У Мінску аўтобус праскочыў скрыжаванне на жоўтае святло і збіў раварыста. Таму ўжо гарэў зялёны.

Здарэнне адбылося на праспекце Дзяржынскага. 43-гадовы раварыст — у лякарні.

Каго глядзець/слухаць сёння на @euroradio? Трымайце анонс эфіраў на панядзелак (час пазначаны беларускі):

12:00 — амерыканіст, дарадца Агенцтва еўраатлантычнага супрацоўніцтва Антон Пянькоўскі

13:00 — экспертка па міжнароднай палітыцы Роза Турарбекава

14:00 — прадстаўнік BELPOL Уладзімір Жыгар

15:00 — палітычны аглядальнік, гісторык Аляксандр Фрыдман

Глядзіце стрымы на ютуб-канале Еўрарадыё, задавайце пытанні!

У Беларусі плануецца ўвесці "чысты чацвер". Гэта будзе дзень, калі людзі і прадпрыемствы мусяць прыбіраць "замацаваныя" за імі тэрыторыі, "каб усе яны выглядалі аднолькава акуратна".

Цяпер такі панятак ужо існуе ў Мінску. Па словах начальніка ўпраўлення гарадской гаспадаркі і энергетыкі Мінгарвыканкама Аляксандра Ракоўшчыка, "такі адзіны дзень уборкі тэрыторый прапануецца ўвесці ўжо на ўзроўні рэспублікі".

За тое, што вы ў час не пакосіце траву на сваім участку ці не прыбярэце снег вакол свайго аўтамабіля, ужо даўно могуць папярэдзіць ці аштрафаваць. Іншая справа, што ўлады апошнім часам актывізаваліся ў гэтым пытанні. За студзень — травень 2025 года толькі санстанцыя выпісала "нядбайным грамадзянам і суб'ектам гаспадарання" штрафаў больш як на 23 тысячы рублёў.

У Крывым Рогу расійскі дрон ударыў па будынку, у якім размяшчаецца ТЦК — украінскі аналаг ваенкамата. Відэа прылёту публікуюць мясцовыя паблікі.

Цяпер вядома пра траіх параненых, адзін з іх у цяжкім стане.

Затрыманы лідар гурта "Палац" Алег Хаменка. Некалькі дзён таму знаёмыя звярнулі ўвагу, што ён перастаў адказваць у сацсетках. А сёння інфармацыя пра тое, што музыка — за кратамі, прагучала ў эфіры ранішняга шоў "Обычное утро".

Яе пацвярджаюць крыніцы @zerkalo_io і @euroradio.

Алегу Хаменку 58 гадоў. У 1992 годзе ён стварыў гурт "Палац", які працуе ў жанры фолк-мадэрн, спалучаючы народныя беларускія мелодыі з сучаснымі аранжыроўкамі. Гурт існуе і канцэртуе да гэтай пары.

Ці можна адной фразай сарваць “здзелку” па вызваленні палітвязняў? Стрым з Антонам Пянькоўскім.

Словы Святланы Ціханоўскай пра тое, што "ў Еўрасаюза няма ніводнай прычыны аслабляць санкцыі альбо ісці на перамовы з Лукашэнкам, бо рэпрэсіі працягваюцца", выклікалі крытыку з боку экс-дыпламата і кіраўніка Агенцтва еўраатлантычнага супрацоўніцтва Валерыя Кавалеўскіага. Ён перакананы, што менавіта дыялог Вашынгтона з Лукашэнкам прывёў да вызвалення апошняй групы палітвязняў.

А такімі выказваннямі далейшыя перамовы і вызваленні можна сарваць.

Што перашкаджае Еўрасаюзу пайсці "шляхам Келага" і такім чынам вывезці з Мінска хаця б яшчэ адзін бус з палітвязнямі? Ці саспеў Трамп да ўвядзення драконаўскіх санкцый супраць Расіі? На гэтыя ды іншыя пытанні адказвае амерыканіст Антон Пянькоўскі: https://www.youtube.com/watch?v=iKFtaZQ1hf8

Трамп гатовы прыняць "пякельныя санкцыі" супраць Расіі. Пра гэта расказаў сенатар ад Рэспубліканскай партыі Ліндсі Грэм.

А ў Лукашэнкі толькі-толькі пачало наладжвацца з амерыканцамі... Падрабязней: https://euroradio.fm/tramp-gatovy-prynyac-pyakelnyya-sankcyi-suprac-rasii-senatar-grem

З Беларусі — без VPN

М'янмарская хунта на саміце ЕАЭС, пратэсты ў Белградзе і чаканне адлігі. Стрым з Розай Турарбекавай

Што стала нагодай для пратэстаў у Сербіі і хто за імі стаіць? Якія высновы можна зрабіць па выніку саміта ЕАЭС, што прайшоў у Мінску, і ці ёсць тут чым ганарыцца Лукашэнку?

Ці гатовыя еўрапейскія ВНУ прымаць студэнтаў з Беларусі і што рэжым робіць, каб стрымаць выезд моладзі з краіны? Гэтыя ды іншыя тэмы абмяркоўваем з кандыдаткай гістарычных навук, эксперткай па міжнароднай палітыцы Розай Турарбекавай: https://www.youtube.com/watch?v=xMN0mKX48sM

Міністра прамысловасці кінулі падымаць "Амкадор". Для Аляксандра Яфімава (на фота), які заняў міністэрскі фатэль роўна год таму, гэта яўнае паніжэнне. Атрымліваецца, не справіўся.

Кіраваць Мінпрамам цяпер будзе намеснік Яфімава Андрэй Кузняцоў.

“Космас наш”: пра касмічныя авантуры Лукашэнкі і “змову сілавікоў”. Стрым з прадстаўніком BELPOL Уладзімірам Жыгарам

Лукашэнка імкнецца зрабіць Беларусь “касмічнай дзяржавай”. Здавалася б, гэтае памкненне можна толькі вітаць. Бо лукашэнкі прыходзяць і сыходзяць, а космас — вечны!

Можна было б жартаваць на гэтую тэму, калі б сітуацыя з гэтым “заваяваннем космасу” не была такой сумнай. І не каштавала беларусам вялікіх грошай. А наколькі вялікіх — нам сёння раскажа прадстаўнік BELPOL Уладзімір Жыгар.

Таксама пагаворым пра надзвычайную актыўнасць КДБ, звязаную з вызваленнем Сяргея Ціханоўскага, агентаў у беларускіх дэмсілах і антылукашэнкаўскую змову ў асярдку сілавікоў. Глядзіце стрым тут, задавайце пытанні: https://youtu.be/VJ_dGdDriiE

У Баку сілавікі прыйшлі ў рэдакцыю расійскага прапагандысцкага СМІ "Sputnik-Азербайджан". Яно ўваходзіць у групу "Россия сегодня", якой кіруе адыёзная Маргарыта Сіманьян.

У лютым МЗС Азербайджана абвясціў пра ліквідацую прадстаўніцтва “Россия сегодня” у Баку. Але яно і не думала спыняць працу, а ў офіс працягвалі хадзіць дзясяткі супрацоўнікаў. Сёння там праходзіць ператрус.

Канфлікт адбываецца на фоне дыпламатычнага абвастрэння паміж Баку і Масквой. Напярэдадні ў расійскім Екацярынбургу арыштавалі некалькіх азербайджанцаў — у рамках справы пра забойствы ў 2000-я. Пры іх затрыманні загінулі два чалавекі — па версіі СК РФ, адзін "памёр ад сардэчнай недастатковасці", а прычына смерці другога пакуль "высвятляецца".

Пасля інцыдэнту Азербайджан адмяніў усе культурныя мерапрыемствы, звязаныя з Расіяй, адклікаў парламенцкую дэлегацыю і выказаў афіцыйны пратэст.

Чамадан без ручкі: пра псеўдапатрыётаў, ідэалагічную вайну і санкцыі — стрым з Аляксандрам Фрыдманам

Пасля "ашаламляльнай перамогі" над Ізраілем кіраўніцтва Ірана занялося любімай справай усіх аўтарытарных і таталітарных рэжымаў — рэпрэсіямі. Не сціхаюць і пагрозы ў бок ЗША.

Пошукамі ўнутраных ворагаў няспынна займаецца і сяброўскі Ірану рэжым Лукашэнкі. Цяпер ідэолагі дакапаліся да нейкіх "псеўдапатрыётаў", хаця не да канца зразумела, каго яны маюць на ўвазе.

Што за "новыя ворагі" завяліся ў Беларусі і ў чым іх пагроза? Ці здолее рэжым выйграць ідэалагічную вайну за моладзь? Гэтыя ды іншыя тэмы абмяркоўваем з палітычным аглядальнікам, гісторыкам Аляксандрам Фрыдманам: https://youtu.be/uWDSnxCeVmo

У Віцебску на ваду спусцілі новы цеплаход — гэта для Беларусі даволі рэдкая з'ява. Яго з нуля пабудавала мясцовае прадпрыемства "Віцебскводтранс".

Цеплаход атрымаў назву "Дзвінск". Ён не будзе катаць пасажыраў. Судна плануецца выкарыстоўваць для службовых мэтаў: вымярэння глыбіні, ачысткі фарватэра, абслугоўвання знакаў навігацыйнай абстаноўкі на Заходняй Дзвіне.

Для экіпажа, які падчас вахтаў праводзіць на борце па некалькі сутак, там створаныя "сучасныя і максімальна камфортныя ўмовы працы і паўнацэннага жыцця".

Дарэчы, ці нам адным падалося, што бутэлька шампанскага, якую традыцыйна разбіваюць аб борт новага карабля, падчас спуску "Дзвінска" на ваду не разбілася? Калі так — гэта кепская прыкмета.

Заўтра ў жывы эфір @euroradio завітае Вадзім Пракоп'еў. Задаць пытанні яму можна ўжо цяпер — у чаце трансляцыі:
https://www.youtube.com/watch?v=tRDkP19Llm8

Там жа заўтра і будзем стрыміць.

Той момант, калі на светлафоры сустракаеш салдатаў з "Гульні ў кальмара". Гэта значыць — выйшаў трэці сезон культавага паўднёвакарэйскага серыяла.

Рэжысёр і аўтар сцэнару "Гульні ў кальмара" Хван Дон Хёк кажа, што напачатку трэцяга сезона галоўны герой — гулец №456 Кі Хун — ізноў стане "іншым чалавекам" і "апынецца на вельмі важным раздарожжы". Таксама ў апошніх шасці эпізодах будзе паказана, як гулуц №1 Хван Ян Хо стаў вядучым гульняў.

А вы глядзелі "Гульню ў кальмара"? Як вам?

На Мінскай кальцавой знік указальнік на Курапаты — месца сталінскіх расстрэлаў у 1930-я — 1940-я. Пастараліся прарасійскія актывісты.

Менавіта яны пры Лукашэнку перапісваюць гісторыю: https://euroradio.fm/na-minskay-kalcavoy-znikla-shylda-pra-kurapaty

З Беларусі — без VPN

У Баку затрыманыя галоўны рэдактар ​​і шэф-рэдактар ​​"Sputnik Азербайджан". У мясцовых СМІ іх называюць агентамі ФСБ, якія працавалі пад прыкрыццём.

Затрыманых завуць Ігар Картавых і Яўген Белавусаў. Пасля ператрусу, які цягнуўся не менш за тры гадзіны, іх вывелі з офіса ў кайданках, з рукамі за спінай.

МУС Азербайджана заявіла, што акрэдытацыя "Sputnik Азербайджан" была прыпыненая ў лютым 2025 года. Але выданне працягвала працаваць "праз незаконнае фінансаванне".

"Sputnik-Азербайджан" уваходзіць у групу "Россия сегодня", якой кіруе адыёзная Маргарыта Сіманьян. Затрыманне прапагандыстаў (ці ўсё ж ФСБшнікаў?) адбываецца на фоне дыпламатычнага абвастрэння паміж Масквой і Баку.

Студэнт выпаў з сёмага паверху інтэрната ў Гомелі. Трагедыя адбылася ўночы з 26 на 27 чэрвеня. Цела знайшлі каля 5-й гадзіны раніцы.

Хлопец толькі што скончыў другі курс Беларускага дзяржаўнага ўніверсітэта транспарту. Сябры і сваякі характарызуюць яго як жыццярадаснага і ветлага. На выходных ён збіраўся ісці з сябрамі на свята, даведаліся @gomeltoday.

Што менавіта адбылося ў тую ноч — пакуль дакладна не вядома. Афіцыйна ніякая інфармацыя не публікавалася.

Беларускія ВНУ пакінулі каля 1 тысячы бюджэтных месцаў для расійскіх абітурыентаў. Для паступлення ім дастаткова будзе вынікаў тамтэйшага Адзінага дзяржаўнага экзамена, распавёў міністр адукацыі Андрэй Іванец.

Расійскіх выпускнікоў "запрашаюць" паступаць на бюджэт у Беларусь другі год запар. Яны могуць ісці і па агульным конкурсе — разам з беларускімі абітурыентамі. Але для гэтага трэба здаваць беларускае цэнтралізаванае тэставанне.

Акрамя таго, у межах "Саюзнай дзяржавы" запланаваны "абмен прафесарамі". Гэта значыць, што ўжо з наступнага года 50 прафесараў з Расіі і Беларусі часова зменяць месца жыхарства, "каб чытаць лекцыі і праходзіць стажыроўкі ў вядучых універсітэтах нашых дзвюх краінаў".

Яна знайшла прытулак у Літве. Ён вымушаны жыць на дзве краіны. Але іх гісторыя хутка можа скончыцца.

Расказваем, як пагроза дэпартацыі каханага разбурае жыццё беларускі: https://euroradio.fm/yak-pagroza-departacyi-kakhanaga-razburae-zhyccyo-belaruski-u-litve

З Беларусі — без VPN