#كفته_اقتصاديه ❤️❤️
بربع كيلو لحمه وطعمها ولا اروع
المقادير👇
ربع كيلو لحمه مفرومه
تفل بصلايه كبيره معصورة كويس جدا هنستخدم مايه البصل بعدين
بطاطسايه مبشورة ومتصفيه كويس جداااا
فلفل اخضر او الوان المتاح
معلقه ص بيكنج بودر
ملح وفلفل
بهارات لحمه
مكعب مرق مبشور...ودى بقي اضافه وهم
ربع كوب بقسماط مخلوط بربع كوب ميه او نص رغيف عيش منقوع فى ميه ومتصفي تمامااااا
للتلميع
ميه بصل
ملح وفلفل
معلقه ص صلصه طماطم
معلقه ك زيت
الطريقه👇
اول حاجه تفرمي اللحمه مع البطاطس والتوابل وتفل البصلايه والماجي والبيكنج والبقسماط ال اتنقع ف الميه وكله يتفرم سوا بعد كده دخلي الكفته نص ساعه الثلاجه وفى الوقت ده جهزي خليط التلميع بخلط كل مكوناته المكتوبه فوق وابتدي شكلي الكفته على سيخ الشوي وبلي ايدك بخليط التلميع ودخليها فرن سخن على ١٨٠ ل ٢٠٠ لمده ٢٠ دقيقه واول ماتخرج اديها فحمايه وغطيها خمس دقايق وكلي احلى كفتة
او تكوريها وتبططيها وع طاسه وشوحيها وبعد ما تطلع ولعى فحمايه وتقدم مع ارز او عيش وسلطه
وبالف هنا وشفا
#وصفات #طريقة #طريقه
#مطبخ #طبخ

سهله جدا اقتصاديه جدا مجهود قليييل جدا ..

طبق البطاطس ده من حلاوته مممكن اعمله كل يوم ♥️
الطريقه
بقطع البطاطس مكعبات واغسلها كويس جدا واصفيها وبعدها بقليها ف الزيت تستوي سوي كامل بطلعها ف مصفاه تصفي الزيت الزياده
ف طاسه بضيف زيت ومعلقتين توم مفروم يتشوحو وبضيف معلقه خل كبيره وانزل بالتوابل بهارات بطاطس وكمون وبابريكا وبصل بودر يتشوحو كويس واضيف طماطم وفلفل متقطع صغير واسبهم ع نار لمده خمس دقائق وبعدها بضيف البطاطس واخر حاجه بضيفها الكزبره أو البقدونس فريش وبس كده واشلها علطول من علي النار ♥️
#حلاووتها_ف_تتبيلتها

بديل الجبنة الموزريلا بربع سعرهااا بعد طول انتظار ..

هنعمل الموزريلا في البيت بكل سهولة تعالي اقولك ازاي بس هات حبايبك وتعالي ..
١ كيلو لبن كامل الدسم
٢ ٢٠٠جرام نشا (٢ كوب)
٣ ٢٥٠ جرام جبنة شيدر
٤ ٢٠٠ جرام زبدة

الطريقة
هنخلط اللبن البارد مع النشا في خلاط لمدة ٣ دقايق وبعد كدة نبدء نحطة في حلة ونسخنة مع التقليب علي الهادي ولما يربط معانا هننزل بالجبنة الشيدر مع التقليب لمدة ٤ دقايق وبعد كدة ننزل بالزبدة باردة مع التقليب السريع لمدة ٣ دقايق هنلاقي ان الخليط معانا بقي زي الجبنة العكاوي بالظبط هبدء افضية في اي علبة عندي واسيبة في التلاجة لمدة ٦ ساعات وبعد كدة ممكن ابدء ان انا ابشرة او استخدمة زي ما احب
طب لو هعمل كنافة وهحشيها من الجبنة يبقي هنا هنسيب الجبنة في ماية باردة لمدة نص ساعة وبعد كدة نصفيها كويس جدا جدا
ونبدء نعجنها بايدنا عشان ننزل منها كل السوايل وابدء احشي بيها الكنافة وبالهنا والشفا

تحففففه

كنت وعدتكم
بصدقة علم
طريقة البسبوسه💞✌️
اللي هنحتاج💪💪💪
صنيه مقاس ٢٤
او ٢٦ لو عايزنها رقيقه مش سميكه
دقيق سميد سايب
المقادير 🤟
٢كوب سميد
كوب الاربع سكر
كوب الاربع سمنه وياسلام لو بلدي
نص كوب للبن وياسلام لو ربع زبادي وربع للبن
والشربات بقى
كوب سكر
٢كوب مياه
الطريقه🤟
هندفي السكر واللبن والسمنه
وننزل بيهم على دقيق السميد
وبلاش نقعد نقلب كثير
وندهن الصنيه طحينه واه طحينه
وننزل بالخليط وعلى فرن سخن
واول ماالحروف تحمر نشغل الشوايه
الشربات بقى
هنكرمل كوب السكر على نار هاديه
وننزل ب٢كوب مياه
ونقطة ليمونه
ننزل بالشربات سخن على البسبوسه وهي سخنه
وبعد ماتشرب الشربات غطيها وسيبها تص ساعه كده
وبألف هنا كلي أحلى بسبوسه وأدعيلي💜💜💜

ناس تقول البيض و اللبن قبل التسوية 🤔🤔
و ناس تقول ف نص التسوية 🤔🤔
و ناس تقول مبتطلعش معانا مورقة 🤔🤔
و ناس تقول الحشوة بتقع و مفرولة 🤔🤔
إليكم الحل 💯💯💯❤️❤️
صينية الجلاش 😋😋بطل سفرة عيد الأضحى ❤️
هنعمل تشريبة سريعة من غير ترتيب 👍💯👇
كوب لبن+كوب سمنة+بيضتين+ملح و فلفل
نضررررررررررب ضربا مبرحاااا 😂😂
نجيب صينية فرن بايركس أو أى نوع
ندهنها سمنة و نحط أو راق جلاش
ندهن بالفرشاة الحلوة بتاعتنا من الخليط السائل
نخلص نص لفة الجلاش
ف النص العصاج الخطير 🔥🔥💯 على طريقتى ❤️
ووك ساااااخن ننزل فيه ب 3 بصلات مفرومين نشوح من غير دهون و ننزل بنص كيلو لحمة مفرومة و نشوح
ننزل بملح و فلفل و بهارات و نشوح كويس 🔥
نغطى عليها عشر دقائق
نطفى النار 🔥 و ننزل بالخلطة دى 🤤👇👇👇
زيتون اسود و اخضر و فلفل الوان و حار و لمون مخلل
و أدعولى ❤️❤️
عشان الحشوة تمسك شوفى التريكة دى 🤭🤭🤭
حطى فوق الحشوة معلقتين كبار من التشريبة 💯
نكمل باقى لفة الجلاش 👌👌
نقطع مربعات بسكينة حادة
ندخل الصينية الفرن على الرف الأوسط تقريبا 20ل25 دقيقة على حرارة وسط
هياخد لون من فوق و تحت و هيبقى تحفة 💯
و بألف هنا ❤️❤️

#كيك #اقتصادي
بناءا علي طلبكم اليوم كله وصفات اقتصادية 😍
ادي الكيكة الاقتصادية اوي ,👌
من غير بيض .. من غير لبن .. من غير شيكولاتة .. من غير خلاط

#الكيكة_العجيبة
#مطبخ_هالة
كوب سكر
كوب ماء دافيء
كوب الا ربع زيت
٣ م ك كاكاو
فانيليا
٢ كوب دقيق
م ك بيكنج بودر
م ك خل
حطي السكر علي الكاكاو مع المايه الدافيه وقلبيهم مع بعض وانزلي بالزيت
انخلي الدقيق مع البيكنج بودر علي الخليط السايل واخر حاجة انزلي بالخل
حطي المقدار في صينية مقاس ٢٢ مدهونه سمنه ودخليها الفرن علي درجة حرارة ١٨٠ علي الشبكة حوالي ٤٠ ل ٤٥ دقيقة
هتخرج من الفرن سبيها تبرد

*للتسقيه*
٢ م ك ماء
م ك كاكاو
م ك سكر
دوبي السكر مع الكاكاو في مايه دافيه

#صوص_الشيكولاتة
٣ م ك كاكاو
٢ م ك سكر
م ك نشا
كوب ماء
م ك زيت
حطي كل المقادير علي بعض معادا الزيت علي البارد الاول وقلبيهم سوا وبعدين حطيهم علي النار كله يدوب مع بعض وفي الاخر حطي الزيت يدي لمعه حلوة للصوص

🤍 #نصيحة_ست_الحبايب ازاي تدبري مصروف بيتك🤍

١- طلعي صدقة من المصروف اول مايكون معاكي

٢- اعملي الاكل في البيت اوفر واحسن وانظف من اكل برة

٣-اكتبي احتياجاتك في ورقة قبل ماتنزلي تشتري عشان هتلاقي
نفسك جبتي حاجات مش في الاولويات

٤-اشتري دايما الخضار والفاكهة من السوق اوفر بكتييير من الخضار المغلف في السوبر ماركت

٥- لو اتبقى من الاكل اوعي ترميه ..شيليه في الفريزر هينفعك في يوم تطلعيهم وتعملي احلى اوبن بوفيه

٦- اعملي جدول باكلات الشهر عشان متحتاريش كل يوم تعملي ايه و هتلاقي حاجتها موجوده ولا لا

٧- استغلي وقت عروض وخصومات اي سوبرماركت علي المنتجات اللي بتحتاجيها دايما

كبدة بالثوم والخل
#المقادير
كبدة مقطعة شرائح
معلقة خل
2 ملعقة كبيرة عصير ليمون
2 ثمرة فلفل حار مقطع شرائح
2 ملعقة صغيرة ثوم مفروم
ملعقة صغيرة كمون
زنجبيل مطحون ملح وفلفل أسود
#الطريقه
في بوله كبيره ضعي الكبدة والخل وعصير الليمون والكمون والزنجبيل والملح والفلفل الأسود،
وقلبي جيدًا. اتركي الكبدة جانبًا،
أو في الثلاجة لمدة 40 دقيقة. على نار متوسطة، سخني الزيت جيدًا، ثم أضيفي الثوم والفلفل الحار،
وقلبي لمرة واحدة فقط. أضيفي الكبدة بالتتبيلة الخاصة بها، وقلبيها لمدة 5 دقائق وبالف هنا وشفا

حلوى مكعبات السعادة بالسميد والقشطة

هذه الوصفة الرائعة يمكن للجميع عملاها في 10 دقائق فقط كل ما عليكي أولا هو تحضير المكونات الخاصة بالحلوى وهي بسيطة متواجدة في جميع المنازل وخزائن المطبخ، والمكونات هي:

كوب من السميد.
عدد كوب واحد من اللبن البودر.
كوب من السكر البودر.
5 معالق من القشطة.
كوب من الشوكولاته.
طريقة تحضير حلوى مكعبات السعادة بالسميد والقشطة
كما سبق وقد ذكرنا لكم أن هذه الحلوى من أسرع وأسهل الوصفات، فهي لا تحتاج إلى الدخول في الفرن ومكوناتها بسيطة جداً من 5 مكونات فقط متوفرة وغير مكلفة، ولهذا سنقدم لكم مكونات عمل حلوى مكعبات السعادة بالخطوات وهي:
أولًا علينا بإحضار طاسة ووضعها على النار متوسطة، ثم يتم رفع كوب السميد.
يتم تقليب السميد بالاستمرار وهي على نار متوسطة حتى يتم تحميرها حتى تصل إلى اللون الذهبي، ويتم رفعها بعد ذلك وتوضع في طبق.
نضع الآن كوب اللبن البودر في الطاسة على نار متوسطة ويتم تقليبها باستمرار حتى تأخذ اللون الذهبي ويرفع من على النار.
يوضع اللبن البودر بعد التحمير على السميد ويقلب جيدًا.
في وعاء آخر يتم خلط كوب السكر مع القشطة حتى يمتزجا مع بعضهم البعض.
ثم يتم وضع خليط القشطة على السميد واللبن البودر بالتدريج ويتم تقليبهم حتى تحصلين على عجينة تستطيع تشكيلها.
يوضع الخليط في صينية غير قابل للالتصاق ويتم فردها في الصينية.
ضعي الشوكولاته على بخار مائي حتى تسيح تمامًا ويتم فردها على خليط السميد.
تترك 10 دقائق ويتم تقطيعها بعد ذلك إلى مكعبات صغيرة.
ونكون هكذا قد قدمنا لكم خطوات عمل مكعبات السعادة اللذيذة والخفيفة يمكن تناولها مع كوب من القهوة.

,و ما تنساش تثلي علي الحبيب