حبيتها بگد الوطن
وتگلي اخوي شمالها
مالاتي العيون البجن
والغير صاير مالها

#ل_مصعـب_الدليمي

وعد لاروحنه انطينه
قمعهم ما يمض بينه
باجر ننتصر ونعود
والتاريخ يحجينه

#ل_مصعـب_الدليمي

هي شدة وفزع أولادة العراق
الما تهزة الغيرة شنسويله
باجر يعود الوطن ونردله ثار
بزود اخوتي الوطن يرجع حيلة
واليريد نداوم احنه نگلة صار
هي بس ايام وشكم ليلة
ننتضرها الرخصة من ام الشهيد
الدم ابنها لهسه مالي الشيلة
الضحت بدم الوگع خاطر نعيش
يصير ابنها نخذلة منوافيلة؟


#ل_مصعـب_الدليمي

https://youtu.be/nsubCNvsbco

#ملت_گلوب_الناس
خادمكم مصعب الدليمي
رسالة من احرار العراق
إلى من يهمهم الأمر
#نحن_احرار_العراق
#نحن_الجيل_الواعي
#نحن_صنّاع_المستقبل
شاركوها

انه ذاك السومر جفونه عليك وما اجيت

#ل_مصعـب_الدليمي

اهي وگفة شرف تنذكر للتاريخ
كفو والله ونعم والموقف اتسجل
موقف للوطن تفتخر بي الاجيال
باجر نرجع احسن من وضع الأول


#ل_مصعـب_الدليمي

دنيا ما من عدها صوج
الناس سولتها النفاق
تطيح عدنه ايران صعبه
وعادي لو طاح العراق

#ل_مصعـب_الدليمي

والمشكله بعض البشر
يتعاله اذا تحترمة
تسوليه زينات شكثر
تسهرله ليلك للفجر
وتعبك بلحضة يهدمه


#ل_مصعـب_الدليمي

امنيتي ع الكلية ارد
بس فشلة من اخواني
ذاك الوگف ع الحگ سبع
هسه من ناسه يعاني
الميت عليه امن البرد
ويريد انصره متاني
ما اعوفه لو لاخر نفس
لو گطّعو ذرعاني
ثورتنا سيف اعلى الظلم
ميمسها قاصي وداني
لكليتي ما افوتن شرط
رجلي اعله رجل اخواني
ثورتنا باجر تنتصر
َوبگاعي اطش الواني
َاكشخ بزود بهالوطن
واتنومس بصحباني

#ل_مصعـب_الدليمي

شد رايتك شدة وتمر
صار العراق بحاجتك
شيفيد تتخرج واذا
ما تلگه تعب ادراستك
تانيني بس نرد وطن
من ثم حقق غايتك
لا تعيش موقف مو حلو
تندم وراها وداعتك
ترضاها كاتلها البرد؟
بالساحة ولد ولايتك
ترضاها تخذل موطنك
بس حاجي مره مرايتك
انت وفقط وحدة الذي
تگدر تغير حالتك
خ نداوم الثورة انتهت!!
تنجرحني هاي حجايتك
جا والغفو حدر الگبر
يستاهلون سوايتك؟
ترضاها تبقي بلا وطن
متقيد بزنزانتك؟
خلينه نبقى اعله العهد
هالوطن مالي ومالتك

#ل_مصعـب_الدليمي

نموت عادي وزحمة لو نگطع طريق
والله حيرة الناس سولتها النفاق
كلها سكتت من وگع دم الشهيد
البيها جان الدم من الواجب يُراق
عدنا ناس اضراب سوت ع الضمير
وجانو اعله الذله دوم بأشتياق
احنه نتسابق منو الاول يموت
وهم ع الخذلان هم عدهم سباق
عدنا مبدأ ما نرد نص الطريق
لو نلاگي الموت لو نبنبي العراق


#ل_مصعـب_الدليمي

الناس هلكت من وجعها
العيشة صارت ما تطاق
ناس عيشة تريد طلعت
ناس تارسها النفاق
ناس صاحت راية وحدة
وناس رادتها انشقاق
ناس ما هزاها موقف
ناس متحزمة بنطاق
وهي حيرة ودنيا عوجه
ودم عله الشارع يُراق
والله ما يوجعني كلشي
بگد ميوجعني العراق

#ل_مصعـب_الدليمي

وانه شربحان امن الدنيا
غير امي وهي وضحكتها
#ل_مصعـب_الدليمي

ترى لسه الوطن بي هيبة اهل البيت
وبعد بينا الحسين الينصر الفقرة
نمرض اي نعم بس ع العهد باقين
بعد عدنا زلم ع الموت متوزرة
زلم انطت عمر حتى الوطن يرتاح
من الواجب فعلهم ينوخذ عبرة
شما طال الوكت وشما فگدنا اعزاز
نتحنى بدمانه وننصر الثورة


#ل_مصعـب_الدليمي

والضحكة نخبطها بعسل
ونطشها فوگ شفافنه
فقرة ونحب من كل گلب
خسران كلمن عافنه

#ل_مصعـب_الدليمي

جنة واحد ما يفرقنا الكلام
بروح وحده نعيش جنة اثنينه
جان بيني وبينه حب وذكريات
وهسه اشوفن ناس طبت بينّه

#ل_مصعـب_الدليمي

الثورة مثل الثار يبرد ما يموت
باجر بحيل الله يرجع حيلنا
عدنه جيل بدمة خط اسم العراق
اليوم كل الدنيا تحجي بجيلنا

#ل_مصعـب_الدليمي