#Saboqlar

Ertaklar

Bolaligimizda duch kelgan o’qituvchi bizga yoki ertak aytib bergisi kelar, yoki o’qishga majburlardi. Maqol ham bor: “ertaklar yaxshilikka yetaklar”.

Lekin ertaklar yaxshilikka yetaklamaydi. O’zbek xalq ertaklarida katta o’gillar kenjani doimo chiqishtirishmaydi. O’gay ona esa har doim yovuz. Sehr jodu, folbinga borish - normal xolat. Boyib ketish uchun esa biror oq soqolli cholni uchratish, bir xum tilla topib olish, yoki podshohning qiziga uylanish kerak.

Bu ertaklarni eshitaverib biz – eng kichik farzandni ezadigan, o’gay onalardan yaxshilik kutmaydigan, folbinga ishonadigan, asta-sekin mehnat orqali emas, bittada omadimiz kelib boyib ketishni kutib o’tiradigan bo’lib qolmaganimizga shukr.

Farzandlaring yoki ukalaring bo’lsa ularga buyuk insonlar biografiyalarni gapirib ber. Bola real hayotni qancha avval tushunib yetsa shuncha yaxshi. Payg’ambarlar, sahobalar, olimlar hayotidan boshlasang ham bo’ladi, masalan-da. (c)

📚 @e_kutubxona

#Saboqlar

Fransiyada tashkillashtirilgan bir konferensiyada Najib Fozilga Jazoirlik bir yigit fransuzcha gapirib savol beradi:
- "Usmonli imperialist emasmidi?"

Najib Fozil:
- "Bolam, agar Usmonli imperialist bo'lganda edi, sen hozir savolingni fransuzcha emas, turkchada bergan bo'lar eding".

📚 @e_kutubxona

#SOS

"Egalik tashkilotda kapital ulushga ega bo‘lishni yo rasman rahbarlik lavozimini egallashni talab qilmaydi. Bu, shunchaki, ayblash, shikoyat qilish, kechiktirish yoki bahona qilish o‘rniga, muammolarga tik boqishni anglatadi. Egalik huquqi sof shakldagi shaxsiy javobgarlikdir". Bu, shuningdek, har birimiz hayotimizning barcha sohalarida amal qilishimiz mumkin bo‘lgan g‘oyadir.
Egalik, bu ong, qalb va qo‘llarimizning muammoni hal qilish va aybni hech qachon boshqalarga to‘nkamaslik uchun bahamjihat bo‘la olishidir.

- Jon G. Miller, «SOS! Savol ortidagi savol» kitobidan

📚 @e_kutubxona

#Saboqlar

Oxir zamonda ilm ko‘tarilishi haqidagi xabarlarda ikki shart aytiladi:

1) Olimlarning o‘tib ketishi;
2) Odamlarning johillarni o‘zlariga olim qilib olishlari.

Birinchi shart sizga bog‘liq emas. Lekin ikkinchi shartga hissa qo‘shmaslikka harakat qiling.

- Said Komil

📚 @e_kutubxona

🌐 Jahon adabiyoti
📓 "Gyote bilan gurunglar"
✍ Yohann Peter Ekkerman
⚙ Roman
⚖ 40,2 MB
📄 636 sahifa

📚 @e_kutubxona

#Saboqlar

Ulamo va ustozlardan ilm olishdan yuz burgan kishi hatto o‘zida to‘lib toshgan kutubxona yaratgan bo‘lsa ham (maqsadga) yetisha olmaydi. Balki ko‘plab iboralarni tushunishda xatoga yo‘l qo‘yib o‘zimiz ataydigan mutlaq jaholat va bilimsizlikka tushib qoladi. U o‘zini olim deb o‘ylaydi vaholanki bilimsiz bo‘ladi. Kitoblarni o‘zidan o‘rganish gohida egasini mutakabbir qilib qo‘yadi.

- Imom Butiy

📚 @e_kutubxona

#Mulohaza

Ilmiy kitoblarni mustaqil o’qimaslik kerak, garchi arab tilida mutolaasi yaxshi ochilgan bo’lsa ham. Chunki ilmiy kitoblardagi atama va istilohlarni tushunish uchun til bilishning o’zi yetarli bo’lmaydi, balki ularni shu ilmda mutaxassis bo’lgan ustoz bittalab tushuntirib berishi bilangina tushunish mumkin. Aks holda:

1. Biror fanga oid ilmiy kitobni o’zi mustaqil o’qiyotgan talaba undagi usul-qoidalarni aslicha emas, balki o’zicha (o’zining fahmi bilan, noto’g’ri ravishda) tushunib oladi, ular haqidagi ilk tasavvuri noto’g’ri shakllanadi. Har bir narsa haqida ilk paydo bo’lgan tasavvur zehnda mustahkam o’rnashib qolishi bois, keyinchalik ularni to’g’rilash juda qiyin bo’ladi.

2. Agar u o’sha ilm haqida o’zida paydo qilgan noto’g’ri tushunchasini boshqalarga ham shunday o’rgata boshlasa, bu yana-da yomonroq, endi u o’zi xato qilibgina qolmay, boshqalarni ham adashtiruvchi bo’lib qoladi.

Shuning uchun ham har qanday ilmiy kitobni mutaxassis ustoz bilan birga o’qilsa, to’g’ri, foydali va maqsadga muvofiq bo’ladi.

Endi agar o’sha ilmga oid bir nechta boshqa kitoblarni avval ustoz bilan birga o’qib tugatgan va u haqida ma’lum darajada ilm va to’g’ri tushuncha hosil qilgan, atama va istilohlarini, usul-qoidalarini o’rgangan bo’lsa, u holda ana shu ilmga oid boshqa kitoblarni ham o’zi mustaqil o’qisa bo’ladi. Lekin baribir ustoz bilan birga o’qish foydaliroq.

Turli hikoyalar, she’rlar, odob-axloqqa doir asarlar yoki shunga o’xshash ilmiy bo’lmagan kitoblarni esa, ham undagi ma’lumotlardan manfaat olish uchun, ham mutolaani yana-da yaxshilash maqsadida ko’proq o’qiyverish kerak.

- Yo‘ldoshbek Ibrohim

📚 @e_kutubxona

#Maqola

📓 «Dunyoviylik himoyasi dindorlarga qolib ketdi»
✍ Jamshid Muslimov
⚙ Maqola

2-qism: 4-5-maqolalar

• 1-qism

📚 @e_kutubxona

#Saboqlar

• Muhojiratda yurganimda muxolifat vakillari meni o‘zlariga qo‘shilishimni aytishgandi. Qo‘shilmadim, ilmiy ishlarimga mashg‘ul bo‘ldim va bu qarorim eng to‘g‘ri qaror bo‘lganini yigirma yil o‘tgach hayotiy o‘rnak sifatida ko‘rdim. Alloh taolo menga ilmiy ishlarimda baraka ato qildi.

• Muxolifat esa yigirma yil oldin qanday faoliyatda bo‘lsa hozir ham o‘sha faoliyatidan o‘zgarmagan. Ular hamon bir tarafni yomonlash bilan umrini o‘tkazmoqda. Afsuski ularning yomonlash faoliyatlari hech kimga foyda keltirmayapti.

(c) Shayx Muhammad Sodiq Muhammad Yusuf rohimahullohning shaxsiy suhbatda aytgan gaplaridan

📚 @e_kutubxona