የተመኘኸው ሁሉ ይሳካል!

ከልብህ ፈልገኸዋል አይደል ታድያ ለምን አይሳካም? ማንም ሁን የትም ቦታ ላይ ሁን ደረጃህ ከፍም ዝቅም ያለ ይሁን ፤ ያንተ ትልቁ ምኞት ግን ካለህበት መነሳት ከምትኖርበት የተሻለ መኖር የበለጠ መስራት ጠንካራ ብርቱ ጀግና መሆን ነው አይደል በዚህ አለም ላይ ያለ እያንዳንዱ ሰው አንድ የሚያመሳስለው ባህሪው ሁሉም የተሻለ መመኘቱ ነው መቼስ ዝቅታ የሚናፍቀው የለም አይደል?

ስለዚህ ትኩረትህን ሙሉ ለሙሉ መድረስ የምትፈልግበት ማግኘት የምትመኘው ቦታ ላይ አድርገው ምንም ሳትሰስት የሚፈለግብህን ሙሉ ለሙሉ አድርግ ወደ ሌላ ቦታ በፍፁም እንዳታይ የምትፈልገውን እስክታሳካ እንዳትተኛለት ከዛም ግን በደንብ አድርገህ ፈጣሪህን ጠይቀው ከዛማ ለምን አይሆንም? በደንብ ይሳካል!

መልካም የስኬት ቀን ተመኘሁ🙏

#መጨከን_አለብህ!

ሁሌም ለውጥ የምትፈልግ ከሆነ ከማትፈልገው ነገር ጋር መጋፈጥ ተለማመድ፤ ምቾት ውስጥ ሆነህ ለውጥ የለም! አንተን የሚያሳድጉህ ነገሮች ያሉት ከምቾትህ ጀርባ ነው።

በጠዋት መነሳት፣ ከሚጠበቅብህ በላይ መስራት፣ ፊልሙን ዘግተህ ማንበብ ራስን ማስጨነቅ ነው፤ ግን ለውጥ እና እድገት ያለው እየመረረህ እንኳን ጨክነህ በምታደርጋቸው ነገሮች ውስጥ ነው! እድገት የምትፈልግ ከሆነ መጨከን አለብህ ወዳጄ!



አስገራሚ  ቀን ተመኘንላችሁ

አርፋጅ አትሁን!!! ማርፈድ ወደ ኋላ ያስቀርሀል!አርፋጅ ስትሆን ስኬት ይርቅብሀል!አርፋጅ ስትሆን ድህነት ይመጣባሀል! ለፈለከው ነገር ጥያቄ ለማቅረብ አታርፍድ! ምርጥ ሀሳብ ለማመንጨት አታርፍድ !ጊዜ የለህም አታርፍድ! በውስጥህ ለሚቀጣጠል ፍላጎት እውን ለማድረግ አታርፍድ !በቃ ተነስስስ!ህይወት እጅግ በጣም አጭር ነው!አቅምህ ሁሉ መሉ ለሙሉ ተጠቅመህ ለማህበረሰቡ ለመስጠት አታርፍድ ጊዜ የለህም!ዛሬ በዚህ ቅፅበት አድርገው! የህይወትህ ጣፋጭ ምዕራፍ ለመድረስ ጊዜው ይሄኛው ቅፅበት ነው!!!

የስኬት መርሆች
#ቀድመህ ተገኝ
አርቀህ አስተውል።
#ስኬትን ከመጨረሻው ጀምር "ምናብ ከእውቀት ይበልጣል ተብሏል"አልበርት ኤንስታይን
#መቅደም ለሚኖርባቸው ጉዳዮች ቅድሚያ ስጥ።
#የጋራ ድልን ብቻ ተመኝ።
#ከሌሎች ጋር ተባበር ;ተዋሃድ
#መጋበዝህን በየጊዜው ሳል/ምናብ የስኬት ሁሉ ቁንጮ ነው /ተማር;ሰውን አዳምጥ;ተመራመር/
#አዲስ አስተሳስብ ወይም ሃሳብ ወደ አንተ ሲመጣ ቅረብህ ተረዳው;ስትቅርብ ልትወደው ትችላለህ; ከወደድከው አጥብቀህ ያዝ ;ያኔ የውስጣዊ ህሊና አይንህ ይከፈትልሃል።ቁርጠኛም መሆንም ትችላለህ።
#አዲስ ቢዝነስን ሞክረው ብትወድቅም ልምድ ታገኝበታለህ;አለመሞከር ግን ትልቅ ውድቀት ነው። ምክንያቱም መውደቅ የስኬት የመጀመሪያ ደረጃ ነው።  💪

ማረጋገጫ አትጠብቅ 💪

አንተ ላመንክበት ራስህን ለሰጠኸው ህልምህ መጓዝህን ብቻ እርግጠኛ ሁን ማንም ላይቀበልህ ይችላል ነገር ግን አሁንም መራመድህን ቀጥል በቃ አለመቆም ይከፍላል

ማንም የልብህን አያውቅም አንተ ያመንክበትን ማንም ሊያምንበት አይችልም ስለዚህ ፈጣሪህን ያዝ እና ወደፊት 🏃‍♂🏃‍♂

ከትላንትህ ታረቅ !

ትላንት ምንም ነገር አጋጥሞህ ሊሆን ይችላል ዛሬ ግን ሁሉ አልፎ እዚህ ተገኝተሀል ዛሬ ላንተ አዲስ ምዕራፍ ተከፍቶልሀል 😄

ነገር ግን አሁንም ትላንት ስለነበረ ነገር እየተከፋህ እያዘንህ እያማረርህ ከሆነ ዛሬህን ብቻ ሳይሆን ነገህንም እያበላሸህ ነው ስለዚህ ትላንትህን ታረቀው እንዳለፈ ሁሉ አንተም እለፈው ዛሬን ላሻገረህ እያመሰገንህ ውብ ህይወት ኑር 💪

ትወድቃለህ እንጂ ውዳቂ አይደለህም!
፨፨፨፨፨፨፨፨////////////////፨፨፨፨፨፨፨
እራስህን መዝነው!
1. የተሳሳቱ ሰዎችን (ራስህን ጨምሮ) የመውቀስ ልማድ አለብህ?
2. በሌሎች ሰዎች እንዳልተሳካለት ሰው ሆኜ እታያለሁ የሚል ስጋት አለብህ?
3. እንደሚሳካልህ እርግጠኛ የሆንክባቸውን ነገሮች ብቻ እየመረጥክ ማድረግ ትወዳለህ?
4. አንድን ነገር አንድ ጊዜ ሞክረኸው ካልተሳካ ደግሞ የመሞከር ፍላጎት የለህም?
5. ስኬታማ ሰዎች የስኬታማነትን ብቃት በጥረት ሳይሆን በውርስ ወይም በእድል እንዳገኙት ታስባለህ?
6. ምንም ያህል ብትሞክር እንኳ ማድረግ የማትችላቸው ብዙ ነገሮች እንዳሉ ታስባለህ?
7. የማንነትህ ዋጋ ከተሳካልህና ካልተሳካልህ ነገር አንጻር የተያያዘ እንደሆነ ታስባለህ?
8. ያለመሳካትን ሃሳብ ስታስብ የተስፋ መቁረጥ ስሜት ይጫጫንሃል?
9. ስላልተሳኩልህ ሁኔታዎች ሙሉ ሃላፊነትን ከመውሰድ ይልቅ ምክንያት ማብዛት ትወዳለህ?
10. አዳዲስ ችሎታዎችን ከማዳበር ይልቅ ያለህን ችሎታ ማሳየትና ስለእሱ ማውራት ይቀናሃል?

ከላይ ለተጠየቁት አስር ጥያቄዎች ከግማሽ በላይ ለሆኑት “አዎ” የሚል መልስ ከሰጠህ ከዚህ በታች ላሉት ነጥቦች አስፈላጊ ትኩረት በመስጠት ለውጥን ለማስተናገድ ጥረት አድርግ፡፡ 

አመለካከትህን ለውጥ
ውድቀት ምንድን ነው? ለወደፊቱ ደግመን እንዳንወድቅ እንቅፋትን ለይቶ የማወቂያ ሂደት ወይስ እንዳከተመልን ጠቋሚ ነገር? አለመሳካት ምንድን ነው? የመሞከራችንና ወደፊትም ከመሞከር እንደማናቆም አመልካች ነገር ወይስ ያለመቻል ምልክት? ስህተትስ ምንድን ነው? ሁሉም ሰው የሚያልፍበት ጤናማ የሕይወት ሂደት ወይስ የማንነት ቀውስ?

የመውደቅ ፍርሃትህን ተጋፈጠው
በጥቅሉ ሲታይ በአንድ ጉዳይ ላይ የመውደቅና የመሳሳት ስሜት ሲጋፋን ያንን ፍርሃታችንን የመጋፈጡ ምርጫ ውጤታማ ነው፡፡ ይህም ማለት የምንፈራቸውን ነገሮች ቀስ በቀስ በመዳፈር መነካካትና ማድረግ ማለት ነው፡፡  

ስትወድቅ እንደገና ተነሳ
ራሳቸውን ላሸነፉ ጎበዞች መውደቅን እንደመጨረሻ ክስተት መቀበል የማይታሰብ ነው፡፡ እነዚህ ሰዎች ከአንድ ውድቀትና ስህተት በኋላ የመነሳትን ሁኔታ ሳያስመዘግቡ በፍጹም አያርፉም፡፡ አንተም ይህንን አመለካከት እንደ ራስህ አድርገህ ልትወስደውና ከውድቀት ባሻገር ዘልቀህ ልትጠቀምበት ትችላለህ፡፡ መውደቅና መነሳት የሕይወትህ አንዱ አካል እንደሆነ በመቀበል በወደክ ጊዜ ሁሉ በመነሳት ወደፊት መገስገስ ትችላለህ፡፡

ከውድቀታችን አጉል ተጽእኖ ማምለጥ እንችላለን እንጂ መውደቅ እንዳይከሰት ማድረግ አንችልም፡፡
ውብ ምሽት ይሁንልን!

በአንድ ወቅት በጣም ጠንካራ እንጨት ቆራጭ ወደ አንድ እንጨት ነጋዴ በመሄድ ስራ እንዲሰጠው ጠየቀ ነጋዴውም ፈቀደለት ። ክፍያውም የስራ ሁኔታውም ጥሩ ስለነበረ እንጨት ቆራጩም ያገኘውን እድል ላለማጣት የተቻለውን ሁሉ ለማረግ በርትቶ ለመስራት ወሰነ አለቃውም መጥረቢያውንና የሚሰራበትን ቦታ አሳየው።
እንጨት ቆራጩ በመጀመሪያው ቀን 18 ዛፎችን ቆረጠ አለቃውም ተደስቶ እንኳን ደስ አለህ አለው።አክሎም በዚሁ መንገድ ቀጥል አለው በአለቃው ቃላት እጅጉን ተነሳስቶ በቀጣዩ ቀን የበለጠ ለመቁረጥ ሞከረ ግን 15 ዛፎች ብቻ መቁረጥ ቻለ።በሶስተኛው ቀን የበለጠ ሞከረ ሆኖም ከ10 ዛፎች በላይ
መቁረጥ አልቻለም። ከቀን ወደቀን ቁጥሩ እየቀነሰ መጣ እንጨት ቆራጩም እራሱን ጠየቀ እኔ ጥንካሬዬን እያጣሁ መሆን አለበት ሲል? አለቃው ፊት መቅረብ እየፈራ ለአለቃውም እንዲ ሲል አስረዳ ምን እየሆነ እንደሆነ አላውቅም ብሎ ይቅርታ ጠየቀ።አለቃውም መልሶ  ለመጨረሻ ግዜ መጥረቢያህን ያሳልከው መቼ ነው ሲል ጠየቀው?እሱም ብዙ ዛፎችን
በመቁረጥ ሀሳብ ስለተጠመድኩ መጥረቢያዬን ለመሳል ግዜ አልነበረኝም ሲል መለሰ።
👉 የብዙዎቻችን የእለት ተእለት ህይወት እንዲሁ ነው በሌላ ስራ ተጠምደን መጥረቢያውን ለመሳል ግዜ አንሰጥም አሁን ባለንበት ዘመናዊ በሚባለው አለም ሁላችንም ከመቼውም በበለጠ በብዙ ተወጥረናል"busy"ነን ግን ያነሰ ደስታ ነው ያለን።
         ለምን ይሆን?
ሁላችንም ለመዝናናት ፣ ለማሰብ ለማሰላሰል ፣ ለመማር እና ለማደግ ጊዜ ያስፈልገናል። “መጥረቢያውን” ለመሳል ጊዜ ካልወሰድን አሰልቺ የሆነ የኑሮ ድግግሞሽ ለመኖር እንገደዳለን። እናም ወዳጄ መጥረቢያችንን ለመሳል ጊዜ ይኑረን ።

   

🗣የተለየ ጥረት ያስፈልግሀል!

ታሪክ መስራት ከፈለክ አብዛኛው ሰው የማያደርገውን ማድረግ አለብህ፤ ሌላው ሲተኛ አንተ ትነሳለህ፣ ሌላው ጊዜውን በከንቱ ነገር ሲያጠፋ አንተ ራስህ ላይ እና ስራህ ላይ ታጠፋለህ፣ ሌላው ገንዘብ ሲያጠፋ አንተ ታስቀምጣለህ፣ ሌላው ወደ ፈጣሪው ለመቅረብና ፀሎት ለማድረስ ጊዜ ሲያጣ አንተ ይበልጥ በመንፈሳዊነትህ ትጠነክራለህ!

ወዳጄ የተለየ ነገር ከፈለክ የተለየ ጥረት ያስፈልግሀል፤ ደስ የሚለው ምን ማድረግ እንዳለብህ አውቀህ መንገዱን ጀምረሀል፤ ማን እንደሆንክ ለራስህ ሳታሳየው ማቆም የለም!

ራዕይ የሌለው ልፋት!

በሕይወታቸን ስኬታማ ለመሆን በጥምረት ልንይዛቸው የሚያስልጉን ሁለት ልምምዶች አለ፡- 1) ራእይን ማወቅና መያዝ፣ 2) ጠንካራ ሰራተኛ መሆን፡፡

1) ራእይ ኖሮን ጠንካራ ስራ ከጎደለን የምኞትና የቀን-ሕልመኞች (Day dreamers) ከመሆን አናመልጥም፡፡

2) በተቃራኒው፣ ጠንካራ ሰራተኞች ሆነን ምንም ብንለፋም ራእይ ከሌለን የተበታተነ ውጤትና ማንነት ስለሚኖረን ምንም የምንገነባው ነገር አይኖረንም፡፡

ጠንካራ ስራ መልካም ውጤት የሚያመጣው ግልጽ ከሆነ ራእይ ጋር ሲያዝ ብቻ ነው፡፡

ራእያችሁ ምድን ነው?
የጠንካራ ሰራተኛነት ልምምዳችሁስ ምን ደረጃ ላይ ነው?

ቆንጅዬ ትንሽዬ ህፃን ልጅ ሁለት አፕሎች በእጇ ይዛለች፡፡ እናትዬ ወደ እሷ ቀረበችና በእርጋታ እንዲህ ብላ ጠየቀቻት… ‹ማርዬ አንዱን አፕል ለእናትሽ ትሰጭያለሽ?›
ትንሽዬ ልጅ እናቷ ለሰከንዶች በዝምታ ተመለከተቻትና በፍጥነት ከአንዱ አፕል ገመጠች በመቀጠል ደግሞ ሌላውንም አፕል ገመጠችለት፡፡
እናትየው ገፅ ላይ ያለው ፈገግታ ባለበት ደረቀ… መናደዷን በልጇ ፊት ላለማሰየት የቻለችው ያህል ጥረት አደረገች፡፡
ትንሽዋ ልጅ አንዱን የተገመጠውን አፕል ወደ እናቷ እየሰጠች… እናቷን እንዲህ አለቻት… ‹ማሚ… ይሄኛው ጣፋጭ ስለሆነ እንኪ ለአንቺ…› እናትየው ይበልጥ በሁኔታው መደነቅ ውስጥ ገባች፡፡
ምንም ውስጥ ብትሆን… ምንም ዓይነት ልምድ ቢኖር እና በጣም እውቀት አለኝ ብትል… ሁልጊዜም ሰዎች ላይ ለመፍረድ ያሳለፋችሁትን ውሳኔያችሁን አዘግዩ፡፡ ለሌሎች ቅድሚያ ስጡ ምክንያታቸውን እንዲገልፁ… ምን እያደረጉ እንደሆነ እንዲያብራሩ፡፡

መልካም ምሽት ተመኘሁላችሁ