм;
▫️ “365 кун” шакари (2 кг) — 19 990 сўм;
▫️ “365 кун” шакари (5 кг) — 49 990 сўм.

Мураббо, ширинлик ва карамеллар тайёрлаш учун қулай фурсат🍰

Нарх амал қилиш муддати: 2025 йил 4 октябрдан 15 октябрь охиригача.

Маҳсулот сони чегараланган.

App | Telegram-bot | Facebook | Insta |  Web | Korzinka Go | Реклама

Шавкат Мирзиёев қисқа муддатли меҳнат таътилидан қайтди.

Нукусда бўлиб ўтаётган HealthTech Hackathon’да кўзни сканерлаш орқали инсондаги касалликларни аниқлаш бўйича стартап лойиҳаси ҳам иштирок этаётган экан.

Нукус Оролбўйи спортининг янги марказига айланмоқда.
Бу йил ҳам шаҳарда спорт ва жамоавий руҳни бирлаштирган муҳим тадбир – UNG Nukus Half Marathon 2025 бўлиб ўтди.

5 октябрь куни ўтказилган мусобақада 3 мингдан ортиқ киши қатнашди. Югурувчилар 5 ва 21 км масофаларда беллашишди.

Мусобақа Uzbekneftegaz ҳомийлигида, Қорақалпоғистон Республикаси Спорт вазирлиги кўмаги ва ProRun жамоаси ташкилотчилиги остида ўтказилди.

Марафон нафақат спорт, балки маданий байрам муҳитида ўтди. Тадбир саҳнасида миллий мусиқа ва замонавий ритмлар уйғунлашди. Ғолиблар 1 миллиондан 6 миллион сўмгача бўлган пул мукофотларини қўлга киритди.

Бу йилнинг ўзида Оролбўйи тўртта йирик марафонга мезбонлик қилди. Бу каби марафонлар Оролбўйида соғлом турмуш тарзи ва жамоавий бирдамликни мустаҳкамлаётганини кўрсатади.

Шу йилнинг 6-7 октябрь кунлари Озарбойжонда Туркий давлатлар ташкилотининг, 10 октябрда эса Тожикистонда МДҲ давлат раҳбарларининг саммити бўлиб ўтади.

Футбол бўйича Ўзбекистон миллий терма жамоаси бош мураббийлигига номзод Фабио Каннаваро Тошкентга келибди.

Божхона қўмитаси маълум қилишича, “iPhone 17” русумидаги телефонлар учун божхона қиймати харид ҳужжатларидаги нархга ёки “Apple” компаниясининг фуқаро келаётган давлат бўйича расмий сайтдаги нархларга асосланади. Шу муносабат билан қўмита “iPhone 17” қурилмалари учун энг кўп олиб кирилаётган давлатлар бўйича божхона қийматлари ҳақидаги маълумотларни эълон қилди.

Фарғона вилояти ички ишлар органларида нима гап?

➖Фарғона вилояти Фурқат туманида мактаб директори бўлган Гулираъно Қосимова учун 2025 йилнинг 17 апрели даҳшатли кунга айланган. У ЙТҲга учраган турмуш ўртоғини даволатишга ўша куни таниши, туман солиқ инспекцияси бошлиғидан қарз сўраб боради. Бу солиқ идораси раҳбари билан ўзаро адовати бўлган Фурқат тумани ИИБ бошлиғига қулай фурсат эди: ИИБ ходимлари амалдор ва директорни гўёки “ушлаб олгандай” калтаклашга тушади, кийимларини йиртиб, яланғоч ҳолда тасвирга олишади.

➖Риштон тумани ҳокими топшириғи билан “Булоқбоши гулшани” фермер хўжалиги раҳбари Ғайратжон Хайруллаев хонадонига борган ИИБ ходимлари ғалла режаси бажарилмаганини сабаб қилиб, унга тўппонча ўқталган. Ходимлар жисмоний куч ишлатган ҳолда фермерни олиб кетишга уринган. Дадасига тегмасликни айтган фарзандига эътибор бермаган, кекса онасини эса итариб юборишган. Йиқилган онахон ҳушидан кетган.

➖Фарғона вилояти ЙҲХБ бошлиғи, подполковник Акмал Аҳмедов турмуш ўртоғига тегишли Malibu-2 автомашинасида содир этилган қоидабузарликларни қонунга зид равишда яширишга урингани фош этилган.

Тижорат банкларида АҚШ долларининг харид курси 12 минг сўмдан пастлади

Бугундан бошлаб қатор банклар долларни 12 000 сўмдан паст курсда харид қилмоқда.

Шавкат Мирзиёев марҳум Исмоил Жўрабеков хонадонига ташриф буюриб, унинг оила аъзоларига ҳамдардлик билдирди.

BYD Chazor электромобили ва бошқа қимматбаҳо совринлар ютиб олишни истайсизми?

Ucell абонентларига мўлжалланган “Соврин Бор” акциясида иштирок этинг.

2-октябрдан 24-декабргача рақамингиз балансини 50 000 сўмдан бошлаб тўлдиринг ва ютуқли ўйинда қатнашинг:

🎁 iPhone 16 Pro,
🎁 Apple Watch ,
🎁 Yandex станциялар,
🎁 5G-роутерлар,
🎁 Пул ютуқлари,
🎁 Суперсоврин – BYD Chazor электромобили — финалда!

Қандай иштирок этилади:
✔️ Ucell мобил иловасини очинг, “Соврин Бор” акциясини танланг ва “Иштирок этиш” тугмасини босинг.
✔️Балансни бир мартада 50 000 сўмдан бошлаб тўлдиринг.
✔️Балансни битта тўлдиришдаги ҳар бир 50 000 сўм эвазига cиз ютуқ учун 1 имконият оласиз.

Ucell мобил иловаси орқали ҳисоб тўлдиришда эса сиз 2 карра кўп имконият оласиз!

Акцияда иштирок этиш учун сиз Ucell мобил иловасининг 2.8 версиясигача янгилашингиз ёки юклаб олишингиз керак.

Батафсил | Реклама

Тошкентда Махтумқули кўчасининг бир қисми қарийб бир ойга ёпилди

Тошкент марказидан Махтумқули кўчаси бўйлаб “Ташселмаш” чорраҳаси томонга кетишда, йўлнинг собиқ “ТашМИ” олдидаги кўприк остидан ўтган қисми таъмирлаш ишлари туфайли 1 ноябргача ёпилди.

ЎзРВБ валюта бозорида ахборотни етказиш янги амалиётини жорий этди.

Эндиликда ҳар куни соат 10:30 да кун бошидаги “очилиш аукциони” курслари, соат 16:00 да эса савдо куни натижалари эълон қилинади.

Бу амалиёт валюта бозоридаги жараёнларни кун давомида кузатиш имконини бериб, иқтисодий қарорлар қабул қилишда аниқлик ва ишончни оширади.

Реклама

Австралия ҳукумати Deloitte компаниясига 440 минг долларлик буюртма беради. Маълум бўлишича, консалтинг компанияси ўз ҳисоботида сунъий идрокдан фойдаланган, оқибатда бир нечта фейк маълумотлар, чалғитувчи манбалар ўтиб кетган. Кейинчалик ушбу хатолар тузатилган. Deloitte, ўз навбатида, Австралия ҳукуматига кўрсатилган хизмат учун олган маблағнинг бир қисмини қайтаришини билдирган. Ҳукумат вакилларининг айтишича, йўл қўйилган хатолар ҳисоботнинг тавсиялари ўзгаришига олиб келмаган.

*Albanese Government — бу Австралиянинг ҳозирги федерал ҳукумати бўлиб, унинг раҳбари — Антони Албанез (Anthony Albanese)