صعبة توكع من جرح
ياعلي ونتة الصرح
ياجبل من المواقف
تارس الدنية ملح
#################################انتة يا اترف خليفة اكبالة متحير اضل
ياملك ماعندة جايع خيرة واصل للنمل
الجفة بحلوك اليتامة وماكطع هذا الوصل
مايحب يجفي اعلى واحد مايحب يجرح طفل
وجهك مصوفر عجب
يلي ماشاكي التعب
من عرك كصت جهادك
تارس الدنية ملح
#################################
يانفس ريت محمد كاعد ابغارة امن
وجنتو لو واحد تالم عاين الثاني حضن
شافك بكلشي شريكة شمر فرح لومر حزن
مكابل الناس بترافة ياعلي ودهرك خشن
ويه الدهر عايش سلم
وهوة باكك جم حلم
ونتة من كد التسامح
تارس الدنية ملح
#################################
بالغدير ايدك رؤهة وسكتو الامرك كفر
اتغيرت كل المناصب ونتة حيدر مستقر
ماتهز بيك الكراسي ذابهن طول العمر
مايهمك غير واحد مسلم ايعاني الفقر
بخاطرك هاي التحز
بشر مايملك خبز
ياعلي وهذا حنانك
تارس الدنية ملح
#################################
تضحك بوجه اليتامة رغم ما كلك الم
ابكثر ما انساني طبعك جم جرح كلبك كتم
انتة يا اول رئيس الماعرف شعبة الوهم
طبّق احكام الشريعة بوكت ماجانت عدم
حكمك امطبقة ابشرف
شعبك معيشة بترف
عكس دستور السقيفة
تراس الدنية ملح
#################################
ياهو مثلك بات جايع خاف جوعلة بشر
بكثر ماهمك رعيتك ذبلن عيونك سهر
بمتحانات الكراسي اشجم ملك بيهن عثر
وكلمت الطالق ثلاثة الكرسي من عدهة اقشعر
انتة يا اول رجل
يونسيف وية الطفل
دولتك كد ماعضيمة
تارس الدنية ملح
#################################
ذوالفقار الزيدي

وداعاً ياعلي ..وداعاً ياعلي
#################################
تودعنة ابشهر رمضان اشلون انكمل اصيامة
راح ايمر علينة العيد بس اولادك ايتامة
تضحك كل سنون الناس وحنة اعليك لاطمة
الدهر ويانة دك دكات بس الليلة عالهامة
وداعاً ياعلي وداعاً ياعلي
################################
يلمعوض حنان امنة بعدك كل دفو ماضل
بصباح العيد يابو حسين نعيد ابمكبرة تقبل
نعرفك ماتحب لفراك ماتكسر بالمدلل
مابينة الحمل فركاك ولابيك انتة تتحمل
وداعاً ياعلي وداعاً ياعلي
#################################
منين انجيب هيج اعيون تعاين بيتك الخالي
يضيع البيت عطر البيت طبعة ابروحت الغالي
شنوديلك لون نشتاك سلام وية الهوة العالي
وبعد منشوف يابو حسين وجهك ذاك اليلالي
وداعاً ياعلي وداعاً ياعلي
#################################
جنة من الدهر لوجار ينشف حضنك الدمعة
نشبكك شبكة الزهراء الحنان بصدرك مطلعة
كلبك نبضتة قرآن يطمن كلمن ايسمعة
نريدك بوية هذا اليوم ابكلبنة باتت الوجعة
وداعاً ياعلي وداعاً ياعلي
#################################
امسح روسنة منتروح لان ايتام صح صرنة
شلت وياك راحت بال طول الزمن متمرنة
علي لاتكطع الجيات عاد بطيفنة اتمرنة
عاد انشوف وجهك طيف ونكول الحلم صبرنة
وداعاً ياعلي وداعاً ياعلي
#################################
ذوالفقار الزيدي

كل الهلة ..بجيتك تشرف كربلة..بس مشكلة
اهنانة ناصر مايصح..وبنحرك يخضر جرح
#################################
يلفيض خيرك ينبع..خايف اكلك ارجع.. لا خيرك ايزاعلني
كلبي يكلك اهلن..بس عقلي ذبحك فرزن..هذا السبب مانعني
بلساني مكتولة الهلة
خايف تموت ابكربلة
وتعرف الناتج حاصلة ..نحر
معروف مو خفية الامر
اليكطع اوداج شمر
لتكلي سحكات الصد..قدر
جيتك نعم..بس ياهو من عدهم فهم..رد بالحرم
خايف يطلعوهة بصبح...وبنحرك ايخضر جرح
#################################
للناس جاي بنعمة..بس الشمر شيفهمة..كلبة اسود ومايفهم
لاتدخل منحجيهة..تعبيري واضح بيهة..يكفيك ذبحة مسلم
ليل احنة يالجيتك فجر
ولو تدخل بخيرك تدر
بس خاف ضلعك ينكسر ..سحك
ضلعك مثل طبعك ترف
خايف عليه من النزف
مايحمل الحافر صلف ..يطك
جيتك عشك..خايف عليك من السحك..لا نفترك
لا بيهم ايضيع الملح..وبنحرك يخضر جرح
#################################
يلحان بس ماحنو..السيلت دماك اتحضرو..وسيوفهم حدوهة
لاتنصب اهنا خيمة..بلغدر عدهم شيمة..يحسين ويحركوهة
يلطاعتك حب وفرض
مو حركة اخيام وتفض
لا تشبع اطفالك ركض..رعب
ولنار لمن تشتعل
لاحرم تعرف لاطفل
وزينبكم بموقف تضل ..صعب
زينب تضل..محتارة لا ضايع طفل..لا موسهل
لخيام اثرهن ينمسح..وبنحرك يخضر جرح
#################################
حتى الهدم تتسلب..وعلتلة تصعد زينب..وتحشم ومالك رد
لابيك حيل الكومة..وتجاوب المضلومة..وتكلهة طيحة ومو صد
لوكمت توكع عالترب
تسمعه ماعندك كلب
وعليك هالموقف صعب..كلف
اختك تضل محيرة
وللكومة مالك مقدرة
شبعان جرح الخاصرة..نزف
هذا الجرح ..من عدة كومة ماتصح ..من الرمح
صعبة اعلة تل يصعد صرح..وبنحرك يخضر جرح
#################################
اختك ترة يطلعوهة..عالهزل ايركبوهة.. مجتوفة وبلا محمل
لاكافل اليكفلهة..وبس راسك اليبرة الهة..ياموقف التتحمل
كلي العقيلة استحتمل
لكيود لو ركبة هزل
من السوط سالم مايضل..متن
وشلون وبذاك الدرب
وشتاكت الشوفة محب
وتعرفة من طبع الكلب ..يحن
ولوعافتك..عالرمح شاخص شافتك..لو رادتك
بس راس صاعد عالرمح..وبحرك يخضر جرح
#################################
ذوالفقار الزيدي

بعدة جرحك..لولي وما طايب
هذا راسي ..من مصابك شايب
حسين من عاشورك يمر لينة
تلكة جرحك ذاك لخضر بينة
#################################
اخضر تعاين للجرح عاشورك من يمرنة
ماجن المواداع زمن جن توك مفاركنة
تلكاه يتيم بلا ابو بمصيبتك واحدنة
ايتام ..من عاشرك والهسة
ايتام..رايح ابونة انحسة
وحنة بعدك..ضالين بلا ابو
ماكو مثلك..يترس الدنية دفو
جيف ابونة وخيرك مدفينة
تلكة جرحك ذاك اخضر بينة
#################################
يحسين مرنة بأي وكت تلكانة ماناسينك
ماطابن جروحك بعد ودموع ما وافينك
الضحة بنحر يطلب نحر ونريد فكة دينك
نوفيك..بلكي بجرح عالهامة
نوفيك..لمن نشيل القامة
كعبة والشوك..الك شد حرامة
وحتة نوفيك..صرنة الك لطامة
ولأن حزنك لحضة ماناسينة
تلكة جرحك ذاك لخضر بينة
#################################
البين المجالس منزرع منك يتاني النضرة
عطر الله انتة وبي بخت كلمن حضة بشم عطرة
يحسين ماعافك ابد ذاك اليحبك فطرة
تلكاه ..ماناسي نعمة حبك
تلكاه..عن حبة شَهَدْ ربك
لوتمرنة..بالعزة وتشاهد
اتشوف عابس..بينة واحد واحد
مثل عابس وكثر انجنينة
تلكة جرحك ذاك لخضر بينة
#################################
اطوريج شاهد عالعشك لمن نجيلك فزعة
وجعة ابكلبنة النصرتك شمسوية هاي الوجعة
اه ياحسين امن الكلب تطلع بحيث اتشلعة
حفاي ..للحضرة نركض كلنة
حفاي..حب نصرتك جايبنة
من نطبلك..نحس جنة انصارك
وبكلبنة ..تشب جمرة ثارك
وبعزة طويريج من تلكينة
تلكة جرحك ذاك لخضر بينة
#################################
ماننسة طفك للابد يمضحي لينة بكلشي
بعروكنة حب خدمتك والخدمة بالدم تمشي
يحسين وانة لومتت انصب عزاك بنعشي
يحسين ..مو انة لتمناهة
يحسين..كل الخدم تلكاهة
بكبرة تحضر ..امنية كل خادم
من تطبلة..اتشوفة مجلس قايم
بالكبر زاير لون جايينة
تلكة جرحك ذاك لخضر بينة
#################################
ذوالفقار الزيدي

بعدة جرحك..لولي وما طايب
هذا راسي ..من مصابك شايب
حسين من عاشورك يمر لينة
تلكة جرحك ذاك لخضر بينة
#################################
اخضر تعاين للجرح عاشورك من يمرنة
ماجن المواداع زمن جن توك مفاركنة
تلكاه يتيم بلا ابو بمصيبتك واحدنة
ايتام ..من عاشرك والهسة
ايتام..رايح ابونة انحسة
وحنة بعدك..ضالين بلا ابو
ماكو مثلك..يترس الدنية دفو
جيف ابونة وخيرك مدفينة
تلكة جرحك ذاك اخضر بينة
#################################
يحسين مرنة بأي وكت تلكانة ماناسينك
ماطابن جروحك بعد ودموع ما وافينك
الضحة بنحر يطلب نحر ونريد فكة دينك
نوفيك..بلكي بجرح عالهامة
نوفيك..لمن نشيل القامة
كعبة والشوك..الك شد حرامة
وحتة نوفيك..صرنة الك لطامة
ولأن حزنك لحضة ماناسينة
تلكة جرحك ذاك لخضر بينة
#################################
البين المجالس منزرع منك يتاني النضرة
عطر الله انتة وبي بخت كلمن حضة بشم عطرة
يحسين ماعافك ابد ذاك اليحبك فطرة
تلكاه ..ماناسي نعمة حبك
تلكاه..عن حبة شَهَدْ ربك
لوتمرنة..بالعزة وتشاهد
اتشوف عابس..بينة واحد واحد
مثل عابس وكثر انجنينة
تلكة جرحك ذاك لخضر بينة
#################################
اطوريج شاهد عالعشك لمن نجيلك فزعة
وجعة ابكلبنة النصرتك شمسوية هاي الوجعة
اه ياحسين امن الكلب تطلع بحيث اتشلعة
حفاي ..للحضرة نركض كلنة
حفاي..حب نصرتك جايبنة
من نطبلك..نحس جنة انصارك
وبكلبنة ..تشب جمرة ثارك
وبعزة طويريج من تلكينة
تلكة جرحك ذاك لخضر بينة
#################################
ماننسة طفك للابد يمضحي لينة بكلشي
بعروكنة حب خدمتك والخدمة بالدم تمشي
يحسين وانة لومتت انصب عزاك بنعشي
يحسين ..مو انة لتمناهة
يحسين..كل الخدم تلكاهة
بكبرة تحضر ..امنية كل خادم
من تطبلة..اتشوفة مجلس قايم
بالكبر زاير لون جايينة
تلكة جرحك ذاك لخضر بينة
#################################
ذوالفقار الزيدي

انتة اخوي.. يوجع وداعك
مالكيت.. سكتة بطباعك
عباس جاوب لون سامعني
ماعرف احجي وماتجوابني
مالكيت سكتة بطباعك
################################
عباس لا صارت صدك..لا موكته ونفترك..نايم..وشلون نومة
معلمني يمي بكل وكت..وبعازتك ليش ارحلت..جاوب .. مابيك كومة
ابد مابيك خوية رجعة للخيمة
متانيتك عطش موتعرف اعيالي
شجاوب يابو فاضل من ارد وحدي
وعيش بغربتك من نضرة اطفالي
شلون اروح.. للخيم وحدي
والعيال ..تنتضر ردي
عباس هذا السبب مانعني
ماعرف احجي وماتجاوبني
مالكيت سكتة بطباعك
#################################
يالبلورد تارك طبع..يالخوتك ماتنشبع..بعُدك..مابية حيلة
يالمايرجعني بطلب..ياشيخ صاير عالعرب..ساكت..لامستحيلة
انة كل ما اريدك شفتك اكبالي
وهسة ابعازتك وتريد تتركني
حرك بس جفن لوباقي بيك انفاس
اريد وياي ترجع مو تودعني
لو تريد..هاك اخذ دمي
ما اعيش..ونتة مو يمي
ياخوية جاوب ليش تاركني
مااعرف احجي وماتجاوبني
مالكيت سكتة بطباعك
#################################
عباس ميطيحك جرح..يالكاعد بكلبي صرح..طبعك..متهمك جروح
يالهيل طبع ارويحتك..طيحت حيلي بطيحتك..حيلي..وياك مطروح
يالمزعل البرد كد مالكيتك حار
وتجوي شواربك لو طلعت انفاسك
ضميتك الصدري بحركة وحتاريت
وين احرورتك ياخوية لبراسك
اتحيريت..خوية بالشبكة
كلي وين..جمرة الملكة
عباس بردك موت حسسني
ماعرف احجي واتجاوبني
مالكيت سكتة بطباعك
#################################
مابيك للخيمة ترد..وتعيّش اطفالك برد.. فكدك..شاعلهة جمرة
بلعطش جيتك تنتضر..وطفال ماتملك صبر..ليهم..مابيك مرة
يالجفك ندة مر بيهة عالتانوك
اطفالك ورد درويهة لاتذبل
يعيش مدلل اليملك مثل عباس
وعرفك ماتحب تكسر بالمدلل
للزغار..مرهة ورويهة
اتاني شوك..لاتخليهة
لو ارجع بياحال باوعني
مااعرف احجي واتجاوبني
مالكيت سكتة بطباعك
#################################
تقبلهة ياتوم النفس..زينب تضل بلاحرس..ونتة ..البيهة تكفل
عباس لو انة متت..راسي انكطع وتسلبت..حالت..اختك تخيل
تضل بغير كافل ترضة زينبنة
وبعد حرك الخيم بين الزلم تطلع
اريدنك تضل وياهة حد ماموت
سوة لومتنة ياهو الزينب اليفزع
انة اموت ..ونتة ضل يمهة
من الشمر..لا يألمهة
ضل انتة خل الموت ياخذني
ما اعرف احجي وماتجاوبني
مالكيت سكتة بطباعك
#################################
ذوالفقار الزيدي

باقي ريحة من الحسن
اشلون اعوفك للمحن
يبني قاسم روحتك تجويني
ونتة تعرف بعدك ايأذيني
#################################
بوية من ودعت ابوك اودعت ذيج الهلة
كمت احس ضهري خلة
وهسة جاي ابكربلة..اتزيدلي حسرة
بوية والفاكد اخية وانكسر من الزمن
اتعاين اسنينة المضن
بذكرة العشرة انكضن..ذكرة اعلة ذكرة
لاتروح..لاتخليني ابقة اتاني
من جروح ..فكد ابوك الهسة اعاني
لاتخليني الزماني ..يبي قاسم
مالي حيل ابقة انتضر
اعليك اخاف امن الشمر
اعليك خايف بوية لتخليني
ونتة تعرف بعدك ايأذيني
#################################
للحسن لوهام كلبي وهامت الشوفة النفس
من اشوفك شفتة احس
توة خضر هالغرس..وتريد حشتة
اورود عمرك توهة فتحت بعدة مالاحك ندة
وين نيتك راشدة
جرحي يلتم ابتدة..خلة اعلة لمتة
لو مشيت..تذبح احلامي بمشيتك
بلاية لاروح.. راح اضل لو فاركيتك
انتة حلمي وضيعيتك..يبني قاسم
توة ملتم الجرح
ليش رايح للذبح
راح اموت بروحتك تدريني
ونتة تعرف بعدك ايأذيني
#################################
كلت اعرسلك وشوفك جفك ابحنة انصبغ
كلت كل همي فرغ
بس علينة الطف بزغ ..رايد منيتك
لوبدي جا ماتركتك للمنية اتخط جدم
روحي مو مالت لجم
من شبابك تنحرم ..لو ما وصيتك
اجتيفت..من اجيت بهالوصية
تدري هاي ..روحتك من بين ادية
راح اشوف اشجم منية..يبني قاسم
بالوصية اتجتفت
بس اكلك لورحت
دير وجهك مو عدل تلكيني
ونتة تعرف بعدك ايأذيني
#################################
امشي جم خطوة المنيتك يبني قاسم ولتفت
راح تلكاني متت
ونتة بعدك ماطحت..بس هذا حالي
لودرت وجهك علية ما اريد اتهل دمع
لوشفت هذا الوضع
ايذوبلك كلبي شمع ..يبني انتة غالي
لوبجيت .. ابجفني ماتصبر دمعتي
والجفوف..اتطيح من فركت حسرتي
روحي تطلع وي عبرتي ..يبني قاسم
لودرت وجهك تصد
بينت اثار البعد
ولوتهل دمعات اتبجيني
ونتة تعرف بعد ايأذيني
#################################
بوية هاي الغاضرية وهاي ضمات الدهر
ايرد كسران الضهر
اعلينة مكتوب القدر ..منشوف راحة
ياهو ايد انحط عليه وكلنة راح ايضل ذخر
وعود صالحنة العمر
ايبوكة من عدنة الكبر ..وتضل جراحة
شما تطيب ..جروحنة الدنية تردهة
للسنين..تمرهة وتذبل وردهة
معاندة ويانة بعدهة ..يبني قاسم
شما تلم بينة الجروح
تمرنة تاخذ اغلة روح
وهسة رادت روحي لبجنبيني
ونتة تعرف بعدك ايأذيني
#################################
ذوالفقار الزيدي

انتة اخوي.. يوجع وداعك
مالكيت.. سكتة بطباعك
عباس جاوب لون سامعني
ماعرف احجي وماتجوابني
مالكيت سكتة بطباعك
################################
عباس لا صارت صدك..لا موكته ونفترك..نايم..وشلون نومة
معلمني يمي بكل وكت..وبعازتك ليش ارحلت..جاوب .. مابيك كومة
ابد مابيك خوية رجعة للخيمة
متانيتك عطش موتعرف اعيالي
شجاوب يابو فاضل من ارد وحدي
وعيش بغربتك من نضرة اطفالي
شلون اروح.. للخيم وحدي
والعيال ..تنتضر ردي
عباس هذا السبب مانعني
ماعرف احجي وماتجاوبني
مالكيت سكتة بطباعك
#################################
يالبلورد تارك طبع..يالخوتك ماتنشبع..بعُدك..مابية حيلة
يالمايرجعني بطلب..ياشيخ صاير عالعرب..ساكت..لامستحيلة
انة كل ما اريدك شفتك اكبالي
وهسة ابعازتك وتريد تتركني
حرك بس جفن لوباقي بيك انفاس
اريد وياي ترجع مو تودعني
لو تريد..هاك اخذ دمي
ما اعيش..ونتة مو يمي
ياخوية جاوب ليش تاركني
مااعرف احجي وماتجاوبني
مالكيت سكتة بطباعك
#################################
عباس ميطيحك جرح..يالكاعد بكلبي صرح..طبعك..متهمك جروح
يالهيل طبع ارويحتك..طيحت حيلي بطيحتك..حيلي..وياك مطروح
يالمزعل البرد كد مالكيتك حار
وتجوي شواربك لو طلعت انفاسك
ضميتك الصدري بحركة وحتاريت
وين احرورتك ياخوية لبراسك
اتحيريت..خوية بالشبكة
كلي وين..جمرة الملكة
عباس بردك موت حسسني
ماعرف احجي واتجاوبني
مالكيت سكتة بطباعك
#################################
مابيك للخيمة ترد..وتعيّش اطفالك برد.. فكدك..شاعلهة جمرة
بلعطش جيتك تنتضر..وطفال ماتملك صبر..ليهم..مابيك مرة
يالجفك ندة مر بيهة عالتانوك
اطفالك ورد درويهة لاتذبل
يعيش مدلل اليملك مثل عباس
وعرفك ماتحب تكسر بالمدلل
للزغار..مرهة ورويهة
اتاني شوك..لاتخليهة
لو ارجع بياحال باوعني
مااعرف احجي واتجاوبني
مالكيت سكتة بطباعك
#################################
تقبلهة ياتوم النفس..زينب تضل بلاحرس..ونتة ..البيهة تكفل
عباس لو انة متت..راسي انكطع وتسلبت..حالت..اختك تخيل
تضل بغير كافل ترضة زينبنة
وبعد حرك الخيم بين الزلم تطلع
اريدنك تضل وياهة حد ماموت
سوة لومتنة ياهو الزينب اليفزع
انة اموت ..ونتة ضل يمهة
من الشمر..لا يألمهة
ضل انتة خل الموت ياخذني
ما اعرف احجي وماتجاوبني
مالكيت سكتة بطباعك
#################################
ذوالفقار الزيدي

يلمو ضرتي وصرتي انفاسي
اتقبلين افديلج عباسي
بين الناس ارد ارفع راسي
يافاطمة ..يافاطمة
#################################
فاطمة انتي..وفاطمة انة..والفرق يالزهرة عصمة
بت محمد..انتي كوثر..امنين ما الكاج نعمة
ياحمامت..سلم حيدر..حقي دورج من اعضمة
ما اصبح ..اله اذكرج..ينشهك اسمج واشمة
تسبيحة كلبي ابمصباحة
حتى اليوم اكضي مرتاحة
من اذكر اسمج بحساسي
يافاطمة..يافاطمة
#################################
هذا حبي ..بلا نهاية..وعمري لولادج نذرتة
حسين روحي..عمري زينب..الحسن ما وصف معزتة
كحلي عيني..اتقبليهة..ابو فاظل يكفل اختة
تريد عينة..تريد جفة..زينب اشرادت قبلتة
اعرف طيبة ومترديني
خل احسب وافيت ابديني
شاتلتة الخدمتكم ياسي
يافاطمة ..يافاطمة
#################################
علميتة..من الطفولة.. الخوية متمر ابلسانة
يحني راسة..يثني رجلة..خاطر اتضل المكانة
ياهي امة ..وياهي امهم..ياهي انتي وياهي انة
كتلة يمة..صير خادم..حتى احافظ عالامانة
خادم لولادج خليتة
وانة الخدمتهم ربيتة
وهاي الخدمة تضل نوماسي
يافاطمة ..يافاطمة
#################################
من تعلم..يحجي كتلة..كول فاطم كال عمري
كتلة زينب..كلي كافل..كتلة خدرك كال خدري
كتلة يبني..ارد انذرك ..حتى اوافي كال نذري
كتلة وجهي ..كال ابيضة..كتلة توعد كال ابشري
توة يسولف ذن افعالة
للخوة مفصل تفصالة
كتلة اخوانك رد ماناسي
يافاطمة ..يافاطمة
#################################
احزام اخيه..عفتة للطف..من يضل بغير ناصر
يكفل اختة ..ايصير حارس..للخيم من النواضر
وانة اعرفة ..بالمعارك..اختصاصة يحز مناحر
عاشر الطف..هذا وحدة..اوحدة العباس عاشر
ياخذ عاشر وحدة بزودة
ماخذ عالطف حيل زنودة
ابميدان الطف بيرغ راسي
يافاطمة يافاطمة
#################################
ذوالفقار الزيدي

فزعة ..وميدان الرجولة ايريد اليوافي
فزعة ..والعزب نحر كلولة مو كافي
حبيب اطلق خطابة
وشعل جمر الصحابة
#################################
خطاب ..حبيب..شعل جمر الحرب وانطلقت الثورة
انطلاق ..مهيب ..والعلام الاهي زينب اتصورة
قتال ..مخيف.. حسب مانقلت اخبارية الحورة
اسود حسين ثارت
اشتباك سيوف صارت
اشكثر هامات طارت .. الارض روس انملت
عذاب الله نازل
على هيئة مقاتل
حسب قول ابو فاظل..الحرب توهة حلت
كلهم..دك بوق الحرب قد حانت الوكفة
كلهم..وين الي يعرف الموت ويعرفة
الحرب عجت ترابة
وشعل جمر الصحابة
#################################
رجال ..فحول..فزعتهم على الطف رفت شوارب
انقضاض ..اسود..ابميدان الزلم من نزلت اتحارب
اعلنوه ..شعار..يشرب دم عدوة الماي ماشارب
الحر حر ابنزالة
برير البر قتالة
وهب واهب حلالة..ترك مرتة وفزع
هنة بميدانة هاني
زهير ازهر لماني
فدة السبع المثاني ..ركبتة وماجزع
ثارو..بركاب الزلم ضل ياخذ الصارم
ثارو.. كلبوهة وبعد حصة كمر هاشم
بعد ماشن ضرابة
وشعل جمر الصحابة
#################################
شباب ..مشيب ..عمرو ابن جنادة وجون فد همة
اتفاق ..عقول..والنية فقط مرضات ابو اليمة
اخاء ..بحيث ..واحدهم لغة اسمة حسين ضل اسمة
زلم بيهة العجايب
فرح عدهة الحرايب
يطبوهة الطلايب..اذا دم اشتهت
زلم وكفت مناحر
ال الا هل من مناصر
يردون البشاير ..بعدهة وماخلت
ناصر ..لو نادة لحسين وراد الينصرة
ناصر ..يطلعلة بطل لبيكم ايبشرة
فتح للموت بابة
وشعل جمر الصحابة
#################################
ابزمان ..شحيح..بي غصن الرجولة من الزلم يابس
انسمع..زئير.. وطلع مثل الاسد يطلب اذن عابس
ابصليل.. سيوف ..مالابس درع كلبة درع لابس
ايعرف فن الميادين
ولا من المجانين
لجن من شاف الحسين .. يفّزع جننة
تصيح الوادم انجن
لجن عاشك تفرزن
دليلة للحرب حن ..الحرايب موطنة
عابس .. علية كالو تجنن مادرو هايم
عابس..وصل اعلى مراتب عشك ابن فاطم
عشك مزك ثيابة
وشعل جمر الصحابة
#################################
بدر ..حنين..ماشافت مثلهم اي حرب صحبة
طبع ..البشر..للركبة تصاحب همة بالركبة
الكصص ..ندة ..صارت وكت ماجانت تصح شربة
بشر تملك ارادة
مثلهم ماكو اعادة
يعشكون الشهادة..مدارس للوفة
شيوخ وعز عشائر
لجن رخصو مناحر
ابشحيح ارجال صاير..والزماط اختفة
طلعو..وفتحو مدرسة للتضحية الكبرة
طلعو.. وتوكلو على الله وفاطمة الزهرة
الطلع يعرف ثوابة
وشعل جمر الصحابة
#################################
ذوالفقار الزيدي

طلع..من جنح الوحي ريشة اعلة راسة
بدر ..ومساوي الجمال وية الشراسة
حير الدنية بصفة
جمع شدة وعاطفة
###########################
الورد غار بكثر ماشايل ترافة
وكال سبحان الخلق رقة بصلافة
النبات وجان غاير بعترافة
جا شتحجي البشر عن هاي اللطافة
اسد..بس شايل كلب اترف حمامة
لجن..لو يزعل منو اليحمل خصامة
الكون يهتز لو چفة
جمع شدة وعاطفة
###########################
سورة الرحمن متفرعة بصفاتة
وحتى يوسف ماوصل نسبة حلاتة
البيه همن لون لكبر شايفاتة
موش جفهن جانحرهن كاطعاتة
ترف..وكت السلم بس بالحرب بركان
فرق..بين القارعة وسورة الرحمن
بي صور متوالفة
جمع شدة وعاطفة
###########################
بين طه وحيدرة يملك توارد
ولذالك وسط كلب حسين كاعد
حسين ماحبة ابعبث واحساس والد
شاف جدة اوالدة انجمعو ابواحد
جمع ..ميراث النبوة وية الامامة
طلع..هالناتج علي الاكبر ختامة
مو خصل متصادفة
جمع شدة وعاطفة
###########################
السيف لمن جردة اعلن صليلة
ولاذت الدنية بطرف ثوبة دخيلة
عود كالو بكر ابن غانم جبيلة
شال راسة وكال هذا اول حصيلة
جفن..ماطابك بعد بكر ابن غانم
انصدم..كص راسة ورجع حيد الهواشم
سرعة يملك خاطفة
جمع شدة وعاطفة
###########################
اعتلة التكبير وسط المعركة اذان
اتعج ترابة وتصفة مالي الكاع فرسان
حاضر الجيش انتقل للكان ماكان
هذا كلة وعود الكبر جان عطشان
عطش ..يبس شفتة وماخذ عليهم
لعد..لو راوي العطش شيصير بيهم
ابهاي والجيش اختفة
جمع شدة وعاطفة
###########################
ذوالفقار الزيدي

وصل يم النهر..وامل زينب كبر
كربلة عاشت رعب برجالهة
والهزيمة اتجر بقت بذاليهة
###########################
مال ميزان الحرب مقياسة
وانتجة وين اتجه عباسة
طاب للحومة يجمر راسة
الناس ماتت من زفير انفاسة
النفس يطلع جمر..حرك ضهر المهر
رجع التكدر علية عبالهة
والهزيمة اتجر بقت بذيالهة
###########################
حاد ذولي الكالو ايحودونة
اسد ومكشرهة غيض اسنونة
ابكثر مامشتعلة نار اعيونة
خوزر الماي وتغير لونة
النهر لونة انعدم..فكد حتى الطعم
والشريعة الخوف ضل يبرالهة
والهزيمة اتجر بقت بذيالهة
###########################
راس طكهة براس يمنة وميسرة
كلد الموت اعلة شفرة باترة
من الحياة ايدز ركب للأخرة
الطكة مالاحك يحس كص منحرك
اليمين وميسرة..نقل للأخرة
ماترك راجل ولا خيالهة
والهزيمة اتجر بقت بذيالهة
###########################
عالشريعة واكف ايوثق ذكّر
بحرللخوة نصب يم النهر
وكتب عركال الزلم منا عبر
السوة من الروس للحرة ممر
روؤس او مو ترب..بنة الزينب درب
والحرب اصبح درب عيالهة
والهزيمة اتجر بقت بذيالهة
###########################
عالنهر فاتح مدارس للوفة
ذبح سوك الزلم زودة من القفة
للمراجل سرعة يملك خاطفة
عرش زينب ابو فاضل اصفة
قبل لمح البصر..يجيبلهة النهر
خلة امية اتخاف من اخيالهة
والهزيمة اتجر بقت بذيالهة
###########################
ذوالفقار الزيدي

الطاوية انسرجت يزينب..والحرب توهة حلت
عود سدوهة الشريعة...حسبي ليج اتسجلت
انه قاري القارعة
والفتح للمشرعة
###########################ااذن اذان المعركة ولبيت داعيهة ابشر
موهسة متحضر انة من الزغر متحضر
عشّاك حر المعركة وراح امشي ليهة تبختر
الشارة تسطر من جهة والسيف منا يسطر
الطلعة هاي من الزغر ناويهة
وانة بايع روح حتى اشريهة
خبطت ومحتاجة ليصفيهة
الحرب مشتهية سيفي..وراح اللبي المشتهة
بواهس السيف ويحيلي..الجيش راح انتيهة
حان دور الواقعة
والفتح للمشرعة
###########################
سبعين الفهم مو رقم عدج يفوق السبعين
ابسبابتج تارك امر وبكيفج انتي اتامرين
اشريلي بيمن ابتدي من جيشهم يسرة ايمين
وبحسابج اعتبري انفنت ياهي العليهة اتاشرين
مااهم بالجيش اهم بحاجتج
وعلكت عمرة بطرف سبابتج
وغايتي اطلع حتى احقق غايتج
انة فصلت المناية..بيا جهة اتاشرين اطب
دور عزرائيل ماخذ.. وراح اطبن للحرب
الزلزلة الهم طالعة
والفتح للمشرعة
##########################
صديلي من طرف الخيم بعيونج وشوفيني
شراي طبيت الحرب دافع ثمن جفيني
لو كطوعو اشمالي ابغدر شوفي شتسوي ايميني
دكيت صدري الحيدرة واليوم اوفي ابديني
داك صدري اكبال ابوي ابغيرة
واله اخلي الطف يعيش بحيرة
راح افطر الكاع بالتكبيرة
صاعدة الغيرة اعلة راسي..وخلت الشارب يرف
اليوم كاع الغاضرية..تنسكي من النزف
السيف رتل نازعة
والفتح للمشرعة
###########################
الروس اذبهن من جهة ومن جهة اتطيح الاجساد
نار ودخلت اعلة الحطب والحطب تاليتة ارماد
لوشفتي بيهم عامري الخندق اعتبري انعاد
لوهند خلفت شرذمة هم حيدر امخلف اولاد
لوهند ردت تطالب ثارهة
هم نرجّع للحرب كرارهة
وبدر ترجع للكفر بخبارهة
حيدر مخلف مراجل..زلم شراية ركب
ويبقة راعب ال امية..صيت قتال العرب
الطبع خلف طابعة
والفتح للمشرعة
###########################
راح اكوف اعلة المشرعة وخنك الماي ابجودي
ومناك اصيحج مبتشر زينب وفيت اوعودي
جفوف الميرولج عطش مايبقن اعلة زنودي
الماي صاير مكصدي وراح اوصل المكصودي
المايجيب الماي يروي سكينة
ثقي متضل علزند جفينة
وبعد يطفيلج يزينب عينة
خوية لو ما اروي سكنة..جفوف ميضلن علي
لو اجيب الماي بيد..لو بعد شلي ابأدي
اله اضيك الواسعة
والفتح للمشرعة
###########################
ذوالفقار الزيدي

الا يا اهل العالم ..قتل الحسين
################################
انة الجدي دموعي اجريتهن من دم
ويمر عمري وجرحة بكلبي ماملتم
العله نحرة الخنجر صلى ماسلم
والمصابة الدمع بس الصبح بلسم
الا يا اهل العالم..قتل الحسين
#################################
يريدون الكلب تتضمد جروحة
وعلة التربان اية الله مذبوحة
ويريدون الكلب يبرد جمر نوحة
ونة الروحة اطلعت من انسلب روحة
الا يا اهل العالم..قتل الحسين
#################################
انة ابريتي النفس من يطلع ابحسرة
وسط روحي ابد ماتنطفي الجمرة
شتطفة وفوك جدي داست العشرة
وصدرة من السحك مطبوك وي ضهرة
الا يا اهل العالم..قتل الحسين
#################################
جريمة احسين عالتربان ومسلب
وجريمة فوك تلة اتصعدت زينب
ياهو ايلمومني من الطم وانحب
وانة الهلجرح سموني المعذب
الا يااهل العالم قتل الحسين
#################################
حقي بطلعتي من اطلب ابثاري
الهذه الدم بعدهة اتشب جمر ناري
حسين اعلة الترب متسلب وعاري
الهذا ادعي الطلعتي وشوفت انصاري
الا يا اهل العالم..قتل الحسين
#################################
ذوالفقار الزيدي