Bəzən cavab sadə olur

Bu sualın üzərində illərlə düşünmüşəm, dostlarla müzakirə etmişəm ki, niyə əvvəllər ibadətə daha nizamlı, həvəsli idim? Heç fiqhə, qayda-qanunlara tam əməl etməsəm də, qəribə bir halım var idi. İlbəil təhsil alıb, əhkamı və başqa şeyləri öyrəndikcə hal azalmağa başladı. Təsəvvür edin, bu gün oxudum ki, eyni sualı Möhsin Qəraəti Əllamə Təbatəbaiyə verib. O deyir:

Əllamə Təbatəbaiyə (r) dedim: "Təhsilimin ilk illərində ibadət etdiyim zaman daha yaxşı bir halım vardı, lakin elmim artdıqca, halım və diqqətim azaldı, bunun səbəbi nədir?"

O, buyurdu: "Səbəbi budur ki, oxuduqların həqiqi elm deyil. Əgər həqiqi və gerçək elm olsaydı, insanın təvazökarlığı daha çox olardı".

Əmirəlmöminin Əli (ə) buyurub: "Elmin səmərəsi bəndəlikdir." Həqiqi elm odur ki, artdıqca, insanın xuşu və ibadəti artar.

Bəzən sosial şəbəkələrdə müharibə haqqında düşünülməmiş şərhlər, statuslar oxuyuram. Camaat sanki it boğuşdururmuş kimi, hansısa dövlətlərin bir-birini qırmasını gözləyir. Sanki bu bir filmdir, 🍿 ilə izləyəcəyik. Müharibənin nə olmasını göstərən ən bəsit dəlil. Allah heç kəsə göstərməsin

Hər şey necə də "rahatdır".

Əziz dostlar, mənə Ərəb, Fars dilləri öyrənmək istəyənlər müraciət etdikdə Təbriz Qasımov müəllimi tövsiyə edirəm. İndi daha sərfəli bir üslub seçib. Qrup halında da, fərdi halda da qoşula bilərsiz. İş orasıdır ki, müəllim ingilis dilini də mükəmməl bilir. Lakin hələ ingilis dilini tədris etmək üçün onu yola gətirə bilməmişik. :) Müəllim olduqca sərfəli bir xidmət açıb, yararlanın.

"Bu günün problemi narkomaniyadır" - deyirik. Düz də deyirik. Onların videolarına kimsə ikrahla, kimsə nifrətlə baxır. Amma diqqətlə baxsaq, görərik ki, problem narkomaniyadan daha ciddidir. Problem ASILILIQDIR.

Çoxu nəzər salsa, özündə bir "narkomanlıq" tapa bilər. Kimsə siqaretdən asılıdır, kimsə sevgilisindən, kimsə enerji içkisindən, kimsə kreslodan, kimsə rüşvətdən, kimsə söyüş söyməkdən və sair.

Asılılıq odur ki, onsuz həyatının bir anlamı yoxdur. Məsələn, telefonu əlindən alsınlar, internetin olmasın, özünü natamam biləsən, özünə yer tapa bilməyəsən.
Narkomana gülüb, içindəkini görməmək haqsızlıqdır. Hətta ibadət də asılılıq yarada bilər.

Adını unutduğum bir alim bir neçə dövr namazlarını bir daha qılmışdı ki, mən namaz qılmağı sevirəm. Olmaya bu sevgim Allahla aramda maneə olsun. Yəni olmasın ki, namazı sevdiyimdən qılmışam, bəndəlikdən yox.

Ona görə də reabilitasiya videolarına çox baxmaq lazımdır. Etmədiyin və asılısı olmadığın şeylərin moizəsini etmək effektli deyil. Sınanmadığın imtahana görə sənə beş düşmür.

Yaxşılıq etməm üçün təkcə niyyət bəs deyil

Dəhşət ifadədir. Ariflərdən biri deyirdi ki, Allahdan dilənçi kimi istəyin. Siz ağa kimi istəyirsiniz.

Ən çox insanlar sizdən ona görə inciyir və soyuyurlar ki, siz tərs və utanmazcasına onların şəxsi gözləntilərini doğrultmaq istəmirsiniz.

Acı görüntüdür

Deyir, heç vaxt Allahı unutma. Xüsusilə də işlərin saz getdikdə və özünü yaxşı hiss etdikdə.

İmam Əli buyurub: "İnsanın ruhu (iradəsi) güclənəndə ağıl və düşüncəyə, zəifləyəndə isə bəxt və şansa arxalanır”.
("ŞərhiuNəhcil-bəlağə", İbn Əbülhədid, 20/169)

Həqiqətən də, təsəvvür edin ki, qaydalar belədir. Nə olardı? Yadımdadır, Fərid adı az qoyulan ad olsa da, mənim sinifimdə 4 Fərid vardı. Soyadla çağırırdıq. İndi elə də tez-tez Fərid adı rastıma çıxmır.
Adınız necədir?