📚ከገፆች መሐል📚

<< ከህመሞች ሁሉ ትልቁ ህመም ካንሰር ወይ ኤድስ ሊመስለን ይችላል ።
እውነቱ ግን ከስብእና መዛባት የከፋ ህመም የለም።

ውጫዊ መልክ የሰው የገጽ ንባብ ነው። ስብእና ግን የሰው እውነተኛ መልክ ነው ። በየለቱ አብረን የምንኖረው ሰው እውነተኛና የማያረጅ ዘላቂ ማንነታችን ስብእናችን ነው ። በዐይናችን የማናየው እውነተኛ መልካችን ...

በውስጥ ማንነታችን ውስጥ ተቀብሮ ያለው ስብእናችን ነው። የስብእና ስንኩልነት ፣ ጠባሳዎችና መዛባቶች ቤት ያፈርሳሉ፣ አገር ይንዳሉ፣ ግንኙነትን ይመርዛሉ ። ለማከምና ለማዳን ብቻ ሳይሆን ለማየትና ህመሙን ለመረዳትም አዳጋች ነው።

ስብእና በልጅነት እንደተቦካ ሲሚንቶ ፣ በአዋቂነት ደግሞ እንደ ደረቀ አርማታ ነው ።

የብዙ ሰው ስብእና እንደ ተቦካ ሲሚንቶ ፣ በልጅነቱ በትክክል የሚቀርጸው ካላገኘ ተንሻፎና ተዛብቶ ያድጋል። እድሜው ከገፋ በኋላ ደርቆ ስለሚጠነክር ብዙ ጊዜ ለመከራ
መዶሻና ለምክር መጥረቢያ አዳግቶ አገር ያጠፋል።

የልጅ ውበቱ በቀላሉ መሠራቱ... የአዋቂ ክፋቱ ለመለወጥ አስቸጋሪ የሆነ ክፉ እውቀቱ...ነው>> በሚል ሀሳቡ ውስጥ እዛው በተቀመጠበት ሲወጣ ሲወርድ ቆየ።

...በረጅሙ ተንፍሶ ሰውነቱን ሲያንጠራራ ምን ያህል እንደደከመው ታወቀው።
(ሌላሠው-በዶ/ር ምህረት ደበበ)

ይቀላቀሉን👇👇
💡 @ethio_enlightenment 💡

🎭ኪነ-Enlightenment🎭

ቼ በለው!
በቀለ መኮንን

የሕይወት ጎዳና ገፁ ሲለወጥ ፣
በጭነት ታክቶ ጀርባው ሲመለጥ ፣
የእንቅፋት አፅሙ ቋጥኝ ሲገለጥ ፣
ሸክም ዘንቦብህ ትቢያው ሲላቆጥ ፣

ሲሆን ድጥ በድጥ ፣
ሾህ ጭቃ ቅይጥ ፣
ልብህ አይደንግጥ ።
በምኞት ቅዠት በስጋት ርዶ ፣
አይፍረስ ግንቡ ወኔህ ተንዶ ፣

ከቆመው ቆመህ ከንፈር ከመምጠጥ ፣
በተስፋ ፈረስ በልጓም ሸምጥጥ ።

አያረጅ የለም አይለዋወጥ ፣
ነገን ተማምነህ በመጓዝ ቁረጥ ፣

ሩቅ አልመህ ቅርብ አትርመጥመጥ
ሰግተህ ከምትቆም ስትጋልብ ፍረጥ !

ይቀላቀሉን👇👇
💡 @ethio_enlightenment 💡

ቤተሰቦቻችን እንደምን ቆያችሁ?
በውስጥም በአደባባይም ስለሰጣችሁን አስተያየት እያመሰገንን!🙏
በጥያቄያችሁ መሠረት የውውይታችንን ሰዐት ዘወትር ከምሽት ሦስት ሰዐት ጀምሮ እንዲሆን ዝግጅታችንን ጨርሰናል...
ስለዚህም እስከ ቀጣዩ ምሽት ሁለት ሰዐት ድረስ አሳባችሁን ማጋራት ትችላላችሁ።
👉 ለዛሬያችን "ደስታ" የሚለውን ርዕስ ይዘን መጥተናል።
📌 ደስታ ምንድን ነው?
📌 ደስታችንን ከየት እናገኛለን ?
📌 ደስታችንን ሊያጠፉ የሚችሉ ነገሮችስ?

ሄንሪ ዋርድ ቢቸር👇
<<ደስተኛ የመሆን ጥበብ የሚገኘው ከተለመዱ ነገሮች ደስታን የማስወገድ ኃይል ነው። The art of being happy lies in the power of extracting happiness from common things.>> ሲል
ጆን ደብሊው ደግሞ👇
<<እውነተኛ ደስታ የአንድ ሰው ኃይል እና ችሎታ ሙሉ በሙሉ መጠቀምን ያጠቃልላል። True happiness involves the full use of one's power and talents. >>ይላል...
እናንተስ?

👉አስተሳሰባችን የደስታች ቁልፍ ነው።
💡💡 ሰናይ ጊዜ ይሁንላችሁ💡💡

💡 @ethio_enlightenment 💡

𝗘𝗻𝗹𝗶𝗴𝗵𝘁𝗲𝗻𝗺𝗲𝗻𝘁 Ꮆ尺ㄖㄩ卩
የውይይት መድረካችን👇
👉👉👉@Ethio_Abrhot👈👈👈
ተጨማሪ ጽሑፍ ለማንበብ👇
💡 @ethio_enlightenment 💡

⭕️⭕️ጥቅሶች
<< ወርቅ እሳት ውስጥ ሆኖ ፈገግ እንደሚል እኛም በእሳቶቻችን መሐል በፈገግታ ማብራት አለብን፡፡ እንድንከስል ለኩሰው ቢያዳፍኑን እንኳ ይበልጥ እያንፀባረቅን መጋም!

ታዲያ እሳት አያስፈልገንም ፣ አንፈተንም ያሉ እኩይ ወርቆች መጨረሻቸው ድንጋይ መሆኑን ርግጠኛ ይሁኑ...>>

በፈገግታ የተሞላ ቀን ይሁንልን፡፡

የውይይት መድረካችን👇
👉👉👉 @Ethio_Abrhot 👈👈👈
ተጨማሪ ጽሑፍ ለማንበብ👇
💡 @ethio_enlightenment 💡...

ቤተሰቦቻችን እንደምን ቆያችሁ?
በውስጥም በአደባባይም ስለሰጣችሁን አስተያየት እያመሰገንን!🙏
በጥያቄያችሁ መሠረት የውውይታችንን ሰዐት ዘወትር ከምሽት ሦስት ሰዐት ጀምሮ እንዲሆን ዝግጅታችንን ጨርሰናል...
ስለዚህም እስከ ቀጣዩ ምሽት ሁለት ሰዐት ድረስ አሳባችሁን ማጋራት ትችላላችሁ።
👉 ለዛሬያችን "ሞት" የሚለውን ርዕስ ይዘን መጥተናል።
📌 ሞት ምንድነው?
📌 ለምን ሞትን እንፈራለን ?
📌 ሞት ነፍስ ከስጋ ጋር መለየት ብቻ ነው ?

Chuck Palahniuk👇
<<ሁላችንም እንሞታለን ፡፡ ግቡ ለዘላለም መኖር አይደለም ፣ ግቡ አንድ የሆነ ነገር መፍጠር ነው። We all die. The goal isn’t to live forever, the goal is to create something that will. >> ሲል
ማርቲን ሉተር ኪንግ ጄ👇
<<ለምን እንደሚሞቱ እስከ ሚያውቁ ድረስ ለምን በሕይወት እንደኖሩ በእርግጥ ማንም አያውቅም። No one really knows why they are alive until they know what they’d die for.>>ይላል...
እናንተስ?

👉አስተሳሰባችን ሞትን እንዳንፈራ ያደርገናል።
የውይይት መድረካችን👇
👉👉👉 @Ethio_Abrhot 👈👈👈
💡💡 የፈገግታ ጊዜ ይሁንላችሁ💡💡

💡 @ethio_enlightenment 💡

እንደምን አላችሁ የEthio Enlightenment ቤተሰቦች? ዛሬም በነፃነት አሳባችሁን ታካፍሉን ዘንድ ሰዐት አሳልፈንም ቢሆን መጥተናል። 🙏
እስከ ቀጣዩ ምሽት ሁለት ሰዐት ድረስ አሳባችሁን ማጋራት ትችላላችሁ።
@Ethio_abrhot
👉 ለዛሬያችን "ፍርሃት" የሚለውን ርዕስ ይዘን መጥተናል።
📌 ፍርሀት ምንድንው ?
📌 ለምን እንፈራለን ፧
📌ፍርሀት ተፈጥሮ ነው ወይስ እኛ ምንፈጥረው ነው ?
📌ፍርሀታችንን መቆጣጠር ይቻላል?

👇
<< ልንፈራው የሚገባን ነገር ሁሉ ፍርሃት ራሱ ነው>>
👇
<<ፍርሃት ወደ ጨለማ የሚመራ መንገድ ነው …
ፍርሃት ወደ ቁጣ ይመራል ፣ ቁጣ ወደ ጥላቻ ይመራል ፣ ጥላቻ ወደ ስቃይ ይመራል>>...
እናንተስ ምን ትላላችሁ?

👉አስተሳሰባችን ፍርሃትን እንድንመራ ያደርገናል።
💡💡 የፈገግታ ጊዜ ይሁንላችሁ💡💡

💡 @ethio_enlightenment 💡

📝መልዕክተ ENLIGHTENMENT 📝
አንድ መንገደኛ በጉዞው ላይ ሳለ ከባሻገር ትንሽ መንደር ያይና ከድካሙ ለማረፍ ፣ ረሃብና ጥማቱንም ለማስታስ በችኮላ ወደመንደሯ ያቀናል ።

በመግቢያዋም ላይ በተመስጦ የተቀመጡ አዛውንትን ተጠግቶ
<< የዚህ መንደር ነዋሪዎች ምን አይነት ሕዝቦች ናቸው? >> እያለ በለዛ ቢስ ድምፅ ከተመስጧቸው መለሳቸው ።
<< አንተ የነበርክበት ቦታ የነበሩት ሕዝቦች ምን አይነት ናቸው? >> አሉት በትህትናና ርጋታ ።
መንገደኛውም በብስጭት << ክፉ ፣ ጨካኞችና ርህራሄ የማያውቁ ናቸው ፤ ለዚያም ነው መሰደዴ ። ግን ለምን ጠየቁኝ?>> አላቸው።

<<እንዲሁ ነው የጠየቅኩህ ፣ ግን እዚህም መንደር ትተሃቸው እንደመጣኸው አይነት ሕዝቦች ነው ያሉት >> አሉ ።

መንገደኛውም ብስጭቱ እየጨመረ አልፎ ሄደ ፤ ሌላ ቀንም ሌላ የደከመ መንገደኛ መጣ ፣ አዛውንቱንም አገኘ።
<< አባቴ የዚህ መንደር ነዋሪዎች ምን አይነት ሕዝቦች ናቸው? >> አለ ።
<< አንተ የነበርክበት ቦታ የነበሩት ሕዝቦች ምን አይነት ናቸው? >>
መንገደኛው ፊቱ በፈገግታ እየደመቀ ዐይኖቹ ግን በትዝታ እንባ እየተሞሉ፣ በኩራት << እኔ የመጣሁት ቅን ፣ ሰውን ወዳጅና እንግዳ ተቀባይ ከሆኑ ህዝቦች ሀገር ነው >> አለ ።

አዛውንቱም << የኔ ልጅ እዚህ መንደርም ያሉ ሰዎች እንደመጣህበት ቦታ ሕዝቦች ናቸው፤ ግባ >> አሉት ይባላል ።

💌አየህ ወዳጄ ዓለም መስታወት ናት ! ሌሎች ላይ የምንመለከተውም የማንነታችንን ነፀብራቅ ነው ። አንድ ሰው በሚያውቀው ሰው ላይ መልካምነትንና ውበትን ማየት ካልቻለ ችግሩ ያለው ሌላኛው ጋር ሳይሆን ራሱ ጋር ነው ፤ ከመነጽሩ ሳይሆን ከዐይኑ ።
ስለዚህ ከሰዎች መልካም ነገርን መመልከት ገንዘብህ አድርግ ።
ተጨማሪ ጽሑፍ ለማንበብ⬇️
💡 @ethio_enlightenment 💡
𝗘𝗻𝗹𝗶𝗴𝗵𝘁𝗲𝗻𝗺𝗲𝗻𝘁 Ꮆ尺ㄖㄩ卩
💡 @Ethio_Abrhot 💡

🎭ኪነ-Enlightenment🎭

‹‹ያንን ገለባ ልብ - ከደጅ የወደቀው፣
አድራሻህ ወዴት ነው? ብለህ አትጠይቀው፣
የነገው ንፋስ ነው መንገዱን የሚያውቀው፡፡››

በዕውቀቱ ስዩም

ይቀላቀሉን👇👇
💡 @ethio_enlightenment 💡

ሰዓቱ ደርሶ አለማወቃችንን እናውቅ ዘንድ የሚመራንን መግቢያ ውይይት ልንጀምር ነው። የምንወዳችሁ እንደምን አላችሁ?

👉ዛሬ ስለ 'ፍቅር' ልንወያይ ነውና በፍቅርና ነፃነት @ethio_abrhot ላይ ተሳተፉ

አንድ ጠቢብ
"የታላላቆቹ ተራሮች አመጣጥ ከየት ይሆን?" ብሎ ጠየቀና ከባህር እንደመጡ አረጋገጠ፡፡
"ማስረጃውም በአለቶቻቸውና በከፍተኛ ገጽታቸው ተጽፎ ይገኛል።ስለዚህ ታላላቅ ከፍታወች የሚመጡት ከታላላቅ ጥልቀቶች ነው።"አለ
እኔም
"የፍቅር አመጣጥ ከየት ይሆን?" ብዬ ጠየቅኹ፡፡ ከልቦናዎቻችን እንደመጡም ደረስኩበት፣ ማስረጃውም በጥርሶቻችንና በዕንባችን ደርዝ ላይ ተፅፎ ይገኛል፡፡
"ፍቅር መሰረቶቹን የሚያፀናው በደስታና በሐዘን ቋሚዎች ነውና"
ደግሞ ፍቅር ጣፋጭ ጭቆና ነው፡፡

ለእናንተስ?
📌 ፍቅር ምንድን ነው?
📌 ግን ፍቅር የሚፈጠረው ልቦና ላይ ነው ወይስ አዕምሮ ላይ? ና
🔴ስለፍቅር የሚነሱ ተያያዥ ጉዳዮችን ከርዕስ ሳትወጡ መወያየት ትችላላችሁ።

👉አስተሳሰባችን ፍቅር እንዲኖረን ያደርገናል።
💡💡 የፈገግታ ጊዜ ይሁንላችሁ💡💡

💡 @ethio_enlightenment 💡

📚ከገፆች መሐል📚

የሕብረተሰባችን ስልጣን ውይይትን በተቻለ መጠን ወደ ሃሜት አውርዶ ደባሪ ገጽ የመስጠት ነው፡፡

የሱሪ ቀዳዳውን እንዲሰፋበት መርፌ ስታሳየው ቁጭ ብሎ ሹልነቱን እንደ አስገራሚ ግኝት እየፈተሸ ቂጥህን ሊወጋበት ቀን የሚጠብቅ አይጠፋም፡፡
አዳራሹ ውስጥ ስትቆይብኝ የሆነውን ነገር በሙሉ ተረዳሁ፡፡ ፖለቲካ ባይገባኝም በአራዳ ደንብ ጠማማነትን ገና ሳያት አውቃታለሁ፡፡

የነገርን ምስማር በፖለቲካ፣ በወዛደር፣ በቁጩ
መደብ ትግል፣ በሆነ መሬት ላራሹ በተባለ ምናምን ብትከናነብ በጠረኗ አውቃታለሁ፡፡ ውሸት አልተናገርኩም፡፡ ምናልባት እኔ
የዋህ ነበርኩ፡፡ ግልጽ መሆን በፓርቲ ፖለቲከኞች ባህል ብልሀት አልነበረም፡፡››

(መረቅ-በአዳም ረታ)

ይቀላቀሉን👇👇
💡 @ethio_enlightenment 💡

ሠላም የEthio enlightenment ቤተሰቦች በሚነሱ ጥያቄዎች ላይ መጨዋወት ከጀመርን ቀናት ተቆጠሩ አይደል? ...

አሳብ ፣ እውነት ፣ ውበት ፣ ሕይወት ፣ ደስታ ፣ ሞት ፣ ፍርሃት ና ፍቅር ላይ ካነበብንው ፣ ካየንውና ከሰማንው ፣ ከኖርንውና መኖር ከምንመኘው እሳቤዎችን እየሰነዘርን ቆየን...

የመጀመሪያውን ምዕራፍ ውይይት ከማጠቃለላችን በፊት በነበሩት መወያያዎች ላይ ተጨማሪ አሳብ ካላችሁ እንዲሁም በአካሄዳችን ላይ የምትሰጡን አስተያየት ካለ ዝግጁ ነን ። @ethio_abrhot እንዳትሰስቱብን አደራ🙏

💡 @ethio_enlightenment 💡

🎭ኪነ-Enlightenment🎭
ፍቅር ጅልነት ነው?

<ፍቅር መስሎን ነበር ፣
እንደወንዝ-እንደሐይቅ እንደተራሮቹ
ቋሚ ገሀድ ነገር ፤
ለካስ እሳት ኖሯል ችቦው ቦግ ብሎ ፣
እኛን አመድ ሊተው ሲያበቃ ተቃጥሎ፡፡
ሕይወት ውርጭ ሲሆን በሞት ተበርዞ
ማገዶ እንዳለቀው ምድጃ ቀዝቅዞ፡፡
አዎ
እንደቅዠት እርሱት በፍቅር አትመኑ> ፣
እያሉ መከሩን
ብልጦች ጅሎቹን በቃላት ሲያፅናኑ ፡፡

ፍቅር ጅልነት ነው?
ፍቅር ጅልነት ነው¡
ፍቅር ጅልነት ነው! ይሁን ከተባለ ፣
ግን
ያሸነፈው ብልጠት አሳዩን የታለ?

ደራሲ ብርሃኑ ዘሪሁን(1956)

ይቀላቀሉን👇👇
💡 @ethio_enlightenment 💡

📝መልዕክተ ENLIGHTENMENT 📝

በአንድ ገላጣ ሜዳ ላይ ሦስት ድንጋይ ጠራቢ ሰራተኞች ግዙፍ በሆነ የቤተመንግስት ግንባታ ላይ ሳሉ መንገደኛው ያያቸውና ምን እየሰሩ እንደሆነ ይጠይቃቸዋል።

የመጀመሪያው ጠራቢ በሰለቸና በተዳከመ ድምፅ <<ድንጋይ እየፈለጥኩ እንደሆነ አይታይህም? >> ብሎ መለሰለት።

ሁለተኛው ሰራተኛ ደግሞ ስሜት አልባ ሆኖ <<የዕለት ጉርሴን ለማግኘት እየሰራሁ ነው>>አለው።

ሦስተኛው ሰራተኛ ግን በወኔና በደስታ መጥረቡን ሳያቋርጥ ፣ ብርታትና ጥንካሬ ባጀበው ድምጽ <<ታላቅ ቤተ-መንግስት እየገነባሁ ነው>>አለ።

እነዚህ ሦስት መልሶች በሕይወታችን ዘወትር የሚደመጡ እውነታዎች ናቸው። ሦስቱም ለፍቶ አዳሪዎች አንድ ግብር ተሰጥቷቸው እየሰሩ ቢሆንም የመረጡት ዓላማ ግን ይለያያቸዋል ።

እኛስ ከየትኛው ወገን ነን?
🔴የሕይወት ዓላማችን ምን እንደሆነና የምንሰራው ለምን እንደሆነ የማናውቅ ልክ በንፋስ እንደሚሽከረከር 'ፌስታል' ነን?
ወይስ
🔵የምንኖርለት ዓላማ ከእለት እህል ውሃ የማያልፍ ሆኖ በጊዜ አዙሪት ውስጥ ነን?
ወይስ
⚫️እንደ ብርቱው ሰራተኛ የመኖር ዓላማችንን በሕይወት ጠንካራ አለት ላይ እንደ ቤተ-መንግስት መገንባት የጀመርን?

ይቀላቀሉን👇👇
💡 @ethio_enlightenment 💡

⚪️Enlightenment-ውይይት ⚪️
👉ሶቅራጥስ የፍልስፍናን መሰረት ከጣለ 2000 ዓመት አልፎታል።
👉ኒውተን የፊዚክስን መሰረታዊ ህጎች ከቀመረ 400 ዓመታት ተቆጥረዋል።
👉ሼክስፒር ዘመን አይሽሬ ተውኔቶቹ ላለፉት 400 ዓመታት መድረክን አድምቀዋል
👉ካርል ማርክስ ተፅእኖ ፈጣሪ ፖለቲካዊ ኢኮኖሚያዊ እሳቤዎቹ ዓለምን እየቀየሩ ክፍለ ዘመን ተቆጥሯል
👉ቶማስ አልቫ ኤዲሰን እና ኒኮላ ቴስላ ዓለምን በብርሃን ካጥለቀለቁ መቶ ዓመት አልፏል
👉አሌክሳንደር ግራሃም ቤል ዓለምን ካነጋገረ ብዙ ግዜ ተቆጥሯል
👉አንስታይን ከኒውተን በኋላ ፊዚክስን ሪቮሽናላይዝ እንዳደረገ በታሪክ ተመዝግቧል።

⚫️"መጽሀፍትን ማንበብ ከዘመናት ታላላቆች ጋር እንደማውራት ይቆጠራል" የሚል ነገር አንብቤያለሁ፤ እውነት ነው። የነዚህ
ሁሉ ጠቢባን እውቀት ሃሳብ አመለካከት መጽሀፍት ውስጥ ተጠራቅሞ ይገኛል። ለሺህ ዓመታት እየዳበረ የመጣ ወፍራም እውቀት ሁሉም መጽሀፍ ውስጥ ይገኛል። ከኛ የሚጠበቀው ማንበብ!

ግን የመጽሐፍ መጥፎ አለው?
@ethio_abrhot ሃሳቦን መስጠት ይችላሉ


ይቀላቀሉን👇👇
💡 @ethio_enlightenment 💡
💡 @ethio_enlightenment 💡
💡 @ethio_enlightenment 💡

👈👆Enlightenment ጥቆማ👇👉

የመጽሐፉ ርዕስ፦
"ዓለምን የለወጡ ተፅእኖ ፈጣሪ 50 መፅሀፍት"
"50 Influential Books That Changed The World" ይላል።

መግቢያውን ላካፍላችሁ ― ከወደዳችሁት ሙሉ መፅሀፉን ታነቡታላችሁ ፤

መግቢያ
ዓለምን ለመለወጥ እንዴት ይቻለናል?
እንደ ጂንጂስ ካን እና ናፖሊዮን ያሉ የጦር መሪዎች ብዙውን የዓለም ክፍል መለወጥ
ችለዋል―ምንም እንኳን ለጠበቁት ግዜ ርዝመት ያህል ባይሆንም።

ክትባት እና መድሃኒት የሚፈለስፉ ሃኪሞች መልካም ተፅዕኖዎቻቸው አህጉራትን ሊያዳርስ ይችላል።

እንደ ጌታ ኢየሱስ ክርስቶስ ፣ ነብዩ መሐመድ ፣ ፕሌቶ ፣ ኮንፊሽየስ ያሉ የሃይማኖት
መሪዎች እና ፈላስፋዎች አስተምህሮ በትውልዶች መሐል እንደ እሳት ይቀጣጠላል ።

መፅሀፍትስ?
መፅሀፍትን ማንበብ ለብቻ የሚደረግ ፣ አትኩሮት የማይስብ ግዜ ማሳለፊያ ነው ።
አንባቢነት ዓለምን ማንቁርቷን አንቆ በተግባር
ከመወዝወዝ ፍፁም ተቃራኒ ነው። ብዕር ከመድፍ ይበልጥ ሊጮህ ይችላል ግን በአጭር የግዜ ሰሌዳ የሚያሸንፈው ብዕር
ሳይሆን ጦር ነው።

ነገር ግን ቁምነገሩን አጋልጦ የሚሰጠው
"የግዜ ሰሌዳ" የሚለው ሃረግ ነው። በአጭር የግዜ ሰሌዳ ደራሲዎች ሊቀለድባቸው ፣ ሊታሰሩ ፣ ሊገደሉ፣ ስራቸው ሳንሱር
ሊደረግ ፣ መጽሐፎቻቸው ሊቃጠሉ ይችላሉ። ነገር ግን በረዥም የታሪክ ምዕራፍ ዓለምን የቀየሩት መጽሐፍት እና በውስጣቸው የተገለፁት ሃሳቦች ናቸው።

የመጀመሪያው የዋሻ ስእሎች ከሰፈሩበት ጀምሮ ሃሳብን ከሰው ወደ ሰው፣ ከትውልድ ወደ ትውልድ ማስተላለፍ የስልጣኔ ቁልፍ ሆኖ ኖሯል። ለዘመናት ይህንን ማድረግ በጣም አሰልቺ ነበር ምክንያቱም አንድ በአንድ በእጅ መገልበጥ ወይም ረዣዥም ግጥሞችን በቃል መሸምደድ ይጠበቅ ነበር።

ለምሳሌ የሆሜር ግጥሞች በጽሑፍ
ከመስፈራቸው በፊት ለ200 ዓመታት በቃል ሲተላለፉ ኖረዋል ።
ከዚህ በኋላ ግን አስደናቂው የህትመት መሳሪያ መጀመሪያ በምስራቅ ቀጥሎ በምዕራብ ተፈለሰፈ።

The Diamond Sutra የተባለው የቡድሂዝም ቅዱስ መፅሀፍ በ868 ዓም በሕትመት ሰፍሮ አሁን ድረስ የቆየ የመጀመሪያው መፅሀፍ ያደርገዋል።
ይህም ከጉተንበርግ መጽሐፍ ቅዱስ 6 ክፍለዘመን በፊት ነው።

በሕትመት- ፈላስፋዎች፣ የሃይማኖት አስተማሪዎች፣ የታሪክ ምሁራን ፣ ሳይንቲስቶች፣ ገጣሚዎች፤ ስለ ዓለም፣ ዘለዓለማዊነት ፣ ሕይወት ፣ የአሁኑ ግዜ፣ የሰዎች አስተሳሰብ እና ባህሪ ፣ ሃሳቦቻቸውን በአንድ ግዜ ለሺዎች ብሎም ለሚሊየኖች
ማስተላለፍ ይችላሉ።

ነገር ግን ትልቅ ጥያቄ የሚፈጥረው የትኞቹ መፅሀፍት? የሚለው ነው። ክርክር ለማስጀመር አንድ ዝርዝር ከማዘጋጀት
የበለጠ መንገድ የለም ።

መፅሀፍ ቅዱስ፣ ቅዱስ ቁርአን፣
የሼክስፒር ስብስብ ስራዎች እና የሆሜር ኤፒክ ግጥሞች ብዙም ክርክር የማያስነሱ ዓለምአቀፍ ተቀባይነት ያላቸው
ስራዎች ናቸው። ሌሎቹ ምርጫዎች ግን ብዙ ሊያከራክሩ ይችላሉ። ማንኛውም ምርጫ ከግል ስሜት ጋር የተያያዘ ነው።
አንድ ሰው ተነስቶ ዓለምን የለወጡ 1000 መፅሀፍት ዝርዝር ቢያዘጋጅ ይሄ መፅሀፍ እንዴት አልተካተተም ብሎ 1001ኛ መፅሀፍ የሚያዘጋጅ አንባቢ አይጠፋም። ነገር ግን በእኔ አስተያየት እነዚህ 50 መፅሀፍት የሚሊየን ሰዎችን ህይወት በመቀየር ዓለም የዛሬ ቅርጿን እንድትይዝ ያደረጉ ናቸው።

ነገስ በ21ኛው ክፍለዘመን ማብቂያ ላይ መፅሀፍት ይኖራሉ? እስቲ መጀመሪያ ወደ ኋላ እንመለስ።

በ9ኛው ክፍለዘመን ቻይና ውስጥ የሕትመት መሳሪያ ከመፈልሰፉ በፊት የእጅ ጽህፈት (calligraphy) ትልቅ ጥበብ ነበር። ማሽኑ ሲፈለሰፍ በቃ ይሄ ጥበብ አበቃለት ተባለ።
አሁን ኤሌክትሮኒክ መሳሪያዎች ሲፈለሰፉ ደግሞ የወረቀት መፅሀፍት ታሪክ ሊሆኑ ነው ተባለ። ነገር ግን መፅሀፍት የሚቀርቡበት መንገድ ተቀየረ እንጂ ቃላቶቹ ራሳቸው ግን ዘለዓለማዊ ናቸው።

ከመፅሀፍቱ በከፊል
➖➖➖➖➖➖➖➖➖➖➖➖
Iliad and Odyssey ― Homer
The Bible
Qur'an
Shakespeare's First Folio
Analects of Confucius
Republic ― Plato
The Prince ― Niccolo Machiavelli
Don Quixote ― Miguel Cervantes
Principia Mathematica―Isaac Newton
The Wealth of Nations ― Adam Smith
Pride and Prejudice ― Jane Austen
Moby―Dick ― Herman Melville
War and Peace ― Leo Tolstoy
The Interpretation of Dreams―Sigmund Freud
The Second Sex ― Simone de Beauvoir
The General and Special Theory of Relativity ― Albert
Einstein
The Communist Manifesto ― Karl Marx and Friedrich
Engles
Uncle Tom's Cabin ― Harriet Beecher Stowe
A Thousand and One Nights
1984 ― George Orwell
➖➖➖➖➖➖➖➖➖➖➖
ሰናይ የንባብ ጊዜ

ይቀላቀሉን👇👇
💡 @ethio_enlightenment 💡

💚💛❤️
ኢትዮጵያን የቀየሩ 20 መፅሀፍት

መጽሐፍ ቅዱስ

ቅዱስ ቁርአን

ክብረ ነገሥት

ፍቅር እስከ መቃብር ―ሐዲስ አለማየሁ
አደፍርስ―ዳኛቸው ወርቁ
እሳት ወይ አበባ ― ጸጋዬ ገብረመድህን
ታሪክና ምሳሌ―ከበደ ሚካኤል
||አፄ ቴዎድሮስ እና የኢትዮጵያ አንድነት―
አፄ ዮሐንስ እና የኢትዮጵያ አንድነት―
አፄ ምኒልክ እና የኢትዮጵያ አንድነት―
የአህመድ ግራኝወረራ||ተክለፃድቅ መኩሪያ
የኢትዮጵያና ታሪክ ከ1868 እስከ 1983—ባህሩ ዘውዴ
አጤ ቴዎድሮስ―ጳውሎስ ኞኞ
የኤርትራ ጉዳይ―ዘውዴ ረታ
የነፃነት ጎህ ሲቀድ―ብርሃኑ ነጋ
ኦሮማይ ― በዐሉ ግርማ
ግራጫ ቃጭሎች ― አዳም ረታ
ማስታወሻ ― ዘነበ ወላ
ሐተታ ዘርዐ ያዕቆብ ወሐተታ ወልደ ሕይወት

📚የመጽሐፍቱን soft copy እናደርሳችኋለን ፣ አብራችሁን ቆዩ📚

💡 @ethio_enlightenment 💡

🔵ለመጽሐፍት መደርደሪያችን🔵

🔥እሳት_ወይ_አበባ🌹
#ሎሬት_ጸጋዬ_ገመድህን
የግጥም_መድብል
...
ሰማይ ጨለማ ነው እንጂ፥ እሳት አደል ብሎ ካደ
እቶን ባይኑ እየነደደ።
ከዋክብቱ እንደ ችቦ
በነበልባል ወርቀ ዘቦ
ከፅንፍ ፅንፍ አውለብልቦ
ደመራው እየተመመ
እየፋመ እየጋመ
ደመና እንደንዳድ ሲነድ
መንጸባርቅ ሰደድ ሲወርድ፥
በራሪ ኮከብ ተኩሶ
በአድማሳት እሳት ለኩሶ…
ይኸ እንደኔና እንዳንቺው፥ የውበት ዓይኑ የሰለለ
ሰማይ ጨለማ ነው እንጂ፥ እሳት እኮ አይደለም አለ፥
ያልታደለ። …


ለሚወዱት ያጋሩ⬇️⬇️⬇️
💡 @ethio_enlightenment 💡