ذو الفقار الزيدي
الفكدت اخـوان ..هاية زينب
العاشت احزان. .هاية زينب
المن زغرهة اتيتمت. .وايامهة جروح انكضت
وتكيدت وتيسرت.. هاية زينب
ـــــــــــــــــــــــــــــــــــــــــــــــــــــــــــــ
من زغرهة..اشكد قهرهة..عدهة قصة ويالمدامع ..من زغرهة
ياصبرهة..كل عمرهــة..تلاوي بجفوف المواجــع..ياصبرهــة
تكوم من حيرة تطيح بحيـــــرة
ساعة حركة خيم ساعة ايسيرة
ساعة عدوان عذبوهة.. ساعة بحبال كيدوهة
كل المصايب شاهدت..وبفكد اهلهة تلوعت
وشكد مآسي اتجرعت ...هاية زينب
ـــــــــــــــــــــــــــــــــــــــــــــــــــــــــــــ
عالترايب ..الحبايب..مطشرين ورود جنهم..عالترايب
المصايب..والعجايب..شوفــوهة من بعدهم..المصايب
ابحالهة اشسوة نهار العاشر
تحير بالعيلة تحير تكابـــــر
اعليهة مرت والله حيرة.. بالزغيرة وبالجبيرة
بالعيلة كلهة تحيرت..وكل الهموم اتحملت
ومن المصايب شيبت..هاية زينب
ـــــــــــــــــــــــــــــــــــــــــــــــــــــــــــــ
شلون ليلة..عالعقيلــة..الوحشة وبياحالة مــرت..شلون ليلة
شكد ثكيلة..اعلة الكفيلة..من تشاهد نسوة فرت..شكد ثكيلة
ليلة مرة وما بقـــة يمهـــة كفيـــل
وتنطر يمرهة علي حامي الدخيل
علي مرهة بكل حدادة..شمري كالت ياسوادة
شافت سوادة تعجبت..حيدر حضرهة ومادرت
وروحةاعلة بتة تعذبت..هاية زينب
ـــــــــــــــــــــــــــــــــــــــــــــــــــــــــــــ
طر صباحة..بكل كباحة..لهدعش مو يوم اكشر..طر صباحة
من نياحية..ومن جراحة..حتى عرش الله تفطــر..من نياحــة
الظلهة ماينشاف بي شافوهـة
وبشماتة اعلة الهزل ركبوهة
صرعة وليان شاهدتهم..ومن عالى النوك ودعتهم
رفعت اديهة اودعت..ودموعهة اعلة الخد جرت
وتحاللت وتواهبت..هاية زينب
ـــــــــــــــــــــــــــــــــــــــــــــــــــــــــــــ
عالمحامل..مو عوايل..ريحة الله ركبوهة..عالمحامــل
هالقوافل..الهة كافل..روس اهلهة يحرسوهة..هالقوافل
ابو فاضل مايموت احساســـــة
والرمح محروك من حر راسة
زمجر الراس من خذوهة..وشاف بالسوط يضربوهة
نيران راسة توهجت..من شاف اخيتة اشكد بجت
وبيهم الشامت من شمت..هاية زينب
ذو الفقار الزيدي

ذو الفقار الزيدي
ياخوية حسين .. وسفة انكطع بيك النفس
ياخوية حسين .. ويسحك علة صدرك فرس
ياخوية حسين .. والحافـــــر بضلعك غرس
ياوسفة جروح....ياوسفة جروح

ـــــــــــــــــــــــــــــــــــــــــــــــــــــــــــــــــــ

مخضر بضهرك رمح..بكل كتر منك جرح
اه جسمك..وصلة وصلة ..مكطعينة وعالثـــرة
عضــــــم منـــك ماسلم..سلبو حتة الهـــــدم
وحتة جفك..ياحسفـــة..منة كطعـــو خنصـــرة
وسفة نايم عالترابة الشمس غيرت لونك
كون ابوية وامي هسة يمــــك يشوفنـــك
تنجوي بحر الرمل ياخويــــة ميخلونــك
بلشيلة فياي .. امـــــــي تضللك يخـــــي
بلشيلة افياي .. جابتلك من الجنة فـــــي
بلشيلة افياي .. وحيـدر يجيك ابجفة مي
والزهرة تنوح....والزهرة تنوح

ـــــــــــــــــــــــــــــــــــــــــــــــــــــــــــــــــــ
عيونك الحلوة انطفت..بسمتك ذيج اختفت
وحتة لونك ..صاير اسمر ..والشفايف ذابلـــــة
وشيبتك ذيج البخـــت..من دماك اتخضبت
ارسوم وجهك..غيرتهن..كل مصايب كربلـــــة
نور وجهك جان يسطع تارس الدنية امــن
وهسة كل ذني المعاني اتغيرن من الحزن
وضلمت الدنية علينة اعيونك ابيوم انطفن
جانت لرسوم .. ليصـــــدهن ايحس ابامـــل
جانت لرسوم .. نور الشمس منهــة اشتعل
جانت لرسوم .. شمعة وتضوي اعلة الاهل
مأمن كل روح....مأمن كل روح
ـــــــــــــــــــــــــــــــــــــــــــــــــــــــــــــــــــ
والشمر وسفة وآفـــــــة..ذابحك من الكفــــة
شلون خنجر ..كص وريدك..عروة الله بمنحــرك
وياحزن داست خيول. موضع الحبة الرسول
وين طـــه.. عنــي هسة..خل يعايــن منضـــــرك
كون طه ايمر علينة حتى تنضر عينـة
امتة الخانت البيعة التمت اعلة حسينـة
هاذ يضرب ذاك يطعن هذا شك جبينة
ردت لحزاب .. بنفس الحقدنفس الفكــر
ردت لحزاب .. مارادت الحيدر ذكـــــــر
رد لحزاب .. واخذو الثار مــــن النحــر
حسينة المذبوح....حسينة المذبوح
—————————————————

ارد اخبرك عن جرح..باجر يطرح الصبح
نوك هزلة ..محضرية..ونركب الدرب السبــــي
الناكة يحديهة الشمر..والخدر ميضل خـــدر
ايكيدوهة..ايعذبوهـــــة..كــــل عيالات النبـــــي
تعرف ابزجر وخولة خوية ماعدهــم رحم
لومشينة اعلة الهزيلة شراح يحصل للحرم
وعرفو العباس طايح نايم بصفـــــــة العـلم
بعد العباس .. وسفة الشمر يحدي الضعن
بعد العباس .. كلهــــــن خواتــــــك ينسبن
بعد العباس .. الدرب الحــزن كلهـن مشن
للشام نروح....للشام نروح
ـــــــــــــــــــــــــــــــــــــــــــــــــــــــــــــــــــ
السبي محضر الهضم.. وللكلب حضر لجم
والرمـــــاح..محضريــــة..عليهــة تتـــعلك رؤوس
وفرجة نصبح للبشر..ويوكع علينة النضتـر
هاذ يشمت..ذاك يشتم..وتفـرح ضعاف النفـــــــوس
زينبك تصبح يسيـرة وتنضــر عليهـــــة الخلك
من بعد ماجان خــــدري ينتــوخــــذ منـــة علك
وخوية من عين اليصدلي بكل دقيقة انة احتـرك
خوية الديوان .. متحضر لموقــف طشت
خوية الديوان .. احسب لون شفتة متت
خوية الديوان .. هم سامع بيوم دخلـــت
والهم مطروح ..والهم مطروح
ذو الفقار الزيدي

الدنية مابيهة دفو..وانة وحدي بلا اخو..يحسين عفتوني
ياكل بحيلي القهر..الله لا ينطي النهر. .ذبلهن عيوني
#######################
الصبح نوح المسة جروح عليكم هذا حالي واطبك الونة علونة
النسة احباب بلتراب تهد حيلة الطواري وذكرياتة
ايعذبنة
شلون بية يخوتي والموادع صعب
انة وحدي غريبة ودمع عيني يصب
وتنتضرني مواقف سبي بذاك الدرب
يهلي محتركة العبي..وراح اروحن للسبي..وتزورك متوني
ياكل بحيلي القهر. .الله لا ينطي النهر. .ذبلهن عيوني
#######################
تقبلون يصيحون اخذناهم سباية وتنجتف بحبال ادينة
ينيام للعضام وصل لسياط المهة ومن ضربهة تلوعينة
السوط قاسي يخوية تعرفة موترف
طاح متني بضربتة وعلي ماضل جتف
والهزيلة تبلل ضهرهة من النزف
بللت ضهر الهزل..بدمي ودموعي التهل..بكل قسوة ضربوني
ياكل بحيلي القهر. .الله لا ينطي النهر. .ذبلهن عيوني
#######################
الشمرصاح علة ارماح الروؤس اتربطوهة وكولو ذن روس الخوارج
ويشمات حرامات اروحن من بعدكم وكل هوة الله عليه ضايج
اشلون اروحن يخوية وعلي حادي الشمر
يعني ليلي اسهرة وطبكة اعلة الضهر
حتى اماني اضيعة بطلعتي وية الكفر
خوية من ضيم الشمر..شهكت انفاسي جمر..بالروس عذبوني
ياكل بحيلي القهر. .الله لا ينطي النهر. .ذبلهن عيوني
#######################
الدوواين يالحسين اطبن ليهة صعبة وانة مامتعلمة اطبهة
تمنيت لون جيت تشاهد حال اخيتك منهة كطعو بت كلبهة
لو تمرني وتشاهد علي ضيم السبي
ترضة خوية تصدلي عيون الاجنبي
صعبة تمشي سباية عيالات النبي
لجنبي من يصد علي..روحي اضمهة ابين ادي..خافن يشوفوني
ياكل بحيلي القهر. .الله لا ينطي النهر. .ذبلهن عيوني
#######################
بليتام اطب شام اعلة باب الساعة حيلي يوكع وهالطبة كشرة
علة يزيد صبح عيد وعلي ذني المواقف تدري بيهن حيل مرة
خوية راسك علة يزيد يدخلونة بطشت
وي رقية علة الراس لون ماتت متت
بعمري شلي اعيشة بخرايب لوبتت
علية هالموقف صعب..للخرابة من اطب..ولو بيهة خلوني
ياكل بحيلي القهر. .الله لا ينطي النهر. .ذبلهن عيوني
#######################
ذوالفقار الزيدي

ذوالفقار الزيدي
خادمك ..للخدمة ناذر حياتــة
خادمك..من مولدة لحد مماتة
خادمك..عدة الحسين شغلاتة..خادمك

ــــــــــــــــــــــــــــــــــــــــ

ياعشك فاز الينولة..الانتة حبة من الطفولة
تبقة عشكة لحد كهولــة..وللممات
العاهدك يبقة اعلة حبك..مايغير هذا دربـك
يبقة ماشي وراضي ربك..للممات
يانعمة الله اعلة البشر وانتة الهديـة
وشما نصد الاخــــرك نلكاه بدايــة
عاشكك.. باقي اعلة لذة طريقك
عاشكك.بالجنة باجـــر صديقــك
عاشكك..بس انتة يعرف نجاتة..خادمك

ــــــــــــــــــــــــــــــــــــــــ

ياوصف مايوصفونك..شنهي طعم الدنية دونك
خاين الباري اليخونك..ياشريف
يابعيد اعلة الصلافة..بس قريب اعلة اللطافــة
ياوطن كلك ترافــــة..ياشريــف
يمعلم اقلام الأدب فن الوصافــة
يادولة مابيهة دغش كلك نظافة
ياوطن..بس بامامة يتجســـد
ياوطن..وحدودة طيبة محمـد
ياوطن..حاير بكل ذن صفاتة..خادمك
ــــــــــــــــــــــــــــــــــــــــ
محير الدنية اعلة صبرك..حطو السيف اعلة نحرك
ماترك ترتيلة ثغرك..ياعجيب
موقفك ميوصفة شاعـــــر..من بقيــــت بلامناصـــر
ياحسين شكد موكابر..ياعجيب
واكف جبل خشم الهوة انطك ابوكفتة
وحزنك مثل ماتشمر شماغك شمرتة
كابرت..حزنك بضهرك رميتة
كابرت..مهر المنية اعتليتـــة
كابرت..ومنك تعلم اباتة..خادمك
-------------------------
مر خدمكم بالمجالس..شاهد شورثهة عابس
لمن تهدل الملابس..بلطم
مصيبتك مايتركوهة..والجنون الي ورثوهة
بالمجالس طلعوهة..بالطم
مر عالخدم شاهدهم ابنص المجالس
متواريثين الفكرة من جنون عابــس
لوتمر..تشوف الجنون بعزائك
لوتمر..تلكـة اليدور رضائــــك
لوتمر.. بلعزة يموت امنياتة..خادمك
ــــــــــــــــــــــــــــــــــــــــ
خادمك ماعندة نية..من يواضب عالعزية
بس رضة الزهرة الزجية..غايتة
والثمن لا مايردية..من يوسم صدرة بيـدة
يوصــــل بهاي العقيــــدة..غايتة
عندة عقيدة الزهرة للمجلس تحضـــرة
من يحضر ابنص العزة رايدلة نضـرة
معتقد.. امك تجي اعلة العزية
معتقد..يحضة برضات الزجيـة
معتقد.. من ربة حصل رضاتة..خدمك
***********
ذوالفقار الزيدي

من زغري وخدمتك رابي بيهة
وبعدني عايش اعلة الله وعليهة
ــــــــــــــــــــــــــــــــــــــــــ
من زغري الطريقك حزموني
وشكراً للاهل بي عرفونـــــي
وموش كماط بسود كمطونــي
وبقرايات حمــــزة ينومونـــي
ماجانو يلولولي..بس عليك ينعولـــــــي
وبسمك من يناغولي..حسيناه
وانة تغورك عيوني..لن بيهة يوجعوني
وصرخ حيل بجنوني..حسيناه
من زغري الدربك دلوني
ــــــــــــــــــــــــــــــــــــــــــ
ازغير وعلمونـــي اعلـــة المجالس
لحـد مافرزنولـــي جنـــون عابــس
وعرفت شيعني من طرت الملابس
العاشك من جنون يحسهــــة واهس
من عابس قضية ادل..عـن اليلطم مهدل
تلكة بكلبة لو تدخل..حسيناه
العاش جروحك بكلبة..تلكة النار ملتهبة
ومنة تسمع الندبة ..حسيناه
من عابس ماخذهة جنوني
ــــــــــــــــــــــــــــــــــــــــــ

وكبرنا وهالعشك فطـري عـرفناه
وحنانك جــن حنان امــــك لكيناه
وبعدنة علــة العهـــد ذاك الكتبناه
ابــــــــد والله ماننســــة حسينـــاه
العهدك لا منتبـرة..انريد نوافي الزهــــرة
وياهة نصرخ بحصرة ..حسيناه
اشنعوفك ونتة نعمتنة..طريق الباري عرفتنة
ماننســـــة كلمتنــــــة..حسينـــاه
والخادم ناذرلك روحة

ــــــــــــــــــــــــــــــــــــــــــ

دربكم نفتخر مــــن ننتميـــلة
وحك جرح الحبل بيد العقيلة
غــدا لاجـاه ينفــع لا قبيلــــة
غير حسين ماعدنـة وسيلـــة
اعلة صدرة المايدك ايدة..باجر محد يفيدة
بس الجان تجويـــــدة..حسيناه
ودنيا واخرة نتبعك..بلكت ننحسب ربعــك
يصوت الحق لنسمعك..حسيناه
وبالجنة الخادم جيرانة
ــــــــــــــــــــــــــــــــــــــــــ

مداد ادموعنة من الغاضرية
وتعلمنة الجروح الزينبية
لكينية الحرة كتبت بالوصية
احيوهة الشعائر بالعزية
من زينب تعلمنة ..انعضمهة شعايرنة
تضل صرخة ضمايرنة..حسيناه
ولا فديوم ملينة..شيمل العاشك حسينـــــة
شما منعونـــة نادينـــة..حسينــاه
زينب علمتنة اعلة الونة
*******
الخادم ذوالفقار الزيدي

دربك يحسين ..علمني اصاحب عن فكر
دربك يحسين..ما اصاحب اشباه الشمر
مدرسة انتة وعلمتني بطينة اصحابي
###########################

البشر مثل المعادن والطبع من معدنة
والكلب موطن تصرف كل قياس بموطنة
وذني مضموات كلهن جوة طي الالسنة
وكل شخص ينقلة صورة عن صبغتة وديدنة
ونة ابدربك لكيت الروح تحب المثلي فاهمني
القنعتة ابفكرتي اعلة حسين وفكرتة عليك قنعتني
اوياه تساويت ..نفس الفكر نفس الدرب
اوياه تساويت..نفس العشك نفس المحب
بهذا دربك جمعتهم ناسي واحبابي
مدرسة انتة وعلمتني بطينة اصحابي
###########################
علمتني اشلون اميز الليل من وجه الصبح
الكلبة اسود ما اريدة اختار صحبان الملح
عايف اصحاب المساوء ربعي لتطيب الجرح
صاحب الخدمة لكيتة وغيرة صاحب مايصح
شفت خدامك ايوافون مواقف ترسو الخوة
اهل وكفة يربع حسين ويكضهم ملح المروة
شفت الخدام..اهل الصدك اهل الشرف
شفت الخدام..خوتهم احساس وترف
الكيت ليوافي الصداقة بخدمتك رابي
مدرسة انتة وعلمتني بطينة اصحابي
###########################
قد تركت الخلق طراً ياحسيناً في هواك
وكمت ادور عالصداقة البيهة يشملني رضاك
ماتهمني الناس كلهة ايهمني كون ابقة معاك
وية لطامة مصابك وية كل واحد نعاك
ادور الي يمر حسين اعلة كلبة وتنزل دموعة
ودور ابن الوكفلك عون وادور الامة جن طوعة
والكيت اصحاب..الهاي القضية مناصرة
والكيت اصحاب..ولد الحليبة الطاهرة
البيهة اصبعي ما اشوفة عضة انيابي
مدرسة انتة وعلمتني بطينة اصحابي
###########################
صاحب النية السليمة صاحب الخدمة يضل
كلبة طيب جنة كلبك طبعة اسهل من سهل
مايطش بعيوب ربعة ايروف للخوة ويشل
الخادم يعثر اليضدة وشارتة براعي الفضل
لكيت ابخادمك ميزة ابكثرماطيب ايشور
يدور الزينة للصحبان وغير الزينة ميدور
ليدور الزين..جملهة صورة صاحبة
ليدور الزين..من حاضرة ومن غايبة
موش ذاك الكال حزني ابصبغة اثيابي
مدرسة انتة وعلمتني بطينة اصحابي
###########################
باجر ابيوم القيامة اتبين الوان الكتب
وتطلع اصحاب الخباثة ويطلع الابيض كلب
باجر المحشر يشاهد لمن الزهرة تطب
تنادي وينة الناصر ابني والمجالسنة محب
باجر بالحشر فاطم تنادي وين اليحبنة
ابمواكبنة ونصيح اهناك يحسين ابضمايرنة
ونقيم اهناك..مجلس عزة وي فاطمة
ونقيم اهناك..ابذيج الحشود اللاطمة
ياحسين ايضل شعار ابنبرة جوابي
مدرسة انتة وعلمتني بطينة اصحابي
###########################
ذوالفقار الزيدي

ذو الفقار الزيدي
اذا السماء انفطرت يعني طلع للمشــرعة
عباس سيفة بيمنتة والجربة تقرة الواقعة
طلع والسيف يطك بيه بحمية
بعد عباس كفيل الهاشميــــة

ـــــــــــــــــــــــــــــــــــــــــــــــــــــــ

بعد عباس الكفــــل..والنعم مــــن البطــل
بيوم كال الروح الج مذخورة
وزينب بيوم انتخـت..وابو فاضل حشمـت
كام اسرافيل حضر صــورة
راد ينفخ بس وكف..شاف من الخيمة جف
ايأشر اوكف بعد ما مأمورة
خل يجي منهة الأمـــر..وانة رداد الشمـــر
الة اخليهة الجثث منثــورة
اذالجيوش انكدرت اعلم وصـــل يمهم خبـــــر
عباس صمصامة انكشف وتعنة مجزرة النهر
النفخة بالصور خليهة علية
بعد عباس كفيل الهاشميــة
ـــــــــــــــــــــــــــــــــــــــــــــــــــــــ

طرق ناقوس الجنود..منخذ من زينب الجود
ورتل السيف بركبهم قارعـــــة
كبر وللحومة طب..نادة حي اعلة الركــــب
وخلة روس من الاجساد مفرعة
عالترب لامايدوس..كام يمشي اعلـة الروس
وجسر من الروس مد للمشرعة
من وصل يم النهر ..الماي من خوفة انسجر
وضاكت بعينة الجروف الواسعة
اذا الشريعة انسجرت من شافت بعينة الغضـــب
يعني ابو فاضل من هجم حتى الهوة منة انرعب
والهوة الهاب حس طعم المنية
بعد عباس كفيل الهاشميــــــــة
ـــــــــــــــــــــــــــــــــــــــــــــــــــــــ
نادة يازينب تعاي..كلشي ماضل بكفــــاي
الكنطرة المزدحمة صارت هيمة
جانت محاشك زلم..وكـام كـــفالـــج يلـــم
ويطش بيهم لمن صارو غيمــة
هذا واقع مو خيال ..مطريت الطف رجال
جيمة توكع وارجع اشمر جيمة
لحد مادربي سلك..صرت للشاطـــي ملك
شيدتلج يختي عالشط خيمـــــة
اذا الرجال بعثرت ونترست اشلاء التــــرب
يعني القصد من صولتي رايد اسويلج درب
والدرب صار ملك للفاطمية
بعد عباس كفيل الهاشميــة
بنة خيمة اعلة النهر..هية مارادت قصــــر
جا بنة قصور وعلة ابنيانهـــة
الترس كاع الطف دماء..يوكف بوجهة بناء
وهوة طك فرسانهة بفرسانهة
غايتة يرضيهـــة بس..صار للخيمة حرس
الهوة ماخلا وصل صيوانهة
قطعة حط للتذكرة ..ابتعدعبرة كنطــــرة
لا اكور كربلة بسكانهــــــــة
اذا الطفوف كورت ونخبطت اتراب وبشر
معناهة واحد للخيم متقرب اصبع لو شبر
شارع الموت حدود الزينبية
بعد عباس كفيل الهاشميـــة
ـــــــــــــــــــــــــــــــــــــــــــــــــــــــ
علي من وصة عقيل ..غايتة يطلع كفيـل
يكفل الحرة وتضل بركبتــة
راد وحدة بت اصل..رحم عدهة يحتمـل
يحمل العباس هوة وغيرتـــة
ونعم من ام البنين..خلفت ضهر الحسين
هم كفيل اختة وفدائي الخوتة
خلفت قاطع ركب ..زلمة ماخذ عالعرب
يكتل بسيفة ويموت بشارتة
اذ النفوس زوجت حيدر واخـــذ ام البنيـــن
القصد من هذا العرس يطلع فدائي للحسين
وحارس اضعون خدر سيد البرية
بعــد عباس كفيـــــــل الهاشميـــة

ياكفيلي اتحيرت..شرد اطشلك لورحت
شرد اطشلك ماكو ماي
خوية راح اعكد عباي..لورحت
#################################
الجيتك ياخوية راح اعكد عباتي
غالي وعرف عندك شمكبر غلاتي
يارباي وبيك شمغزرة برباتي
راح ندعي الجيتك انة وخواتي
راح انشرلك بعد ..عليك اخاف من الحسد
حتى أمن لينة جاي
خوية راح اعكد عباي...لورحت
#################################
من الدمع ياخوية راح امسحهة عيني
هية حسبت روس مكطوعة وتجيني
بيك ياعباس ما يغلط يقيني
حتى لو ميت وصيحك تعتنيني
بس اصيحك تنتفض..للخيم ترجع ركض
نخوتك معروفة هاي
خوية راح اعكد عباي..لورحت
#################################
اجدع خشوم وتعال احجيلي بيهن
المراجل بالحرب اعشك حجيهن
متانية النسوة الخبر راح امشي ليهن
حتى اكلهن محد اليسلب عبيهن
راح اكلهن كافلي..راح يكلبهة وعلي
الجيش يبقة بغير راي
خوية راح اعكد عباي ..لورحت
#################################
علك من الشيلة هذا اتشدة بيدك
اتشمة وتطب الحرب ياخوية اريدك
وانة اعرف عايشة بدورة وريدك
اطلع وخلي الزلم تصبح عبيدك
الكال ايسرهن يرد..الفارس تخلي عبد
يانجم عالي ابسماي
خوية راح اعكد عباي ..لورحت
#################################
خوية رفت شاربك تسوة قبايل
والمراجل ماتحب غير المراجل
ضاع عمرة الكابلك والبينة عايل
هاي حومة وانتة عباس ابو فاضل
خوية ادخل للحرب..بالركاب ابدي الضرب
بيك ماضايع رباي
خوية راح اعكد عباي...لورحت
#################################
ذوالفقار الزيدي

نقل راروي المعاناة..الجروح الطف طفلتين
يتيمة المسلم تنوح..يتمة تون للحسين
#################################
وحدة بالكوفة ابوهة يضل غريب
وحدة خد والدهة عالغبرة وتريب
اثنين عاشن جرح فكد الحبيب
الراح ابوهة امن الزغر بالهم تشيب
التيتم يعرف احساس..جرح هاي القضيتين
يتيمة المسلم تنوح..يتيمة اتون للحسين
#################################
العاش نفس جروحن نفس المصير
يعرف اهات الزمن لمن يدير
اليتم كلش صعب وية الزغير
الكون اسود كلة بعيونة يصير
الشبع من دنيتة جروح..عرف بالقصة جرحين
يتيمة المسلم تنوح..يتيمة تون للحسين
#################################
العندة غالي وجدمة خط اعلة الكبر
وية طولة ايريد يتفصل صبر
والحزن مر بيهن ابوكت الزغر
صار منجل حش الهروش الخضر
الابوهة للكبر راح.. دمعهة ايذبل العين
يتيمة المسلم تنوح..يتيمة تون للحسين
#################################
يعرف اوجاع البعد بس الجريح
العاش عمرة ابلا ابو عاش بشحيح
الناعي يكتل لوخبر غالي يصيح
الدافن ابجفة الورد مايستريح
التوادع وية الورود..ونينة ابجي صوبين
يتيمة المسلم اتنوح..يتيمة اتون للحسين
#################################
الحالهن حتى القهر ميت قهر
الثكل حملة ايريد ليشد الضهر
يكثر الشيب الوداع شما كبر
وهنة كل ساعة وعليهن مر خبر
عليهن مرن اخبار..الخبر ياخذلة عمرين
يتيمة المسلم تنوح ..يتيمة تون للحسين
#################################
ذوالفقار الزيدي

ذو الفقار الزيدي
يالمنية ما أجيتينـــي بصباح العاشـــــر
سئلي الكيود البدية شكثر جنت مناطر
علةالحال الصرت بيه....الموت بشراية اشتريه
يالمنية ماأجيتيني بصباح العاشر
ــــــــــــــــــــــــــــــــــــــــــــ
سئلي كلشي يالمنية شنهوصار بحالــــي
اهلي راحو من ادية غالي يتبع غالــــي
ليش ماجيتيني بالطف ضل مكانج خالي
شعنده باقي بهالحياة المنة راح الوالـــي
الراح ابوه وراح اخوه وعمـــة من عندة مشـة
بعد شلة بهالحياة وعمــــــرة المــــن عايشــــة
وفوك هذا مكيديه....الموت بشراية اشتريه
يالمنية ماأجيتيني بصباح العاشر
ــــــــــــــــــــــــــــــــــــــــــــ
واكف اباب المخيم وانتظر يمتــــة تجيــــن
ترست عيوني المواقف لحد ماطفتلي عيــن
وعين طفتهة الفجيعة من بقة وحدة الحسين
انه يمة ومانصرتة وهوة باقي بلامعيــــــن
بلانصير ولامعين يصيح هل مـــــن ناصـــــر
صوتة من يوصل الجيش الصدى يرجع كافر
وانة بس انظر علية....الموت بشراية اشتريه
يالمنية ماأجيتيني بصباح العاشر

ــــــــــــــــــــــــــــــــــــــــــــ

اشتعلت النار بخيمنـــــة والنساء اتسلبـــــت
وانه باقي بأنتضارج ها اجــــت ها ما أجت
يالمنية الموتة حسرة منج بكلبــــــــي بقـــت
اتأخريتي وشفت زينب عمتي كدامي انسبت
ردت اموت وعمتي زينب مااشوف البيهة
مكيدة بكيد السباية والشمــــــر حاديهــــة
وتشكف السوط البديه....الموت بشراية اشتريه
يالمنية ماأجيتيني بصباح العاشر

ــــــــــــــــــــــــــــــــــــــــــــ

ضلت امنيتي الوحيدة الموت لو بيــــة يمــــر
الكبر بي عصرة وحدة واني كلساعة انعصـر
ليلة الوحشة العشتهة ادهة مــــن ليل الكبـــــر
كون ماشي بدرب موتي ولادست درب اليسر
كون رايح عمري مني ولا رحت هالروحة
الموت اهون من معاناة اليسر وجروحـــة
ميت ولاماشي بيه....الموت بشراية اشتريه
يالمنية ماأجيتيني بصباح العاشر


ــــــــــــــــــــــــــــــــــــــــــــ

طبت الديــوان تكتـــــل آه مــــن طبينــــة
الناس صارت كلهة عين وبس تصد علينة
ارد اسئلــــــج يالمنيــــة ليش ماجيتينـــــة
كبار وزغار اعله جيتج ننطــــر تمرينـــة
ماجنت بس انه اتاني العيلة كلهــــة متانيـــــة
وتحسب احساب اعلة جيتج ثانية اعلة الثانية
وكت جيتج ناطريه....الموت بشراية اشتريه
يالمنية ماأجيتيني بصباح العاشر

ذو الفقار الزيدي

حسين خليني بهواك
ضايع انه ابلارضاك
هاي نعمة الحمد لله والشكر
مدلي جفك خلي بالخدمة استمر
#################################
بكلشي قابل وين متخليني
ابحبك اعمة وكلبي ليدليني
علمتني الخادم اتسميني
ابغير بابك ما امد جفيني
ياغرام..خل اذوب ابعالمك
من زمان..حلمي اصيرن خادمك
كلبي بس يحجيلي بيك
عايش اعلة الله وعليك
الك حبي وياي رابي من الزغر
مدلي جفك خلي بالخدمة استمر
#################################
هاي رحمة وخلني عايش بيهة
هاي بس الخير الي ابتاليهة
حسين نيتي بخدمتك صفيهة
الخدمة نعمة وكلشي ميضاهيهة
ياكريم..ضاكت انعامة الخدم
بلكي اصير..طافي جمرة من الخيم
يلي كلبي عليك ذاب
ومن مصابك راسي شاب
وياك اريد شعندي بشباه الشمر
مدلي جفك خلي بالخدمة استمر
#################################
من علية احسبني من احبابك
ارد اصيرن خيط اشل اصوابك
يالخذت روحي علك لبوابك
اخذ كلشي وعوف نار مصابك
للمصاب..ارد اون طول العمر
ومن اموت..ابقة اذكرك بالكبر
ابقى اصيحن ياحسين
ولحدي افطرة امن الونين
ونعى لمصابك ونة ابوسط الكبر
مدلي جفك خلي بالخدمة استمر
#################################
امنيتي خادم مجلسك يحسين اصير
حتى ماضل بالكبر وهوالة احير
ومن جهنم مايمر بية زفير
ولايطّول احسابي ناكر وي نكير
لويجون..مااضل بحيرتي
انة غاد ..بيدي دفتر خدمتي
منكر ايسد الكتاب
ايكلي باجي اعلة المصاب
ومن نكير اسمعهة بالجنة ابتشر
مدلي جفك خلي بالخدمة استمر
#################################
بالحشر تتغير اوجوه البشر
اهناك خوف اهوال واحداث وخطر
ونلكة للخدام مفتوح الممر
والي زغر اسمة كدامك كبر
اهناكة خوف..والخدمكم مطمئن
مايضيع..الناشر اعليكم حزن
وانة لابسلك سواد
رايد انجي من المعاد
بالقيامة خدمتك هية الذخر
مدلي جفك خلي بالخدمة استمر
#################################
ذوالفقار الزيدي