❗️Солиқ идоралари ходимларига нисбатан жиноят иши қўзғатилди — ДХХ

Давлат хавфсизлик хизмати солиқ идораларининг айрим мансабдорларига нисбатан жиноят иши қўзғатилганини маълум қилди. Улар “Барқарорлик рейтинги” дастуридаги маълумотларни сохталаштириб, 18 та корхонага сунъий баҳолар қўйиш орқали 82 млрд сўм ҚҚСни ноқонуний равишда бюджетдан қайтаришда айбланмоқда.

Жиноят иши доирасида Солиқ қўмитаси ходимлари, хусусий корхона директори ва бошқалар терговга жалб қилинди. Уларга нисбатан қамоқ эҳтиёт чораси қўлланилди. Тинтув пайтида йирик суммада пул, автомашиналар, электрон сигаретлар ва бошқа ашёвий далиллар олинган. Тергов ишлари давом этмоқда.

👉 @r_kusherbayev

Экспертларнинг билдиришича, Ўзбекистонда фуқаролар ва бизнес вакилларининг тахминан 10 млрд АҚШ доллари миқдоридаги захира маблағлари бор экан. Ва ушбу маблағлар анъанавий банк айланмасидан ташқарида, қўлда сақланмоқда.

Шу боис, яқин вақт ичида кириб келиши кутилаётган Ислом молияси, Ислом банк тизими ҳақида биринчи марта эркин сухбатлашдик.

Суҳбатимиз кўпчиликка манфаатли бўлади, деган умиддамиз.

Киринг, кўринг, фикрларингизни қолдиринг!

Батафсил қуйида: 👇👇👇

https://youtu.be/WqVI0wJaYZg?si=6yJc9zhffI3pwxxu

❗️Тошкентда дарахт босиб қолган бир киши вафот этди

Тошкентда содир бўлган кучли шамол оқибатида дарахт икки фуқарони босиб қолди. Улардан бири оғир аҳволда шифохона қабулхонасида вафот этган. Иккинчиси реанимация бўлимида даволанмоқда.

👉 @r_kusherbayev

Ҳафтанинг энг муҳим тадбири ҳақида қисқача

Тошкентда 21–23 май кунлари ўтган “Заковат” аренасидаги катта кўргазма ёшларга келажакни яратиш учун илҳом ва имконият эшигини очди.

“Talabe Fest” доирасида бўлиб ўтган ушбу уч кунлик форумда 700 дан ортиқ компания ва ташкилотлар битирувчи талабалар, абитуриентлар ва ёш мутахассисларга ўз иш ўринларини таклиф қилди. Бундан ташқари, стартап тақдимотлари, тренинглар ва кўнгилочар дастурлар ҳам бўлди.

Энг илҳомлантирувчи чиқишлардан бири Asaxiy.uz асосчиси Феруз Аллаевники бўлди. У 400 долларлик ғоя қандай қилиб 1,5 миллион мижозли компанияга айлангани ҳақида гапириб, ёшларни ўз ғояларига ишонишга чақирди: “Ғоя кучли бўлса, йўл очилади!”

Яна бир муҳим йўналиш - сунъий интеллектдан даромад олиш масаласи эди. Умматой Йўлдошева, Бандлик вазирлиги маслаҳатчиси, AI билан ишлаш кўникмалари, promt engeneering ва фриланс имкониятлари ҳақида тушунарли ва амалий тренинг ўтказди. Унинг сўзларига кўра, сунъий интеллект одамларни ишдан маҳрум қилмайди - у билан ишлашни ўрганиш керак.

Алоҳида эътибор эса LinkedIn платформасига қаратилди — бугунги кунда бу сизнинг меҳнат бозоридаги "визиткангиз".

“Talaba Expo–2025” кўргазмаси нафақат иш изловчилар, балки ўз бизнесини бошламоқчи бўлганлар учун ҳам илҳом манбаи бўлди.

👉 @r_kusherbayev

❗️Россияда мигрантларга бир неча телефон рақами тақиқланиши мумкин

Россияда мигрантларнинг бирдан ортиқ телефон рақамига эгалик қилиши тақиқланиши мумкин. ТАСС хабарига кўра, бу қадам хавфсизликни ошириш ва хорижий фуқароларнинг алоқаларини назорат қилиш мақсадида қонун лойиҳаси сифатида таклиф қилинган.

👉 @r_kusherbayev

❗️Тошкентда Адлия бошқармаси ходими ички ишлар органларига ишга жойлаштиришни ваъда қилиб, пул талаб қилгани учун қўлга олинди.

У лавозимга қараб 1500–2000 АҚШ доллари талаб қилган. Хоразмда у 1900 доллар ва 1,3 млн сўм олган пайтда ушланган.

Қашқадарёда эса Миллий гвардия ходими одамни ишга киритиш баҳонасида 2000 доллар олган ва ушланган. Ҳар икки ҳолат юзасидан Жиноят кодексининг фирибгарлик ва пора бериш моддалари асосида иш қўзғатилиб, тергов олиб борилмоқда.

👉 @r_kusherbayev

❗️Президент қарорига мувофиқ, рақамли маркировка қоидаларига риоя этилишини назорат қилиш учун ҳудудлараро солиқ инспекцияси ташкил этилади.

➖ 2025 йил 1 сентябрдан рақамли маркировка қоидаларини бузиш солиқ хавфи юқори деб баҳоланади;
➖ 2026 йил 1 январдан солиқ органлари ахборот тизими орқали масофавий текширувлар жорий этилади;
➖ Бунинг учун махсус гувоҳнома талаб этилмайди, аввал огоҳлантириш берилади, такрорий бузилишда жарима қўлланилади ва 1 йил ҚҚС қайтарилмайди.

➖ 2025 йил 1 сентябрдан янги фармацевтика субъектлари учун лицензия олишда қўшимча шартлар белгиланади:
— ижара шартномаси солиқ органларида рўйхатдан ўтган бўлиши;
— тўловларни электрон шаклда қабул қилиш имкони бўлиши шарт.

👉 @r_kusherbayev

❗️“Mall of Uzbekistan” — миллий маҳсулотлар учун янги савдо маскани

Янги йирик савдо марказлари — “Mall of Uzbekistan” тез орада фаолият бошлайди.

Бу ерда:
➖ Фақат Ўзбекистонда ишлаб чиқарилган миллий маҳсулотлар сотилади;
➖ Дўконлар тадбиркорларга минимал нархда ижарага берилади.

Тўқимачилик ва чарм-поябзал корхоналари учун имтиёзлар:
➖ Агар ишчиларининг 15 фоизи эҳтиёжманд оилалардан бўлса,
Фойда солиғи — 2%
Ижтимоий солиқ — 1% этиб белгиланади.

Эндиликда:
➖ Ушбу имтиёзни олиш учун 15% талаб 2 баробарга — 7.5% га камайтирилади;
Корхонада ногиронлиги бор фуқаролар ҳам эҳтиёжмандлар қаторида ҳисобга олинади.

👉 @r_kusherbayev

❗️Президент: Мебель маҳсулотлари таннархини пасайтириш учун импорт божлари қисқартирилади

Мебель саноатида таннархнинг 50-60 фоизи импорт хомашё ҳисобига тўғри келаётгани қайд этилди. Шу муносабат билан, маҳаллий ишлаб чиқарувчилар фурнитура, аксессуар, бўёқ, клей, ДСП каби асосий хомашёларга бож миқдорини камайтириш таклифи билан чиқишди.

Президент Шавкат Мирзиёев бу борадаги мурожаатни қўллаб-қувватлаб, шундай деди:

“Миллий маҳсулотларимиз рақобатбардош бўлиши учун бунга розилик бераман.”

Шундан келиб чиқиб, масъул мутасаддиларга 14 турдаги хомашё, фурнитура ва аксессуарлар учун 3 йил муддатга импорт божини 1 фоиз этиб белгилаш бўйича қарор лойиҳасини тайёрлаш топширилди.

Шунингдек, мебель ишлаб чиқаришда зарур бўлган ёғоч ва ёғоч материалларини марказлашган ҳолда олиб кириш тизими йўлга қўйилади.

👉 @r_kusherbayev

❗️Эндиликда заргарлар якка тадбиркор сифатида фаолият юритиши мумкин бўлади.

Норасмий заргарлик расталари қонунийлаштирилиб, замонавий шаклга келтирилади.

Четдан мутахассис олиб келиш харажатининг 2,5 минг долларгача қисми, камида 5 нафар шогирд тайёрлаш шарти билан қопланади. Шунингдек, нуфузли брендлар дизайни ва қолипларини олиб келиш харажатининг 30 минг долларгача қисми ҳам қоплаб берилади.

Заргарлик ускуналари ва бутловчи қисмлари импорт божидан озод қилинади.

Олтинни Навоий ва Олмалиқ комбинатларидан бўлиб тўлаш асосида харид қилиш тартиби яна 3 йилга узайтирилади.

👉 @r_kusherbayev

❗️Сирдарёда қудуқдаги газдан заҳарланиш оқибатида уч киши вафот этди

Сирдарё вилоятида содир бўлган фожеа натижасида уч нафар фуқаро қудуқ ичидаги заҳарли газ таъсирида ҳалок бўлди. Маълумотларга кўра, ҳалок бўлганлар ота ва ўғил ҳамда уларнинг қўшниси бўлган.

Ҳодиса пайтида заҳарли газ таъсирида ҳушини йўқотган яна икки киши ўз вақтида кўрсатилган тиббий ёрдам туфайли ҳаётга қайтарилди. Айни вақтда улар шифохонада назорат остида.

Мутасадди ташкилотлар томонидан ҳодиса сабаблари ўрганилмоқда. Эҳтимолий равишда, қудуқ ичида метан ёки бошқа турдаги заҳарли газ йиғилиб қолган бўлиши мумкин.

👉 @r_kusherbayev

❗️Янги Наманган тумани ҳокимлиги томонидан «дастурий маҳсулот сотиб олиш» бўйича бошланғич қиймати 100 миллион сўм бўлган танлов ўтказилди.

Танловда энг яхши таклиф сифатида 99,9 млн сўм нарх таклифини билдирган «AXIOMA LINE» МЧЖ танлов ғолиби деб топилди. Иккинчи иштирокчи «G-TELL» МЧЖ эса захира ғолиби сифатида қайд этилди.

Мазкур танловда манфаатлар тўқнашуви ва ўзаро афилланганлик ҳолати мавжуд бўлиши мумкин.

Хусусан, «AXIOMA LINE» МЧЖнинг ягона таъсисчиси Миржалолзода Бобирмирзо — айни пайтда «G-TELL» МЧЖга ҳам раҳбарлик қилади.

Манба

👉 @r_kusherbayev

❗️Қурилиш вазирлиги Тошкент шаҳрининг 2045 йилгача мўлжалланган тасдиқланган бош режаси бўйича интерфаол харитани эълон қилди.

Харита орқали фуқаролар ва тадбиркорлар ўз кўчмас мулкларининг снос (бузиш) режасига тушган-тушмаганини онлайн тарзда текширишлари мумкин.

Харитага ҳавола:
https://shakharsozlik.uz/map

Йўриқнома:
➖ Сайтга киринг;
➖ Харита орқали керакли манзилни қидиринг;
➖ Ушбу жойда қурилиш, реконструкция ёки снос режалаштирилган бўлса — маълумот чиқади.

👉 @r_kusherbayev

"Ўзбекистон – истеъдодлар замини" ёшлар ҳаракати старт олмоқда: Футбол ва мотиватция бир майдонда

Ҳукумат ва Тошкент шаҳар ҳокимлиги ташаббуси билан Жорий йил июнь ойидан бошлаб Ўзбекистонда "Ўзбекистон – истеъдодлар замини" номли янги ёшлар ҳаракати фаолиятини бошлайди. Ҳаракатнинг илк йирик лойиҳаси сифатида, 5-10 июнь кунлари Миллий кутубхонаси олд майдонида кенг кўламли оммавий тадбирлар ташкил этилади.

Ушбу тадбирларнинг марказий нуқтаси 5 июнь куни Абу-Дабида бўладиган БАА-Ўзбекистон ҳамда 10 июнь кунги Ўзбекистон-Қатар ўйинлари ҳисобланади. Ўзбекистон миллий терма жамоасининг ЖЧ-2026 саралаш босқичидаги муваффақияти учун ҳал қилувчи аҳамиятга эга бўлган бу учрашувларга миллионлаб ватандошларимизнинг эътибори қаратилган.

Лойиҳа Ўзбекистон футбол ассоциацияси билан ҳамкорликда амалга оширилмоқда. Барча ташкилий харажатлар Капиталбанк, Uzum ва Ucell компаниялари томонидан тўлиқ молиялаштирилаётгани эътиборга лойиқ.
Тадбирлар дастурига нафақат футбол ўйинларининг катта экранда намойиши, балки концертлар ва шоулар ҳам киритилган. Тадбирларда 100 мингдан ортиқ ёшлар иштирок этиши кутилмоқда. Иштирок этиш истагида бўлганлар Телеграмдаги @land_uzbot орқали рўйхатдан ўтишлари мумкин.
Ҳаракатнинг асосий мақсади – футбол бўйича Ўзбекистон миллий терма жамоасини қўллаб-қувватлаш орқали ёшларни умумий ғоя остида бирлаштириш ва уларни катта мақсадлар сари интилишга руҳлантиришдан иборат.

👉 @r_kusherbayev

"Қандай қилиб қадриятларга хилоф қилмай пулни сақлаш ва кўпайтириш мумкин?

Ечим – Ислом молияси тамойиллари асосидаги инвестицион ечимлар. Ҳаммаси шаффоф, даромадлилик йилига 27% гача. Пулларингиз қарз ҳисобига эмас, балки савдода қатнашиш ҳисобига даромад келтиради. Бундай имкониятни IMAN компанияси тақдим этади. Яқинда Ўзбекистондаги биринчи Ислом молияси тамойиллари асосида ишловчи экотизимни ишга туширишди. IMANUM иловаси.

Экотизимда кундалик молиявий эҳтиёжларни қаршилайдиган 8 хизмат бор. Шулардан бири савдо айланмаси ва тижорий кўчмас мулкка инвестиция киритиш. Инвесторларнинг пуллари умумий фондга йиғилади, кейинчалик товарларнинг насия савдоси, тижорий кўчмас мулк олиш ва ижарага бериш каби турли бизнесларга йўналтирилади. Олинган фойда барча инвесторлар ўртасида тақсимланади.

Даромадлилик:
- савдо фондида – йилига 27% гача сўмда
- тижорий кўчмас мулк фондида – йилига 18% гача АҚШ долларида

Исталган пайтда қўшимча инвестиция киритиш мумкин.
Фойдани ҳар ой картага чиқариб олса бўлади.

IMAN аллақачон 55 мамлакатдан 50 000 дан ортиқ сармоядорга эга ва ҳозирда 15 миллион доллардан ортиқ маблағни бошқаради.

Барча киритиладиган пуллар ички риск резерви билан ҳимояланган.

IMANUM иловасини юклаб инвестиция киритинг ва даромад олишни бошланг.

Илова учун ҳавола | Телеграм канал

Реклама

❗️НАВОИЙ ШАҲРИГА ЯНГИ ПРОКУРОР ТАЙИНЛАНДИ

Ўзбекистон Республикаси Бош Прокурорининг буйруғига асосан, Адлия катта маслаҳатчиси Облақулов Бобурмирзо Саломович Навоий шаҳар прокурори этиб тайинланди.

Тайинловга қадар у Самарқанд шаҳар прокурори лавозимида фаолият юритган.

👉 @r_kusherbayev