Краіны ЕС абмяркуюць магчымыя санкцыі супраць Ізраіля за вайну ў Газе. Аднак большасць з іх не мае шанцаў быць прынятымі.

Як піша Euractiv, сярод варыянтаў будуць поўнае ці частковае прыпыненне дзеяння пагаднення паміж ЕС і Ізраілем, санкцыі супраць шэрагу асобаў, у тым ліку ізраільскіх міністраў, гандлёвыя абмежаванні ці забарона паставак зброі.

Абмеркаванне пройдзе 15 ліпеня — еўрапейскія дыпламаты называюць гэты тэрмін дэдлайнам, да якога трэба спыніць агонь.

Выданне адзначае, што праз рознагалоссе сярод краіны Еўрасаюза пераважную большасць санкцый дакладна не прымуць, сумневы ёсць і пра магчымасць частковых абмежаванняў.

Супраць санкцый выступаць Германія, Чэхія і Венгрыя.

Амбасада Беларусі ў Пакістане ўжо больш за тыдзень не прымае дакументы на візы. Гэта абгрунтоўваецца "тэхнічнымі прычынамі".

Аднавіць прыём дакументаў (адпаведна — і выдачу віз пакістанцам) плануюць не раней за 15 ліпеня.

Адначасова ў пакістанскіх медыя з'явілася інфармацыя пра тое, што Ісламабад тармозіць выкананне пагаднення з Мінскам аб працаўладкаванні. Пакістанскія чыноўнікі баяцца, што дадзенае пагадненне з Беларуссю можа прывесці да новай хвалі нелегальнай міграцыі і гандлю людзьмі.

Дзіўны звер пасяліўся ў Брэсцкай вобласці. Мясцовай славутасцю ў Бярозе стала нутрыя — каб яе сфатаграфаваць амаль выстройваюцца чэргі.

Нутрыя — грызун, які пераважна жыве ў Паўночнай Амерыцы, але адаптаваўся і ў заходняй Еўропе і ўздоўж Чорнага мора. Да Беларусі такому зверу дабірацца даволі далёка.

Гастрыт, рак і запор. Не, гэтым разам мы не пра дзяржаўную палітыку Беларусі.

Гэта — "Падкаст здаровага чалавека" з гастраэнтэролагам. Усё, што трэба ведаць пра здароўе ЖКТ: https://www.youtube.com/watch?v=PVtaXrw7bJk

Сярэдні бюджэтнік зарабляе ў Беларусі каля 550 долараў. Прынамсі, у лічбах афіцыйнай статыстыкі.

Згодна з Белстатам, сярэдні заробак бюджэтнікаў у траўні склаў 2084,4 рублі. Мінус падаткі і ФСЗН — і рэальная лічба ўжо не такая вялікая, 1793 рублі. Па актуальным курсе гэта каля 550 долараў.

Жывёл менш, людзей няма. Чаму ў Беларусі дэградуе сельская гаспадарка?

"Сцяг падымуць, грамату дадуць — вось і ўся матывацыя".

@euroradio разабралася ў пытанні разам з экспертам у галіне сельскай гаспадаркі: https://euroradio.fm/zhyvyol-mensh-lyudzey-nyama-chamu-degradue-selskaya-gaspadarka

Спасылка, якая працуе без VPN

Ілля з польскім сэрцам. Беларус 1,5 года жыве ў бальніцы, бо яму няма куды пайсці.

Хлопцу, якому не так даўно перасадзілі сэрца, патрэбная дапамога.
 
Чытайце інтэрв'ю з ім па спасылцы.

А тут вы можаце паўдзельнічаць у зборы для Іллі.

Ілан Маск абвясціў пра стварэнне ўласнай палітычнай партыі. Ён хоча "вярнуць амерыканцам свабоду" і кінуць выклік двухпартыйнай сістэме, якая ўсталявалася ў ЗША.

Па словах мільярдэра, адзін са спосабаў зрабіць гэта — "засяродзіцца на двух-трох месцах у Сенаце і васьмі-дзесяці акругах Палаты прадстаўнікоў". "Гэтага будзе дастаткова, каб забяспечыць вырашальны голас пры галасаванні па спрэчных законах і гарантаваць, што яны будуць адпавядаць сапраўднай волі народа", — заяўляе Маск.

Назва ў партыі будзе простая і зразумелая: "Амерыка".

"Калі мы гэтага не зробім — нам давядзецца вывучыць расійскую мову". Генеральны сакратар NATO Марк Рутэ знайшоў яшчэ адзін аргумент, каб патлумачыць, чаму краіны Альянса мусяць павялічыць выдаткі на абарону да 5% ВУП.

Рутэ падкрэсліў, што сёння Расія за тры месяцы здольная вырабляць у тры разы больш зброі, чым усё НАТА за год. Ён дадаў, што, акрамя развіцця сваёй абаронна-прамысловай базы, Альянс мусіць умацоўваць кібербяспеку, гібрыдную абарону і рыхтаваць грамадства "да таго, што выходзіць за межы ваеннай дзейнасці".

На саміце, які прайшоў 24-25 чэрвеня ў Гаазе, кіраўнікі краінаў НАТА абавязаліся да 2035 года падвысіць інвестыцыі ў абарону і бяспеку з 2% (як цяпер) да 5% ад ВУП. Але ёсць бюракратычны нюанс: у гэтыя выдаткі вырашылі часткова залічваць дапамогу, якую Альянс аказвае Украіне.

"Патрыятычная маскіроўка". Прыхільніца Лукашэнкі літаральна знікла на фоне вулічнага дэкору да 3 ліпеня.

На фота гамяльчанкі Наталлі Пяшэвіч у чырвона-зялёным касцюме звярнуў увагу @flagshtok.

На пажары ў Мінскай вобласці загінулі бабуля і ўнучка. Яны ночылі ў часовым будынку, узведзеным для будаўніцтва жылога дома побач.

Трагедыя здарылася ўвечары 5 ліпеня ў вёсцы Культура Пухавіцкага раёна. Агонь знішчыў часоўку амаль цалкам. Прычыны пажару высвятляюцца.

— Ты абасрацца не баішся?
— Не баюся!

У новым інтэрв'ю на канале "жыццё-маліна" Мікіта Мелказёраў задае пытанні Сяргею Ціханоўскаму — пра слёзы, фразу "Стоп таракан!", 900 тысяч долараў за канапай і шмат што іншае. Цалкам глядзіце тут: https://youtu.be/VpRL-VUvWUY

Аятала Алі Хаменеі ўпершыню амаль за месяц з'явіўся на публіцы. Вярхоўны лідар Ірана наведаў у Тэгеране рэлігійную цырымонію з нагоды Ашуры — самага важнага дня ў шыіцкім мусульманскім календары.

Хаменеі пазбягаў публічных выступаў з 13 чэрвеня, калі Ізраіль пачаў вайну супраць Ірана. За гэты час аятала двойчы звяртаўся да іранцаў праз відэазапісы. Імаверна, з меркаванняў бяспекі ён хаваўся ў падземным бункеры.

Гурт Oasis вярнуўся на сцэну пасля 16-гадовага перапынку. Браты Галахеры ізноў стаяць на адной сцэне, як у старыя добрыя часы.

Што праўда, гэта ненадоўга: https://euroradio.fm/gurt-oasis-vyarnuusya-na-scenu-paslya-16-gadovaga-perapynku

З Беларусі — без VPN

У мінскім аэрапорце затрымліваюцца вылеты ў Маскву, Санкт-Пецярбург і Самару. Праблемы ў расійскіх авіякампаній — яны дагэтуль не могуць аднавіць працу па раскладзе пасля абмежванняў на палёты, якія ўводзіліся 5 ліпеня.

Ранішні рэйс у Самару адклалі больш амаль на 9 гадзінаў. Рэйсы ў іншыя расійскія гарады затрымліваюцца на 2-3 гадзіны.

Ссунуўся і час прылёту шмат якіх самалётаў у Мінск. Затрымліваюцца рэйсы з Масквы, Санкт-Пецярбурга, Калінінграда, Кутаісі, Чалябінска, Дубая.

Сяргей Ціханоўскі расказаў, колькі ператрусаў прайшло ў доме ў яго маці і як туды падкінулі 900 тысяч долараў. У інтэрв'ю на канале "жыццё-маліна" вызвалены пасля 5 гадоў за кратамі палітвязень кажа, што ў яго ніколі не было такіх грошай.

У звязку з гэтым ён згадаў дзень, калі лукашэнкаўскія спецслужбы вывезлі з Беларусі Святлану Ціханоўскую — і грошы, якія ёй нібыта выдалі "з сабой":

"У мяне заначкі ніколі не было. Дома ў Святланы было 200 долараў, калі яе выкідвалі за мяжу. І яна нават адмаўлялася ехаць: "А што, як я буду жыць у чужой краіне?" Гэта лукашысты, гэта Лукашэнка мне сам так расказаў. І я тады, кажа [мне Лукашэнка], сказаў ёй грошай даць. Каб далі ёй долараў... Я ўпэўнены, што там серыі супадаюць з тымі, што ў мяне "знайшлі".

У госці да жыхароў Лагойску завітала змяя. Гаспадары кватэры не змаглі самі вызначыць, ці ўяўляе яна небяспеку, — давялося выклікаць МНС.

У выніку высветлілася, што гэта бы вуж, які не нясе пагрозы. За змяёй давялося паганяцца па кватэры, але ў рэшце рэшт яе злавілі і амаль адразу выпусцілі ў натуральнае асяроддзе.

Molchat Doma адыгралі сэт на буйным польскім фэсце Open'er. Імаверна, гэта цяпер самы папулярны беларускі альтэрнатыўны гурт у свеце.