✅ Cari ilin ilk dörd ayı ərzində ölkədə 13 min 859 nikah qeydə alınıb. 6 min 933 boşanma qeydə alınıb. Demək olar ki, yarısı boşanıb. Çox guman yarıdan artmağa doğru gedir. Mən son dövrlərdə boşanacağını heç güman etmədiyim adamların boşandığını eşitmişəm. Ən yaxşılar boşanıbsa, geridə qalanlar heç. Ona görə bir daha bu mövzuya toxunmuram. Onlar öhdəsindən gələ bilməyiblərsə..

Deyir, uzun illər birlikdə yaşamış nənə-babadan soruşdular. Uzunillik evliliyinizin sirri nədir? Dedi, ay bala, bizim vaxtımızda zədələnmiş şeyi dərhal atmır, təmir edirdilər.

Son illər fikir versəz, insanlar təmirə də meyilli deyillər. Əvvəl ayaqqabını ustaya verirdik. İndi atırıq. Təzəsini alırıq. İnsanlar da bu cür olub.

Məncə insanlar evlənməmişdən əvvəl yüz ölçüb bir biçməyə doğru gedirlər. Əslində bu, nə qədər anormal olsa da, normaldır. Ailə dəyəri möhkəmlənməlidir ki, mən ailə qurmalıyam. Vaxt keçir, uşağım olsun, camaat nə deyər ilə yox, ailə qurmalıyam. Özümə yol yoldaşı tapmaqda diqqətli olmalıyam.

🗣 Keçən dəfə danışırdıq ki, niyə əsgərlik 18 yaşındadır? Cavab belə oldu ki, 30-35 yaşlı insan heç vaxt əsgərlikdə olanlara dözməz, buna getməz. Evlilik də belədir. Yaş gənc olduqda adam can atır. Yaşa dolduqda çox az adam olur ki, "yenə olsa, yenə bu adamla evlənərdim" desin.

🦋 Nə gözəl ifadədir: Kəpənəklər qanadlarını görməzlər. Amma biz onların nə qədər möhtəşəm olduğunu görərik

❗️Saxta rəvayətlər uyduran və sənədsiz şəkildə qəribə sözlər danışanlar

🔸 İmam Sadiqdən (ə) nəql olunub: “Keçmişdə bir kişi halal mal dalınca getdi, amma ona nail ola bilmədi. Sonra haram mal dalınca getdi, ona da yetişə bilmədi. Bu vaxt şeytan gəldi və ona dedi: “Ay kişi, sən dünyanı halal yolla qazanmaq istədin, ona çatmadın. Sonra haram yolla qazanmaq istədin, onu da tapmadın. İndi sənə bir şey göstərəcəyəm, əgər onu etsən, çoxlu mal qazanacaqsan və çoxlu tərəfdarın olacaq”.
Kişi dedi: “O nədir, de görüm”.

🗣Şeytan dedi: “Yeni bir din yarat və insanları ona dəvət et”.

Kişi şeytanın dediyini etdi. O, yeni bir din qurdu və insanları ona dəvət etdi. Bir qrup onun dəvətini qəbul etdi və nəticədə çoxlu mal qazandı.
Sonra bir gün öz-özünə düşünərək dedi: “Bu nə iş idi ki etdim?! Bir din uydurdum və insanları ona dəvət etdim.

Bu, pis iş idi. Düşünürəm ki, insanları yenidən dəvət edərək onlara belə bir iş tutduğumu deməyənə və bu dindən əl çəkmələrini onlardan istəməyənə qədər Allah mənim tövbəmi qəbul etməz”.

O, davamlı olaraq tərəfdarlarına müraciət edir və onlara deyirdi: “Sizi dəvət etdiyim din batildir və onu mən uydurmuşam”.

Müridləri isə ona dedilər: “Sən yalan deyirsən, bu din doğrudur. Sadəcə sən bu dində şəkk-şübhəyə düşmüsən və ondan dönmüsən”.

O, bundan sonra əlinə bir zəncir aldı, onu boynuna bağladı və digər ucunu yerə mıxladı. O dedi: “Allah məni bağışlamayana qədər mən bu zənciri boynumdan çıxarmayacağam!”

🔖Bu zaman Allah bir peyğəmbərinə vəhy edib dedi: “O kişiyə de ki, izzət və calalıma and olsun, əgər Məni bədəninin hər bir hissəsi ayrılana qədər çağırsa belə, bu dində ölənlər həmin əqidədən dönməyincə onun çağırışını qəbul edən deyiləm”.

📍“Biharul-Ənvar”, c.69, s.219.

✅ Nailiyyətiniz nə qədər çox olsa, sizə nifrət edənlər bir o qədər çox olacaq. Lakin nailiyyətiniz nə qədər az olsa, sizə ən çox elə özünüz nifrət edəcəksiz.

🔴 Stokholm sindromu nədir?

Stokholm sindromu — psixikamızın maraqlı fenomenidir, burada zorakılığa məruz qalan şəxs öz təcavüzkarına qarşı simpatiya hiss etməyə başlayır. Bu niyə baş verir?

➡️ Tarixçəsi

Bu reaksiyaya ilk dəfə 1973-cü ildə Stokholmda bankın terrorçular tərəfindən ələ keçirilməsindən sonra diqqət edildi. Girovlar sağ-salamat qaldılar və azad edildikdən sonra onları qorxu və əsarət altında saxlayanlar üçün vəkil tapmaqda köməklik göstərdilər.

Onlar dəli olmuşdularmı? Xeyr, bu, ciddi travmatik vəziyyətə qarşı psixikanın normal reaksiyasıdır — həyat təhlükəsi ilə qarşı-qarşıya qalanda belə olur.

🔸 Psixoloji İzah

Bu sindrom uzun müddət qorxu və müqavimət vəziyyətində qala bilməməyimizdən inkişaf edir. Panika və isteriyaya düşməmək, sinir sistemini tükətməmək üçün baş verənlərə uyğunlaşmağa başlayırıq. Bundan əlavə, biz anlayırıq ki, gücsüzük və yalnız təcavüzkarımızın maraqlarına uyğun olduğumuz müddətcə sağ qalırıq. Yeganə müdafiəmizin onun bizə qarşı dözümlü münasibəti olduğunu düşünürük və bu münasibəti qorumaq üçün fərqinə varmadan hər şeyi edirik. Ta ki onun bizə münasibətini qoruyaq. Daha sonra isə onun hərəkətlərini öz xeyrimizə izah etməyə və ona tədricən bağlanmağa başlayırıq.

📄 Bu bizim şüurumuzun özünəməxsus uyğunlaşma mexanizmidir.

❗"Oğlum, özünlə başqası arasında özünü tərəzi et; özün üçün sevdiklərini başqası üçün də sev, özün üçün sevmədiklərini başqası üçün də sevmə; özünə haqsızlıq edilməsini istəmədiyin kimi, başqasına da haqsızlıq etmə, özünə yaxşılıq edilməsini istədiyin kimi, başqasına da yaxşılıq et. Başqasından xoşlamadığını özün üçün də xoşlama, insanlar üçün nəyə razısansa, özün üçün də ona razı ol".

📖İmam Əli | Nəhcül-bəlağə

💬 Əziz dostlar, sözün düzü Telegram kanalımda intensiv nə paylaşacağımı bilmirəm. Əgər nəsə fikriniz olsa, bölüşə bilərsiz. ❤

✅İmam Əli deyib: "Allahın dini şəxslərlə tanınmaz. Həqiqətin əlamət və nişanəsilə tanınar. Sən həqiqəti tanısan, onun əhlini də tanıyacaqsan".

🔴 Mən hərdən əzizlərlə danışarkən deyirəm ki, İslam tarixini mülahizə edərkən qeybi məsələləri kənara qoyub, obyektiv analiz etmək lazımdır. Onda mətləblər tam başqa cəhətlərdən adama aydın olur.

🔸 Məsələn, niyə əzadarlıq və matəm saxlamaq var? Niyə də, niyə?

Əzizlər, matəm saxlamağın şəriətə əsasən qanuniliyi ayrıdır, onu izhar etməyin növü ayrıdır. Əgər kimsə matəm mərasimində başına xəncər vurursa, bu problem əzadarlığın göstərilməsinə aiddir, matəmə aid deyil. Məsələn, bütün fiqh kitablarına baxın. Üz çırmaq, saç yolmaq, üsyanedici sözlər demək və bu qəbil şeylər qadağandır. Bu ayrıdır, matəmin özünə işkal gətirmir. Bu aydındır.

Əzadarlıq həm də Əməvi məktəbilə mübarizə metodu idi. Yəni Aşura hadisəsinin davamı idi. Bilirsiniz ki, döyüşlərin davamı masa üzərində olur. Məsələnin başlanğıcını ordu, zabitlər aparır, daha sonra siyasətçilər. Qarabağ müharibəsində ordumuz qələbə qazanıb. Lakin indi məsələ siyasi, mədəni və sair rakurslardan - informasiya vasitəsilə aparılır. Bu da mübarizədir.
Ağlamaq həm də mübarizənin yönüdür. Ağlamaq həmişə acizlikdən olmur. Etirazdan da olur. Əməvi məktəbi şamda propaqanda yayırdı ki, oruc tutun, sevinin, bayram edin! Min nağıllarla məsələni gizlətməyə başladılar. İmam Səccad, bəlkə başda Əli qızı Zeynəb bu planı sındırdılar. Camaatı əzaya çağırdılar. Peyğəmbər ailəsinə matəm tutmağa. Qoymadılar ki, Əməvilər bunu ört-bastır etsin.

İmam Səccadın dualarına baxın. Niyə o duaların içində salavat çoxdur? Peyğəmbərə və ailəsinə? Çünki Peyğəmbər ailəsi xarici, asi, nə bilim xoşagəlməz adlarla tanıtdırılırdı. Düşünmək lazımdır. Niyə Əhli-beyt imamları matəm və əzaya - informasiya mübarizəsinə təşviq edirdilər? Əməvilərdən sonra Abbasilər qarşı çıxmışdı.

➡️Nəticə: Burada bir mesaj var. Peyğəmbər İmam Hüseynin hadisəsini öncədən xəbər verib. Bunun baş verməsinə heç bir şübhə yoxdur. Çünki ən mötəbər kitablarda var. Hadisə baş verir. Bu bizə sübut edir ki, hz. Muhəmməd peyğəmbər olub. Öncədən xəbər verib. Bu hadisədə nələrsə var, hələ də müsəlmanlar tam tapa bilmirlər ki, nə baş verib? Əza və matəm bu hadisəni unutmağa qoymur. Yəqin ki, bir zaman qıfıllar açılacaq. Bizə aydın olacaq ki, niyə təkid olunurdu. Bununla da zühura giriş baş verəcək. Matəm sadəcə bir vasitədir. Xütbələrdə, mərsiyələrdə, növhələrdə xürafat, biabırçılıq, rəzillik əlamətləri ola bilər. Bu matəmin özünə yox, nümunəsinə aiddir.

✅Bədbəxt insan başqalarının ağrı-acısı ilə rahatlıq tapan şəxsdir.
/Sədi Şirazi/

👍İnsanın təriflənəsi bir şeyi olmayanda öz bədbəxtliyi ilə öyünməyə başlayır.
/A.Qraf/

📄 Alimlərdən biri deyirdi, eyni şeyi davamlı olaraq edib fərqli nəticələr gözləmək mənasız şeydir.