✔️Keçən dəfə bir nəfər təəccübləndirdi məni. Düzdür, mən elə də insanlarla ünsiyyətə meyilli deyiləm, bəzən vəzifə kimi cavab verməli oluram. Mənimki uzaqdan uzağadır. Deməli, bir nəfər yazdı ki, bəs mənim işlərim qaydasında gedir, demək olar ki, çətinlik görmürəm, olmaya Allahın qəzəbinə gəlmişəm və nəzərini məndən çəkib?

Obba! Bu dünyada belə insanlar nadirdir. Çünki on nəfərdən doqquzu ancaq yoxluğa fokuslanıb. İşim getmir, cadu edilib, niyə qara gətirir, pisdir, zibildir, lənətdir və s. Adam sadəcə neqativə və yoxluğa fokuslanıb. Bu adamları dəyişmək çətindir. Çünki gərək bunu o istəsin.

Əgər sən Allahı daim və yalnız pis vəziyyətində yada salır, minlərlə zikr, ayə, namaz - hər şey edirsənsə, deməli, sən Allahı yalnız pis halında yad edirsən. Asayişdə qəflətə düşürsən. Ədalət bunu tələb edə bilər ki, bəndəliyini pis duruma düşdüyün üçün göstərdiyin üçün orada da olasan. Əgər sən asayiş vaxtı da yüzlərlə, minlərlə zikr, namaz, ayələrini davam etdirsən, məsələ dəyişəcək. Amma gərək əvəz güdməyəsən.

✍️Bir sözlə, ola bilməz bütün işlərimiz getmir. Gedən də var, getməyən də. Hər şey yaxşıdırsa, müvəqqətidir, sınaqdır. Hər şey pisdirsə, müvəqqətidir, sınaqdır. Həyat nə qaradır. Nə ağ. Həyat ikisi ilə yaşamağı bacarmaqdır. Ona görə hər dualarda fi şiddəti vər rəxa ifadəsi var. Yəni sıxıntıda da, asayişdə də. Bu balansı quran adam aparır.

❤️Bir nəfərdən soruşdular: Necə zəngin və dövlətli oldun?
Dedi: Allah verdi, mən verdim. Allah verdi, mən verdim. Yarışmaqmı olar? O qalib gəldi.

🔼İmam Əli (ə):

"And olsun o kəsə ki, bütün səsləri eşidir, hər kəs bir qəlbdə sevinc və xoş hal yaratsa, Allah o sevincdən onun üçün bir lütf qərar verər ki, hər nə vaxt ona bir müsibət gəlsə, bu lütf (bir yamacda sürətlə axan) su kimi ona doğru axar və o müsibəti ondan yuyub aparar, o cür ki, yad dəvə sürüdən (və ya xüsusi otlaqdan) qovular (müsibət də ondan uzaqlaşdırılar)".

📚Nəhcül-bəlağə, hikmət 257