ام عباس والنعم من عدهة
بالوكفات تنذكر وحدهة
كال بالنص حيدرة
كال عن هاي المرة ..والنعم من عدهة
#################################
علي من وصة عقيل.. غايتة ايطلع كفيل ..ورايد ابطف كربلة اينزل خطر
كله نساب العرب ..نخلة حواية رطب.. هاي بت احزام وتشد الضهر
بت التسرج اعلة الخيل لاجن تكسرلهة اضهور
اهلهة بدخلت المديان رحة واعلة المناية ادور
كلة الحيد وصلّت للغاية
وللكفال حضرتهة الراية
هاي بت جود واصل
هاي شيالة ثكل..والنعم من دعدهة
#################################
طبت البيت الرسول .. وماخذت دور البتول..بدار فاطم خذت دور الخادمة
كالت انه اوصيتي وين..كوثر الله ام الحسين.. ولارض ماتعلة صيت اعلة السمة
ماكالت حسن وحسين كالت سيدي اومولاي
وزينب ماحاجتهة بيوم تسميهة ابنظر عيناي
ابعين حسين والحسن والحرة
ام عباس ماتحط النضرة
ابهاي حسبت منزلة
ابهاي هية معدلة ..والنعم من عدهة
#################################
للوفاء خلت اصول.. خلفت اربع فصول..الخدمة الخوة الفصول الاربعة
اتقاسمو كلمن فصل..بس فصل راعي الفضل.. من يمر بحسين جان اتابعة
تسولف جانت العباس للخوان صير افياي
والبس وية عزمك جود لو جابو طواري الماي
للعباس جانت اتشد عزمة
تحجي وياه كلمة احر من كلمة
شلون جان تعلمة
شلون يلزم صارمة...والنعم من عدهة
#################################
العشرة شعلتهن شمع.. صارت الزينب دمع
..وللحسن تجاية بسنين الصلح
ذات وكفات شكثر..للخدر صاغت خدر.. ابجفهة صاغت للخدر خوة ملح
ابكل موقف جبل وكفات اهل البيت يلكوهة
ابطواري الخير من تنجاب جلمة خير يحجوهة
للهل البيت نذرت شما عدهة
احدود الموت ياهو يصول حدهة
وين طاريهة يمر
وين تلكاه بي نذر..والنعم من عدهة
#################################
شحمّلت للطف زلم..هاي تسوة الونعم
حشمت لحسين كل اولادهة
سرجت اضهور الشكر..ابوجه باسم مبتشر
حاسبة احساب الحرب وابعادهة
صاحت حيهم اهل الزود وين اليمتلك غيرة
اريد اليدخل الميدان يمنة ابميسرة ايديرة
صاحت صوت حشمت ولايهة
والعباس بشري من كالاهة
حاط بالة اعلة الخدر
حاط ايدة اعلة الصدر.. والنعم من عدهة
#################################
ذوالفقار الزيدي

لاجئ ..من بعد ماجنت ياطوعة سفير
لاجئ..انه خير وناسكم ماعدهة خير
انتي متعرفيني
وحقج اتساليني..لاجئ
#################################
تسأليني اعلة ناسي وموطني واصلي
انة الخير والخيّر عرف فضلي
ماشفتي ملامح حيدر ابشكلي
تمعني ابوجهي وتعرفين منهو اهلي
انه..من هذاك الشبع الوادم رغيف
انة.. بكل بطن جوعان تلكينة مضيف
بس هلا مورثيني
وحقج تسأليني ..لاجئ
#################################
اطلب ماي وانة ابن الكصصهم ماي
بس الدهر خان وماعدل وياي
تسالين اعلة بابج هذا ياهو الجاي
الدنية واخرة للوادم اهلة افياي
خوفج..مالة داعي و انه جاي بكلبي طيب
خوفج..منة ياطوعة ضكت طعم الغريب
ابابج اتخليني
وحقج اتساليني..لاجئ
#################################
انه البلكرم ماطفة موكد نار
انة لمسمع المحتاج بس الصار
انة ابن الكلة يفرح لوجهب خطار
انة ابن الهاجرو بس شرفو الانصار
الهاجر ..هذا دمي الجفة بس يطش سلام
الهاجر..وغارة شاهد ماجفل منة الحمام
هذا ساسي وديني
وحقج اتساليني ..لاجئ
################################
انه الصليت بيهم وسفة عافوني
ابعين الحيرة ادير اهانة خلوني
متعرفيني بس همة اليعرفوني
وكلتلج ياهو اني وكلتي بعيوني
خانو.. الموفقط بعاعت ذمم لا صلفة عين
خانو..وانتي كلتيلي هلا بصيت الحسين
اعذرج ترديني
وحقج اتساليني..لاجئ
#################################
الهلا ماتنشري يتوارثوهة اطباع
كلتيهة وعرفتج طوعة بت اسباع
من شفتج كلت بعدة البخت ماضاع
الكاع اشتنشتل واضح زرعهة الكاع
ساسج..منج ايبين اصل كفٌاً كريم
ساسج.. يعرف ابساسي السراط المستقيم
وهذا شفتة بعيني
وحقج تساليني..لاجئ
#################################
ذوالفقار الزيدي

حسين خليني بهواك
ضايع انه ابلارضاك
هاي نعمة الحمد لله والشكر
مدلي جفك خلي بالخدمة استمر
#################################
بكلشي قابل وين متخليني
ابحبك اعمة وكلبي ليدليني
علمتني الخادم اتسميني
ابغير بابك ما امد جفيني
ياغرام..خل اذوب ابعالمك
من زمان..حلمي اصيرن خادمك
كلبي بس يحجيلي بيك
عايش اعلة الله وعليك
الك حبي وياي رابي من الزغر
مدلي جفك خلي بالخدمة استمر
#################################
هاي رحمة وخلني عايش بيهة
هاي بس الخير الي ابتاليهة
حسين نيتي بخدمتك صفيهة
الخدمة نعمة وكلشي ميضاهيهة
ياكريم..ضاكت انعامة الخدم
بلكي اصير..طافي جمرة من الخيم
يلي كلبي عليك ذاب
ومن مصابك راسي شاب
وياك اريد شعندي بشباه الشمر
مدلي جفك خلي بالخدمة استمر
#################################
من علية احسبني من احبابك
ارد اصيرن خيط اشل اصوابك
يالخذت روحي علك لبوابك
اخذ كلشي وعوف نار مصابك
للمصاب..ارد اون طول العمر
ومن اموت..ابقة اذكرك بالكبر
ابقى اصيحن ياحسين
والدمع ميخلي عين
ونعى لمصابك ونة ابوسط الكبر
مدلي جفك خلي بالخدمة استمر
#################################
امنيتي خادم مجلسك يحسين اصير
حتى ماضل بالكبر وهوالة احير
ومن جهنم مايمر بية زفير
ولايطّول احسابي ناكر وي نكير
لويجون..مااضل بحيرتي
انة غاد ..بيدي دفتر خدمتي
منكر ايسد الكتاب
ايكلي باجي اعلة المصاب
ومن نكير اسمعهة بالجنة ابتشر
مدلي جفك خلي بالخدمة استمر
#################################
بالحشر تتغير اوجوه البشر
اهناك خوف اهوال واحداث وخطر
ونلكة للخدام مفتوح الممر
والي زغر اسمة كدامك كبر
اهناكة خوف..والخدمكم مطمئن
مايضيع..الناشر الجرحك حزن
وانة لابسلك سواد
رايد انجي من المعاد
بالقيامة خدمتك هية الذخر
مدلي جفك خلي بالخدمة استمر
#################################
ذوالفقار الزيدي

ندائي..انتمائي..ولائي..سمائي..حبيبي ياحسين
اعلة حسن الخاتمة..مدد يافاطمة
#################################
من زغري حبيتة..محبوبي سميتة..وبكلبي خليتة
وبكلبة خلاني
العلكني بدربوبة..خلاني محبوبة..لبسني من ثوبة
وعلزينة دلاني
واكفلي بالشدة..سري انحفظ عندة..بروحي سكن وحدة..لا مادخل ثاني
حلال شداتي..كضاي حاجاتي..ذاخرلي زيناتي
ما لحضة عافاني
حفظني..سترني..ذخرني..ذكرني..حبيبي ياحسين
اعلة صدري اموسمة..مدد يافاطمة
#################################
اي والرفع سبعة..حاسبني من ربعة..علمني من طبعة
عيشني روحيتة
اخلاقي غيرهة..زيناتي كبرهة..وعيوبي ساترهة
ذبت ابحسينيتة
متولي تربيتي..منة وكبر صيتي..غير حسن نيتي
كلهة ابحسن نيتة
ما لحضة عافاني..للخير دلاني..خلالي عنواني
الميت ابحنيتة
عرفتة..عشكتة..المحنتة..تبعتة..حبيبي ياحسين
اذوب ابعالمة..مدد يافاطمة
#################################
دك بالكلب ثاية..وصلني للغاية..وفقني بقراية.. عرفني عن ذاتي
ميزلي صحباني..سواني انساني..بالعالي خلاني..صحح خياراتي
ماينوجد منة..حاسبني جن ابنة..لو دمعي هل حزنة..يذخرلي دمعاتي
شحجيلة يتقبل..لو حتى مومقتل..بس وصفي يتوصل..يقبل عباراتي
اليخدمة..يضمة..يعلمة ..ويكرمة..حبيبي ياحسين
اليخدمة ايكرمة..مدد يافاطمة
#################################
وبعالم الذرة..لية انعرض فكرة..بصمت الة العشرة
عالخدمة باقيلة
حبيتة من زغري..غالي وشغل فكري..بية شكبر عمري
يكبرلي تأويلة
اية حفظ حبي..مركز عشك كلبي..خلا الي ربي..بلساني ترتيلة
انطاني جم فرصة.. سوالي مي كصة..ابدرس العشك قصة..ليلة والف ليلة
كلامي ..غرامي ..سلامي..وئامي..حبيبي ياحسين
علاني للسمة..مدد يافاطمة
#################################
محبوبي لندلة..بدموعي اوصلة ..خلي وصرت خلة
عرفني بالنعمة
يمشي بوسط دمي..مرضاتة كل همي..زغرت الة ابئسمي..وكبرني صيت اسمة
حافظني من كل شر..كاتبني بالدفتر..باجيلة عالمنحر..باجي النزف دمة
حاضر مجالسهم..دلالي عاشكهم..جي انحب والطم..وفقني للخدمة
عشرتي ..خدمتي..طلبتي..دمعتي..حبيبي ياحسين
ذخر كلبي وحمة..مدد يافاطمة
#################################
ذوالفقار الزيدي

جاسم هتف هز الصواوين
الموتة وحدة وهينة يحسين

من سيفي صاح اين المفر
وبعيون عمة اشكد كبر
مبين حجي اربات الدواوين
#################################
شمر اجفوفةوطبهة ويسولف هذن
ان تنكروني فأنا نجل الحسن
هذا حسينٌ كالاسير المرتهن
معناهة صارت غيمة راح ايذب مزن

هذا ارتجازه ايدل عله انذار
حانت قيامة ونزلت النار

ماجنه ابن خمسة وعشر
وبعيون عمة اشكد كبر
مبين حجي اربات الدواوين
#################################
سرعة بديهية ابشر قط ماتصح
يضربونة داير وجه ويصد الرمح
يجهز عليهة ويطلع ومابي جرح
مالح وكاع الطف تدور عالملح

خلة الزلم كلهم يحيرون
يدخل اشلون ويطلع اشلون

طب ليهة فصلهة وشبر
وبعيون عمة اشكد كبر
مبين حجي اربات الدواوين
#################################
امرورة الكهوة اتحولت مر الحرب
ايهزولة هامة خاطر ايبطل الضرب
السيف دلة وجان نار الهم يصب
ضنو ازغير ومادرو فارس صعب

صبة الكهوة اينزل السيف
ضوك الصيف حرورة الصيف

والعبر راسة الماعبر
وبعيون عمة اشكد كبر
مبين حجي اربات الدواوين
#################################
حر الشمس ماخذ احرورة باترة
وفرسانهم مالحكت اتكض السرة
صنديد گال الكوم كيل السندرة
والحومة دارت مو بجفة بخنصرة

الميسرة اندارت على ايمين
لحسين طشرهم قرابين

زئرة اسد بيهم زئر
وبعيون عمة اشكد كبر
مبين حجي اربات الدواوين
#################################
ارد احجي حاله البيهة مشدوه العقل
امذابح وحال الحومة مخطر مو سهل
وجسام مامهتم ربط شسع النعل
ماقبل ينزل حافي ميراث الرسل

ماقبل حافي ابحملتة ايدوس
فوك الشجاعة ايعلم ادروس

وحتارت ابهاي البشر
وبعيون عمة اشكد كبر
مبين حجي اربات الدواوين
#################################
ذوالفقار الزيدي

جينة ..شدينة للطف احزام
جينة.. بكلوبنه الطير اينام
جينة ..لخيامك انصير اخيام ..جينة
#################################
الروس كشفناهة..الدنية طلكناهة
ياحسين ارواح جينة تدري امارة النفس

الحلو عني انساهة..الرجعة مانرضاهة
والارواح امحظريهة انتاني بس طلعت شمس

الجية موتة واحنة ندري بهاية
ونشكر الله الحقق النه الغاية
حسين باجر عدنة بيهةاسواية
انطبهة والعباس يرفع راية

رايه ..يرفعه جف العباس
راية..المن صفة اعتبره انداس
راية.. شدتهة جن شدة راس ..جينة

#################################

شتحجي عن الروحة..اوية النذرلك روحة
شتحجي وية الخلة روحة امسجلة الحبك وقف

فوت بيهم غانم..انطيح وانتة السالم
اوحات شيبك عالمذابح تشوفنه اعيونك نصف

الدنية خاف تردنة طلكناهة
جلبت بذيالنه وعفناهة
الموتة وياك ابصدك ردناهة
يالشريت اروحانه البعناهة

انته..البوجوهنة مخلي الماي
انته.. باجر تصير النه فياي
انتة..شفناك خير الله الهاي..جينة
#################################

وحك شيب الحيتك..وخدرك النص ريتك
عدنة شوك اعلة المناية شوك طفل المرضعة

اطينه من روحيتك..خيط من خاجيتك
حرز ينشد عالبواتر خل نصفن الواقعة

واليجيك امسح اديك ابيدة
حتى ضرباتة تصير ارعيدة
حسين بس توفيقك احنة انريدة
خاطر انمليهة روس البيدة

ايدك ..من غير حولتنه الغير
ايدك.. بالغار ما جفلت طير
ايدك.. جي ندري بيهة اشكد خير ..جينة

#################################
حانت الملزومة.. لحك زرع الحومة
للحصاد مجهزيهة سيوفنه ابواهس فلح

الميمنه ويسراهة..امذبحة تلكاهة
وخلي بالطف تربي عينك فزعت الشافك ملح

حسين ملحك بينه خضر غيرة
اتعيش الطف ورجالة بحيرة
طلعت افعل يبو اسكينه الخيرة
يعني راح الكون بيهة انديرة

فزعة..وللحطب حضرنه النار
فزعة..ودكينه ناقوس انذار
فزعة..فزعت اكبار ويه ازغار ..جينة
#################################
كض حبيب الشيبة..وكال يهل الطيبة
عدكم اويحسين فزعة زينب اتاني الخبر

هوسينه اكبالة.. وهوة شال اعكالة
وكال رايح حتى اكلهة كلمن امحضر نحر

لبن ضاهر جلمه بس كلناله
وهوة يشرح راح لختك حالة
يكلهة كلشي حسين بالطف مالة
واحنه جينة انعيدلك ما كالة

عدنة..وياك يحسين انفوس
عدنة ..انموت وانته المحروس
عدنة..منك يالحسين ادروس..جينة
#################################
ذوالفقار الزيدي

ريشاتةشركت سيف ابوه الذوالفقار
وهاي العلامة الناس تعرفهة انتصار
ايسمونة راس الحار لاكن كلة حار
ليث الحرايب..عباس
كبش الكتايب ..عباس
#################################
عباس يحتار الوصف من يوصل الشخصيتة
موروث روحية علي ابنفس الضبط روحيتة
تربيته خاص امن السمة ونازل وحي ابتربيتة
وعباس حار من الزغر مدري اختة شمحاجيتة

ارد اعرف اخت الهاشمي محاجيته بيش
من زغرة مايعند فرد واحسابة جيش
استفهام حيرة احرورتة اشكد بيه ليش

من العجايب ..عباس
كبش الكتايب..عباس
#################################
عباس اصفه من العذب شايل نقاوة نية
عايش حسيني الهوى جيف اختة وسط الرية
هزت جذع مريم نبي وهزت علي البدوية
وخلفت سبع الكنطره وسبع الكرة الارضية

عيسى ابن مريم معجزة واحياله ميت
وعباس احية الخوة من ماتت لكيت
بل وجعلنا من الماء اتمعنيت

قول الله صايب..عباس
كبش الكتايب..عباس
#################################

من وجعلنا اتفهمت ماتعني هاي الايه
وتكليف سكاي الخدر توجد رسالة بهاية
خدر الله وردات النبي وجان المعيش ابماية
والهذا زينب شامخة من جان راعي الرية

والشمر جان ايصيح بالطف ماكو ماي
وحسين جان يردلة عباس بكفاي
وانتم كطعتو ارواحكم من كلتو هاي

تدروني جايب..عباس
كبش الكتايب..عباس
#################################

استأذن حسين اوكبل لايمشي كل لحسينة
طالع اجيب المشرعة ودك صدرة يروي اسكينة
طب الحرب واهس علي امخلي العقيلة ابعينة
دار الجمع دور الرحة وطشر شمل سبعينة


ابسبعين الفهة ايشيل ويطش ويشيل
وغيمت الحومة وصارت امجادح صليل
والماي كلة ابشاربك طايح دخيل

طب جودة تايب..عباس
كبش الكتايب ..عباس
#################################

اويه الماي اله موقف كلف منه اوكف يم حدة
بعباس ضن يكصي العطش والحل يضل بس عدة
وعباس اجه وشالة وفرح بس ردة سطرة بخدة
والماي لا لون وطعم ضل من سرعتة ابردة

اتفاجئ وكلة اشربني تعرف مو حرام
بس كله لا خاطر تضل درس احترام
خليني عطشان انه فايز بالختام

سوة الغرايب..عباس
كبش الكتايب..عباس
#################################
ذوالفقار الزيدي

الايام ادور وجروحك هنة
من ايمر عاشور يتجدد حزنة
مر عاشور وجم هلال
طال وجرحك وياه طال
#################################
تمر اسنين فكدك والجرح بعدة
وبجمرك طبع لايخمد ويبرد
طواريك ذبح بس منتصر عالموت
ودمة الغيرة ابشراين الخجل يجمد
اصدلك منتصر بس توجع الدلال
شما اتخيلك ذاك انتة الموسد
موقف جروحك كلساعة اذكرة
صدرك ابالي دايستة عشرة
ذن اكبال العين عاشن بخيالي
وجروحك يحسين ماعافن بالي
ليل الذكرة اشكد كتال
طال وجرحك وياه طال
#################################
اعيش افراك كل مايصح بيك افراك
واشوفك من توادع ربع ابحركة
متفرد وداعك مدري من يالون
تضم ضلع بضلع بحرورة الشبكة
مثلك ماشفت يمحير التاريخ
شامخ بالشدد مو جفك اتصفكة
واكف اتكابر وتضم جروحك
وماتهل دمعك حتة ويروحك
كل ساعة توديع تاخذ نص حيلك
ماتشكي من جروح جرحك يشكيلك
نص حيلك راح ومامال
طال وجرحك وياه طال
#################################
كضو ربع ذبح وابوحدك ضليت
وقربانك لخير اعليه حليب انشح
كمر بيدك رفعتة اداعي كطرة ماي
وسهام العدة ماتفتهم وكح
وكفلك حرملة والله المعين بهاي
ودالك سهم منة الطفل فرفح
فكلك اكماطة وضنك رويتة
ربك ايعينك من شاهديتة
سهم مثلث جاي واني تخيلتك
موعبدلله انصاب صوب عاطفتك
دم عبدالله بجفك سال
طال وجرحك ويا طال
#################################
علة ذبحك شفت متحضرة الف سبعين
ورفعت اشراع صبرك والمعسكر حار
انتة الهاشمي الماتنثني ايعرفوك
ضلو ناس ترمي اساهم ترمي احجار
لحد ما كل كتر منك جمعلة اجروح
ولوة سرج المهر والزمن ويا دار
كل كتر منك ماباقي سالم
صعبت الكومة وعالغبرة نايم
كل ماردت اتكوم توكع عالغبرة
وللخيمة اتصد عين خاف اخر نضرة
همك جي بالخيمة اعيال
طال وجرحك وياه طال
#################################
اعلة خاصرتك رمح متوجي تجوة غيض
وبكلبك سهم بس انتة مامهتم
عليك اندارت الموخوش والموخوش
وجفنك مارمش من سيف المحتم
يالخوفك شرف ماخايف من الموت
خفت لاعبر واحد حد المخيم
صفنت اعيونك مو سكرة غيرة
اتخيلت زينب ماخوذة اسيرة
واتخيلت اشلون من ايجتفوهة
وبسوط الضلام راح يضربوهة
والحال ايمر بختك حال
طال وجوحك وياه طال
#################################
ذوالفقار الزيدي

رسالة ..الى وجه الفجر مريود مصباحة
رسالة ..كاتبهة بشر ماشيف الراحة
حبرهة ادموع ليل الطفلة منتضرة
ماطبكت جفن من خنكت الحسرة
#################################
مقدمت الرسالة اخذت احروف الشوك
الى من راح بس عايف كلب محروك
تلوك ويانة تبقة تروح لا متلوك
مايطبك جفن ذاك الحلم مبيوك
مايغمض عين المفارك حبيب.. النوم للعايش بعُد يصبح محال
مهرة الموت اعلة بالة اتمر صهيل..ويدعي سترك ربي من هذا الخيال
الى من..عايفلة عليلة ابابهة ايدك موت
الى من..اذا مارد جواب البيتة راح ايفوت
جوابك بالمنية ابنيتك اتنطرة
ماطبكت جفن من خنكت الحسرة
#################################
مضمون الرسالة ياشريك الروح
ذبل ورد العمر خضرت فوكة جروح
من احلام الطفولة اشجم حلم مذبوح
افل فجر الفرح والبزغ ليل النوح
ابشجرة الاحلام مربعُدك خريف..وباب بيتك شاهد اعلة الانتضار
البرد راح وياك والمر بيهة صيف .. بارد الملكة صفة وضل كلشي حار
اعلة بابك..اذان تريد تسمع منك الدكة
اعلة بابك..طفة كلشي وبقت بس جمرة الفركة
اعلة بابك عين باكت شوفهة العبرة
ماطبكت جفن من خنكت الحسرة
#################################
ابنيتك تانتك ياماي شحة صيف
تجي لوبيهة عزرائيل يمرك ضيف
مر ابالهة يحسين لو بس طيف
وريح اجفوفهة من صفكت الياحيف
حتى بالتوقيت خليت اختلاف.. ميل الموادع تسيرة الذكريات
والدقايق مرن اعليهة بسنين.. وحسب توقيت الدمع حان الممات
تتاني ..لا مو بالوكت وحساب بعُدك حيل
تتاني .. تخلص الصبح ون وترد تون باليل
الصبح واليل ذكرة تسلم بذكرة
ماطبكت جفن من خنكت الحسرة
#################################
كتبت بالختامة ماخذتني اهناك
اسرجلك فرس لو افرش امصلاك
خلي ايمرني كلشي المهم انه وياك
ولا ابقة اعلة بابك انتضر ملكاك
ادري بالطف ماكو كل ذرة امان.. والسبي للضلت ابخيمة مصير
وين ماعمتي تروح وياهة اروح..وين مادار الزمن وياهة ادير
يبوية ..السلاسل عندي اهون من بعُد مجهول
يبوية..العمر يكصر اشما ليل الوداع ايطول
صوفر كل وركهة ارويحتي الخضرة
ماطبكت جفن من خنكت الحسرة
#################################
العنوان ارض الطف خيم لحسين
الى جنب ابوفاضل غاد عالجفين
مو عينة الطفت لا يم هذيج العين
اهناك خيام عمتي والدليل ونين
مايتيه ابد عنوان الخيام..والادلة هواي للرايد دليل
ضهرابوي اهناك صاير جن هلال..واضحة ارسوم الذي مفارك خليل
دلالة .. مهد عبدالله بي وجه البد ر نايم
دلالة.. للرايد بعد صينية القاسم
بعد رملة وهذيج عيونهة الحمرة
ماطبكت جفن من خنكت الحسرة
#################################
ذوالفقار الزيدي

نقل راروي المعاناة..الجروح الطف طفلتين
يتيمة المسلم تنوح..يتيمة تون للحسين
#################################
وحدة بالكوفة ابوهة يضل غريب
وحدة خد والدهة عالغبرة وتريب
اثنين عاشن جرح فكد الحبيب
الراح ابوهة امن الزغر بالهم تشيب
التيتم يعرف احساس..جرح هاي القضيتين
يتيمة المسلم تنوح..يتيمة اتون للحسين
#################################
العاش نفس جروحن نفس المصير
يعرف اهات الزمن لمن يدير
اليتم كلش صعب وية الزغير
الكون اسود كلة بعيونة يصير
الشبع من دنيتة جروح..عرف بالقصة جرحين
يتيمة المسلم تنوح..يتيمة تون للحسين
#################################
العندة غالي وجدمة خط اعلة الكبر
وية طولة ايريد يتفصل صبر
والحزن مر بيهن ابوكت الزغر
صار منجل حش الهروش الخضر
الابوهة للكبر راح.. دمعهة ايذبل العين
يتيمة المسلم تنوح..يتيمة تون للحسين
#################################
يعرف اوجاع البعد بس الجريح
العاش عمرة ابلا ابو عاش بشحيح
الناعي يكتل لوخبر غالي يصيح
الدافن ابجفة الورد مايستريح
التوادع وية الورود..ونينة ايبجي صوبين
يتيمة المسلم اتنوح..يتيمة اتون للحسين
#################################
الحالهن حتى القهر ميت قهر
الثكل حملة ايريد ليشد الضهر
يكثر الشيب الوداع شما كبر
وهنة كل ساعة وعليهن مر خبر
عليهن مرن اخبار..الخبر ياخذلة عمرين
يتيمة المسلم تنوح ..يتيمة تون للحسين
#################################
ذوالفقار الزيدي

مااغمض اعيونك غفة بعينك سهم
مابية اشيلنك واردك للخيم
حيلي ويجودك طاح
والراح مو اي راح
كوم انضر الحالي يشيال العلم
#################################
انتة اخوية الراح اخية وحيلة رايح يعرف امري
ابنص شماتة ورغم ابائي ومن مصابك كاض ضهري
حتى دمعي ردت اضمة وعلة شيبي شفتة يجري

ياخوية من امشيت ضل كلشي خالي
كسرة جرح خليت حتى ابخيالي

ياخوية وبصدري بقالي اشجم نفس
كل حيلي راح من التوة سرج الفرس
والباقي بية اصياح
والراح مو اي راح
كوم انضري الحالي يشيال العلم
#################################
انه يمك وعيشتني يابو فاضل والله حيرة
ما اشوفك يمي واكف وهاية نضراتي الاخيرة
بدر هاشم ليش غايب ماتضوي اعلة العشيرة

المن شليلي انباك مو اي بشر كان
بس شاربك عباس يسولة ديوان

لمن طحت بين علة اعداي الفرح
واحد يكل للثاني لحسين انجرح
اعيون الشماتة اوكاح
والراح مو اي راح
كوم انضر الحالي يشيال العلم
#################################
تعرف انتة حيل جيشي يابو فاضل وانتة حيلي
وهاي طيحة ثلمة خلت بالمعسكر وبدليلي
انتة نجمة الكبرتهة ابنص سماية اتضوي ليلي

دم ابوسط شريان خوايتك اني
وافراكك اعلة العين طكني وعماني

بعدة اخضر وماناشف اصواب الحسن
انوبة رد بيك ولجم كلبي الزمن
كلبي ومليتة اجراح
والراح مو اي راح
كوم انضر الحالي يشيال العلم
#################################
جنت احسك مالي ضهري وهسة اخبرك ضهري خالي
كلشي عايف بية سكتة وبس ونيني الباقي عالي
ثوب لسود مايكفي لليلبسة اعلة الغوالي

تدري الاخو اليشتاك شوفة اخو ايريد
واني ارد اشبكك حيل بس ما الك ايد

الضيع اخية ايحس علية كلشي اختلف
الشيب كبل وكتة المصاب اعليه كلف
شتضن بعد يرتاح
والراح مو اي راح
كوم انضر الحالي يشيال العلم
#################################
من المخيم للشريعة بهالمسافة كبرتني
مو حسينك من اجيتك شيب كلي وماشفتني
وياك اسولف ماتجاوب وبسكوتك موتتني

كسرة بوسط شمات واصعب مواقف
واتذكرت وياك ذيج السوالف

لمن شبكتك شفتة ماليك البرد
ايست منك للمخيم ماترد
لعضامي جرحك لاح
والراح مو اي راح
كوم انضر الحالي يشيال العلم
#################################
ذوالفقار الزيدي

لمن رحت مشتاكلك
لمن طحت معتازلك
ضلت الا من ناصر اعله الساني
عباس تكتل حالة الوحداني
مشتاكلك ..معتازلك
################################
مشيت ..ودريت
اخر نضره الك بيهة البعد واضح
وراك ..بجيت
جواني اعليك كلبي جويه الرايح
تطيح..محال
كلتهة وشفتك ابصوب النهر طايح

اتخيل حالي وكلي
طارش موت وصلّي
وشفتك بس شكل لهلي..والله حيرة

المن يسولف روحتك
الثكلان جرحه ابطيحتك
احجيلمن والعيله كلهة اتاني
عباس تكتل حاله الوحداني
مشتاكلك..معتازلك
#################################
اشتكول..امنعود
شطيح ياعمد خاطر يفهموني
الزغار ..تريد
ماي وحته ماضل ماي بعيوني
الوصول ..ممات
اعرف راح اموتن من يسألوني

شحمل ياامل طفلة
شحمل ياوجع نبلة
ياهو اليحمل انكلة..وهايه ضيعة

اتخيل يخويه احسينك
ايسألونه عنك وينك
المن اكول اتفرهدو خواني
عباس تكتل حالة الوحداني
مشتاكلك..معتازلك
#################################
الوداع ..ضياع
المضيع اخو اعليه الذبح هين
وصفيت ..نحيل
الكسر حتى ابخيالي واضح امبين
الشجاع..يطيح
ومن بعده الشماته اتطول ليهة السن

شامت يندس بشامت
لون حسين ضل باهت
وتعرف ليش اضل ساكت..شرد اجاوب

جلمه جرح كالوهة
وبيا كلب خلوهة
كلماتهم سيف ويحز وجداني
عباس تكتل حالة الوحداني
مشتاكلك..معتازلك
#################################

الي راح..عضيد
وآخ المنوجع ياخويه بالمعنة
الحنين..الوصال
راح الجان روح ابروح يجمعنة
ضواي ..اشتغيب
الضوه الرايح يعيش العين بالمحنة

ضي واخذوك من عيني
وشيب اطشرن اسنيني
وهسة انكطعت ايميني..من عفتني

قلت يخوية الحيله
حسينك منو ايتجيله
يجناح اخوك اتكسرن جنحاني
عباس تكتل حالة الوحداني
مشتاقلك ..معتازلك
#################################
الممات ..قريب
بعدك بس نفس باقيلي من عمري
انحنيت ..عليك
ياعباس يالبعدك كسر ضهري
الخيول ..تدوس
صدري بس حسرتك كسّرت صدري

موقصه سحك عشره
اخيك من طحن صدرة
عاييش ليك الم حسره..من وداعك

ياخوية ضيعت حيلي
غيبت ضواي ابليلي
عكبك طحت بس محد اتلكاني
عباس تكتل حالة الوحداني
مشتاكلك ..معتازلك
#################################
ذوالفقار الزيدي

مسلم وبشخصة تمثل مرسول الانسانيه
مبعوث احسين اتجسد ايات الرحمانية
#################################

حسين اشار اعلة الثقة ان ياثقه دورك جهز
ياأخو الملحه الصدك وادري العشك بيك ارتكز

انته اخو الميعوف اخوتة
الماكو تشبيه النخوته
ايرخص الدين الله موته..يامثال الغيرة

العندة لحسين اشغلاته
المستعد يرخص حياته
يابخت تنفض عباته ..يامثال الغيرة

عرفاني بحب حسينك ياروح العرفانيه
مبعوث حسين اتجسد ايات الرحمانية
#################################

كله مسلم تبتشر دك الصدر غيره انمله
اتقلد ابدور السلم والو نعم لاكت اله

كله ياخير الله تأمر
اني انفذ وانته اشر
راح اضحي والله يذخر..قربتاً للزهرة

خلهة شتفصل قسمتي
حسين مرضاتك نعمتي
انه المقدم ركبتي ..قربتاً للزهرة

واجب شرعي ابكلماتك كلماتك ربانيه
مبعوث احسين اتجسد ايات الرحمانية
#################################

سبلتهة الروح الك والكل هلك نيه وفه
انته ملاج النفس من زغري احس ياعاطفة

اوداعت الشيب ابلحيتك
اني من زغري وهويتك
الخدمتك من رافكيتك..والنفس منذورة

وانته تذكر من زغرنه
جنت اناديك بذخرنه
حسين من يافع عمرنه..والنفس منذورة

وتدري من العمر اليافع بايعت الروحانية
مبعوث حسين اتجسد ايات الرحمانية
#################################

ودع احسينه ورحل بس الاجل حضر سهم
طب عله الكوفة بسلم بس الفهم جان بعدم

وطوعه جانت بس اميره
ابمبدء اشيوخ العشيره
تدري مسلم جيته غيره.. همه ميفهمونة

همة غدرو هيه وكفت
همه عادو هيه نصرت
همه نكرو هيه عرفت ..همه ميفهمونة

انسانية وتتفهم الام الوحدانيه
مبعوث احسين اتحسد ايات الرحمانية
#################################
وصلّو حد الذبح اواكف صرح مامنكسر
همه كلوله انتهت كلهم بدت ثوره نصر

امرو بقصر الامارة
وهوة جاوب يابشارة
ذبحتي تصبح شرارة ..منطلق للثورة

سوو كلهم مانويتو
هذا بحساب انتهيتو
ابمذبحي انتم حققيتو..منطلق للثورة

جُهّال وماتنفعكم كل هاي العدوانية
مبعوث حسين اتجسد ايات الرحمانية
#################################
ذوالفقار الزيدي

كعدت اموادع بالخيم..خوان ثالثهم الألم
زينب والحسين
كللهة باجر نفترك..واخيامج ايشبعن حرك
وي غمضت العين

صدت للحسين وبجت
وحسين هل دمع البخت..وي غمضت العين
#################################

امزاحم اجروح وروج الدموع
من العين ينزل يجوي الضلوع
ذايب كلبهم ذوبه اشموع
موجوع يتوجه اعلة موجوع

بيناتهم حتى الهوى من نار الموادع صفن
من تشاباكو ضلع بضلع والموت جلماته انحجن

كلتله شتضم نينوى..كللهة نسمات الهوة
اتشميهة دخان
يالبيج خدر الله انحلف..اتضلين ياشيخة سلف
ماعندج امجان
كلتله ضيعه اتوصفت
وحسين هل دمع البخت..وي غمضت العين
#################################

يخال عون اشتكفي شبكة
خليني اموت الروح زركة
ابروحي تعرف مومال فركة
تريد الاخو وتريد ملكه

مخنوكة روحي اوزركت والموت حسيته اقترب
شلة بحياتة الضيعك والبيته من بعدك خرب

تدريني ماضل بي حمل..يحسين فكدك موسهل
لتسلوف اوداع
سولفلي اضل يمج ذخر..وياج اخلص هالعمر
موترحل ابساع
عن طاري ضلتهم حجت
وحسين هل دمع البخت..وي غمضت العين
#################################
كللهة مو تدرين بية
افراكج كلف يصعب علية
بس هذا امر الله اشبديه
اني انذبح وانتي السبية

مكتوب الي بذبح القفة ومكتوب الج درب اليسر
وباجر الي حافر فرس يركز بحيله اعلة الصدر

ضميه ياخوية الدمع ..باجر علة اكسور الضلع
ينراد الج حيل
تبجين من بعدي اشكثر ..ماطول حدايج شمر
اه والف ويل

بدمعاتهة الكاع انسكت
وحسين هل دمع البخت وي غمضت العين
#################################

كللهة عالتل من تصعدين
رفقاً عتب بجروح الحسين
اوكف واطيحن من تنادين
لاضل اخوي ولا السبعين

كللهة باجر عندي امر يازينب استمعي الخبر
عالتلة من عندج الي ليطول يازينب نظر

عيناج لا يصدن علي..للكومه ميعينني ادي
وافزعلج ابروح
الف وتسمعيه جرح.. بين الحجر بين الرمح
واشكال الجروح

سمعت مصيبه ودنكت
وحسين هل دمع البخت..وي غمضت العين
#################################

كللهة امانه اخذيهة يمي
تدرين يمهةاندار همي
هاج اخذي زينب سبحت امي
سلابهم مكصودة ضمي

باجر يخويه امن انذبح ايسلبون كلشي ايضل علي
ياخويه ماريد العدة ايسلبون هالسبحة مندي

ماريد سبحة فاطمه..يلزمهة جف الشرذمه
ويلجمج ابهاي
عود امنوتن فكرت.. تحضرين بالمدفن ردت
ادفنيهة وياي

اخذتهة زينب وانحنت
وحسين هل دمع البخت..وي غمضت العين
#################################
ذوالفقار الزيدي

انتة اول وتاليهة
وروحي الأسولف بيهة
لتكلي عطشان النهر جاي
عباسك انه معزب الماي
بس انتضر صافيهة
#################################
عايش حدر فيك عمر..واليوم دكيت الصدر..ما اضيع ارباك
تذكر ابونة اشكد وعد..كلالك مخلف ولد ..حطة اعلة يمناك
اليوم ياخوية ابتشر ..بالروس اسويلك جسر ..منانة لهناك
واختار تاخذ يمنتي..لوترضة تاخذ يسرتي..شتريد اخذ هاك
وانتة القرار ابيدك
شرايد يضحي اعضيدك
شتريد اضحي بهاي لو هاي
عباسك انة معزب الماي
بس انتضر صافيهة
#################################
ماخذ قيامة الوحدي..اسرافيل كلالي ابتدي..وفزعني
جبريل
صديت اله ومن صد الي..كلي اطلع ايحرسك علي..خل
كربلة اتشيل
كلي الشوارب من ترف ..كتلة الارض تشبع نزف..روج الدمة ايسيل
كلي الشمر دورة ابرهة..حط جيشة علماي ورهة ..كتلة انة ابابيل
كتلة ابرهة حاجيلة
اصار ابهذيج الليلة
الجيش قلة وانة لهواي
عباسك انة معزب الماي
بس انتضر صافيهة
#################################
الحد هذاك العل نهر..ابعباسك اعتبرة انعبر ..وتكعد اكعود
شنهي النهر ماينكشف ..يحسين همة اشجم الف..مابيهم احيود
تصعد زلم توكع زلم..لمطشر الوادم شهم..ويسولف ابزود
اله اعلة ريتة ازرع رمح..وجرت نفس بي ماتصح..حد شبعت الجود
ازرع رمح بنفاسة
رغماً يندك راسة
شيخلصة لومايرجع وياي
عباسك انة معزب الماي
بس انتضر صافيهة
#################################
من اقره بيهة القارعة ..الواكف اعلة المشرعة..ايدورلة مشراد
والفارس الكول وفعل..صح واكف اكبالي يضل..بس راسة ليغاد
نار ابوسط يابس زرع..شيكضهة ياسيف ودرع.. ناتجهم ارماد
امضة من السيوف واشد ..ومعروف صايود الاسد..
ميفوتة مطراد
وتعرفهة ابد مو عادة
ايعوف الاسد مطرادة
للباع روحة السيف شراي
عباسك انة معزب الماي
بس انتضر صافيهة
#################################
ياقل هوة الله احد..اللولتة زينب مابرد..دمة انكلب صيف
جنت احلم بهذا الوكت..ومن زغري ليه اتحضرت..من مر علي طيف
ايغثوك واشتم الهوة..اليوم اعلم نينوة..شلون اخذ الحيف
راح امشي وربي ابناضرك..روس التبرد خاطرك..
ياخذهن السيف
واذبحلك ابهالعاشر
وين اليبرد الخاطر

المن يمنتي ايفر يلكة يسراي
عباسك انة معزب الماي
بس انتضر صافيهة
#################################
ذوالفقار الزيدي

ثورة شرف بعبايتج ..معكودة يازينب
راية الكافل رايتج ..منصورة يازينب
ماعطلاج حرك الخيم
للانتصار شلتي العلم
#################################

بت هاشم ..ياشيخة ..وجلماتج
جانت رسل حرب

واخيامج .. حركوهة..واعلامج
عيشهم برعب

مكسورة ..ومقهورة ..بس حزنج
مايعبر الكلب

ضميتي..دمعاتج ..كابرتي
رغم الضرف الصعب

من صارت اخيامج جمر..كابرتي يازينب
من صبرج انذل الشمر.. ياعفه يازينب

ماحشموج انتي الحشم
للانتصار شلتي العلم
#################################

بن جوشن..بعيونه..بالحيرة
لمكابرج يصد

كلالج..خوانج ..ذبحوهم
مابيهم اليرد

كلتيله ..قرباني..الوجه الله
حر جاوب ابرد

ضل صافن ..من ردج ..متفاجئ
مايعرف اشيرد

محروكة جاوبتي ابرد ..ياعجبة يازينب
كتيله عزبنه ابورد.. رد الله يازينب

ابهذا الجواب ذاك انصدم
للانتصار شلتي العلم
#################################
اتحزمتي .. وشديتي ..العصابه
ياشدت البخت

يا آيت ..حك الله.. وبثارج
ايد الله طالبت

علوية ..اطلبيهم ..دم غيرة
وثورتكم ابتدت

ياجمرت ..خوانج.. والسانج
بي منبرج ثبت

شديتي ثار بمعصبج ..ثار الله يازينب
ذلت اميه بمطلبج .. لبوة اسد زينب

ثار الاله بيج انفهم
للانتصار شلتي العلم
#################################
صار اسود ..مي عينج ..لحسينج
ماشمت العدة

ضل شيبة ..اعله اجفونج .. ماطايح
جيف انتي قائدة

ياالصرتي..العز هاشم ..سالوفت
ترنيمت الفدة

عالناكه ..بس هيبه.. بضعونج
جن حيدر الحدة

جن حيدر ايقود الضعن ..ياهيبة يازينب
عفة وحجاب اتجمعن ..صرتي انتي يازينب

انتي الوجود همة العدم
للانتصار شلتي العلم
#################################

جف ايدج .. من موسى ..متوارث
اضرب بها الحجر

ومن عيسى ..واعجازة ..بي خصلة
البي يرجع البصر

ومن صالح ..بالناكة.. تتوارد
ارجوزة القدر

ابراهيم ..وبيت الله ..بس وسفة
اسماعيلج انحر

اسماعيلج انحز منحرة ..ياوسفة يازينب
بس انتي عندج مقدرة ..اتثأريلة يازينب

عن الرماح وعن كل سهم
للانتصار شلتي العلم
#################################
ذوالفقار الزيدي

ياخالي الفكر ماتفتهم عشك العقيدة
انه البالزغر لجل الطم منذورة ايدة

خليك الدينك ..وخليني الديني
انته ويةافكارك ..وانه ويحسيني

###############################

جاي امن ابواب البدعة ..حب فطري تريد اطلعة
العاشك ميغير طبعة .. الحچي الحچي

انه العاشك من زغري.. وضل بيه الحب الفطري
وترجمت الشوك العذري ..البچي البچي

بين السمع والشوف .. صايغ حسين احروف
تحجي وكلامك لتضن ينفع

عايش حبيبي جروح.. عشرت نفس بالروح
مالك شعوري بفيض المدمع

والشايف صرح فوك الرمح يعذر دموعي
مرضوض الصدر يسوة اللطم واكسر ضلوعي

عن راعي جروحي..لالتحاجيني
انته اوية افكارك ..وانه ويحسيني

###############################
ملهم بحسين وصيتة ..واربيت ابفي حنيتة
باچي اشكد العلويتة ..الم الم

الشايف زينب فوك التل ..من جرحه المدمع ينهل
وكل نظرة بكلبة تخيل ..سهم سهم

شيبقة الدمع بالعين ..وزينب تصيح احسين
ويرد صداهة اخوانج راحو

وترجع دمع للنوك ..تدري بوراهه السوك
من الخيم حركوهن صاحو

لو عندك اصل تفهم شنو الماعندة خيمة
لوعندك كلب تشعر الم ضربت يتيمة

لو عندك غيرة ..تعذر جفيني
انته وية افكارك ..وانه ويحسيني

###############################

ابدم بارد جاي اتنظّر ..تروي بكيفك وتفسر
وصدر احسين المتكسر ..سحك سحك

ماعايش حال ابنية .. من تسميت العلوية
رد سماهة المسبية ..الحرك الحرك

جانت اميرت خير ..وصارت اسيرت غير
الناكة الهزيلة المتحس بيهة

عيشتهة دنية احزان ..وصلتهة عد ديوان
وتكلي ليش تنوح اعليهة

ماعايش الم طفلة بيسر وتريد ابوهة
ماعندك اخت مترد لان مذبوح اخوهة

خلني الاهاتي ..وخل دمعي بعيني
انته وية افكارك ..وانه ويحسيني

###############################

تكول حسينك ميسمعك..ميت مايدري بوضعك
تكول المجلس مينفعك ..ضرر ضرر

ماتدري بهاي الخدمة ..حسين معيشنة بنعمة
الزغر روحة بهالرحمة ..كبر كبر

جنة بحساب الميت ..وانطانة دربة الصيت
واملكنة كلشي بهاي الخدمة

العايش حسين وياه .. الله الكفل منواه
ويدر عليه من فيض الرحمة

ماعندك امير المثل اميري ايدير امورك
مغرور بفكر واهم ثمر ضل بغرورك

باجر هالخدمة ..هية تنجيني
انته وية افكارك ..وانة ويحسيني

###############################

ليل الحزن يرسم صور للغابو اعلة عيني
صورة جرح صورة رمح صورة النحر حنيني
ليل الحزن..ليل الحزن
#################################
اغمض اعيوني بالكوة .. وبصورة عزيز احلم
يهلي اشصاير اعليكم.. ليش احلامي بيكم دم

يهلي شنهي الي حصل وياكم
بس مناحر جاي اصد بحلامكم
الخضرة شوة كلهن دماية اعلامكم

فزت رعب من نومي افز خافن صدك منامي
بس لا صدك مات العشك وانحز نحر غرامي
ليل الحزن ...ليل الحزن
#################################
طواري الموت تدروهة..تاكل روحي لمخضرة
خريف اضنوني ماهدني.. ذبحني ابنيتة الحمرة

ما اعاتب بس صدك عفتوني
موتكم ياكل ربيع اضنوني
موتتكم مدري موتوني

ها ساعة اجو هاغربو كل ساعة احاجي روحي
عالباب اصد الكة البعد غابو يكلي نوحي
ليل الحزن ..ليل الحزن
#################################
يغالين ارد اكللكم ..يموت امضيع الغالي
وانة امضيعة مو اي كان..اشلون النوم يهنالي

ايشوف موتة الضيع المعتازة
مايحط افراش يغفة اجنازة


الضيع كلف نص عازتة ابنص مكبرة ايحس روحة
التجايتة جرحة اصبحت ايموت بحزن جروحة
ليل الحزن..ليل الحزن
#################################
اصد البيتي الخالي..وسوالفكم بذاني اترن
واطب امضيفكم والكة..مثل ونتي الدلال اتون

للمضيف الفارغ انهد حيلي
من اطبلة افراكم يشكيلي
شرد اكلة وبس الم يحجيلي
وين التفت انضر جرح هذا انة حالي ابيتي
من حسرتي حتى النفس ميت يضل ابريتي
ليل الحزن..ليل الحزن
#################################
ادز مرسال ويردلي ..صدى المامش خبر عنكم
بلاشوفة ولا اخبار..اشيعيشهة عليلتكم

مابقة اليحجيلي بالعد عينج
ضالة اصرخ عمة زينب وينج
والصدى ايكلي تون لحسينج
يهلي الصدى سولف خبر بس لاصدك كلامة
كلي المشة بهالقافلة مايرجع بسلامة
ليل الحزن ليل الحزن
#################################
ذوالفقار الزيدي

بعدنة ازغار وبحبك تربينة
وكبرنة وعكشك الفطري الكبر بينة

########################

تربينة اعلة حبك ياعشك فطرة
ولكيانك الچسب يم ديرة الفقرة
وتوكلنة اعلة الله وفاطمة الزهرة
ومشينة ابدربك وحبك يدلينة

#########################

فتحنة اعيونة وشفنة الدرب غاية
ولكينة ارواحنة اتبردهة القراية
ولكينة اهمونة انسىولفهة للراية
وراية مجلسك شنكلهة تنطينة

#########################

عدنة ادموع بس الجرحك انهلهن
وعدنة اجروح مالت ثار منشدهن
الرايات ابقصد يحسين نرفعهن
نطلب ثار شيخ وبالركب دينة

#########################

شفنة المجلس يطيب جرح خاطر
ولبسنالك سواد مصيبة العاشر
وتشيب ارواحنة من نذكر الحافر
وكفانة انكول يحسين وتبجينة

#########################
نموت ابيوم نذكر عالترب طايح
ويكول الراوي صاير بالخيم صايح
مهجنة اتروح بس الچلمة الرايح
وچلمة راح ابو السجاد تجوينة

#########################

ذوالفقار الزيدي

يحسين كلمت خادمك نعمة
وهنيالة لمسجل حبيب اسمة
يعبر سراطه وهوة مرتاح
البالحشر جاي بدفتر الخدمة

#########################

ربح وياك كلمن اخلص النية
وتعلك كلبة بالخدمة الحسينية
يغير هواك ماتعرف هوة الرية
الخدم لولاك محد يدري تالية

يالضايعين بلاية معرفتة
لولاك محد يدري عاقبتة
اوعد الله بس مكتوب ربحان
البالحشر جاي ابدفتر الخدمة

#########################

يالعشنة الحياة ابنعمة افياية
عكدناهة النفوس اعلوك بالراية
لسنين المضت واسنينة الجاية
عاهدناك تكظي ابنوح واقراية

سمتنة بالذر فاطمة الزهرة
لطامت ابني المنكطع نحرة
وفاز ابشفاعتنة امك تكول
البالحشر جاي بدفتر الخدمة

#########################

يابن من عادل الثقلين صمصامة
امن الذر انخلقنة اعليك لطامة
عشنة اجروحك وطبرنة بالقامة
شحلاهة اعليك من تتخضب الهامة

انحط الوسم علهامة مقصدنة
يوم الحساب هناك تعرفنة
وتفتحلة باب الجنة يحسين
البالحشر جاي بدفتر الخدمة

#########################

قسم بالمنبر وبالردة والمجلس
المالة وياك موقف خاسر ومفلس
لبلذة خدمتك والفخر ميحس
هذا ايعيش دينة ودنيتة ابهندس

البلخدمة موقف ينذكر مالة
ابيوم القيامة اشكد صعب حالة
امن يشوف تارس جفة بالخير
البالحشر جاي ابدفتر الخدمة


#########################

باجر بيدك الله يسلم المحشر
ابوكت لابي خلاص ويصعب المعبر
ويجيك الخادم او تختملة على الدفتر
والعباس يروي اضماه بالكوثر

العباس باجر نسمع اتكلة
اروي البجة اعلة مصيبة التلة
ويروي الضمة من اجفوف عباس
البالحشر جاي ابدفتر الخدمة

#########################
ذوالفقار الزيدي