كُلعَمتوبخير وكُلسنطيبين ومبارك علينا العيد وان شاء الله ديما ف خيار الخير وما نفقدو غالي 🙂

مرات ترفضو تشوفو حقيقة الاشياء لين اتدمركم !

رغم اننا كنا متوقعين اللي بيصير
لكن مش عارف علاش حني زعلنا
ممكن لأننا كنا نتمنو انهم يخالفو توقعاتنا !
#يلا_حصل_خير 🙂

اني منقارنش ومانتقارنش !

الكلام لو كان يعوض عن ..... ❤️

اعظم نادي في الكون 💚
🏆🏆🏆🏆🏆🏆🏆

حتى لو كان الذي بيني وبينك "خطوة" صدقني لن أخطوها 🙂

لحظات قد تمر بها بين حقيقة وخيال
الصدمة مرعبة ، نحمد الله على حسن التدبير
احياناً تشعر بأن كل ما تمر به من مواقف هي لصقلك فقط لاغير ، التوفيق من الله .

لا شيء يشبه شيء ولا أحد يعوّض غياب أحد أشياؤنا المختلفة إن ضاعت ليس لها بديل

في كذبة نازلة السنين الاخيرة
واللي هيا " اللي يحبك يحبك زي ما انت "
العلاقات شي عملي مش صورة صورناها وبنشوفوها كل يوم قبل ما نرقدو
العلاقات تطورها افضل طريق للأستمرارية
احياناً ملاحظة او شي خلاك تغيريه في نفسك يكون السبب اللي خلاه يكمل معاك
لكن الاهم ديما كيف تنقال الملاحظة والوقت اللي تنقال فيه بس

القرار !
لما تاخد قرار في حياتك اهم شي انك ما تبررش وما ترجعش فيه ، حرفيا القرار زي الحادث في لحظة توصللها تخليك تقرر شي في حياتك او في علاقة تمر بيها ، بمجرد ما تقرر هالشي وتنفذه ما تبررش وما تسمع لحد وما ترجعش فيه ، بعد ما الانسان يدير حادث مش حيرجع يسوق ويغير طريقه لازم عليه ان يقبل الضرر ويدير الصح لو تكرر الموضوع معاه ، انك ترجع في قرار او تبرر لحد اللي درته هدا ضعف وانت مازال ادور في حلقة خوف بس
حطو كل شي وراكم وما تتلفتوش وكملو
طالما عقارب الساعة مازال ادور مازال عندكم فرص اكثر

لما تحبو حد حبوه للأخير
ولما بتنفصلو او تباعدو اطلعو من حياته للأخير ، مافيش شي اسمه صداقه بعد حب
انتو قاعدين تعشمو في اللي قدامكم بدون ما تحسو ، وزي ما قلنا لما تاخدو قرار كملوه للأخير 🙂

زي ما انتو مدايرين سبلة لروحكم على شي صار خليكم متأكدين تماماً ان اللي قدامكم مداير سبلة لروحه برضو
عادي تناقشو وتو توصلو لنقطة .

مهما صار معاكم متخلوش حد يسخف عليكم كابرو وبينو عكس اللي حاسينه ما تضعفوش قدام حد مهما كان هالشخص بالنسبالكم

ضاقت فلما استحكمت حلقاتها ...
اللهم إني أسألك الفرج 🙂

هلبا حاجات غلط تصير وانت تعرف الصح من الغلط لكن معاش عندك حيل تغيره

مرات تنزل عليك اللا مبالاة في الوقت اللي مفروض تنفعل فيه !

حتى الضحك احياناً يكون جبر خواطر ومش طالع من القلب

توصل لمرحلة تخاف تطلب شي من حد تعزه
لانك تخاف يردك ونظرتك ليه تختلف في الوقت اللي انت محتاجه فيه ، ويتحول كل الحب لكره .

مرات كثرة المسايرة تقتل العواطف
#بجديات