حور: هههه أي لأن أعرف علاء ما يزعل من أحد بس هاي سوالفج

باربي: اقترحي عليَّ اقتراح شسوي؟ هسه

حور: تحجين وياه وتمشين الأمور اعتيادية وهل سالفة افتحيها معاه بغير وقت مو هسه خلي الوضع يهدا بيناتكم

باربي: همدا جواهر هسه شلون اصالحة اليوم ما أكل فاصوليا سودة بوجهي بقى جوعان

حور: راضي بصحن فاصوليا
9

ما كالت لا كامت من مكانها طلعت جدر فاصوليا من الثلاجة ضحكت على سوالفها باوعتلي فهيمة اخذت نفس حجت بهدوء

فهيمة: جايج الفرح
9

حور: اني؟

فهيمة: أي انتِ شو تعالي

كعدت يمها لزمت كف ايدي جريتة بسرعة

حور: اعتذر منج جده بس حرام هل شي

فهيمة: مدي ايدج خلي نشوف الحرام عليَّ

جرت ايدي ابتسمت هزت راسها كملت كلامها وهي تباوع لـ ايدي

فهيمة: مو كلتلج جايج الخير يغطيج ويغطي المثبور

حور: أيهم؟
1

فهيمة: أي

استغربت من كلامها ضحكت بقوى الكل التفت يباوعلها مسحت عيونها بالشيلة

فهيمة: ها ولج يا معزاية تجذبين عليَّ

حور: شنو؟

حجت بهمس بالكوة سمعتها

فهيمة: تحبينه

حور: أحب منو؟

فهيمة: رجلج اكو غيره

حور: لا بس اوده

ضحكت أكثر خلتني صافنة عليها جريت ايدي منها بتوتر خلت ايدها ع رجلي

فهيمة: لا تصيرين لوتية ترا كبلج يا يُمة رادو يمشونها عليَّ بس نسو أنا مني

حور: لا لا ماكو شي يدل ع كلامج

فهيمة: ههههههه كومي منا كومي
7

تركتها وطلعت شمس تحجي مع زوجها سديت الباب حتى تأخذ راحتها صعدت لغرفتي فتحت الباب بهدوء عقدت حاجبي بأستغراب اسمع صوتة يحجي مع ليث وليث يبجي صوت شهكاتة عالية خفت لا يأذي مشيت بسرعة باب الصالة مفتوح باوعلي اشرلي اسكت كاعد ع قنفة وليث واكف كدامة وهو لازم ذراعة بيده

أيهم: چا هي بيدي؟

ليث: أي انتَ كلب وحيوان

أيهم: منو حجالك؟

ليث: جواهر
4

أيهم: شنو كالت بالضبط؟

ليث: لا تخصم وجهك

أيهم: اخر مرة اكول شنو حجت؟

ليث: هي كالت

أيهم: هسه غير افتهم شنو كالت؟

زاد بالبجي ما ادخلت بيناتهم خلي يعلي صوتة عليه حتى يخاف ويبطل يغلط لأن عيب لسانة طولان فرد مره حجه بشهكة وهو يشبك ايديه بخوف

ليث: كالت ابوك يكرهك وذبح اختك ودفنها
16

فكيت عيوني بصدمة هز راسة متفهمة كمل بهدوء

أيهم: وبعد؟

ليث: كلتلها جذابة كالت اصعد للغرفة وشوف شمس ماكو أنا صعدت بس شفت قمر وشمس ماكو

حجاها وانفجر يبجي بقوى مسحت دمعتي النزلت ركض لحضن أيهم دفن وجه بحضنة حضنة مسح على ظهره حجه بخفوت

أيهم: وليش تجاوز؟

ليث: هي كالت اغلط عليه حتى لو ضربك لا تخاف منه لأن هو ما يريدك

أيهم: هالله هالله الحنينة..نروح لـ سادن؟

ليث: لا اريد شمس

أيهم: بعدين نروحلها انزل لقمر

ليث: لا خلي تولي ما اريدها هي بقت وشمس ماتت

أيهم: واذا ماتت هي؟

ابتعد عن أيهم يمسح دموعة برطم بزعل نفى براسة

ليث: لا ما تموت أنا أحبها

أيهم: بس انتَ كلت خلي تولي؟

ليث: بس ليش شمس ماتت وهي لا

أيهم: كتاب ومكتوب لا تحجي هيج تبقى اختك اذا ما تريدها نذبها لروكي

ليث: لالالا بابا اريدها

لزم ايده قربة منه خربط شعره حجه بحده

أيهم: مو كلشي تسمعة تصدكة ولا كلشي تشوفة تحكم عليه بدون ما تفهمة ولا تصدك اكرب الناس الك ابد لو حتى أنا لو حتى امك لا تصدك أحد ابد حتى ما تنصدم بالنهاية وتبقى ترجف من الغدر
4

ليث: بس كالتلي

أيهم: وانتَ مشيت بكلامها؟

نزل راسة شفتة ترجف رفع وجه بيده

أيهم: من احجي وياك ترفع رأسك لا توطي

ليث: أي

أيهم: اريدك تكتلها

ليث: شنو؟

أيهم: مو جذبت عليك؟

ليث: أي

أيهم: لا تسكت عن حكك اكتلها خليها تخاف تكرب عليك ولا تحجي وياك كلمة صوتك يعلى على صوت كل واحد بس مو عليَّ

ليث: يعني اخليلها طكاك بمكانها واخليها تبجي؟

أيهم: لا تدخل للمطبخ تشيل بطل زاهي خليها تدخل لغرفتها ذب ع باب من تطلع راح تتكسر بس تشوفها بينك وبينها كللها هذا درس بسيط عن الي يجذب وياي واتفل ع كاع الي هي بيها اطلع واتركها لو رادت تضربك عضها ونبت اسنانك برجلها خليها تكره حالها

ليث: صار

أيهم: أي واحد يحجي وي…


يتبع

  تصفح



الحلقة التاسعة والثلاثون 💫
60.9K 2.8K 3K

بواسطة al-Dulaim
﷽

كسار الود 5:5
1

.رحـمـة الدلـيـمـي.
9

♥يكتل الروح عشك الصغيرة♥
.................
5

تنهدت بضجر دخلت للغرفة رجعت الموبايل لمكانة كعدت ع جرباية اباوعلة بحيرة مسحت وجهي مختنكة قربت منه مسحت على شعره ما اريد افكر بهيج شي مستحيل ما يغدرني مستحيل كل حُبة وكلامة يطلع جذب وشي خيال.؟!
8

باوعتلة نايم حتى وهو نايم حلو بستة بخده نايم بعمق كمت من مكاني غطيتة وطلعت سويت حليب وشربتة كعدت اباوع للتلفزيون صليت الضحى وهو بعده نايم نفخت بملل هذا مو مال عيني واغاتي دخلت للمطبخ جريت الطاوة طلعت اله دفرت باب الغرفة كعدت بمكاني مسحت وجه اتحرش بي اريده يصحى انكسر خاطري رفعت الطاوة ع راسة بخفة فتح عيونة يباوعلي عض شفتة غمض عيونة يكمل نومتة عديت من الواحد للثلاثة وضربتة بيها كمز عليَّ اخذ الطاوة مني ردت اشرد سحلني من ملابسي ذبني برا الغرفة حجه بصوت مبحوح من الصخونة
2

كسار: شيلي طاوتج وفارجيني لا اكسرها ع راسج 
3

ود: الشايب مريييض الله بلاني بشايب وغصباً عني اداري ولا يودع واصير ارملة يبووو على حظج يا ود
2

كعدت بالكاع الطم فتح الباب ركضت دا اروح جرني من شعري لطمت ع وجهي دخلني للمطبخ لزم فكي حجه بقهر صوتة مخنوك لزمت ضحكتي
1

كسار: لججج انتِ شنو من بشر
2

ود: حالي من حالك والله
1

هز راسة ما يفيد دخلت اسوي ريوك وهو راح يسبح تأخر شوية طلعت اله باوعتلة دا يصلي دقائق بس وصاح وراي
1

كسار: خلييي اشوفج هنا مرة الثانية
1

ود: دروح
1

كسار: خلي الواحد يرتاح من ازعاجج
2

ود: لاااا ما تنام وتخليني كاعده مع الحياطين
1

كسار: ليششش
1

ود:  دكافي شكد نمت
1

كسار: سويلي ريوك مثل الاوادم زين اذا شفت مسوية مخلمة الا اكسر راسج
1

قد يعجبك أيضاً

أنـتقام مِن بقايا الزُجاج
451K
24.7K
خلف الستار الموارب، أسرارٌ تتراقص في ظلمةٍ دامسة، تُغري الفضول وتُلهب الخيال. ماذا يخبئُ لنا ذلك المجهول؟ هل هي كنوزٌ ثمينةٌ تنتظرُ من يكتشفها، أم فخاخٌ مُميتةٌ تُتربصُ...

الـهَـيْـمَـنـة
3.1M
146K
‏أتقبلني بما أشعُر ؟ ‏بأخطائي وما يصدُر ‏وما آتيك بالكلماتِ ‏عذرًا عندما أعثُر ! ‏أتقبلني بما فيَّ؟ ‏بدمعي فائض القطرات ‏ضعفي عندما أخسر ‏أتُمسك جيدًا بيدي ‏وحيداً عندما...

الغريب (الثقب الاسود)
1.4M
54.2K
بين جنة ونار ، بين ورده وصبار يولد الحب كترياق لروح بجسدين دقت القلوب تعلن عن شعور جديد ياخذكم لعالم خيالي ويسألكم هل اصبح هذا المكان ملك لشخص ام استأجار؟

البيبرس
1.7M
91K
ينتابني في أول الخريف إحساس غريب بالأمان والخطر أخاف أن تقتربي أخاف أن تبتعدي أخشى على حضارة الرخام من أظافري أخشى على منمنمات الصدف الشامي من مشاعري أخاف أن يجرفني موج...

كريات الدم السمراء
1.7M
109K
صرخات مكتومه دماء ليس لها لون. نضرات مرعوبه انين صامت بكاء ك بكاء الاخرس هل جربت يوما ان تخوض تجربة الخوف ؟ او تواجه الموت وانت عاجز ؟ لا محاله ان تجد نفسك في عال...

زوجة الكولونيل [ 2 ] COLONEL'S WIFE
883K
17.3K
[ الـتـكـمـلـة ] هو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود...
ود: يُمة يُمة يُمة خفت تعال شوفني دا ارجف من الخوف راح يغمى عليَّ من الخوف
2

كسار: اتزوج عليج؟
4

ود: يُمة دسويها وشوف شلون الله كتبها عليك وعليها والله لا اشوفك عذاب الدنيا تشوفة قبل الاخرة شايف هذن شواربك الا انتفهن واخليهن بعينك اكبس عليك بثرامة اللحم وبعدها انيم الساطورة براسك من النص واطلع عقلك واتفل بي من ساعة الي فكر بيها بهل فكرة
3

شلت الطاوة ودخلت للغرفة فتح عيونة مصدوم باوع للطاوة وباوعلي رجع لورا يعدل قميصة
1

كسار: سويلي مخلمة ميخالف حبيبي
8

ود: تريد تزوج عليَّ؟ أني ود تزوج عليَّ؟
2

كسار: خلي نتفاهم حبيبتي تعالي
1

ود: أي هو أني هسه اجيك
1

كسار: لالا ابقي بمكانج احسن
1

جر الطاوة خلاها بيده حضني حسيتة يضحك عليَّ
كعدنا نتريك كعد ع كرسي خليت كدامة الخبز
صبيت الجاي قربتة اله اخذه مني جرني من ايدي كعدني ع رجلة قرب اللكمة مني اكلتها
1

ود: كسار احجيلك شي
1

كسار: أي
1

ود: ميامين منو؟
1

باوعلي تحمحم بهدوء رفع عيونة الي
2

كسار: منين تعرفينها؟
3

ود: دكت عليك الصبح وأني ردت اجاوبها فصلت الخط بوجهي
1

كسار: عبالها أنا وصار العكس
1

ود: بس ليش تخابرك؟.!
1

كسار: عدنا شغل سوا أكيد تخأبرني
1

ود: ليش هي شنو تشتغل؟
1

كسار: ضابط
2

ود: تمام بس كلتلك ليش تخابرك؟
1

كسار: ترهمين اخذج وياي للتحقيق لأن تركزين بالمهم
1

ود: كسار ما دا اشاقة
1

كسار: ول يابة شغل وحك الله لازم هي موجودة ويانا
1

ود: بس مو تخابرك
1

كسار: چا شلون؟
1

ود: وهاي تبقى وياكم هنا؟
1

كسار: أي
1

ود: لاااااااا والله؟؟؟؟؟
1

كسار: صوتج

ود: وأني اكول انتَ رايح جاي ع شغل سودة بوجهي طلعت حنين
1

كسار: شسوي ساعة الج ساعة الها حرام التفرقة
3

فتحت عيوني بصدمة نزل راسة يأكل قرب مني الأكل اخذتة من ايده خليتة بحلكة غص يكح ويضحك خليت رغيف خبز وعلية جبن كامل جبرتة يأكل وجه صار احمر من الخنكة ما بطل بس يضحك
1

ود: الف عافية على كلبك وكلب نوره وميامين

كسار: يروحولج فدوة ونذر ريحانة كلبي

ود: ما تروح للشغل؟

كسار: اليوم طردة بعرف

ود: لا بس استغربت اذا ما تروح اليوم عليمن خابرتك هاي؟

كسار: حتى تطمن عليَّ كلفتها والله

من صدك صفنت علية نزل راسة مسح ع شواربة لازم ضحكتة خليت ايدي ع يدة الطاوة بلع ريكة قربتها مني وكعدت أكل البيض رجع اللون لوجه صوت الموبايل بالغرفة يدك ردت اروحلة ما خلاني
7

كسار: كملي أكل هسه أنا اخذه

لملمت الصحونة خليتهن ع سنك بعدني اغسلهن طلع طاير السويج يرجف بيده طلعت ورا خفت لابي شي ندار كبل لا يطبك الباب

كسار: ماكو شي ابقي هنا شوية وارجع
3

ما انطاني مجال احجي طبك الباب وطلع رجعت كملت غسل المواعين بقيت انتظره خابرت خواتي ولا وحده منهن ترد وحتى ريمة وشمس وعلي مرن سبع ساعات وهو ماكو الدنيا صارت ليل افتريت بالصالة بقلق اندك الباب خليت الشال ع راسي وفتحة دخل اثير وياه البنات باوعلي ابتسم بتوتر وهو يحك حاجبة باوعت وراهم ما دخل كسار حتى نسيت استقبلهم
2

اثير: راح نبقى واكفين بالباب؟

ود: لا تفضلو بس كسار ما اجى؟

اثير: عنده خفر اليوم ما يرجع

ود: ادك علية ما يرد واليوم ما عنده دوام؟

نيارين: تلكينة مثل علي ع فجأة يجيهم انذار

ميس: لا ليش تجذبون عليها لازم ما تدرين اخوج بيتة احترك وصديقتج صفنت بلاهم بطرك روحها
12

حجتها ولا رجليَّ بعد ما يعينني ع الوكفة نفسي ضاك اختنكت شح الهوا مني جسمي يرجف صاقة وطاحت فوك راسي ضربها راجدي من قوتة طاحت بالكاع تولاها راجديات ونيران تغلط عليها كمشتني من ايدي لساني انربط حرف ما نطقت لحد ما استوعب كلامها نطقت برجفة صوتي بالكوة ينسمع

ود: مريم بيها شي احجي عليك الله وعلي دخيل الله اخذني الهم عليك الله ومحمد

مسح وجه ما جاوبني لطمت ع وجهي صرخت صرخة طلعت من اعماق كلبي سكوتة وعيونة الحمر كانهن خنكني خنك من شاف حالتي باوع لـ نيران
4

اثير: لبسيها ملابس حتى نروح كبل لا يطلعون خليها تشوفهم أحسن

طلع برا لبست الصاية وطلعت ركض للسيارة افرك بيدي اتمنى كلشي يطلع حلم مرات من شدت الوجع الي بينا ولوجة الروح نتمنى لو بس كلشي يعدي ع خير أو حلم ونصحى منه
1

وصلنا للمستشفى نزلنا بسرعة دخلت ركض ما فاهمة شي لزمني اثير يهديني دخلنا الهم باوعلي كسار خزر اثير وجرني منه دفعت ايده اريد ادخل لغرفت علي ما قبل لزمني اقوى ودخلني للردهة الثانية بيها بنية نايمة وبيدها المغذي لزم وجهي يمسح دموعي متت بمكاني اريد بس اطلع سد الباب ما يقبل اطلع

كسار: اشش مابيهم شي بس جوه تحت العناية من الاختناك شوية ويطلعون مابيهم شي
5

ود: عفية خلي اروح الهم علي وينة هو ومريم صارلهم شي

كسار: ما صارلهم شي بس علي تأذة شوية
1

كعدت ع كرسي حيلي مهدود كعد كدامي شربني مي من البطل مسح وجهي بيده اخذت نفس استغفر الله

ود: احجيلي شصار علي هسه بي شي عفية

كسار: ولج لو بي شي تلكيني واكف ع رجليَّ

ود: احتركو صدك؟

كسار: واجهة البيت محتركة والنار داخلة للصالة علي ذاب حيدر من المخزن وراد يأخذ ابنة وركض ذبه بحضن حيدر ريتة امتلت دخان اضرر أكثر منهم والقنينة منفجرة بالحوش

ود: مـ منو طفى الحريق شلون عرفتو بهل شي

كسار: ع صراخ ريمة طلعو الجيران ومخبرين الإطفائية وطفو واجهة البيت بس الأثر عليهم الدبل مال الكهرباء صار التماس كهربائي بكل البيت من الحرك بس الحمدلله الجهال كلهم برا المخزن بس علي تسمم ومحترك نقلوهم بالأسعاف وعدت ع خير
2

ود: يـعني علي تشوه.؟!
9

نزل راسة على رجليَّ بتعب نزلن دموعي بقهر كلبي يدك حيل من عرفت الجواب شنو
2

ود: يا الله

كسار: تهون اهم شي يطلع بخير وسلامة

حجاها بغصة مسح وجه بقوى صار صوت زلم برا واحد يصيح ع الأساس يسلم لزم ايدي وطلعنا باوعولة هواي زلم طبكت ع صفحة مع ريمة الي كاعده بمكانها منزلة راسها عيونها حمر دم تباوع لثلث غرف زوجها وابنها واخوها عصرت ايدها بيدي باوعتلي طفرت دمعة حارة ع خدها مسحتها الها همست بخفوت

ود: الحمدلله مابيهم شي اطمني حبيبتي

مريم: ما شفتي البيت شلون احترك ولا شفتي النار شلون صاعده للسما والدخان ملأ المنطقة ما شفتي شي ما شفتي نار كلبي اقوى من نار بيتي
1

ود: الي جوه هذا اخوية حاسة بأحساسج بس لازم تقوين لأن كلهم محتاجينج مو تستقبلينهم بالدموع

مسحت دموعها هزت راسها أي جفلت من صوتة هذا معرف شبي معرف يحجي يتعارك حيرة نزلت رأسها ريمة تهز ايدها

أيهم: هيج احترك البيت بدون سبب وفوكاها التماس كهربائي بكل البيت وهذا ميت جوه وعادي
17

كسار: كل الصار جوه يدري بي علي خلي يصحى

أيهم: والبيت؟ منو بقى هناك

كسار: مقدام والولد كلهم هناك

أيهم: الشغلة ما خالية ولا تدخل للعقل..يلا يمعود هسه يصحى مابي شي
3

هز رجلة ما مهتم اريد انزل عيوني عنه ما كدرت استغفر الله واباوعلة حلو لدرجة أي بنية تنجبر تباوعلة مريم تكرصني بيدي اعرف مو وكتها بس معرف شجاني عيونة حمر اطول كل الموجودين هنا فارض روحة فرض الحرب رموشة ملفلفة ع عيونة والعيون حمر دم يسبن الكلب بلعت ريكي بفشلة نزلت راسي من كرصتني مريم وهي تهمس
43

مريم: فشلتينا الله يفشلج صفنتي ع زلمة

ود: اعوذ بالله سبى كلبي سبي شهل عيون شلون طول شلون جمال اوووف
12

مريم: صخام الصخمني انلصمي

ود: ربج خالقة مو تسع اشهر تعبان علية سنين خاب يُمة الطول يُمة
23

مريم: دخلي اصيح كسار
1

ود: لا بروح أهلج لا وحق الله بس اتغزل بس كل كلامي فشوش ما يملي كلبي غير الشايب
3

مريم: ولج صلفة عيونج اكلت الرجال أكل ولو تعرفينة منو

ود: منو عليج الله

مريم: زوج حور

ود: يا يا يا هسه شمس تسحلني
5

مريم: لعد اركدي بمكانج

ود: فدوة لله
6

مريم: وتالي

ود: اووف وتالي اخذيني واطلعي لأن ما دا اتحمل كل هل كيك كدامي

مريم: دكعدي حتى يخوف شحبيتي بي

ود: حقج ما تقرين واتباد
30

مريم: شنو هذا
1

ود: دولي خلي اتمتع بالنظر لبين ما رب العالمين يفرجها عليَّ

دخلو زلم هواي ونوفة تبجي تبجي ما سكتت راحلها كسار يحجي وياها يريدها توكف ويانا بعيده عن الانضار هزت راسها وكفت ويانا عيوني راحن ع هذا الولد راح يحجي مع الدكتور بس عاشت ايده من عاط بي جفلة من مكانة

أيهم: چا انتَ شني شغلك هنا شكللك تكللي معرف دذب اللابكوت لا اخنكك بي
10

::- رجاءً لا تجاوز أنا ما مسؤول عن حالتة

أيهم: صارلك ساعة تفتر شني تكشخ بروحك ونافخ عظلاتك علينا كل دقيقة طاب للغرفة وطالع بيدك أوراق وتالي اسألك شلون صار تكللي ما أعرف دكوم منا
9

::- المسؤول عن حالتة الدكتور حمد

أيهم: وانتَ شنو شغلك؟

::- أنا مسؤول عن العلاج

أيهم: دروح حبيبي روح الله يسهلك

دفعة من كتفة والدكتور دخل جوه يعدل بالنظارات اباوع لريمة اكتافها تهتز ارتجة ع حايط يدخن هز ايده وكسار دخل بيده علاكة بيضة مليانة علاج باوعلة وحجه ما عاجبة شي

أيهم: العلاج خارجي

كسار: أي

أيهم: الوضع من البداية فيطي

كسار: هسه خلي يكومون بالسلامة ويصير خير

دخلت حرمة جبيرة بالعمر تلطم وتركض ورا السدية وتصرخ انقهرت ع حالتها تصيح خطية جدها توفى

::- جديييييي جديييي الله يخليك اصحى جديييي
56

كمز من مكانة باوعلها تفل وراها وكسار ضحك مسح وجه يستغفر

أيهم: انعل ابوج لابو جدج جفلتني بنت اللذينة وين يصحى بعد جدج مع السدية صاير وصلة مال مسح
عاش عمره وعمر غيرة شني تردينة يقبط قرن
41

كسار: مات الزلمة ترحملة يا طايح الحظ
1

أيهم: هي غير كمزتنا من مكانة خرب بأبليسج يلا الله يرحمة شسويلة

دخلت شمس تركض باوعت لكسار تنهد وهو يحجي وياها

كسار: مابي شي مابي شي لا تخافين

شمس: صدك تحجي محترك وتكللي مابي شي

أيهم: ترعد رعد بنت فارس

شمس: ايع شجابك
7

أيهم: الجابج

شمس: لا هلا

أيهم: بيج

شمس: سمعت صاير بيك سرطان بالدم يلا عادي يومين واطيب ما عليك شي
16

أيهم: أي صح شكد حنينة

شمس: بحنيتك

كسار: اجيتي مع منو؟

شمس: مع نشهل بقى برا مقدام خابره

أيهم:  عمت عيني عليج

شمس: و عساها يل خوش ادمي

أيهم: هه امثالج

شمس: جؤ متوهم مو بكدك

كسار: يابة شجاكم

سكتو ثنينهم واحد يخزر الثاني دخل زوج شمس سلم عليهم وهي سكتت ولا عبالك صارلها ساعة تحجي تقربت لريمة تحجي وياها دخلن دعاء ورغد كعدن يمنا وهيفاء وجها أصفر كركم اخذتها من ايدها حلفتها تقيس الضغط ما قبلت باوعلي ابوية خزرني درت وجهي منه ما فاهمة شي تقرب النا كسار باوع لنوفة حجه بهمس

كسار: اليوم ما راح يخلونة ندخل الهم ارجعو للبيت أحسن وبأجر اجيبكم لهنا

مريم: أني ما ارجع لحد ما يصحى علي

كسار: خوية افهمي كلامي ما راح يصح اليوم وانتِ ادرى بحالتة وحتى لو صحى وشافج هنا راح يضوج عليمن باقية بين الوادم جاي تشوفين ناس تجي ما تروح وكل ربعة هنا زحمة لازمين زاوية بأجر أنا بيدي ارجعج لهنا وأنا الممنون

مريم: عفية لا تضغط عليَّ والله ما اكدر ارجع اخاف ارجع ويصيرلة شي وأني ما موجودة عنده ابني واخوية كلهم هنا

كسار: ما اضغط عليج بس زحمة كاعده هنا والوادم طابة كل ساعة شكل حالتة زينة أحسن من كبل ساعات اسمعي كلامي حتى من يصحى ما يزعل منج فوك مرضة تعب ثاني

ود: صح كلامة باوعي مالنا محطت رجل والمستشفى قبطت والله لو يصحى ويشوفج هنا بس يزعل منج

شمس: كومي ريمة كومي الوكت تأخر وهنا كلهم وياه لا تخافين علية النجر يطلع منها صاير وياه الاكبر من هذا وتعداها هاذي شغلة بسيطة وصارتلة هسه يصحى كومي وياي

هيفاء: كومي حبيبتي تعبتي هواي صارلج ساعات وانتِ ع نفس الكعدة لا اكلتي ولا نمتي اذا صحى وهو تعبان وشافج انتِ هم تعبانة شنو فائدة العلاج اله؟ راح تبقى حالتة منكوسة لأن ثنيناتكم تعبانين
2

نوفة: أنا ما ارجع
3

كسار: ابقي براحتج أنا احجي لريمة والبنات
2

هزت راسها بحيرة التعب واضح ع ملامحها عصرت ايدي بيدها ما جريتها منها خليتها ع راحتها

مريم: بس كسار عليك الله بس يصحى ولا يصير شي لا سامح الله تنطيني علم بروح اهلك

كسار: تدللين يابة هو نحنا جم ريمة عدنا
3

ابتسمت وطلعنا كسار وهذا بعده يخزر بشمس وهي تخزره من تشوف رجلها يباوعلها تنزل رأسها صعدنا بالسيارة بالكوة كفت ومقدام حركها وصلنا لبيتي ونزلنا فتحت الباب ودخلن دخلت للمطبخ خليت مي بالسراحية قدمتة الهن ردت اسوي عشا ما قبلن بس ما سمعت الهن سويت عشا كعدت عند ريمة اوكلها وهي ما تقبل رزلنها البنات وكعدت تأكل نضفت المكان وكعدت وياهن بسرعة ذبت شالها رغد صابغة شعرها غير لون حجيت اغير الجو ما جنت أدري دا اكمت الجو ع نفسي بهذا سؤالي

ود: ولج رغد ام آسر البومة صابغة شعرج
3

باوعتلي بتوتر ودعاء نزلت رأسها استغربت منها وبنفس الوقت خفت عليها من سكتت

ود: شبيج حجيت شي غلط؟

دعاء: لا ما حجيتي شي غلط بس عادي هي صبغت شعرها ع الأساس مخطوبة وكذا ما تعرفين سوالفهن

حجتها بضحكة وشمس حجت بصراحة خلتني اصفن بكلامها من صدك حسيت نفسي غريبة بيناتهم

شمس: دعاء ورغد تزوجن من زمان صارلهن شهرين أول وحدة رغد وبعدها بيومين دعاء بس ابوج ما قبل احد يعزمج والعرس صار بالقاعة كسار من سمع هيج كال أنا ما اخليها تدخل الكم وطلع وتركهم وأنا اجيت بس سلمت وطلعت حجيت هيج حتى ما تبقين ما فاهمة شي
11

دعاء: والله هو جبرنا ما نعزمج و...
6

ود: يعني عزمتو الغريب واني لا؟ هههه يلا عادي حياتي المهم انتن بخير ومرتاحات ما مهمة الحفلة
6

لزمت ايدي رغد تحجي بتوسل بس صعبة هل موقف يكسر الشخص لدرجة تحس اهلك هم الغرباء عنك ابد ما جنت متوقعة هل شي يصير شما يصير ابقى بنتهم بس الحقد يعمي العيون..!!
7

رغد: والله ما قبلت لأن أني مفكرة انتِ أول الناس تحظرين وياي وحتى كلت اخذج للصالون لأن انتِ تعرفين بهل سوالف بس ما قبل وحلف ما تحظرين وكسار من سمعة عاط بي وكاللة أنا ما اخليها تحظر اعراسكم ولا فواتحكم وطلع وتركنا
7

ود: عادي عادي ما صار شي هي مجرد حفلة وراحت

شمس: اعرف اخذتني بخاطرج منهم بس تعودي لأن تعرفين ابوج شنو من طينة لا تخلينة من صدك يفرق بيناتكم يبقن خواتج وما بيدهن شي يسونة وانتِ ما متعطلة عليهم الحمدلله باوعي لنفسج بأفضل حال
3

ود: من زمان غريبة عنهم ما تربطني بيهم علاقة غير ابوهن هو نفسة ابوية لا أكثر ولا أقل لا زعلانة منهن ولا شي هسه كل الي ابالي يطلع اخوية بخير وسلامة والباقي ما مهم عندي صدكي

هيفاء: لا تحجين هيج امي أنا بالنسبة الي انتِ اقرب من خواتج على كلبي والي يسوي هيج يتعمد يقهرج اقهري انتِ ولا تهتميلة

ود: لا ما مهم عندي هل شي كل واحد و اله حياتة الخاصة ما يحتاج يشارك أحد بيها

دعاء: لا تحجين هيج والله العظيم الصار غصباً عنا

شمس: دكافي لا اكوم اطبكجن سوا واطلع ظيم كلبي بيجن انلصمن عاد

مريم: تدرون منو الحرك البيت

حجتها بهمس عيونها مدمعة وايدها ترجف

شمس: منو؟

مريم: حيدر
4

ود: شتحجين ولج؟

مريم: والله العظيم متأكدة من كلامي قبل لا اطلع للمخزن هو شغل الطباخ من شافني طفاه بسرعة متأكدة بعد ما طلعت هو شغلة وعلي ذب القنينة بالحوش حتى هيج كب البيت بأكملة
3

شمس: ميخالف بس يطلعون بخير وسلامة الله يعوضكم عن كلشي كلبي بس خلي يطلعون هم البيت يتعوض والدنيا ترجع بعواصفها بس ارتاحي انتِ

مريم: خايفة لا يحققون مع علي ويكول حيدر سوا هيج ويأخذونة
3

شمس: حياتي انتِ التعب خربط تفكيرج منين تفكرين؟ ترا حاسب حيدر أكثر من ابنه متعلق بي أكثر منج
2

سكتت هي دارت وجها للحايط تنهدت بضيق ع حالتها مديت الفراشات وهن نامن دك الموبايل اخذتة وطلعت برا فتحت الخط من شفت رقمة كعدت ع مرجوحة حجه بتعب

كسار: اكلتي شي؟

ود: أي وانتَ

كسار: لا بعد واحد مالة نفس يأكل شي بس كلت هسه تثولينها وتنامين بلا أكل

ود: لا سويت عشا للكل عود حرمة وكذا كلاوات

كسار: بربج..؟؟؟
12

ود: والله شبيك

كسار: عفية ريحانة عفية ابوس ايدج الي تطبخين بيها

ود: لا شكراً ع واجب شسوي غير نفخت ريشاتي

كسار: والله عفية عليج متأكد طبخج طلع عال العال

ود: والله اخجلك بطبخي الله شاهد ريحة الأكل تجنن انتَ بس ارجع

كسار: ما ارجع هسه بوية مو هسه بس اوصيج زين اكلي عدل ونامي من وكت ولا تخلين ريمة تشتغل بالبيت ولا تخليهن يساعدنج بشي اعتمدي ع روحج

ود: اشو اليوم ماكو بابا وبوية؟

ابتسمت وأني اسمع صوت ضحكتة العالية شوية وحجه بهمس

كسار: اكللج بابا فرق العمر يجبرني هيج احاجيج لا ارادي الكلمة تطلع مني مرات احسج بنتي مو حليلتي

ود: والله يلشايب مدري منين طلعت وسحلتني

كسار: المصيبة تعترفين بأوقات زفت ومن يمج لازمة الطاوة والعياذ بالله تخوفين والكشة ليفوك
9

ود: ديلا دير بالك ع اخوية ترجع ونصافة

كسار: حاضر

ود: اكللك

كسار: كولي

ود: صحيح انتَ شسمة يعني ما قبلت احظر زفت دعاء ورغد؟

كسار: أي صحيح ليش عندج كلام ثاني؟

حجاها بحدة غميتة من الموبايل عدلت نفسي وحجيت بتركيز

ود: لا عادي بس ضجت لأن ما حجيتلي

كسار: بيت حامد ما اطبيلة ولا تحظرين اعراسهم ولا فواتحهم حدج خواتج وعلي أنا مو اخذتلج بيت حتى تعزمين خواتج احد يجيج بيتج حرة بي شسوين سوي بس طاري حامد لا تجيبينة

ود: هسه شبيك تعيط عليَّ هو بس سألتك

قفلت الخط بوجه وحظرتة دروح ناقصني شياب ع راسي صفنت ع كاع هسه اذا زعلت منهن احد يكللي ليش؟ بلا لو أني اكدر اسوي هيج من صدك طلعت غريبة بيناتهن ع الأقل يدكن وينطني خبر ابوية ما يقبل احظر ميخالف والله ولا ازعل منهن بس مو صارلهن شهرين وهسه أني عرفت صح هل شي ما يخصني بس هن خواتي وشي طبيعي بس يمكن بعضنا ثكلة ع الأخر أو مو منهن أني ولا كدرت اقارن نفسي بيهن
4

صوت اقدام تقترب مني باوعتلها تمشي بثكل لزمت ايدها كعدت يمي ارتجت ع كتفي مسحت على ايدها دموعها طاحن ع كف ايدي خليتها تبجي براحتها البجي نعمة للأنسان وراحة للكلب
2

ود: ليش تبجين ترا هم بخير الحمدلله

مريم: تدرين شنو اتمنى هسه؟

ود: كلشي يطلع حلم

مريم: بالضبط وكون بعدني بيت اهلي لا شايلة مسؤولية اخوية ولا متزوجة ولا حتى عندي طفل بس اكعد مع ابوية احل واجباتي وهو يمسح ع شعري وامي يمي ما اريد شي ثاني

ود: هههه تذكرين من جنت اخلي علي يجيبني الكم

مريم: جنت اوكف بالسطح افل شعري واخلي القلم براسي واقرأ وانتظر جيتج حتى انسى هم الدراسة شوية

ود: بسببج شلت الكلئ كمت امشي اعوج
4

مريم: وبسببج طحت من الدرج والمدرسين كامو يضحكون عليَّ وانتِ ختلتي بالحمامات تضحكين ولا عبالك أني صديقتج

ود: عندي دكات ناقصة ما صارت بالدنيا كلها

مريم: عادي حبيبتي من يوم يومج انتِ ناقصة

ود: وانتِ زائدة ع كلبي

مريم: ما خابرج كسار

ود: خابرني وكال كلهم بخير

مريم: وعلي ما صحى؟

ود: لا

مريم: استغفر الله العظيم والله اريد اروحلة حتى ما كدرت أنام

ود: دكعدي يمعودة المستشفى مليانة زلم وين نروح اذا صحى يخنكج بعضلاتة

مريم: والله يسويني وصل مسح للكونتر والكاع

ود: تذكرين من كتلج وجهج ازرك يابة شلون خبزج خبز خلاج اتوبين بعد تكولين ابن عمي

ضربتني ع كتفي ضحكت بخفة وهي تحجي

مريم: اذا اكللج كتلة مضبوطة ما تصدكيني ابد

ود: لا بعد الشفتة اصدكج اصدكج

مريم: تتخيلين هسه بيتي صار رماد؟ وصورنا وكلشي راح

ود: هن بغرفتج مو؟

مريم: أي

ود: كالو بس الواجهة محتركة لأن القنينة منفجرة بالحوش والصالة بس ما واصل للداخل البيت

مريم: احس حتى كرهت البيت

ود: الحمدلله ع كلشي مرت بخير وسلامة ولا صارلكم شي

مريم: ريحانة

ود: ها

مريم: بطنج عالية حامل؟

ود: صارلنا ساعة نحجي وعيونج ع بطني

مريم: استغربت انتِ ما عندج كرش

ود: صح حامل

مريم: جذب؟

ود: لا والله حامل

مريم: منو يعرف

ود: بس أني والشايب
6

مريم: وأني ما تحجيلي يا نذلة

ود: ع راسي والله بس ما حجيت لحد هو حمل اخترعت الصين بأكملها وهو انتِ وين شفتج؟

مريم: والله حقج بس علي ما يخلي الموبايل بيدي هواي

بعدنا نحجي وكعدت بالكاع شمس باوعت لمريم وهي مبتسمة

شمس: صحى علي

ود: دكعدي يلمخترعة الذرة

شمس: باوعي لجهازج

لزمت الموبايل رفعت الحظر عن الشايب استحيت اكللها حظرتة وريمة صفنت صفنة وكمزت من مكانة

مريم: شمسسس اخذيني اله عفية الله يخليج

شمس: وداعتج حالتة هستوها استقرت وما لازم يتعب ولا يحجي كلمة وحدة لأن الدخان داخل لصدرة والاجهزة بصدرة اذا شافج راح تزيد حالتة لأن ما يقبل تدخلين بين الزلم

كعدت بالكاع تبجي وهي حضنتها طلعت الموبايل معرف شسوي

شمس: باوعي صورة مابي شي خليت نشهل يأخذلة صور حتى اطمن عليه

ود: ليش ما نروح بس نحنا عفية بس اشوفة ونرجع

شمس: بس يطلع الفجر اخذجن ونروح

مريم: الساعة شكد ريحانة

ود: وحدة وربع

مريم: يبوو شوكت يطلع الفجر

شمس: كافي بجي ترا كثر البجي مو زين اسم الله عندج ميت وتبجين علية هل كثر؟ عندج عزيز وطلع بخير وسلامة مو تلطمين ترا هذا اخوية بس ما دام هو بخير ما افاول علية بالشر

سكتت مريم تمسح دموعها بقينا كاعدين فركت ايدي الفجر بعد ما يطلع والساعات صارن قرن

لحد ثاني يوم ونحنا كاعدات بس طلع ضو بالسما باوعتلي وحجت وهي تعدل شعرها

شمس: خابري كسار كليلة راح اجي مع شمس للمستشفى

ود: اوو خابرتة من زمان وكال تعالي يا روحي مشتاكلج
2

شمس: متأكدة.؟ ترا ما يقبل تطلعين وحدج

ود: صدك جذب يمعودة غير كلتلة
4

لبسنا ملابسنا وصت البنات ع بيت لزمت تكسي للمستشفى وصلنة انطتة الكروة ونزلنا دخلنا سوا تلثمت زين حتى ما يشوفني خليتهن يدخلن وشمس جرتني وراها غميتة خزرتني ابتسمت الها عيع ولا تحب تشاقة
1

راحت تحجي مع نشهل وكسار ماكو فد فرحت عبالي ما موجود كلهم موجودين زوج حور ونشهل ومقدام وبعد شباب هواي ما عرفتهم وابوية وعمامي الغمان دخلت للحمام عدلت حجابي واللثام طلعت

لبرا بعدني ما دخلت للممر سحلني من كتفي لبرا المستشفى اريد احجي ابرر ماكو شكللة تعال والله حظرتك البارحة لو اجيت بتكسي بدون علمك رفعت ايدي بس ما الوحة وكفنا ورا الحديقة تركني وعض اصبعة بقوى عضيت شفتي جر اللثام مني حجه بهمس وهو يجرني من زندي كشرت وجهي اباوعلة
1

كسار: متلثمة عبالج ما اعرفج
26

ود: يا روحي من الحُب لمحتني من بين الكُل هههه فدوة اروحلك
4

كسار: من الحُب ها؟

جرني من أذني لزمت ايده اشرحلة بس ششرح غير الجذب

ود: تقبلها انتَ؟ اخوية صحى وما اروحلة والله ما عولت يطلع الفجر

كسار: وتجين بتكسييي

ود: مو هذا اقصد هاذي شمس جبرتني اجي وياهم اكللها خلي انطي خبر لزوجي ما تقبل ما تقبل كالت دخلي يطييير هيج حجت ركز وياي كالت خلي يطير شسويلة اخوج صحى لا تخلين كسار يمشي كلامة عليج

كسار: ولج والله اعرفج حق المعرفة دمشي امشي

لزم ايدي دخلنا جوه عدلت نفسي حسيت نفسي بلا كرامة هاني وظلمني وذبحني كسر خاطري واذى مشاعري وهسه امشي وياه؟
9

الغرفة فارغة مابيها بس مريم تبجي وتحجي وياه وهو يرد عليها بس صوتة بالكوة ينسمع من التعب غصباً عني نزلن دموعي ع حالتة جرتني شمس حجت بهمس

شمس: اذا تبجين كدامة الا اصلخ وجهج براجدي واطلعج برا المستشفى كلها افتهمتي

ود: لا والله ما ابجي

مسحت دموعي بسرعة وهي راحت تحجي معاه كامت مريم طلعت برا الغرفة مختنكة اشرلها ترجع ما سمعتة وشمس سحلتها اله تقربت اله لزمت ايده بستها وجه لحد ركبتة كلها مضمدة بضماد أبيض بست الجروح الي بوجه رفع ايده بتعب ع ايدي عصرها براحة حتى حيل مابي

شمس: البطل علي حامد قام بأنقاذ اطفالة والله عفية عليك

علي: تشمتين

شمس: بخالد ولا بيك وجعك هذا برأس فارس يارب ولا تتوجع انتَ

علي: شهل حُب شكد تحبينهم

شمس: اختنكت من الحُب يابة يا علي لو تعرفني شلون اموت عليهم
1

علي: أعرف اعرف واضح بعيونج

شمس: يظلموني يا علي ظلموني يا ربي

علي: ذكرتيني بالحية تلدغ وتضم رأسها

شمس: فحيح نار تفح عليهم

ضحك وهي سدت الباب جرت الكرسي ولزمت ايده بأستها حجت بهدوء رجع انضارة الها

شمس: أريد أخذ رأيك بشي واعرف مو وقتها

علي: اسمعج بكل وكت احجي

شمس: عندي أوراق مهمة تابعات لشخص يخص أيهم بس الموعد قرب لنقلة لغير مكان واحس هل شخص مالة علاقة بشي بس لزمت أيهم من ايده التوجعة
4

علي: ما عرفتج شمس من يا وكت تفكرين غلط؟

شمس: انصحني شسوي تهت

علي: احد يعرف بشي

شمس: لا بس أنا وايهم

علي: اذا اكللج تصرفتي بغباء تزعلين

شمس: لا

علي: تصرفج غلط بغلط الولد ما خصة شي بيناتكم انطي الأوراق لـ صاحبة وخلي يلكيلة حل لا يموت والذنب بركبتج يطيح حقج تأخذينة من أيهم مو من شخص برئ مالة ذنب بشي
4

شمس: تمام بس اصحى زين وانطي الأوراق بيدك لأن ما اتحمل اشوف ركعت وجه

رادت تكوم حجه وراها نزلت راسها

علي: بشنو تفكرين.؟

شمس: أبد ولا شي

علي: احجي تعبان ما اكدر الح

شمس: ماكو شي علي شبيك

علي: بالحرام مابي حيل احرك ايدي تعالي واحجي العندج لا تخليني بدوامة التفكير

شمس: احجيلك بس راح توكف بوجهي

علي: احجي يمكن كلامج عدل

باوعتلة مسحت ع شعره بخفة شدت ع شفتها تحجي بأصرار وهو مركز بكل حرف تنطقة

شمس: أنا من رجعت وبراسي فكرة وحدة هي اخذ حقي وحق اختي وبس ما رجعت حتى اضحك والعب واتركهم يعيشون بسعادة بعد ما دمرونا أنا واختي ابوية انطى اختي عطوة وهي مو بنتة وأنا باعني للـ... وجبروني اشتغل هل شغل لا عشت مثل البنات ولا درست ولا تربيت بيت مليانة دفو وبين اهلي جان عمري.... وأنا اهز بمركص والكتل والتحرش والنذالة للظالين بس محد ما تبع ورانا وكال خطية واختي ذبوها بيد واحد ظالم شكو مرض نفسي ذبه بيها لدرجة خلاها عديمة الشخصية كلمتين ما تعرف تحجي ومن كلشي تبجي وتخاف وهي مريضة ما رحم بحالها وتزوج عليها وكسرها وهسه عمرها ما تعدا العشرين وهيج شايلة حمل كبرت كبرها قبل وقتها ومحد ما كال خطية هاي مريضة وعدها قلب وصرع...هسه نرجع للمفيد والحجي الصح راح دورهم واجة دوري والدنيا دارت والحق يرجع لهلة صح لو أنا غلطانة؟
2

اخذ نفس بصعوبة هز راسة الها

شمس: فارس راح اشتكي علية مثل ما جان يشتغل بملهى ويساهم وياهم بالبيع الـ... وعندي اوراق كاملة وادلة كاملة أكيد راح تنتهي ورقتة
وخالد دا اشتغل ع شغلتة وحنين...

علي: لا هاي حرمة مالج شغل بيها حالها من حالج مكسورة صح السوتة غلط بس اتركيها لنفسها
1

شمس: علي؟؟ تفهم كلامي جانت تخلي خالد..!!

سكتت وهي تمسح وجها عدل نفسة بصعوبة عصر فراش السرير قربت منه هي خلت المخدة ورا ظهره ساعدتة يمدد رجلية ابتعدنا عنه أني ومريم ومريم صافنة مصدومة حالها من حالي من صدك حسيت نفسي ثولة بيناتهم همست بأستغراب وهي تباوعلي

مريم: هسه نحنا شنو فائدة وجودنا هنا؟

ود: انلصمي لا تحس علينا وتكللنا اطلعن برا خلي نسمع انلصمي

سكتت هي رجعت ركزت معاهم يمكن لو مركزة بدراستي هيج جان هسه دكتورة

علي: اتركي حنين لخاطر اخوانج

شمس: هم هذولة الي كسرو ظهري

علي: اذا تحبينهم وتعزينهم اتركي امهم ولا تنسين حور تحبها

شمس: هي هاي مصيبتي حتى راسي شاب من وراها

علي: هسه شكلتي بسالفة أيهم؟ الأوراق رجعيهن اله أنا شغلتي مطولة حقج تأخذينة منه مو واحد مالة ذنب بشي بيناتكم

شمس: صح كلامك

علي: شمس احجي شراح تسوين؟

شمس: كلتلك ما راح اسوي شي

علي: لا عبالج محترك ومكسر بمكاني والله اكوم اكسر راسج اذا سويتي شي من دون علمي

شمس: انتَ مو كلت لا تأذين احد مالة ذنب بشي بيناتكم؟ وحقج اخذي من أيهم؟

علي: أي صح

شمس: تمام لعد انتهت السالفة
2

علي: شمس..؟!

تنهدت تباوعلة بحذر عيونها تترقب كلشي بين الحيرة وحقد سنين نايم بكلبها نطقت كلامها بضحكة سخرية خلتة صافن عليها بدون كلام

شمس: حقي اخذه منه مو من غيره أنا راح اخبر علية هو يشتغل مع أهل النظام بأختصار خان بلده يأخذ جزاتة وينحكم بالأعدام أو حتى يخسر نفسة ومكانة وشغلة ورتبتة ويصفى بالشوارع منين ما اجه يرجع وهيج يرتاح كلبي منه مثل ما خسرني حياتي ودمرني ادمره واخسره نفسه من جديد
35

علي: صح حقج بس شمس ما يصير...!!

شمس: ههه ما يصير؟ والله تحجي كل عقلك؟ ليش ما يصير؟ حرام ولا عيب هو اخذ حور وامي اطلكت وتشردنا أنا واختي لك أنا ما جاي انسى شي ولا نسيت صرخاتها وهو يأخذها من البيت ولا نسيت شلون بسبب هذا الي اسمة أيهم شلون امي اطلكت من ابوية وتشردنا من بيتنا ولا نسيت شلون ابوية باعني بسببه هو دمر حياتنا دخل لحياتنا وقلبها كلها رأساً ع عقب خلة ابوية يطلك امي اخذ اختي شردني من بيتي وجنت طفلة ما فاهمة شي بس كل الاعرفة تشردنا وانتهى امرنا صفينا كل واحد بزاوية مختلفة وهسه من دارت الدنيا جاي تكللي ما يصير.؟ لعد كل هذا الي صارلنا عادي بس هو يدمر مثل ما نحنا ادمرنا لا ما يصير مستحيل ما لازم ينكسر أيهم شاهر
7

علي: حقج بكلشي بس لا تنسين ابوج غدرة ولج لو واحد غيرة طلقة بمكانة وما يرفلة جفن هو صح يشتغل مع هل جماعة كلنا عرفنا لأن هو حجالنا والزلمة ما خايف من شي بس تذكري هو اشتغل مع أهل النظام اجباري ابوه جبره يشتغل وياهم اذا ما يشتغل وياهم يموتونة تدرين شلون بسرعة يدفنونة ويخلصون منه لأن الي يشتغل مع هيج نماذج ما بيده غير خيارين يا اما يكمل وياهم أو يموت..!!! غيرها ماكو لأن مستحيل يتركونة يسرب معلوماتهم للدولة وهم يصفنون علية بس ما حجو معاه لأن متأكدين ما يغدرهم ما يعرفون هو هسه شلون جاي يحفرلهم حفرة يطيحهم كلهم بيها بس اذا تحركتي حركة وحده شمس راح ينكلب كلشي
ضده
3

شمس: وعسا ما يموت

علي: واختج؟

شمس: شبيها؟

علي: شنو شبيها يمكن تحبة أو حتى ما تقبل علية؟
يمكن تخسرينها اذا عرفت انتِ راح تأذينة؟

صفنت بصدمة تقربت علية تحجي ما مستوعبة

شمس: لا علي هي ما تحبة ما معقولة بعد كل هل اهانة والضرب والاغتصاب وكلشي صارلها
تحبة؟

علي: شعرفج شنو بداخل كلبها اذا تريدين تخسرينها روحي سوي الي تردينة.!

شمس: لا مستحيل أنا سويت كل هذا خاطرت بنفسي وفرضت روحي حتى اوصل لهنا واكسر خشم كل واحد بجاها وكاللها ما عندج احد بظهرج ويرجع حقج ما اجيت حتى اخسرها من جديد
2

علي: اذا تحبة وكالتلج لا تأذينة؟

لزمت رأسها بصدمة وحيرة باوعتلة وجها بهت كأنما ما حاسبه حسابها لهل شي ولا مفكرة بي من قبل

شمس: اذا حجت هيج معناها خسرت كلشي.!

علي: ما اريد اقهرج بس هذا الصار هي ما تنطي بي لو ما تريده وتحبة جان كالتلج خليني اطلك منه.!
عليمن باقية عنده اذا ما تحبة.؟ وهي تدري عدها سند اخوانها واختها وابوها وامها كلهم يمها بس تريده وما تركتة ولا حتى جابت طاري الطلاك..!!
7

شمس: لا علي لا تحجي هيج لعد وسنيني الراحن بالملهى وتعبي والضياع الي عشتة وحدي؟ كل هذا راح انتهى معقولة أنا ما اريد اخسرها وابجيها علية اذا تحبة لازم انسى كلشي والتعب الي عشتة اتأقلم علية لأن من صدك تتربط ايدي وما اكدر اصرف بشي اذا رادتة من ارادتها

علي: لا اتعبين نفسج صدكي تريده وما تقبل علية اذا عرفت انتِ الي خبرتي علية وخليتي ينحكم أو اعدام صدكي راح تتبرا منج لأن راح تعيدين الماضي بأولادها هم ليث والبنات راح يشردن مثل ما أنتِ وهي صارن بيج هيج وراح يدمرون العائلة بدون اب وسند ما تكمل شمس تعرفين معنى كلامي وشقصد

جرت الكرسي وكعدت ايديها ع رأسها تحرك من مكانة مسح ع رأسها دنكت بحيرة كلمة وحده ما حجت ضاعت منها الآحرف

علي: جبتي عمرج تفكرين بيهم بس ما بيوم فكرتي بنفسج

شمس: هههه شفكر افكر بشنو ما بقى شي يستاهل افكرلة ولا اعيشة

علي: انسي كلشي وعيشي مثل ما هم عايشين حياتهم
2

شمس: جنت صغيرة سمعت ابوية يخابر بالحديقة من خلال مكالمتة عرفت هو مزوج ع امي وبعد فتره امي عرفت بس سكتت صارت تجيب خالد للبيت بعد ما ابوية يطلع ما جنت أعرف معنى الغدر ولا طعم الخسارة شنو جنت اشوفها تبجي اسألها شبيج يوم تكللي خسرت كلشي بس جنت اكللها لا تبجين حبابة بس هسه عرفتها ليش جانت تبجي وشنو طعم الخسارة وشنو احساسة بس الفرق بيني وبينها أنا خسرت بدون دموع خسرت دم سنيني الراحن

علي: ليش سويتي كل هذا

شمس: يشهد الله لخاطرها

علي: چا الي راح تسوينة هم لخاطرها بكل الأحوال انتِ ما خسرتي شي زرعتي الرعب بكلوبهم ليش هسه محد ما فك حلكة بشي يعرفون الوضع مو مثل كبل

شمس: انطي الأوراق بدون ما احاجي.؟ وعادي كلشي يمر مرور السلام وهو الي يكسب كلشي من صالحة اخخخ من الدنيا

علي: ههه لا ترا ظلمتي خسر صحتة خسر بنتة حياتة ع حافة الموت مع هل جماعة الي يشتغل وياهم شيخسر بعد اكثر من هيج؟

شمس: المصيبة ما كادرة اتقبلة ولا حتى مستعدة اشوف ركعت وجه

علي: شكالو اهلنا كبل بالعراقي.؟

رفعت رأسها ضحكت بهمس تمتمت بوهن وهي تضرب ايدها ع رجلها

شمس: لـجـل عـيـن تـكـرم الـف عـيـن
2

علي: أي وهذا الي راح يصير وياج لخاطر اختج تقبلي عدوج

شمس: ما يحتاج اسألها اذا تريدة أو لا لأن الكتاب مبين من علوانه

ضحك ورجع لمكانة باوعتلي ريمة لازمة ضحكتها

مريم: طلع مصخم البارحة جان يعيب ع عمر يكللة زربة سودة اليوم نص وجه صاير عبالك... عمر
4

علي: شني ولج؟

مريم: شنو؟

علي: أنا دا اسألج شنو حجيتي؟

مريم: أني فهمتك بس ما فهمت شي شنو؟

علي: تعالي حتى اعيدلج السؤال

مريم: احجيلك شي؟

علي: أي؟

مريم: أني بنت صغيرة وبعدني بعز شبابي وما دا اتقبلك تالي اصفى ع واحد مصخم؟
2

رجع راسة لورا حجه بعدم اهمية وهو يغمض عيونة

علي: لا تخافين بس وجهي احترك ما احترك الغالي
32

ضربتة شمس ان بوجع وهي وجها من الفشلة صار ينطي الوان وأني معرف عليمن صافنة أول مرة احس بأحساس الخجل الحقيقي لبين ما استوعبت كلامة طلعت بسرعة وهي لازمتي تمشي ضربتها ع ايدها حجت بصدمة

مريم: والله ما عبالي هيج فاشل ومنحط

ود: تعرفين لسانة زفر عليمن تحجين هيج

مريم: عيع خجلت

ود: طاح حظج ولا استحى من شمس

مريم: عاد هي شمس شلونها احلف عليها هي الي مطكطكة ع زوجها

ود: هسه نحنا وين رايحات

مريم: معرف غير دا امشي وراج

ود: شفتي ابنج ولا اخوج؟

نزلت رأسها ضربتها ع كتفها عصرت اصابعها بيدها

مريم: والله ما فكرت بيهم تصدكين بس فكرت بعلي يمكن تستغربين

ود: لا ما استغرب دمشي طاح حظج امشي نسأل عليهم

رجعنا لمكانة ودخلو الزلم لعلي وشمس وكفت برا
ونوفة دخلت مع كسار بيدها اكل باوعلي وباوع لريمة خلة ايده على خصرة بقلة صبر

ود: جنت افتر هنا ادورك

مريم: صح

كسار: صارلجن ساعة تفترن دوختن المستشفى هسه جدامي بوجهجن للبيت

ود: اسوق السيارة شكلت

كسار: العب حتى ما الحك ادفع غرامات ومن المستشفى السيارة تدخل للجوارين

ود: والله انتَ شايب وأني روحي خضرة مال هسه اطلكك وازوج اغاتك

اشرلي بيده ميخالف بلعت ريكي

نوفة: والله وجهج متين ينطيج وتحجين هيج ام كرش

خليت ايدي على بطني باوعتلها بخبث واني امسح عليها موتتها بمكانها

ود: شسوي غير البيبي يفتر بطني عبالة مسبح ودا يسبح بيها بس يلا عادي فدوة اله نوفة وبطني

نوفة: حامل؟

ود: يا عزا نسيت اكللج دشوفي شلون

نوفة: وأنا كلت عاقر ع امها

ود: لا ترا ماما خلفتني وصتني عليج وراحت أي المهم روحي شوفي حالج شصاير بيج استغفر الله ويوم تسود وجوهم سبحان الله هسه عرفت معنى الاية
13

مشيت وتركتها مرن عشرة أيام وطلعو علي وعمر بس حيدر بقى لأن حالتة ما مستقرة وريمة ما تقبل تطلع وتتركة غصت من البجي وعلي جبرها ترجع حتى هو ضايج علية بس ما قبلو يبقون هنا ويتعب بعد يحتاجلهم راحة اخذهم كسار لبيتنا والعمال بعدهم يرممون البيت ومقدام واثير وياهم وعلي حالتة تحسنت كسار ما قبل يطلعون من بيتنا ابوية اعترض وحجه بس ما اهتملة وهيفاء بقت موجودة ويانا اداري عمر ريمة ما تعرفلة هواي

شمس بقت سبوع وراحت مع زوجها رجعت لبيتها والحسن خبصها كل ساعة يدك عليها يوم تعالي ارجعي لاحظت شي زوجها ابد ما يشك بيها ودايماً رأية يمشي عليها رغم هي ما توطي بس وياه منطيها حرية كاملة التفاهم الي بيناتهم يوضح انو الحب مو مجرد كلام يسبقة الأفعال
3

.. بقى يراجع علي والبيت مليان من ربعة من الصبح لـ لليل بس تنضيف وترتيب خطار طابة وطالعة نوفة ما قبلت تبقى هنا رجعت لبيتها وخواتي بقن حتى مروة بقت ويانا فطيرة بس تضحك وتسولف وتسأل اسألة بايخة مالها جواب وخاتلة جوه ايد علي هي وريمة مناكر
2

-: رتبت الصحونة بمكانهن غسلت ايدي نفضتها من المي انسد باب المطبخ نداريت اباوعلة تقرب الي رفعني ع كونتر خلة راسة ع كتفي قلبت ظهر كف ايدي مسحت ع خدة حجيت بهدوء

ود: عبالك مو بيت سوا ما شفتك هواي

كسار: ميخالف يفضى البيت ونبقى سوا اهم شي يرتاحون هل ثنين

ود: شلون صار حيدر..؟

سكت ما حجه نغزني كلبي رفعت راسة من كتفي مسح جبينة

ود: كسار حيدر شلون صار؟

كسار: حالتة مو زينة ما مستقرة البارحة اختنك بس ما حجيت لحد سعفو بسرعة وعدت ع خير بس صحتة مو زينة

ود: عفية لا ريمة تدري ترا كل يوم تبجي علية وعلي ما يقبل تروح اله

كسار: أنا كلتلة لا تخليها تروحلة أحسن ما تشوف حالتة

ود: بس هو ما لاحتة النار؟

كسار: اختنك من الدخان

ود: يا عمري أن شاء الله يطيب

كسار: أن شاء الله الا اكللج ما لكيتي اغاتي

باوعت للجفجير والطاوة رجعت اباوعلة منتظر أكمل كلامي تحمحمت ابتسمت اله بس وجه جامد

ود: لا والله دورت هواي وما لكيت غيرك

كسار: چا منو يكول بالمستشفى اطلكك وازوج اغاتك.؟

ود: هههه يا حبيبي كلام الليل يمحي النهار معرف كلام النهار يمحي الليل المهم هو هيج

كسار: صايرة ام بيت

ابتعد عني يباوعلي يضحك بخبث لزمت الدشداشة بيها مي

ود: اعصرها ع صماخك الشايب تقلد عليَّ

كسار: خوش طبخ چا ما تطبخيلي من زمان؟ شكد ما اكلت مخلمة حسيت نفسي ديج شوية واطير واطيح
2

ود: لا عيني ما اطبخ بس لخوية ما اطبخ لشايب تعذرني

كسار: افاا والشايب؟

ود: الو الله

كسار: والنعم بالله بس الو ميامين هم خوش حرمة.!!

ود: أي روحلها يمكن تلمك وتلم شيباتك يا شايب يا عايب

كسار: والله صح كلامج

راد يطلع كلبي وكف صبيت مي بالكلاص وذبيتة علية باوع لملابسة عض شفتة عقد حاجبة حجه بخفوت

كسار: ليش يا كوتة

ود: تروحلهااا

كسار: صوتج يا رب العزة غير دا اروح لعلي

ود: يا عزا سودة عليَّ لعد روح غير ملابسك تبللن

كسار: حظريلي ملابس ما اريد أصعد

ود: عيع مو كلتلك شايب ما بيك حيل لشي

كسار: خواتج بغرفتج اكعد وياهن؟ دكومي لا اطمس راسج بالجدر

حكيت حاجبي بفشلة اخذت الطاوة بيدي طلعت من المطبخ اخذت ملابسة دكيت باب الحمام اخذهن مني جرني من ايدي رفعت الطاوة ردت أصرخ دخلني للحمام طبك الباب دفعني ع حايط يضحك كتم صوتي بيده رفعت الطاوة ع راسة بس  يسوي شي اضربة بيها
1

كسار: اشش اشش صوتج فضحتينا

ضربتة بالطاوة ع كتفة بعد ايده عني اخذ الطاوة مني خلاها ع صفحة حجه بضحكة وهو يبوس ركبتي ضربتة برجلي داس برجلة فوكاها خلاني ادمع لو ما العيب الا ابجي

كسار: هلا بالي حظورة يجل السلف واهلة

ود: هلا بالي الطاوة راح تنام براسة

كسار: بروح اهلج اتركيها بالحرام تخوف أكثر من الصياد

ود: ترا متعودة عليها

كسار: چا هذا هم حظي ما تتعودين عليَّ

دفعتة عني عدلت نفسي باوعت للمراية دخيل الله اخوف هذا ع شنو حبني خطية حسيتة مظلوم

ود: يا روح الروح شلون ما متعودة عليك بس خلي اعدل كفشتي لا تشرد

كسار: شلون اقنعج احب وصخج وكفشتج
2

ود: يا عمري فشلتني الله لا ينطيك
3

ضحك بقوى عدلت شعري ع مراية حضني من ورا

كسار: ما افشلج بس متعود عليج

ود: تدري يحجون وياي كلام يسم البدن لأن اتصرف وياك عادي وما اصنع؟ يكلولي تصرفاتج غلط بغلط ولعبان نفس

كسار: محد ما يحجي وياج هيج الا بحالتين

ود: شنو؟

كسار: الحقد والغيرة اكو من يكرهج ويضوج من يشوفج مبتسمة وتضحكين حتى بأسوء حالاتج واكو من يغار منج يغثج بس يبقى وراج لأن ما كدر يلوحج الناس اطباعها مختلفة البعض يكرهون الي يفرح ويضحك بدون ما يصنع والنوع الثاني يكرهون الي يعيش حزنة أو يتفأل لهذا لا تهتمين لكلامهم لأن بكل الأحوال هم ما يرضون ع شي وابسط مثال ما يرضون ع اشكالهم ويحسون بنقص بنفسهم شتترجين منهم؟ تردين يرضون عليج وهم بأنفسهم ما راضين ع ارواحهم

ود: جانت عمة نوفة تكللي الطايشة

كسار: لا تجاوزين عليها بس اشتغلي ع بارد نوع من التجاهل والاحترام هيج راح تخلين الي يكرهج يكره حالة لأن يحسج خطية وليش يكرهج؟ ومن جانب ثاني يكرهج لأن تجاهلينة والكلام الي ما عجبج اطنشينة راح تتلاعبين بيهم نفسياً ولو تدرين حرب النفسية شلو تذبح الروح موت ع بطيئ

باوعتلة بالمراية ضحكت وهو كمخني على كتفي بخفة

ود: المصيبة ما اكدر اسوي هيج الا اصرخ واغلط وبالتالي اطلع أني الخسرانة لو حتى هل شي من حقي

كسار: تصرفين بتهور تبقين خسرانة

ود: ما اكدر اغير طبعي

كسار: لا تكدرين لأن هل شي بيدج وانتِ تتحكمين بكلشي وهسه تعالي ابوسج لأن ما منها مجال ام كفشة

خليت ايدي على شفتة خزرتة

ود: مو أني ام كفشة؟ روح بوس الحياطين

كسار: جربتي بيوم تحسين بالخجل؟

ود: لا مو هواي يعني كم مرة حسيت نفسي خجلانة وبعدها نسيت شي اسمة خجل ولك الشايب صاير اطك بالكاع تذبح ذبح شطالع اليوم

عفس وجه رفعت رجليَّ فوك رجلية بستة بخده راد يلزمني طلعت ركض دخلت للمطبخ فارغ بس أني احوص بمكاني دخلت لعلي صافن ع سقف كعدت وياه حضنت ايده ضمني لصدرة

ود: شبيك علاوي كلبي

علي: عبالي كسار جاي يحجي وياي

ود: مو زين ادلعك شبيك لخاطر ربك

علي: قدي

رفعت راسي بستة بخده المحترك ايده مضمدة بس وحدة سليمة بس تعبان ومضرر هواي

ود: ليش مزعل ريمة علي ليش

علي: تريد تروح للمستشفى

نزلت راسي معرف شحجي عصر ايدي مبين علية متوجع

علي: ريحانة صيحيها الي

ود: تدلل

طلعت للغرفة فتحت الباب اباوعلها كاعده وكدامها عمر مفلل من الكماط يلوح بيده مخلية البطانية ع رجلية دموعها تنزل بصمت كعدت يمها مسحت دموعها فزت تباوعلي

ود: عليمن تبجين مو كافي حتى عيونج ذبلن وجهج شحب كافي حرام عليج تأذين بروحج

مريم: امانة ابوية وامي ما كدرت اصونها روحي احتركت ع اخوية صارلي أيام فاقدة صوتة ملامحة بدت تغيب عن عيوني هذا اخوية شلون أني كاعده هنا وهو هناك ما اعرفة صحى؟ بي شي ما اعرف كلشي

ود: دكومي هسه اخلي كسار يأخذج اله ونقنع علي بس امسحي دموعج واحجي بهدوء مو الا دموعج تنزل

مريم: ما يقبل والله ما يقبل ما اريد الح علية هو تعبان هواي ما شفتي حالتة فوك خسارة البيت بسبب اخوية وازيدها علية

ود: انجبي شهل كلام تحجين صدك والله لو يسمعج هيج تحجين الا يعيد عليج كتلت قبل كومي وياي كومي دا يصيحلج

طلعت هي خليت عمر بحضني يا حياتي شصاير بي خدوده ذبلانات من العلاج وايديه الصغار مجكجكة من الكانونة

اكلتة اكل واني ابوسة احجي وياه ما يفتهم شي بس يرفع عيونة ويغمض نيمتة بحضني باوعتلة غافي رجعتة لمكانة شميت ريحتة تجنن غطيتة زين طفيت ضو الغرفة وطلعت صارت بوجهي دعاء لزمت ايدي باوعتلها بأستغراب حجت بقهر

دعاء: احسج مقهورة مني بس وداعتج أنا جنت مقررة انتِ تكونين أول الحظور وياي

ود: لا والله عادي المهم انتن بخير الحفلة وهل شي مو مهم لا زعلانة منج ولا من رغد تتهنن ان شاء الله
4

دعاء: متأكده ما زعلانة مني؟

ود: لا والله عادي بس شلون صارت علاقتج وياه؟

مشينا للمطبخ وهي تسولف

دعاء: هو زين وياي بس ما كدرت اتقبلة

ود: والله يحبج بس انتِ معرف شبيج واذا جبرج ع زواج ترا سوا هيج لخاطرج

دعاء: علي عرف

ود: شنو

دعاء: أنا كلتلة والحزام شبط جسمي

رفعت الدشداشة من رجلينها لجسمها باوعت لظهرها ازرك

ود: صخام الصخم وجهج دعاء شسويتي بروحج

دعاء: ما كدرت اظم عنه أكثر صح انكتلت بس صالحني بالزفة ما خلاني زعلانة منه وكال اذا ما تريدين مقدام هسه اطلكج منه بس معرف ليش ضجت وبقيت عند مقدام

ود: عليمن هل جذب كولي احبه وخلصيني

دعاء: لا ما احبه بس ساعدني هواي حتى من حجيت لعلي هو ما جان يعرف شي ومحذرني احجي لحد بس ما كدرت

ود: الحمدلله حزام ولا عدام

دعاء: والله رب العالمين وكسار خلصوني من ايده تكسرت الدم يطلع من خشمي وما ابتعد

ود: نرجع للحقيقة ونكول تستاهلين

دعاء: صح وهاي جزاتي

ود: تعلمتي من غلطتج واكيد بعد ما تنعاد بس حاولي تتقبلين مقدام لأن ما تلكين هيج رجال يوكف وياي رغم غلطج
4

دعاء: أي خوش

باوعتلي بنص عين كعدت تنضف الخضرة ثرمت البصل عيونها دمعن دخلو اثير ومقدام وكسار يغلط عليهم بهمس بس ما يعرف صوتة واصل لهنا دخل مقدام للمطبخ أخذ خيارة باوع لدعاء يضحك

مقدام: باوع شلون جهرة تخبل

ود: لو تدري شنو جانت تحجي الا تلطم

مقدام: احجي ولج

ود: معجونية لو سمحت

دعاء: جذابة شتحجي لا تصدك كلامها

ود: والله بكيفك

خلة خمسة وعشرين ع كونتر اخذتها باوعت لدعاء مصدومة

ود: كالت احبه بس استحي منه من ورا غلطتي كامت تبجي الا عيونها صارن حمر
6

ضربت صدرها بصدمة وهو يباوعلها هم مصدوم حجيت قبل لا اطلع واسد الباب عليهم

ود: بس عادي ترا اختي مو أول وحدة ولا آخر وحدة تغلط تحبك لا تذلها وتصير نحس مثل اختك شموسة

مقدام: بلا ود سدي الباب وراج

دعاء: جذببب والله ما حجيت هيييج

ود: استغفري الله شجاج؟ شهل جذب عادي واذا تحبينة؟ مو احسن ما تتبجبجين علية بتوالي الليل

سديت الباب وطلعت خليت الخمسة وعشرين بصدري استغفر الله العظيم الله يقدرني ع فعل الخير
22

تقرب كسار يريد يدخل للمطبخ تخبلت

ود: وين وين حبيبي

كسار: حبج برص اريد أدخل للمطبخ شني وين

ود: برص يكرصك بنص عينك

كسار: أنا اعلمج ع طولت اللسان يا رعنة

دفعني راد يدخل لزمت ايده

ود: مو مقدام دا يحجي مع دعاء جوه عيب ما تخجل تدخل عليهم

كسار: مو وكت حصراتهم اريد أخذ الغدا لعلي صار وكت علاجة

دك الباب بقوى درت وجهي بفشلة طلع مقدام يضحك حضن كسار وكسار ضربة

مقدام: لك شهل يوم هذا الجميل

كسار: هاي زوجتك عليمن حاضني

مقدام: لك اييييي

كسار: وجعي الرجال نايم شصار ع بيتة

مقدام: كمل بس الحوش بعده

كسار: عينك علية اريده مثل كبل واحلى

مقدام: والله المقاول خوش رجال

هز راسة اخذ أكل ودخل للصالة يوكل علي شربة العلاج وفتح الضماد يغيره

دخل جوه وطلعت دعاء عيونها مدمعة سحلتني للغرفة ما احس الا ريمة تقربت عليَّ بيدها نعال كتلتني هي ودعاء صرخت ومريم سدت حلكي بيدها ودعاء ضربتني بالنعال تركني وأني فاتحة ايدية شوية وانجلط
11

مريم: جلبة البربوك خلتة يرزلني

دعاء: وين ما اشوفج اكتلج

ود: كساااريييي

دعاء: هسه يجيج يا مخنثة

عضتني من ايدي سمعت صوتة نفسة الي كان بالمستشفى ركضت ركض للشباك وهن وراية يباوعن دخلو نفسهم الزلم بس وياهم أربعة شباب وهو دخل وياهم

ود: عليجن الله مو يرعط رعط

دعاء: هاي الزلم

مريم: والله أحب علي بس هذا يموت
6

ود: ذكرتوني بشي جميل

دعاء: باوع الطول عسا غيرك ما يدنك ويدخل
3

ود: ولكممم اخخخ مال هسه اتغزل بي

مريم: والشايب؟

ود: عيع ولا واحد بيهم يأخذ مكانة بكلبي بس كلمة بوية تسواهم كلهم انعل ابو الجمال اذا يجي واحد بجمال الشايب مالتي
3

مريم: صارلج ساعة تتغزلين بالولد؟

ود: مو حلو يجبر الواحد يتغزل بي

دعاء: وعليمن هيج ثكيل والكاع ما شايلتك

مريم: حقة ينغر

انسد باب الصالة عرفتة هذا الشايب يعرف دا نباوع وخبث خرب روحك شكد خبيث

صبينا الغدا نقلو اثير ومقدام للصالة كعدت اكل من جهة الصالة اباوع للباب وخليتهن ع صفحة دقائق بس ورجعو الولد يرجعون المناسف للمطبخ تعبت ما بقى بيَّ حيل امشي البنات غسلن المواعين طلعو يغسلون للمغسلة نباوعلهم من الشباك نكدر نشوفهم بس ما يشوفونا وهيفاء تهز ايدها انتبهت مروة ماكو لطمت ع خدي بقى آخر واحد يغسل

ود: مروة وينها
2

دعاء: صعدت تشر ملابس علي أن شاء الله ما تنزل لحد ما هذا يدخل للصالة

ود: مو تعرفين عدنا خطار ليش خليتيها تطلع

دعاء: والله قبل لا يجون خليتها تصعد بس هسه تلكينها تغني وتهز شعرها حاسبة روحها ساجدة عبيد
3

مريم: خلي تنزل وهو يغسل عليكم الله حتى تصير لحظة حُب وهي اطيح بالكاع ويسندها من ظهرها وشعرها يطيح بالكاع ويغمى عليها
2

رغد: دكافي طلعت روحي من الكرنج
3

نزلت مروة مخلية سلة الملابس ع خصرها لطشت وجهي ع شباك ومريم عصرتني عصر تباوع وياي ورغد دخلت رأسها من جوه ايدي وهيفاء تكمخ بينا

باوعتلة وهو باوعلها صعدت تركض وهو ضحك ودخل للصالة
18

صفكت بيدي ومريم ضربتني راجدي لزمت خدي بصدمة حجت وهي تضحك

مريم: والله مو ع قصد بس شكلهم حلو
3

ود: ليش تركتة ليش ما كالتلة احبك

دخلت هي ايدها على كلبها وجها احمر من صدك ضجت عليها مختلفة عنا لا تعرف هل سوالف ولا تسوي شي مو زين حدها تأكل وتدرس وتضحك بس ما عدها مثل سوالفنا صح أني اصغر وحده بس كلنا نحس هي أصغر وحدة بينا

رغد: الف مبروك

باستها دعاء تسلم عليها

دعاء: بالرفاه والبنين اهم شي المشهد ما راح مني الحمدلله

مروة: مشهد شنو ترا الولد بسرعة دخل وما حجه شي واذا بقيتن تحجن وياي هل شكل الا احجي لعلي يكسر ضلوعجن

راحت وهي ضايجة

دعاء: كبلج كلناها وهسه غركنا سوا

رغد: أني حتى كرامة ما عندي جنت اكول لو يبقى آخر واحد ما اخذه اشو بسرعة تزوجنا والحمدلله كلشي مر ولا عبالك جنت اكرهة
1

مريم: الي لعبتها صحيح هي ود

ود: شعبالجن رباني يزوجني وغصباً عنه

هيفاء: الله يرحم معرف منو سحلتها من مكانها حتى بس تلزم العقد ونزلت لابسة أسود بأسود

ود: هاي مو أني هاي قريني
3

ضحكن هن شوية وراحو والبنات راحن كل وحدة لبيتها بس اثير وهيفاء بقو هنا راحت ريمة لعلي وكسار دخل للغرفة بقيت كاعده ع درج اباوع للموبايل اقلب بالأنستا كعد يمي باوعتلة رجعت اباوع للموبايل

كسار: ما ناوية تنامين

ود: لا والله ما اجاني نوم

كسار: ابقي شوية وادخلي نامي

ود: مبين عليك تعبان أدخل نام عليمن كاعد

كسار: ما يصير تبقين وحدج بتالي الليل بمكان معزول احتمال تسمعين اصوات أو حركة غريبة ولا حتى انفاس حارة مثل هذاك الرجال الي حس ع نفسة مو طبيعي واكو شي فوك صدرة وطلع الي ابالج متلبسة

ود: احم والله نعست تجي تنام؟

كسار: لا أريد اسهر

ود: كسار كوم نام

كسار: لا

ود: مو تخوفني وتالي تكول لا غصباً ما عليك تنام يمي

لزمت ايده وصعدت وهو يضحك ختلت بحضنة غطاني وعصرني بحضنة بقوى بستة بصدرة وغفينا من التعب ما ندري الساعة شكد صارت ولا عبالنا اليوم أحلى من بأجر الي خلانا نبجي دموع من الحزن
29

شمس....
رجعت للبيت مع نشهل كعدت ع تخت صافنة بحيرة
دخل يغسل ذبيت الحذاء اندك الباب صحتلو يدخل
فتح الباب مد راسو شاف الحجرة فارغة ركض عليَّ فتحتلة حضني حضني بسرعة بستو بخدو كعد يمي جر ايدي بيده يحجي بضوجة

الحسن: يوم عجل هو هيج أعرف اهلج بس ظليتي هناك جثير غير هذا بيتج اتركيهم

شمس: اخوية جان مريض اتركو برأيك يصير؟

الحسن: لا ما يصير

دحكلي بنص عين ضربتو ع ظهرو ضحك ونزل جوه طلع نشهل ينشف شعرو من المي تكربت علية اخذت الخاولي منو نشفت شعرو عصر خصري بيدو حجه بتسأل

نشهل: صفناتج شني تفسر؟

شمس: ولا شي

نشهل: الي عندج احجي اريدن اسمع منج مو من غيرج

كعدت وياه كضب ايدي بيدو

شمس: واذا سمعت من غيري؟

نشهل: مــا تـحـلـيـن عـلـيَّ لــيـوم الـديــن
10

شمس: واذا انجبرت اسكت؟

نشهل: عليش تسكتين بديناها سوا تحجي العندج لا عبالج كلبي مطمن من سكوتج اهجس وراج بلا

شمس: مو هساع نشهل

نشهل: عجل هيمت يولي
4

شمس: خليها من انتَ تعرف أحسن

نشهل: عليش؟ حتى اطلكج؟
1

شمس: لا بس مو كلشي ينحجي بهل ظرف

نشهل: ماشية بشي مو زين؟

شمس: انا؟ لا والله ما عندي هيج شي

سكت بس نظراتو ما سكتت عن الي راد يحجي تركتو ونزلت جوه ما اريد اظل وياه بمكان واحد واحجيلو كلشي

قسم: وين كل هل غيبة يولي

شمس: شسوي غير انجبرت ما كدرت ارجع لحد ما شفتو صار زين شوية ما اجاج سواد؟

قسم: امبلا

نزلت رأسها بيدها الموبايل كعدت يمها

شمس: طلكج؟

قسم: أي

حجتها وبجت ذبت الموبايل حضنتها وجنات صافنة علينا

شمس: تبجين لحظة ولا العمر كلو

قسم: بس شمس ما اكدر احجيلج شلون فرحان عيونو تلمع عبالك خلص من شي ثكيل ع صدرو

شمس: وانتِ هم خلصتي نفسج من الهلاك.

جنات: اذا هيج تحبينو عليش خليتي يطلكج

قسم: هههههه

كرصتها بيدها سكتت

شمس: هو عندو وحدة بالو وهي اكو غير سواد واكو من يحبها ويلمها بحضنو أحسن ما تبقى عند انسان عقلو وكلبو عند غيرها

جنات: عجل لا تبجين

قسم: أي

مسحت وجها دخلت للمطبخ وهن وراي مسحت الطباخ طلعت كلاص غسلتة شربت مي اندك الباب نزل نشهل راح فتحو استغربت وأنا اشوفو يسلم ع نشهل طلعت الو مجرد سلمت علية ونطق بسرعة مستعجل

وائل: امي تريدج اذا تكدرين أخذج هسه واردج هنا أنا بيدي من رخصت نشهل

نشهل: شوف رأيها شني أنا اخذها

شمس: عليش تريدني.؟

وائل: والله علمي علمج خلتني اطلع ركض حتى بس اجيج هنا

دحكت لنشهل اؤملي براسو لزمت شفتي

شمس: اكعد ارتاح شوية ونطلع

وائل: والخلقج مستعجل مو مال كعده خليها ع غير مرة

نشهل: ارجع لشغلك لا تشيل هم هساع أنا اخذها

وائل: چا يابة أنا استودعكم بس لا تبطين

شمس: الله وياك انتبة من الطريق

وائل: من عيوني

راح هو عفست وجهي ما اريد اروح ونشهل يلح يلح

نشهل: روحي يولي تظل امج

شمس: اهو رجعنا

نشهل: امشي البسي أنا منتظرج هين

دخل الحسن كضب راسو بوجع

الحسن: هم راح تردين يوم نص ساعة وترجعين بسرعة لا والله اخلي سواد يجيبني عليج واسحلج من بغداد للأنبار اهلج منين طلعو كل ساعة وتعالي شمس دعوفوها دكافي كافي
4

نشهل: يسحل منو؟

الحسن: يسحلني يسحلني

طلع برا ضايج خليت الشال ع راسي طلعت برا صحتلو اجى طاير دخل وسد الباب خليت ايدي على اكتافو صعدنا للحجرة

شمس: هساع انتَ عليش ضايج

الحسن: عجل انتِ تروحين وتخليني مكابل نشهل الي بس يشتغل ولا قسم بس تبجي ع سواد عبالك ما انخلق غيرو ولا عند جنات بس تعوي تريد من يشتريلها
7

شمس: ما أطول ساعة بس وعد وارجع

الحسن: يُمة جثيرة نص ساعة وهاي هيَّ

شمس: هو هم هيج يلا انزل جوه وعينك ع بيت أنا وابوك راح نطلع اقفل البيت من جوه ولا تخلي ايمن يدخل هين ابد

الحسن: شحدو حتى احش رجلينو

شمس: عفية حبيبي

نزل هو لبست ملابسي ونزلت وراه طلعت مع نشهل بنص الطريق رجعت هواجيسي الها شتريد مني بعد كل هاي السنين وجهي ما جانت تريد تشوفو هساع شعدها وياي

نشهل: عليش ضايجة

شمس: شتريد مني عليمن طلبتني؟

نشهل: يمكن صحى ضميرها

شمس: أي واضح

نشهل: شوفيها شتريد وارجعي لا تضوجين

وصلنا الهم نزلت وياه دك الباب شوية وفتحتو عفرا سلمت عليها وهو ما قبل يدخل بقى برا دخلت للهول الها سديت الباب وراي باوعتلي بيدها كانونة ما كدرت حتى تتحرك من مكانها كعدت يمها رفعت ايدها لزمت ايدي نترتها منها رجعت لورا شوية غمضت عيونها دمعة طفرت ع خدها

شمس: خيرج حنين وائل كال تريدج؟

حنين: تعالي يمي

شمس: كولي العندج ما اكدر اتأخر

حنين: ولج منين الج كل هل قساوة
3

شمس: من حنين والله هساع شتردين؟

عدلت نفسها ما ساعتدتها ولا تقربت الها رغم هي طريحة فراش

حنين: ابريني الذمة شمس جاي اختنك

شمس: وأنا شعلية؟ على شنو ابريج الذمة؟

حنين: لا تغشمين روحج تعرفين مقصد كلامي

شمس: لعبتي بشبابج لعب وذبيتيني حتى ما كلفتي نفسج تسألين عليَّ وهساع جاية تكولين ابريني الذمة؟ بالحق أنا الي اطلب منج رضاج
2

حنين: أعرف أعرف شكد قسيت عليج وانتِ مالج ذنب بشي أنا من عرفتة تزوج عليَّ بنفس السنة وانتِ عرفتي بس ما حجيتي عرفتج ع صنف ابوج وكرهتج
2

شمس: شهل جذب؟ أنا بعدني بعمر ثمن سنين وعرفت هو مزوج عليج حتى ما اعرف شنو الزواج ما حجيت شي لأن أنا طفلة شفهمني بهل سوالف؟
اذا هو تزوجج وتزوج عليج بشهر انتِ من عرفتي عليمن بقيتي كاعده عنده؟

حنين: وهسه عادي عندج تضحكين مع اخوج وامه؟

شمس: هذا اخوية شعلية بيكم؟ انتِ مو اطلكتي ورجعتي لحبيب كلبج؟ عليمن اجيتي هسه تحاسبيني ويامن اضحك ويامن اسولف؟

حنين: أنا ما نويت اتركج انتِ واختج بس هو باع اختج وخلاني اتركة
2

تقربت الها ضحكت بأستهزاء نزلت عيونها بتوتر

شمس: شقدمتي النا؟ ترا اختي بنت زنا لازم نسيتي افعالج الوصخة؟ مو جنتي تجبريني اطلع برا البيت أو تحبسيني بالغرفة حتى خالد يدخل للبيت براحتة وبعدها تخلينة يهددني وما احجي لميثم؟

حنين: كل الي صار بسبب فارس هو حتى ما احترمني من أول شهر زواجنا تزوج عليَّ بعد مدة عرفت خلفت ولد وانتِ اجيتي للدنيا وهو ساكت يتركني حتى يروح الها حتى فلوسة وشغلة الها مو الي جنت ما عندي ملابس البس مو كدامج وهي تلبس أرقى الملابس بعد ما أخذ اختج تخبلت ليش ما انطى ابنه أو انطاج انتِ ليش انطى حور الهم وكرهتج ع كرهة تركتج عنده ورجعت لبيتي واولادي وعشت براحة خالد يحبني ما تركني مثل ابوج
9

شمس: تدرين كرهتج أكثر وكرهت اعذارج الي اقبح من افعالج وكرهت الساعة الي صرتي بيها انتِ امي استحي حتى ارفع عيني كدام أحد بسبب سوالفج الما تخلص اذا انتِ عشتي مرتاحة فأ تذكري بناتج ما عاشن براحة خليتينا كل وحدة بصفحة الجبيرة واكفة بمركص والصغيرة صارت محطة لجنون واحد ما يعرف الرحمة شنو وانتِ بكل صلافة لميتي اولادج وبيتج من

جديد وعشتي براحة وهسه جاية تكليلي ابريني الذمة؟

حنين: بس انتِ ما قصرتي رجعتي واخذتي مكاني رجعتي واخذتي حقج وحق اختج كافي لشوكت تبقين عامي عيونج الحقد الراح راح بعد انسي الصار مو كلشي لازم تذكرينة
3

شمس: أنا الحقد يخاف مني أنا أكبر نذلة وحقيرة بعدج ما عرفتيني زين من حقارتي الكل يكرهني والحقد بكلبي يلعب نامي زين واطمني بعد ما سويت شي بس وداعت عزيز كلبج لا ابجيج يا حنين

طلعت وتركتها باوعلي وصعد بالسيارة صعدت وياه طول الطريق وهو ساكت ما حجه شي

شمس: كلتلي أوراق فارس عندك؟

نشهل: وأنا عند كلامي

شمس: تمام نشهل أخذ اوراقة وخبر علية ولا تريد أنا اصرف؟

نشهل: هذا آخر كلام متأكدة؟ ترا شغلتو مو سهلة اذا خبرت علية راح يروح بس ربج بالمعجزات يطلعو من السجن اذا ما نقلو لمكان ثاني

شمس: والله ياريت يجيبونو مجفن

هز راسو رجعنا للبيت فتح الجرارة ذبيت الشال ع تخت كعدت دايخة أخذ الأوراق من الصندوك لبس ملابس الدوام راد يطلع حجيت ورا

شمس: شلون ارد جميلك؟

نشهل: أنا انسان فقير من أهل الله بوسة حضنة نعمة
5

شمس: صح فقير صح امشي منا نشهل

نشهل: والله مال اطكج هساع بثنين نسوان واخليج تهلهلين
1

شمس: وشنو عبالك ازعل؟

نشهل: برنو تقبلين ازوج عليج؟

شمس: مو تدلل الا جفنك والتابوت وفاتحتك على حسابي
1

نشهل: ما تكصرين والله راعية واجب من زمان

شمس: تعلمت منك الكرم اغركك بي

نشهل: يا خالي السالفة حمت خلي اروح

ضحكت وهو راح شوية وصعدت قسم كعدت يمي خلت المخدة بحضنها

قسم: اكللج هذا اخوج؟ ي..
3

شمس: عجبج؟ تردينو؟ اخطبو؟ الج حبيتي ترا دمو حلو وفقير وحنون خوش رجال وجمالو يجنن يلا ع بركت الله مبروك
13

صفنت عليَّ مصدومة ضربتني ع كتفي

قسم: ولج شحجيت أنا بس كلت هذا اخوج يعني من امج لو من ابوج؟

شمس: لا من امي بس عينج علية؟ شبيج

قسم: والله لا مو هيج بس انتو سالفتكم ادوخ ما اعرف اهلج جثير لهذا سألتج

شمس: تريدين حسابو راسلي؟

قسم: شمسسسسس

سكتت وهي تهز ايدها خليت ايدي على بطني عصرتها بقوى وجع قوي دمرني باوعتلي بقلق عصرت الفرشة بحياتي ما حسيت بهيج وجع

شمس: انطيني الموبايل

قسم: شبلاج شمس راح تولدين تحجي يولي

شمس: لا بس كومي انطيني الموبايل لا اجيبج براجدي اولد ع راسج

خلت الموبايل بيدي دكيت ع سواد ع حظي الحلو رد بسرعة

شمس: موجود هين؟

سواد: أي مكابل فيصل خيرج؟

شمس: تكدر تجيني؟

سواد: جايج

شمس: لا تبطي ترا اطلع من البيت وما انتظرك

سواد: والله ما عندج واحد كفو يضبج

شمس: ضب روحك

قفلت الموبايل وذبيتة ع جرباية لبست الصاية بطني سجاجين وتشرح داخل احشائي تمردت تمرد
وقسم تفتر فوك راسي خايفة عبالك هي الي تتوجع دوختني

قسم: هساع تولدين

شمس: لا بعد شهرين

قسم: يمكن يجي سبيعي

شمس: مو وجع ولادة تقلصات تروح وترجع

قسم: ياويلي وجهج صار ليمونة

شمس: ما علية شي

انفتح الباب ودشت جنات تفرك بيديها

شمس: اجى سواد؟

جنات: أي بس انتِ شبلاج

شمس: مابي شي

طلعت الو وقسم اجت ويانا وصلنا للمستشفى وهو يحجي يحجي ولا سكت دوخني نزل وياي هز ايدو

سواد: كل يوم جيبوني جيبوني ورجعوني هل فرخ ما جاي يطلع للدنيا شايل خشمو شبلاه كل يوم مهجولنا ساعة مستشفى ساعة بالبيت
1

شمس: أششش أششش اسكت لعبت نفسي بس تلغي تلغي دكااافي

سواد: هو انتِ وجه وحدة تحبل؟ مطي وزايد عليج
6

شمس: ما يحتاج مطاية سواد ما مكصر
4

تركتو بصفنتو ودشيت للدكتورة اخذتلي سونار عاينت للشاشة ما فاهمة شي بس من عقدت حاجبها عرفتها راح تحجي شي يغث

::- ماما انتِ شنو اكللج التدخين مضر ع صحة وانتِ مشبعة جهاز التنفس تدخين

شمس: بس تركتو صارلي شهر

عدلت نفسي مسحت الجل من بطني عدلت النظارات باوعت للاوراق حجت بغرابة

::- ما يكفي المدة الي تركتي وانتِ مشبعة من التدخين

شمس: ما اضن راح يعيش الطفل لأن بين سبوع وثاني أوصل لهل حالة بس هل مرة الوجع اشتد أكثر

::- حجيتي الصح الله يعوضج ما أكدر انطيج أمل يعيش حتى هل شهرين

دخلت قسم تعرفها كل مرة تجي وياي لهين كمت من مكاني دخلت دخت الدنيا تفتر بيَّ قربت مني المي شربت شوية كعدت بمكاني ما كدرت اتحرك

قسم: دكتورة سقطت؟

::- ع اغلب هيج حتى العلاجات ما جاي تستفاد منهن شي
4

شمس: عجل راح اترك العلاج

::- لا لا مو بسرعة تتركين كلشي

قسم: وهي حالتها شنو؟

::- التعب عليها أكثر منو بس نكول احتمال نغير العلاج ونكمل

شمس: ما راح أخذ أي علاج كل يوم احس احشائي تتمرد يمكن مالي قسمة بي

نزلت رأسها لأن كلامي صح اعتبرت روحي من صدك سقطت كل يوم هل تعب وصيت قسم تكللهم سقطت أحسن لأن بلا أمل حتى يعيش بس اترك العلاجات راح اسقط ما صارن ينفعني بشي
1

طلعنا لسواد وبعده يحجي

سواد: يلا يمعودة واذا راح الله يعوضج غيره دحكي يولي مادام ما مقسوم يعيش الج لا تحركين كلبج هذولة جهالنا شكثرهم اخذي مشمور منهم كلهم نفس اللون
2

شمس: لا انتظرك تخلف واخذ ابنك

سواد: بربج عبالج امانعج واكول لا لا بروح أهلج اخذي واخلف غيره تعداد جديد
5

شمس: اكص ايدي اذا انتَ صاحي

سواد: احلف عليج تغارين مني ومن جمالي

شمس: غدي

ضحكت قسم وهو عفس وجه يباوعلي وصلني للبيت ما قبل يدخل طلعت جنات والحسن وقسم راحو وياه لبيت فيصل دشيت جوه سديت الباب خليت الجنطة ع صفحة

دحكتلو بأستغراب وأنا اشوفو صاير نار بمكانو كاعد يهز رجلو بعصبية شافني رفع شعرو بيدو

نشهل: وين جنتي؟

شمس: بالمستشفى عليش صاير شي؟

نشهل: عليش شبلاج؟

شمس: سقطت

نشهل: احسسسسن شيييي صااار اليوووم
7

صرخ بوجهي كعدت كدامو كضبت ايدو دفعني عنو

شمس: شبلاك؟

نشهل: والج عين تسألين؟

شمس: طبعاً غير أعرف شبيك عليَّ؟

نشهل: ماخذة الأوراق تخص أيهم؟

شمس: أي

نشهل: تصرفين بكيفج وكبلها حذرتج لا تخطين خطوة بدون ما تحجيلي والصار العكس مشيتي وحدج وخليتيني ورا ظهرج هساع ماخذة الأوراق وحاركتهن وتجبرين اختج تطلك؟ كل هذا وأنا ما اعرف شي؟
14

ضحكت بصدمة واستهزاء كمت من مكاني أريد احجي كام من مكانو كضبني من ذراعي صاير كُتلة من نار

نشهل: تحجي يولي كلامهم صحيح...؟

شمس: لا مو صح تعرفني شنو لا تسألني ابد
2

كعد بمكانو خلة ايدو على راسو تقربت بهدوء
كعدت بالكاع وياه

شمس: شغيرك عليَّ...؟

ما جاوبني يذبحني بسكوتو اريدو يجاوبني
كضب وجهي بيدة بلع ريكة

نشهل: تـحـبـيـنـي.؟!

شمس: أي

باوع بعيوني أخذ شفتي بقسوة ما منعتو
ابتعد عني وكف بالباب حجه برود

نشهل: أنتِ طالك
70

ــــــــــــــــــــــــــــــــــــــــــــــــــــ
لـم اعـرف كـم بـقـي مـن الـوقـت ولـكن لا وقـت لي
1

حــــــــور
7


وكفت ع صفحة خايفة ترجف بشكل واضح ردت اعدل جواهر صرخت حلا وهي تبعدني عنها

حلا: لالا تموت يصيرلها شي وتثبت البصمات عليج

حور: البنت بيها نفس تحجين صدك حلا اذا بقت بمكانها تموت من صدك

جريتها من الدرج وياسمين وياي غمضت عيوني رأسها ينطي دم مثل النافورة رشيت ع وجها مي مسحت الدم من وجها وياسمين كشمت دشداشتها خليت دشداشتها ع رأسها ضغطت ع دمها حتى يتوقف وياسمين لبستها جبة باوعت لنجود صافنة خايفة

حور: صيحي الحارس بسرعة

راحت تركض وعمة ضحى وياها شوية ودخل وياها الحارس احتارينا شلون نشيلها جسمها ثكيل ما شاء الله ضخمة مو ضعيفة أبد تالي الحارس طلع قرب السيارة من الباب وفتحو صكاتين شالوها الحراس وراحو وياهم عمة ضحى وسمر وياسمين

كعدت انهد بسرعة كلبي يوجعني من هل مشاهد وجسمي يرجف
3

كمت من مكاني وباربي كعدت ع درج لازمة رأسها
خليت زاهي ومعطر وتاي خبطتهن سوا نضفت مكانها من ريحة الدم مسحتة بالوصلة اجيت كعدت يمها وهي ترجف
1

حور: ولج شبيج ترا الكاميرات مشتغلة انتِ دفعتيها؟

باربي: لا والله لا ما دفعتها ولا سويتلها شي جنت نازلة من غرفتي بيدي السجينة مال علاء وهي صارت بوجهي بقت تحجي عليَّ وتعرفينها تشمر بكلامها عبرتها ردت انزل دا اطمن ع أيهم وهي دفعتني لزمت المحجل ما احس الا هي طاحت وبعدها لا تحركت ولا حتى طلع الها صوت بس والله ما سويتلها شي ولا اذيتها
8

حور: أن شاء الله مابيها شي لا تخافين بعدها بيها نفس وتتنفس ولو حتى صحت ما تكدر تتبلى عليج بشي لأن الكاميرات موجودة داير مدار البيت كلشي ينشاف

حلا: خفت منها صارت تخوف

كعدت ع درج ايدها ع صدرها فاتحة عيونها ع وسعهن

باربي: نخابرهم؟

نجود: لا عفية خلي نطمن ع أيهم مو وكتها هاي هسه تصحى

حور: لا غلط هل شي خلي نخابرهم وهو يدري بالنهاية تبقى زوجتة ما يصير لازم أيهم يكون موجود وياها لأن راح يحققون وياها واذا ما صحت يصير غير كلام
1

باربي: صح كلام حور خابريهم حلا

حلا: اكللة مرتك طاحت من الدرج؟ واخذوها للمستشفى
5

باربي: أي

طلعت الموبايل من صدرها دكت علية فتحت سبيكر ذبت الموبايل عليَّ شلتة ذبيتة بحضنها اجانا صوتة رجعت وهي ما تعرف شلون تلزم الموبايل

حلا: شسمة اكللك هاي زوجتك الفاهية اقصد الشرسة طاحت من الدرج واخذوها للمستشفى وحالتها مخطرة يمكن لأن الدم ما توقف

صاح بصدمة وهو يريد يتأكد منها خلت الموبايل بحضن باربي وقيسر يحجي وياه لطمت ع خدي شهل ورطة ونلوراجود مخلية رأسها بحضني جفلتني

أيهم: حوووور طاااحت؟؟؟؟

باربي: لا أي لاااا مو هاي هذيج

أيهم: ححوووووررر طاحت احجي
6

باربي: لا والله لا مو حور شسمها جواهر طاحت من الدرج

صفنا بصدمة من ضحك بقوى لدرجة صوت ضحكتة طالعة من الموبايل حجه وهو غاص بضحكتة وباربي صافنة حالها من حالي
2

أيهم: أكيد انرج البيت صارت هزة ارضية ع درج
32

باربي: لا بس طبة قوية

أيهم: اشتعلتتتت روحك شاهر

اختنك بضحكتة وصوت علاء يرزلة وقيسر يحجي علية وهو مستمر بالضحك

أيهم: دير السيارة رجعني للمستشفى ولكم جوهرتي بخطر
4

علاء: انجب يا نذل وصلنا قيسر

أيهم: ولج باربي بربج بيها شي مو وكف كلبي
1

باربي: من الخوف عليها؟

أيهم: لا والله من الضحك
15

حجاها وضحك اقوى عبالك واحد يشمت

حور: ترا حرام عليك تضحك والبنت راح تموت

أيهم: الحنيييية تذبح حنيتها وصلت للسماوات اكللج خما طلعتي برا وياهم؟
4

حور: لا والله ما طلعت

أيهم: عفية وليدي

قفل الخط بوجهنا ونجود غمتني

حور: ليش تغميني أني شسويت

نجود: دروحي

حلا: اكللجن أخاف ماتت؟

حور: لا اسم الله

صعدت فوك اشوف قمر باوعتلها كاعده خليتها بحضني خلت ايدها على صدري بستها وهي تناغي تمشي عيونها ع كل الصالة أعرفها تريد ليث بس هو بعده نايم غطيتة واخذتها وياي للحمام خليتها بالبانيو تجفص بالمي خلتني اتندم حتى اسبحها لفيتها بالمنشفة وطلعتها للغرفة خليتها ع جرباية دنكت ابوسها جرتني من شعري لا أكدر ابعد ايديها لا اذيها ولا أكدر احجي وياها صغيرة كلشي ما تفتهم

فككت ايدها من شعري بهدوء لبستها ملابسها خليتها بنص الجرباية حاوطتها بالمخاد شغلت القرآن وطلعت أكمل شغلي عين عليها وعين ع شغل صوتها ملأ الغرفة تخلي ايدها بشفتها سبحت بسرعة اركض ركض حتى بس اطلع الها خليت الخاولي ع شعري وكعدت يمها بسرعة بكعدتي دخل هو ذب روحة على جرباية فرك وجه عدل نفسة باوع لقمر حجه بقرف

أيهم: عابت لهل وجه

حور: بلا تحجي ع بنتك؟

أيهم: تنكرص اذا الزمها

حور: يا شبيك عيب عليك

أيهم: اذا لزمتها وبجت؟ اكتلج

حور: أني شعلية ترا ما تبجي

أيهم: خلي اجرب

بعده هستوه لزمها حتى ما شالها من مكانها صرخت تبجي بقوى دموعها نزلن عضيت شفتي بصدمة وفشلة كام من مكانة رفع ايدية ليفوك كز ع اسنانة حجه بقهر

أيهم: مثللل اممهاااا بس الزمهااا تنكرص وتصرخ

خليتها بحضني سكتت تباوعلة كعد ع طرف الجرباية وهي شافتة وصرخت مثل قبل شوية كام من مكانة كعد ع قنفة سكتت هي لزمت ضحكتي

أيهم: بربوك بنت البربوك

حور: عيب عليك والله لا تحجي هيج

أيهم: بسسسس شااافتني انكرصتتت ولججج شمسويلج أنا مو ابوووج

حور: جؤ خطية والله

أيهم: أي خطية چا أنا شني هم خطية عبالك جلب وكاعد بصفحة

نزل راسة يدخن ما تحملت اسكت ضحكت وضميتها لصدري نفض ايده من تتن الجكارة

حور: شفت جواهر؟

أيهم: أي شفتها تكسرت تكسر

حور: يا خطية يمتى راح تطلع

أيهم: طلعناها صحت كلشي مابيها بس شوية دراما

حور: دراما شنو البنت غركت بدمها

أيهم: شدعوة عليها ما تتحمل كسر بيدها ورضوض بجسمها واغماء مؤقت عليمن تتبجبج ودراما وسالفة طويلة ومسوية روحها تعبانة
8

حور: كل هذا ودراما؟

أيهم: شعرفني يمعودة تجذب

حور: الحمدلله ع نعمة العقل ترا فقدت دم جيبلها معلاك اطبخلها خلي شوية يرجع دمها خطية ترا صار عدها اغماء لأن فقدت دم

أيهم: أي هو الدكتور كال هيج بس شعرفج حظرتج؟

حور: مو دمها ع درج والكاع خطية شي يخوف من صدك

أيهم: حبيبي حبيبي لو شفتي جريمة راح تسامحين القاتل لأن اذاج؟

حور: طبعاً المسامح كريم
11

أيهم: داح العراق
10

حور: حالتها استقرت؟

أيهم: بعد انزلي بوسيها

حور: لا ما انزل

أيهم: ليش؟

حور: أخاف منها

لزم ضحكتة رفع حاجبة يباوعلي

أيهم: من شنو تخافين؟

حور: معرف بس أخاف منها

أيهم: طاح حظج وحظ الرباج

حور: ابقى احجي هيج

أيهم: هو انتِ بس نافشة ريشاتج عليَّ

حور: شسوي لعد

باوع لقمر خزرها بقت تباوعلة

حور: لا تخزرها وتكول ليش تخاف مني؟

أيهم: ما تقبل تضحك بوجهي

حور: بس احجي وياها شوية وشوفها شلون راح تضحك

أيهم: هسه تصرخ وتنكرص من مكانها

حور: لا غلطان

أيهم: شو جيبيها

حور: طفي الجكارة لأن مو زين عليها

طفاها بيده ذب القطف ع كاع مشيت اله خليت قمر بحضنة جرني من ايدي كعدت وياه رجع ظهره لورا وهي برطمت تباوعلي عيونها مليانة دموع قبل لا تبجي حجه بسرعة

أيهم: اش لا تبجين بس تبجين اذبج من الشباك واخلي روكي يأكلج

حور: اشو انطيني بنتي

أيهم: انجبي باوعي سكتت

حور: لا والله خايفة منك باوعلها تريد تبجي

أيهم: وييييييي قمورة لا تبجين حبيبي والله اكتلج هنا

حور: باوع احجي وياها بهدوء لا تخوفها

أيهم: والله ما مخوفها اشاقة وياها بس هي ما تريدني

حور: لا تريدك بس انتَ تخزرها وترفع ايدك عليها عبالك هي تضحك لا راح تخاف منك

أيهم: شعرفني جنت اسوي هيج مع شمسي وتضحك

سكتت وهو صفن ع قمر خلاها بحضني لزمتها بسرعة راح للحمام بستها بخدها خلت ايدها بحلكها تموتني من تسوي هيج بس ما أكدر امنعها تصرخ وتبجي ما تسكت

طلع هو كعد يمي خلة بحضني موبايل رفعت راسي اله

حور: شلون قنعت؟

أيهم: خلية عندج بس يا حور اذا لعبتي بشي اكطع الخيزرانة ع ظهرج

حور: أني اكول الزم الموبايل مالي خلك هل سوالف

أيهم: لا أنا اخذتة الج بس ما اريد حسابات ومعرف شنو ولا تكليلي والله بالغلط سوي الي تردينة بس تعرفين الحدود شنو لا تتعديهن أنا مو اشرط عليج بس انبهج

حور: تمام شكراً

أيهم: خلي الشكراً بكلبج الطيب أريد بوسة صخام لطام

حور: من تنام قمر ابوسك ميخالف

أيهم: بربج؟ تبوسيني؟

حور: أي بخدك

صفن عليَّ عفس وجه كعد بمكانة كتف ايدية ما احس الا غمني لزمت جبيني كمخني براسي دفعت ايده

حور: شبيك شبيك وياي

أيهم: تنتظرين قمر تنام حتى تبوسيني بخدي؟ طاح حظي أي والله اتفل ع روحي هنا

حور: مو زين كلتلك ابوسك

أيهم: أنا كلت هسه تنتظر قمر تنام حتى تسوي شي تالي؟ تبوسني بخدي؟ هه لو احجيها لخبل ما يصدك
1

حور: هسة انتَ شتريد

أيهم: تبوسيني

حور: أي مو راح ابوسك

أيهم: مثل الخرا والبشر أنا لا اخوج ولا ابوج حتى تبوسيني من خدي

حور: تمام لعد ابوسك من جبينك

أيهم: شني شادلي رتبة حتى تبوسيني من جبيني
6

حور: لا تعيط راح ابوسك من رأسك

أيهم: أحد كاللج أنا راجع من الحج حتى تبوسيني من راسي احتراماً احد كاللج هستوني طهروني
4

حور: لعد ويين ويين

أيهم: شفتج وما تمشي نعمة

حور: تمام

بستة بخده ورجعت لمكاني أخذ نفس وزفرة يباوع لقمر بضوجة وهي تباوعلة خايفة

أيهم: حور ازوج عليج.؟

حور: اذا هل شي بي راحتك تزوج والله افرح الك

أيهم: تحجي كل عقلج لو تشاقين؟

حور: والله العظيم ما اشاقة

أيهم: جديات احجي ما ترديني؟

حور: أي

أيهم: شنو أي احجيها وباوعيلي لا تنزلين رأسج

حور: أيهم اتمنى رب العالمين يرزقك بأنسانة تملي حياتك فرح وتنسيك الصار وتبدي من جديد وياها
1

بلع ريكة صفك بيده بأستهزاء عصر حواجبة بأصابعة يضحك

أيهم: شتحجين انت؟ أنا امشي واغلط بأسمج بين الوادم ترديني أعيش مع انسانة غيرج؟
5

حور: هذا مو حُب مرض وتكدر تتعالج منه

أيهم: أن جان مرض الله لا يشفيني منه
اذا كعدت مع جواهر احس نفسي غريب ما ارهم ويا غيرج حاولت حاولت كلت يمكن أكدر اعيش بدونها بس الفكرة لحالها خنكتني أنا بلاج ما اعيش افهمي
1

حور: بس لا تتأمل مني شي...!! أني ما دا احجي هيج حتى اقهرك لا بس حتى ما العب بمشاعرك واعيشك بوهم

أيهم: ابد ما فكرتي حتى تأخذين شوية من ناري بالبرود الي بيج؟

حور: لا ولا أفكر بهل شي أبد

أيهم: استاهلج أنا صدكي ويا غيري ما ترهمين لو حتى تركتج
5

حور: ما دا اكدر اتقبلك ولا انسى الصار

نزلت راسي خلة قمر ع قنفة حضني من ظهري طببني لصدرة تركتة يحجي الي يريده

أيهم: شنو الي ما تكدرين تنسينة؟

حور: كلشي

أيهم: مثل شنو؟

حور: الكتل الخوف الرهبة الاغتصاب الغرفة الحمرة الخيزرانة الحزام البانيو الأطفال الغرفة الكنتور الكرسي الجرباية الملح الضو الأبيض صراخك شهكاتي ضياعي من كنت اشرد منك وتلكيني صوت الطلقة الي اخترقت ذراعي وجهي الي تشوه الحرأس من يأخذون اطفالي عياطك عليَّ كلمة انتِ ارخص من الرخص بعيني ما نسيتها كلشي كلشي يخنكني ويذكرني بكلشي صارلي

حضني اقوى رجف جسمي من تذكرت الصار شلون كلشي مر مثل الحلم؟ خلة راسة بشعري أخذ نفس حجه بخفوت

أيهم: اذا احجيلج ما راح تصدكين ولا راح تبررين أو تكليلي انتَ جذاب ويهودي.!
جنت مريض مرييض ما كدرت اتعالج ولا اتشافى ولا حتى اعاشر بشر جنت حابس نفسي بأربع حياطين حتى ما اذي أحد بس انتِ معرف ليش صرتي بطريقي فززتي براكين جانت خامدة من سنين قديمة
جنت اشوفج ملاك أي حور أنا مريض جنت اشوفج ملاك اضربج اهينج اعذبج اريد ارتاح بس ما ارتاحيت لأن من اصحى اندم اشوفج انتِ بنتي الربيتها وكبرتها ع ايدي جاي تدفع ثمن غلطة هي مالها بيها علاقة صدكي كل ضربة وكل اهانة وكل كلام قذر حجيتة الج جنت اتمنى احجي الها واخليها تشوف شلون الأنسان يصير من ينكسر بس ماتت..! ماتت هي وانتِ بقيتي عندي جنت افقد محد ما يحس بأحساسي ولا أحد يعرف شنو جنت اشوف أنا من افقد اشوف نفسي أيهم القديم الي جان بالمصح ضايع والي انخان من أكثر انسانة اعتز بيها وحبها بعدين؟؟؟ اصحى ع صراخج ما أعرف ليش اذيتج؟؟ ع شنو ضربتج ليش بجيتج؟ أنا ليش هيج سويت ما أعرف كلشي...!
24

اجي اسألج أنا ليش هيج ضربتج؟ تنفرين مني..!
محد ما يصدك بالي عشتة أنا انتِ مالج ذنب بشي انتِ صرتي محطة لواحد مريض نفسي بعد ما ادمرج اجي اعتذر منج...؟ هه جنت أنا بنفسي اضحك ع روحي اكول بعد ايش اجي اعتذر؟ بعد ما خليت دمها بطولها لو من خليت وجها خريطة من الضرب ولا من شنو؟ ابتعد عنج جنت اتمنى ترتاحين مني أتمنى اموت وتخلصين مني صدكي أول ما تصاوبت عيونج رجن براسي تمنيت الموت حتى بس انساج ولا أريد اعرفج جنت اكللج
انتِ ارخص من الرخص بعيني ما جنت اقصدج ولا جنت افكر بيج تندمت..بس الندم شيفيد للخسر عزيز كلبة!؟؟
3

أنا خليتج تكرهيني بأفعالي وياج بس ما جنت اشوفج لحد ما أسمع صراخج استوعب أنا شسويت يجي الليل ويلتمن عليَّ لمات تبدأ الهواجيس والتعب يأخذ من حيلي حيل
2

جنت اتمنى هي عايشة حتى اعيشها شعوري وأنا انكسرت منها ما كدرت اقسي عليها جنت اكول الدنيا قست عليك يا أيهم بس لا تقسى ع اعزازك
بس طلعت من عيني وراسي من شفتها بهذيج الشوفة صح هي ما قبلت يطخها بس مشت وياه ايدها بيده

حور: بعدك تحبها.؟

أيهم: احبها؟

حور: انتَ مو اخذتها عن حُب؟

أيهم: ليش منو كال الحُب يستمر وما ينكسر؟ غلطانة حبيتها أي صحيح بس طلعت من كلبي بهذيج الشوفة هسه ما اكدر اوصف الكره الي اكرها بي مرات اصفن اكول أنا أحبها بس شلون هيج كرهتها كره أنا ما كرهت شاهر بكدها
1

حور: بس هي ماتت والموت اهون من العيشة وياك بالسنوات الي راحن تدري ارتاحت؟ تركت غلطتها على انسانة ثانية وراحت بس هي ما تعرضت للأغتصاب ولا نحبست بغرفة كأنها جهنم ولا أحد كاللها انتِ مريضة ولا كانت تشرد من الظلم ولا انهات كدام الكل ومحد ما دافع الها ولا تزوجت عليها ولا اذيتها بكلماتك ولا بيوم سمعت منك كلمة انتِ ارخص من الرخص بعيني ولا كصيت شعرها ولا حرمتها من حريتها ولا حرمتها من اهلها ولا نامت وهي تفز خايفة ولا تلوثت طفولتها بشي أكبر منها كل هذن هي ما عاشتهن اكو انسانة غيرها عاشتهن بحذافيرهن هي ماتت وارتاحت بدار حقها بس اكو من تمنت تكون بدالها تكون هي الميتة مو ملاك وهذا مو كلامي هذا كلامك انتَ..!
3

أيهم: صح هذا كلامي بس جنت معمي ع عيوني ومعرف ليش جنت اعذبج؟ انتِ غريبة مالج علاقة بشي ليش خليتج يمي وليش حبيتج وعذبتج؟ ما أعرف كلشي ما أعرف ما أعرف ليش حرمتج من اهلج وأنا أعرف مكانهم ما أعرف ليش دخلت لحياتكم وخربتها بس كل مقصدي من هذا انو انتِ تبقين يمي والي بدون ما أحد يشاركني بيج ما جنت ادري دا اخليج تكرهيني بأفعالي وياج

حور: بس أني ما نسيت من تكللي لا تقارنين روحج بيها انتِ قذرة وهي شريفة ما تعرف كلامك هذا شلون خلاني اوكف واعرف نفسي منو صح أني بنت حرام بس ما عشت بالحرام بيوم ما استاهل كل الي قدمتة الي
4

أيهم: ولا أنا استاهلج صدكي انتِ لو عند غيري جان هسه مثل الماسة مقدسة بس أنا ما عرفت شلون اصونج ولا عرفت شلون اخليج تنتمين الي أكثر منهم

حور: معقولة كنت تشوفني بيها.؟

أيهم: بكلشي جانت تغلط تجي تعتذر وانتِ تغلطين تجين تعتذرين بس اكو اشياء جثيرة ما تشبهينها بيها

حور: احترمك واقدر كلامك بس بعمرك لا تفكر تشبهني بيها ولا تشبهني بأي انسانة غيرها خليها بالك وبكلبك لأن صعب تنساها بس لا تفكر بيَّ أبد

أيهم: والعكس صحيح بكلبي أنا نسيت ملامحها بس ما نسيت انش منج من جنتي صغيرة لحد هاي اللحظة مرات أحاول الهي نفسي بشي يشغلني عنج وأنا بنص افكاري أفكر بيج وانسى بشنو ردت جنت افكر برأيج هل شي اله علاج وارتاح منج ومن جفاج؟

حور: أيهم ترا الي صارلي مو قليل بس لا نسيت كلشي؟ لا تقنعني نسيت كلشي

أيهم: شلون امحي كلشي عن ذاكرتج وابدا وياج بداية تعجبج.؟
2

حور: تريدني ارتاح؟

أيهم: أي

حور: تبتعد عني وتتركني والاحسن تزوج وتعيش حياتك وخليني عايشة لجهالي وبس

أيهم: وأنا شنو اعني بحياتج؟

حور: الامان وبس

أيهم: چا ليش تجفلين من الزم ايدج؟
1

حور: هاي ايدك يا ما ويا ما نزلت ع وجهي مثل الصواعق بس هسه صارت تمتد الي بيها شوية أمان

أيهم: حوري انسي انسي عليج الله ومحمد انسي لا تنسين بس انطيني مجال أنا انسيج كل خراب  خليتة بروحج والله ابدي مثل ما تردين لو تردين روحي ترخصلج بس بدون ما اجبرج ما اريد اجبرج ع شي بعد حتى أنا تعبت اريدج وانتِ ما ترديني دمار حتى عقلي انخر من راسي

رفعت راسي باوعتلة معرف شلون افهمة بشنو احس من اذكر الصارلي

حور: اســـامــح بــس مــا انــســى أيـهـم
1

أيهم: انتِ شتردين حتى تتقبليني لا تحبيني بس تعودي ع وجودي بحياتج بس كولي واحجي

حور: ما راح تسمع مني..!

أيهم: لا أسمع منج بس لازم تحجين وأنا أعرف شنو تردين مني بس أريد اسمعة منج

حور: واذا كلتلك تعالج راح تتعالج؟ واذا كلتلك صلي راح تصلي؟ اذا كلتلك اترك الغلط والشتم راح تكدر؟ اذا كلتلك لا تتجاوز ع الأكبر منك ولا حتى ع الاصغر منك افرض نفسك بأحترامك عيش حياتك بدون محرمات راح تكدر؟ اذا اكللك خفف من غيرتك وانطيني حريتي شوية راح تكدر؟ والأهم اذا كلتلك تعرف طريق ربك حتى تحس بنفسك انسان عايش ويعرف الدين لأن الي يخاف من ربو أكيد راح يخاف يعصي وهنا أجمل بداية لكل انسان
ما اكدر اعيش مع واحد يغلط ويفشر ويعصب بسرعة ويتجاوز ع الأكبر منه ويصنع المحرمات ويعرف هل شي حرام يسمع المؤذن بس ما يصلي ينفر من هل شي هاي مو عيشة هاي حياة اليهود وفرق جبير بين انك تعيش مع يهودي وتنسى روحك انتَ مسلم لا تزعل مني أيهم بس ما عندك طريق لرب العالمين لا تضن بيوم راح ترتاح
8

دارني اله احتضن وجهي بكفوف ايديه عض شفتة ضيك عيونة يحجي بهمس

أيهم: كلشي اسوي مثل ما تردين بس غيرتي عليج ما اكدر اكللج راح اسمع كلامج هنا ما اكدر أنا لو بيدي اخليج بكلبي كون ابنج ما يشوفج أحاول اسوي اي شي تردينة والله اسوي مثل ما كلتي لو حتى فشلت ادوس ع نفسي وأحاول من جديد لخاطر عيونج بس لا تكليلي تطلعين بدوني وتذبين هذن ملابسج وجهج الكل يشوفة أنا احسج شي خاص بيَّ حتى اخوانج اضوج منهم من يلزمونج اختج اضوج منها من تلزمج ما اكدر كلبي ينحرك الله لا يخليج تحسين بهل احساس ولا تجربين بيوم تحبين شخص ما يحبج ولا يريدج وتشوفيين الجفى بعيونة بس مقاومة لأن انتِ بنفسج تحبينة
7

حور: غيرتك تخنك

أيهم: ما أعرف احب بدون ما اوجع المحبوب

حور: لا تسوي هيج بروحك لو حتى تحب بس مو معناها تذبح روحك لهل درجة وتوصل لهل مواصيل لأن انتَ الي تتأذة أكثر

أيهم: بعمري ما حبيت من كلبي شجاني وحبيتج

حور: متأكد هذا حُب؟

أيهم: هه احجي لمنو منو يصدك؟
ما أعرف أحب اذا ما اوجع
ما أعرف احن اذا ما اقسى
ما أعرف احجي اذا ما اصرخ
ما أعرف اسكت اذا ما اجمر من ناري
احبج؟ لا والله اعشكج واتنفسج احبج بكل طرق الغلط الي ما يعرفها كلبج ولا أحد يعترف بيها حتى من حبيتج خليت هل شي مختلف بيني وبين نفسي استحي حتى اصارحج بي احبج بنوبات غضبي وأنا اعض الوجع بسنوني احبج وأنا ادفن تعبي بصدرج ما اكدر احب بحنان والحسين الشهيد ما أعرف ما أكدر اذا ما اقسى أنا اضوج من الهوا التتنفسينة يدخل لريتج
5

حور: لا أيهم هذا مو حُب هذا مرض ياريت تتعالج وترتاح منه لأن اناني بي

أيهم: اناني؟ يمكن قاسي يمكن بس احلفلج بالعباس ادورين الدنيا كلها ما تلكين مثل عشكي بيج لو افتريتي الكون كلة اعاهدج ما تلكين احد يحبج ويفكر بيج مثلي امج الي خلفتج ما حافضتج مثلي أنا حتى من امشي وضلج وياي صاير مثل ظلي العنيد واعرفج تكرهين هل شي بس مو بيدي

حور: ما يفيد شما احجي

سكت وطلع من الغرفة كلها مسحت وجهي شنو هل انسان ما استغربت اعرفة شنو اخذت قمر للصالة وليث كعد باوعلها فرك عيونة وهي تمد ايدها اخذها مني وانعاد هل سؤال لـ مليون مرة

ليث: هسه لو شمسي موجودة

حور: راحت للجنة وصارت طيرة بالسما تكدر تشوفها كل يوم صح

اندفر الباب جر قمر من حضن ليث وهو يضحك خليت ايدي على خدي صفنت عليهم وليث ركض اله طلعو من الصالة

حور: وين مأخذها

فتح الباب وهو يطلع

أيهم: جوهرتي تريدها
8

ليث: بابا اجي وياك

أيهم: انتَ ضروري تكون موجود بس امشي غسل

ليث: ما أطول لا تروح

أيهم: بسرعة

دخل للحمام دقائق وهو طلع طلعو سوا سديت باب الغرفة حتى ليث شاخط الله شاهد فليت شعري اخذت المشط وكعدت ع جرباية دخل هو من صدك انثولت

حور: لعد قمر وليث وينهم؟ مو نزلتهم وياك

أيهم: جوهرتي تريدهم ليث كاعد يعزملها من الهبطة يقرأ ع رأسها ايات وقمر تغسل وجها بالتفال اقصد بالمي تغسللها
7

حور: عيب عليك والله الحرمة مريضة محتاجة للراحة وانتَ خليت ليث وقمر عدها؟

أيهم: وشبيهم جهالي عقال وبس مبتسمين شبيهم قابل يكرصون

حور: لا مو عقال ليش الكذب

أيهم: والكرم اسمة بيج كتلة

حور: روح ع جوهرتك روح

أيهم: بربوك تريد بس تخلص مني

حور: لا شعلية ابقى

كعد يمي باوع لشعري جرني منه دفعت ايده بنتر

حور: خير أيهم خير

أيهم: هذا شعرج صاير يلعب النفس

حور: ميخالف اتركة

أيهم: حتى وجهج يلعب النفس

حور: أي أعرف

أيهم: انتِ راضية ع خلقتج؟

حور: أي الحمدلله

أيهم: هاي ايدج

رفع ايدي من السوار ذبها بحضني اخذت نفس عميق شسوي وياه

أيهم: قدي مو ايد لعبان نفس
14

حور: عادي

أيهم: هاي عيونج معرف شبيهن

حور: مو حلوات حولة ميخالف بس اتركني

أيهم: شو بلا كومي خلي اشوف طولج

حور: لا اله الا الله

أيهم: كوووميييي حور

حور: ابقى صرخ شسويلك

أيهم: حوري عضلة كومي خلي اشوف طولج اشو صايرة دبة صغيرة
8

حور: خلي أكمل شعري واكوم ميخالف

أيهم: لا هسه تكومين

حور: ما

دفرني من الجرباية لطمت ع وجهي ضحك بصوت عالي

أيهم: تخوفين والله بكد الكملة وشعرج غطاج جنية النمس

حور: عاد انتَ شلونك وجهك مشعل

أيهم: اوكفييي بمكانج احسن خلي اتنمر عليج واكعدي

حور: دروح

كام من مكانة فتح الجرارة طلع خيط جرني من كتفي وكفت بقلة صبر خلة الخيط ع كتفي ونزلة لرجلي فحط من الضحك ذب روحة على جرباية يضحك وجهي أحمر منه ومن خباثتة اخذت المشط وكعدت ع قنفة بأخر الغرفة وهو ما سكت احترك كلبي منه
1

حور: عليمن تضحك؟

أيهم: لالا لازم اجيبلج شراب الغزال واخليج تطولين لأن محد ما يصدك هذا طول انسانة عادية ادري ابوج بابا سنفور
17

حور: ع هذا طولك يمكن انتَ تشرب شراب الغزال

أيهم: تخسين

حور: لعد اتركني بحالي لا تبقى تتنمر ع كلشي

أيهم: شو بلا كولي شرشر

حور: لا

أيهم: تكولين شرشر لو اسحلج؟
1

حور: شرشر
3

حجيتها بضوجة خنك وجه بالمخدة بس اكتافة تهتز ضجت كلش واختنكت نزلت راسي امشط بعصبية رفع راسة باوعلي ذبل عيونة انقهرت علية

أيهم: نيالج عندج شعر وأنا ما عندي

حور: ميخالف والله لو يصير انطيك

أيهم: لا أنا ما يصير عندي شعر بعد

نزل راسة كعدت وياه حضنتة لصدري حضني جسمة يصعد وينزل حجه بخنكة أريد بس اباوع لوجة يضحك لو يبجي بس ما يقبل بس يخنك صوتة بيده
6

أيهم: اخلي شعر اشكر

حور: أي والله عادي انطيك من شعري

أيهم: اخخخخ

حور: ليش تبجي

أيهم: كلبي محروك

حور: ميخالف والله يرجع شعرك واحلى من قبل

أيهم: لا أريد من شعرج

حور: يلا لا تبجي انطيك منه

رفعت راسة بيدي ما كدر يلزم نفسة رجع يضحك أقوى من قبل شوية دفعتة بزعل جر ايدي كمت من الجرباية كمش كفي يضحك

أيهم: بروح أهلج تعالي والله معرف شجاني عليج اليوم

حور: انسان مُتنمر ومنحط ما يفيد وياك لا كلام ولا شي

أيهم: هسه تعالي امشط شعرج راعي مشاعري اصلع وطاح بيدج أنا لو بمكانج دك تنمر

حور: حرام

أيهم: حرمت عليج عيشتج كولي امين

كعدت بطرف الجرباية خليت المشط بحضنة نزل رجلة من الجرباية والثانية ثناها شد شعري وضفره وكفت كدامة اخذت المشط

حور: اخذت فحص؟

أيهم: أي واحزري شطلعت؟

حور: شطلعت؟

أيهم: حامل واخيراً ربج رزقني الذرية الصالحة
19

صفنت علية اخذ الموبايل بيده

حور: حامل أيهم

أيهم: تخيلي بس
4

حور: عليك الله

أيهم: ابوس عقلك وليدي حامل ظيم وقهر بكلبي

حور: أي ما اكول ما يصير انتَ تحبل

أيهم: والله العنده مثلج؟ مو بس يحبل حتى يجيب سبيعي

حور: لا والله احجي جديات

أيهم: وأنا احجي رياضيات

حور: أيهم لا تصير نفسك دونية حتى ع كلمة

أيهم: دونية مال طحين
19

حور: اهووو

أيهم: وجعوو بكلب قيسر

حور: اقصد اخذت عَينه؟

أيهم: أي وطلعت النتيجة ايجابية..!

بلعت ريكي تنفس بضجر مسح وجه ونزل راسة للكاع مسح على ركبتة وتفاحة ادم تصعد وتنزل بحيرة

أيهم: و هاذي آخر عَينه اخذها عند صديق قيسر أعرف النتيجة شنو بس حتى ما يكول انتَ تعاند ويسوي سالفة ويأخذ بخاطرة

حور: يمتى تطلع؟

أيهم: معرف طلعت وتركتهم وهو ظل يحجي وياه بس تتأخر شوية

حور: اذا طلعت تأكيد أكيد راح تتعالج صح؟

باوعلي ثواني ونفى براسة لا بهت وجهي وهو كمل بتسلسل

أيهم: ما يفيد العلاج بشي هذا بالدم تعرفين شنو يعني؟ يحرك الدم حرك ما يفيد العلاج بشي ما أريد اوكف شغلي لخاطر شي اسمة علاج وأنا اعرف ما منة فايده لأن ما تعالجت من الأول

حور: شتحجي انتَ ترا ما يصير هيج واذا انصابيت بهل مرض اكو ناس غيرك هواي تعالجو وتشافو منه

أيهم: أنا ما اريد اتعالج

حور: ليش؟

أيهم: مالي خلك مستشفيات وعلاجات

حور: بس مو بكيفك هل شي أن قبلت أو لا راح تتعالج

أيهم: ليش مو بكيفي؟ اوكف شغلي لمدة اشهر أو سنة لخاطر شي نهايتة معروفة شنو؟

حور: هههههه حلوة هاي السالفة لا تتعالج عادي موت انتَ وخلي ثلث أطفال ع كلبي وارجع اتحمل مسؤوليتهم من جديد حتى وهم يكبرون ويطلعون عن الطريق وقتها اخلي ايدي على خدي واكول الهم والله ابوكم ما كلف روحة يتعالج لخاطركم حتى يبقى على راسكم خيمة مثل باقي الأطفال اناني تفكر بس بروحك ترا عندك اطفال وتحملت مسؤولية سادن غصباً عنك تتعالج وتواجه مخاوفك لا تبقى جبان بحجة انتَ ما مهتم لشي

أيهم: وانتِ...؟؟

حور: أني شنو؟

أيهم: الكُل منتظرني بس طلعتي نفسج خارج قوس.؟

حور: ا..

أيهم: انتِ شنو؟

حور: شتريد احجيلك؟

أيهم: تردين ارجعلج؟

سكتت معرف شحجي كام من مكانة تقرب الي رجعت خطوتين لورا كسر الحواجز بيناتنا تقرب الي لزم ايدي غطاها بيده يحجي بتوسل بس لساني سكت عن كلشي لحالة

أيهم: كوليها لو حتى بالجذب اريد اسمعها منج حتى لو وهم وخداع أنا قابل بس انتِ انطقيها بلسانج راح اموت وأنا ما سامعها منج
12

ما عندي جواب اله احتقن وجه قطرات العرق استحلت جبينة نبرة صوته تعلى شوية شوية
3

أيهم: شنو يعني ساكتة؟ ليش؟
لهل درجة صعبة عليج تحجينها؟
أنا الي دا انكسر انا الي دا انحرك و أنتِ ساكتة؟
بس كلمة و احجيها كلمة وحدة…!

عصرت ايدي بتوتر خطواتي ثكيلة حسيت رجليَّ ما عاد يحملني معرف شحجي ما أريد انطي وعد كاذب ولا حتى عهد اكسره بي تخبل من شافني ساكتة دفعني من كتفي ارتديت لورا لزمتة بوجع
عبالك سكوتي فوز شياطين بداخلة

أيهم: ولججج احجيييي شييي لااا تسكتين ليييش ساااكتة احجيي

دفعتة من صدرة ما تحرك بقى بمكانة صرخت بوجه وأني اباوعلة

حور: لاااا مااا راح احجي شييي ما تريد تتعالج لا تتعالج لأن ما تهمني
45

جمد بمكانة يباوعلي مصدوم لزمت ايدي ضغطت عليها ضحك بوجع ضحكتة خفيفة ما مصدك كلامي دنك عليَّ عصر اكتافي بيده غمضت عيوني بتعب هزني بعصبية باوعتلة بتردد

أيهم: ما كلتلج صيري أيهم مثل ما أيهم صار شبيه شاهر شنو مقصد كلامج تريدين توضحيلي الدنيا دارت وصرتي تحجين هل كلمات الي مثل ما جنت أصرخ بوجهج بيها؟

حور: لا بس من صدك ما تهمني لا تتعالج ولا تبقى يمي سوي الي يريحك براحتك ما اجبرك ع شي
بالنهاية كلشي راجع الك أن تشافيت او لا

هز راسة أي تركني وابتعد عني مسافة قليلة لبست الصاية والحجاب تركتة ونزلت جوه كعدت بالصالة وياهم دخل قيسر يكح لازم صدرة

حور: بيك شي

قيسر: مصخن اكللج ما راح ترجعين للدوام ترا ما بقى يومين ثلاثة

حور: الله كريم ما اخذت علاج

قيسر: الدكتور كال اوصفلك وصفة

حور: أي شنو هي؟

قيسر: كال نصيحة من الكلب حتى اطيب من الصخونة تزوج اخت حور الجبيرة اسمها عفرا

كح بقوى ومسح وجه محتقن

حور: هسه اشرب علاج وان شاء الله احجيلك وياها

قيسر: عليج الله

حور: والله

قيسر: صدك جذب كلشي ما بيَّ هسه اطيب

حور: أي واضح

باربي: صدك قيسر تريد تزوج

عدل كعدتة حجه بجدية وهو يصب المي

قيسر: أي بس مو هسه

سمر: ليش مو هسه لعد يمتى خلي افرح بيك

قيسر: لا يوم مو هسه أبد مو وكتها

علاء: أن شاء الله تعدي ونفرح بيك وبي

جواهر: قصدة تنتهي سالفة أيهم ومرضة
8

عدلت كعدتها رأسها مضمد عيونها بالكوة تفتحهن ايدها ما تحركها وليث يدوس عليها خلاها تصرخ وقيسر يكللة حيل بيج