Лукашэнка ўпершыню за 5 гадоў павіншаваў прэзідэнта ЗША з амерыканскім Днём незалежнасці. Дарэчы, на 3 ліпеня на афіцыйных старонках амерыканскай амбасады віншаванняў у бок Лукашэнкі з нагоды Дня незалежнасці не было.

У сваім звароце палітык прапанаваў Дональду Трампу "нармалізацыю" адносін.

Апошнія гады с асноўнымі святамі Лукашэнка віншуе не заходніх лідараў, а народы тых ці іншых краін. Выключэнне, вядома ж, было: венгерскаму сябру Віктару Орбану ён заўсёды накіроўвае персанальныя віншаванні, нават нягледзячы на тое, што Венгрыя па выніку таксама галасуе за новыя санкцыі супраць Беларусі.

Дональд Трамп "расчараваны" Пуціным. Пра гэта амерыканскі прэзідэнт заявіў пасля тэлефоннай размовы з расійскім калегам.

"Ён [Пуцін] цяпер не гатовы, ён не збіраецца спыняцца. І гэта вельмі дрэнна".

Трамп ізноў агучыў сваю думку пра тое, што гэта "вайна Байдэна", якой "не было б, калі б я быў прэзідэнтам".

У пятніцу раніцай па амерыканскім часе ў Трампа запланаваная размова з Уладзімірам Зяленскім.

Нічога незвычайнага. Проста ў Жыткавічах на парад 3 ліпеня вывелі дзетсадаўцаў.

Сяргей Ціханоўскі запісаў эмацыйны зварот да беларусаў. І паўтарыў свае словы, якія агучваў на мітынгу ў Варшаве: ён будзе змагацца, нават калі яму ніхто не дапаможа.

Падляшскія дэпутаты заклікаюць польскі ўрад адкрыць памежны пераход з Беларуссю. Гаворка ідзе пра ПП "Кузніца" (з беларускага боку — "Брузгі").

Ініцыятыву вылучылі прадстаўнікі PSL (Польскай сялянскай партыі), якая ўваходзіць ва ўрадавую кааліцыю. Дэпутаты звяртаюць увагу, што доўгае закрыццё мяжы  адмоўна ўплывае на эканоміку і змяншае магчымасці развіцця рэгіёна.

Пераходы ў Кузніцы і Баброўніках зачыненыя з 2021 і 2023 гадоў адпаведна. На гэта паўплываў спачатку міграцыйны крызіс, а потым дадаўся яшчэ і прысуд журналісту Анджэю Пачобуту.

Рэгуляванне цэн вяртаецца ў горшым фармаце, папярэджвае эканамічны аглядальнік Андрэй Махоўскі. Са спісу тавараў ненадоўга выключалі некаторыя малочныя і мясныя прадукты, але цяпер усё гэта вяртаюць пад жорсткі кантроль.

Эфір цалкам: https://www.youtube.com/watch?v=WQA1E9ZyJoY

На фестываль у Александрыі выдаткавалі сотні тысяч рублёў. Сярод таго, на што пойдуць грошы беларусаў — палёт з расійскім сцягам.

@euroradio паглядзела закупкі да любімага Лукашэнкам свята ў "Александрыі". Напрыклад, толькі на транспарт удзельнікаў ад магілёўскага цэнтру народнай творчасці патрацілі 54 тысячы рублёў. Біятуалеты абышліся ажно ў 79 тысяч — даражэй, чым харчаванне (71 тысяча).

Прыцягвае ўвагу закупка "дэманстратыўных скокаў і палётаў" на 25,5 тысяч рублёў. На гэтыя грошы з самалётаў будуць выпускаць беларускі і чамусьці расійскі сцягі.

У якія грошы стаў канцэрт як самая дарагая частка фэсту ў Александрыі — невядома, бо закупак з адкрытай цаной папросту няма.

"Гэта вельмі разумная палітыка". Зянон Пазняк у эфіры "Белсату" патлумачыў добрыя словы Дональда Трампа пра Пуціна.

Сярод іншага, Трамп называў Пуціна "мудрым чалавекам".

Блэкаўт здарыўся ў Чэхіі. Як мінімум часткова без электрычнасці засталіся Прага і яшчэ шэраг гарадоў.

Прычынай аказалася дробязь.

"Проста абарваўся провад. Але прычыны мы яшчэ высвятляем", — заявіў прадстаўнік чэшскай аператара перадачы электрычнасці.

"Справаздача скажае рэчаіснасць". Кіраўнік ByHELP Аляксей Лявончык абвяргае высновы Нарвежскага хельсінкскага камітэту пра бяспеку ў фондзе.

"... звярну ўвагу на тое, што BYHelp нібыта "прызнаў факт уцечкі даных і адсутнасць агульных пратаколаў абароны даных". BYHelp ніколі не прызнаваў факту адсутнасці пратаколаў абароны даных, бо гэта не адпавядае рэчаіснасці", — сказаў ён "Рэформу".

Ці прызнаваў фонд факт уцечкі даных, як пазначана ў справаздачы, Лявончык не ўдакладніў.

"... пасля арыштаў атрымальнікаў дапамогі ў 2024 годзе мы распрацавалі рэкамендацыі, якія дазволілі істотна зменшыць рызыку крымінальнага пераследу атрымальнікаў дапамогі".

"Баку цяпер выгадна падкрэсліць сваю антырасійскую пазіцыю". Гісторык і экспертка ў міжнароднай палітыцы Роза Турарбекава тлумачыць, чаму Азербайджан пачаў дэманстратыўна сварыцца з Расіяй.

Эфір цалкам: https://www.youtube.com/watch?v=xMN0mKX48sM

Беларусы і літоўцы ўспрымаюць тэрмін "літвінізм" па-рознаму. Нюансы ў трактоўцы слова ў інтэрв'ю каналу "Гэта топ!" патлумачыў дырэктар Інстытута Вялікага Княства Літоўскага Русціс Камунтавічус.

Ёсць і пазітыў: па меркаванні гісторыка, у Літве мала людзей, якія падтрымліваюць ініцыятывы "змагароў з літвінізмам" — напрыклад, ідэю забараніць беларусам выкарыстоўваць "Пагоню".

Дарэчы, Русціс Камунтавічус быў адным з суразмоўцаў @euroradio у праграме "Ідэя Х", дзе цікава разважаў пра гісторыю Беларусі і ВКЛ: https://www.youtube.com/watch?v=UvUQOvgP9cA

"Лукашэнка больш за ўсё хоча адмены санкцый, але гэта немагчыма". Дарадца Святланы Ціханоўскай Франак Вячорка пракаментаваў магчымасць зняцця санкцый у абмен на вызваленне палітвязняў.
 
"За вызваленне Сяргея Ціханоўскага і іншых Лукашэнка ўжо атрымаў многае — фота з генералам Келагам. Гэта велізарная перамога для яго, бо раней ён быў у ізаляцыі", — адзначыў ён у размове з LRT.

Ён пацвердзіў, што ідуць перамовы аб "размарозцы" дыпламатычных адносін, але наўрад ці бакі абмяняюцца пасламі, паколькі гэта азначала б прызнанне Лукашэнкі.

"Вядома, Лукашэнка больш за ўсё хоча адмены санкцый, але гэта немагчыма. Мы нават не можам казаць аб іх адмене, пакуль Лукашэнка працягвае рэпрэсіі".

"Магчыма, мы чагосьці і не ведаем, але ў цэлым прадстаўнікі Дзярждэпа ЗША каардынуюцца з Еўракамісіяй і міністрамі замежных спраў краін ЕС, а таксама з дэмакратычнымі сіламі. Мы, па сутнасці, кантактуем кожны тыдзень. У нас няма прычын не давяраць, і я дакладна не думаю, што мы знаходзімся ў такой сітуацыі, каб казаць аб магчымай адмене або змякчэнні санкцый", — рэзюмаваў Франак Вячорка.

Павел Усаў абвясціў пра фінал палітычнай кар'еры Ціханоўскіх. Такую выснову палітолаг і сябра "Вольнай Беларусі" зрабіў на падставе апошняга відэа Сяргея Ціханоўскага, дзе той папракае беларусаў у тым, што яны не скінуліся на агульную працу.

"Ціханоўскаму не сабралі 200 тыс., на цацкі і ён пакрыўдзіўся на беларусаў. Яму "сорамна і балюча". Мяркую, што на гэтым кар’ера Ціханоўскага і Ціханоўскай скончылася. Магчыма ў гэтым і была задумка ўладаў". 

Усаў дадае: "гэта ж трэба так прынізіць беларусаў тым, што яны не купіліся на відавочную чарговую авантуру".

"Такія прэтэнзіі да беларусаў пасля столькіх ахвяраў і цярпеньняў. Беларусы прыстойны і мужны народ. Беларусы сабралі больш чым паўмільёна літаральна за некалькі дзён для палітычных зняволеных, яны ахвяруюць для тых хто хварэе і патрабуе пільнай дапамогі. Беларусы сабралі сотні тысячаў для Каліноўцаў, якія змагаюцца супраць агрэсара і гінуць ва Украіне, для ўкраінцаў. Шмат хто за гэта паплаціўся свабодай".

На думку паплечніка Зянона Пазняка, "такія заявы таксама служаць таму каб падарваць унутраны давер і салідарнасць".

ЗША прамацвалі глебу па тэме магчымага змякчэння санкцый супраць "Беларуськалія". Пра гэта са спасылкай на крыніцы піша літоўкі LRT.

Напачатку года амбасадарка ЗША ў Літве пытала ў літоўскага топ-чыноўніка пра тое, як бы ў Вільні паставіліся да змякчэнне санкцый. Па даных LRT, літоўцы адрэагавалі адмоўна.

Па словах іншай крыніцы, гэтае пытанне не падымалася. Падобную заяву зрабіў і старшыня камісіі Сейма Рэмігіюс Матузас: ён сказаў, што ЗША не выстаўлялі Літве ніякіх патрабаванняў.

Але, як адзначае крыніца LRT, Літве невядомая сутнасць перамоў паміж Вашынгтонам і Мінскам.

Выданне піша, што чакаецца яшчэ адзін раўнд беларуска-амерыканскіх перамоў.

Надвор'е ў суботу і нядзелю ў Беларусі будзе кантрасным. Тэмпературы паміж рознымі рэгіёнамі могуць адрознівацца на 13 градусаў!

У суботу ўдзень паветра прагрэецца да +19...+25 градусаў. Па поўначы краіны пройдуць кароткачасовыя дажджы, магчымыя навальніцы.

У нядзелю з Польшчы ў Беларусь прыйдзе цёплы фронт. Удзень будзе да +33 на паўднёвым захадзе і +20 па поўначы.

Таксама чакаюцца невялікія дажджы.

Каля 1700 палітычных затрыманняў адбылося ў Беларусі з пачатку года. Гэта толькі тыя выпадкі, пра якія ведаюць праваабаронцы "Вясны".

Агулам "Вясне" вядома пра больш за 7,1 тысячу асуджаных за палітыку з 2020 года.

Перамір’е ў Газе становіцца магчымым. ХАМАС даў "пазітыўны адказ" на прапанову ЗША пра 60-дзённае спыненне агню.

У адказе ХАМАС на прапанову ЗША ўтрымліваюцца толькі "нязначныя папраўкі".

Ізраіль таксама пагаджаецца на амерыканскую версію дамовы, пра гэта 2 ліпеня заяўляў прэзідэнт ЗША Дональд Трамп.

Беларусу, які напаў на Паўла Латушку ў Варшаве, пагражае дэпартацыя. Ён прызнаў віну падчас допыту.

33-гадовага Яўгена Казанцава вінавацяць у паклёпе і парушэнні асабістай недатыкальнасці. Ён пагадзіўся заплаціць штраф у 6000 злотых (крыху больш за 1400 еўра).

Суд накіраваў запыт у Памежную службу — там прымуць канчатковае рашэнне, ці дэпартаваць хлопца, піша Wprost.

Падчас разбору справы Яўген тлумачыў свой учынак эмоцыямі і заяўляў, што шкадуе пра яго. Пры гэтым пасля нападу ён заяўляў, што ўчынак "дапаможа вернуцца ў Беларусь".

Гэта не кадр з фантастычнага фільма. Унікальны здымак чырвонага спрайту зрабіла астранаўтка Міжнароднай касмічнай станцыі Ніколь Аерс.

У адрозненні ад маланкі, спрайты б'юць не ўніз, а ўгару на вышыні ад 50 да 100 кіламетраў.