‏يالله وانا طالبك في يوم هالجمعه
دعوة فقيرٍ مايرجي فالزمن غيرك

تفرج همومٍ على الخفاق مجتمعه
وتمد عبدك ياراع الجود من خيرك .

‏بنت الشرف والعز بنت الأجاويد
ماظنها ترضى البلا والمهونه

تبعد ولاتتبع رخوم ومقاريد
اللي دروب الفسق دايم يبونه

‏الله فرقها على زينات الاخلاقي
بيت الشرف بيتها وتعيـش برباعه

بنت الترف واسم ابيها درعها الواقي
والخال شيخ يحوش الطيب بذراعه

‏مزاجها عالي وتفكيرها عالي
من عادها ورع محدٍ حس خاطرها

من طيب جدانها تمشي وتختالي
تامر ولا فيه من يعصي لأوامرها

وفيها الدلع والحلا يضرب به أمثالي
و الزين مابه ولا بنتٍ تخاشرها

‏كن سيوف الهند يا بنت مسلوله
من عيونش كل ماجيت انازلها

‏بنتٍ تسولف للسحاب وتمثناه
وتمطر سوالفها سحابه سحابه

فعيونها موطن لشاعر ومنفاه
وفي قلبها عمره وباقي شبابه

كل ماكتب له بيت قالت الله
وحنت هجوسه مثل قوس الربابه

يكتب لها ويحسها يوم تقراه
تذوب فأبياته حنين وصبابه

هو يدري أن أجمل قصيدة معاناه
وهي تدري أنها الملهمة للكتابه

‏عذرك تحبين القصايد .. وعذري
انك طموحات القلوب النبيله

انا اختصرت الناس بـ إبداع شعري
و انتي اختصرتي كل أنثى جميله

‏يافاتنة كل البنات بدو و حضر
يا سالبه شوف البشر وعقولھا

يا مجرمه يا طاغيه ياأم الخصر
ياحاقرھ كل النساء من حولھا

‏وجهٍ جمع بدو الخليج وحضرها
مزيج بين الشرق والشام والفُرس
ٰ
كن الذهب . . اليا تقلّد نحرها
زينه على قصرٍ قبل ليلة العرس

‏شدوا بدو قلبي عن ديار قلبك
والبدو لاشدو عن الدار يبطون

واذا سألوك الناس وش كان ذنبك
قل البدو لاعافوا القاع يمشون

‏من عقـب صـد اللي شرينــاه بالــروح
شفنـي اتقهـوى مــر و اقــدع جروحه

حنا بــدو نزعــل و لا نعــرف البــوح
و أنفوسنـآ لـ النـاس ماهـي شحوحه

‏تعال عندي أبيك بــ سالفه قرب ./.
بـ آعلمك وش يسر القلب و يضره

الحب تدري وشنهو اسأل مجرّب ./.
الحب قهوة بدو حلوه و هي مره

‏من طول الغيبات جاب الغنايم
كلمة بدو ضمَن الهروج القديمه

مع احترامي لكن الصدق دايم
من طول الغيبات بُعده غنيمه

‏كـلمة ( بــدو ) عـز لنآ نفتخـر فيـه
فزعه ونخوه مـآهم آرخوم وآنذآل !

أيه بـدويـة ۈآضحك ولا تسأل ليه
لآن آلبدآوه هي ”فخر“ گل آلآجيآل

‏من كبر هقواتي بنفسيّ لو ابي اطير
متأكد إن السماء تفتح لي إيدينها

‏ابيات من قصيده جديده ..
.
حنا بدو فينا طبوع الصحاري /
ووجيهنا ماتقبل تطيع توجيه !
.
اذا زعلنا .. ما للاقواس باري /
واذا رضينا نعطي القوس باريه !

‏ربّوني اهلي عن هوى القلب بدري
واليوم احاسيسي لخلّي رقيقـه

يشهد بهـا قولي ، ونثري وشـعري
أنا اعترف وابصـم بقـول الحقيقــه......

‎

‏يافاقدين أحبابكم وش تسوون
لا مدت الذكرى الحزينة يديها

كيف تجاوزتوا حزنكم ما تعرفون
بعض الطواري موجعة مانبيها

دايم على بال المواجع يمرون
مافيه ضحكة مالهم صوت فيها

من كثر ماصاروا على البال يطرون
حتى خطاياهم ولهنا عليها

‌‎فاقد من العمر رغبه وإبتسامه وغالين
قَلّ إهتمامي بمن حولي وماعدت أبالي

ماعاد فيني شغف وش عاد يغريني الحين
من ياخذ مشاعري ؟ ويعيش عمري بدالي

ماعاد بحكي ولا أشكي من بعاد القريبين
محدٍ من الفقد وجروح المواعيد خالي

‏يا معودني على البعد ما فالبعد زود
جنّب الدكتور ورح للمجرب واسئله

كل شي يهون إلا التجاهل والصدود
مااقبله من غيرك كيف منك أقبله

لاتجاهلني وانا من عريبين الجدود
كان عندك شي لا تستحي مني قله

ماتنسينا الخطايا مواثيق العهود
الوفا منا وفينا وحنا من هله