Еўрасаюз дагэтуль не дамовіўся пра новы пакет санкцый супраць Беларусі і Расіі. На апошняй сустрэчы яго заблакіравала Славакія.

У папярэдні раз яго спрабавалі ўзгадніць у панядзелак, тады супраць выступіла не толькі Славакія, але і Венгрыя.

Сярод іншага, у гэтым пакеце санкцый прадугледжаны новыя абмежаванні для беларускага банкаўскага сектара.

Каго глядзець/слухаць сёння на @euroradio? Трымайце анонс эфіраў на пятніцу (час пазначаны беларускі):

13:00 — намесніца прадстаўніцы па сацыяльнай палітыцы АПК Юлія Міцкевіч.

14:00 — дыпламатычны дарадца Святланы Ціханоўскай Дзяніс Кучынскі.

15:00 — блогер, сябра КР Аляксандр Кныровіч.

Рыхтуйце пытаннечкі!

Аўтару мема пра "самыя сучасныя трафікі" знайшлі новую пасаду. Цяпер ён будзе займацца самымі свабоднымі эканомікамі.

Былы віцэ-прэм’ер Анатоль Калінін стане кіраўніком дзяржаўнай установы "Адміністрацыя свабоднай эканамічнай зоны "Мінск".

Знакамітая фраза пра "сучасныя трафікі" прагучала ў 2016 годзе падчас тэхналагічнай выставы ТІБО-2016:

"... створаны рэсурс, які дазваляе любому карыстальніку выкарыстоўваць самыя сучасныя трафікі для ўкаранення, інтэграцыі і развіцця сваіх магчымасцяў і попыту цікавасці", — казаў чыноўнік у інтэрв’ю з адкрыцця выставы.

Да апошняга часу Калінін быў амбасадарам Беларусі ў Малдове.

Сельская гаспадарка працуе ў мінус у трох рэгіёнах Беларусі. Але недзе ёсць і добры прыбытак.

Па даных Белстата, за студзень-красавік рэнтабельнасць продажаў у сельскай гаспадарцы Мінску і Віцебскай вобласці склалі -0,9%, у Гомельскай — -0,5%.

Адначасова ў трох рэгіёнах прыбытак аграрыяў даволі добры: 13% у Брэсцкай вобласці, 12% у Гродненскай і 7,8% у Мінскай.

Цэнавай стабільнасці ў Беларусі няма — бо тады не спатрэбіліся б шматлікія ўказы і пастановы аб рэгуляванні цэн. Такую думку ў эфіры @euroradio агучыў эканаміст Уладзімір Кавалкін.

Эфір цалкам: https://www.youtube.com/live/8yuC-H50oEY?si=N5Bv7-FODPo9eUBA

У IBU назвалі ўмовы для ўдзелу беларускіх біятланістаў у Алімпіядзе-2026. Выканаць іх немагчыма.

Згодна з патрабаваннем, спартоўцы павінны набраць неабходныя кваліфікацыйныя ачкі на этапах Кубка свету ці Кубка IBU да сярэдзіны студзеня 2026 года.

Цяпер гэта немагчыма, бо пасля пачатку шырокамаштабнай расійскай агрэсіі супраць Украіны расійскія і беларускія біятланісты адхіленыя ад удзелу ў міжнародных спаборніцтвах пад эгідай IBU.

"Без удзелу ў спаборніцтвах IBU (Кубку свету ці Кубку IBU) да Алімпійскіх гульняў wild card атрыманы быць не могуць. Правілы спаборніцтваў IBU не прадугледжваюць удзелу нейтральных спартоўцаў", — заяўляе Міжнародны саюз біятланістаў.

"Навошта ўсё гэта?" Спрэчкі вакол жаночага форума беларусак. Стрым з Юліяй Міцкевіч.

— Ідэя з'явілася пяць гадоў таму, але рэалізавала я яе толькі цяпер, — расказвае @euroradio намесніца ўпаўнаважанага па сацыяльнай палітыцы АПК Юлія Міцкевіч. Гаворка пра форум, які прысвечаны жаночаму лідарству (у тым ліку і ў палітыцы), а таксама — гендарнай роўнасці.

Мерапрыемства прайшло ў Швецыі. І выклікала шмат спрэчак. Найперш — у тых, хто чамусьці лічыць правы жанчын другаснай задачай, якую можна будзе вырашаць калі-небудзь потым.

Абмяркоўваем гэта ў стрыме з Юліяй Міцкевіч: https://www.youtube.com/watch?v=say3imdyu40

Як заходнія краіны могуць дапамагчы выцягваць палітвязняў? І ці хочуць яны? Абмяркоўваем у эфіры.

Што Лукашэнка атрымае за вызваленне палітвязняў? І ці далучацца да перамоў, якія вядуць амерыканцы, краіны Еўропы?

Пра гэта ды іншае ў эфіры @euroradio размаўляем з дыпламатычным дарадцам Святланы Ціханоўскай Дзянісам Кучынскім: https://www.youtube.com/watch?v=RmthQPCvEio

Каму пяройдзе дарогу Ціханоўскі? Пяткевіч падпявае Лукашэнку. "Бацька Трамп" на саміце NATO. А Аляксандр Кныровіч, як звычайна па пятніцах, у стрыме на @euroradio! Пішыце пытанні ў чат трансляцыі!

Чаму Лукашэнка вызваліў Ціханоўскага і як дамагчыся, каб вызваленні не спыніліся? Навошта насамрэч Пуцін прыляцеў у Мінск? Гэта ды іншае абмяркоўваем з блогерам і сябрам КР Аляксандрам Кныровічам: https://www.youtube.com/watch?v=_V-2T_szOnk

Як ты? Беларускім палітвязням немагчыма задаць гэтае пытанне. Рэжым інкамунікада — гэта таксама катаванні.

“Ізаляцыя — гэта цяжкая форма псіхалагічнага гвалту. І ў некаторых краінах працяглае ўтрыманне ў адзіноце афіцыйна прызнаецца формай катаванняў”, — кажа псіхалагіня Ганна Матуляк.

Падрабязней пра інкамунікада чытайце тут: https://euroradio.fm/yak-ty-belarusam-zabaranili-zadavac-navat-getae-pytanne-chamu

Спасылка, якая працуе без VPN

Кожная пятая арганізацыя ў Беларусі — стратная. Пра гэта сведчыць статыстыка за студзень-красавік.

Для параўнання: у студзені-красавіку мінулага году стратнымі былі 15,7% арганізацый.

Больш за ўсё стратных кампаній — у Мінску (26,6%) і Мінскай вобласці (19,8%).

Па беларускіх чатах раскідваюць відэа з просьбай дасылаць фота з сустрэчы з Ціханоўскімі. Ролік згенераваны пры дапамозе ШІ, ды і сам акаўнт у тэлеграме, ад якога ідзе рассылка, фэйкавы.

Вядома, праца даволі тапорная, але ўсё роўна папярэдзьце знаёмых, што гэта спроба правакацыі, і што не трэба скідваць ніякія фота “светлых твараў” пасля зваротаў сумнеўных бландзінак.

Чэргі на мяжы перад выходнымі ізноў павялічыліся. У пункце “Брэст” выезду ў Польшчу чакаюць 50 аўтобусаў і 2420 аўтамабіляў.

У чаце тых, хто едзе аўтобусамі, пішуць: доўга чакаць нават калі перасаджваешся ў першы ў чарзе. Жанчына аддала 50 еўра кіроўцу за месца і ўсё роўна прайшла абедзве мяжы толькі праз 10 гадзін.

Ціханоўскія напісалі ліст Дональду Трампу. Пра гэта ў эфіры @euroradio распавёў дыпламатычны дарадца лідаркі дэмсіл Дзяніс Кучынскі.

Глядзець цалкам: https://www.youtube.com/watch?v=RmthQPCvEio

УЕФА знайшла выхад з складанай сітуацыі, у якую яна трапіла праз Беларусь. Арганізацыя прыняла рашэнне далучыць Славенію да правядзення Еўра-2026 па футзале.

Гэта стала адказам на дэмарш Літвы і Латвіі, якія адмовіліся прымаць у сябе зборную Беларусі, якая адабралася на спаборніцтва.

Латвія і Літва застаюцца гаспадарамі турніру і захоўваюць свае паўнамоцтвы па прыёме матчаў.

“Галоўны вораг рэжыму Лукашэнкі — гэта сам Лукашэнка”, — кажа эканамічная аглядальніца Вольга Лойка. Аргумент просты: улады ствараюць самі сабе шмат праблем на роўным месцы.

Эфір цалкам глядзіце тут: https://youtu.be/XH8RVEAnnCo

Маладая пара з Магілёва папрасіла прынесці на вяселле не кветкі, а цацкі. Назбіралі шмат — і ўсё плануюць перадаць дзеткам, якія цяпер праходзяць лячэнне ад анкалогіі.

Чаму толькі што вызваленым палітвязням паставілі на стол чыпсы і колу? І ці прапанавалі нешта яшчэ?

Таямніцу ў эфіры @euroradio раскрыў дыпламатычны дарадца Святланы Ціханоўскай Дзяніс Кучынскі. Глядзіце цалкам тут: https://www.youtube.com/watch?v=RmthQPCvEio

Важныя падзеі і сэнсы пятніцы, 27 чэрвеня, у праграме ЕЎРАЗУМ:

01:06 “Ламаць рэжым”: каму пяройдзе дарогу Ціханоўскі?

13:19 Навіны спорту

15:37 Трамп, Лукашэнка ці Пазняк? Хто цяпер вызваляе беларускіх палітвязняў?

28:44 Навіны шоў-бізу

32:32 Журналіст за кратамі: Ігар Карней пра 2 гады за “экстрэмізм”

Беларусу перасадзілі сэрца ў Польшчы, але на гэтым змаганне Іллі не заканчваецца. Яму патрэбныя лекі і дах над галавой.

Проста цяпер хлопец ізноў у бальніцы. @euroradio наведала Іллю — ён перадаў вялікую ўдзячнасць усім, хто дапамагае яму гэтай сітуацыі.

Спасылка на збор для Іллі: https://bysol.org/be/private/tatoo_master/