"ፍርሀት በሩን አንኳኳ፣ ድፍረት መለሰ ማንም አልነበረም!!"

🔰አይተሃል ብዙን ጊዜ የሌለ ነገር ነው የሚያስፈራህ። በድፍረት ተነስተህ እርሞጃ ስትወስድ ያ ያስፈራኛል የምትለው ነገር እንዳልነበረ ና ውሸት እንደሆነ  ይገባሃል።

🔰ፍርሃት ጨለማ ነው! ጨለማ ብርሃን ባለበት የለም። ጨለማ የብርሃን አለመኖር ምልክት ነው። እውቀት ብርሃን ነው። እውቀት ና እምነት ባለበት ፍርሃት የለም።  የማታወቀው ነገር ነው የሚያስፈራህ።

🔰መፍትሔው እውነተኛ እውቀትን ማግኘት  ና በድፍረት መጋፈጥ ነው።

በሰላም ያዋለን ፈጣሪ የተመሰገነ ይሁን 🙏 መልካም ምሽት ይሁንላችሁ 🙏

ደፋር ሁን!!!
"ደፋርና ጭስ መውጫ አያጣም"ይላል ያገሬ ሰው!!!እውነት ነው!!!በህይወታችን ሙሉ "ይህንን እማ አደርገዋለሁ "ብለን ድፍረት አጥተን በሀሳብ የቀሩ ፍላጎቶች ቁጥር ስፍር የላቸውም!!!አረ ተዉ!እስከመቼ ነው በፍርሀት የምትታሰረው!?በቃ ሞት እስኪመጣ? ከአሁኑ ሰአት ጀምሮ በማስተዋል የታጀበ ድፍረት ይዘን የፈለግነው ጥያቄም እንጠይቅ!!!አትፍራ!ምንም የሚመጣ ገገር የለም!!!!ዲስ ነገር በህይወትህ ትፈልጋለህ? እመነኝ!ያለድፍረት ምንም የሚሆን ነገር የለም!!!ስታስበው በፍርሀት የሚያንቀጠቅጥህ ነገር ደፍረህ አድርገው!!!አየህ!እዛ ውስጥ ነው ያለው ያንተ የህይወት ነ--ፃ--ነ--ት !!!!ስትደፍር በራስህ ትተማመናለህ!ስትደፍር ግንዛቤህ ከፍ ይላል!ደፋር ስትሆን መልስ ታገኛለህ!ደፋር ስትሆን ሀብት ታገኛለህ!ደፋር ስትሆን ጥበብ ታገኛለህ!!!ድፍረት የህይወትህ ሁሉ ነገር ነው!!!በፍርሀት ምክንያት ያራዘምከው ነገር ዛሬ ደፍረህ ግባ!!! ዛሬ ካልጀመርከው ህይወትህ በፍርሀት ታስሮ እንደነበረ እንዲቀጥል ፈቅደሀል ማለት ነው!!!
#የድፍረት ቀን ተመኘሁ!!!

ትእግስትን የታደለ ሰው የተባረከ ነው!!! ለሁሉም ነገር ትእግስት አስፈላጊ ነገር ነው!!!በጥድፍያ የሚሆን ነገር ሁሉ በጥድፍያ ይባላሻል!!! ፍርሀት ለማሸነፍ ቀስ በቀስ የሚያስፈሩን ነገሮች በመግደል በትእግስት ድል እናደርጋለን!!!ራሳችሁን አትውቀሱ !ለምንድነው ይህንን ነገር በምፈልገው ልክ ያልሆነው?አትበሉ!በጊዜ ሂደት ይስተካከላል!!!ብቻ በትእግስት ራሳችሁን መለወጣችሁ አትርሱ!!!ትእግስት ሲኖረን በብዙ መንገድ መማር እንችላለን!!!ሴት ልጅ ከ9ወር ቆይታ ልጅ ትወልዳለች!!!ገበሬ የዘራውን ለማጨድ በትእግስት የፈለገው ምርት ያገኛል!!! መማርና መሞከር ብቻ እንዳታቋርጥ እንጂ ሁሉም ነገር በጊዜ ውስጥ ይመጣል!!!ከክፉ ቃል በትእግስት ራስህን ጠብቅ!!!ጊዚያዊ ችግሮችህን  ለማለፍ ትእግስት ይኑርህ!!!ሁሉም የሞከርከው ነገር ውጤት እስኪያመጣ በትእግስት ጠብቅ!!!ሁሉጊዜ በትእግስት ውስጥ በረከት አለ!!!!

በየቀኑ አዲስ መፍትሄ!!!
በየቀኑ አዳዲስ ስራ ካልሰራን የነበረንን ነገር እያጠፋን መሆናችን ልንረዳ ይገባል!!!ብዙ ሰው ያለውን ችግር በነገው ቀን እንደሚፈታ እየጠበቀ ነው !!!ትልቁ  ስህተት ነው!!! ነገ የራሱ ችግርና መፍትሄ ይዞ የሚመጣ ቀን ነው!!!አሁን የገጠመህ ችግር በዛሬ ቀን ካልተፈታ ነገ አይፈታም!!!"የተሻለ ቀን ይመጣል "የሚለው ሀሳብ አዎንታዊ ቢሆንም ዛሬ ያለህ ችግር በትንሹ መፍታት ካልቻልክ የከፋውን ጊዜ መጠበቅ ነው!!!ከልምዴ ያየሁት ነገር ነው እያከፈልኳችሁ ያለሁት!!!ትችላለህ!!!እንዴት ?ካላችሁ! ትልቁ ችግርህ በየቀኑ እየሰባበርክ አሽቀንጥረህ ትጥለዋለህ!!!ሁሉም ችግሮች በአንድ ጊዜ እንደማይመጡ ሁሉ ሁሉም መፍትሄዎች በአንድ ጊዜ ለመፍታት አትሞክር!!!ትንሽ በት-ን-ሽ በየቀኑ የመፍትሄ ሰው መሆን ታላቅ ጥበብ ነው!!!እባካችሁ ይህ ነገር ከዛሬ ጀምሩት ! በ1% ማሻሻል ከቻላችሁ በእርግጠኝነት ችግራችሁ በአንድ ወር ውስጥ ይቀልጣል !!!
የመፍትሄ ቀን ተመኘሁ!!!

ለራስህ ምን ትለዋለህ?
አብዛኛው የአለማችን 99% ህዝብ ራሱን ዝቅ አድርጎ ይመለከታል!!!ትናንት "የተኛው ማንነትህ ነቅንቀው"ያልነው ነገር ግልፅ የሆነ እውቀት ስለሌለው ራሱን እስከ  ውቅያኖስ ወለል አውርዶ ይመለከታል!!!አንተ ስለራስህ ብታውቅማ ከዚህ ልፍስፍስ ህይወት በደቂቃ ውስጥ ነፃ ትወጣ ነበር!!!አትፍዘዝ አንተ ድንቅ ነህ!!!ለራስህ የምትለው ነገር ከተለወጠ በቃ በዚህ ዩነቨርስ የሚገኝ ማንኛውም ቁስ አካል ማግኘት ትችላለህ!!!በትናንሽ መጥፎ ክሰቶች አትታሰር !!!አንተ ራስህ ከምትለው በላይ ነህ!!!አንተ ተአምር ነህ!!!የመኪና ነዳጅ መኪና ያንቀሳቅሳል !!!የአውሮፕላን ነዳጅ አውሮፕላን በአየር ከፍ አድርጎ ያንሳፍፋል !ባህር አሻግሮ አሜሪካ ሀገር ያስገባል !ያንተ ነዳጅ ግን የማይታየውን የተደበቀ አለም አልፎ  የብርሀን ችቦ ይተክላል!!!ይህ የሚሆነው ግን ራስህን ስታክብር ነው!!!ደግሞ ይገባሀል!!!ራስህን አታራክስ!!!እኔ ከፈጣሪ በታች ያለው ነገር ሁሉ ማድረግ እችላለሁ በል!!!ትችላለህ!!!ለምን?ለ ሁ-ሉ-ም ነገር ትችላለህ!!!ለራስህ የምትለው ነገር ከዛሬ ቀን ጀምረህ አረ ከአሁኑ ሰአት ጀምረህ ቀይረው!!!ፍፁም አሉታዊ ነገር ከአፍህ እንዳይወጣ!!!
አዲስ ክሰተት ተመኘሁ

🧤በዚህ አለም 3 አይነት ሰዎች አሉ

1⃣  ነገሮችን በጥረታቸው የሚያሳኩ
2⃣  ነገሮች ሲሳኩና ሲበላሹ ቆመው የሚመለከቱ
3⃣  ጭራሽ ምን እየሆነ እንዳለ የማያውቁ

ይሄን ፅሁፍ የምናነብ ሁሉ ምርጫችን የቱ እንደሆነ ይታወቃል፤ ግን ታዲያ ምን እያደረግን ነው?  °እየጣርን ነው? ወይስ °ቆመን እያየን ነው? ወይስ °ጭራሽ አንቀላፍተናል?
ዳይ ወደ ጥረታችን!

የተባረከ ጊዜ ይሁንልን

በህይወትህ ተደጋጋሚ ግፊቶች ከበዙ ተመስገን በል!!!
እያንዳንዱን ግፊት የራሱ የሆነ ትምህርት አለው!!!በላይ በሚመጣው ግፊት ካለሰተማረህ ከታች ይልክልሀል!!!በግራ የመጣው ግፊት ካላስተማረህ በቀኝ በኩል ይለቅብሀል!!!እያንዳንዱ ፈተና አንተን ለማስተካከል የተላከ ነው!!! "ይህ ፈተና ምን ሊያስተምረኝ ነው "በልና ተማርበት!!!በወረደብህ የፈተና ማዕበል እስካልተማርክ ጊዜ እስከመጨረሻው ይቀጠቅጥሀል!!!የትኛው የህይወት መስመሬ ነው?ዋጋ እያስከፈለኝ ያለው? ብለህ ጠይቅ!ቁጭ ብለህ በተረጋጋ መንፈስ አስብ!!!እና በአዲስ ምዕራፍ!አዲስ ህይወት ውስጥ ግባ!!!

ማንም!
፨፨///፨፨
የቀድሞ የታላቋ ብሪቴን ጠቅላይ ሚንስትር፣ ፀሃፊና ፖለቲከኛ የነበረው ቤንጃሚን ዴዝሪል በአንድ ወቅት የተናገረው ንግግር ነው።  "ህልውናውን በአላማው ላይ ያደረገን ሰው ማንም ሊያቆመው አይችልም።"  መኖሩ ለተፈጠረት አላማ እንደሆነ የሚያውቅ ሰው፣ የገንዘብ ጥማቱን ለማርካት፣ የንብረት አምሮቱን ለማሟላት ሳይሆን የልብ መሻቱን፣ የውስጥ ጥሪውን ለማግኘት የሚጥርን ሰው ማንም ሊያስቆመው አይችልም። ፍላጎቱን በማወቁ ብቻ ጉዞው የፀና ነው፤ እርምጃውን በመገንዘቡ ብቻ የሚያናውጠው ነገር አይኖርም። አላማህን ስታውቅ ከሚሰማህ ስሜት ውሰጥ አንዱ የጥረትህ ማቆሚያ አሸናፊነትና ለድል መብቃት እንደሆነ መገንዘብህ ነው። ከፊትህ የሚቆሙ መሰናክሎች፣ ተራምዶ ለመሻገር የቀለሉ፣ ርቆ ለመሔድም የማያስቸግሩ ናቸው።

አዎ! ጀግናዬ..! አልቆምም ካልክ ማንም አያስቆምህም። ማንም! ምክንያቶችህ ተራ ናቸው፤ ሰበብ አስባቦችህ ምንም ሃይል አይኖራቸውም፤ የሚወራብህን ነገር ከቁብ አትቆጥረውም፤ የተለጠፈብህ ስም ትዝ አይልህም። የምትሔደው ወዴት እንደሆነ፣ መዳረሻህም ምን እንደሆነ ታውቃለህና ያላንተ ፍቃድ ከጉዞህ የሚገታህ፣ ጥረትህን የሚቀለብስና አቅጣጫህን የሚያስትህ ማንም አይኖርም። አምላክህ ከሰጠህ በተሻለ ሌላ ማንም ሰው ሊሰጥህ የሚችለው ስጦታ የለም። ስትፈጠር አብሮህ የተፈጠረው አላማህ፣ ለፍለጋ ጊዜ ቢፈጀም የተገኘ እለት ግን ለብዙዎቹ የህይወት ዘመን ጥያቄህ መልስ ይሰጥሃል። ምንም እንኳን ጉዞህ አድካሚ ቢሆንም፣ ጥረትህ የሚያዝል ቢሆንም ሲደክምህና ስትዝል እራስህን የማትመለከትበት ጊዜ ይመጣል። አምነህ የምትታገለው ትግል በስተመጨረሻ የሚያስጎነጭህ የድል ፅዋ ከምንም በላይ የከፍታህ ጥግ፣ የጥረትህም ውጤት ይሆናል።

አዎ! ቀላል ስለሆነ ሳይሆን፣ አንተን ስለቀለለህ በልበሙሉነት ታደርገዋለህ፤ ዋጋ የማያስከፍል ስለሆነ ሳይሆን፣ ለእርሱ ዋጋ መክፈል ላንተ ደስታ ስለሆነ በኩራት ትፈፅመዋለህ፤ አጭርና ጊዜ የማይፈጅ ስለሆነ አይደለም፣ ጊዜህ በሙሉ የእርሱ እንደሆነ ስለምታውቅ የምትሰስትለት ነገር አይኖርም። ክብደቱ ቢታይህ ለማቆም ትፈጥን ነበር፤ ግልፅ ባይሆን በጊዜ ትታክት ነበር፤ ስሜት ባይሰጥህ ወዲያው ይሰለችህ ነበር። አላማህ ግን ከዚህ ሁሉ ንፁ ነው። ከስንፍና፣ ከሰበበኝነት፣ ከስልቹነት፣ ከጭንቀት የፀዳ ማንነት ከፈለክ የምትኖርለት፣ እግዚአብሔር አምላክህን የምታኮራበት፣ ለህይወትህ ትርጉም የምትሰጥበት አላማ ያስፈልግሃል። አሻራህን ለማሳየት ማለፍ አይጠበቅብህ፤ በብዙዎች ልብ ውስጥ ለመግባት፣ በአንደበታቸውም ለመወሳት ማለፍ አይጠበቅብህም። በህይወት እያለህ የሚያደምቅህ፣ እየኖርከው የሚያፈካህ፣ በየጊዜው እያሳደገህ የሚመጣ፣ ማንም ከእርሱ ሊነጥልህ የማይችለው የህይወት አላማ አለህና እስክታገኘው በፍፁም ፍለጋህን እንዳታቆም።

መልካም ቀን ይሁንልን

የተናገርከው ሁሉ ለምን ተግባራዊ አታደርገውም?
ያሰብነው ሁሉ ተግባሰራዊ አይሆንም ! ምክንያቱም አንድ ሰው በቀን 60,000 ሀሳብ ስለሚያስብ ሀሉም ሀሳቦች ተግባራዊ ለማድረግ አይችልምና !!!ከሀሳብ ተነስተን ደግሞ የተናገርነው ሁሉ ተግባራዊ አናደርገውም !!!ለምን ?ከላይ እንደገለፅነው በአንድ ጊዜ ብዙ ቃላት መናገርና መወርወር እንችላለን !!! በአንድ ጊዜ ግን ተግባራዊ ማድረግ ከባድ ነው!!!አንድ ቅን እና ተወዳጅ  የአሜሪካ ፕረዝደንት እንዲህ ብሏል"እኔ የተናገርኩት ሁሉ 1% ብቻ እውነት ከሆነ ነው!!!"ሲል የአለም ምስጢር ገልፆታል!!!ይህ ነገር እውነት ይመስለኛል!!!እኛ በአካል የታሰርን ሰዎች ነን ።ስለሆነም የተናገርነው ሁሉ የግድ ወደ ተግባር ላይቀየር ይችላል።ለምን ይህ ፅሁፍ አስፈለገ ካላችሁኝ እንደሆነ "እኔ ብዙ እናገራለሁ ወደ መሬት አውርጀ የሰራሁት ግን እምብዛም አይደለም "ብሎ ራሱን የሚወቅስ ሰው ስላለ ነው! ቢያንስ ግን የተናገርነው ነገር ቀስ በቀስ በጊዜ ሂደት ተግባራዊ ለማድረግ እንሞክር !!!

ትልቁ ግኝት አመለካከት !!

"የዚህ ዓለም የ21ክ/ዘመን ትልቁ ግኝት የሰው ልጆች የአእምሯቸውን አስተሳሰብ በመለወጥ ብቻ ህይወታቸውን መለወጥ መቻላቸው ነው።"  
                           ዊልያም ጀምስ   

  ለሕፃናት የተለያዩ ቀለም ያላቸው ባሉኖችን የሚሸጥ አንድ ሰው ነበር የባሉን ገበያው ሲቀዘቅዝ ባሉኖችን ሂልየም ጋዝ እየሞላ ወደ ሰማይ ይለቃቸዋል። አንድ ህፃን መጣና ነጋዴውን  ጥቁር ባሉን ወደ ሰማይ መሳፈፍ ይችላል ብሎ ጠየቀው ነጋዴው ባሉኖችን ወደላይ እንዲሳፈፉ የሚያደርጋቸው ቀለማቸው ሳይሆን በውስጣቸው የተሞላው አየር ወይም ጋዝ ነው አለው። ታሪኩን ወደኛ ሕይወት አምጥተን ስናየው፤ በእኛ ሕይወትን ውስጥ ወደ ላይ እንድንወጣ ወይም ወደታች እንድንወርድ የሚያደርገን ውጫዊ ገፃችን ሳይሆን ውስጣችን ያለው የገዛ አመለካከታችን(Attitude) ነው።
ሰወች እድገት ላይ ለመድረስ ፣አዲስ ስራ ለማግኘት ፣ስኬታማ ለመሆን፣ አዲስ ነገር ለመፍጠር የሚያበቃን 85%የሚሆነው ዋነኛ ምክንያት አመለካከታችን ነው የተቀረው 15% ባለን ሙያ ትምህርትና ጉብዝና ላይ የሚወሰን ነው። የሚገርመው ግን ሙሉ የትምህርት ወጫችንና ጠቅላላ ጉልበታችን የሚባክነው ለዚህ 15 % ብቻ ለሚሸፍነው ሙያዊና አእምሯዊ ክህሎት ብቻ ነው። ይሁንና አሸናፊነታችንና ስኬታችን የሚወሰነው 85% በሚወስነው አመለካከታችን ነው።

   ሰናይ ቅዳሜ🙏🙏

* ዕድልህን ተጠቀም! *

ዕድሎችን ስትጠቀም ብቻ ነው ህይወትህ ሊለወጥ የሚችለው። ይህንን ለማድረግ የመጀመሪያው እና በጣም አስቸጋሪው እርምጃ ደግሞ ታማኝ ሰው መሆን ነው። —Walter Anderson

ሰዎች እድሎች ይመጡለታል። እድሎችን መጠቀም ከቻለ ደግሞ ህይወቱን ይለውጣል። ነገር ግን ብዙዎቻችን እድሎቻችንን አንጠቀምባቸውም።

እድሎቻችንን ለመጠቀም የተዘጋጀን ካልሆንን እድሎች ይመጣሉ ነገር ግን እንዲሁ ያመልጡናል።

ወዳጄ ሆይ እድሎችህ እናዳያመልጡ ልትጠብቃቸው ይገባል። እድሎችን ለመጠበቅ ደግሞ የመጀመሪያው እርምጃ ለአንተ ለራስህ እና ለዓላማህ ታማኝ መሆን ነው።

ስኬታማ እና የተባረከ ቀን ይሁንላችሁ!

ማንኛውም ሰው ተፈላጊ የመሆን ሀይለኛ ጉጉት አለው!!!
ስለሆነም ግኑኝነትህ መልካም ለማድረግ ይህ ምስጢር በማወቅ ጥቅም ላይ ማዋል ይገባሀል!!!ካንተጋ ያለ ሰው አስፈላጊ መሆኑን ንገረው!!!እንዲህ ስታደርግ ዋናው የልብ ምት አገኘሀው ማለት ነው!!!የማንንም ድክመት ገልጠህ አትናገር!!!ምክንያቱም ተፈላጊነቱ ታጠፋዋለህና!!!እንዲህ ሲሆን ግኑኝነት ይበላሻል!!!ግኑኝነት ከተባላሸ ደግሞ ስኬት የለም!!!ደስታ የለም!!!ይህ ምስጢር በጓደኛህ:በልጅህ:በፍቅረኛህ ልትጀምረው ትችላለህ!!!ተአምሩ ተመልከት!!!

👉ካልጠየክ በእድል ካልተመለሰ በቀር ለጥያቄህ ምላሽ አታገኝም!
👉ካልሞከርክ ስለ መሳካትና አለመሳካቱ በምንም እርግጠኛ አትሆንም!

    ሁሉም ነገር ከጥልቅ ፍላጎት ቀጥሎ ጅማሮ ይፈልጋል! የማወቅ ጉጉትህ እንድትጠይቅ እንዳረገክ ሁሉ ማለት ነው። ስለዚህ ፈላጊ ብቻ ሳይሆን ጀማሪና ፈጻሚ ሆነን ልንገኝ ይገባናል!!!

ውብ ጊዜ🙏😊

#እነዚህን_5ቱንማ_ሁን!

#አንድ
🔹ሁሌም በራስ የምትተማመን ሁን። አሊያ አቅምህን ማሳየትና አላማህን ማሳካት አትችልም።

#ሁለት
🔹አዎንታዊ ሁን። ለምታስባቸው ነገሮች ትኩረት ስጥ። ነገሮች አስቸጋሪ ወይ ፈታኝ ሲሆኑብህ እንደሚያልፉ አዎንታዊ የሆነ እምነት ይኑርህ! የምታስባቸው አሉታዊ ነገሮች ብዙ ነገር ስለሚያሳጡህ መልካም አሳቢነትን አዳብር።

#ሶስት
🔹ግልጽ የሆነ ግብ ይኑርህ። ለራስህ ምን ማሳካት እንደምትፈልግ አብራራ። እንዲሁም ተግባራዊ የምታደርግበትን አቋም ገንባ። በትንሽ፤ በትንሹ ትልቅ የምትለውን አላማ ማሳካት ትችላለህ።

#አራት
🔹ፈተናዎችን ተጋፈጣቸው። ፈተናዎችህን አትሽሽ፤ ምክንያቱም ለእድገት እና ለትምህርት እድል ስለሚሆኑ። ጊዚያዊ እንደሆኑም እወቅ።

#አምስት
🔹ምስጋናን ተለማመድ። በተለመደ ሁኔታ አመስጋኝ ሁን ይህም ህይወትህን እንድትወድ ምክንያት ይሆንሃል።

☑️#ቁምነገሩ~ የሆነ ነገር መቀየር ካልጀመርክ፣ ህይወትህን መቀየር አትችልም። አሁንም ሁሌም ታደርገው የነበረውን ተመሳሳይ ነገር እያደረግክ ከሆነ ህይወትህ እንዲቀየር አትጠብቅ

አዎ! ተማር፣ እወቅ፣ ንቃ፣ አራስህን አበርታ፣ በየጊዜው ማንነትህን እያሳደክ ተጓዝ ነገር ግን የእቅድህን ጉዳይ፣ የመመሪያህን ነገርም እንዳትረሳ። አዎንታዊነትህ፣ ሚዛናዊነትህና አስተውሎትህ አነቃቂ ንግግርና ፅሁፎችን እንዴት እንደ መመሪያ ልትጠቀማቸው እንደምትችል ያስገነዝቡሃል። የሰው ልጅ ጠቃሚ ነው ብሎ የሚያዘጋጀውን የትኛውንም ነገር መጥላት አስፈላጊ ባይሆንም ካንተ የህይወት ዘይቤ ጋር የማይሔድና የማያሳምንህ ከሆነ ግን ሰምተህ መዝነህ አመዛዝነህ አለመቀበል ትችላለህ። ይህን አስታስ፡ ካልተነቃቃህና ትክክለኛውን ማንነትህን ካልተገነዘብክ መመሪያህ የትም አያደርስህም፤ ምንም እንኳን ብትነቃቃና ስሜትህ ከፍ ቢልም የምትመራበትና ጅማሮህን የሚያስቀጥል መመሪያ ከሌለህ የትም አትደርስም። ለሁለንተናዊና ዘላቂ ስኬት ንቁ፣ ዝገጁና ወደፊት የሚያራምድ መመሪያ ያስፈልግሃልና በማነቃቂያ ግብዓቶች በመጀመር፣ በሚያስቀጥሉ ወሳኝ መመሪያዎች በመታገዝ ህልምህን እየኖርክ የህይወት ደረጃህን ከፍ ወደማድረግ ተሸጋገር።
ብሩህ ደማቅ ጊዜ ይሁንልን

በህይወት ሩጫ ውስጥ የሚያሸንፈው ቀድሞ የደረሰ ብቻ አይደለም ውድድሩን የጨረሰም ነው። የግድ በዙሪያችን ካሉ ሰዎች ቀድመን ወይም እኩል መድረስ አለብኝ ብለን ራሳችንን ማስጨነቅ የለብንም።

ራሳችንን ካወዳደርን አይቀር ከሰዎች ጋር ሳይሆን ከትላንቱ ማንነታችን ጋር መሆን አለበት። ስኬት የሚለካው በራስ #መነፅር እንጂ ከሌሎች ጋር ባለን #ንፅፅር አይደለም።

በራስህ አትቀልድ !

ህይወት እቃቃ ጨዋታ አይደለችም መወሰን ያለብንን በሙሉ መወሰን መቻል አለብን እኛ ለማደግ የሚገባንን ሁሉ እየለፋን እየባከንን ከስር ከስር አቅማችንን ፣ ጉልበታችንን የሚወስዱ እና ውጤታችንን ከሚያሳንሱብን ሰዎች ፈፅመን ልንርቅ ይገባናል ካልሆነ ልፋታችን ሁሉ ከንቱ መቅረቱ ነው !

ስለዚህ ዋጋህ ዋጋ ያለው ቦታ ላይ ብቻ አውል !

በፍፁም አናቆምም!

ጥረትህን አይቶ ማንም አይገረምም፤ ውጤትህ አሪፍ ከሆነ ሰዎች ያደንቁሀል ካልሆነ ግን ይንቁሀል፤ አየህ ይቺ አለም ውጤትን እንጂ ጥረትን አትሸልምም።

ካቆምክ መውደቅህን አረጋግጠሀል፤ ከቀጠልክ ለማሸነፍ እየተቃረብክ ነው፤ እርግጠኛ የምሆንልህ ግን የሚፈልጉትን ሁሉ የሚያገኙ ሰዎች በሙሉ ጥረታቸውን ያላቆሙት ናቸው! ስለዚህ አናቆምም!💪

ግሩም ጊዜ ተመኘሁላችሁ🙏

ደስ ይበልህ!

እውነተኛ ለውጥ በፈተናና በችግር የተሞላ ነው፤ ከንብ ማር መውሰድ የሚፈልግ ሰው ንድፊያዋን መታገስ አለበት። ወዳጄ ነገሮች ከባድ ሲሆኑ ብታዝን፣ ብታማርር ወይ ራስህን ብትጎዳ ምንም አትፈጥርም! በፈተና ደስ ይበልህ ምክንያቱም ጠንካሮች ናቸው የሚፈተኑት! 

🙏🙏ልዩ ቀን ተመኘሁላችሁ🙏