عمري وصاير مايحلالي
من حكي احزن فاكد غالي
وذاك الموقف يتراوالي
يافاطمة يافاطمة
#################################
مري بية ..شوفي شيبي..صبح جلجل فوك راسي
حسبي بيهن..شيبة شيبة..وشوفي شمسوية المأسي
شوفي حالي..شوفي حيلي..شوفي دهري اشلون قاسي
رحتي مني ..وراح عمري..وضيعت من جفي ياسي
الضيع من عمرة اجمل ياسة
موبس راسة ايشيب احساسة
والليل اخلافج جتالي
يافاطمة..يافاطمة
#################################
وية موتج..انة ميت..فركت المعشوك صعبة
باقي وحدي ..ويالسوالف.. عايش وياحساسي غربة
اهنا كعدنة..اهنا حجينة..اهانة كلبي ايحاجي كلبة
جان بيتي ..شلون جنة..وهسة يكتلني امن اطبة
ذيج الطيبة الترست بيتي
صارت حسرة وخنكت ريتي
والكسرة امبينة اعلة اخيالي
يافاطمة ..يافاطمة
#################################
بية حسرة..بية دمعة..بية شوغة وكلشي بية
كلشي وحشة..حتة صبحي..صار جنة المغربية
اشطال عمري ..طال جرحي ..وابقة عايش فاطمية
اتمرليالي ..وانة كاعد..وذكرياتج هية هية
ايمر الليل ومترف عيني
والذكرة تجيب توديني
ونتي البس موجودة ابالي
يافاطمة..يافاطمة
#################################
الباب قاسي..وانتي ترفة..وبينكم معصورة روحي
ذاك يدفع..جفج ايصد..شمادفع زادن جروحي
وحي افراكج..لا متسلم..كاعد ابنص بالي يوحي
ابنص شماتة ..وطاك كلبي..وكوة سيطرت اعلة نوحي
جف عيني ايكض ابدمعاتي
خايف توكع يم شماتي
امتيه صبري وجن مو مالي
يافاطمة..يافاطمة
#################################
نار كلبي..ونار بابج ..والله خلن بية كسرة
الجفة قالع ..باب خيبر..صار جنة اهلال ضهرة
شرد اصيحن..اه يحيدر..لو اصيحن اه يزهرة
بية صرخة ..ابكد وداعج..اعيوني غيمت بيهة مطرة
حملت غيم ادموع اعيوني
ومحتاج اعليج ايواسوني
بعدج شحجيلج عن حالي
يافاطمة..يافاطمة
#################################
ذوالفقار الزيدي

(ميمر للزهراء)
اباب البخت..شبو حطب
بغض بعلي..جان السبب
ياوادم وعالزهراء دفعت عمد دفعوهة
################################
مات النبي وتأمرو عالفتنة
وضبع السقيفة اليوم كشّر سنة
وهل الغدر كالولة بيك امنة
وتبايعو..بيعت كفر
وبحيدرة..جان الغدر
وبيعت الخم للمختار اهل الكفر باعوهة
#################################
لوما علي مجتفتة ذيج اوصيته
ماجسر واحد يوصل الحد بيتة
لولاهة جا محد عرف تاليتة
ذيج البغت..جان انفنت
وبجف علي..الناس انتهت
جا حارو اشلون الروس من ثورتة ايضموهة
#################################
جا مازغت ذيج العيون الصلفة
والسوة حلفة الاصفر يرد حلفة
شيكضة حيدر والفقار ابجفة
سيف العدل..وابجف اسد
وعلة المتن..لصفر كعد
والثوب الاصفر معروف صولاتة ماينسوهة
#################################
ايدفعون باب اعلة الزجية ويسكت
وبسمار بين اضلوع فاطم ينبت
جا شال بجفوفة الحجاز وينكت
نكت الهدم..ينكت زلم
ايطشرهم..ويرجع يلم
جان القيامة من الغيض موقف رعب شافوهة
#################################
جان الهوة البلباب مر ايشطرة
وجان السقيفة ماجت ابهل فكرة
اليحفر الحيدر هذا يحفر كبرة
جا ماسدة..هذا الجرة
ولا فاطمة..اتكض خاصرة
وجان ابفدك محد عال والزهرة ماضوبوهة
#################################
ذوالفقار الزيدي

بيت الاحزان ..بعدة ماشال
جايب اجروح..كلهن اثكال
بعدة نفسة الاولي..وبي عليج ايون علي
بيت الاحزان..بيت الاحزان
################################
البيت بعدة بحطتة..وزايدة اكثر ضلمتة
ومايبين من علي بس المشيب
خدة عالجف منتجي..الذكرة تترجم بجي
مري شوفي ابحيدر اشسوة المغيب
اكبالة يرسم صورتج..ويمهة يرسم غيبتج
ويرسم جروح وكلب فاكد حبيب
ايكابل الرسمة ويون..ودمعتة اتشك الجفن
وتنزل اعلة الكاع وتشب ابلهيب
جفنة مجروح..كلبة مكسور
وحشت الليل..وحشت كبور
والحزن ماينجلي..وبي عليج ايون علي
بيت الاحزان..بيت الاحزان
#################################
الواهس وحيلة انكسر ..ماشبع منج نضر
وبالچفن كلش صعب يتغطة شاب
الكاعد ابنص الكلب..صعبة ينحط ابترب
وجف حبيبة ايذب على اسنينة التراب
كلشي بالدنية اختلف..الهيل شايل بالسلف
والتجاعيد ابعلي ايرسمن غياب
صاير البعدج شمع..وعمرة يذبلج دمع
يعني كل دمعة ابعمر من حيلة ذاب
دمعتة بحيل..صار الحساب
حيدر اعليج..عايش اغياب
بيتة من عندج خلي..وبي عليج ايون علي
بيت الاحزان..بيت الاحزان
#################################
حكة حيدر مختلف..عاشك مضيع ترف
وحتة سنّة اعلة الفرح صايم حداد
امبين ابطولة الثلم..ضاع منة اجمل حلم
الحلمة وردي اتحول ابحزنج سواد
ابالة بابج من يمر..الشيب ياكل بالعمر
صعبة نار اتنوخ اباب المراد
البيت المشبع العرب..ابابة ينشب الحطب
والهلة المعروفة تتحول رماد
دخلت النار..خلفت ارماد
ماجزة الطيب..ناكر الزاد
اجروح بابج ممتلي..وبي عليج ايون علي
بيت الاحزان ..بيت الاحزان
#################################
حكة وضعة اصعب وضع..جفة جايسلج ضلع
بالغسل شاف الضلع صاير حطام
ابنار شوكج محترك..وفوك مادافن عشك
ضالمج يشتم هوة وعينج تنام
ابثار ضلعج يشتعل..ابذكرياتج ينكتل
ساعة ميت ثار ساعة من الغرام
اعيونة من حزنج عمن ..يبجي جي لفج جفن
اثمنطعش وردة ابجفن تلف حرام
زهرتج ليش.. ذبلت ابساع
حلم السنين ..ضمتة الكاع
وحزنة يشرح مايلي..وبي عليج ايون علي
بيت الاحزان ..بيت الاحزان
#################################
صوتة بالون اعتلة..طير ومضيع هلة
ولاغصن زيتونة ويسكت الونين
عش حياتة مهاجرة..اصوابة فوك الخاصرة
رايح ومحبوبة ميت بالحنين
اشمايصد باب انكسر..اشمايصد نار انعصر
بالمنية ايضل يعاتب ماتجين
اهلال ضهرة من الحزن..بُعدج امثكل المتن
وموهذاك الجان ابو الحيل المتين
يوم الوداع..ضيع الحيل
ذَبلت الروح..وحشة اليل
ايطول ليل المبتلي..وبي عليج ايون علي
بيت الاحزان ..بيت الاحزان
#################################
ذوالفقار الزيدي

المن تعوفيني ..يازهرة سنيني
بعمر الورد ..وين البعد ..يازهرة سنيني
#################################
فاطمة تعرفيهة صعبة لحضة اغيابج
ويخلص الليل بحسرتي وشمت اثيابج
اه يعافيتي ..ويانفس ريتي ..شيبقة بية لو رحلتي
ابقة بحزاني ..ابيتي وحداني..وثوبي مرطب من دمعتي
والراحت امالة ..ماينوصف حالة
بالهم يعد ..وين البعد ..يازهرة اسنيني
#################################
ياعشك حيدر يترفة يانبع صافي
بالجفن مو وحدة ميتة جن كمر غافي
ليش مبتسمة..ونتي متألمة..مراعية بموتج شعوري
خايفة اتألم..وكلبي يتثلم..اشكثر مهتمة ابأموري
ضمي الحزن كلة..بس كولي شي شلة
جرح الفكد ..وين البعد..يازهرة سنيني
#################################
عالكبر بعدج زغيرة وينج اوينة
وليش عشكي التوة بادي تخلص اسنينة
العازتة عازة ..ليش بجنازة ..اكبال عيني يشيل سكتة
الراحت احبابة ..شيلحم اصوابة..عيونة تذبل من دمعتة
الحبج تخلينة ..وللون تعوفينة
ايضمج لحد .. وين البعد ..يازهرة اسنيني
#################################
ياحلم وردي وتبدة بحركة ادياري
الخاطري لو مابقيتي الخاطر ازغاري
جا بقت عينج..الخاطر حسينج ..وخاطر الضلت وحيدة
وهالحزن كلة ..الحسن ميحملة..حضنج الدافي يريدة
هذا البعد خلة ..مابينة ليحملة
الجيتج نصد ..وين البعد ..يازهرة اسنيني
#################################
يكلف وداعج علينة لا تعوفينة
شيملي بيتج يازهرتي لو تتركينة
بيتج الخالي ..شسوة بحوالي..بارد الملكة بغيابج
مري شوفينة ..الون تسمعينة..واصل الجار المصابج
ذاكة الدفو وينة..يالزهرة مرينة
حزنج يهد..وين البعد..يازهرة اسنيني
#################################
ذوالفقار الزيدي

شما تصد للباب عيني.....اترس البيت بونيني
الباب سواهة صدك...كسّر ضلوع العشك

#################################
تنفطر حيطان حيلي من اصد وتذكرة
يالزجية شوفي كلبي قطعة قطعة مفطرة
ماحجيتي بكسر ضلعج بين من الخاصرة
ماحجيتي..وبينيتي..تغيرتي..يازجيتي
من شفت حانيتة ضهرج ...ايست ميطول عمرج
كمت بالذكرة اختنك ..كسّر ضلوع العشك

#################################
جم منية تمر علية ابيوم عالبسمار اصد
قاسي مابي كل ترافة شخلة بهروش الورد
مري بية وشوفي حالي بية شمسوي البعد
بيتي ضلمة..بروحة امة.. وكلبي همة..وين اضمة
المن احجيهن همومي...فاطمة عينيني كومي
مو وكتهة ونفترك..كسّر ضلوع العشك

#################################

كمت ادور وين حيلي بياكتر من بيتي طاح
ثاري يوم الشلتي مني بالنعش وياج راح
شلون حيل يضل عليك ودمج اعلة الباب ساح
راح حيلي..انطر دليلي..وبس عويلي..ايعرفة ليلي
اليل من يمر علية ..ياخذ شما حيل بية
للعمر ماضل خلك..كسّر ضلوع العشك

#################################
اطبك اليل بنهارة وجفني مايطبك ينام
الصبح تكتلني الطواري اليل يكتلني الغرام
اثمنطعش وردة حياتج بلجفن تلف حرام
ازغير عمرج..وردة جنج..ليش اجفنج..وبيدي ادفنج
عالكبر بعدج زغيرة..المثلج ايعيشوهة اميرة
مو يجازوهة بحرك..كسّر ضلع العشك
#################################

الدفن بجفوقة عزيزة ايكضي كل سنينة ون
وشنهي عمرة الراح عمرة وحضنتة جفوف الجفن
البلترب وسد حبيبة هذا يعرف شندفن
الوسد احباب..جوة لتراب..وهلة غياب ..جرحة ماطاب
وانة دافن بيدي روحي..والله يعرف شنهو نوحي
الهوة اشتمة ابشهك..كسّر ضلوع العشك
#################################
ذوالفقار الزيدي

وينج..شو بيتي طافي بلا ضوة
وينج..وبصدري مخنوك الهوة
وينج..حسبالي موتتنة سوة
وحدي ضليت..وحدي ضليت
#################################
فاطمة من شلتي مني انشال حيلي
زاد حزني...ضهري محني
وليلي بعدج من يمر شيسوي ليلي
فاطمة مري اعلة بيتي يابعد بيتي
بكثر ماحنيت اشوفج ادري حنيتي
ادري بكليبج يحن بي واهس اعلة الجية
وانتضر لوبس حلم وجهج يمر اعلية
ونطر لو بس علي طيفج يمر
ونطر مو ذبلت ورود العمر
ونطر ساعة العاشك من جمر
جية تانيت ..وحدي ضليت
#################################

وين ذيج اسوالفج لمدفية بيتي
ديري وجهج..شوفي بعدج
اشتاركة ابموتج مواقف من مشيتي
الشايل بكلبة حبيبة وضمة للعازة
صعبة لو شالة اعلة جتفة اودعة جنازة
الفاكد ايحس بالفكد وشخلفن اثارة
والدفنهة رويحتة تعرف ونينة ديارة
وانة باقي اعلة فكدج منكسر
وانة لمعلم الناس الصبر
وانة كل ذكرة تعصرني عصر
عمري مليت ..وحدي ضليت
#################################
ترفة والبسمار قاسي وعصرة الباب
طلعت الروح..شخلت جروح
ولوتطيب جروح ضلعج جرحي ماطاب
فاطمة ياريحة الله بقالب انسانة
الراح من عندة عزيزة يموت بحزانة
وانة كاتلني الحزن جي فاركت محبوبي
واسود عليج انصبغ واهس حياتي وثوبي
ثوبي من حزني ضل ماخذ طبع
ثوبي بايت رطب من الدمع
ثوبي يعرف علية شمر وضع
اشصار بلبيت ..وحدي ضليت
#################################

شلون بية وصارو اولادج يتامة
حسين يسكن ..زينب تون
والحسن كلبة يرف مثل الحمامة
حاير ايسكن ونينة ونت اخوانة
وضال بيتج من حزنهم تبجي حيطانة
تبجي حيطان السكن من حالهم والحالي
ويست من العمر والموت ضل يبرالي
باقي من تضر موتي باي وقت
باقي ومن المصايب شيبت
باقي مو من حياتي تعذبت
اشكد تمنيت..وحدي ضليت
#################################
منتضر جيت منيتي ورايد اخلص
شنهي ضلتي..بلا زهرتي
موغزل عمري عكب عينج تخلبص
المامحسب بي يمرني مرني وذاني
واسحن بروحي اعلة بعدج دهري خلاني
ياحياة البيهة اعيش وانتي مو ياية
والبقة بلاية محب تفطر دليلة حجاية
قصة من بعدج اعلية سدت
قصة من حيلي باولهة بتدت
قصة ماطول عايش منتهت
تكضي ياريت ..وحدي ضليت
#################################
ذوالفقار الزيدي

دمعي يسولف قصة نوح ..دمعي
ومايعرف بس المجروح..وضعي
يالزهرة الماطاب صوابة..ترجم دمعتي
وبس الدافن بيدة احبابة ..يعرفهة قصتي
#################################
يترجم نوح ..كلب مجروح ..الحطن بالترب محبوبة جفينة
يقيّم الحيل ..صديج الليل ..ذاك اكبال عينة انباكت سنينة
الفاكد.عشكة.يعرف. هاي المصيبة
الخلص .ليلة.يبجي. الذكرة حبيبة
يافاطمة وهذا الوصف تعرفين شعني بأمرة
البجفوفة دافن زهرتة تلجم جروحة الذكرة
والفاكد مينام الليل ..طبعة
تعرفين وباقي من الحيل ..دمعة
والعاش بنارة اللهابة ..حس بحسرتي
وبس الدافن بيدة احبابة ..يعرفهة قصتي
#################################
الهموم اثكال..ودموعي وشال..والخلصت دمعتة ايفزع الونة
ونة شتاكيت ..وشطب للبيت ..اشلون ادخل وصوتج مااسمعنة
وينة..ذاكة .الملكة.لمضوي بيتي
شدخل.بيتي.الخالي .مابي زجيتي
يم الهلة بيتج فرغ جاوين ذاك الملكة
طعم الهلة بعدج برد وفارك هذيج الحركة
جان الملكة ابيتج حار..وينة
بارد منبعدج شوصار..لينة
ونتي تعرفين ابسبابة..جيف انتي شلتي
وبس الدافن بيدة احبابة ..يعرفهة قصتي
#################################
يعطر الهيل..كتلني الليل..الليل يريد حيل وحيل مابية
الفكد محبوب..بونينة يذوب..ونة الفاكد وطن مليان حنية
شايل .مني.حيلي..وبعازة الحيل
بية..ضايك..عمري..من خنكت الليل
والعايش بلاية محب يختنك من انفاسة
وشلون تخلص دنيتة البترب دافن ياسة
وعلية الوسعة تعرفين ..ضاكت
ولوجيتي الفرحة تشوفين ..راحت
مري وشوفي كلبي مصابة..ماخذ فرحتي
وبس الدافن بيدة احبابة ..يعرفهة قصتي
#################################
الطواري تريد..ونين يزيد..وطواريج دمع ماخلت ابعيني
الدهر ضمّام..يطك عالهام..وطكني بفركتج وطشرن سنيني
طكني .دهري..وطشر..كل ذكرياتي
وراحت..مني..بعدج..ضحكة حياتي
طبع الدهر قاسي الكلب مايضم خل الخلة
وجرحي منصبعي الهامتي ياخيط عشرة يشلة
بية شخلف من جروح..دهري
ومحني منالهم ومن النوح..ضهري
وتنشف دمعاتي السجابة..بس لو رجعتي
وبس الدافن بيدة احبابة ..يعرفهة قصتي
#################################
اليلف انكاب..وصبغ لثياب..سود الفركتج لا واحد ايلومة
عجيدة كوم..وموش هدوم ..كون تلوح كلبة صبغة هدومة
الفاكد .مثلج..يكضي .عمرة بونينة
وانة.طلعت .روحي.منتفاركينة
ونة بقيت الفركتج بس نفس خانك رية
وما ايست من روحتج ومتاني منج جية
والميت ميردللدار ..طبعة
بس هذا عليج الكرار..وضعة
والغايب شيسوي غيابة..فاطم عرفتي
وبس الدافن بيدة احبابة ..يعرفهة قصتي
#################################
ذوالفقار الزيدي

مشتاكة يمة الشوفتج وتسامر وياج
مو مال اضيعج بالسكن بالمكبرة الكاج
يايمة انة مخدرة..صعبة ادخل المكبرة..وبالمكبرة الكاج
#################################

يالزهرة ياام الهلة
يزغيرة بس معدلة
ياوردة الله مشيلة..اه يالحنينة
ذبلت اعيوني من البجي
وبصدري ضل بايت حجي
مالت وجا وين انتجي .. منتفا ركينة
تدرين الموادع صعب ..والليل رايدلة كلب..مينام المفارك محب
يايمة الوداع صعب يصعب اعلة الكلف
والوردة ماتنشتل بالرمل واللحد
يامرجع احساس ندة ياحضن ياترف
منج اخذ رقتة وضل يشيخ الورد
لمن مشيتي اطشرن كل ذيج السنين
وساعة ونيني ويالحسن ساعة ويالحسين
بعيوني المساهرة..صعبة ادخل المكبرة ..وبالمكبرة الكاج
#################################
البسمار صح قاسي وصلف
بس اعرف اكليبج ترف
والفاكد الخل ايعرف..ونت خليلة
صح اثر اعليج العصر
لاجن تقبلين انكسر
وطبك الليل اعلة الضهر..انة العقيلة
اتقبليهة ليش ام الحسن..يالحانة اعلةالمايحن..بتج يحاربهة الزمن
تقبليهة تمشين واضل بس انة وي دمعتي
وبجيت الغروب تمر ذكرتج وختنك
وتذكرج من كسر ضلعج مخوصرة
وكابرتي لا حيدر ايشوفج ويحترك
لمن شفت محسن وكع يايمة عالكاع
كلت العصر خلف كسر والكسرة بوداع
وضليت متحيرة..صعبة ادخل المكبرة ..وبالمكبرة الكاج
#################################
موش انتي فراشة ورد
مالج حمل دفعة ومرد
ولابيج حيل اعلة البعد..لا انة بية
نتفارك ويكضي العمر
ولاطيف من عندج يمر
لاصبح لا ليل وعصر ..لامغربية
تمشين انة بعازتج..وكدامي تمشي جنازتج ..تعوفينهة الماعافتج
الفراشة اذا يوم فقط ماتمر عالندة
يعني الورد مات زعل لاعطر ضل الة
وشلون الي عيون اطب بعدج الحجرتج
وماالكة لنفاس هذيج الذي مهيلة
شماكبرت البت يمة تبقة بعازت امهة
الماعدهة ام من تنولي اتموت ابهضمهة
واليمتة اضل صابرة..صعبة ادخل المكبرة ..وبالمكبرة الكاج
#################################

يم دمعة عالغربة تصب
ياطيبة ماعندج كلب
اشلون الحزن بيتج يطب..وولادج ازغار
يايمة لو بطلنة ون
كلليلي شيسكت الحسن
وحسين مات من المحن ..وعليج محتار
مرطب ردانة من الدمع.. والجار بس ون يستمع ..وصرخة يمكسورة ضلع
بيتج صفة ونين عكب عينج امن انطفت
وشلون لمن طفت عينج محومرة
والحسن شاف الذي صابج والمج
وشلون قرطج وكع ونكسر خاطرة
ضل بيدة لازمهة التراجي ويحجي لحسين
وتشابكو كلب بكلب وشصار الونين
واني ابجي من منضرة ..صعبة ادخل المكبرة ..وبالمكبرة الكاج
#################################

من شلتي يمة تعذبت
للمعضلات تحضرت
وشراح اشوف اشجم طشت.. من الدنّية
اول طشت سم وجبد
والثاني راس وبالبعد
ويبقالي اخ بالا زند ..وصفك بدية
وبقى انة من غير اخوتي..ولا من مجيب النخوتي..ويابلوة الطف بلوتي
باجر يهدون علي للخيم بس زلم
والسلب عباس علي يمرك برايتة
واحدهم ايصيح علة حسينج الخارجي
والشمر بحبال يجي وننجتف غايتة
باجر يجتفنة الشمر ونعوف الخوان
وتصير مابيهة زلم كل دار عدنان
وانة اصبح ميسرة ..وصعبة ادخل المكبرة ..وبالمكبرة الكاج
#################################
ذوالفقار الزيدي

◦

فاطمة ..راح اصيح وبلكي برجعلي جواب
فاطمة..والسكوت يعني قد حان الغياب
#################################
راح اصيحن فاطمة..الشوفتج عايش ضمة
ها يحيدر رايد اسمعهة بضماي
اعليج عيني امساهرة..الخاطر اكسر خاطرة
خل تنام عيوني يالزهرة تعاي
بس ضلام صارت ايامي
والمشيب ذبل احلامي
فاطمة..كلي شوك وانتي غطاج التراب
فاطمة ..والسكوت يعني قد حان الغياب
#################################
انه عايش احلة حُب..منين اجيبلج كلب
يحتمل يالزهرة كل هذا المغيب
انتي من الذر الي..ولايكة الزهرة العلي
والله بارك هالحبيبة الهل الحبيب
انتي روح ملكت احساسي
شهالغياب يااعز ناسي
فاطمة..والحبيب لومشة ايضيع الشباب
فاطمة والسكوت يعني قد حان الغياب
#################################
ابكثر مابس بيج اهم..اعظام مستورة ابهدم
باقي بس جلد بعضم ويسترة ثوب
من اطب الحجرتج ..وانضر مصلايتج
وانتي ماموجودة بالحجرة انه اذوب
من افوت والكة بس ريحة
وماكوصوت حتى تسبيحة
فاطمة.. والصلاة ضيعت وجهج حجاب
فاطمة..والسكوت يعني قد حان الغياب
#################################
وكت الغروب انعصر..وكضي ليلي انفت جمر
انتي ميتة وضالّمج يشتم هوة
انة قتال العرب ..وصيتي واصل للركب
لجن حبل اوصيّتي بجفي التوة
لولا هاي والله فانيهة
للمعيش ماخليهة
فاطمة..صبري طال وكلبي من اهمومي شاب
فاطمة..والسكوت يعني قد حان الغياب
#################################
جا فدك محد دنة..وراسهم ليج انحنة
لجن واعد طه ما اكض بيهة سيف
جان الاصفر مرتدي..وبسقيفتهة ابتدي
ياسقيفة التبقة وانة اطلبهة حيف
ياهو حيد ويوصل البابج
للمراد اقبل اعتابج
فاطمة.. يارجال اتكشر اكبالي النياب
فاطمة..والسكوت يعني قد حان الغياب
#################################
ذوالفقار الزيدي

ابصلات الهم..السفير الدم..دمع طاح
اسالت طوعة..علة ادموعة.. وبجة وناح
كلهة طلعتلي استخارة
طيحة من قصر الامارة
وهلت العين ..الغربة حسين
#################################
دمعت عيني..طوعة لمن سبّحت
دمعت عيني..الخيرة مو زينة شفت
دمعت عيني..شفتة بحسين الوكت.. غدر
خرزتين السفر..الي يرسمن خطر..واخوي ابلا نحر
واخيام ابلا والي
عشت حيرة..اعله هل خيرة..وكضة الحيل
رأت عيني..على حسيني..ترك خيل
شافت الخدّر حيارة
طيحة من قصر الامارة
وهلت العين..الغربة حسين
################################
عايش حيرة.. خايف اتموت الهلة
عايش حيرة..صفرة نيت كربلة
عايش حيرة..درب الحسين انملة..خطر
نوايهم حقد..يذبحون الورد..منو ايخبرة ويرد
بمرسال النواية
يرد باهلة..منو ايكلة ..الكتب زيف
ترة النية..علة الجية..طلب حيف
نسل امية ايداعي ثارة
طيحة من قصر الامارة
وهلت العين..الغربة حسين
#################################
ضيعت حيلي..بخرزة خرزة انضر جرح
ضيعت حيلي..الناس نكارة ملح
ضيعت حيلي..الكتب ماطلعت صلح..دغش
دغش ذيج الكتب..نوايهن حرب.. قرار الطف صعب
ومحتم قرارة
قرار الطف..نحور اوجف..سوة اطيح
الشمر حتم..اعلة اطهر دم..ندة ايسيح
وانكشف زيف العبارة
طيحة من قصر الامارة
وهلت العين..الغربة حسين
#################################
اه ياطوعة..غربتي صعبة لجن
اه ياطوعة..صعبة يتغرب ضعن
اه ياطوعة..النسوة ماتحمل محن..سفر
يحملن ياجرح..اذا مات الصبح..حزنهن يتضح
مابين الشماتة
زلم مترد..وشماتة اتصد..خدر ضاع
كلب منسل..ويجملة التل..هالوضاع
ويتضح كل انكسارة
طيحة من قصر الامارة
وهلت العين..الغربة حسين
#################################
ابوجه حسيني..رايد اخر نضرتي
ابوجه حسيني ..ارد احالل عشرتي
ابوجه حسيني..ادري يذبح غايتي ..قدر
ذبح نيتي القصر..اموتن ينتضر..توعدلي بنحِر
والشوفة نحرهة
كتب فركة..وذبح ملكة..وية الحسين
كلت نضرة..وكتب حسرة ..اويةلونين
والقدر صار اختيارة
طيحة من قصر الامارة
وهلت العين ..الغربة حسين
#################################
#ذوالفقار الزيدي

https://www.tg-me.com/joinchat-AAAAADyvNcFdjoQh-74liA



قناه نشر القصائد المنبريه ثقافه الشعراء

مو مثل البنات..وية اجروحي ابات
يكتلني الصبح..والليل ابجرح..من الذكريات
#################################
اهنا حجينة..اهنا كعدنة..هذا حالي اعليكم ابيتي مندور
ثوب الزمة..ثوب اشمة..ياعطركم عايش ابريتي بخور
الدار ضلمة.حجرة حجرة.. الجانت من وجهكم مليانة نور
من اوجهوكم ماراح بالي
حطيتكم صورة ابخيالي
كل ساعة اسولفلي اويغالي
ويمر بية صوت ..منة اشهك واموت
ياراحة التصح..والليل بجرح ..من الذكريات
#################################
اكبال بابي..كاعدة انطر..بلكي يندك والهلة محضرتهة روح
بلكي واحد ..حن عليه..وكال خل ناخذهة ماتحمل جروح
افرشلكم ..اسرجلكم..كلش اسوي اهناك بس خلوني اروح
صريتهن بامالي هدمي
وماكال واحد ركبي يمي
ولامدلي جف وكال سمي
وياكم مامشيت..ويجروحي بقيت
شنهو الينصلح..والليل ابجرح ..من الذكريات
#################################
اجروحي احطهن..ابمهد اخوية..وابقة الولي ولاجرح منهن يهيد
اتهيم روحي..تريد ملكة..اتريدكم ويمر عليهة الماتريد
الفركة خشنة..وروحي ترفة..الموت اجاني وبعدة ملكاكم بعيد
لشتاكلة اكعدلة بحجرتة
ويكتلني من اذكر عشرتة
ماشفتة بس الموت شفتة
لاشوفت حبيب ..لاجرح اليطيب
كل ساعة انذبح..والليل ابجرح..من الذكريات
#################################
ادموعي كتبن ..جم رسالة..ومايبّرد كلبي طارش باليجون
وية روحي..كمت اسولف..اتهون اكلهة اترد علي لا ماتهون
ساعة راحو..ساعة ماتو..وانة كل ساعة انخطف من وجهي لون
ثوب الحزن ماهو اعلة كدي
منة التوة عضمي اعلة جلدي
وبدموعي كمت اغرف وابدي
شينشف العيون..وانتم ماتجون
دمعي شينمسح ..والليل ابجرح..من الذكريات
#################################
اغفة كوة..وبيكم احلم..واكعد من احلامكم مليانة خوف
جاي اشاهد..بس مناحر..وراس سالم عالجسم ماجاي اشوف
وارجع اغمض..عيني بلكي..هم اشوف احلامكم وجروح اروف
احلامي بيكم كلهة بس دم
لو نار تاكل بالمخيم
وريحة حرك من زيبنب اشتم
وشلون استراح..من هاي الجراح
يبرالي الرمح..والليل بجرح..من الذكريات
#################################
ذوالفقار الزيدي

وين ماتاخذني دنياي
بيك احس يحسين وياي
تارس ايدي شماردت خير
شكراً اعلة الخدمة مولاي
#################################يانعمة الله اعلة الارض وعفو الله يوم الاخرة
المن شافني امتيه الدرب عدل طريقي بخنصرة
يالعاكد السان الكرم من لية عزب منحرة
وخليت على الدنية فضل لمن طحت فوك الثرة

حتى اعيش بعمري مرتاح
صار جسمك موطن اجراح
وحتى ماعيش الضمة ابيوم
فطّر اشفافك ضمة الماي
#################################
من اقرة ليك الناعية مو عن عبث لاعن عشك
خالقني ربي الخدمتك تفصال لجروح الطبك
لو خلصت كل عمري اون مااوفي دوسة من السحك
وابجفي ادك اعلة الضلع بلكت مثل ضلعك يطك

بالمجالس اخلع الثوب
عالترب جيف انتة مسلوب
وانة من اتهدل اعليك
حتى باجر تصبح افياي
#################################
محروك ما ادور اجر مادور ابجرحك ثمن
اقسملك ابحق فاطمة ابجيلك ابحركة ضعن
الذيج النساء البارزة البعد الدلال اتيسرن
الرسمتهن الدنية ابجرح وخلتهن ابحلك الزمن

من اون يحسين محروك
الزينب وصعدتهة عالنوك
والمحامل صارن ارماد
وخشنة ضهر الهزل اهواي
#################################
مستنبط احكام الهدم من الضلام البهدعش
وضل السواد اعلي رسم من جسمك ابغبرة انفرش
يحسين يا اكبر جرح وجه السمة اعليك انخمش
لوماي ما اشرب دهر وياك ما حس ابعطش

اشلون احس يحسين عطشان
وانه خادم اترف انسان
لون عمري ايخلص بكيض
ارتوي بذكرك على اشفاي
#################################
طوّلي عمري ارد اخدمك يحسين ماشابع لطم
عاشورك ايروح ويجي وانة الحسير المنهضم
اشتاك واحضر مجلسك شوك السجين المنحرم
والطملك ابكد حركتك واللطمة توصل للعضم

وين ماصح لية رادود
اكبالة اصير اعليك شادود
واجري دمعات المواسات
وعيني هاي اتسابك ابهاي
#################################
ذوالفقار الزيدي