من باب الزجية الخيل بالعاشر اخذ فكرة
التوارد جان كسر ضلوع بين حسين والزهرة
عشرة اعليهة دفعت باب والداست علية عشرة
الفرق بس فضة سندتهة وضل حسين عالغبرة
اوحافر الخيل لمن كسّر اضلوعة
شافه بالباب لمن كسّر اضلوعة
#################################
شمر ام الحسن بالباب اوين الي صعب شدهن
هذن بالعاشر اللجمات الدهر بالخيل كررهن
الضايك من دنيتة اجروح بالمجروح يندلهن
ومن رضو ضلوع حسين جانت فاطمة تحسهن
وذيج الجروح لان من صعب شدهة
ردهة بحسين لان من صعب شدهة
#################################
النار المرت اعلة البيت مرت بالخيم خطار
اجت ذبحت حلم عطشان وشرّدت للبراري اسرار
ابيوم المرت الزهراء طلعت وية حامي الجار
بس من طلعت اخت حسين تدوّر جانت اعلة زغار
اه ويلاه يضيم الجرة الزينب
ايهد لجبال يضيم الجرة الزينب
#################################
التوارد لنذكر معروف ابنفس اللوعة والحسرة
بس بصعدت الهزلات على امهة ازادت الحورة
طلعت موكب امن الروس بين الضربة والنضرة
والشامت يذب جلمات وين الخاطر تكسرة
شافت جروح سبي من صعب شلهة
وطاحت ادموع حزن من صعب شلهة
#################################
طبت مسجد الزهراء بس زينب الطبت سوك
الدنية بفاطمة مالت بس بالحرة مالت نوك
علي ماعايف ام حسين وشمر ضعن العقيلة يسوك
وروس اخوتهة مشيولات فوك ارماح جنهة اعثوك
فوك الارماح تعاين على اخوتهة
اتريد فزاع تعاين على اخوتهة
#################################
ذوالفقار الزيدي

(كعديةللزهراء)
ماتنشف جروحة..الدافن بيدة روحة
الله الحيدرة ايعين..دافن ام الحسين
#################################
الوداع ايريد حيل وحيدرة مهدود حيلة
ضال حصرة ابنص يتامة وصبحة مطبوك اعلة ليلة
عايش ابديرة شماتة وماكو خل اليشتكيلة
وي فاطمة جان ايحجي
وعليهة بالهم ينتجي
راحت وضل ويالبجي
ايسولف ابعازة خليلة
يحجي ويالليالي..هذا عليهة حالي
وحكة ايطول الونين..دافن ام الحسين
#################################
الوجع نازل وي خيالة وضهرة محني اتكول شايب
ومالة حيل الشيل هدمة ذاكة رداد الطلايب
ابعينة كل الدنية ضلمة حكة بدر اسنينة غايب
من حكة عايش منمرد
ام بيتة راحت ماترد
والشيب اثار البعد
وبيضت راسة المصايب
والسبب مشيبة..فركاه الحبيبة
وهاي مصيبة البين..دافن ام الحسين
#################################
ايدور بالبيت ويعاين كل مچان امخلي ذكرة
ويكض سبحتهة ويشمهة وخرزة خرزة ايذبلة حسرة
يعني تسبيحت مماتة سوة تسبيحت الزهرة
ابكل خرزة يشمرلة عمر
ابكل فرة كلبة ايضم فطر
وتطلع الحسرة من الصدر
وتنتجي بضلعة وتكسرة
تسبيحت زجيتة..حاسبهة ابمنيتة
ضاعت ذيج السنين..دافن ام الحسين
#################################
لابس اسود والليالي جانت اكشف من سوادة
وساعة التوديع تمشي وميلهة ايرد ابحدادة
صار قصة ودهرة راوي وماقبل يخلص مدادة
ايمر الوكت بس الحزن
كل ليلة يم حيدر يجن
والدمعة تاكل بالجفن
والحزن موخوش عادة
شما وكتة ايتمدد..بحزانة ايتجدد
ومايطبك جفن عين..دافن ام الحسين
#################################
ذاك يدفع فاطم اتصد شلون ذكرة شلون حالة
مات محسن وانة ساكت هاي جلماتة ويبالة
وصوت يافضة اسنديني موت ويدور ابخيالة
واكثر مصيبة اتألمة
وتطبك الكاع وية السمة
كلمت وان بي فاطمة
الكالهة وسوة البدالة
ودفعت ام ابيهة..ضيع حيلة بيهة
ايجيب امكابر منين..دافن ام الحسين
#################################
ذوالفقار الزيدي

عمري وصاير مايحلالي
من حكي احزن فاكد غالي
وذاك الموقف يتراوالي
يافاطمة يافاطمة
#################################
مري بية ..شوفي شيبي..صبح جلجل فوك راسي
حسبي بيهن..شيبة شيبة..وشوفي شمسوية المأسي
شوفي حالي..شوفي حيلي..شوفي دهري اشلون قاسي
رحتي مني ..وراح عمري..وضيعت من جفي ياسي
الضيع من عمرة اجمل ياسة
موبس راسة ايشيب احساسة
والليل اخلافج جتالي
يافاطمة..يافاطمة
#################################
وية موتج..انة ميت..فركت المعشوك صعبة
باقي وحدي ..ويالسوالف.. عايش وياحساسي غربة
اهنا كعدنة..اهنا حجينة..اهانة كلبي ايحاجي كلبة
جان بيتي ..شلون جنة..وهسة يكتلني امن اطبة
ذيج الطيبة الترست بيتي
صارت حسرة وخنكت ريتي
والكسرة امبينة اعلة اخيالي
يافاطمة ..يافاطمة
#################################
بية حسرة..بية دمعة..بية شوغة وكلشي بية
كلشي وحشة..حتة صبحي..صار جنة المغربية
اشطال عمري ..طال جرحي ..وابقة عايش فاطمية
اتمرليالي ..وانة كاعد..وذكرياتج هية هية
ايمر الليل ومترف عيني
والذكرة تجيب توديني
ونتي البس موجودة ابالي
يافاطمة..يافاطمة
#################################
الباب قاسي..وانتي ترفة..وبينكم معصورة روحي
ذاك يدفع..جفج ايصد..شمادفع زادن جروحي
وحي افراكج..لا متسلم..كاعد ابنص بالي يوحي
ابنص شماتة ..وطاك كلبي..وكوة سيطرت اعلة نوحي
جف عيني ايكض ابدمعاتي
خايف توكع يم شماتي
امتيه صبري وجن مو مالي
يافاطمة..يافاطمة
#################################
نار كلبي..ونار بابج ..والله خلن بية كسرة
الجفة قالع ..باب خيبر..صار جنة اهلال ضهرة
شرد اصيحن..اه يحيدر..لو اصيحن اه يزهرة
بية صرخة ..ابكد وداعج..اعيوني غيمت بيهة مطرة
حملت غيم ادموع اعيوني
ومحتاج اعليج ايواسوني
بعدج شحجيلج عن حالي
يافاطمة..يافاطمة
#################################
ذوالفقار الزيدي

(ميمر للزهراء)
اباب البخت..شبو حطب
بغض بعلي..جان السبب
ياوادم وعالزهراء دفعت عمد دفعوهة
################################
مات النبي وتأمرو عالفتنة
وضبع السقيفة اليوم كشّر سنة
وهل الغدر كالولة بيك امنة
وتبايعو..بيعت كفر
وبحيدرة..جان الغدر
وبيعت الخم للمختار اهل الكفر باعوهة
#################################
لوما علي مجتفتة ذيج اوصيته
ماجسر واحد يوصل الحد بيتة
لولاهة جا محد عرف تاليتة
ذيج البغت..جان انفنت
وبجف علي..الناس انتهت
جا حارو اشلون الروس من ثورتة ايضموهة
#################################
جا مازغت ذيج العيون الصلفة
والسوة حلفة الاصفر يرد حلفة
شيكضة حيدر والفقار ابجفة
سيف العدل..وابجف اسد
وعلة المتن..لصفر كعد
والثوب الاصفر معروف صولاتة ماينسوهة
#################################
ايدفعون باب اعلة الزجية ويسكت
وبسمار بين اضلوع فاطم ينبت
جا شال بجفوفة الحجاز وينكت
نكت الهدم..ينكت زلم
ايطشرهم..ويرجع يلم
جان القيامة من الغيض موقف رعب شافوهة
#################################
جان الهوة البلباب مر ايشطرة
وجان السقيفة ماجت ابهل فكرة
اليحفر الحيدر هذا يحفر كبرة
جا ماسدة..هذا الجرة
ولا فاطمة..اتكض خاصرة
وجان ابفدك محد عال والزهرة ماضوبوهة
#################################
ذوالفقار الزيدي

انة وية الحسين وحسن
لمن غدر بينة الزمن
قمنالج ابمجلس عزية
واحنة البدينة الفاطمية
#################################
ردينة من بعد الدفن ياحالة تشبه هاية
واحدنة يقرة الفاتحة ويتحسر بكل اية
صلينة وحشت فركتج غركنة المصلاية
وكلولي بوية ياعلي وحشتنة مال اقراية
ابنيت افراكج الوحشة صلينة
ومجلس ادموع يالمغربة سوينة
والمجلس ابون ابتدة
يشرح عليج اشما سدة
وصار الحجي بذيج الرزية
واحنة البدينة الفاطمية
#################################
مجلس عزائج مبتدي ورادودة جان حسينج
ابفتحت عزة يافاطمة والحسن يصرخ وينج
وطب للمصايب وانتحب وجاب الحجي الخدينج
يافاطمة وعيني انطفت لمن وصل حد عينج
جاب العيون بالقراية واذاني
والحسن صاح واحس جمرة جواني
وكلة الحسن خوية استمر
بس اعلة هونك بالكسر
وحسين ون وي ون اخية
واحنة البدينة الفاطمية
#################################
زينب اجتنة وشاركت وكلتلة عيد اشكايل
سولفلي جايب ياجرح شو ضهرك شبي مايل
كللهة ما اعيد استمر بالقصة واحد عايل
ماواصل الهذا الجرح زينب يخيتي شناقل
كلهة والباب يزينب اخذ روحي
اجروح الضلوع احس بيهن جروحي
كلتلة اخوي اشبي غضب
كلهلة اسوالف عالحطب
والنار من شبت سرية
واحنة البدينة الفاطمية
#################################
وحسين ضل يروي القصص وعالخد دمعتة اتلالي
اهتز كلة من كتلة لمن كلي الجرح دلالي
حسيت بالغالي صدك لمن يودع الغالي
كلالي حسيتك متت كتلة استمر واقرالي
حسهن اسيوف تحز بية جلماتة
وانه محروك لان اسمع اهاتة
كلالي اذيتك احس
كتلة انة لمضيع نفس
مضيع اعز مخلوقة الية
واحنة البدينة الفاطمية
#################################
عالمنبر وضل يرتجل والحانة مامسموعة
والنفس يطلع جن جمر من ريتة الموجوعة
حسيتة كدما محترك متفرد ابموضوعة
ولمن وصل يم لضلع ضل يلطم اعلة ضلوعة
ايدك علة ضلوعة ويصيح يضلع امي
هذا عالباب اثر دمهة لودمي
ضل عالضلع بالجف يدك
ويصيح ياضلع العشك
اوويا نصيح اه يالزجية
واحنة البدينة الفاطمية
#################################
ابهذا العزة وتخيلت وابالي مر فد احساس
شيسوي يلطم ينتحب لو جان حاضر عباس
بضهري واحسنة جمر ويتوعد الذيج الناس
ايكلي يطلعني الزمن اوطبكه راس اعلة الراس
باجر الناس جمر كلبي اراويهة
وراية الثار بلطفوف اعليهة
يكلي يطلعني الزمن
والناس اشدلهة الرسن
ويكلي غيض الزهرة بية
واحنة البدينة الفاطمية
#################################
ذوالفقار الزيدي

فاطمة ..راح اصيح وبلكي برجعلي جواب
فاطمة..والسكوت يعني قد حان الغياب
#################################
راح اصيحن فاطمة..الشوفتج عايش ضمة
ها يحيدر رايد اسمعهة بضماي
اعليج عيني امساهرة..الخاطر اكسر خاطرة
خل تنام عيوني يالزهرة تعاي
بس ضلام صارت ايامي
والمشيب ذبل احلامي
فاطمة..كلي شوك وانتي غطاج التراب
فاطمة ..والسكوت يعني قد حان الغياب
#################################
انه عايش احلة حُب..منين اجيبلج كلب
يحتمل يالزهرة كل هذا المغيب
انتي من الذر الي..ولايكة الزهرة العلي
والله بارك هالحبيبة الهل الحبيب
انتي روح ملكت احساسي
شهالغياب يااعز ناسي
فاطمة..والحبيب لومشة ايضيع الشباب
فاطمة والسكوت يعني قد حان الغياب
#################################
ابكثر مابس بيج اهم..اعظام مستورة ابهدم
باقي بس جلد بعضم ويسترة ثوب
من اطب الحجرتج ..وانضر مصلايتج
وانتي ماموجودة بالحجرة انه اذوب
من افوت والكة بس ريحة
وماكوصوت حتى تسبيحة
فاطمة.. والصلاة ضيعت وجهج حجاب
فاطمة..والسكوت يعني قد حان الغياب
#################################
وكت الغروب انعصر..وكضي ليلي انفت جمر
انتي ميتة وضالّمج يشتم هوة
انة قتال العرب ..وصيتي واصل للركب
لجن حبل اوصيّتي بجفي التوة
لولا هاي والله فانيهة
للمعيش ماخليهة
فاطمة..صبري طال وكلبي من اهمومي شاب
فاطمة..والسكوت يعني قد حان الغياب
#################################
جا فدك محد دنة..وراسهم ليج انحنة
لجن واعد طه ما اكض بيهة سيف
جان الاصفر مرتدي..وبسقيفتهة ابتدي
ياسقيفة التبقة وانة اطلبهة حيف
ياهو حيد ويوصل البابج
للمراد اقبل اعتابج
فاطمة.. يارجال اتكشر اكبالي النياب
فاطمة..والسكوت يعني قد حان الغياب
#################################
ذوالفقار الزيدي

دمعي يسولف قصة نوح ..دمعي
ومايعرف بس المجروح..وضعي
يالزهرة الماطاب صوابة..ترجم دمعتي
وبس الدافن بيدة احبابة ..يعرفهة قصتي
#################################
يترجم نوح ..كلب مجروح ..الحطن بالترب محبوبة جفينة
يقيّم الحيل ..صديج الليل ..ذاك اكبال عينة انباكت سنينة
الفاكد.عشكة.يعرف. هاي المصيبة
الخلص .ليلة.يبجي. الذكرة حبيبة
يافاطمة وهذا الوصف تعرفين شعني بأمرة
البجفوفة دافن زهرتة تلجم جروحة الذكرة
والفاكد مينام الليل ..طبعة
تعرفين وباقي من الحيل ..دمعة
والعاش بنارة اللهابة ..حس بحسرتي
وبس الدافن بيدة احبابة ..يعرفهة قصتي
#################################
الهموم اثكال..ودموعي وشال..والخلصت دمعتة ايفزع الونة
ونة شتاكيت ..وشطب للبيت ..اشلون ادخل وصوتج مااسمعنة
وينة..ذاكة .الملكة.لمضوي بيتي
شدخل.بيتي.الخالي .مابي زجيتي
يم الهلة بيتج فرغ جاوين ذاك الملكة
طعم الهلة بعدج برد وفارك هذيج الحركة
جان الملكة ابيتج حار..وينة
بارد منبعدج شوصار..لينة
ونتي تعرفين ابسبابة..جيف انتي شلتي
وبس الدافن بيدة احبابة ..يعرفهة قصتي
#################################
يعطر الهيل..كتلني الليل..الليل يريد حيل وحيل مابية
الفكد محبوب..بونينة يذوب..ونة الفاكد وطن مليان حنية
شايل .مني.حيلي..وبعازة الحيل
بية..ضايك..عمري..من خنكت الليل
والعايش بلاية محب يختنك من انفاسة
وشلون تخلص دنيتة البترب دافن ياسة
وعلية الوسعة تعرفين ..ضاكت
ولوجيتي الفرحة تشوفين ..راحت
مري وشوفي كلبي مصابة..ماخذ فرحتي
وبس الدافن بيدة احبابة ..يعرفهة قصتي
#################################
الطواري تريد..ونين يزيد..وطواريج دمع ماخلت ابعيني
الدهر ضمّام..يطك عالهام..وطكني بفركتج وطشرن سنيني
طكني .دهري..وطشر..كل ذكرياتي
وراحت..مني..بعدج..ضحكة حياتي
طبع الدهر قاسي الكلب مايضم خل الخلة
وجرحي منصبعي الهامتي ياخيط عشرة يشلة
بية شخلف من جروح..دهري
ومحني منالهم ومن النوح..ضهري
وتنشف دمعاتي السجابة..بس لو رجعتي
وبس الدافن بيدة احبابة ..يعرفهة قصتي
#################################
اليلف انكاب..وصبغ لثياب..سود الفركتج لا واحد ايلومة
عجيدة كوم..وموش هدوم ..كون تلوح كلبة صبغة هدومة
الفاكد .مثلج..يكضي .عمرة بونينة
وانة.طلعت .روحي.منتفاركينة
ونة بقيت الفركتج بس نفس خانك رية
وما ايست من روحتج ومتاني منج جية
والميت ميردللدار ..طبعة
بس هذا عليج الكرار..وضعة
والغايب شيسوي غيابة..فاطم عرفتي
وبس الدافن بيدة احبابة ..يعرفهة قصتي
#################################
ذوالفقار الزيدي

بعازت امنة...ونحرمنة...يازماني
#################################
امنة جانت خيمة وتفيي علينة
اشفنة منهة وراحت الزهرة مندينة
جانت ام حسين ملحتنة بحجينة
بلاطعم ضل الحجي من تفاركينة
فاركتنة..وعذبتنة..يازماني
#################################
انة زينب بتهة راح احجي العلية
وراح اكلك من بعدهة اشصار بية
عيوني سهرن من طفت عين الزجية
وضاعت الضحكة بونين المغربية
وتدري لغروب..رايد كلوب ..يازماني
#################################

هية حسبت جم ورد تحسب عمرهة
وابد مالايك تنام بنص كبرهة
يازماني اشسوت وتكسر ضهرهة
باجر ايسألك محمد عن سطرهة
حضر جواب..عن العتاب ..يازماني
#################################
باجر الهذا السبب حضرلك اجواب
يلخذتهة وطشرت كعدات الاحباب
ابيا ذنب تعصرهة بين الحايط وباب
موضلعهة ابعصرتك ضلع النبي انصاب
الشبت النار..ضم العذار..يازماني
#################################

يازماني ابعازت الزهرة بعدنة
ليش من عدنة خذتهة وضيعتنة
ابعازت امنة وشالت امنة وفاركتنة
ودعينة الراحة يوم الودعتنة
ودعتنة..وضيعتنة ...يازماني
#################################
ذوالفقار الزيدي

وينج..شو بيتي طافي بلا ضوة
وينج..وبصدري مخنوك الهوة
وينج..حسبالي موتتنة سوة
وحدي ضليت..وحدي ضليت
#################################
فاطمة من شلتي مني انشال حيلي
زاد حزني...ضهري محني
وليلي بعدج من يمر شيسوي ليلي
فاطمة مري اعلة بيتي يابعد بيتي
بكثر ماحنيت اشوفج ادري حنيتي
ادري بكليبج يحن بي واهس اعلة الجية
وانتضر لوبس حلم وجهج يمر اعلية
ونطر لو بس علي طيفج يمر
ونطر مو ذبلت ورود العمر
ونطر ساعة العاشك من جمر
جية تانيت ..وحدي ضليت
#################################

وين ذيج اسوالفج لمدفية بيتي
ديري وجهج..شوفي بعدج
اشتاركة ابموتج مواقف من مشيتي
الشايل بكلبة حبيبة وضمة للعازة
صعبة لو شالة اعلة جتفة اودعة جنازة
الفاكد ايحس بالفكد وشخلفن اثارة
والدفنهة رويحتة تعرف ونينة ديارة
وانة باقي اعلة فكدج منكسر
وانة لمعلم الناس الصبر
وانة كل ذكرة تعصرني عصر
عمري مليت ..وحدي ضليت
#################################
ترفة والبسمار قاسي وعصرة الباب
طلعت الروح..شخلت جروح
ولوتطيب جروح ضلعج جرحي ماطاب
فاطمة ياريحة الله بقالب انسانة
الراح من عندة عزيزة يموت بحزانة
وانة كاتلني الحزن جي فاركت محبوبي
واسود عليج انصبغ واهس حياتي وثوبي
ثوبي من حزني ضل ماخذ طبع
ثوبي بايت رطب من الدمع
ثوبي يعرف علية شمر وضع
اشصار بلبيت ..وحدي ضليت
#################################

شلون بية وصارو اولادج يتامة
حسين يسكن ..زينب تون
والحسن كلبة يرف مثل الحمامة
حاير ايسكن ونينة ونت اخوانة
وضال بيتج من حزنهم تبجي حيطانة
تبجي حيطان السكن من حالهم والحالي
ويست من العمر والموت ضل يبرالي
باقي من تضر موتي باي وقت
باقي ومن المصايب شيبت
باقي مو من حياتي تعذبت
اشكد تمنيت..وحدي ضليت
#################################
منتضر جيت منيتي ورايد اخلص
شنهي ضلتي..بلا زهرتي
موغزل عمري عكب عينج تخلبص
المامحسب بي يمرني مرني وذاني
واسحن بروحي اعلة بعدج دهري خلاني
ياحياة البيهة اعيش وانتي مو ياية
والبقة بلاية محب تفطر دليلة حجاية
قصة من بعدج اعلية سدت
قصة من حيلي باولهة بتدت
قصة ماطول عايش منتهت
تكضي ياريت ..وحدي ضليت
#################################
ذوالفقار الزيدي

شما تصد للباب عيني.....اترس البيت بونيني
الباب سواهة صدك...كسّر ضلوع العشك

#################################
تنفطر حيطان حيلي من اصد وتذكرة
يالزجية شوفي كلبي قطعة قطعة مفطرة
ماحجيتي بكسر ضلعج بين من الخاصرة
ماحجيتي..وبينيتي..تغيرتي..يازجيتي
من شفت حانيتة ضهرج ...ايست ميطول عمرج
كمت بالذكرة اختنك ..كسّر ضلوع العشك

#################################
جم منية تمر علية ابيوم عالبسمار اصد
قاسي مابي كل ترافة شخلة بهروش الورد
مري بية وشوفي حالي بية شمسوي البعد
بيتي ضلمة..بروحة امة.. وكلبي همة..وين اضمة
المن احجيهن همومي...فاطمة عينيني كومي
مو وكتهة ونفترك..كسّر ضلوع العشك

#################################

كمت ادور وين حيلي بياكتر من بيتي طاح
ثاري يوم الشلتي مني بالنعش وياج راح
شلون حيل يضل عليك ودمج اعلة الباب ساح
راح حيلي..انطر دليلي..وبس عويلي..ايعرفة ليلي
اليل من يمر علية ..ياخذ شما حيل بية
للعمر ماضل خلك..كسّر ضلوع العشك

#################################
اطبك اليل بنهارة وجفني مايطبك ينام
الصبح تكتلني الطواري اليل يكتلني الغرام
اثمنطعش وردة حياتج بلجفن تلف حرام
ازغير عمرج..وردة جنج..ليش اجفنج..وبيدي ادفنج
عالكبر بعدج زغيرة..المثلج ايعيشوهة اميرة
مو يجازوهة بحرك..كسّر ضلع العشك
#################################

الدفن بجفوقة عزيزة ايكضي كل سنينة ون
وشنهي عمرة الراح عمرة وحضنتة جفوف الجفن
البلترب وسد حبيبة هذا يعرف شندفن
الوسد احباب..جوة لتراب..وهلة غياب ..جرحة ماطاب
وانة دافن بيدي روحي..والله يعرف شنهو نوحي
الهوة اشتمة ابشهك..كسّر ضلوع العشك
#################################
ذوالفقار الزيدي

ذكرياتي..باب دمعة ضلوع نار
ذكرياتي.. شيب و احزان اوزغار
##############################

الذكرة ليل.. غمض عيون الصبح
بي وداع..راسم بطولي الجرح
ياهواي..الشهكة من بعدج رمح

شهكة .. وروحي ..توصل الفركت حياتي

وذكرة..الصوتج .. يا آميرة ذكرياتي

الحجرة ..السبحة ..ذني ميتات امنياتي

وشوغة ..وحسرة ..الباقي عن لحضة وفاتي

عن مماتي ..احساب جم دمعة التطيح
عن مماتي .. الناعي بس لحضة ويصيح

###############################
الحسرة باب .. كاسر اضلوع الورد
الدفعة اه..الثالث ازغار الولد
الصعبة حيل ..مو مهد نام ابلحد

زينب ..جانت..امنيتهة اتناغي اخوهه

واخت ال ..محسن ..اخوتهة عود ايلقوبهة

وتكعد ..يمة ..اتلولي اله ابأمجاد ابوهة

لكن ..وسفة..موتوه..وعذبوهة

اووية زينب ..اذكر المحسن وانوح
اووية زينب.. افتح ابواب الجروح

###############################
الخنكة شوك ..وانه من شوكي اختنك
والغروب..يعني اجت ذكرت عشك
بعد اديج ..بثوبي ضل عطر الحرك

رحتي ..وصارت..بس تشم دخان ريتي

وكلشي ..ضلمة.. وفقط شيبي بلون نيتي

ليلي ..ايمرني..ايشوفني بعازة زجيتي

شنسة ..وانتي ..اهنا كعدتي اهنا حجيتي

اتكلي بابج ..روحي ونفيض بدموع
اتكلي بابج..وانه اكللهة الضلوع
###############################
الدار ماي..عالحبيب وغسلة
السدلة عين..ايضل غريب بنص هلة
شيقرة ليج..اليختنك بالبسملة

شقرة..الروحج.. الفاتحة اقراهة اعلة روحي

الماتت ..بعدج ..والعدل بس باقي نوحي

غالي ..افراكج..وكمت اثوبله ابجروحي

كسرج ..بية..واضح ويشبه وضوحي

وبخيالي .. كام ينشاف الوداع
وبخيالي.. راسم اسنين الضياع

###############################

والله موت..شيلت الزهرة بنعش
بالتراب..انتي لوحيلي انفرش
يابخور..انشعلة لبن اثمنطعش

شيعلك ..يمج..الماشبع منج سوالف

الكلبه ..بعدة ..يحسج اسوالف مضايف

انه ..شحالي..بعيني لوعرضن مواقف

شبقة..العمري..وانه كلشي اعليج عايف

انتي رحتي.. وصغت عمري ادموع عين
انتي رحتي.. وانه رايح مدري وين

###############################
ذوالفقار الزيدي

مدد يافاطمة ..سند يافاطمة
انصارج تريد..انصارج تريد
###############################

اليخدمون ..ينادون ..مدد يا فاطمة
تحضرين ..وتسوين ..الارض مثل السمة

تحضرين المجالس
شرف لولاد عابس
الدخل هاي المدارس ..حسيني الهوة

يبت سبع المثاني
الخدم جيتج تتاني
النوة الهاي الاماني..دخل وادي طوه

امل عدهم امل ..خبر جيتج وصل

انصارج تريد ..انصارج تريد
###############################

تحضرين ..تشوفين ..المواسات ابدمع
الذكر نار ..اللطم حار ..مثل طكت الضلع

تشوفين الخدمكم
بشر عايش جرحكم
دمع صار الدمعكم..مثل حزنج حزن

المجالس عندة عادة
ابدليلة جروح سادة
الحزن من الولادة..وفة الام الحسن

طبع من الزغر.. دمع يطفي الجمر
انصارج اتريد ..انصارج اتريد
###############################
اليحضرون ..مثل جون ..لجن طلبو لطم
البلوجوه ..يريدوه .. هدم حركة وهضم

السواد المن وجه جون
حزن للثوب يردون
على الطفولة لعيون..ابدمة وضربت سهم

وعلى الحزو ركبته
وضمة متفطرة شفتة
وبقت عينة اعلة اختة.. التصدلة من الخيم

مثل حرك الخيم ..تحس هذا الالم
انصارج اتريد ..انصارج اتريد

###############################
نلاكيج ..نواسيج ..على جروح الخدر
على النوك ..على السوك ..على دروب اليسر

نواسيج اعلة حرة
مشت عالنوك حسرة
الكلب هاي التقهرة ..الاميرة اتيسرت

مشت وي روس اهلهة
ابدرب زيد حملهة
مصايبهة اشثكلهة.. عجيب اتحملت

الم جرح اليسر ..بجي الحزن الخدر
انصارج اتريد ..انصارج اتريد
###############################

غدا فوت ..غدا موت..ومجالسكم ذخر
ربح دين ..وفة الدين ..الختم بيهة العمر

الخلص عمرة بخدامة
ربح خير الامامة
اللطم يصبح علامة..غدا بالأخرة

غدا تصبح لطمتة
ختم عبرة محنتة
ويطب مسرور جنتة.. وشرطهة بلا سرة

نظر منج نظر..وتحس كلشي انعبر
انصارج اتريد ..انصارج تريد
###############################

ذوالفقار الزيدي

علي اذا ماشاف وجهج يعني مات
وياحيات التبقة من بعد الحياة

حتى اذا بحلامة وتمرينه
فاطمة من الشيب متعرفينة
#################################
بيتج مضلم وخالي..جرحج كاعد ابالي
فاطم نضرة اطفالي..مضيعة النوم من عيني

اليتم مر بيه وبولدي..وبس الليل الي بوحدي
ايدي امشابجة بخدي..واتخيلج تحاجيني

من يخلص الليل اختنك وبريتي مايبقة الهوة
من اذكر ابطرت الفجر نتوضة ونصلي سوة


الفرض يخلص هسة ويمرني الذبول
من اريد انوي اعلة تسبيح البتول

اليذكر التسبيح التسبحينة
فاطمة من الشيب متعرفينة
################################
على السجادة احط عيني..واون مابينهة وبيني
السبحة الطين تجويني..العطر جفج بعد بيهة

شما اصدلهة والزمهة ..بشوغت روحي اشتمهة
تألمني وألمهة ..وتبجيني وابجيهة

الطين جامد مو نفس بس مطية روح السبحتج
وكلما عليهة اتكربت تشكيلي فاطم عازتج

المن حنان اجفوفج امدينته روح
ضامهة الصدري وعليج وياهة انوح

لو تجين ورايدة اتشوفينة
فاطمة من الشيب متعرفينة
#################################
الجنت وياج اسولفهن..صرت للبير اسمعهن
اسولفله ويضل ايون..ويموت واحجي للثاني

اضم عن لا بشر يدري..وانه المابقي من صبري
انملة ومابي حمل صدري.. وسوالف تارسة الساني


ويامن احجي بعازتج والمثلج اهنا مايصح
والكلمة ليضمهة الكلب تدريهة تتحول جرح

بيت مال جروح فاطم كلبي صار
وشيضم ابروحة ليحركولة دار

الجان يحجي جروحة وتسمعينة
فاطمة من الشيب متعرفينة
#################################
من اريد البيتي اتعنة..وبابي من ارد افتحنة
كمت يالزهرة افز منة.. احسج لايذة ابكترة

من افتحة اشعر الم كسرج..واعيش احساسج ابعصرج
واكض ضهري بشكل ضهرج.. ومنو اليسندي يالزهرة

من فضتج ردتي السند بس انه بيمن نخوتي
الباقيلي حيلي المنكسر والمنكسر ضل تجوتي

اوكف اعلة الباب ويهزني الحنين
كام يتلكاني يالزهرة الونين

البل هلا من الباب تتلكينة
فاطمة من الشيب متعرفينة
#################################

وعلي الي تلجم اجروحة..ونار وتاكل ابروحة
اعيونج ليش مفتوحة.. وهضم مرسوم بعيونج

لان محد حجة بثارج..لو نار الكلت دارج
لو يتم العلة ازغارج ..لو ردتي اليريدونج

نزلتج الحضن اللحد وحسيتج بكلبج حجي
يافاطمة ومن هالوكت مابطلت اعيوني البجي

اعليج من هليت يالزهرة التراب
وفتحت اعيونج علي اكبر مصاب

الدفن خلة وبعدة فاتح عينة
فاطمة من الشيب متعرفينة
#################################

ذوالفقار الزيدي

كدامي موتي وهالتراوالي
يابو الحسن عينك على اطفالي

خل تغفة عيني.. وعندي راحة بال

###############################

ياحيدر اعيونك على السباحة
خليني اغمض عيوني بس مرتاحة

لاتبجي يمهم..اكعد وسطهم
بحنيتي ضمهم

ضمهم بجفك يبو اجفوف الحنان
وانته بس بمجاني لتسد المجان

ليل الدمع لو سير اعليهم
امسح دمعهم لاتبجيهم

مو همة روحي .. وعندي راحة بال
###############################

من يوم شفتك وانه ما خالفتك
مطاوعتك بنضراتك وسالفتك

بس عندي جلمة..كلبك تلجمة
ابريني ذمة

رايدة اتحاللني يالكلبك يحن
ادري موتي ايذبل عيونك حزن

لاتبجي من تنظر وضع زينب
تدريني من كبري وعليهة انحب

نزلني كبري ..وعندي راحة بال

###############################

يم الحسن وحسين ضل كل همي
اواحدهم ايسألك علي وين امي

الماترجع امهم..بالله شتكلهم
ويبطل دمعهم

انه عدهم نفس ليروح ويرد
لاتكلهم نامت ابوسط اللحد

كلهم اذا رادو يشوفوني
مو موت نوم الغمض عيوني

خلهم يجوني..وعندي راحة بال

###############################

بلفت الجفن حط عينك بنص عيني
وخل صورتك للمكبرة توديني

ابفلت عشرتي ..ختضل نضرتي
الوجهك ذكرتي

خل اروح الكبري وانتة ابالي
اهناك بس طاريك اليحلالي

من وجهك ارد اخذ ولو نضرة
بليلة وحشتي تصير للذكرة

ذكرك اماني ..وعندي راحة بال
###############################
شيعني باليل انه احب السكتة
وعليه ليهل الترب بس انتة

ومرلي اعلة كبري ..طيبلي كسري
مشتاكة تدري

ضيف روحي سير اعلة المكبرة
الخاطر ايريد اليطيب خاطرة

حط ايدك اعلة الكبر حسسني
راحة البال ابتربتي اتمرني

ايطيب جروحي ..وعندي راحة بال
###############################
ذوالفقار الزيدي

الراضية المرضية ..الحوراء الأنسية..جنت اسميهة
رجعتلي مقهورة..بضلوع مكسورة.. ولاثر بيهة

يافاطمة ..يافاطمة ..يافاطمة

##############################
لتباهلت بيهة..وامي اني اسميهة
وكلت اليأذيهة.. عد الله اذاني

السموني بالابتر..ورادوني اتحسر
جبتلهم الكوثر..وخير الله اجاني

يم الله من اسريت بشرني بيهة
كلالي بضعة وزيد ليهة ام ابيهة

وجيت انه بالبشرة ..وجبتلكم الزهرة ..سورة شاهدهة
وبس غمضت عيني..شفت اليأذيني..منسطر خدهة

يافاطمة ..يافاطمة ..يافاطمة
###############################

تحت الكسة اللمنة ..جبريل بشرنة
هُم فاطمة المعنة..سر محتوانة

لاسوة مبنية..ولاكاع مدحية
الخاطرهة بس هية..تالي الرضانة

السوة الفلك والكون ربي الأجلهة
تنشكر مو بالباب يوكع حملهة

ماتت وهية اتحن ..لملاعب المحسن.. المات ضنوتهة
بالمهد مانايم..ثالث ولد فاطم.. اه يابلوتهة

يافاطمة ..يافاطمة ..يافاطمة
###############################
راحتنة راحتهة ..فرحتنة شوفتهة
انعيش اعلة بسمتهة ..انه اويحيدر

حبل المودتنه ..وامحلية كعدتنة
ايسميهة عشرتنة .. السماهة كوثر

البعيونة يقوة الشوف جان ابنظرهة
يتخوصر ومكسور صار الكسرهة

كسرت ضهر روحي.. صارت سبب نوحي..عينهة الحمرة
المحنية احنتني.. ضرباتهة ابمتني.. بروحي السطرة

يافاطمة ..يافاطمة ..يافاطمة

###############################
الممتحنة محَنوهة.. العلويه ضربوهة
الصبحية عصروهة.. هاي المصيبة

الجفهة انفتح نعمة ..التبري الهوة الذمة
الماتجرح النسمة ..تنطك عجيبة

داينت مريم دين شَي مانقيسة
وخلفت بت عمران روح الله عيسة

حب هاجر وسارة ..والخل طفت نارة.. من كرامتهة
وانتم قهرتوهة ..وانتم ضلمتوهة ..وخذتو نحلتهة

يافاطمة ..يافاطمة ..يافاطمة

###############################
الحرة السماوية .. وليلة قدر هية
رجعتلي محنية.. مغصوبة حقهة

مابيهة شي سالم ..دافعهة جف ضالم
بكلمة وأن فاطم..للأمة شقهة

الينكل حطب للنار مايرضة تخمد
حط جرح ماينراف جفة المحمد

الدار انه لوبيهة..هم يهجم اعليهة.. بحقدة وبنارة
وهاي التأذيني..ليه فضة اسنديني..جانت ابشارة

يافاطمة ..يافاطمة ..يافاطمة
###############################

ذوالفقار الزيدي

اتواردت عدكم بالضلوع وادموع يالمهدي الصور
فاطمة انسطرت علة العين وحسين مصيوب ابحجر

وصورة للنار ..تطلب الثار ..يابو صالح
###############################

بيمن ابدي ابيا توارد وانته ياذيك الجرة
يابو دمع الدم تهلة الكل جرح تتصورة
راح اكلك عن توارد للحزن مو تذكرة
العشرة لعلة الباب هجمت ردت الجدك ترة

العشرة ذيج التدفع بحيل بالخيل رد بيهة الزمن
والتشابه ضلع الحسين مابين ضلع ام الحسن

اجروحة الكبار ..تطلب الثار ..يابو صالح

###############################
الفطرت الحايط دفعتة وكسّر اضلوع الورد
فطّر الجدك شفاهة من كثر حر الچبد
الخلة فاطم كلهة دمعة الثالث ازغار الولد
خلة الحسين الرضيعة ايشبكة شبك المايرد

المحسن الماشاف الكماط بنياط عبدالله انرسم
والمثلث جان بسمار والصار بي نفس الالم

ادموم الزغار ..تطلب الثار ..يابو صالح

###############################
الزهرة كضت خاصرتهة اويه الضلع من انعصر
حسين كض ضهرة اعلة اخية من وكع يم النهر
الزهرة فضة السندتهة كبل ما حيدر حضر
حسين يتوجه اعلة صبرةالمنكثر حملة انكسر

التجوة جانت كسرة اضهور لبخور ماتسوة الكسر
وايه الحسين اتواردت هاي بالماي من ضيع عمر

كسرت الصار ..تطلب الثار ..يابو صالح

###############################
اللم حطب للباب بيدة نفسة شب نار الخيم
الحرّك اجفوف الزجية حرّك اجفوف الحرم
الآلم الزهرة ابضربتة كرر بزينب للم
حتى بسمار الضربهة بالطفوف اصبح سهم

اشمرت الزهرة بمعانات واهات مرت عيلتك
لجن زادت امهة بالنوك والسوك تدري بعمتك

الشافت اخطار ..تطلب الثار ..يابو صالح

###############################

الزادت اعلة امصيبت امك الزينب اجروح اليسر
الزهرة وسط البيت ضلت وطلعوهة من الخدر
طفة نار الباب حيدر والخيم صارت جمر
الزهرة محد صد عليهة وهية بس جفهة الستر

يابو صالح جنك اتشوف لجفوف ستر العمتك
الهاي بينه اشتعلت النار للثار ندعي الطلعتك

وهاي الاحرار ..تطلب الثار ..يابو صالح

##############################
ذوالفقار الزيدي

حتى بعزائج يا ام عباس ايثار
يبتدي من يخلص عزاء الزهره
#################################
حتى ابموتتج يم البنين احساب
ومنيتج تجزي فاطم ماتركتيه
خليتي الليالي الفاطمية اتروح
وشيعة فاطمة اطلع بواجيهة
من اجمع حياتج تنجمع زهراء
والكاج المرة الذابت عشك بيهة
واكول ابموتتج ياعظم هالاخلاص
حسبتي المنزلة الماينعلي اعليهة

عجبني يم الوفة نكران الذات
وموتج المامتجرد من العِبرة
#################################
طبت خادمة طبيتي بيت الخير
ومافكرتي تتخذين دور امهم
دعائج بي وفة حيرتي جبرائيل
ربي اولادي فدوة السادة سلمهم
اللهي وطلبتي من جاهك ورجواي
ابيتمهم ما اريدن لحضة احسسهم
خلفتي اربعة وتقسمو فدوات
وشخلفتي كلهم فدوة للكلهم

لزينب والحسين وحسن وام كلثوم
خلفتي وين النذر ليهم عمرة
#################################
اليكلج فاطمة تخلين جف عالراس
اليكلج زينب اتكلية هاي اهواي
اليكلج عالحسن ويسولف اعلى حسين
تكليلة عمد خيمة وستر وافياي
اعلة سبع الكنطرة للرايد ايحاجيج
تكليلة نذر خلفتة يسكي الماي
اليكلج والقصد من خلفيتي احيود
تكللية حرس للحرم من الجاي

تكليلة خلفت انة اربع خدام
اواحدهم ايتاني العقيلة اتامرة
#################################
كل العندج انحط ابشليل حسين
وانتي اول بشر من ناصر الثورة
يجي ابالج الموت ابصيغة القربان
وتحجين ويروحج فدوة للزهرة
ها لو جايبة للطف بعد وليان
ها عندي زلم واحدهم ابكثرة
شاغل بالج الطف من بدة التوقيت
لحد مابشر ردلج جايب الحسرة

وبشر ابن حذلم من اجة ابطاري حسين
عيشج ضيم اوموتج منكسرة
#################################
قريتي الوارث ابطور ام كلب مشلوع
وقريتي الناحية اوونيتي للنسوة
اووصلتي الروسهم والدمع شك العين
روس الخير صارلهة الرمح تجوة
وصلتي الموت من سولفتي عاشوراء
رزية اولامثلهة اتمر بعد بلوة
واجه ابالج صدرمابي ضلع ماطاك
وكلبي الي انسحك كلتيلةلو هوة

وذيج الخيول اشسوت بصدر حسين
داست دليلج لجن بقت جمرة
#################################
ذوالفقار الزيدي

ام عباس والنعم من عدهة
بالوكفات تنذكر وحدهة
كال بالنص حيدرة
كال عن هاي المرة ..والنعم من عدهة
#################################
علي من وصة عقيل.. غايتة ايطلع كفيل ..ورايد ابطف كربلة اينزل خطر
كله نساب العرب ..نخلة حواية رطب.. هاي بت احزام وتشد الضهر
بت التسرج اعلة الخيل لاجن تكسرلهة اضهور
اهلهة بدخلت المديان رحة واعلة المناية ادور
كلة الحيد وصلّت للغاية
وللكفال حضرتهة الراية
هاي بت جود واصل
هاي شيالة ثكل..والنعم من دعدهة
#################################
طبت البيت الرسول .. وماخذت دور البتول..بدار فاطم خذت دور الخادمة
كالت انه اوصيتي وين..كوثر الله ام الحسين.. ولارض ماتعلة صيت اعلة السمة
ماكالت حسن وحسين كالت سيدي اومولاي
وزينب ماحاجتهة بيوم تسميهة ابنظر عيناي
ابعين حسين والحسن والحرة
ام عباس ماتحط النضرة
ابهاي حسبت منزلة
ابهاي هية معدلة ..والنعم من عدهة
#################################
للوفاء خلت اصول.. خلفت اربع فصول..الخدمة الخوة الفصول الاربعة
اتقاسمو كلمن فصل..بس فصل راعي الفضل.. من يمر بحسين جان اتابعة
تسولف جانت العباس للخوان صير افياي
والبس وية عزمك جود لو جابو طواري الماي
للعباس جانت اتشد عزمة
تحجي وياه كلمة احر من كلمة
شلون جان تعلمة
شلون يلزم صارمة...والنعم من عدهة
#################################
العشرة شعلتهن شمع.. صارت الزينب دمع
..وللحسن تجاية بسنين الصلح
ذات وكفات شكثر..للخدر صاغت خدر.. ابجفهة صاغت للخدر خوة ملح
ابكل موقف جبل وكفات اهل البيت يلكوهة
ابطواري الخير من تنجاب جلمة خير يحجوهة
للهل البيت نذرت شما عدهة
احدود الموت ياهو يصول حدهة
وين طاريهة يمر
وين تلكاه بي نذر..والنعم من عدهة
#################################
شحمّلت للطف زلم..هاي تسوة الونعم
حشمت لحسين كل اولادهة
سرجت اضهور الشكر..ابوجه باسم مبتشر
حاسبة احساب الحرب وابعادهة
صاحت حيهم اهل الزود وين اليمتلك غيرة
اريد اليدخل الميدان يمنة ابميسرة ايديرة
صاحت صوت حشمت ولايهة
والعباس بشري من كالاهة
حاط بالة اعلة الخدر
حاط ايدة اعلة الصدر.. والنعم من عدهة
#################################
ذوالفقار الزيدي

ام البنين امشكلة اشكال
سرجت اخيول وحشمت ارجال
كالت قصيدة ومستهلهة
فدوة الولد لحسين كلهة
حيهم على الطف ولد الثكال
#################################
رفت شواربهة الزلم من حشمت البدوية
كالت يولدي احجاية الي وارداسمع المكضية
علوية وياكم مشت لازم ترد علوية
تموتون اقبل بس شرط ماتنحجي المسبية

ربيتكم لحسين خدام
ومن الجفافي مسوية لعلام
ويكتب على الراية الحملهة
فدوة الولد لحسين كلهة
حيهم على الطف ولد الثكال
#################################
الزهرة كرمتني بعلي وارد اوفي دين الزهرة
ما اطش ماي الرجعتة الماغيرتة ادك صدرة
لسرجلة خيل الطلعتة اشرطلة يكسر ضهرة
وطبع الغيور ايذب عمر خاطر يحامي الخدرة

واشرط عليكم من تطلعون
اتخلون زينب ضي للعيون
والحاچتة اعلة الطف يكلهة
فدوة الولد لحسين كلهة
حيهم على الطف ولد الثكال
#################################

ماخلفت كالت ولد مابي ورث من حيدر
كد ما مراجل بي علي مورثهة حتى القنبر
رسمولي خطة معركة خلوني اصد واتفكر
منانة ابو فاظل يطب منانة يدخل جعفر

عبد الله غاد اهنانة عثمان
طبو الحرب سوهة ميدان
العباس خلي ايهوسلهة
فدوة الولد لحسين كلهة
حيهم على الطف ولد الثكال
#################################
الخيل مسروجة الزلم منهم اناطر قصة
اعلة اربع جهات المعركة كل زلمة ماخذحصة
امحشمة اليعشكون الحرب من تثكل ومرتصة
ولوماي شح ابكربلة متروسة ماي الكصة

يعطش اخوكم ما اضن هاي
غيرت كصصكم منبع الماي
واشفافة غيرتكم تبلهة
فدوة الولد لحسين كلهة
حيهم على الطف ولد الثكال
################################
جلمة الخال ابكربلة من الفاكرة تشطبوهة
لا تتعب وطارش تدز بذن الشمر خلوهة
اطلابة هواشم ماتفض بالمعركة ايفضوهة
زقوم خضرت كربلة وجاييكم ايحصدوهة

الروس الشبه من الشياطين
ماتبقة كلهة ويبقة الحسين
واسيوفك المسمومة سلهة
فدوة الولد لحسين كلهة
حيهم علة الطف ولد الثكال
################################
ذوالفقار الزيدي