يشيخ العفة والماي
اريدك ترجع وياي
شسولف لليتانون
هوة الله مغمض لعيون
واكلمن راح الفياي
#################################

هوة الله ابسدت اعيونك..يانسمة التقنعني
الهوة المن ريحتك خالي..ما اشتمة لوشمني
علمني التفت والكاك..اضيعك لاتعلمني
عشت وياك روح بروح..وهسة الوحدي عايفني

اسنين الخلصت اوياك
اشيعودهة اعلة فركاك
اعوفك وارجع اشلون
هوة الله مغمض العيون
واكلمن راح الفياي
#################################

منك والعمر يخلص..ياهو ايعوض اخيالي
الفراغ ابكد حركتي اعليك..اشيسد امجانك الخالي
وداعك خلة ضهري اهلال..اووجعني ابفكدك اهلالي
شكومك وانتة غادي اوصال..واكلك عاين الحالي

هيست البعد طال
وبضهري الحمل مال
يخي شحه اليتجون
هوة الله مغمض العيون
واكلمن راح الفياي
#################################
اسد عيني الكة تذكارك..افك عيني الكة الم يزري
انخطف كل حيلي واحتاريت..الزمك لو اكض ضهري
ياحسرة الاجرهة اعليك..اخذت الباقي من عمري
ركيت الجسد والروح..ياخيل الترك صدري

اشد من سحكت الخيل
وداعك ياعطر هيل
عظم سالم ميلكون
هوة الله مغمض لعيون
واكلمن راح الفياي
#################################
السهم مايوصل الطولك..غافي ابناضرك شفتة
ماصدكت اخوي ايطيح..الكون يطيح صدكتة
انتة الأخذ روحك ماي.. اقنعني وكول هذا انتة
شكلك ما كضة منسيوف..شكلك حصرة كاتلتة

حصرة الطيحة الجود
موضربات عامود
ولان ماكو اليوصلون
هوة الله مغمض العيون
واكلمن راح الفياي
#################################
اذا ارجع شكل لختك..اطيح الخيمة لوحيلي
شقنع ياطفل عطشان..بعدك طال شاكيلي
وي زينب كبل ماجيك..اسألتهة شرايدة احجيلي
كالت رايدة العباس..وصوب الماي توميلي

اسألتهة واشرت اعليك
اشلون احجيلهة البيك
شسولف كلي لم عون
هوة الله مغمض العيون
واكلمن راح الفياي
#################################
ذوالفقار الزيدي

لاتهل دمعك يبوية ابداعتك
ارد اشوف امكابر العز مالتك
امسح ادموع الجفن
ارد اموتن مطمئن
لاتهل دمعك يبوية ابداعتك
#################################
ادري لموادع صعب ..بس دمع عينك كلف .. من يطيح
بضهري صح نايم رمح..بس احسن بالام ..من تصيح
من صحت يبناه
اجروحي صاحت اه
انتة شيخ ودمعك اليوكع صعب

ابال صافي اغمضهة اريدن عيني
بوية لاتبجي اوعلي تبجيني
اعليك ماريد الحزن
ارد اموتن مطمئن
لاتهل دمعك يبوية ابداعتك
#################################
شلون يالتسوة النفس..اتهل دمع عينك علي..صعبة حيل
الدنية تفنة ولا اصد ..ابوجهك امبين حزن..وانتة هيل
من رحت لهناك
ردت اوافي ارباك
وانة حتى اوفيك طالع للحرب

عن مشاعر كلبي اكلك صورة
من طلعت وروحي الك منذورة
من ردت منك اذن
ارد اموتن مطمئن
لاتهل دمعك يبوية بداعتك
#################################
عا الأبن سهلة الالم.. بس ابو اكبالة صعب..من ينوح
اكبال كل حسرة وكسر..بوية اخليلك عمر..وفدوة اروح
يجوي حتى الريح
دمع ابو منيطيح
وانتة مو اي والد ودمعك يهل

نوحك اعلية كلف ياذيني
بوية كل الروحك اتهديني
فدوة الك بس لاتون
ارد اموتن مطمئن

#################################
شمايصح بية الجرح..من ضرب لو من طعن..ايهون اكول
الحاط مرضاتك هدف..لازم ايقدم نحر..للوصول
بوية اريد ارضيك
ما اريد اذيك
مااريد ابوجهك ايبين حزن

الشماتة اهواي ويصدولك
فدوة كلهم لوعلي يحجولك
كلهم ايهون الطعن
ارد اموتن مطمئن
لاتهل دمعك يبوية ابداعتك
#################################
من خرز ضهري الرمح..ذبّح امالي وطلع..اتذكريت
من رجعت اعلةالخيم..وراس ابن غانم بدي..اشسولفيت
اتالميت اهواي
من من كلتلك ماي
وانتة كطرة ماي يمك ماتصح

من وضعت السانك اعلة الساني
وثغرك اليابس عطش اذاني
بوية حاللني اعلة ذن
ارد اموتن مطمئن
لاتهل دمعك يبوية ابداعتك
#################################
ذوالفقار الزيدي

دمعي لبخديني..مسبلة اعلة احسيني
المانسيت مصابة..وهوة ماناسيني
#################################
شفتة ماخذ روحي وحدة وماشركتة بثاني
اتربع اعلة بتوت كلبي وساكن بوجداني
حسين تسبيحة صلاتي ومايتيهة الساني
واحمدت الله وشكرتة جي علية دلاني
ساكن بانفاسي..واخذ كل احساسي
الدربة ناذر روحي..وهوة ماناسيني
################################
كبّرت اسمة اعلة روحي وهوة كبر صيتي
ولويضيك اعلية صدري بذكرة احس عافيتي
رحت يمة وكتلة خادم بارك بتسميتي
ومن هذاك اليوم احسة اتكفل بتربيتي
والدي الروحاني..عالعدل دلاني
افخر بتربيتة..وهوة ماناسيني
#################################
دارس بمنهج وفائة وهاية افضل مدرسة
وقدمت بحث الخدامة والتفاني بمجلسة
عندة دكتوراه خدمة الوصل رتبت عابسة
ماخذ ابدرس التهدل مقتبس من واهسة
بالتهدل واهس..من مدارس عابس
مدرسة دمعاتي..وهوة ماناسيني
#################################
حسين حتى ابقى اعلة نهجة انطاني ذبحة منحرة
وحتى اعيش ابديني سالم طلعت اختة ميسرة
شافني ضليت دربي وعدلاني بخنصرة
وانة ماشي بهالخدامة حتى اطيب خاطرة
وكمت اعضم نوحة..حتى اطيب اجروحة
الغركاني بخيرة..وهوة ماناسيني
#################################
انة ادك صدري المصابة حتى اطلع حصرتة
وادري لو طاحن اضلوعي مايطفن جمرتة
كمت اهل ادموع عيني حتى ابرد حركتة
ولو دمعاتي قليلة اكبال جرح امصيبتة
دمعتي السجابة..شتطفي نار مصابة
وشيوفي اديونة..وهوة ماناسيني
#################################
ذوالفقار الزيدي

مسلم رسالة ويالهوة وداهة بحساسة
انذبحن حمامات السلم وانذبت الياسة
من مسلم لبن العم.. هاي الرسالة
#################################
لا اصف اسليمان.. لاهدهد وعفريت..
من شحت الطراش ..مسلم حجة وية الريح
انتي البقيتي وياي..واتنفسج مخنوك..ارد اسألج ياريح..ترضين اخوي ايطيح

على اجناحج خبر ياريح وصليلة
الكتب طلعت دغش يحسين كليلة

كليلة يوكف لايجي خل يرجع البيتة
كليلة لو طب كربلة مذبوح تاليتة
مايسلم لبن العم ..هاي الرسالة
#################################
كليلة دربك موت ..الكل خطوة زرعو سيف..والصدرك محضرين..دوسة حوافر خيل
صح انتة جاي ابخير..بس همة ميفهمون..والكلبة قاسي اشلون..يتوالم وية الهيل

اموت انة ويضل حسين مااهتم
ولا جوة الحوافر صدرة يتهشم

كلية نكارة ملح والخير ناسينة
شعلو الموكد موكرم يحرك صواوينة
الموكد دم ..لبن العم..هاي الرسالة
#################################
خدر الله جاي وياك..والنية حرك اخيام.. تتجوة علويات ..هذا الصعب يحسين
اتخيل تدوس النار..الماداست اعلة ورود..وتخيل انتة ام عون .. محتارة تنظر وين

تخيل لو عليهة احتركت الخيمة
وتلم ازغار تطلع تايهة بهيمة

اتخيلهة من اتلم ورد من دوسة الحافر
اتخيلهة تمشي ميسرة من يخلص العاشر
تتحشم لبن العم هاي الرسالة
#################################
تدري الفراش ايموت..لوجنحة لاح النار..تحمل رقية شلون ..جوية واديهة ازغار
لمن يجي السلاب..ماتبقة ترجيات..ويطكهة عمدا حيل..من يسلب التذكار

التضمهة من الهوة علا يأذيهة
باجر حيل ينجرن تراجيهة

السلاب باجر من يجي عمدا يجر بيهن
وابنيتك اتكلة انتضر لوكايل انطيهن
مايهتم..لبن العم..هاي الرسالة
#################################
الخدّركم محضرين ..وين الهزل يانوك..وين العراية ضهور..من المحمل مفرعات
الحداية وكحة اعيون..اشماصح دربهم سوك..وشما تصح شمات..ايصيحون علويات

اصعب جلمة من تسمعهة علوية
يكول اعليهة شامت هاي مسبية

بعيونك ارسم زينبك واليسر واوجاعة
وشلون تدخل عيلتك من باب ابو اساعة
وارسم هم..لبن العم..هاي الرسالة
#################################
ذوالفقار الزيدي

لوننذبح لو نحنترك جم مرة
لو ننشر وية الهوة ونتذرة
نبقة ابعهدنة البيه اجيناك
عدلين ميتين احنة وياك..لاماتهون العشرة
#################################
لاتكول الليل هذا اخذو جمل
العاف خير الله اشحصد غير الفشل
خاف واحد بينة يرجع عندة امل
قربتا للزهرة طلكنة الاهل

طلكنة النسة يحسين وهجرنا الدار والبيهة
بديناها الحياة وياك وضلينة التواليهة

طرت النصر لامو فجر تانينة
بدم النحر موت الفخر شارينة
ينسة الله كلمن بينة ينساك
عدلين ميتين احنة وياك..لاماتهون العشرة
#################################
شعدنة وية اليل تانينة الصبح
شيوخ عدنة اطلابة مانرضة بصلح
الجرح هين وين مارايد يصح
انكلة لحسين ويلم روحة الجرح

ياليل النعوفك بيه وهية وياك بس موتة
ايسنة واجانة الخير وغشيم الخيرك ايفوتة

جيش الكفر مانكترث بعدادة
بيمن نهم غير البخت بالسادة
شارة بخت يحسين شفناك
عدلين ميتين احنة وياك..لاماتهون العشرة
#################################
روح كل الزينب اختك لاتهم
كلهة فزعو وين عركال الزلم
ابموقف الخوان مابيهم ثلم
الشهم ميصاحبلة واحد مو شهم

تخاوينة ابرفاكة موت طمن زينب ابهاية
كلهة الطف نوينة ايشيل اذا ماجبلج ماية

تنكط وفة كلهة الكصص بشرهة
شنهي الحرب خطوة جدم نعبرهة
بصيوانهة اكعد سولف اهناك
عدلين ميتين احنة وياك..لاماتهون العشرة
#################################
كلهة ذولة ازلام شيالة ثگل
كلهة عدهم ثار مالبسو عكل
كلهة شدو راية عالطف ينخل
مايخونني الوفو حيدر كبل

كلهة الجانو بصفين اليوم الطف يصفنونة
الماعافو علي الكرار حسينج مايعوفونة

العاشك علي روح وجسد ميعوفة
اليوم الشمر نوم الهنة ميشوفة
والجيش كلة ايعيش برباك
عدلين ميتين احنة وياك..لا ماتهون العشرة
#################################
حسين عدنة سيوف تندل الطبر
بينة غيض ايطلع انجوم الضهر
اليوث شرسة وسرجت اضهور الشكر
الحرب صيد ويعشك الصيد الصكر

عدنة الحرب ساحة صيد واحنة ازلام صيادة
اليوم الصيد مو اي راس اليوم انجدل القادة

اليوم الارض فوك وتحت نكلبهة
حطبت زرع يابس ثمر نحطبهة
وانجيب روس ونكطف احذاك
عدلين ميتين احنة وياك..لا ماتهون العشرة
#################################
ذوالفقار الزيدي

طلع..من جنح الوحي ريشة اعلة راسة
بدر ..ومساوي الجمال وية الشراسة
حير الدنية بصفة
جمع شدة وعاطفة
###########################
الورد غار بكثر ماشايل ترافة
وكال سبحان الخلق رقة بصلافة
النبات وجان غاير بعترافة
جا شتحجي البشر عن هاي اللطافة
اسد..بس شايل كلب اترف حمامة
لجن..لو يزعل منو اليحمل خصامة
الكون يهتز لو چفة
جمع شدة وعاطفة
###########################
سورة الرحمن متفرعة بصفاتة
وحتى يوسف ماوصل نسبة حلاتة
البيه همن لون لكبر شايفاتة
موش جفهن جانحرهن كاطعاتة
ترف..وكت السلم بس بالحرب بركان
فرق..بين القارعة وسورة الرحمن
بي صور متوالفة
جمع شدة وعاطفة
###########################
بين طه وحيدرة يملك توارد
ولذالك وسط كلب حسين كاعد
حسين ماحبة ابعبث واحساس والد
شاف جدة اوالدة انجمعو ابواحد
جمع ..ميراث النبوة وية الامامة
طلع..هالناتج علي الاكبر ختامة
مو خصل متصادفة
جمع شدة وعاطفة
###########################
السيف لمن جردة اعلن صليلة
ولاذت الدنية بطرف ثوبة دخيلة
عود كالو بكر ابن غانم جبيلة
شال راسة وكال هذا اول حصيلة
جفن..ماطابك بعد بكر ابن غانم
انصدم..كص راسة ورجع حيد الهواشم
سرعة يملك خاطفة
جمع شدة وعاطفة
###########################
اعتلة التكبير وسط المعركة اذان
اتعج ترابة وتصفة مالي الكاع فرسان
حاضر الجيش انتقل للكان ماكان
هذا كلة وعود الكبر جان عطشان
عطش ..يبس شفتة وماخذ عليهم
لعد..لو راوي العطش شيصير بيهم
ابهاي والجيش اختفة
جمع شدة وعاطفة
###########################
ذوالفقار الزيدي

يبني عباس ضامك للطف حرز
يبني عباس خل اعلمك ترتجز
سيفك بيمناك وكصد ليهة
ومن تطب الحومة هوس بيهة
وصيح والكاع خلهة من صوتك تهز
# # # # # # # # # # # # # # # #

انتة طلسم كربلة وبيدي كتبتك
لان من كماطك معدل عرفتك
ابيوم امك جابتك لحضاني شلتك
وكبرت بذنك هلة ياكافل اختك
منهة لليوم وانتة شاغل بالي
وعلكت بيك بوية كل امالي
عندي راية وحاسبك راعيهة
ومن تطب الحومة هوس بيهة
وصيح والكاع خلهة من صوتك تهز
#######################

ارتجازك خلة تعبير اعلة ذاتك
وارتجز متبختر وسولف صفاتك
وزمجر اعلة الفكر بسبيت خواتك
وطوي كاع الطف مثل طويت عباتك
كبر وفوت وخذ منهم حيفك
تعمي لعيون خلهة جدحت سيفك
الكاع بالفرسان بوية طويهة
ومن تطب الحومة هوس بيهة
وصيح والكاع خلهة من صوتك تهز
#######################

طب كلبهة وصيح هل بيكم منازل
والقياس وياي بالاف التقاتل
وحك زينب لوتطلعولي قبايل
اله اكومهة الجحافل عالجحافل
خوزر الجيش خل تجمر عينك
وخل يشوفون شضم علي بجفينك
سر فتح خيبر كتبت اعليهة
ومن تطب الحومة هوس بيهة
#######################

من تطب المعركة اترك دلالة
وبموازين الحرب سوي انتقالة
وكتب اعلة المشرعة ذكرة كفالة
اهنانة اجة العباس شوفهم قتالة
وراوي لطفوف خل يذيع اخبارة
اهنانة عباس ذلهم ابتاره
وبس ملاحم سيرتك يرويهة
ومن تطب الحومة هوس بيهة
وصيح والكاع خلهة من صوتك تهز
#######################
خلي راوي الطف يسولف كل هذني
ايكلهم العباس ماشفتة يثني
وخل يكلهم بي شفت موقف عجبني
تخوصر اعلة الماي كلة ماتهمني
جفل الماي بوجهة من رد ماية
وياهو بالكون سوة منكم هاية
هاي قصة محد مسويهة
ومن تطب الحومة هوس بيهة
وصيح والكاع خلهة من صوتك تهز
#######################

الخادم ذوالفقار الزيدي

شهم حزم شهم..زلم فزعت زلم
انصار لحسين..انصار لحسين
#######################
ينادون ..يهتفون. .هلة بجيت الاجل
الكبار..والزغار..فحل حشم فحل
وحبيب وعابس وجون
المانايهم يهوسون
امر وحد يتانون..يكلبوهة الحرب
بكثر مامستميتين
درع صارو للحسين
زلم لاجن براكين..تفور من الغضب
عزم هدبعزم..زلم فزعت زلم
انصار لحسين. .انصار لحسين
#######################
بن رياح..اجة وصاح..انة اول من يطب
الي دين..ويالحسين..والي موقف رعب
انة الجعع بالعيال
انة الخوفت الطفال
وجيت مشكل شكال..اكفر هالخطة
اجيت اوفيلة بدماي
اجيت وابني وياي
وطب بهالحرب هاي..الطلعلي شورطة
يهم لا مايهم..زلم فزعت زلم
انصار لحسين. .انصار لحسين
#######################
وهب كال..يالبطال..وصيت امي جبت
بني هاي..وفة ارباي..بحجية تحزمت
وجيت بفزعة امي
بوريدي يفور دمي
وطب للحرب همي..بحركتي وارتجز
وصيح انة الفدائي
الحسيني ابئنتمائي
ونادي ومن ندائي..الجثث والله تفز
حسم رايد حسم..زلم فزعت زلم
انصار لحسين. .انصار لحسين
#######################
طلع شاب..من الاصحاب..العمر حسبة ورد
حمل سيف..جمر صيف..ويشد شما تشد
طلع خلفة جنادة
لبس ثوب الشهادة
طلع مليان ارادة..طلع مثل الأسد
هتف بحسين اميري
تحشمت بضميري
لخلي الجيش اسيري..واشهد الماشهد
خصم ميضل خصم..زلم فزعت زلم
انصار لحسين. .انصار لحسين
#######################
وبن قين..وكف عين..نصب عمرة حرس
النوة يفوت..لكاه موت..كطع نفس النفس
بطل صنديد ضرغام
جبل يكشف بلسهام
بكفاه الفاختة تنام..كثر ماخلة امن
بصلات الخوف واكف
يسطر بالمواقف
ترس بيهن مصاحف..بطولات انقرن
اسم يحفرلة اسم. .زلم فزعت زلم
انصار لحسين. .انصار لحسين
#######################
ذوالفقار الزيدي

يبن شبيب ..ان كنت باكين..فبكي على الغريب
#######################
ان يوم الحسين اقرح جفوننا اسبل دموعنا واذل عزيزنا في ارض كربلاء
اه اه وخيمة تحرك بخيمة
اه اه ايتمة تلزم يتيمة
الموادع صعب بس ما يئذيني
بكثر ما قصة الحرة تبجيني
علة هاي المصيبة تجرحت عيني
يبن شبيب. .ان كنت باكين. .فبكي على الغريب
#######################
ان يوم الطفوف حللو دمائنااحرقو خيامنا وسبو نسائنا انة يوم البلاء
ويل ويل ياطلعته عماتي
ويل ويل حركن صدي بهاتي
صعب من تنحجي كلمة المسبية
علة زينب عمتي الراضية المرضية
وهية ام الخدر وام الستر هية
يبن شبيب ..ان كنت باكين. .فبكي على الغريب
#######################
ان يوم الجراح قتلو انصارنا ذبحو اولادنا اخرجو عماتنا بعد حرق الخباء
شاب شاب مثل الورد من طاحو
شاب شاب كلبي وراسي من راحو
اذا طاح العزيز بطيحتة يكلف
يخلي العين وبتوت الكلب تنزف
ونة الفاكد عجيد حجايتة تشرف
يبن شبيب. .ان كنت باكين. .فبكي على الغريب
#######################
لو ترى يبن شبي عمتي كيف اصبحت بعد عزتها انسبت ورئيت مارئت مت نوحا وبكاء
حيل حيل سوط الشمر ياذيهة
حيل حيل صدك مابقة عليهة
شيضل ياحيل بيهة تحتمل ياحال
تباري بالعليل ولو تلم اطفال
ترة المرن عليهة يفطرن لجبال
يبن شبيب. .ان كنت باكين. .فبكي على الغريب
#######################

زينب من مثلها قد رئت ملا نرى اخوتن فوق الثرى وجرا مالاجرى ورئت شتى العناء
ضيم ضيم بعد اخوتهة شوفوهة
ضيم ضيم قصة زينب ارووهة
الروايت بحزن عن زينب احجوهة
وعلة اطوار المقاتل كون تقروهة
ويدنك راسة كلمن كال طلعوهة
يبن شبيب. .ان كنت باكين. .فبكي على الغريب
#######################
ذوالفقار الزيدي

نقل راروي المعاناة..الجروح الطف طفلتين
يتيمة المسلم تنوح..يتمة تون للحسين
#################################
وحدة بالكوفة ابوهة يضل غريب
وحدة خد والدهة عالغبرة وتريب
اثنين عاشن جرح فكد الحبيب
الراح ابوهة امن الزغر بالهم تشيب
التيتم يعرف احساس..جرح هاي القضيتين
يتيمة المسلم تنوح..يتيمة اتون للحسين
#################################
العاش نفس جروحن نفس المصير
يعرف اهات الزمن لمن يدير
اليتم كلش صعب وية الزغير
الكون اسود كلة بعيونة يصير
الشبع من دنيتة جروح..عرف بالقصة جرحين
يتيمة المسلم تنوح..يتيمة تون للحسين
#################################
العندة غالي وجدمة خط اعلة الكبر
وية طولة ايريد يتفصل صبر
والحزن مر بيهن ابوكت الزغر
صار منجل حش الهروش الخضر
الابوهة للكبر راح.. دمعهة ايذبل العين
يتيمة المسلم تنوح..يتيمة تون للحسين
#################################
يعرف اوجاع البعد بس الجريح
العاش عمرة ابلا ابو عاش بشحيح
الناعي يكتل لوخبر غالي يصيح
الدافن ابجفة الورد مايستريح
التوادع وية الورود..ونينة ايبجي صوبين
يتيمة المسلم اتنوح..يتيمة اتون للحسين
#################################
الحالهن حتى القهر ميت قهر
الثكل حملة ايريد ليشد الضهر
يكثر الشيب الوداع شما كبر
وهنة كل ساعة وعليهن مر خبر
عليهن مرن اخبار..الخبر ياخذلة عمرين
يتيمة المسلم تنوح ..يتيمة تون للحسين
#################################
ذوالفقار الزيدي