‏كبار . . ما حنّا من أهل التلّفات
ونفوسنا من بعض الأشياء عيوفه

نقدّر اللي يبيّن وقت المهمات
واللي ما كنّه يشوفنا .. ما نشوفه

‏أعتزلت الناس والدنيا .. وجيتّك
أنت الأول والأساسي و الضروري

لو معاي أكثر من شعوري عطيتّك
بس أنا ماعندي أكثر من .. شعوري

‏أنت العوض عن ماضي أيامي السود
وأنت القبال السمح وأصدق مرادي♥️🕊.

‏مبارك عليكم الشهر ..
" الله يجعلنا وإياكم من صوامه وقوّامه،
كل عام وأنتم بخير و محاطين بكل الأحبّة 🤍" .

☾ ..
مبـارڪ عليڪـم الشھـر الفضيـل 🌙📿 ..

‏الله يبارك علينا شهره الفاضل
ويكتب لنا الاجر والغفران والتوبه
لايمضي العمر وانت بدنيتك غافل
العمر محسوب والايام محسوبه

‏ان شانت الدنيا تري العمر مقسوم
محدن حياته جت علي ما يريده

الحزن مهما طال لايمكن يدوم
بعض التجارب في حياتك مفيده

وان كنت من عذبات الايام محروم
منت الوحيد الي ظروفه عنيده

‏الصمت مثل الذهب و الثرثره فضّه
و الحكي لا زاد عن حدّه حكي فاضي

و العقل لا جاد في راعيه من حظّه
الناس ترضى عليه و خالقه راضي

‏بعض البشر تلقاه صدفه وتغليه
حتى القلم يمه يحب الكتابه
ٰ
أفرح وأهلي فيه يوم التقي فيه
وشكرت حظ ساقني له وجابه .

‏يازين ذكر الله في كل الأوقات
وياحظ من قلبه لربه رهينه

لامالت انفوس البشر للملذات
هو لذته ذكر وخشوع وسكينه ♥️

‏ان حشمنا حشمنا حافظين الوديعة
وان بطشنا بطشنا قالبين الحقايق

‏التجاهل .. ما يعلّي لك ، مقام
والتغلّي .. ما يثبت لك ، وجـود

لذة الدنيا .. مواصل .. والسلام
والغرام يمـوت من كثر الصـدود

أحدن طيب ونعطيه اهتمام
للكرم والجود وافي بالعهود

واحدن يتعبك في كثر الكلام
وساعه الشده ترا ما منه فود .

‏الليالي تدور .. ولا تفيد الحسايف
كل خلٍ بيلقى فعلته .. في خليله

كل رمحٍ ركزته بالضلوع الرهايف
كل حلمٍ هدمته .. له عيونٍ تخيله

كل ليلٍ رقدنا .. بالعيون الذرايف
كل غيضٍ كظمنا بالضلوع النحيله

كل كلمه .. بلعنا شرّها بالكلايف
جعلها بالصحايف عند ربي ثقيله ..

‏صمتك عن الزلات طيب وشجاعه
تكبر بعين الي على الطيب رباك

خلك سوات الضلع عزم ومناعه
لا يزعلك هرج الردي لو تقفاك
‌‎مافيه داعي للزعل والانفعال
ومجادل الجاهل وكثر اللجلجه

خلك على ماقيل شيال الثقال
واللي يبي يزعجك صمتك يزعجه

‏إن غبت خلوني على راحتي شوي
أحس في بعدي عن الناس خيره

‏ناسً لها بالقلب حشمه وتقدير
وناسً تـجي وتروح مانحتـرمـها .

‏اشطب على اللي مايعرف المواجيب
« رافق " عزيز القوم " عالي وقاره »
‌‎تبي الكلام اللي على ما قيل مابعده كلام
أشطب على اللي مايثمن كلمته ويصونها

‏بنت الكفو مثل الفــرس ماطالها كل خـيال علي النــقـا والعــز دايم حريصه 𓃗..ماتلتفت فـي راعي القيـل والقـال بنت الكفو مصيونه من دون حراس والضايعه بتضيع لـو دونـها اقـفال ‏بنت الرجال الكفو ماهي رخيصه مثل الفرس ماطالها كل خـيال .."