قصة دمع عين..زينب والونين
تبدي ابدفع باب ..تنهة بدواوين
#################################يزهرة ..من بعدج اذوهة عذبوهة خطية
يزهرة .. والدنية دمعتهة خلتهة جرية
يزهرة .. خيمتهة حركوهة واخذوهة سبية
والله من طفوهة عينج عينهة خاوت سهر
وزيدت جروح العقيلة من طفت عين الكمر
حاني ضهرة يعيش عمرة الفاكد حزام الضهر
واليبدي بجروح..يكضي العمر نوح
والتبدي بدموع ..تنهة بدواوين
#################################
ابزغرهة..ماشافت الراحة والراحة بعبيدة
ابزغرهة..يالزهرة غربتهة عشيتهة وحيدة
ابزغرهة .. ياوسفة دنياهة وياهة عنيدة
الراحة زينب فاركتهة يالزجية من الزغر
وبتدة وياهة دهرهة بدفعت الباب وعصر
شيّنهي عمرة البل مأسي مبتدي وياه العمر
والدنيتة اتجور ..يكضيهة مكسور
وهاي المعناة..تنهة بدواوين
#################################
جرحهة ..بخوتهة دهرهة كسرهة بالطفوف
جرحهة .. ضل ماضي بالحرة يالزهرة ومنو يروف
جرحهة..شيضمدة والكافل بوفاظل بلا جفوف
ياجفوف اتشل جرحهة وبو فاضل مالة جف
باكت اسنينة المنية وضيعت ذاك الترف
ابطيحت العباس زينب كلشي من عدهة انخطف
وضل وحدة لحسين ..ورادلتة ليعين
وتدري بغربتة..تنهة بدواوين
#################################
خيمهة..لخوتهة سوهة حركوهة عليهة
خيمهة..بلاحامي والغربة ياوسفة تجيهة
خيمهة..من شبت اخذوهة كيدوهة منديهة
وبعد ماحركو خيمهة خيم اعليهة الحزن
الكيد ياكل بالجفوف السوط ياكل بالمتن
يالزجية وكل بناتج عالهزل يسرة مشن
محملهة سلبوه..وبهزلة بدلوه
وهاي الجراحات..تنهة بدواوين
#################################
سبية ..زينبكم الحرة ياحسرة يسمون
سبية.. الكيدوهة تتوجع من تسمع يشتمون
سبية..والغربة تاذيهة وعليهة يصدون
الضلهة ما منشاف وسفة تطلع ابين الزلم
والنضر يثلم كلبهة وشوفي بيهة اشجم ثلم
امن الدواوين العقيله اجروحه شبعت لجم
وزينبكم اتبات ..وسفة ابخرابات
وكل هاي السنين..تنهة بدواوين
#################################
ذوالفقار الزيدي

يزينب المضلومة..يزينب المضلومة
#######################
ضليتي وحدج بالغرب
متنج تحضر للضرب
طاحت اخوتج عالترب
محرومة من ماي الشرب
ليلج طفوهة انجومة..يزينب المضلومة
#######################
كطعو كفيلج يمنتة
وفوكاهة طاحت يسرتة
بزنودة شابك رايتة
لا عاف جودة وعافتة
بس ماحلتلة النومة..يزينب المضلومة
#######################
لحسينج انحز النحر
والراس جفوف الشمر
سحكت الخيل اعلة الصدر
الله اليعينج عالصبر
ومسلبين هدومة..يزينب المضلومة
#######################
الله اليعينح عالسبي
ايصبرج علة حرك العبي
صبري بعيالات النبي
لن صعبة يحديهة اجنبي
لن قصتج محتومة..يزينب المضلومة
#######################
اطبين للمجلس وسف
مو هذا طبعج لنعرف
يامدرسة عفة وشرف
لمصيبتج كلبي نزف
اليجزع الج مالومة..يزينب المضلومة
#######################
ذوالفقار الزيدي

الفكدت اخوان ..هاية زينب
العاشت احزان. .هاية زينب
المن زغرهة اتيتمت. .وايامهة جروح انكضت ..وتكيدت وتيسرت.. هاية زينب
.........................................................
من زغرهة ..اشكد قهرهة. .عدهة قصة ويالمدامع ..من زغرهة
ياصبرهة ..كل عمرهة. .تلاوي بجفوف المواجع. .ياصبرهة
تكوم من حيرة تطيح بحيرة
ساعة حركة خيم ساعة ايسيرة
ساعة عدوان عذبوهة.. ساعة بحبال كيدوهة
كل المصايب شاهدت ..وبفكد اهلهة تلوعت ..وشكد مآسي اتجرعت ...هاية زينب
.........................................................
عالترايب ..الحبايب. .مطشرين ورود جنهم ..عالترايب
المصايب. .والعجايب.شوفوهة من بعدهم. .المصايب
ابحالهة اشسوة نهار العاشر
تحير بالعيلة تحير تكابر
اعليهة مرت والله حيرة.. بالزغيرة وبالجبيرة
بالعيلة كلهة تحيرت. .وكل الهموم اتحملت..ومن المصايب شيبت. .هاية زينب
.........................................................
شلون ليلة ..عالعقيلة..الوحشة وبياحالة مرت..شلون ليلة
شكد ثكيلة ..اعلة الكفيلة ..من تشاهد نسوة فرت ..شكد ثكيلة
ليلة مرة وما بقة يمهة الكفل
وتنطر يمرهة بريحة لاهل
علي مرهة بكل حدادة ..شمري كالت ياسوادة
شافت سوادة تعجبت. .حيدر حضرهة ومادرت. .وروحةاعلة بتة تعذبت . .هاية زينب
.........................................................
طر صباحة..بكل كباحة..لهدعش مو يوم اكشر ..طر صباحة
من نياحية. .ومن جراحة. .حتى عرش الله تفطر. .من نياحة
الظلهة ماينشاف بي شافوهة..وبشماتة اعلة الهزل ركبوهة
صرعة وليان شاهدتهم..ومن عالى النوك ودعتهم
رفعت اديهة اودعت..ودموعهة اعلة الخد جرت..وتحاللت وتواهبت..هاية زينب
.........................................................
عالمحامل ..مو عوايل. .ريحة الله ركبوهة. .عالمحامل
هالقوافل ..الهة كافل. .روس اهلهة يحرسوهة. .هالقوافل
ابو فاضل مايموت احساسة
والرمح محروك من حر راسة
زمجر الراس من خذوهة ..وشاف بالسوط يضربوهة
نيران راسة توهجت ..من شاف اخيتة اشكد بجت ..وبيهم الشامت من شمت. .هاية زينب


ذوالفقار الزيدي

ثورة شرف بعبايتج ..معكودة يازينب
راية الكافل رايتج ..منصورة يازينب
ماعطلاج حرك الخيم
للانتصار شلتي العلم
#################################

بت هاشم ..ياشيخة ..وجلماتج
جانت رسل حرب

واخيامج .. حركوهة..واعلامج
عيشهم برعب

مكسورة ..ومقهورة ..بس حزنج
مايعبر الكلب

ضميتي..دمعاتج ..كابرتي
رغم الضرف الصعب

من صارت اخيامج جمر..كابرتي يازينب
من صبرج انذل الشمر.. ياعفه يازينب

ماحشموج انتي الحشم
للانتصار شلتي العلم
#################################

بن جوشن..بعيونه..بالحيرة
لمكابرج يصد

كلالج..خوانج ..ذبحوهم
مابيهم اليرد

كلتيله ..قرباني..الوجه الله
حر جاوب ابرد

ضل صافن ..من ردج ..متفاجئ
مايعرف اشيرد

محروكة جاوبتي ابرد ..ياعجبة يازينب
كتيله عزبنه ابورد.. رد الله يازينب

ابهذا الجواب ذاك انصدم
للانتصار شلتي العلم
#################################
اتحزمتي .. وشديتي ..العصابه
ياشدت البخت

يا آيت ..حك الله.. وبثارج
ايد الله طالبت

علوية ..اطلبيهم ..دم غيرة
وثورتكم ابتدت

ياجمرت ..خوانج.. والسانج
بي منبرج ثبت

شديتي ثار بمعصبج ..ثار الله يازينب
ذلت اميه بمطلبج .. لبوة اسد زينب

ثار الاله بيج انفهم
للانتصار شلتي العلم
#################################
صار اسود ..مي عينج ..لحسينج
ماشمت العدة

ضل شيبة ..اعله اجفونج .. ماطايح
جيف انتي قائدة

ياالصرتي..العز هاشم ..سالوفت
ترنيمت الفدة

عالناكه ..بس هيبه.. بضعونج
جن حيدر الحدة

جن حيدر ايقود الضعن ..ياهيبة يازينب
عفة وحجاب اتجمعن ..صرتي انتي يازينب

انتي الوجود همة العدم
للانتصار شلتي العلم
#################################

جف ايدج .. من موسى ..متوارث
اضرب بها الحجر

ومن عيسى ..واعجازة ..بي خصلة
البي يرجع البصر

ومن صالح ..بالناكة.. تتوارد
ارجوزة القدر

ابراهيم ..وبيت الله ..بس وسفة
اسماعيلج انحر

اسماعيلج انحز منحرة ..ياوسفة يازينب
بس انتي عندج مقدرة ..اتثأريلة يازينب

عن الرماح وعن كل سهم
للانتصار شلتي العلم
#################################
ذوالفقار الزيدي

كافي عذاب من الحياة جم جرح كلبج حمل
كافي حنين وانتحاب غمضي عينج للاجل
شيبت عينج والدمع ماعود الراح
#################################
استحل عمرج ..يعمة الهم ..رفيق من الطفولة
القرة ايامج ..لكة المقتل ..حجي اجروحج يكولة
شلج ابدنية التسميج السبية
شلج ابناس اليحسبوج اجنبية
يالخذت عمرج واخوج الغاضرية
يالكلشي راح من اديج والبقة وياج الدمع
عشتي ابمحال ويه الجروح من الضلع حد الضلع
شيبت عينج والدمع ماعود الراح
#################################
جرح كلبي ..معانتج..الشفتهة بعيني هايه
العدة التمت..على اخيامج..واهل بيتج ضحاية
انتي ميتت طف لجن عشتي ابعجيبة
الخدر ابنج وانتي صرتي ام المصيبة
شمذكر الطف الكة بي زينب غريبة
الكه الخيام والكه نار والكه بذيالج حرك
والكه النساء والدخان والكه كلبج مختنك
شيبت عينج والدمع ماعود الراح
#################################
السواد اصبح..رمز كلشي..والابيض ضل مشيبح
الوكت يمشي ..لجن باقي ..ونينج وي نحيبج
البيج ماصار ابمرة من الهواشم
السبعة والخمسين مو مالت شتايم
يالتركتي ابكربلة اخوانج طلاسم
ياعمة اموت ..من اشوف ..حالج الفوك الهزل
شيخت عفاف..صعبة حيل ..جفج ايشدة الحبل
شيبت عينج والدمع ماعود الراح
#################################
جروح الطف ..اذا هانت ..اشيهونهة المسيرة
عيون الكل..شماتة اتصد..علة اشيوخ العشيرة
عمة والمثلج بعد شلة ابحياتة
صار جلمه اه بحلوك الشماتة
حسين مات اويسريناهن خواتة
عمة الكلام ..نيته سيف..ويذبح ابكلبج عمد
يتشمتون..راح اخوج..وذبحيناهة الولد
شيبت عينج والدمع ماعود الراح
#################################
على الكوفة..خلص عمرج..ودخلتي عليهة ميتة
الكلف طبعة..اذا يرحل..عليه اتموت اخيتة
اخوتج من راحو ورحتي اسيرة
متي بس الزمن ما ميت ضميرة
ماحسب يازينب احساب الامير
للكوفه اه ..دخلوج..وجان شامج ينتظر
ضيعتي حيل..وللمسير ..ماخلص حيل الشمر
شيبت عينج والدمع ماعود الراح
#################################
ذوالفقار الزيدي