الدنية مابيهة دفو..وانة وحدي بلا اخو..يحسين عفتوني
ياكل بحيلي القهر..الله لا ينطي النهر. .ذبلهن عيوني
#######################
الصبح نوح المسة جروح عليكم هذا حالي واطبك الونة علونة
النسة احباب بلتراب تهد حيلة الطواري وذكرياتة
ايعذبنة
شلون بية يخوتي والموادع صعب
انة وحدي غريبة ودمع عيني يصب
وتنتضرني مواقف سبي بذاك الدرب
يهلي محتركة العبي..وراح اروحن للسبي..وتزورك متوني
ياكل بحيلي القهر. .الله لا ينطي النهر. .ذبلهن عيوني
#######################
تقبلون يصيحون اخذناهم سباية وتنجتف بحبال ادينة
ينيام للعضام وصل لسياط المهة ومن ضربهة تلوعينة
السوط قاسي يخوية تعرفة موترف
طاح متني بضربتة وعلي ماضل جتف
والهزيلة تبلل ضهرهة من النزف
بللت ضهر الهزل..بدمي ودموعي التهل..بكل قسوة ضربوني
ياكل بحيلي القهر. .الله لا ينطي النهر. .ذبلهن عيوني
#######################
الشمرصاح علة ارماح الروؤس اتربطوهة وكولو ذن روس الخوارج
ويشمات حرامات اروحن من بعدكم وكل هوة الله عليه ضايج
اشلون اروحن يخوية وعلي حادي الشمر
يعني ليلي اسهرة واطبكة اعلة الضهر
حتى اماني اضيعة بطلعتي وية الكفر
خوية من ضيم الشمر..شهكت انفاسي جمر..بالروس عذبوني
ياكل بحيلي القهر. .الله لا ينطي النهر. .ذبلهن عيوني
#######################
الدوواين يالحسين اطبن ليهة صعبة وانة مامتعلمة اطبهة
تمنيت لون جيت تشاهد حال اخيتك منهة كطعو بت كلبهة
لو تمرني وتشاهد علي ضيم السبي
ترضة خوية تصدلي عيون الاجنبي
صعبة تمشي سباية عيالات النبي
لجنبي من يصد علي..روحي اضمهة ابين ادي..خافن يشوفوني
ياكل بحيلي القهر. .الله لا ينطي النهر. .ذبلهن عيوني
#######################
بليتام اطب شام اعلة باب الساعة حيلي يوكع وهالطبة كشرة
علة يزيد صبح عيد وعلي ذني المواقف تدري بيهن حيل مرة
خوية راسك علة يزيد يدخلونة بطشت
وي رقية علة الراس لون ماتت متت
بعمري شلي اعيشة بخرايب لوبتت
علية هالموقف صعب..للخرابة من اطب..ولو بيهة خلوني
ياكل بحيلي القهر. .الله لا ينطي النهر. .ذبلهن عيوني
#######################
ذوالفقار الزيدي

عاشر بس معانتة بعواشر
موتني اويه لحضاتة الاواخر

رسملي انحور كلهن دم
عليهن صلى ماسلم..ياهلنه
#################################
مر عليه ومن صباحة جنة وحشت مغربية
مر خريفة ابتوت كلبي وضياعكم من اديه

عجبة كلبي ايضل يدك
من اذكر ايام العشك
والخيم شبعت حرك ..من بعدكم

دخان الخيم تارس هوايه
وعمية عيوني من ضيعت ضوايه

الجرحة اخوانة مايلتم
عليهن صله ماسلم ..يا هلنه
#################################
احبال ودكم من بعدكم صارت احبال ابئدينة
انتهينة ايام حلوة وبالمدامع ابتدينه

ذيج الايام انتهت
اوقصت الجروح ابتدت
والنساء اتسلبت.. وي خيمهن

سلبو نوكنه وحتى المحامل
وصحت لمن شفتهن يابو فضل

خذاهة الشمر بعد العم
عليهن صلة ماسلم..ياهلنه
#################################
شاب كلبي وشاب كلبي وشاب كلبي وشيبوني
ناس تشتم وناس تضرب وناس فرحت من خذوني

من شماتتهم متت
وطاح حيلي وماطحت
اجروح اضم وشيبت..من جروحي

امنادس بينهم يحجون عني
كل جلمه بعمر مبيوك مني

الشمت بجروح يتكلم
عليهن صله ماسلم ..ياهلنه
#################################
هايه عمتي وذن خواتي طلعوهن وانتوسادة
الطعنه عادة الذبحةعادة بس سبيهن موش عادة

الومت جان بمطلبي
روحي شيبهة السبي
النار مارحمت عبي..موتتني

شدوهن سبية ابجف سبية
الحبل موعادة ياهل الهاشمية

الورد بالشدة يتألم
عليهن صله ماسلم ..ياهلنه
#################################

كلشي ينطر جيه منه السوك والشام وجراحة
كلشي يجرح حضرولي وذني يحتاجن نياحة

كلشي يجرح راح اصد
موت يرسملي البعد
راح للضيم استعد ..بهالمسيرة


راح امشي بدرب حيرة وعجايب
ندخل سوك وانام ابخرايب

واروح ابنسوة موكب هم
عليهن صله ماسلم ..ياهلنه
#################################
ذوالفقار الزيدي

عجيب ..حسين يادنية انذبح ..عالخيام ايهد شمر
عجيب ..راسة ينشال ابرمح ..زينب ادوس الجمر
زينب اتصبح غريبة ..والله دنية عجيبة
#################################
والله يادنية عجب ..بيج ماغزر ملح
الكلبة ابيض من صبح ..بيه خليتي الجرح
حسين مغشي اعلة الرمل..منة كومة ماتصح
اشطلعيتي من الخيم ..ابتلة صعدتي الصرح
ابسبتج زينب تطلع صوتهة
جبتي كلشي وما اجيتي ابموتهة
نحيب ..الزينب مفطر السمة ..من دمه ايهل الدمع
نحيب .. حسين ماجاوب بعد..كاتم انفاسة الضلع
شيبته من الدم خضيبة .. والله يادنية عجيبة
#################################
جهزت مهر الذبح ..للاخو ابموقف صعب
حسين هلت دمعتة..وية دمعتهة التصب
هاية اخر شوفه اله ..وبعدة يوليهة الرعب
ليش شوفتيهة الم ..ادري ماعندج كلب
ابهيج موقف ليش خليتيهة
زينب اشسوتلج اتعذبيهة
حبيب..ما بقة الهة ابسبتج..درتي وياهة الم
حبيب..مابقة بلاية ذبح ..اله نايم بي سهم
تنادي بس ماكو المجيبة..والله يادنية عجيبة
#################################
مارضيتي ابحز نحر..انوب جملتي السحك
وبقت زينب تستمع ..كل ضلع لمن يطك
ياهو يحمل ها الالم..اكبالة ينداس العشك
مو منية اوتنتهي ..مو وداع وتفترك
كطع جم بت من كلبة الحافر
بس قوية وبينتهة اتكابر
تريب ..ضل اخوهة اعلة الرمل ..وهية عالتل واكفة
تريب ..شافتة وجاه الشمر .. وكام يذبح من قفة
ياخذ السيف ويجيبة..والله يادنية عجيبة
#################################
كل اهلهة اتفرهدت ..ونار شبت بالخيم
وكامت ادوس الجمر ..وضلت اتلم بالحرم
زينب اعليمن تصد ..والمواقف كلهة دم
الهة ميلوك السبي ..وياهة كلش ما رهم
وين ترهم زينب ايشوفوهة
وفوك هزل خاوية ايركبوهة
صعيب ..حيل ياليل اهدعش..وحشة ماكو ابوحشتة
صعيب ..بيه زينب شيبت ..من ضلمتة وغربتة
لهدعش اكبر مصيبة..والله يادنية عجيبة
#################################
بلخرابة الحرة اسف ..وبقصر باتت هند
خادمتهة مدللة ..وهية شيبهة البعد
نايمة ابقصر الترف..وزينب ابحر وبرد
هية تنضر للنعم..وللرمح زينب تصد
بزينب اسوت يدنية ايامهة
وماتساوت حتى وي خدامهة
اتنام بالكاع التريبة ..والله يادنية عجيبة
#################################
ذوالفقار الزيدي

لاخيمة لا حرك العبي..اكبر جرح جان السبي
لا مو عبايات ..اكبر جرح بات .. للهاشميات ..جرح السبي
################################
لامو حرك خيمة ..لانسوة فرت لا رعب داخل للزغار
لافزعة سكينة..لاعمه ارقية لاسلب لاهاي الخطار
اكبر جرح زينب..للمهدي من هذا الجرح واصل لهب نار
والله دنية..اتصير زينب بت علي ياناس اسيرة
والله دنية..المو اميرة اعلة البشر للجنة اميرة
زينب يشدوهة ابحبل ..وفوكاهة تركب عالهزل
هينات لجروح ..ليطلع الروح..للهاشميات ..جرح السبي
#################################
الشمر بحبالة ..لمن اجاهن جان اشد من ذبح الحسين
هذا الكتل عادة.. بس مو بنات المصطفى اتصدلهن العين
ما صارت الهاشم..ايطلعن بنات ميسرات من الصواوين
وين صارت..لال هاشم تنجتف بحبال نسوان
وين صارت..من صواوين الفخر دخلوهة ديوان
للال النبي عادة الكتل.. بس ماكو عادة اعلة الحبل
موعادة لحبال..وتصد الرجال ..للهاشميات ..جرح السبي
#################################
كلمن ملك غيرة..السبي ايكتلة مو حرك ذيج العبايات
قصت عرض هاية.. مو اي نساء الطالعة ذن فاطميات
صح عالمة الحرة..ثورتهة جانت عالكفر ثورة حجابات
ثورة سوت..وما رأيت الا جميل الصار بينة
ثورة سوت..صح حجتهة بس بقت زينب حزينة
صح ثورة علنت عالكفر..بس وسفة اذاهة الشمر
قادتهة لضعون..بس صدت عيون ..للهاشميات..جرح السبي
#################################
الفاكد اخوانة..ابكلب العقيلة اتصور حسين ومصابة
الطيحة مو سهلة..بس صعبة زينب تكعد ابنص الخرابة
الدنية دوارة.. الخلت يزيد اعلة النسة ايسولف خطابة
ياعملت الشام ..راس الحسين ابنص طشت وتشوفة لعيون
ياعملت الشام.. ايزيد يضرب بالثغر خاطر يشوفون
بالمخصرة ايطك الثغر..خلة العقيلة تشب جمر
ياموقف الشام.. ياذيج ليام ..للهاشميات ..جرح السبي
#################################
هذا الجرح باقي ..موقف دمع كل مايمر ذكرة اعله الايام
من يذكر الراوي ..اكبرجرح شاف الزمن زينب وليتام
والذبحت الشيعة ..هند ابقصر والحرة ماضلت بالخيام
اتبات بقصور ..خادمتهة والاميرة بلاية خيمة
اتبات بقصور ..وصاعدة فوك الهزل زينب هضيمة
هند اصبحت متخدرة ..ولبوة علي متيسرة
دورات ليام ..ماخلت اخيام ..للهاشميات ..جرح السبي
#################################
ذوالفقار الزيدي

مابين الخيم ..حيرة والم..يخواني عفتوني
يادوس الجمر..ياذاك الخدر.. ياشيبت عيوني

موش انه لركب عالهزل
ولا اني لحتار بطفل
واجفوفي يخنكها الحبل ...حيرة

#########################

عطشانة الشوف حسيني بس ماكو حسين
ماتت جلمة اعلة الساني رجعتكم وين
ماضلت دمعة بعيني وتبجيها العين
ويموت بحسرت رجعة لهلة مغربين

صعدوني النوك وانه اسمي خدر
يحسب للموت لنوله يسر
المكسور اخوان شيصحلة جبر

امشي اوية الغرب ..دمعة وضرب ..ماجني علوية
انه ام الخدر ..وام الستر..يسموني مسبية

يخواني والمنضر صعب
عالهزلة شيخلصة الدرب
وجفوفي يخنكها الحبل ..حيرة

#########################

مروني اعليكم عمداً حتى الكلة الويل
حتى انضر بيكم يهلي شمسوية الخيل
وانه المن حرك اخيامي ضيعت الحيل
وياليل الوحشة العشتة المايشبه ليل

انه امن الليل ماضلي دمع
بخيامي النار وعيوني شمع
وبصدر حسين ماباقي ضلع

ياليل الحزن .. خلة الجفن.. مايغفه من ضيمة
بي خوف ورعب..منضر صعب..من حركة الخيمة

ياعين التغمض الجفن
ساعاتة حزن يجر حزن
واجفوفي يخنكها الحبل ..حيرة

#########################

مروني الشاطي وحسرة دنكت الراس
اواحد من عدهم كلي شوفي العباس
الياس الجنتي اتسمينة مذبوح الياس
وباليسمع هاي الجلمة شتضل انفاس

كلي العباس عالشاطي وذر
خلينة ادماه يم جودة نهر
السهم البلعين ديريلة نظر

رايدني اصد..عينة ابعمد..خاطر يأذيني
نومة كافلي..ومنظر هلي ..نار وتجويني

ايشوفوني بجثثكم وكت
ومن هاية جلمتهم متت
وجفوفي يخنكها الحبل ..حيرة

#########################

الموادع صار وياكم من فوك النوك
وللكوفة وغير الكوفة حادينة ايسوك
والزيّد نار الحركة ابكلبي المحروك
اسمع من عدهم جلمة خل ندخل سوك

انه اوية السوك ماعندي عرف
وموقفنة اهناك يخواني كلف
جفن الموخير للروحة يرف

اسمعهم نوو..واتحضرو.. للسوك ممشانة
كادو هزلتي.. وهل دمعتي.. الذابحكم اويانة

حدايي ذباح اخوتي
هذا الي طيح دمعتي
وجفوفي يخنكها الحبل ...حيرة

#########################

نيتهم شام وننطر دخلت ديوان
وادخل ليزيد ابحسرة ودنية من احزان
دنية وخلت تتشمت بينة العدوان
وصعبة الانسان ايجرحة الماحسبة انسان

ياجرح الشام مامثلة جرح
اتمنة الموت ياموتة تصح
بي يحجي الليل واليبجي صبح

ادخل للقصر..هذا الامر.. نار وشعل روحي
ادخل للنذل ..بجفي الحبل.. يامكبر اجروحي

لو كلي جاوين اخوتج
لوكلي أهنة ابدمعتج
وجفوفي يخنكها الحبل ..حيرة

#########################

ذوالفقار الزيدي

من الخيمة الحد الماي
من جف زينب راح اهواي

########################

بي جم دمعة وجم حسرة
بي جم طيحة وجم عثرة
درب اموادع خوتها بالهم صار

درب اليمشي مايرجع
ضم الزينب بس مدمع
حتى الخيمة ضملها شبت نار

ضم الزينب ..دمعة وفركة ..نار وحركة
بيه الرايح..بين الذبحة..وبين السحكة

والحسرة اتضل اعلة افياي
من جف زينب راح اهواي

#########################

بيه الاكبر والقاسم
بيه الطاحو عز هاشم
بيه الكافل ضل نايم عالتربان

بي عبد الله المتفرفح
ودلال امه المتجرح
وعجبة الطايح يم المي ضل عطشان

ابكلب الحرة..ضم جم حسرة.. من خوتهة
خلاها اتون..خلاها اتحن.. اشكد موتها

تانت جية ومحد جاي
من جف زينب راح اهواي

#########################

بي فوك التل منتظرة
ايعود الطايح عالغبرة
ابصوت الفزعة من نادت وين حسين

يوكف فزعة بالكوة
يهوة ويوكف هم يهوة
رايح صوتة وما جاوب عمية العين

صعدت زينب..فوك التلة..يامثكلها
اشر بيدة..مابية ارجع..جنة يكلها

جنة ايكلها الموت ابهاي
من جف زينب راح اهواي

#########################

نار الشبت بالخيمة
طلعت زينب للهيمة
ماعدها اخوة التحمية ولا كفال

هذا اليسلب هذا ايطك
هذا اليشتم واليحرك
هذا اليشمت بخوتها وهذا العال

بين اليضرب ..بين اليهجم..ضلت زينب
وين اخواني ..شكد كالتها ..بصوت الينحب

راي الزهرة اتريد الراي
من جف زينب راح اهواي


#########################

بالراية ايرف ضل واحد
كلها الكافل ميعاود
اشكد المها هالمنضر للسلاب

وين اخوانج كللها
حتى الطيحة ايوصلها
كلب الحرة بها الجلمة ذاب وذاب

وين اخوانج ..من كللها ..طاحو يقصد
بهاي الجلمة..بكلب الحرة.. خاطر يمرد

من كلها الراية بيمناي
من جف زينب راح اهواي


#########################

ذوالفقار الزيدي

(نزال اهوازي)
حضرناهن الرايات
من كربت المشايه
حجك مايريد احرام
احرام ازيارتك رايه

#########################
شوك ازيارتك عدنة
نار وبلكلب تلهب
بكل خطوة جدم يحسين
نذكر زينب وننحب
ودربك ينكضي بتسبيح
واويلي على زينب
ونتذكر طريق الشام
والي سوايتة سوايه

#########################
يوم ازيارتك مولاي
عد خدامك احلى انذار
تتحزم هلا وترحاب
بسم معزب الخطار
صواوين وحسينيات
جار يريد ضيف الجار
ويحس اموافي للعباس
لو زيار شرب ماية

#########################

نمشي مدللين اهناك
چنها ابجنة مشيتنة
ونلكة العزبت يحسين
جن سفرتها سفرتنة
ومن كد الدلال انريد
ماتخلص ازيارتنة
وراضي الزاير ومرتاح
عد خدامك الغاية

#########################
وبطول الدرب ترحاب
وتفضل يماي العين
خل انخدمك شمحتاج
خاطر يرضة بينة حسين
فرصة ونغتنمها انريد
باجر خاف ماباقين
هاية احجايت الخدام
التريد تحصل افياية

#########################

شفت الزاير الخدام
جن شيخ ايتلكونة
وشفت للمالكالة افراش
خادم يفرش اعيونة
ومايغمض جفنهم نوم
والزاير ينومونة
يوم الاربعين الخير
عجايب دنيتة هواي

#########################

ذوالفقار الزيدي

شلون اغمض اعيونك انته اعيوني
اوين الاكي المثلك ايفهموني
يابو روحي الشيب لاح اجفوني
روحتك كسرة ضهر
#################################

يا اول مهاجر في سبيل الله نور موطن الهجرة
يمخضر العقول بمنطق التوحيد الجانت بالفكر صحرة
يا اول قريب الواصل القوسين الله امقربة ابأمرة
يالطب جنة ادم بس نزل مبخوت جايب فاطمة الزهرة

يابو جف العيش الناس بنعيم
انتةبسم الله الرحمن الرحيم
وصدرك اأوى امن الكهف واهل الرقيم

روحتك كسرة ضهر

#################################

بيت العنكبوت ابغارة شاهد جان عن اترف بشر انتة
وجدمك من وطت ياترف اوهن بيت نسمه الما مخلبصتة
وشاهد عن مرورك جان نسمت ريح الطير الما مجفلتة
ساك العرش ساكك فرزناهة الطير ومن مريته امنتة

مو سليمان الجفل منة النمل
العنكبوت الشافك ايريدك تضل
بنه بيته وجان بسمك يبتهل

روحتك كسره ضهر
#################################

يا اول صديق بطعم ابو الكرار كل اسنيني عاشرني
ياكشخة الدين ولذة التوحيد وابيض نية سايرني
يمشارك احساسي بخوة الاسلام من اعيوني فاهمني
ياكلمة الآقرء في لسان الله بكل ماتحتوي وتعني

انته اعظم منطلق دين وعلم
وانته جفك ياس يرمز للسلم
الخوتك ينكال بس الونعم

روحتك كسرة ضهر
#################################

يبديرت اعيونك كلشي بيه ايموت موش ابجفي اغمضهن
رد معجزة خيبر رمدن لعيون جفك خله يمسحهن
رد حيل السواعد راح منهة الجان لمقفلات يشلعهن
متبسم واشوفك بالجفن مرتاح بس دموعي شيكضهن

انته تعرف مدمعي الياهم يسيل
الملكه راح يصير جن نار الخليل
فقط برداً والسلام ايضل قتيل

روحتك كسرة ضهرة
#################################
ماسبلت ادينك سبليت الخير والرحمة ومعانيهة
مالفك جفن لفيت انه الايام واجمل طيف مر بيهة
ماشلتك شلت اجمل حلم مذبوح واسنيني ومواضيهة
ماودعتك اني اودعيت الروح روح وشال راعيهة

انته شايل وانه شلي بهالحيات
بعد عينك اهون اعليه الممات
النعمة من تروح تنعد بالوفات

روحتك كسرة ضهر
#################################
ذوالفقار الزيدي

راحت امنيتي ..ياحزن بيتي
عايش ابضمة ..الملگة فاطمة
بلاية عافيتي ..ياحزن بيتي

#########################

جان بيتي ابكل شبر عطر المحنة ايفوح
ومن سوالف فاطمة ميضل كلب مجروح
ابذاك ملكاهة الترف كل الهموم تروح

جنت بهلاها انسة من باب البيت همي واجروحي
بأالله اليعينك عالتعب يابو حسين تنسعد روحي

جروحي انساهة..امن احجي وياهة

واعتلي السمة ..الملگة فاطمة
بلاية عافيتي..ياحزن بيتي

#########################

جان صوت البسملة من الزهرة حرز البيت
وذاك تسبيح الفجر ليه اشكثر حنيت
تقبل الله ام الحسن احجيها انه تمنيت

سبحتها طين وخلقت الناس الطين الله خلاها
وانه ابو تراب ومنشاء الطين اتراب سرّة انه وياهة

شنسة من حبها ..السر خلق ربها

وكل شي تممة ..الملگة فاطمة
بلاية عافيتي..ياحزن بيتي

#########################

بين دورات الوكت حيرت الوين اووين
ابيا مكان انضر كمت بي ذكرة لم احسين
ضالة والمن تصد رايح ضواهة العين

شلي بمحاجر تربي شوف اعلة الناس وماكو ضي عيني
شلي بحياة البيهة لمذبل الموت زهرة اسنيني

كلبي كل ساعة ..يجدد اوجاعة

شما بعُد ومة ..الملگة فاطمة
بلاية عافيتي ..ياحزن بيتي

#########################

الموت بية اشكد يمر لمن يجيني الليل
بين شوغات الكلب تاخذني ويل اويل
المجرم ايشم الهوة وحدر التراب الهيل

لولا الوصية البيها متجتف اجتاف انة وي سيفي
جان السقيفة صارت بذكر الجان واخذ بحيفي

ابهذا فقاري ..جاطفت ناري

وارخص الدمة ..الملگة فاطمة
بلاية عافيتي..ياحزن بيتي

#########################

ياعُمر يهنا العلي وابابة اثر للنار
وصوت من دم فاطمة حيدر الثار الثار
وضال جرح ايجر جرح من حاضر وتذكار

باب الزجية العمرة بس هاك وهاك وية خطارة
معزبتة تكضي وجفهة متجوي بنار
من لهب نارة

تلتهب نارة..كلبي باثارة

نارة مضرمة ..الملگة فاطمة
بلاية عافيتي ..ياحزن بيتي

#########################
ذوالفقار الزيدي

بعد الوداع..صار الغروب ..ضيف المشيب..يافاطمة

اوويه الموت احجي واتحسر
انا اعطيناك الكوثر ..يافاطمة
###############################

المغرب مايرحم روح
واحد بالخل مجروح
وشهكة برية مذبوح.. صاير حالي ابلياج

ايمرني محمل لجمات
وجروح بكلبي ايبات
وشيب اثار الحسرات.. عالماميت وياج

والمغرب بجيّته ياخذني نية دمع ماتكض روجة العين
واجمع ازغار الولد واشبك جروح الحسن وامسح ادموع احسين

ويه الزغار ..اكعد واشوف .. جرحج جبير ..يافاطمة

نذكر كلما جرحج يكبر
انا اعطيناك الكوثر ..يافاطمة
###############################

يسلمني الجف الليل
حيل الماضل بي حيل
ومفارك عطر الهيل ..ماعندة اعيون اتنام

وياخذني الليل وياه
مو حيدر ماخذ اه
الليل يطول ممشاه.. خطوات الليل آلام

مايمشي ليل الحزن بجفوني غارس زعل علا يسدهة النوم

شما طال ياخذ عمر وكليلي شيضل بعد للعاش ذن كل يوم

ليل الونين .. عالكلة شوك..سكرة ممات ..يافاطمة

لمخليتني ابكل يوم اسهر
انا اعطيناك الكوثر ..يافاطمة
###############################

يتلكاني المصباح
اللا مات ولا مرتاح
المن فجرة يعيش اجراح..جي ماصليتي وياه

تكبيرة فجري الام
تأذن بعيوني اسهام
فرضة دموعة المحتام.. لو حامت بي ذكراه


جانت خرز سبحتج لمحلية فرض الفجر نكهة صباح الخير
موطين سبحة بخت فرتهة قسمت رزق ماتنسة حتى الطير

حتى اليطير .. حس الغياب ..وينشد عليج
..يافاطمة

وابال الطير التكرر
انا اعطيناك الكوثر ..يافاطمة
###############################
ضهري الضهري المكسور
عصري الخلي المعصور
النار تذكرني ابخور ..عطرة اعلة الحايط فاح

من افتح بابي احتار
اكبالي ايصير التذكار
واتخيل بالبسمار .. مصيوبة ومحسن طاح

اه يا زغير الولد الماشاف شنهو المهد ولاشاف المناغات

لبجيته متبشرت كالولي ابنك اجه ومافتح عينة ومات

شاف الممات..كبل الحياة..هذا المصاب ..يافاطمة

ماشم عطرج ذاك العنبر
انا اعطيناك الكوثر ..يافاطمة

###############################

هذا اليوم بلياج
كل اوقاتة بذكراج
من يوم المر فركاج.. هم يسلم بهموم

ليلي الياخذ ويجيب
وشمسي التطلع وتغيب
بيهن بس كلبي يشيب .. هذا اليفرق باليوم

والشيب مال الكلب لازم يسير كطن يافاطمة اعلة الراس

وينقاس حجم الجرح من شيب راعي الالم بس جرحي ماينقاس

هذا الرحيل ..خلاني اصير ..موطن جروح ..يافاطمة

واول جرح ايذكرة المحشر
انا اعطيناك الكوثر ..يافاطمة

###############################

ذوالفقار الزيدي

دفع باب ونار..وفلك عمري اندار

الوأن جرحي الجبير..الذبح حلم الزغار

###############################

كل هذن ..يم بالي ..جرح بليلي يبرالي

من الم ..حسراتي ..العمر مودمعتي اتلالي

بالوجه..الشيب اصبح..الم ويغير ابحالي

حالتي ..شبه الي ..ميت والنفس عالي

نفس ريتي الضاك..حلم عمري انباك

مغيبج مرني شيب ..الذبح حلم الزغار

###############################

اليمج..يشتيكي. ويه البير سالفتة

وي ماية ..هل دمعي.. وفطّر دمعي عاطفتة

اشكيلة ..ويسمعني..وحتى الماي نشفتة

هالكلتة.. وانه اشعر.. حجي البلساني ماكلتة

العلة الساني انجاب .. عُشر جرح امصاب

الحجي الضمة الدليل .. الذبح حلم الزغار

###############################
كل طفل ..يتناغه..ومحسن ماوصل مهدة

للعصر ..فك عينه ..وسدهة وسير اللحدة

مالحك..يم حضني ..يوصل مبتغة الكعدة

يبتسم ..واضحكلة ..وخدي ايحس تَرَفْ خدة

ابعصر محسن ضاع..مشة الكبرة ابساع

والم هذا الرحيل ..الذبح حلم الزغار

###############################
للحسن ..من انظر.. جبير اجروح خوانة

ياهمة..من بعدج..يضم عن خوتة احزانة

بلحزن ..وارثني ..يعرف ابدمعتة امجانة

لخوتة ..اسوالفة ..صبر بس مرطب اردانة

دمع عينه الحار ..على اخوانه اسرار

يضم هم الوداع ..الذبح حلم الزغار

###############################

فاطمة ..وحسينج..دمعت زينب اتألمة

وبجفة ..يمسحهة..واحس ضم بالكلب ثلمة

يتوجع ..من اتكلة..ردت من امي لو كلمة

يتحضر ..للدمعة.. ويرد للمدمع يضمة

يضم دمع العين ..ايا صبر حسين

يفاطم هالمصاب ..الذبح حلم الزغار
###############################

ذوالفقار الزيدي

مشتاك يافاطمة ..الكعدتنة ذيج السوة..والملكة ذاك الحار
ياخيط وجه الصبح..مريني واهس فرح..مووحشة صار الدار
#################################
مري طيف اعلة الجفن..سدي بيبان الحزن
فاطمة من رحتي مني وكلشي خالي
ابعيني ضل بس الدمع..ابليلي اخلصلج شمع
انتي ذكرة ومابرد من عدهة بالي
فاطمة شلة ابحياتة اليبدي مصباحة بجرح
ياعمر يهنالي وانه الليل اطبكة وية الصبح
يافاطمة وعيشتي..كلما اضمد جرح ..ينلجم بالتذكار
ياخيط وجه الصبح ..مريني واهس فرح..مو وحشة صار الدار
#################################
ليلي يخلص بالسهر..صبحي يخلص بالقهر
انتي من يوم المشيتي وهذا وضعي
اعليج بابج من طبك..راسي بالشيب احترك
انصاب ضلعج بس احس مصيوب ضلعي
طاح محسن من عصرتج وانه طيحت العمر
وصبر ينراد الوداعج وانه ضيعت الصبر
والصبر حدة انتهة..وبابج ابيوم احترك ..شب الدليل ابنار
ياخيط وجه الصبح ..مريني واهس فرح..مو وحشة صار الدار
#################################
حيلي راح ابطيحتج..الموت مرني بعصرتج
انتي ترفة وهالعصر مابيج حيلة
ذاك يدفع بالحقد.. رايد ايموت الورد
واعلة كسرت وردتي الياهو اشتكتيلة
الجلمة ذيج الي حجاهة ليهة ماطابك جفن
كالو بهالبيت فاطم وهوة كللهم وان
من دفع بابج عمد..والدنية ضاكت علي ..والفلك بية اندار
ياخيط وجه الصبح..مريني واهس فرح..مو وحشة صار الدار
#################################
للوكت املك عتب.. الفضة ماتسند ذهب
وام ابيهة ام الألم صارت عجيبة
اشبيك ياوكت الغدر..الياسة ماتحمل عصر
وانته من حيدر خذيت الكلهة طيبة
ماخذ ملوحة حجينة الداير ابنص الكسة
وحدد اسهامة ورماني بسيدة كل النسة
يافاطمة والدهر.. صوبني بمصيبتج..اه شكثر غدار
ياخيط وجه الصبح..مريني واهس فرح..مو وحشة صار الدار
#################################
الكبر ميضم فاطمة..الكاع متضم السمة
وصعبة نوم الكوثر بذاري الرمال
الكوكب الدري انوصف..وانتي مشكاة الترف
والمضيئة اشتنطفي فاطم محال
انتي بسم الله فاطم والوصف يوكف بعد
انتي طورة وذارياتة وال عمران ورعد
يامصحف الرتلج..يلكاج نفس النزل ..للنبي ابذاك الغار
ياخيط وجه الصبح.. مريني واهس فرح..مو وحشة صار الدار
#################################
ذوالفقار الزيدي

لوردت كلشي يهون حط فاطمة وياك
تلكاهة جف مفتوح خير وهلا وهاك

توكل عليهة..كلشي بأديهة ..هاي ام ابيهة

###############################

البين الله وجفة حط فاطم وساطة
بلايه شك ويه العرش صار ارتباطة
هذا فوك احروفة خلاهن نقاطة
وفتح شفرة دنيتة ودينه وسراطة

اليصعب عليه امره ..خل ينتخي الزهرة
وماتخيب اضنونة

ختم الزجية اهناك عد الله مفروض
تسهيل امر حاجات مابيهة مرفوض

سر الله بيهة..كلشي بأديهة ..هاي ام ابيهة


###############################
رمز سر الزهرة مفتاحة العقيدة
الفتح باب الزهرة طب كلب الصميدة
البيدة فاطم ماترد مغلولة ايدة
ياخذ الي رايدة والمايريدة

باب الكرم هية..للشدة مرجية
وماتر داعيهة

المتيتم ومسكين ولأسرو ذاك
انطت رغيف البيت شتضنهة تنساك

روح اندعيهة..كلشي بأديهة ..هاي ام ابيهة

###############################
راح اسولفلك واخذ من عندي فكرة
ماترد الزهرة كل محتار بامرة
راح اكلك بيت وانته اهنانة فسرة
الخبر جي ينكسر فاطم ماتكسرة

شاهد هذن جابر..ماتكسر الخاطر
الخير منهة وبيهة

اليتنخة بم حسين كل عقلة يحتار
خلت نبي ابراهيم يبرد وسط نار

بس انتخيهة..كلشي بأديهة ..هاي ام ابيهة

###############################
ارد اكلك عالهوة الريتك تشمة
فاطمة من تذبة تبري ويا الذمة
اتعوفك اشلون التحّسب احساب نسمة
وانته واحد عاكد بشيلتهة همة

الماتكدر تحلهن ..فاطم تسهلهن
وام حسن كضاية

لتصدقت بالثوب كبل اليزفون
بعدك تريد تكول وتكلك اتهون

تنطي اليجيهة..كلشي بأديهة ..هاي ام ابيهة

###############################

تدري خادم للحسين اشتعني عدهة
يعني فاطم حسبتك حسبت ولدهة
وانته ستضن حاجتك امك تردهة
الزهرة للخدام تطي بعشرة كدهة

الباجي اعلة الموسد..جفة اشتضن ينرد
لاتفكر بهاية

الناصب عزة اعلة حسين والمدمع يسيل
ايطب سفرة الزهراء وشرايد ايشيل

التخدم بنيهة ..كلشي ابأديهة ..هاي ام ابيهة

###############################
ذوالفقار الزيدي