O‘zbekiston kasaba uyushmalari harakatining 120 yilligi munosabati bilan Ahmad Farg‘oniy nomidagi Farg‘ona viloyati axborot-kutubxona markazi hamda O‘zbekiston davlat muassasalari va jamoat xizmati xodimlari kasaba uyushmasi viloyat kengashi hamkorligida bir qator tadbirlar tashkil etildi.

Tadbir davomida xodimlar uchun turli qiziqarli sport musobaqalari, intellektual va jamoaviy o‘yinlar, musiqiy chiqishlar hamda do‘stona suhbatlar uyushtirildi.

Mazkur tadbir kutubxona jamoasining jipsligini oshirish, sog‘lom turmush tarzini targ‘ib qilish va dam olish madaniyatini rivojlantirishga xizmat qildi.

Bilim bilan to‘ldirilgan qimmatli to‘plam – kutubxonalarimizga tuhfa etildi!

Respublika bolalar kutubxonasi tomonidan Ahmad Farg‘oniy nomidagi Farg‘ona viloyat axborot-kutubxona markazi hamda 18 ta tuman (shahar) axborot-kutubxona markazlari uchun beg‘araz ravishda 1 to‘plamdan iborat 7 nomdagi, jami 133 dona brayl yozuvidagi nota kitoblar tuhfa etildi.

Mazkur kitoblar to‘plami yosh kitobxonlarimizning bilim doirasini kengaytirish, ularning ma’naviy va intellektual salohiyatini oshirishga xizmat qiladi.

📌 Kitob — inson tafakkurini yuksaltiruvchi, ma’naviyat va madaniyatga yo‘l ko‘rsatuvchi bebaho manba hisoblanadi. Shunday ezgu tashabbus uchun Respublika bolalar kutubxonasiga chuqur minnatdorlik bildiramiz.

📍 Aziz kitobxonlar! Sizlarni yangilangan adabiyotlar bilan yaqindan tanishish va ularni mutolaa qilish uchun kutubxonamizga taklif etamiz!