Talabalarning oʻqish davriga oid maʼlumotlari toʻliq raqamlashtiriladi

O‘zbekiston Respublikasi Prezidentining 2025-yil 26-iyundagi “Iqtisodiyot va moliya vazirligi huzuridagi G‘aznachilik xizmati qo‘mitasi hamda budjetdan tashqari Pensiya jamg‘armasi tomonidan zamonaviy xizmatlarni joriy etish chora-tadbirlari to‘g‘risida”gi PF-105-son Farmoniga asosan 2026-yil 1-avgustga qadar fuqarolarning oliy ta’lim muassasalaridagi o‘qish davri to‘g‘risidagi ma’lumotlarni vazirlikning “Oliy, o‘rta maxsus va professional ta’lim muassasalarini tugatganligi to‘g‘risidagi diplom ma’lumotlar bazasi”ga (htts://diplom.edu.uz/) to‘liq va to‘g‘ri kiritilishi bo‘yicha amaliy chora-tadbirlar ko‘riladi. Shuningdek, “Oliy, o‘rta maxsus va professional ta’lim muassasalarini tugatganligi to‘g‘risidagi diplom ma’lumotlar bazasi”ga (htts://diplom.edu.uz/) tasdiqlash uchun kiritilgan ma’lumotlarni o‘z vaqtida ko‘rib chiqilishini doimiy monitoring qilib boriladi.
“Oliy, o‘rta maxsus va professional ta’lim muassasalarini tugatganligi to‘g‘risidagi diplom ma’lumotlar bazasi” (htts://diplom.edu.uz/) hamda Yagona interaktiv davlat xizmatlari portalida joriy etilgan “Oliy ta’lim olganlik haqidagi diplom ma’lumotlarini qo‘shish yoki tahrirlash” xizmatini Davlat xizmatlari markazlari orqali ko‘rsatishni yo‘lga qo‘yish Adliya vazirligi bilan hamkorlikda amalga oshiriladi.
“Oliy ta’lim olganlik haqidagi diplom ma’lumotlarini qo‘shish yoki tahrirlash” xizmati Davlat xizmatlari markazlari orqali ko‘rsatish yo‘lga qo‘yiladi.