#AddisAbaba

👆ግንባታዎች ከመንገድ የሚኖራቸውን ርቀት (Setback) በተመለከተ የተሻሻለ ውሳኔ ተላልፏል።

የአዲስ አበባ ከተማ አስተዳደር ግንባታዎች ከመንገድ የሚኖራቸውን ርቀት (Setback) እና ተያያዥ የግንባታ ፈቃድ መመሪያዎችን አስመልክቶ የተሻሻለ ያለውን ውሳኔ አስተላልፏል።

አዲስ አበባ ከተማ አስተዳደር ካቢኔ ህንፃዎች ከይዞታ ወሰን የሚኖራቸው ርቀት (Set Back Regulation) በተመለከተ መጋቢት 26/2016 ዓ.ም ውሳኔ ማስተላለፋ ይታወቃል።

በመመሪያው ላይ ግልፅ ያልሆኑና በአሰራር ላይ ተጨማሪ ማብራሪያ የሚፈልጉ ጉዳዮችን በተመለከተ ደግሞ ካቢኔው ሰኔ 10/2016 ዓ.ም ባካሄደው ሶስተኛ ዓመት 14ኛ መደበኛ ስብሰባ ላይ በመወያየት ማሻሻያ ተደርጎ ወደ ስራ ተገብቶ ነበር።

የተሻሻለው ውሳኔ ማስተለፍ ያስፈለገው የሴትባክ ህግ አፈፃፀም ሂደት ላይ የታዩ ችግሮችን ለመፍታት እንዲሁም በከተማዋ ውስጥ ከግንባታ ፈቃድ ጋር በተያያዘ ከአልሚዎችና ፕላን ፈፃሚ ተቋማት በኩል በተደጋጋሚ የሚቀርቡ በርካታ የመልካም አስተዳደር ችግሮችን ለመፍታት ያስችል ዘንድ መሆኑን ቲክቫህ ኢትዮጵያ ከመመሪያው ላይ ተመልክቷል።

ቲክቫህ ኢትዮጵያ የተመለከተው እና በአዲስ አበባ ከተማ አስተዳደር ከንቲባ ጽ/ቤት ለከተማዋ ፕላን እና ልማት ቢሮ የተጻፈው ደብዳቤ " የአዲስ አበባ አስተዳደር ካቢኔ በ5ኛ ዓመት በ1ኛ መደበኛ ስብሰባ ላይ ተወያይቶ እንዲያፀድቅ የቀረበውን ራሱን ችሎ የሚለማ ቦታ ዝቅተኛው ስፋትና የፊት ለፊት ገፅታ ርዝመት ጥናት ካቢኔው ተወያይቶ ያሳለፈውን ውሳኔ ተግባራዊ እንድታደርጉ" ሲል ይገልጻል።

በእዚህም መሰረት ከ 28/12/17 ዓም ጀምሮ የአዲስ አበባ ከተማ ፕላን እና ልማት ቢሮ የከተማዋ ግንባታ ፈቃድ እና ቁጥጥር ባለስልጣን ፣ የመሬት ልማት እና አስተዳደር ቢሮ፣ የመሬት ምዝገባና መረጃ ኤጀንሲ እንዲሁም  ለሁሉም የክፍለ ከተማ የፕላንና ልማት ጽ/ቤቶች የካቢኔውን ውሳኔ እንዲያስፈጽሙ መመሪያ አውርዷል።

የተሻሻለው ውሳኔ መሰረት ግንባታዎች ከዋና መንገድ፣ ከንኡስ ዋና መንገድ ፣ከሰብሳቢ መንገድ እንዲሁም ከውስጥ ለውስጥ መንገድ ሊኖራቸው ስለሚገባ የወሰን ጠርዝ ርቀት ከተያያዘው ዶክመንት ይመልከቱ።

https://www.tg-me.com/ethioengineers1

👉የግንባታ ኢንደስትሪው ሀብቶች

💫1.የገንዘብ ሀብት /Financial Resource or fund/:-

የግንባታ ሥራው በቀጥታም ይሁን በተዘዋዋሪ የሚጠይቀው የገንዘብ ወጪ ነው፡፡ ይህም ከተቀማጭ በቀጥታ፣  በከፊል ወይም ሙሉ ለሙሉ ከብድር፣ወይም ከስጦታ ወይም ከሌላ ህጋዊ ከሆነ የገንዘብ ምንጭ የሚገኝ ሊሆን የሚችል ሲሆን የግንባታ ፕሮጀክት ለማከናወን ከሚያስፈልጉ ሀብቶች አንዱ መሰረታዊውና ዋነኛው ነው፡፡

💫2. የሰው ሃይል ሀብት /Human Resource/Labour or Workmanship/:-

እነዚህም ከዘርፉ ቀጥተኛ የሰለጠኑ ባለሞያዎች/Proffesionals/ ፣ በፕሮጀክት አመራር ውስጥ አጋዥ ወይም ደጋፊ የሥራ ዘርፍ ባለሞያዎችንና እስከታችኛው እርከን የሚወርዱ የሥራው ቀጥታ ተሳታፊ የሆኑ በከፊል የሰለጠኑና/Semi skilled/ ስልጠና የሌላቸው የጉልበት ሰራተኞችን/Unskilled/ ሁሉ ያጠቃለለ ነው፡፡የሰው ሃይል ሀብት ለግንባታ ሥራ ከሚመደበው የገንዘብ ሀብት ወይም ባጀት ከ5-7% የሚሆነውን የሚቋደስ ነው፡፡

💫3. የመረጃ ሀብት /Information Resource/:-

ይህ ዓይነቱ ሀብት ከፕሮጀክት ጥናት ጀምሮ በዲዛይን ሥራ ብሎም ወደግንባታ ሥራ ለመግባትና፣ በፕሮጀክት ሥራ ክንውን ወቅት በሚደረጉ ጉዞዎች ሁሉ አስፈላጊና ለፕሮጀክቱ ዘላቂ ደህንነት መረጋገጥ የሚጠቅሙ፣ የግንባታ ሥራን  አዋጭና በተያዘለት ጊዜ ውስጥ ለማጠናቀቅ የሚረዱ መረጃዎች ናቸው፡፡
መረጃዎች ሳይሰበሰቡ የሚደረግ የዲዛይንና የግንባታ ሥራ ሁሉ አጠራጣሪ ወይም አስጊነቱ የማይካድ ነው፡፡

💫4. አካላዊ /ግዘፍ ሀብቶች/Physical Resources/:-

አካላዊ ወይም ግዘፍ ሀብቶች የሚባሉት የግንባታ ግብዓት ዕቃዎችና የግንባታ ሥራ ማሽነሪዎች /Materials and Machinaries/ ናቸው፡፡ እነዚህ ሀብቶች ከፍተኛ ግዢ የሚካሄድባቸውና፣ የአንድ ፕሮጀክት አብዛኛውን የገንዘብ ሀብት ወይም ባጀት የሚቋደሱ ወይም የሚይዙት ናቸው፡፡ለምሳሌ የግንባታ ግብዓቶችን ብቻ አንኳን ብንመለከት ከ50-65% የሚሆነውን የግንባታ ሥራ በጀት የሚይዙ ናቸው፡፡

💫5. የአገልግሎትና አስተዳደራዊ አቅርቦቶች ሀብቶች /Survices and Management/:-

የመሬት አቅርቦት፣ የውሃ አቅርቦት፣ የኤሌክትሪክ ኃይል አቅርቦት፣ የስልክ መገናኛ አገልግሎት አቅርቦቶችና የመሳሰሉትን የሚያካትት ሆኖ የግል ወይም የመንግስት አገልግሎት አቅራቢ ተቋማትን አስተዳደራዊ ፈቃድ የሚጠይቁና የሚቀርቡ፤ የግንባታ ሥራዎች ጥራት፣ ቅልጥፍናና የተሻለ አዋጭነት ባለው መልኩ እንዲከናወንና እንዲጠናቀቅ የሚረዱ ሀብቶች ናቸው፡፡

https://www.tg-me.com/ethioengineers1

👉የክፍያ መዘግየት መላ

💫በኮንስትራክሽን ግንባታ ወቅት የኮንትራክተሮች ራስ ምታት ከሚሆኑ ጉዳዮች ዋነኛው የግንባታ ክፍያ መዘግየት እና በተቀመጠው ውል መሠረት ተገቢ ክፍያዎች አለመፈጸም በቀዳሚነት የሚቀመጥ ነው፡፡

📌አስገንቢው ድርጅት ወይም ግለሰብ የሚፈልግበትን ክፍያ በተቀመጠው የጊዜ ገደብ አለመክፈሉን ተከትሎ ግንባታዎች እንዲጓተቱ፣ ሠራተኞች ደመወዛቸውን በወቅቱ እንዳያገኙ ከማድረጉም በላይ፣ የባንክ ዕዳ በወቅቱ እንዳይወራረድ በማድረግ የሚያስከትለው ችግር እና ኪሣራ በግልጽ የሚታወቅ ነው፡፡

⏺ይህን ውጣ ውረድ ለመቅረፍ ብቸኛው አማራጭ በህግ አግባብ፣ በውሉ መሠረት እንዲተዳደር እና እንዲፈጸም ማድረግ ሲሆን፣ ኮንትራክተሮች ወይም ክፍያ ጠያቂዎች ሊከተሏቸው የሚገባቸው አሠራሮች Infracon Media በዚህ መልኩ አጠናቅሮታል፡፡

በውሉ መሠረት መብት እና ግዴታን ጠንቅቆ ማወቅ

▶️በዚህ ሁኔታ ውስጥ ግንዛቤ ውስጥ መግባት ያለበት ክፍያን በፍጥነት ለመቀበል የሚያስችሉ፣ ከተዛማጅ ዕዳ የሚከላከሉ እና ክፍያዎች በዘገዩ ቁጥር በከፋዩ ላይ ሊጣሉ የሚችሉ የወለድ ክፍያ ህጎችን ጠንቅቆ ማወቅ እና በውሉ ላይ ማስፈር ይገባል፡፡

ቋሚ የሆኑ የክፍያ ጊዜያዎችን የተመለከተ ስምምነት መፈጸም

▶️በተቻለ መጠን የክፍያ ጊዜን በተመለከተ ዝርዝር ጊዜን መመደብ እና በወረቀት ላይ ማስፈር ያስፈልጋል፡፡ ይህንን ማድረግ የገንዘብ ፍሰትን ለማወቅ፣ ደንበኛው የክፍያ ጊዜውን እንዲያስታውስ እና እንዲከፍል ለማድረግ፣ ይህ ባልተፈጸመ ጊዜ ስምምነቱን በመጥቀስ እንዲከፍል ለመጠየቅ ይረዳል፡፡

ስምምነቱን ከህግ ባለሙያ ጋር መፈጸም

▶️ቀዳሚው በስምምነቱ መሠረት የራስህን ኃላፊነት በአግባቡ መወጣት ነው፡፡ ከዚህ ባለፈ ክፍያ በውሉ መሠረት ካልተፈጸመ ውሉን ባስፈጸመው የህግ ባለሙያ (ጠበቃ) አማካኝነት የውሉን መረጃ በማያያዝ ክፍያው እንዲፈጸም ለመጠየቅ አለማመንታት እና በድፍረት ተግባራዊ ማድረግ ነው፡፡

ሰነዶችን በተደራጀ መንገድ መያዝ እና ማስቀመጥ

▶️ደረሰኞችን እና ተዛማጅ መረጃዎችን በአግባቡ መያዝ እና መሰነድ ጉዳዩ ወደ ፍርድ ቤት እንዲያመራ የሚያደርግ አለመግባባት ሲፈጠር፣ በቀላሉ ፋይል ለመክፈት፣ አሰሪው ወደ ኃላ ዞር ብሎ እንዲያስብ እና ወደ ስምምነት እንዲመለስ የሚያደርግ ዕድልን ይፈጥራል፡፡

ክስ ለመመስረት አለማመንታት

▶️መደበኛ ክፍያዎች በአግባቡ ተፈፃሚ የማይሆኑ ሲሆን እና ይህንኑ ተከትሎ ተናግረው፣ ነዝንዘው እና አስጠይቀው ምላሽ ሲያጡ እና ክፍያውን ሊፈፀም ሳይችል ሲቀር ምንም ሳያመነቱ ክስ ይመስርቱ፡፡ አንዳንዶቹ ካላቸው ዝና እና ስም አንፃር ብከሰስ ምን እባላለሁ? የሚል ፍራቻ ሊያነሱ ይችላሉ፡፡ ነገር ግን በህግ ፊት ሁሉም እኩል መብት ስላለው የእርስዎ አስተያየት፣ የተዋዋሉት ውል ላይ ብቻ ማተኮር ይገባዋል፡፡ ከዚህ በመነሳት በህግ አግባብ ፍርድ ቤት ቀርበው መብትዋን በማስከበር እና ክፍያውን ከመቀበል ባለፈ ለሌሎች ክብር ብለው የራስዎን መብት ማጣት አይገባዎትም፡፡ 

https://www.tg-me.com/ethioengineers1

✅መሀንዲስ ስራ ለመቀጠር ሲሄድ የሚጠየቃቸው ጥያቄዎች እና መልሶች?❓

1. የስላምፕ ቴስት ውጤት ምን ይነግርሀል?
ኮንክሪታችን ምን ያህል ፈሳሽ እና ወጥ እንደሆነ ፣water- cement ratio ከፍተኛ እንደሆነ እና እንዳልሆነ፣ የ batchingኣችንን ጥራት እና ወጥነት የስላፕ ቴስት ውጤት ይነግረናል፡፡

2. ካሊፐር ምንድነው?
ስፋት፣ውፍረት ፣ጥልቀት እና ወርድ የምንለካበት መሳሪያ ሲሆን በ ኮንስትራክሽን የ 6.ሮ diameter እና ለ ስቲል ሴክሽን ውፍረት ምንለካበት ነው።

3. C25 ምን ማለት ነው?
አርማታው ከተሞላ በ 28 ቀን የመኖረው የ 25 ሜጋፓስካል (25MPa) 99% የመኮማተር አቅም Characteristics compressive strength (fck)

4. ህንፃ ስንሰራ ፌሮ አስተዋፅኦ ምንድነው?
(deformable bar)RC (reinforced concrete) structure የ Tensile stressን ለመቆጣጠር ፌሮ እንጠቀማለን እንደየ ስትክቸሩ የተለያዩ አገልግሎቶች አሉት ለምሳሌ ቢም ላይ ለ tension zone ላይ እንጠቀማን ለ ሺር (ስታፋ) እንጠቀማለን፣ መሬት ላይ ለምንሰራው (Ground supported slab) minimum rebar a temperature (ሙቀት ሲያጋጥመው እንዳይሰነጠቅ) እንጠቀማለን።

https://www.tg-me.com/ethioengineers1

✅የአርማታ ሙሌታ (Concrete Compaction) ቁጥጥር

1. የግብአት ጥራትን (Materials Quality)፦ በአርማታ ሙሌት ሥራ ሂደት ውስጥ የሚጠቀማቸውን የማምረቻ ግብአቶች ጥራት በተገለጸው መስፈርት መሰረት የሚያሟሉ መሆኑን ማረጋገጥ አለበት።

ይህ ማለት የቀረበው ሲሚንቶ (Cement) አይነትና የምርጥ ጥራት፣ የአሸዋ (sand or Fine aggregate) እና ጠጠር (Coarse Aggregate)ሳይንሳዊ ምዘናን ማሟላቱን፣ የማቅጠኛ ውሀ (Water) የኮንክሬት ስትራክቸሩን ሊጎዳ የሚችል ኬሚካልና ቆሻሻ የሌለው የጠራ ውሃ መሆኑን እና ሌሎች ተጨማሪ ኬሚካል (Admixture) መለያ አይነት የተሟላ መሆኑን ሳይንሳዊ ማስረጃ ላይ ተደግፎ የማረጋገጥ ሂደትን መተግበር ማለት ነው።

በዚህ ረገድ የግብአት መሐንዲሱ (Materials Engineer) ለሳይቱ በቀረበው የቤተሙከራ ክፍል ውስጥ በመስራት የማረጋገጥ አልያም በቅርቡ በሚገኝ የቤተሙከራ አገልግሎት ሰጪ ተቋማ በማሰራት የግብአቶችን ጸባይ የመለየትና ማረጋገጫ የመስጠት ግዴታ ይኖርበታል።

2. የግብአቶችን ልኬት (Batching of materials):- በተለይ በሀገራችን የግንባታ ልምድ ኮንክሬት በሚመረትበት ሰዓት ያለው የአሸዋ፣ የጠጠር እና የውሃ ልኬት ለችግር የተጋለጠ ነው።

አንድ 1፡2፡3 ምጥጥንን መሰረት አድርጎ ዲዛይን የተሰራ አርማታ አንድ እጅ ሲሚንቶ፣ ሁለት እጅ አሸዋ፣ ሦስት እጅ ጠጠር መጠቀም አለበት ማለት ቢሆንም የመቀላቀያ ማሽኑ ተቆጣጣሪ (Mixer Operator) ይህንን ምጥጥን ጠብቆ አምራታ የማምረት ልምድ ቸልተኝነት የተሞላበት እንደሆነ ይስተዋላል።

ተቆጣጣሪ መሐንዲስ በምጥጥን (Proportion) መሰረት እየተመረት መሆኑን መቆጣጠር የግድ ነው።

3. የማሽን እና መሳሪያ ደህንነት (Equipments Security):- የኮንክሬት ድብልቅ ማምረቻ ማሽኖች (mixers) ደህንነታቸው የተረጋገጠ ወይም በአግባቡ የሚሰሩ መሆናቸውን ማረጋገጥ፣ የኮንክሬት ግብአቶችን መለኪያ ሳጥኖችን (box) ርዝመት ወርድ እና ቀመት (L, W, H) አግባብነት ያለው መሆኑን (ለምሳሌ፦ 18*40*50)፣ የሰው ህይወት እንዳይጠፋ ብሎም የካሳ ሙግትና የሥራ ማቆም መሰናክል እንዳይፈጠር የሰራተኞች ደህንነት መጠበቂያ አልባሳት የተሟሉ መሆኑን ማረጋገጥ አለበት።

4. በአግባቡ መጠቅጠቁን፦ የሚሞላው አርማታ በተለይ ምሰሶ (column) እና የምሰሶ ጫማ (Footing Pad) በክፍልፋይ ላየሮች ከፋፍሎ እያንዳንዱ የላየር ክፍል ጫፍ ላይ ሲደርስ በኤሌክትሪክ መንዘሪያ (Vibrator) በደንብ መጠቅጠቅ መቻል አለበት።

የአርማታ መጠቅጠቅ እያንዳንዱ የግንባታ ግብአት በአግባቡ የተሰራጨ እንዲሆን እና የቀጠነው አርማታ ወደታች ወርዶ ጠጠራማው ወደላይ እንዳይቀር በማድረግ የትኛውም የስትራክቸር ክፍል ተመሳሳይ አይነት ጥንካሬ እንዲኖረው ያደርጋል።

5. የአርማታ ድርቀት እንዳይኖር መቆጣጠር፦ የአርማታ ሙሌት ሂደት ላይ አዲስ የተመረተ አርማታ አላስፈላጊ ደቂቃዎችን ሳይሞላ መቆየት የለበትም።

አርማታ ሳይሞላ ከሚክሰር እንደተገለበጠ የሚቆይ ከሆነ በፎርምወርክ ውስጥ ሆኖ መያዝ ያለበትን የመጀመሪያ ጥንካሬ (Initial Setting) መያዝ ስለሚጀምር ከዚያ በኋላ ሙሌትን ለማከናወን አዳጋች ከመሆኑም በላይ የሚፈለገውን የኮንክሬት ስትራክቸር ጥንካሬ ለማግኘት አዳጋች ይሆናል።

https://www.tg-me.com/ethioengineers1

የግዥ እና የኮንትራት አሰጣጥ ስርዓት ዓይነቶች

1.Force Account

⚫የግንባታ ፕሮጄክት አቅርቦት ዘዴ ሲሆን ባለቤቱ ወይም ባለጉዳይ የግንባታውን ሂደት ከግለሰብ ነጋዴዎችና አቅራቢዎች ጋር በመዋዋል በቀጥታ የሚመራበት ነው።

ይህ አካሄድ ደንበኛው በፕሮጀክቱ ላይ የበለጠ ቁጥጥር እንዲኖረው ያስችለዋል ምክንያቱም የሥራ ተቋራጮችን መምረጥ እና የሥራውን አፈፃፀም መቆጣጠር ይችላሉ::

የግዳጅ መለያ ፕሮጄክቶች በተለምዶ ለአነስተኛ ፕሮጀክቶች ወይም ፈጣን ጥገና ወይም የጥገና ሥራ በሚፈልጉበት ጊዜ ያገለግላሉ።

2.Design Bid Build (ዲቢቢ)

⚫ንድፍ ቢድ ግንባታ ባህላዊ የፕሮጀክት ማስረከቢያ ዘዴ ሲሆን ፕሮጀክቱ በሦስት የተለያዩ ክፍሎች ማለትም ዲዛይን፣ ጨረታ እና ግንባታ ይከፈላል።

በዚህ አቀራረብ ባለቤቱ የፕሮጀክት እቅዶችን ለማዘጋጀት አርክቴክት ወይም የንድፍ ቡድን ይቀጥራል, ከዚያም የግንባታ ተቋራጮች ሀሳቦችን እንዲያቀርቡ ጨረታ ይወጣል::

ዝቅተኛው ተጫራች አብዛኛውን ጊዜ ኮንትራቱን ይሰጣል, እና ዲዛይኑ እንደተጠናቀቀ ግንባታው ይጀምራል::

ይህ ዘዴ በተለምዶ ለሕዝብ ፕሮጀክቶች ወይም ባለቤቱ በንድፍ እና በግንባታ ሂደት ላይ የበለጠ ቁጥጥር እንዲኖረው ሲፈልግ ጥቅም ላይ ይውላል.

3.Design Build

⚫የዲዛይን ግንባታ (ዲቢ) ወይም ተርንኪ፡ ዲዛይን ግንባታ የፕሮጀክቱን ዲዛይንም ሆነ ግንባታ ለማስተናገድ ባለቤቱ የንድፍ-ግንባታ ቡድን ተብሎ ከሚጠራው ከአንድ አካል ጋር በቀጥታ የሚዋዋልበት የፕሮጀክት አቅርቦት ዘዴ ነው።

ይህ አካሄድ የንድፍ-ግንባታ ቡድን ለሁሉም የፕሮጀክቱ ገፅታዎች ኃላፊነት ያለው እና ወጪ ቆጣቢ መፍትሄዎችን ለማግኘት በትብብር መስራት ስለሚችል ሂደቱን ያመቻቻል::

ተርንኪ የዲዛይን-ግንባታ ቡድን የተጠናቀቀውን ፕሮጀክት የገንዘብ ድጋፍ የማድረግ እና የማስኬድ ሃላፊነት ያለበት ተመሳሳይ አካሄድ ነው።

የዲዛይን ግንባታ እና የማዞሪያ ዘዴዎች ብዙውን ጊዜ ፈጣን ግንባታ ለሚፈልጉ ፕሮጀክቶች ወይም ባለቤቱ ለጠቅላላው ፕሮጀክት አንድ ነጠላ የመገናኛ ነጥብ ሲፈልጉ ያገለግላሉ።

4.Finance / Build Operatr System (BOT)

⚫ፋይናንስ / ግንባታ ኦፕሬቲንግ ሲስተም (BOT)፡ BOT የፕሮጀክት ማስረከቢያ ዘዴ ሲሆን ገንቢ በመባል የሚታወቀው የግል አካል ለተወሰነ ጊዜ ፕሮጀክትን በገንዘብ የመስጠት፣ የመንደፍ፣ የመገንባት እና የማስኬድ ኃላፊነት አለበት።

ከዚያም ገንቢው ኢንቨስትመንታቸውን በክፍያዎች፣ ክፍያዎች ወይም በፕሮጀክቱ በሚመነጩ ሌሎች ገቢዎች ይመልሳል።

BOT እንደ አውራ ጎዳናዎች፣ ድልድዮች እና የሃይል ማመንጫ ላሉ የመሠረተ ልማት ፕሮጀክቶች የግሉ ሴክተር የረዥም ጊዜ አገልግሎት ለሕዝብ በሚሰጥበት ጊዜ የፋይናንስ ሥጋቱን እንዲወስድ ስለሚያስችለው ነው።

5.Construction / Facility management Consultancy

⚫የኮንስትራክሽን/ፋሲሊቲ አስተዳደር አማካሪ፡ የግንባታ እና የፋሲሊቲ አስተዳደር አማካሪ አገልግሎቶች በግንባታው ሂደት ውስጥ ሙያዊ እና ድጋፍ ለመስጠት የሶስተኛ ወገን አማካሪ መቅጠርን ያካትታል።

ይህ እንደ የፕሮጀክት አስተዳደር፣ የወጪ ግምት፣ የጊዜ ሰሌዳ አወጣጥ፣ የጥራት ቁጥጥር እና ከግንባታ በኋላ ያሉ አገልግሎቶችን ሊያካትት ይችላል።

የግንባታ እና የፋሲሊቲ አስተዳደር አማካሪዎች ባለቤቶቹ የኮንስትራክሽን ኢንደስትሪውን ውስብስብነት እንዲዳስሱ እና ፕሮጀክቶች በጊዜ እና በበጀት እንዲጠናቀቁ ያግዛሉ::

6.Alliances and Outsourcing

⚫Alliance and Outsourcing በተለያዩ ኩባንያዎች ወይም ድርጅቶች መካከል በፕሮጀክት ላይ ተባብሮ ለመስራት ወይም የተወሰኑ የስራውን ገፅታዎች ለማስተላለፍ የሚደረጉ ሽርክናዎችን ያመለክታሉ።

ትላልቅ እና ውስብስብ ፕሮጀክቶችን ለመውሰድ ተጓዳኝ ችሎታዎች ወይም ሀብቶች ባላቸው ኩባንያዎች መካከል ጥምረት ይፈጠራል።

የውጪ አቅርቦት ከሶስተኛ ወገን ሻጭ ጋር የተወሰኑ ተግባራትን ወይም አገልግሎቶችን እንደ ዲዛይን፣ ግንባታ ወይም የፋሲሊቲ አስተዳደርን ማስተናገድን ያካትታል።

ጥምረት እና የውጭ አቅርቦት ኩባንያዎች ወጪዎችን እንዲቀንሱ፣ ቅልጥፍናን እንዲያሻሽሉ እና ልዩ ባለሙያተኞችን እንዲያገኙ ሊረዳቸው ይችላል

https://www.tg-me.com/ethioengineers1

✅በጨረታ ሂደት የተሳተፈው ተጫራች አንድ ብቻ ከሆነ አሸናፊ ማድረግ ይቻላል?

በዓለም ባንክ የግዥ መመሪያ (Procurement Regulations for IPF Borrowers, February 2025) የሚከተለውን👇 ይላል።

"የውድድር አለመኖር በተጫራቾች ብዛት ላይ ብቻ አይወሰንም። በጨረታ ሂደት አንድ ተጫራች ብቻ ቢያስገባም በሚከተሉት ምክንያቶች ተቀባይነት ሊያገኝ ይችላል።

1) የጨረታው ማስታወቂያ በአግባቡ ተደራሽ ከነበረ፤
2) የጨረታው መገምገሚያ መስፈርት ተሳትፎን የሚገድብ ካልሆነ
3) በተጫራቹ የቀረበው ዋጋ የገበያ ዋጋ መሆኑ ከተረጋገጠ ናቸው"

አዲሱ የፌደራል የግዥ መመሪያ ደግሞ የሚከተለውን አስቀምጧል፦

"በጨረታ ውድድሩ ተካፋይ የሆነው አንድ ተጫራች ብቻ ከሆነ የመንግሥት መስሪያ ቤቶች ጨረታን ያቀረበው አንድ ተጫራች ያቀረበው የመወዳደሪያ ሃሳብ አጥጋቢ እና ዋጋው ተወዳዳሪ የገበያ ዋጋ መሆኑን እንዲሁም የሌሎች ተወዳዳሪዎችን ተሳትፎ የሚገድቡ ምክንያቶች በጨረታ ሰነድ ላይ ያለመኖራቸውን በማረጋገጥ ድጋሚ ጨረታ ማውጣት ሳያስፈልግ የቀረበውን አንድ ተጫራች አሸናፊ ሊያደርግ ይችላሉ ❗️

https://www.tg-me.com/ethioengineers1