Олий таълим, фан ва инновациялар вазирининг барча ўринбосарлари:

• биринчи ўринбосар Шохруҳ Далиев,
• ўринбосарлар Отабек Маҳкамов
• Сарвархон Бузрукхонов лавозимидан озод этилди.

Шунингдек, Таълим сифатини таъминлаш миллий агентлиги директори Адхам Худайкулов бошқа ишга ўтгани сабабли, ҳамда Инновасион ривожланиш агентлиги директори Шароф Ражаббаев ҳам лавозимидан бўшатилди.

Декабрдан никоҳни расмийлаштиришда тиббий кўрик маълумотномасини талаб қилмайди

«Давлат хизматларини кўрсатиш тизимини такомиллаштириш ҳамда соҳада бюрократик тартиботларни тубдан қисқартиришга доир қўшимча чора-тадбирлар тўғрисида»ги президент фармони қабул қилинди. Унга кўра, 1 декабрдан никоҳни расмийлаштиришда ФҲДЁ органлари томонидан никоҳланувчи шахслардан тиббий кўрик натижаларини тақдим қилиш талаби бекор қилинади.

Тошкент ҳалқа йўлининг Ҳасанбойдан ўтган қисмида Gentra ёниб кетибди.

Боласини айиққа ем қилмоқчи бўлган аёл энди қизини пичоқлаб ўлдирди

Руҳий хаста бўлган аёлга соғлом дея уйига жавоб бериб юборилган.

Сардор Бахтиёрович Ражабов олий таълим, фан ва инновациялар вазирининг биринчи ўринбосари этиб тайинланди. У бунга қадар мактабгача ва мактаб таълими вазирининг ўринбосари эди.

Бахтиёр Ғайратжонович Йўлдашев Президент Администрацияси ҳузуридаги Таълим сифатини таъминлаш миллий агентлиги директори этиб тайинланди. У бунга қадар «Янги Ўзбекистон» университети проректори эди.

Азизбек Турдиев мактабгача ва мактаб таълими вазири ўринбосари лавозимига тайинланди

У бунга қадар Мактабгача ва мактаб таълими вазири маслаҳатчиси вазифасида ишлаб келаётган эди. Азизбек Турдиев узоқ муддат Ўзбекистон телевидениесида ҳам фаолият олиб борган. Жумладан, «Ассалом Ўзбекистон» кўрсатувида бош муҳаррир ўринбосари сифатида ишлаган.

Аммо негадир вазирлик хабарида бу маълумотлар айтилмаган. У МТРКда ишлаган даврларда мактабда дарс бергани ҳақида маълумот билан тўлдирилган.

Ўзбекистонда 400 та янги қурилган уй-жойлар бузилиш хавфи остида

Кенг қамровли текширувлар жараёнида 396 та янги қурилиш объектида жиддий қоидабузарликлар аниқланди. Асосий эътибор биноларнинг зилзилабардошлиги — ер силкинишларига чидамлилигига қаратилди.

200 дан ортиқ новостройкага тўлиқ бузиш талаби билан судга даъво аризалари киритилди. 100 дан зиёд ноқонуний ва хавфли иншоотлар аллақачон бузиб ташланди.

Раджапбай Нуразизов Қорақалпоғистон Республикаси Жўқорғи Кенгеси Раисининг ўринбосари лавозимига сайланди

Бунгача у Қорақалпоғистон Республикаси Вазирлар Кенгаши раисининг Жамоат ва диний ташкилотлар билан алоқалар бўйича ўринбосари лавозимида ишлаб келган.

Сурхондарёда экстремистик ғоялар билан боғлиқ жиноятлар учун 20 кишига суд ҳукми ўқилди

Бир гуруҳ шахслар тоғда дам олиш ниқоби остида ўтказилган йиғинларда жангарилар сафида “жиҳод” қилиш ва ўзларини портлатиш йўли билан “шаҳид” бўлиш масалаларини муҳокама қилган. Улар 6 йилдан 13 йилгача озодликдан маҳрум этилди.

Ёшларни қўллаб-қувватлаш бўйича "Маҳалла еттилиги" ва таълим муассасалари ҳамкорлик қилади

Президент Фармонига кўра:

“Маҳалла еттилиги” ва таълим муассасалари ўртасида ёшлар, жумладан, умумтаълим мактабларининг битирувчи синф ўқувчиларини қўллаб-қувватлаш бўйича ҳамкорлик қилиш тизими жорий этилади.

Мактабларнинг маънавий-маърифий ишлар бўйича директор ўринбосарлари ҳар ой синф раҳбари ва мактаб психологи билан хулқ-атворида мураккабликлар кузатилган ўқувчилар ўртасида хорижий тиллар, касбларни ўрганиш ҳамда меҳнат фаолиятига қизиқиш билдирганларини аниқлайди.

Ушбу ўқувчиларнинг рўйхати шакллантирилиб, ёшлар етакчиси ва маҳалла раисига тақдим этилади.

Ёшлар етакчилари маҳалла ҳудудидаги мураббийлар, касб эгалари ва тадбиркорлар билан ҳамкорликда ўқувчилар учун устозлик тизимини йўлга қўяди.

Маҳалла раислари ёшларнинг фанларни ўрганиши, ахборот технологияларини ўзлаштириши, китобхонлик, спорт билан шуғулланиши учун зарур шарт-шароитларни яратиш бўйича ташаббуслар ишлаб чиқади.

Асосий ставка ўзгармади

Марказий банк асосий ставкани йиллик 14 фоиз даражасида ўзгаришсиз қолдириш тўғрисида қарор қабул қилди.

🇷🇺 Путин сўнгги 5 йил ичида умрни узайтириш билан боғлиқ лойиҳаларга молиялаштиришни 8 баробар оширди — Новая Европа газетаси

💥 Қозоғистонда цехдаги портлашда уч нафар қашқадарёлик йигит вафот этди

Кеча Қозоғистондаги металл йиғиш цехида содир бўлган портлаш оқибатида Қашқадарё вилоятидан бўлган уч нафар йигит ҳалок бўлди.

Айни вақтда марҳумларни Ўзбекистонга олиб келишда амалий ёрдам зарур бўлмоқда. Аммо яқинлари бу масалада Миграция агентлиги билан боғлана олмаяпти.

📞 Мурожаат учун телефон рақами: +998936040970

🚨Олмаотадаги корхонада юз берган портлашда 3 ўзбекистонлик вафот этди

Портлаш 11-сентябр куни “ЛГН Метал” корхонасида содир бўлган.

Ҳозирда Или тумани полицияси тергов ҳаракатларини бошлаган.

Миграция агентлиги марҳумларнинг жасадларини мамлакатга қайтариш бўйича зарур чораларни кўрмоқда.

❗️Фазлиддин Эркинбоев – Ўзбекистоннинг янги жаҳон чемпиони

Бокс бўйича Ўзбекистон терма жамоаси Англияда ўтаётган жаҳон чемпионатида дастлабки олтин медалга эга бўлди.

-75 кг вазн тоифасида баҳс олиб борган Фазлиддин Эркинбоев финалда болгариялик Киван Рами устидан ғалаба қозониб, терма жамоамизга мусобақадаги дастлабки чемпионликни тақдим этди.

2026 бошлаб камида 15 йил стажга эга бўлган олий тоифали педагогларга ипотека кредити бошланғич бадалининг 25 фоизи қоплаб берилади — президент

Ҳафта давомида ҳарорат +20 даражагача тушади, жойларда ёмғир ёғади

Ўзбекистон бўйлаб ҳаво ҳарорати пасайишда давом этади ва ҳафта ўртасида кундузи +20…+25 даража атрофида бўлади. Тошкент шаҳри ва айрим вилоятларда қисқа муддатли ёмғир ёғиши кутилмоқда. 19 сентябрдан салқин ҳаво массаси яна чекина бошлайди.

Тоғолди ва тоғли ҳудудларда бутун иш ҳафтаси давомида танаффус билан ёмғир ёғиши кутилмоқда. 16 сентябрь куни айрим тоғли ҳудудларда ёмғир кучли ёғади. Баланд тоғларда ёмғир қорга айланиши эҳтимоли бор.

Бакалавриатга қабул қилиш тартиби ўзгарди

Кириш имтиҳонлари 2 бўлимдан иборат бўлади:

🔹 1-бўлим – барча бакалавриат таълим йўналишлари учун мажбурий 3 та фан: она тили, математика ва Ўзбекистон тарихидан тест синовлари;

🔹 2-бўлим – абитуриент танлаган бакалавриат таълим йўналишига мос 2 та фандан тест синовлари ёки таълим йўналишига мос касбий (ижодий) имтиҳонлар.