⚡️30 ИЮНЬ - ЁШЛАР КУНИ

Жонажон Ватанимизда 30 июнь – Ёшлар куни кенг нишонланмоқда. Мамлакатимизнинг барча ёшларини ана шу қутлуғ байрам билан самимий табриклаймиз.

Ёшлар – ҳар бир юрт ва миллатнинг улкан бойлиги, буюк салоҳияти, куч-қудрати манбаидир. Барча соҳалар каби миллий сайлов тизимини ҳам ёшларнинг фаол иштироки, замонавий билими ва кўникмаларисиз тасаввур этиб бўлмайди.

Мамлакатимиз ёшлари томонидан эришилаётган улкан ютуқлар замирида мустақил Ўзбекистонда ёш авлоднинг пухта таълим-тарбия олиши, ўз истеъдод ва салоҳиятини юзага чиқариши, жамиятимизнинг ижтимоий-сиёсий ҳаётида фаол иштирок этишини самарали таъминлашга қаратилаётган доимий эътибор мужассамдир.

Бундай улкан ғамхўрликнинг юксак самаралари Янги Ўзбекистонни барпо этиш, инсон қадрини янада юксалтиришга йўналтирилган кенг қамровли ислоҳотларни амалга оширишда Ватан ва халқ ишига доим тайёр, ғайрат-шижоатли, фаол ёшларимизнинг ўрни ва таъсири тобора ортиб бораётганида ўзининг ёрқин ифодасини топмоқда.

Келажагимиз эгалари бўлган азиз ёшларимизни юртимиз ҳаётидаги қутлуғ байрам, азму шижоат, гўзаллик ва камолот айёми – Ёшлар куни билан самимий табриклаб, уларга сиҳат-саломатлик, бахт ва омадлар тилаймиз.

✅ Ўзбекистон Республикаси
Марказий сайлов комиссияси

Saylov.uz | Telegram | Facebook | Instagram | X | Ok.ru | YouTube

#savoljavob

❓САВОЛ: Сайловчилар билан учрашувлар қандай тартибда ташкил этилади?

✅ ЖАВОБ:

Номзодларга ва сиёсий партияларга сайловчилар билан учрашувлар ўтказиш орқали ташвиқот учун тенг шароитлар яратилади.

Сайловчилар билан учрашувлар депутатликка номзодлар ва сиёсий партиялар томонидан мустақил равишда ўтказилади.

Сайловчилар билан учрашувларни ўтказиш жойи ва вақти ҳақида тегишли ҳудудий, туман, шаҳар ёки участка сайлов комиссиясига маълум қилинади. Номзоднинг сайловчилар билан учрашувлар ўтказиши тўғрисидаги ахборот маҳаллий ОАВда эълон қилинади.

Сайловчилар билан учрашувлар каби оммавий тадбирлар уларнинг ўтказилиш жойи ва вақти ҳақида тегишли туман (шаҳар) ҳокимликлари камида уч кун олдин ёзма равишда хабардор қилинган ҳолда ўтказилади. Бунда ушбу оммавий тадбирларни ўтказиш учун рухсатнома талаб қилинмайди.

Saylov.uz | Telegram | Facebook | Instagram | X | Ok.ru | YouTube

#saylovatamalari

📝Сайлов атамалари

Сайлов комиссиялари тизими – Марказий сайлов комиссияси, ҳудудий сайлов комиссиялари, туман ва шаҳар сайлов комиссиялари, халқ депутатлари вилоятлар ва Тошкент шаҳар Кенгашларига сайлов ўтказиш бўйича округ сайлов комиссиялари, участка сайлов комиссиялари. Сайлов комиссиялари ва уларнинг аъзолари ўз фаолиятини ҳар қандай давлат органларидан, жамоат бирлашмаларидан ва мансабдор шахслардан мустақил ҳолда амалга оширади. Сайлов комиссияларининг фаолиятига аралашишга йўл қўйилмайди ва бундай аралашув қонунга мувофиқ жавобгарликка сабаб бўлади.

Saylov.uz | Telegram | Facebook | Instagram | X | Ok.ru | YouTube

#savoljavob

❓САВОЛ: Сайловчиларнинг ягона электрон рўйхати нима учун керак?

✅ ЖАВОБ:

Сайловчиларнинг ягона электрон рўйхати сайловнинг тенглик принципини таъминлашга хизмат қиладиган воситадир. Яъни, Ўзбекистон Республикасининг Конституциясида белгиланган “ҳар бир сайловчи бир овозга эга” тамойилини рўёбга чиқаришга хизмат қилади. Сайловчиларнинг ягона электрон рўйхати орқали фуқароларнинг фақат бир маротаба овоз беришини назоратга олиш имконияти мавжуд бўлади.

Марказий сайлов комиссияси сайловчиларнинг ягона электрон рўйхатидан фойдаланиш фаолияти бўйича умумий раҳбарлик ва мувофиқлаштириш ишларини амалга оширади. Рўйхат яхлит электрон тарзда бўлиб, у сайловчиларнинг ягона электрон рўйхати деб номланади.

Saylov.uz | Telegram | Facebook | Instagram | X | Ok.ru | YouTube

#saylovatamalari

📝Сайлов атамалари

Сайлов жараёнини бошқариш ахборот тизими (СЖБАТ) – хавфсиз алоқа каналлари бўйича идоравий ахборот тизимлари ва маълумотлар базалари билан интеграциялаш орқали СЯЭРни шакллантириш жараёнини автоматлаштирадиган, сайловчи фуқароларга ўз сайлов участкаларига оид ахборотлар билан танишишга ва сайлов участкасини ўзгартиришга сўровнома юбориш имконини берадиган, СЯЭРда сақланадиган маълумотлардан фойдаланувчиларнинг фойдаланиш ва сайлов участкалари бўйича рўйхатларга тузатиш киритиш ҳуқуқларини тақсимлаш вазифасини бажарадиган тизим.

Saylov.uz | Telegram | Facebook | Instagram | X | Ok.ru | YouTube

#savoljavob

❓САВОЛ: Яширин овоз бериш принципи нимани англатади?

✅ ЖАВОБ:

Яширин овоз бериш принципи сайлов бюллетенини олган сайловчи яширин овоз бериш хонаси (кабинаси)да ёки турган жойида ўзи муносиб деб топган номзод ёки сиёсий партияга ҳеч қандай тўсиқ ва таъсирларсиз эркин овоз бериши ҳамда уларнинг хоҳиш-иродаси назорат қилинишига йўл қўйилмаслигини англатади.
Яширин овоз бериш сайловчининг хоҳиш-иродаси устидан ҳар қандай тарзда назорат қилиш имкониятини истисно этадиган тегишли шароитларни яратиш орқали таъминланади.

Saylov.uz | Telegram | Facebook | Instagram | X | Ok.ru | YouTube

🌎 Ловиялар ёрдамида ўтказилган сайловлар тарихи

❔Инсоният тарихида илк демократик тамойилларнинг вужудга келишида Қадимги Афинадаги сайловлар муҳим аҳамият касб этади. Милоддан аввалги V асрдан бошлаб Афинада фуқаролар тўғридан-тўғри давлат бошқарувида иштирок эта бошладилар. Аввалига бу жараёнда фақат эркак, эркин фуқаролар қатнашган бўлса, кейинчалик сайловлар орқали ҳокимият тепасига чиқиш ҳуқуқи кенгайиб борди. Афинада сайловлар асосан очиқ овоз бериш (қўл кўтариш) ёки оқ ва қора ловиялар ёрдамида яширин овоз бериш шаклида ўтказилган.

✅ Марказий сайлов комиссияси Матбуот хизмати томонидан "Сайлов: кеча ва бугун" ҳужжатли филми тасвирга олинган. Ушбу фильмда инсоният тарихида илк демократик тамойилларнинг вужудга келиши тўғрисида маълумот берилган.

📺 Фильмни тўлиқ кўриш учун ҳавола: https://youtu.be/J5j-zAqxOfw?si=9L5ExLuWoltGdVpV

Saylov.uz | Telegram | Facebook | Instagram | X | Ok.ru | YouTube

#saylovatamalari

📝Сайлов атамалари

Сайловда иштирок этиш ҳуқуқи – сайлов ўтказиладиган кунга қадар ёки сайлов кунида 18 ёшга тўлган Ўзбекистон Республикасининг ҳар бир фуқароси сайловда иштирок этиш ҳуқуқига эгадир. Фуқаролар жинси, ирқий ва миллий мансублиги, тили, динга муносабати, ижтимоий келиб чиқиши, эътиқоди, шахсий ва ижтимоий мавқеи, маълумоти, машғулотининг тури ва хусусиятидан қатъи назар, тенг сайлов ҳуқуқига эгадир.

Saylov.uz | Telegram | Facebook | Instagram | X | Ok.ru | YouTube

💬 Ўзбекистон ҳудудида ўтказилган илк замонавий сайловлар

🔔 Илк замонавий сайловлар тарихи 1877 йил бориб тақалади. 1877 йил Туркистон генерал-губернаторлиги аҳолиси ҳамда ҳудудининг кенгайиши натижасида Тошкент шаҳар Думасини тузиш зарурати пайдо бўлди. Сирдарё ҳарбий губернаторлиги бошчилигида махсус ҳайъат тузилди. Махсус ҳайъат сайловчилар рўйхатини тузиш ҳамда сайлов ўтказиш бўйича иш олиб борди. 1877 йил август ойида Тошкент шаҳар Думасига сайловлар бўлиб ўтди. 1877 йил 30 август куни Тошкент шаҳар Думасининг очилиши бўлиб ўтди. Думага сайлов ҳар 4 йилда бир марта ўтказилган.

✅ Марказий сайлов комиссияси Матбуот хизмати томонидан "Сайлов: кеча ва бугун" ҳужжатли филми тасвирга олинган. Ушбу фильмда Ўзбекистон ҳудудида ўтказилган илк замонавий сайловлар тўғрисида маълумот берилган.

📺 Фильмни тўлиқ кўриш учун ҳавола: https://youtu.be/J5j-zAqxOfw?si=9L5ExLuWoltGdVpV

Saylov.uz | Telegram | Facebook | Instagram | X | Ok.ru | YouTube

#qiziqarli_malumotlar

Сайлов жараёнларига оид қизиқарли маълумотлар.

✈️ Ҳеч қачон сайлов ўтказилмайдиган давлатлар

✈️ Ҳа, тўғри ўқидингиз бор шунақаси. Бу учта давлат сизга ҳам таниш бўлса керак. Демак, булар қуйидагилар. Биринчи давлат Саудия Арабистони. Давлат тузуми монархия бошқарув шаклида бўлгани учун, бу давлатда лавозимлар қироллик оиласи томонидан тайинланади. Иккинчи давлат Ватикан. Давлат диний монархия шаклида бошқарилгани учун, бу ерда фуқаролар ҳеч қачон сайловда иштирок этишмаган. Учинчи давлат Бирлашган Араб амирликлари. Мамлакат президент томонидан бошқарилсада, президент умумхалқ сайловида сайланмайди, амирлар кенгаши томонидан тайинланади.

Saylov.uz | Telegram | Facebook | Instagram | X | Ok.ru | YouTube

#savoljavob

❓САВОЛ: Ўзбекистон Республикаси аралаш сайлов тизими қайси вакиллик органлари сайловларида қўлланилади?

✅ ЖАВОБ:

Мамлакатимизда Олий Мажлис Қонунчилик палатаси депутатлари сайлови айнан аралаш сайлов тизими асосида ўтказилади.

Бунда Қонунчилик палатасининг 75 нафар депутати бевосита бир мандатли сайлов округларидан, қолган 75 нафар депутат ягона сайлов округи бўйича сиёсий партияларнинг сайловда олган овозлари сонига пропорционал тарзда, партия томонидан тақдим этилган депутатликка номзодлар рўйхати асосида сайланади.

Saylov.uz | Telegram | Facebook | Instagram | X | Ok.ru | YouTube

💬 Сайловлар тўғрисидаги энг шов-шувли мақола ҳақида биласизми?

🔔Абдулла Қодирий нафақат буюк маърифатпарвар шахс, балки сиёсий фаол инсон ҳам бўлган. Унинг "Мазлум (Эски шаҳарлик)" тахаллуси остида ёзган "Сайловми, босқунчиликми?" сарлавҳали мақоласи 1917 йил 4 август санасида "Улуғ Туркистон" газетасида чоп этилган. 1917 йил 30 июлда Тошкент шаҳар думасига навбатдаги қайта сайлов бўлиши белгиланади. Мақола шаҳар думасига қайта сайлов муносабати билан ёзилган.

✅ Марказий сайлов комиссияси томонидан суратга олинган "Сайлов: кеча ва бугун" ҳужжатли фильмида ушбу мақолада тасвирланган саҳналар қайта жонлантирилди.

📺 Фильмни тўлиқ кўриш учун ҳавола: https://youtu.be/J5j-zAqxOfw?si=9L5ExLuWoltGdVpV

Saylov.uz | Telegram | Facebook | Instagram | X | Ok.ru | YouTube

#qiziqarli_malumotlar

Сайлов жараёнларига оид қизиқарли маълумотлар.

✈️ Энг кўп сайлов ўтказадиган давлат

✈️ Швейцария дунёдаги энг кўп сайлов ва референдум ўтказадиган давлатлардан бири ҳисобланади. Швейцарияда йилига 4-5 та референдум, шунингдек, кўплаб маҳаллий даражадаги сайловлар ўтказилади. Иккинчи ўринда, АҚШ бўлиб, у ерда ҳар икки йилда Конгресс сайловлари, ҳар тўрт йилда президентлик сайловлари ва доимий равишда маҳаллий ва штат даражасидаги сайловлар бўлиб ўтади. Учинчи ўринда Ҳиндистон. Ҳиндистон дунёдаги энг кўп сайловчига эга мамлакат бўлиб, ҳар йили миллионлаб сайловчилар штатлар ва маҳаллий даражадаги бошқа сайловларда иштирок этади.

Saylov.uz | Telegram | Facebook | Instagram | X | Ok.ru | YouTube

🇺🇿 Истиқлолнинг буюк қудрати: Ўзбекистоннинг миллий сайлов тизимидаги беқиёс ўзгаришларда ёрқин намоён бўлмоқда

⚜️ Шу кунларда юртимизда истиқлол байрамига бағишлаб ўтказилаётган барча тадбирлар мазмун-моҳиятида “Ватан учун, миллат учун, халқ учун!” деган эзгу ғоя ўзининг ёрқин ифодасини топаётганида эришилаётган улкан муваффақиятлардан шукроналик мужассам.

🌀 Батафсил:
Ўзбек (кирилл) | Oʻzbek (lotin)

Saylov.uz | Telegram | Facebook | Instagram | X | Ok.ru | YouTube

💬 XX асрда Ўзбекистон Республикаси ҳудудида ўтказилган сайловлар ҳақида биласизми?

🔔 II жаҳон урушидан кейинги даврда ўтказилган сайловлар шаклан сайлов бўлса-да, моҳиятан сайлов жараёнларининг қонун-қоидалари ва халқаро демократик ҳуқуқларни ифода этмасди. 1980 йиллар охирига келиб, профессионал сайлов органини ташкил этиш масаласи кун тартибига чиқди. Сайловларга ғарбона сайлов тарғибот усуллари жорий этила бошланди.

✅ Ушбу тарихий жараёнлар қай тарзда амалга оширилганлиги Марказий сайлов комиссияси томонидан суратга олинган "Сайлов: кеча ва бугун" ҳужжатли фильмида баён этилган.

📺 Фильмни тўлиқ кўриш учун ҳавола: https://youtu.be/J5j-zAqxOfw?si=9L5ExLuWoltGdVpV

Saylov.uz | Telegram | Facebook | Instagram | X | Ok.ru | YouTube

#saylovatamalari

📝Сайлов атамалари

Умумий сайлов ҳуқуқи – Ўзбекистон Республикаси Президенти, Қонунчилик палатаси депутатлари ва маҳаллий Кенгашлар депутатлари сайловларининг умумийлиги.

Saylov.uz | Telegram | Facebook | Instagram | X | Ok.ru | YouTube