كعد كدامي لزم ايدي تنفس بعمق كأنما مخنوك

كسار: شبيج وياي يا بلوة زعلتج بشي أنا سويتلج شي

ود: لا

كسار: احجي وياج ود اتركي الخرا

ود: أي كمل شعندك؟

ضغط على فكة بحركة سريعة جر الموبايل ضربة بالحايط بقوى تفلش بمكانة شبكت ايدي بعدم اهمية جرني من ذراعي باوعتلة برود

كسار: من احجي وياج تتركين البيدج من الجدامج
يكمل كلامة ارجعي سوي الي تريدينة

ود: تمام

كسار: ابقي بهل حالة

نترني منه وطلع شغلت التلفزيون اباوع لكلشي بشرود الساعة صارت عشرة وربع وأني بعدني بمكاني ولا تحركت نزلت الغطى تمددت غطيت نفسي اباوع لفلم هندي قديم هواي بس حلو احس نفسي اندمجت ما لحكت وهو دخل ما حجيت ولا بينت شي كعد كدامي مسح على شعري ما بينتلة ردت فعلي انحسب من مكانة طلع جكارة يدخن صافن عليَّ شتت انضاري عنه
4

كسار: ما اكلتي شي كومي تعشي

ود: شبعانة

كسار: ميخالف كومي هسه وارجعي لغرفتج عليمن نايمة هنا

ود: أي

كسار: وجججع الله حتى وجعععع كووومييي
2

ود: ما اكوم

كسار: وددد

ود: شبيك؟

كسار: كوميييي اكلييي وارجعي لهنااا حتى الغرفة لا اطبينها لحد ما تعقلين بسس كومي اكلي

ود: شبعانة

جرني من كتفي فقد السيطرة على نفسة طلعني للمطبخ ارتجه ع كاونتر كتف ايديه حجه بحده

كسار: يلا اكلي

ود: ما اريد

كسار: بس أنا كلت اكلي دا اشوف كلامج لو كلامي

ود: أي ما اريد مو جبر

كسار: أخاف ما عندج ايدين خلي أنا اوكلج

ود: لااااا

غسلت كعدت أكل ع كيف خليتة يحترك بمكانة ساعة كاملة وهو ينتظرني اخلص وعناد بي ما خلصت اصلاً لويت شفتي بوجع بطني توجعني عرفت الكلى هاجت عليَّ شوية واشتد الوجع ذبيت الأكل مني لزمت بطني تقرب الي لزم ايدي الي ع بطني حجه بغرابة

كسار: شبيج

ود: ما عليك

كسار: انعل روحك حامد

ود: نفس الصنف

كسار: رعنة وين اكدرلج أنا

كمخني بخفة بجيت بقوى شهكت شهكة قوية اباوعلة مصدوم الضربة ما توجع ولا حسيت بيها بس بجيت هيج معرف ليش

كسار: شسويت ولج شسويت

ود: ضربتنييي رجيت دماغييي طلكنيييي

كسار: دكومي ولي

طلع ابرة من الثلاجة بلعت ريكي كمت بتوتر سحبت نفسي خارج المطبخ عضيت شفتي وجع بطني ما ينحمل طلع وراي بسرعة لزم ايدي تخبلت

ود: شششتريد شششبيييك واااي

كسار: الكلى هاجت صح؟

ود: لاااا بس لأن أكلت هواي

كعدت بالكاع بوجع ما كدرت اتحرك وجعها ما ينحمل يكطع الكلب هيه صحيح بس كلى وحدة بس توجع تموت جرني من ايدي ضربني الابرة ضربتة ع كتفة حضني كعدت بحضنة كمختة بوجع اريد وجع بطني يخف دمرني كتف ايديه يعصر بطني ايده دافئة خليت راسي ع صدرة براحة ما ردت اكوم ارتاحيت من خف الوجع بقى بس نغزات قليلة بأس فكي همس بصوت خافت

كسار: قهروج؟
4

ود: لا

كسار: چا وجع الكلى منين اجاج؟

ود: عادي اني من زمان توجعني الكلى مالتي

دفعتة عني دخلت بنفس الغرفة غفيت من الوجع معرف شكد مر الوقت كمت من مكاني باوعت للساعة وحدة الظهر باوعت لنفسي بغرفتي ملابسي مغيرهن و التدفئة مشتغلة لملمت شعري غسلت وجهي طلعت للصالة ردت أدخل سمعت صوتة يحجي مع امه والباب مزدود بقيت واكفة بمكاني اسمعلة

كسار: يُمه هذا مو عذر شلون تضربينها ولخاطر شنو لخاطر جهال هيه هاي هم سالفة تسولف

بسملة: لسانها طويل ترادد هل رعنة انتَ منطيها ع حل شعرها

لويت شفتي يُمة الحية يُمة طلع لساني غاثها
3

كسار: يوم أنا طلعتها حتى ما تحاجونها واعرفها شنو بس اخليها يمج وهاي لو ما وصيتج عليها من زمان كل يوم اكللج يُمة هاي امانتج لبين ما ارجع تراها يتيمة ودمعتها غالية عند الله البارحة من القهر صخنت وتمرضت أنا لو افقدها شيفيدوني الجهال

بسملة: ولك لسانها يلط اذانها ما شفتها شلون غلطت عليَّ

كسار: غير دستو بطنها ما انطيتوها مجال تحجي

بسملة: يا يا يا على حظج يا بسملة باوع الصلافة العندك تغرد تغريد اهم شي هيه تطلع ما غلطانة

كسار: هيه ما غلطت حتى لو غلطت جاهل بعدها صغيرة شني انكلبت الدنيا لو غلطت

بسملة: صفيت بيد هل فرخة همداني وهمدا بطني

كسار: بسوم منيلج هل غيرة؟ تراها طفلة شلون ما اصفى الها

بسملة: والله يا يـمة عوزك تكللي يوم اعتذي منها

كسار: لا حجية حشاج بس أنا ما اقبل تمدين ايدج عليها لا بوجودي ولا بغيابي اهلها مالهم حك بيها مو انتو أنا الوحيد المسؤول عنها هنا شسوي كولولي بس ما تحجون عليها ولا تدخلون بشي يخصها

بسملة: هسه أنا جاية اصالحك اعرف ضجت وأنا ما يهون عليَّ تطلع من البيت و ادير وجهك

كسار: لا يُمة شلون اطلع من البيت اكو واحد يزعل من روحة

صعدت وتركتهم عليمن انزل اسلم عليها بأجر تكول ذبحتي ابني تسويها ما عدها مانع كعدت ع جرباية مسحت وجهي بيدي شوية وانفتح الباب دخل هو باوعلي ابتسم بلطف كعد كدامي لزم ايدي باسها حجه بهدوء

كسار: بعدج زعلانة من الصار؟

هزيت راسي لا تنهد بضجر كمل كلامة بجدية

كسار: احجي ريحانة أنا مزعلج بشي؟ البارحة عليت صوتي بوجهج لأن تجاوزتي على امي ما يصير هيج

ود: حقك..ما صار شي

كسار: چا كومي نتريك برا بالحديقة

ود: شبعانة أكل انتَ

كسار: مو وراي دوام

ود: تريك وروح شسويلك

كسار: غير أنا شايب وما أكدر احظر الريوك شعرفني

ود: روح لـ امك خلي تريكك

ارتفع ثغرة ضحك ضحكة من كل كلبة عيونة دمعن
مسح وجه يستغفر بصوت ناصي
1

كسار: وانتِ عليمن هنا؟ مخليج مزهرية كبالي
1

ود: والله ما اسوي شي ابد ولا امد ايدي على شي
1

كسار: اجيبلج نوره تساعدج بالبيت
1

خزرتة لزم ضحكتة نترت بوجه

ود: الله وياك والكلب داعيلك عسا ما تجيب عشرة غير نوره
1

كسار: البنية تزوجت وراحت كرطتي رأسها

ود: وعساها شسويلها والله يا الله

كسار: هسه شلون ما راح تكومين؟

ود: لا
1

دفعني بمكاني كمز فوكاي دفرتة بطنة خلة رجلة ع رجليَّ لزم ايديني يضحك
1

ود: خير خير؟ شبيك

كسار: جوعان وربج

ود: المطبخ موجود احد كاللك أني أكل

كسار: جؤ ما تفيدج هل سوالف

ود: اهووو هم صار شلاتي بعد عني يلا
1

كتم صوتي بشفتة ابتعد عني مبتسم درت وجهي لزمة بيده همس بثكل وهو يمسح شفتي بأصبعة الابهام بخفة

كسار: لا عبالج كره هاي القسوى علاج للروح

ود: علاج؟ بلا ما تكوم من يمي لا

كسار: لا شنو؟

ود: كسسسار

كسار: ها يا عيونة

ود: كوم مني اريد أكل جوعانة يلا كوم

كسار: شوفي شلون صحيتي؟

ابتعد عني مبتسم خليتة يطلع برا الغرفة عدلت نفسي لزمتني دوخة قوية كعدت بمكاني فركت راسي بوجع بطني توجعني بس وجع خفيف
15

ذبيت الشال ع راسي بعشوائية نزلت للحديقة جهزت الريوك فرشت غطى خفيف بالكاع الجو بارد بس مو هواي معتدل كعد يمي صبيتلة الجاي خليتة كدامة جر الشال مني فل شعري ع ظهري تخلخلت اصابعة بشعري ميلت راسي ع ايده

كسار: حركات البزونة ما تبطليهن؟
1

ود: لا

كسار: تعلعلين كلبي بيهن

ود: ما مجبور تتحملني روح تزوج نوره

كسار: الله يلعب نفسج

عفس وجه بقرف ضحكت بهدوء دفعت الصمون اكلت شوية باوعلي بغرابة

كسار: ليش ما اكلتي عدل؟
1

ود: لا دا أكل

كسار: ريحانة بيج شي؟
1

عقدت حواجبي بأستغراب من كلامة الزادني توتر

ود: لا والله ما بيَّ شي

صفن عليَّ ثواني هز راسة مبتسم فرغت شفتي بحيرة منه

ود: شبيك؟

كسار: مابيَّ شي راسج يوجعج؟

ود: أي والله موتني

كسار: شكد صارلج ع هل حالة

ود: معرف بس يمكن شهر

همهم بتذمر مبتسم بوسع ترك الجاي من ايده جر الباكيت شغل الجكارة أخذ نفس طويل رفع راسة زفرة للسما باوعلي مسح على شعري حجه بهدوء
10

كسار: لا تأخذين العلاج بدون ما تحجيلي ولا تأخذين بندول ابد

ود: لعد شلون راسي يوجعني

كسار: العصر أخذج للدكتورة ونشوف سالفتج شنو

ود: شبيك فرحان؟

كسار: شلون ما افرح وأنا راح يجيني سيف؟
5

ود: شنو؟

كسار: هههههه لا شنو ولا منو طاح الفأس بالرأس

ود: سيف الكسار؟

ضحك بخفة جرني لحضنة ختلت جوه ايده مبتسمة تمنيت كلامة حقيقي اريد افرحة بأس راسي اخذ نفس بشوغة سلب روحي بي

كسار: يبوي على شيبتي ضحكتج ترد الروح بصدري وچفوفج صغار لازمة بيها كل عمري لا چان
العمر يمج يوگف ولا الشيب يغير بحبج شي
1

ود: اسكت كسار والله انتَ احلى شيبة بحياتي
17

كسار: بعمري انتِ عيونج دنيا وحنچتچ تذوب الشيب لا چان العمر يرادلة كعدة وياج والجاي ريحتة من ايدج يفوح كبل لا لاتحجين بس نبرتج تكطع النفس يا جوديير كلبي لا شفتج نسيت الشيب ونسيت الدنيا بلي بيها
2

خجلت من كلامة دفنت وجهي بصدرة جريت الشماغ منه خطيت وجهي بخجل تعمد يحجي ولا سكت كل ما شافني بهل حالة يكمل كلامة ولا مهتملي يتعمد يخجلني
1

كسار: چفوفچ صغيرة تلزم بيها كل عمري أنا العمر سركلي سنينة وانتِ بعدچ بضحچتج تحبينه شلون ما اموت بيج وانتِ بصغرج ورد مندلة على سنيني وتراب الج يا ويلة

رفعت راسي اباوعلة اريد الزم نفسي وما ابتسم بس ما كدرت اخجل حتى اكللة ابقى احجي أحب اسمعهن منك بس هو كسر هل حاجز بكلامة لزمت ايده البزونة تفتر بالحديقة

ود: دوم احب اسمعهن منك

خلة جبينة ع جبيني مسح على خدي براحة ايده نزلت لركبتي قربني أكثر طبع شفتة ع جبيني عيونة بعيوني رفعت ايدي لزمت شعره مشطتة بأصابعي همست بخفوت

ود: احب هل شيب هواي

كسار: أنا العمر لعب بيَّ وشيبني وانتِ بعدج وردة ما لاحها الهوا چفوفچ مجد ما جاسهن التعب وچبدي شاب من الدنيا بس ضحكتچ بعدها تصيغلي ليالي تروح بونين وترجع بعليل لا چان الزمن ظالم خلاني اشيب وما غيرني بعدني احن لهل صغيرة و اووف من عشـك الصغيرة
5

حضنتة بقوى ضحكت بفرح ع كلامة لو بيدي عمري كلة اخلي يبقى يحجيلي رفعت راسي اباوعلة مبتسم يباوع للبزونة باوعلي مسح على خدي

كسار: هاي انتِ من جنتي صغيرة

ود: اني؟

كسار: همم

ود: أني بشر مو بزونة

كسار: هره شرسة ومتمردة
1

ود: كمل كلماتك ابداً لا تسكت احب اسمعهن منك دوم

كسار: هن الكلمات انخلقن الج ويعجزن شلون يوصفنج بكلبي

ود: تدري احبك هواي؟
1

كسار: تدرين أنا عاشكج وهايم بيج؟
1

ود: لا ما أعرف

كسار: تجين تتوسدين ع ذراعي واحجيلج شكد عاشكج أنا؟

ود: أي

ضحكت ورجعت اله قيدني لصدرة خليت ايدي على ايده البيها الجكارة

كسار: ايامي تحجيلي عن سنيني وانتِ خدودج بعدهن يحجن عن طفولتج شلون تكبل الدنيا تخليح يمي؟! بعدج صغيرة بس مخيط روحي بروحج ضحچتچ بعدها تسحرني لا چان الشيب يغار منچ يريد يصير صغير بس يدللچ

ود: امك تريد تزوجك يعني بدال ما تحجيلي تحجين لنور؟ مو والله لا اهبدك بالقوري كسار

كسار: هاي عيوني انخلقن الج عماهن الله لو دحكهن لغيرج

مريم.....
يفتر بمكانة واني كاعدة ع قنفة ايدي على بطني انثولت ودخت وهو ما داخ بعده مستمر يفتر عبالك مروحة جديده بعدها بالغلاف ردت احجي بس خفت لا يخنكني بعضلاتة صاير نار تنور مجمر وأني ملتهية اباوعلة بتأمل جمالة ما اله رداد
15

مريم: شبيك يا عيني ترا اني انثولت وانتَ تفتر حولت عيوني عني يابة

وكف بمكانة خزرني عضيت شفتي لو ساكتة مو احسلي

مريم: نضراتك تحرجني وانسا
7

علي: وجععععع

مريم: الله اكببببررررر

ضحكت بقوى مسح وجه يصبر روحة مسحت ع بطني اقلد الأفلام

مريم: تعال سلم ع ابنك لك

علي: انتِ شبيج اليوم؟ هااا احجي

مريم: خزرة من عيونة الكل يهابونة هابونة ولا صابونة ههههههيييي اسفة والله شبيك لا تباوعلي هيج يا
13

علي: طااالعة عينج فرد مره

مريم: يمكن من المسكارة ما رهمتلها شو خلي اجرب غيرها
1

طلعت المسكارة من جوه المخدة باوعلي ما مصدك عبالة اشاقة مسكرت عيوني رمشت اباوعلة

مريم: ها هسه؟

علي: لج انتِ شنو؟

مريم: اوي شبيك وياي عيوني روحك بخشمك تعال ارتاح الدنيا ما تسوا

علي: ترا روحي طافرة لا تزهكيني

مريم: شبيك يا روحي انتَ منو زعلك تعال حبيبي تعال انيمك بحضني يا عيون مريم

كمت من مكاني جريتة وراي كعدت بمكاني اشرتلة يكعد يمي تمدد ع قنفة اخذها كلها خلة راسة على رجليَّ

مريم: لا جديات علي شبيك من رجعت وانتَ مو على بعضك صاير شي وياك لا سامح الله

علي: خلتني اضربها والله ثم والله ما بنيتي اضربها بس تجاوزت عليه وعلى امه

مريم: ضربت ود؟ وكدامهم ترا فشلة والله كل ما تعصبت تمد ايدك ع رايح والجاي

عدل نفسة فرك راسة بوجع همس بحيرة

علي: چا شسوي هسه احتاريت

مريم: شسوي بعد اتركها شوية لبين ما تهدا وبعدين روحلها طيب خاطرها بكم كلمة علي ترا تصرفك ما حلو بصراحة هيج تفشلها كدامهم؟

علي: الله لا يحير عبده

كام من مكانة جر الساعة من الميز لبسها طلع هو سد الباب ورا صفنت على تلفزيون دخل حيدر بيده سجينة عفست وجهي اباوعلة بأستغراب كعد يمي مد ايده على قنفة براحة

حيدر: شبيج صافنة

مريم: عليمن لازم السجينة؟

حيدر: عادي مثل عمي علي

مريم: عمك علي؟ عما العماك انتَ و هو

حيدر: أششش لج انلصمي لا اكوملج
2

حرك دمي بكلامة دفرتة من القنفة طاح ع كاع كعد يبجي انقهرت علية ردت احضنة عضني بكتفي يضحك كمختة جرني من شعري شلعة بيده بجيت بوجع لزم ضحكتة صرخت بوجه مع صرختي دخل علي باوعلي بأستغراب وباوع لحيدر ضحك بس بسرعة خفاها

علي: حيدر كوم ولي جوه

حيدر: ولج لا تبجين شبيج ثولة

كمزت عليه عضيتة من ايده وهو يضحك جرني علي خزر حيدر يريد يضحك بس لازم نفسة

علي: كوم منا لا اكوملك

حيدر: دباوع من عضة بجت

مريم: والله اكوووووملك

حيدر: أي بلا ههههههه شسوين

علي: ولك حيدر

طلع وهو يضحك مسح دموعي نترت بوجه

مريم: لااا اضحك اضحك عليمن لازم نفسك

علي: كومي وياي

مريم: وين

علي: للسوك

مريم: ليش شعدنا؟

علي: نجهز للدوام وللي بطنج

مريم: خلي أخذ سونار عفية علي

علي: لا

مريم: ليش دخلي نروح عفية هو نحنا رايحين للسوك هناك دكاترة

علي: دكاترة؟

مريم: اقصد دكتورات هواي

علي: لا يمكن يأذنج ولا ما يعرفن

مريم: عليييي هذا سونار مو توليد

علي: كلت لا

سكتت بقهر شكد حاولت ويا وهو قافل ما يقبل يكول يأذنج هو أساساً ما فاهم شي بس فارض كلامة مد ايده على بطني كزبر جسمي

علي: شكد بعدلج؟

مريم: شهرين

علي: عملية أحسن

مريم: لا اسم الله أن شاء الله طبيعي

علي: العملية أحسن لأن ما تحسين بيها تتبنجين ومن تصحين تلكين بنتج يمج

مريم: شدراك بنت؟

علي: اضن

مريم: يارب ولد

علي: لا ريمة كولي بنت حتى اسميها سبيجة
1

مريم: صدك جذب خلصت الأسامي؟

علي: وانتِ شعليج؟

مريم: شنو شعلية اخلفها وتالي يطلع اسمها سبيجة؟

علي: چا شسميها بقلاوة

مريم: كول اسميها ليلى ولا افراح ولا شهرزاد أو مجد ولا صبا خلصن الأسامي الا سبيجة

كعد كدامي هز راسة موافق لكلامي

علي: صح كلامج اختاريتلها اسم حلو

مريم: وهو؟

علي: ام عباس
8

صفنت عليه بأستغراب وهو يباوعلي ساكت عقدت حواجبي بقرف

مريم: كوم منا علي فتت كلبي

علي: لج سلامت كلبج شو خلي اشوفة لا صارلة شي

دفعتة عني خزرتة بنتر

مريم: خير أن شاء الله كوم منا يلا

علي: ريمة شبيج تفلتين نار من يمج كلتلكج خلي اشوف كلبج وين راحت نيتج رحمة للخلقج

مريم: لا نية ولا بطيخ شيل ايدك

علي: شبيج عندي طريقة سهلة اخليج تجيبين بيها لا طبيعي ولا عمليات وداعتج براحة

غمزلي بأخر كلامة احس وجهي اشتعل منه
ردت اكوم جرني من معصم ايدي طحت بحضنة همس بخفة

علي: فكري بيها؟ لراحتج أنا احجي هيج

مريم: هدنيييييي لااااا أصرخ

كعد بمكانة ما عاجبة الوضع دخلت لغرفتي غيرت ملابسي اخذت حيدر وياي طلعت اله برا صعدنا بالسيارة وهو يقفل باب البيت وصلنا للسوك حيدر ما قبل ينزل قفل السيارة علية اخذت ملابس للبيبي وما اعرف جنسة شنو اخذتهن لون ازرك و ابيض حلوات هل الوان للأطفال حديثين الولادة

اخذت العاب صغيرة جر سلاح جبير يشبه الحقيقي باوعتلة همس بتوتر وهو يحك طرف حاجبة

علي: شبيج

مريم: هاي لحيدر مو؟

علي: لا لا الي شعلية بحيدر؟

مريم: علي لا تخليني اعلي صوتي عيب نحنا وسط الناس لا تشتريلة هل أشياء ترا طلعت عينة

علي: هسه انتِ شعليج خما هو بنية حتى خايفة عليه

مريم: عليي هل سلاح اطول مني وهذا طفل أخذ ع هل حالة بحيث اذا ما تجيبلة منه ما يسكت اليوم شال سجينة بيده قبلها مخلي سلاحك عنده وتنضفة كدامة وتالي؟ وين راح يوصل هل مرة؟

علي: لا ريمة شنو السالفة شحدة هذا اخذه لكسار كملي انتِ
4

درت وجهي منه ما يفيد شما احجي هو حتى ياخذة وياه بكل مكان مخلي لسانة هل طولة بس لازم حده

مريم: يلا خلي نرجع مادام كملنا

علي: كملتي؟

مريم: أي

هز راسة دفع الحساب وطلعنا صعدنا بالسيارة باوعت لحيدر نايم عدلة هو غطاه بالسترة شغل التدفئة ذبيت الشال صعد الجام من خنكتني لو بيدي ابقى بدون ملابس ثخينة لأن يخنكني وبطني الا خشمي

وكف كدام بيت صغير بس واجهة حلوة حديثة باوع للبيت ورجع باوعلي حجه بخفوت

علي: كبل سبوع طلكها وجبتها لهنا واخوها طلع براسة خير واتكفل بيهم
11

مريم: عزا خطيه واتخلى عنها وهيه مريضة وعدها جهال

شغل السيارة دارها لغير طريق شتت انضارة عن الطريق يباوعلي حجه بعدم اهمية

علي: والله يا ريمة هذا اختيارها محد ما جبرها عليه وين اكو وحدة صاحية تاخذ واحد ماضية وصخ سكير الخلقة ما يعرفة منو وعادي عدها خلفت ومستمرة وياه بدافع الحب شوفي وين وصلت؟

مريم: بس حرام خطية

علي: الحرام بركبتة هو تخلى عن جهالة وعنها وهيه بوكت حاجتها اله انسان مريض

مريم: تقهر هسه شلون صارت هيه يارب مابيها شي خطية عدها أطفال هواي وين يروحون بلاها
4

علي: تحسنت حالتها ع علاج واهلها يمها الحمدلله
5

هزيت راسي كنت قبل بسرعة اضوج منها مجرد ما اشوفها اريد اكتلها بس بعد الصار راجعت روحي وشفت نفسي شكد مكبرة الأمور كل يوم مسببتلة مشكلة وهو يحاول بكل الطرق حتى بس يرضيني واني شربتة كأس المُر لحد ما عقلت ورجع عقلي براسي صحيت من المراهقة الي كنت بيها لكيت نفسي مع انسان يستاهل مني الحب والاحترام وما عنده سوالف مكسرة دوم يأخذ رأي بكلشي حتى بملابسة يشاركني بيهن يخليني قبلة موجودة بكلشي صدك لو كالو أخذ الي يحبك مو الي تحبة هل مثل انطبق عليَّ كنت انفر منه دائماً وهو يتحسر ع كلمة مني واليوم صرت اذا ما احجي وياه وما ابدي يومي وياه ما احس بروحي عايشة
1

وصلنا للبيت فتحت الباب نزلت جوه وياه وهو راح يغسل حسيت بطني توجعني كعدت على جرباية اخذت نفس طويل زفرتة بوجع كلت يمكن تقلصات لأن هذا مو شهري هفيت ع وجهي اشتد الوجع كمت من مكاني لازمة ظهري عضيت شفتي دميتها بوجع ارتجيت ع حايط غمضت عيوني بوجع وخنكة قوية

طلع من الحمام باوعلي بأستغراب ملامح الخوف والقلق انرسمت على ثغرة تقرب الي لزم ايدي يعصرها خليت راسي ع صدرة مسح على ظهري صرخت من كمية الوجع الي اشتدت عليَّ بدون ما اعرف شي

علي: ريمة شبيج لا تخوفيني عليج

مريم: مابيَّ شي بس خابر عمتي

ما كال لا طلع الموبايل من جيبة كعدت على جرباية الوب بمكاني خلة ايده على خصرة قفل الخط يباوعلي بقلق تقرب الي لزم ايدي باسها خلاها بين ايده

علي: توبة ريمة توبة بس هل مرة وهاي هيَّ شصار بيج يا الله

مريم: كوووم منننن وجهيييي لا اطلع حركت كلبي بيكككك
12

علي: هسه شبيج كومي تمرني يـ...

ما كمل كلامة جريتة من شعره عضيتة من زندة دفعني عنه
2

علي: اخ اخ أنا شعلية غير انتِ تلبسين جلد النمر وتخلين هاي مالت الشفايف لونها أحمر وتجذبين
13

مريم: اليوم اسويك روج أحمر يااااا عليييي

علي: ها يا روح علي

مريم: ولككك مو علييييك ع الأمام علي انتَ شجابك بالنص علييي
11

علي: الله يفشلج ريمة الله يفشلج الحمدلله ماكو احد
13

مريم: عليييييي تعال اعضك

علي: طاح حظي أنا.....

مدلي ايده عضيتة عضة قوية طلعت وجع كلبي بيها مسح على ظهري براحة حضني بقوى همس بخوف

علي: أخاف تروحين هناك ويأذنج

مريم: لا ما عليَّ شي

عصرت الفراش بيدي طلع هو ع صوت الباب انفتح دخلن عمتي وهيفاء ورغد بدون كلام حظرن الجنطة وملابسي خطية بسرعة افتر بمكانة يباوعلي

علي: يوم انتهت خلي ناخذها

نوفة: ولك يُمه عدها تشلعات خلي تأكل وجعها بالبيت احسن ما تتبهدل هناك

علي: وشلون يعني تبقى متوجعة

نوفة: لا هسه من تولد ترتاح ولا كأنو صاير شي

نص ساعة واخذوني للمستشفى طك مي الرأس صرخت صرخة رجت الدنيا لحد ما ولدت الا طلعت روحي طلعوني لغرفة الثانية معرف اذا ولد أو بنت احس نفسي انتهيت وما راح اصحى مرة الثانية دخل قبلهم سد الباب وجه احمر دم لزم ايدي البيها كانونة باسها رفع جسمي بيده تأذيت بس ما حجيت حضني بقوى يوزع بوساتة ع كل وجهي خلة راسة بركبتي همس برجفة
1

علي: اكللهم خلي أدخل يكلولي مو هسه هو شبيج ريمة لخاطر الله

مريم: مابيَّ شي ما عليك منهم بس ابتعد عني ريحتي وصخة علي

علي: اجتني كلمة بس بلعتها أحسن ما اغرد تغريد كامل

حضنتة بتعب رجعني لمكاني لبسني الشال خنكني بي خنك خلة جبينة ع جبيني حجه براحة

علي: الحمدلله ع سلامتج يا روحة لعلي

مريم: الله يسلمك علي حيدر وين بقى

علي: نايم الأخ بقو عنده مقدام ودعاء

مريم: الا صدك أني شجبت؟

عقد حاجبة بأستغراب

علي: صدك شخلفتي بنت لو ولد

مريم: يا أني بيا حال غير اسألك؟

علي: وداعتج ما شفتة بس امي جانت لازمة شي ابيض وراحت للخدج معرف شنو وأنا استغليت الفرصة ودخلت الج

مريم: عفية علي روح شوفة انتَ

علي: خاب خلي يولي هسه كومي وياي للبيت يلا ركض
4

مريم: علبة الديتول انيمها براسك اذا ما طلعت من وجهي

علي: شبيج انتِ شبيج بعدهن هرمونات الحمل براسج
1

مريم: وين اركض هو أني بية حيل احجي
1

خلة ايدي ع بطني لفلفني بالغطى خلة الشال ع حلكي نزل البردة للاخر طبع شفتة ع راسي همس براحة

علي: الحمدلله عدت هيج ولا غيرها هن ساعات بس ذبحتيتي من الوريد

مريم: اسم الله عليك يا روحي

اندك الباب عدل نفسة راح يفتحة دخلو كلهم سلمو عليَّ خلن الطفل يمي خفت الزمة ولا اتقرب اله بس بستة عرفتة ولد زادت فرحتي أكثر كبر بأذنة باوعلي ابتسم براحة
7

علي: شسمينة؟

مريم: انتَ شنو حاب؟

علي: الي تحبينة

رغد: يمعودين احنا هنا

علي: واركعي راسج بالحايط..ها ريمتي؟

بلعت ريكي لزمت بطني توجعني شوية همست بهدوء

مريم: عمر
65

باوعلي بنظرات مطولة ما كدر يخفي ابتسامتة سماه دنك يبوسة بقوى لحد ما جرتة هيفاء منه

علي: عاد هسه من جمالة حتى خايفين عليه وجه وجه الجدر المشعوط

هيفاء: والله راح تخبل الطفل علي اكعد راحة هو اجه سبيعي وصحتة زينة الحمدلله بس راح يتعب لأن انتَ أبو وهاي امه خطية

علي: قدي ولا حبيتة شني هذا يلعب النفس عبالي راح يطلع حلو وعيونة وساع وعنده عضلات وجه محدد بي فك اشو هذا لابس ابيض عبالك مطهر
20

نوفة: امشي اطلع برا يا خبل وانتِ شبيج تاركتة الزمي هذا ابنج
2

مريم: قدي عمه ما حلو اخذو
6

علي: أي والله ريمة حقج انوب وجه عبالك زربـ...
14

عاطت بقهر وهيه تباوعلنا

نوفة: وللكمم انتو مال جهال نعالات زايده عليكم
2

علي: فد لعبت نفسي يا محمد العربي دخيلك

مريم: قدي لا تتقربلة علي ترا وجه عيع

رغد: عود صدك ترا انتو مخابيل

علي: دولي كومي ريمة نرجع للبيت ذبو ما نريده

دخل عمي كاشخ ع آخر صفنت عليه والله حلو سلم عليَّ خلة جوه راسي فلوس همهمت بتذمر لو مخليهن بيدي عني والله ما استحي ولا اردك هو أني مابي حيل احرك نفسي حتى اخذهن قبل لا علي يأخذهن
8

خلة عمر بحضنة يبوسة بهدوء مبتسم ملى القماط فلوس فد كيفت بس اطيب بوجهي للسوك أني وعموري نسفر على أبو المحلات
5

لليل كلهم طلعو استغربت ود ماكو بس عرفت ما عدهم علم ومحد ما كاللهم ردتها تجي حتى نتنمر عليه بس الخايسة محد ما حجالها لا هيه ولا شمس
3

البنات غيرن ملابسي لبسني ملابس نضيفة ما قصرن وياي ابد ما خلن الممرضات يلزمني حتى ما حسيت بنفسي وحيده عكس ما كنت شايلة هم والحمدلله عمة نوفة عبالك امي ما خلت شي ما جابتة الي تضحك وتشاقة نسيت حتى وجعي كلهن نامن خارج الغرفة لأن علي يمي والطفل الحمدلله صحتة زينة باوعلة يضحك
8

علي: شهل شعور ولج ريمة اريد اجعصة بحضني

مريم: باوعلة شلون نايم يا روحي

مسدت على خدة بهدوء حجه براءة رفعت حاجبي من كلامة

علي: صار عندي زلمتين حيدر وعمر ومهدي بالطريق
4

مريم: عيد كلامك بلا زحمة؟
5

علي: شنو؟

مريم: عيد كلامك بلا زحمة مهدي ها؟ كوم منا احسلك

علي: يصير خير

مريم: شبيك؟

جريت شعره بلع ريكة همس بخفوت

علي: والله جذب مابيَّ شي

مريم: عبالي كلت الا اشلع صوندات الاجهزة ع عضلاتك

دخلت الممرضة اخذت عمر وعمة نوفة تفتر وراها مسد على راسي حجه بهدوء

علي: نامي ريمة عيونج تكذلن من التعب

لزمت ايده غمضت عيوني...ياريت كل بشر من يغمض عيونة يكون مطمن على راحتة معرف الفرح خطار يزورنا ويروح بلمح البصر معرف الحزن ثوب مخيط علينا وكاعد علينا مفصل تفصال
25

شمس....
دنكت راسي اعاين للكاع كلشي تغير بسرعة بعد كلام فيصل نشهل طلع من البيت مع طلعتنا بيومين مهيب اجه ويانة ما كدر يبقى هناك عزلنا عن فيصل وتجبره العنود ما جانت قابلة على طلعتنا من البيت بس كلام نشهل مشى على الكل أخذ خواتة واخو وطلع اباوعلها كاعده كدامي تمسح دموعها وينزلن بصمت انقهرت عليها طبطبت على ايدها باوعتلي عيونها حمر دم
4

قسم: شني أكثر شي يوجع الكلب؟ غير الحب

شمس: كلشي بهل دنيا بي اذية بس مرات وجع الكلب والروح يسبقن جروحنا الي بانت على اجسادنا

خلت راسها على صدري مسحت على كتفها اهديها بستها براسها ولا سكتت بس تبجي

قسم: ادحكلو شلون يدحك على اختي بعشك وأنا صارلي سنين مسجلة بأسمو ما كلف نفسو وكال شلونج بس يشوفني يحط ويطلع من المكان بأكملو
تعبت والله تعبت

شمس: وبعدج تحبينه؟

قسم: شـ شمس مو بيدي والله يولي والله مو بيدي

شمس: بس بيدج تكرهينة بيدج اطلعينة من روحج بيدج تعيشين بدون وجعة

رفعت رأسها عن صدري دموعها بعدهن ينزلن بس بنظراتها شفت شي ثاني شفت الم وندم وجع بس وياهن شرارة خفيفة عرفت كلامي مسها من اعماق كلبها

قسم: شلون؟ شلون اكرهو وأنا عشكتو حد الموت؟
شلون انساه وهو نبض كلبي؟

شمس: تذكرين أول وجع حسيتي بي بسببه؟
تذكرين أول ليلة نمتيها وانتِ تبجين بسببه؟ اذا بعدج تحبينه حبي وجعج ويا حبي كل مرة حسسج انو انتِ مو كافية اله ولا تناسبينه حبي الطريقة الي خلاج تحجين بيها هسه وتبجين كأنو ما بيج روح
1

سكتت دموعها انمسحن بيديها الناعمة باوعتلي لحظة تحاول تستوعب كلامي همست بصوت مهزوز

قسم: أنا تعبت شمس والله تعبت

عصرت ايدها اكره هل ضعف لو بيدي شكو شخص ضعيف احاسبة على هل جريمة الكُبرى ماكو شي يستحق التعب والخوف باوعتلها بحده همست الها بصوت ناصي حتى محد ما يتعثر بأمرها

شمس: اذا تعبتي وانتِ بعدج بالبداية؟ بعدج بيت اخوج ما رحتي عنده ما نمتي ويا ع فراش واحد ولا جمعكم فراش ولا اكلتو سوا ولا غلط بأسمج وصاحلج جنات بدال قسم ولا حسيتي نفسج عبء عليه ولا ذليتي كرامتج تعبتي وانتِ بعد ما شفتي شي ما عشتي وسط انسان يحب غيرج وينفر منج وبلسانه يكللج أنا عاشك اخيتج اوكفي لهنا وهاي هيَّ حدج مو تستمرين بالنزيف يا قسم تمعني بكلامي راح ادمرين روحج أكثر من هيج فكري زين

طلعت وتركتها بصفنتها دخلت لغرفتي بعده نايم ما ردت اطلع صوت ويكعد فتحت الكنتور ع كيفي طلعت باكيت جكاير روحي بي الدكتورة توصيتي ضروري اتركة بس ما اكدر حاولت وعجزت بكل مرة افشل بيها كعدت على طرف الجرباية شغلت الجكارة اخذت نفس ردتلي روحي حجه بهدوء عيونة عليَّ
7

نشهل: والله ما يفيد يا برنو ما يفيد

شمس: صحيت من ريحتة؟

نشهل: لا تعالي اذا لمحتج ادخنين مرة الثانية اطفيها بشفايفج رعنة

تقربت اله اخذها من ايدي حضني لصدرة

نشهل: شبلاج مضايكة

شمس: نشهل

نشهل: ها يا برنو

رفعت راسي اباوعلة شديت شعري بالكتر رفعت حاجبي صممت احجيها اله واعرفة منتظر مني هل حجاية

شمس: ما تشوف اجه وكتي؟

نشهل: بكل ساعة الوكت الج مو لغيرج

شمس: ابدي بخالد ولا فارس؟

نشهل: على بارد

شمس: أبو الفوارس

ضحك بخفة هز راسة طفى الجكارة ع ميز عدل نفسة حجه بخفوت خليت تركيزي وياه بكل حرف ينطقة تزيد ابتسامتي أكثر و أكثر

نشهل: فارس موضوعو سهل أسمو موجود بالقائمة
يشتغل بنادي ليلي من زمان بس مجرد موظف عادي هو يدير شبكة تجارة الـ... ود.... سرية يستغل البنوات الي يشتغلن بالنادي يجبروهن على شغل التهديد والابتزاز

شمس: كمل؟

نشهل: عندو زبائن من طبقات عالية و... رجال أعمال مسؤولين كبار يستخدم الممـ...حتى يسيطر على ضحية يخدرهم وتبده لعبتة
2

شمس: يصورهم بأوضاع مشينة؟ حتى يبتزهم بعدين؟

نشهل: أي يولي داهية

شمس: وتالي شلون عرفت كل هذا بدون علمي؟

ابتسم نصف ابتسامة ضليلة ضربني ع ظهري بخفة كرصتة بزنده همس بكلمة هزت كيأني هَز

نشهل: حمزة...!!
10

فكيت عيوني بصدمة كمت من مكاني افتريت بمكاني رفعت شعري متخبلة منه لزم شفتة يباوعلي بضجر متأكد من كلامة بس كلبي شلون يهدأ بهل اسم

شمس: تشاقة أكيد؟ مستحيل نشهل

نشهل: اهجبي بمچانج يولي خلي افهمج

شمس: شتفهمني؟ حمزة؟ حمزة شرجعة جيهان وينها؟ وين صفا بيهم الدهر؟
3

نشهل: حدري برنو هساع انتِ شفهمتي يا معثورة حتى وريتي من مچانج

تكرب عليَّ كضبني من اجتافي هزني بعصبية عاكد حواجبة كتمت صوتي ما اريد الموضوع يكبر أكثر

شمس: شلون تصرف هيج بدون علمي؟

نشهل: عجل شتردين افتحلج الطريق واكللج يلا يابة توكلي؟ روحيلهم انتِ شبلاج يولي اصحي نارج عمت عيونج عن كلشي

شمس: شلون ما تعمى عيوني وأنا ضيعت سنيني بسببهم هاي اختي لكيتها وياريت ما لكيتها ولا شفتها محد ما شاف الكسرة بعيونها والخوف و الضياع كل هذا صارلنا بسببهم ان رضيت أو لا فارس وخالد موتهم على ايدي

نترت ايدينو مني رجفت ايدي بعصبية مسحت وجهي بقوى هفيت ع وجهي اهدي روحي كضب ايدي باوعتلة يباوعلي بتركيز يعرف الي يدور ابالي بهل لحظة

نشهل: ومنو كاللج أنا معارضج؟ هذا حكج ارجعة الج وربج بس كلشي بالأصول يمشون خطوة نسبقهم بعشرة لجدام لا يأخذج الانتقام للهاوية

شمس: صح صح بس تفكيري مشوش كلشي صار بسرعة وفجأة فهمني نشهل راح اتخبل

نشهل: حمزة ايدو جانت بيدي
3

صفنت عليه بصدمة عقلي طار من راسي مسح وجه يحاول يفهمني حجيت بحده انبهة هو منو وأنا منو

شمس: تلعب من وراي نشهل؟ هاي أول مرة تسويها؟ وأنا ما احب اتختل والعب احجي العندك

نشهل: لا تحكمين من راسج اسمعي السالفة شني وبعدين احجي الي تريدينو

كتفت ايديني لصدري اباوعلة هزيت راسي أي انتظره يحجي حاولت اهدي نفسي لبين ما كدرت

شمس: تمام اسمعك احجي

نشهل: حمزة ما انسجن أنا حققت وياه واخذت منو ادلة كاملة عنج من اشتراج الباشأ ومن مارستي الشغل داخل الـ...ما قبل يتحجة شي بس كضبتو وغريتو بالبنية العنده ساعدتو حتى يطلع من الحبس والتحقيق بس ما انسجن جثير شغلة يومين ودبرت شغلتو وخليتو يطلع حجالي كلشي يخصج بعد ما تأكد ما اريدن اضرج عرفت اهلج كلهم نفر نفر طلع ابوج يشتغل عند الباشأ بس مثل ما تحجيت موظف عادي عندو بس مسؤول عن كلشي مخبر سري بيناتهم من خلالو عرفت شغل ابوج بالكامل يتأجر بالـ... والبنات وغيرها وغيرها عندي سجلات تثبت هو ويامن متعامل وشني شغلو كبل بس منتظر منج كلمة وكلشي يخص فارس ينتهي

ابتسمت بوسع لمعت عيوني بكلامة اريد استوعب الموقف شلون انقلب من صالحي

شمس: يعني الأمور بيدي؟ عندي كلشي أحتاجة حتى اكلب الطاولة عليهم

ابتسم بطريقتي يعرفني زين يعرف بشنو افكر وشلون العب اوراقي عليهم قوس حواجبة رد بهدوء

نشهل: مو بيدج اللعبة كلها صارت بملعبج بس تحتاجين تلعبينها صح

خطيت خطوة قريبة منو نظراتي نار بريق انتصار بدأ ينعكس بعيوني حسيت كلشي توضح وصار مفهوم كل خسايري السابقة جانت مجرد خطوات لحد ما وصلت لهنا مسحت على ذقني رديت بثقة وصوت هادئ بالكاد ينسمع

شمس: حلو أول خطوة اخلص من فارس وخالد بس مو بهل سرعة خليهم يحسون بالأمان وانو الأمور ساكنة وكلشي هادئ حتى أكدر اقلب عليهم بطريقة ما يتوقعونها

نشهل: ما راح تضربين الا بعد ما تضمنين النتيجة بس لازم تتحركين بحذر لا اخوانج يحسون بشي

شمس: لا خليهم يعرفون خلي العب دور الضحية شوية بس وكتها راح يعرفون انو من البداية كانو مجرد ورقة رابحة الي

نشهل: حتى اخوانج؟

باوعتلة التقطت انفاسي بقوى

شمس: الا بحالة وحدة

نشهل: وهيَّ؟

شمس: يعارضون طريقي

نشهل: غلط هل شي

شمس: عليش؟

نشهل: اجوج بنية صادكة لا تخذليهم موش طبعج الغدر والخذلان

رفعت حاجبي ما قابلة على كلامة كعدت ع جرباية حجيت بحده

شمس: الي دا اسوية مو لخاطري

نشهل: ههه لعبتي ع كل وتكولين مو لخاطري؟ شمسي شبلاج

شمس: اريد اشربهم نفس كأس الذل الي شربنا أنا واختي شكد بجت انزل دموعهم أضعافها أنا ما بجيت هواي الدنيا ومشاغلها بالنسبة الي لا شيء
بس راجعة اخذ حك اختي الي انظلمت ما رجعت حتى احضنها وكأنو ما صار شي

نشهل: حكج بس اخذي حذرج من كلشي واذكري أنا دوم بظهرج

شمس: هو أنا بلاك شسوا؟

نشهل: جعلج صمام كلبي يولي

ضحكت بهدوء كعد كدامي خليت الباكيت بيده طلع جكارة ولعها يدخن

شمس: نشهل حمزة وجيهان وينهم؟

نشهل: موجودين

شمس: عليش ما حجيتلي كلشي ليش مشيت وحدك والشغلة ما تخصك؟

خلة ايده على اجتافي كربني عليه عاين بعيوني

نشهل: لا تكولين ما تخصني الي يمسج يمسني وانتِ تخصيني من جدمج لراسج

شمس: أعرف بس تعبتك هواي هواي ولا تكول لا

نشهل: بس مو بكد تعبج وياي يولي

شمس: ما قدمتلك شي؟

نشهل: لو ما انتِ منين اعرف أنا شلون اعالج جنات ولا أداري الحسن؟ شلون اعرف جانو يغيرون علاجها ولا يحبسونها بغيابي شلون خلصت من فيصل والسلاح؟ وبعد وبعد سوالف ما تنكال وما يعكلها العگل وانتِ سويتيها

كضبت ايده بيدي بستها همست بخفة

شمس: صرتلي أهل عاندت اهلك لخاطري أول مرة احس نفسي انسانة أحب وانحب

نشهل: ما عاندت أحد انتِ كل هلي يولي

شمس: النشمي
13

نشهل: غاليتي
6

نزلنا جوه باوعت الحسن كاضب جنات يجرها من شعرها كل مرة يكتلها وهاي ذبحتني عبالك حور كدامي ما تحرك ايديها بس تبجي تخلي كلبي يطك

ركضت عليه جريتة منها دفعني يصرخ بعصبية

الحسن: شبلاهاااا هاااي تعاين من الباب ع جهال تعرف الزلام برا مهبووولة يولييييي
3

شمس: اششششش صوتك

ضربتة راجدي لزم خده يباوعلها بعصبية دفعتة برا الف مرة حذرتة ما يضرب أحد يعشك المشاكل نداريت عليها لازمة شعرها تبجي

شمس: مهيب محذرج ما توصلين للباب صح لو لا؟

جنات: يولي والله شعملت بس دحكت من الباب ع جهال انتظر واحد بيهم يشتريلي

شمس: وتخلين هذا بكد النتفة يضربج؟

جنات: مو ايدو ثكيلة

حجتها وبجت بصوت عالي غمتها قسم عضت اصابعها تريد تلطم

قسم: جعلج بالثول اليثولج شبلاج انتِ مهبولة

طلع نشهل من الديوان يضحك كضب جنات مسح دموعها خزر قسم لازم ضحكتة

نشهل: وعليش ما تحجيتي خلي الحسن يروحلج

صاح ع الحسن دخل هو يعدل بنفسو

الحسن: ها بوية شبلاك

نشهل: عليش ضاربها يول

الحسن: فاتحة الباب ادحك للجهال صفنو عليها كلهم هتلية بلا ما يكولون هاي مهبولة

نشهل: آخر مرة تمد ايدك عليها تطلع تدخل ما عليك لا تصير حرمة

الحسن: يييييُمه تحجييي شبلاج ساكتة تصنتين ع ابوية شيكول اندار عليج عكليها

رصيت ع اسناني عضيت ايدي منو خابصنا بصوتو العالي

شمس: امشي منا لو اريد اعكلك انتَ مو هيَّ

الحسن: دحكي جنة اشوفك ع عتبت الباب احش رجلينج حش تريدين شي تعالي كولي اريدن فلان شي مو وجه الصخلة ادحكين ع عالم من الباب
10

جرو مو اذنو نشهل ضربو بالسبحة ع ظهرو

نشهل: شلون تحجي وياها هيج يول يا قرج
2

الحسن: حشمة الك بوية ما حجيت شي مو زين بس عكلها

جريتو من نشهل كبر بس ما أقبل حتى نشهل يضربو أو يحجي عليه كدام أحد لو حتى كدامي

شمس: اتركو عيني تعال وياي

دخلنا لحجرتة فرك اذنو بوجع اباوعلو لابس دشداشة رصاصية بيدو السبحة والساعة كبل شوية رجع من بيت جدو حظرت هدومة دريس طوبة دخل للحمام يسبح طلع بسرعة عندو لعبة

الحسن: شبلاج يوم ادحكيلي هيج

شمس: لا بس دا اشوفك يمتى كبرت وصرت ترادد؟ ولا عبالك انتَ نفسك الي اشيلك بحضني حتى تنام

ركض الي حضني ختل بحضني يبوس وجهي مسحت على شعره حجه بأبتسامة

الحسن: أنا والدنيا والعمر وعشيرتي وعشيرت الدليم كلنا نروح تراب لرجلينج يلحنينة
27

شمس: من شفتك ما بقى خير ما غمر كلبي

حضنتو وهو يضحك فرحان بكلامي نزلنا جوه دخلو سواد ورهبار وقمر و وردة ام قسم سلمت عليهم شوية وصاحتني قسم دخلت للحجره اباوعلها تفرك اصابعها بتوتر

شمس: شبلاج يولي

قسم: فكرت بكلامج زين وعرفت قيمتي بكلبو

حجتها بغصة كضبت ايدها بيدي مسحت ع زندها كملت كلامها بأبتسامة صغيرة

قسم: شمس أنا ما اريد اعيش مع واحد ما يحبني ما يريدني كلشي بيه جامد بارد حتى نظراتو حتى انفاسنا بالمكان صايرة ثكيلة عليَّ أنا ما اريد أكون مجرد اسم ويا اسمو اريد واحد يحبني يعبرني يحضني بود مو لأن اضوجة أو مجبور اذا غبت عنو يفتقدني مو وجودي وعدمو واحد واذا ضحكت يحس الدنيا صارت أحلى بس سواد؟ هو ما يحبني هو بيتي بس مو مسكني فراشي بس مو دفوتي هو اسمي بورقتة بس مو بعقلو وكلبو وروحو

نزلن دموعها ما منعتها من الكلام اعرفها شكد تحبو مجنونه بي والكل يعرف ضحكت ضحكة يابسة مابيها أي فرحة

قسم: تدرين شمس؟ مرات اشتهي يناديني بصوتة بس مو بحده مو برود اشتهي لو مرة وحده يكول اسمي بحنية مثل ما ينادي اختي جنات

غطت وجها بيدها تهمس بصوت مخنوك

قسم: اريدو يطلكني مو لأن الطلاك سهل بس لأن البقاء وياه أصعب ما اريد اصير ثكيلة عليه أكثر من هيج ما اريد اكون ذنبه...!!

حضنتها مسحت على ظهرها اهديها اخذت نفس زفرتة بحيرة وقهر على حالتها ابتعدت عني عضت شفايفها تحاول تبلع الغصة الي خانتها رفعت عيونها تباوعلي بيهن لمعة حزن مكبوت

قسم: هو عمرو ما حبني أنا مو غبية ولا عمية شفت نظراتو الها سمعت نبرتو من يحجي وياها ويحاول يخلق مواضيع حتى بس يسمع صوتها وما تسكت شفت الراحة بعيونو من ابتعد عني

قسم: يمكن ههه يمكن هيَّ تكدر تعوضو عن كلشي ويمكن هو يلكى عدها الحب الي ابد ما شافة وياي ولا عاشة يمكن يمها يبدأ يتنفس ويعيش مو يم وحدة مثلي..!

بلعت ريكها مسحت وجهي محتارة بيناتهن مسحت على خدها بهدوء

شمس: سوي الي ترتاحيلو

قسم: اعرفو يحب اختي صح صعبة عليَّ احجيها بس مادام راحتو وياها الله يهنيهم
4

باوعتلها بتركيز خانتها دموعها نزلن مثل المطر على وجناتها

شمس: صدكيني هل شي كان لازم يصير من زمان بس ما ردت اضغط عليج بالكلام

قسم: خلي نشهل يحجي وياه عفية شمس

شمس: صار من عيوني ربي يعوضج على وجع كلبج

هزت راسها تباوعلي بأمتنان طلعنا للحوش وهم طلعو قبلنا باوعتلة يباوع لجنات مبتسم ورهبار يدفع بي خارج البيت جليت صوتي حتى يركز وياي

شمس: سواد عندي موضوع وياك

سواد: امريني ام الحسن

شمس: ما يأمر عليك ظالم تفضل جوه وأنا وراك

هز راسو دخل هو فهمت نشهل انصدم بس ما علق على رأيها الحلو بي يدور راحتهن وكلامهن عندو فوك الكل يحب خواتو هواي عكس مهيب ما يتفاهم

نشهل: قسم تعالي حدري حذاي

كعدت يمو باوعلها سواد ما فاهم شي

نشهل: تحجي يابة أنا يمج

قسم: سواد احنا ما نرهم لبعض و أتمنى نطلع بالمعروف مثل ما دخلنا
11

ــــــــــــــــــــــــــــــــــــــــــــــــــــــــــــ
صبرت سنين واليوم صبري صار حمل ما أكدر أتحملة
6

حـــــــور
8

ضميتها لصدري شميت ريحتها ابوسها بقوى اريد اشبع عيوني بشوفتها ردت ارتوي من ريحتها ومن ايديها الناعمات جسدها بارد ثلج هزيل هاي مو شمسي الاعرفها هاي وحدة ثانية تخلت عن امها تركتها وراحت للباري
23

هزيتها بحضني نزلن دموعي شهكت بقهر دفنت وجهي بطنها حاضنتها بقوى خايفة لا يأخذونها مني ويحرموني منها للأبد

حور: يمة احـتـــرك كـلـبـي يــوم
9

علاء...
دخلت للغرفة اشرتلهم يكومون أيهم وحور فاقدين بس حور أحسن من حالتة هل بنية صبورة عكس أيهم ما عنده صبر وما يعرف الصبر شنو موت بنته أثر عليه بشكل مبالغ فقد من خسر بنتة مو بس انصدم ظهره منحني وهاي اول مرة اشوفة بهل حالة

حضنة قيسر يطبطب على ظهره مسح دموعة بالشماغ مد ايده بحذر يريد يأخذ الطفلة منها وهيَّ
حاضنتها ما تقبل تنطيها الهم حجه بصوت مبحوح من البجي

أيهم: يلا حور خلي نأخذها

حور: لا عفية
3

دنكت شمس مسحت على ظهرها اخذتها منها خلتها بحضن ابوها غطت وجها بيدها تبجي حضنتها عفرا
كام من مكانة نريد نطلع وهيَّ صرخت خواتها يلزمنها بس ما كدرن لأن هو ما قبل

أيهم: اتركنها تعالي

ركضت عليه تبجي مسح دموعة بالشماغ ينزلن شكد ما يحاول يقوي روحة بس ما كدر رفع الوصلة البيضه عنها باستها امها تحضنها أعرف لو بيدها ما تخليهم يأخذونها جرها عسكر حضنها وهيَّ تصرخ طلعنا من المستشفى ركض ورانا قيسر بيده شهادة الوفاء صعدنا بالسيارة وهو ورانا حاضنها يبجي جاهل صار وياها يحب بناته وهاي أول خسارة تهز كيأنة
18

وكفنا جدام المغيسل وكفت السيارة الناس جثيرين ع باب كل واحد عنده عزيز يودعة نزل من السيارة بس رجلية كاعد ع كشن عيونة عليها وع مغيسل وجه دم دموعة ما نشفن

وكفن السيارات نزلو منها كاظم ومازن وعلي وكسار ونشهل ما حسينا ع وكت بسرعة يمشي أول مرة ما نريده يخلص هل يوم خلة ايده على جتفة يكوي بس يا حيل وهو مهدود حيلة

كسار: عظم الله اجركم شد حيلك يابة الله يعوضكم طير من الجنة ما تستاهل هل دنيا الفانية

أيهم: يا حيل يا حيل هذا التحجون عنه وأنا ادفن عزيزة روحي بيدي
1

نشهل: يول كوي حالك مو وكت ضعفك

علي: حرام البنية بيدك اكرام الميت دفنة

كسار: كوم يا خوي كوم الله كريم تهون

نزل وهو شايلها خليناه ع راحتة وكفونا ع صفحة ما يقبلون يدخلونا لأن ما ويانا حرمة وهذا المغيسل للنسوان الله ستر ودخلو عسكر وامي رادت تأخذها منه ما قبل حجه بتعب عبالك مصمم على كلامة وما منه رجعة

أيهم: أنا اغسللها حجية
8

ما قبلو الولد ع كلامة وهو ما تراجع ام المغيسل تقنع بي بس ما تركها

كسار: يول مكروه ما يصير تبقى عورة

أيهم: لا بعدها صغيرة أنا اغسللها لا حرام ولا عيب تراها بنيتي

عسكر: مو حرام صحيح بس ما يصير هاي الحرمة تتكفل بيها صارلها ساعات بيدك يا أيهم جاي تغير شرع الله

حجت ام المغيسل وهيَّ تشد عبايتها

::- اتركو چا هيَّ لا عيب ولا حرام يُمه مادامها ما بالغة سن التميز وهذا كلام الله والحمدلله ع نعمة
الاسلام ابوها مابيها شي اذا نار كلبة تخمد خليه يغسللها وأنا جوه وياه يمكن يهكد

سكتو كلهم دخل هو وهيَّ ورا الجفن صغير بس الجرح عميق بالكلب غمضت عيوني على صوتة يحجي وياها داخل المغيسل طلعت روحي من القهر عليه

أيهم: شلون امد ايدي عليج بماي بارد وانتِ دفاي

صوت ضربة قوية يضرب الدجة نزلت راسي الحرمة رزلتة خلتة يسكت استسلم لكلشي مرت ساعة والباب بعده مسدود وكلنا ننتظره يطلع بسبب انهيارة تأخر بين عشر دقائق يحجي وياها كأنها عايشة وبس مغمضة عيونها ما متقبل فكرة بنتة ماتت

صوتة بدأ يهدا شوية شوية فجأة انفتح الباب ظهره منحني عيونة غركانة بالدموع شايلها بيديه ملفولة بالجفن بس قهرة عليها مبين حتى بلمستة الأخيرة رادت امي تأخذها ما قبل دفع ايدها ما يقبل أحد يلزمها وكف بمكانة يباوعلها بس سبقة بالكلام
6

كسار: يا الله أيهم لازم نروح الوكت صار ضيك و تأخر حرام تأخرت الدفنة

مسح وجه تحمحم بهدوء

قيسر: خليها بالتابوت اهون عليك

باوعلها عيونة ع جفن همس بصوت ثكيل من الصراخ والبجي

أيهم: أي

قيسر: نطلع للجامع

كسار: لا خوية الوكت تأخر نصلي عليها بالمكبرة خلوها تستريح بدار حقها الطفلة

دنك للكاع حضنها بقوى بأس الجفن من رأسها خليناها بلحدها طلعنا للكية الدنيا صارت آخر الليل صعد بالكية رجع ظهره لورا خلة ايده على نعش طبطب ع نعش صفن ع طريق التعب ماخذ من حيلة حيل

أيهم: دللوي دللوي يا بوية ردت امشي بيج للمراجيح مو للنجف بوية ردت اسمع ضحكتج تفتر وياها مو صوت الفاتحة ع روحج المراجيح بعدها تفتر بلاج تبجي تنادي بأسمج ما منج جواب هل درب مو دربج هذا درب الفگدان ياريت انتِ الفاگدتني ولا اشوف هل يوم بيج
41

ربتت على اجتافة ما اهتملي يطبطب على نعش
ويلولي وصلنا للمكبرة الوكت تأخر قبض ايده على نعش يباوع للمناصب

نزلنا كلنا وهم نزلو من السيارات صلينا عليها الأمام وكف ونحنا ورا ما صلى هو ولا دخل كعد ع أخر حجرة يباوعلها حجو وياه ما رد عليهم جرهم قيسر خليناه ع راحتة

نزل للكبر اخذها من قيسر حضنها بكل قوتة ضامها لصدرة يبوس الجفن دموعة بللن وجه و صدرة صرخ بصوت عالي هز اركان المكبرة هَز حاولو يهدونة بس فقد السيطرة على نفسة مسحت وجهي صعبة تشوف اخوك محترك كلية وانتَ صافن عليه ما بيدك شي

أيهم: ولللججججج بويييية كسسرتي ظهري شمسي كلت ضويتي عتمتي چاااا ليييش رجعتيني لظلامي اتركج هناااا وحدددج بهل ظلمة تخااااف ياااا الله تخاااف
32

كسار: يا خوية التعب عليك خل نسندك أيهم نريد نكرمها بدفنها خلها تستريح وأنت هم ترتاح

أيهم: نار بكلبي واجة مامن احد يطفيها

سلمناها لدار حقها طلع الفجر وهو ما يقبل يرجع من لحينا عليه هز راسة وكام من مكانة بدون ما يحجي شي صعدنا بالسيارة عيونة بعدهن ع كبرها الصغير نزل ايده على رجلة يربت عليها بخفة وصلنا للبيت جوادر الفاتحة منصوبة عقيل ما مقصر ولا حتى عمامي اخذو من خاطرة ما رد عليهم عبرهم باب البيت مفتوح صكاتين أول ما دخلنا بعدنا بالباب طلعت هيَّ ركضت عليه بدون حجاب وجها احمر مزلغ نزلو راسهم الولد وطلعو ايده حتى ما تكدر تحجي
بس تشهك رادت تأخذها شمس ما قبل اشر لخواتها يبتعدن هو بنفسة ما مصدك الصار البارحة جانت بحضنهم واليوم نايمة بالنجف
8

حور: ويييين بنتييييي اخذتهاااا وطلعت وهسسسه دخلت وهيَّ مو بيدك

أيهم: ميخالف هسه نروحلها

ضربتة ع صدرة لزم ايديها صرخت بوجه أخذ الشال من عفرا خلاه ع شعرها تخبلت تريد بس تطلع من البيت

حور: خلينييي ارووحلهااا بقيتتهاا وحدهااا

أيهم: هسه أخذج الها

هدأ صوتها مسح دموعها غمض عيونة شوية وباوعلها أخذ نفس زفرة بتعب رادت تحجي شالها ودخل جوه باوعت لشمس بيدها ليث يبجي وهيَّ تحجي وياه اخذتة منها وطلعت

حور....
كعد كدامي لزم ايدي باسها خليت راسي ع كتفة خلص كلبي من البجي ع بنتي نزلن دموعة ع صدري همس بشهكة غمضت عيوني أقوى

أيهم: شد الدهر وياي اول شبابي كل ما اكول يهون يكثر عذابي
17

حور: مـ مو البارحة ردت اخذها بحضني وينها هسه تدري هسه وقتها اكعد وياها وهيَّ تناغي اريدها أيهم والله اشتاقيتلها هواي صارلها ساعات وهيَّ مو يمي

رفع وجهي من كتفة عيونة حمر دم مورمة من البجي صوتة رايح من الصراخ ملابسة كلها تراب التعب مبين علية مسح وجه بالشماغ باوعلي حجه بخفوت صوتة عميق انطبع براسي للأبد

أيهم: ربـج عـاقـبـنـي
12

حور: شـ شنو

رفعت ايدي مسحت دموعي ما فاهمة شي

أيهم: تذكرين شكد ظلمتج؟ اجه وكت الحساب وحكج يرجعلج شوية شوية أول خسارة من بعد عقلي هيَّ بنتي وأنا قابل

حور: شتحجي؟ ترا بنتك هيَّ بنتي استغفر ربك حرام هل كلام

أيهم: لالالالا مو حرام صدكي هذا الواقع شكد بجيتي بجيت اضعاف دموعج هيج ربج خلقها حتى اتعلق بيها واحبها وبعدها؟ حرمني منها مثل ما حرمتج من ليث وهو صغير بس والله جنت احرمج منهم لأن مريضة وما اريدج تتعبين وياهم وعقلي وكلبي كلهن يمج ما ردت احرك كلبج أنا أنا جنت اكول سجلت ليث والبنات بأسم جواهر بس

ضحك بخفة باوعلي لزم شفتة بتعب سكتت عن كلشي منتظرتة يكمل كلامة حجه بوهن وضياع وهو يلزم ايدي بين ايده يعصرها بقوى كأنما يحاول يشرحلي حزنة وكسرتة بهل لحظة

أيهم: جنت اكول سجلت ليث والبنات بأسم جواهر بس وربج والخلقج وخلقني ما فكرت بيها حتى ولا فد يوم حسبت اسوي هيج ولا سجلتهم بأسمها وكل كلامي جذب جنت اسوي هيج حتى تبقين يمي لخاطرهم اعرف اعرف اذا بقيتهم عندج راح تتركيني أنا منو الي غيرج ما عندي احد جنت اموت الف موتة محد ما يهتم تدرين ليش؟ لأن دائماً يكولون أيهم معلم ع الهَم بس انتِ لا ما جنتي تكولين هيج أنا دمرتج بس من شفتي الجمرة بيدي ركضتي عليَّ ما نكرتي تربيتي الج ولا فد يوم تركتيني تحملتيني أنا امي ما تحملتي الجابتتي من رحمها ذبتني ولا اهتمت الي وانتِ طفلة بس شايلة حنية الكون عليَّ معرف شلون جنت عايش بلاج
وأنا ما عشت ولا عشت بيوم
14

بقيت اباوعلة ما قاطعتة رغم لجم كلبي بكلامة اخذ حسرة بلع ريكة همس بثكل

أيهم: جنت اكللج سجلتج مريضة بالقانون بس العكس أنا ما سويتها ولا بيوم راح اسويها بس وهمتهم وانتِ وياهم خليتج تحسين الدنيا ضيكة عليج ومالج مهرب غيري أنا ما ردت تتركيني وارجع اعيش شعور الوحدة اريدج طول العمر وياي هواي هواي رادو يساعدونج اخواني اخوانج ربعي بس ما انطيتهم مجال سديت كل الطرق بوجهم من تكليلي اكرهك الدنيا تضيك بيَّ النفس اجره بالشافعات تزوجت عليج مو حتى اكسرج بس حتى اكسر المرض البيج خليتها مربية للجهال حتى بس ما تتعبين وياهم حوري اخاف عليج من الهوا أنا انتفقت وياها اتزوجها بشرط تربي الجهال وتعتني بيهم احسن ما اخذهم منج برا البيت ردت ابقيهم هنا جدام عيونج بس ما تتعبين عليهم تزوجتها مقابل مبلغ وهيَّ وافقت وهم اذا ما تزوجتها اهلها يأخذونها بالخارج وياهم وأنا استغليت الفرصة حتى هيَّ تربيهم وتساعدج بيهم وهيَّ وافقت لأن ما تريد تطلع للخارج ورا زواجنا رادت اتركبلها بس أنا ما كدرت ولا اكدر اسويها ولا لزمت وحده من بعدج حتى ملاك من اخذتها جنت جياد بيها من حركت كلبي وكسرتي بس ما جنت اريد غيرج وأنا ما أكدر اتأقلم مع غيرج ولا احس نفسي أنسان الا وياج
30

حور: بعد ايش دا تحجي هل كلام بعد ما كرهتك؟

أيهم: ما تكرهيني بس محتاجة تبتعدين عني لفترة طويلة ترتاحين وبعدها ترجعيلي أو حتى تشوفين مني نسخة ثانية مثل ما انتِ تحبينها..!!

حور: لا اني محتاجة ابتعد عنكم كلكم وعن الدنيا كلها

أيهم: حور أنا..
2

انتظرتة يكمل كلامة سكت عضيت شفتي بحيرة

حور: كمل؟ شكو بعد؟

باوعلي بتوتر مال راسة يباوعلي بتمعن متردد بكلامة

أيهم: أنا حرمت اخوانج منج هم مالهم ذنب بشي جانو يسعون عليج هواي بس أنا خربت طريقهم حتى ما موافقو ع زواجج مني بس جبرتهم...!

حور: ما راح اسألك شلون جبرتهم بس ليش هيج سويت شنو استفاديت من كل هل تعب؟ والتمثيل؟

أيهم: أنا كسبتج كسبتج تعرفين شنو يعني أنا طلعت من الدنيا بيج انتِ الوحيدة الي عايش الدنيا لخاطرها لا تكليلي تخبلت أي أنا بلا عقل ولا حدود وياج مع الناس كلهم عادي بس انتِ لا لا

حور: خليتني ابجي دم من تاخذهم مني ومن كلتلي مخبلة وبلا عقل الله ياخذنـ...

خلة ايده على شفتي خازرني عصر فكي بيده نزلن دموعي ع ايده تنفس بصعوبة وجه تعرق عيونة سودانية ظالمة سيف الرماح من عمقهن بس محملات بأشياء قديمة هواي...!

أيهم: حوري اسف والله اسف اعرف تعبتج لا تدعين ع روحج ادعي عليَّ أنا استاهل الدعاء بالموت بالمرض بس لا تدعين ع روحج انتِ مالج ذنب بشي جنتي تدفعين ثمن اغلاطي وامراضي أنا استحق كل دعاء منج
4

دفعت ايده عني درت وجهي باوعتلة الغصة بلعومي

حور: وهسه شتريد؟

أيهم: ما اريد شي بس ردت اواجهج بالحقيقة كبل لا.
3

حور: قبل شنو كمل كلامك شبيك؟

أيهم: ولا شي انسي
1

حور: أيهم لا كل يوم تصدمني بشي احجي الجرح مفتوح ويلجم الكلب احجي وزيد النار بيَّ عادي المهم تحجيلي الحقيقة

ابتسم بتعب طبطب ع ايدي حجه بهدوء

أيهم: الشي يخصني ما يخصج لا تخافين واذا تريدين تنزلين وتروحين مع اخوانج الله وياج والجهال اخذيهم اذا تريدين

عيوني تراقبة ترك ايدي كام من مكانة طلع ملابسة دخل للحمام صفنت على كاع بليلة ويوم خسرت بنتي واكتشفت اشياء كنت متوهمة بيها؟ من سنين
وهسه يكللي الله وياج.! بدون تفكير كمت من مكاني فتحت الكنتور طلعت ملابسي خليتهن بجنطة وملابس قمر وليث طاحن ملابسها كدامي اخذت فستانها الأصفر دوم يشتريلها ملابس لون أصفر يكول هيَّ شمس ضاوية بكل وقت شميت فستانها عاندت نفسي وما بجيت تعبن عيوني من البجي عادي خسرتها مثل ما خسرت نفسي

نداريت ع صوته همس بغصة عيونة حجرن من الدموع درت وجهي الهي روحي بالملابس

أيهم: تروحين؟

حور: أي

أيهم: هسه؟ ما تريدين تشوفين بنتج أخذج الها

حور: ما اريد اشوفها راحت لعند الاحسن مني ومنك أحسن ما اشوفها مريضة وامرض ع مرضها

أيهم: أي صح براحتج

حور: شنو سبب وفاتها..؟

نداريتلة انتظر جوابة صفن عليَّ بشرود

أيهم: عدها قلب من اجت هيَّ تعبانة
4

حور: وأني آخر من يعلم؟

أيهم: ايامها معدودة من انخلقت اذا عرفتي كبلها شراح يتغير بس تتعبين لا أكثر

هزيت راسي ضغطت على شفتي ما اريد ابجي ما اكدر مو بيدي بنتي وروحي من الدنيا بس هاي حكمت رب العالمين ما عندي اعتراض بس العبرة تخنك يا الله

أيهم: تروحين هسه؟

حور: لا الصبح هسه انزل لقمر مصخنة

أيهم: يمتى صخنت؟

حور: من العصر بدت تغفي وزادت حرارتها

أيهم: ليش ما حجيتي

حور: ما جنت اعرف راح تصخن وتسوء حالتها

أيهم: هسه هيَّ عند منو

حور: اخذتها شمس

أيهم: ابقي هنا لا تنزلين

باوعتلة بأستغراب دكم القميص

حور: ليش

أيهم: اخذها للمستشـ...

حور: لالا

أيهم: شبيج؟

حور: ما تأخذها مابيها شي هسه هيَّ تصحى و ما بيها شي

تنهد بضجر تقرب الي حضني بادلتة الحضن تصلب جسمة شدني اله بقوى نزل راسة على يطبع شفتة ع شعري همس بوهن وهو يمسح ع ظهري

أيهم: خايفة اخذها للمستشفى؟

حور: ا أخاف تروح مني مثل اختها

أيهم: اشش شهل حجي حوري؟ مابيها شي هسه نأخذها أنا وانتِ مادام انتِ يمها ما عليها شي يلا غيري ملابسج حتى نروح كبل لا حالتها تسوء أكثر

رفعت راسي اباوعلة مسح دموعي ابتسم الي

أيهم: كافي بجي صح فقدناها بس هيَّ طير من الجنة لا تتحاسب ولا عليها اثم مو تذبحين روحج وراها انتبهي لنفسج ولصحتج وبعد هنا عندج ثنين والثالث بطنج لا تخسريهم بسبب اهمالج

حور: مو بيدي والله هاي قطعة من روحي

أيهم: أدري حوري أدري بس نحنا بشر ما نكدر نغير المكتوب انتِ قوية وراح تبقين قوية لنفسج والهم لا تضعفين ترا وراج جهالج وأنا مالي خلك يبجون ع راسي وهذا ابنج ابو لسان المكصوص يدورج حو حورت بعينك أن شاء الله ترا اذبج منا انتِ وفروخج انعل ابوج لابو فروخج يلا ولي مالي خلكج
12

تفتفني من كتفي للشباك لزمت الحايط بخوف نزل راسي وهو وياي يباوع اشر على جهة بيها زلم حجه بخفوت

أيهم: هذولة عمامي العفطية باوعي وهذولة خوش ناس وهذا اخوية الفيطي اقصد الدكتور وهذا عقيل الغومانسي يابة انعل ابو الـ... جايبلها كلادة حوري أنا خواتي يلبسن كلادة من رجال بس لأن زوجها؟؟

حور: لالالا بس بعد راح اطيح يا ربي سترك

دنك راسة للكاع يباوعلهم غمهم ودخلني جوه سد الشباك والبردة غيرت ملابسي طلعت برا الغرفة ركض وراي سحلني من كتفي باوعتلة بأستغراب لزم ايديني عصرهن بقوى خزرني حجه بنتر

أيهم: كفوفج وين حور

حور: معرف نسيت والله

تنهد ما جاوبني لبسني الكفوف نزل النقاب على وجهي نزلنا جوه وهو طلع برا لأن البيت مليان نسوان دخلت للغرفة اخذن من خاطري تشكرت منهن بالي عدها لو الف بنية عندي ما ينسني ملامحها ولا نعومتها بحضني ولا صوتها الهادئ من تناغي مستحيل انساها

مسحت دمعتي النزلت اخذت قمر من حضن شمس حضنتني حجت بهدوء

شمس: الضربة التكسرنا تقوينا صح امي؟

حور: صح

شمس: بدال الوحدة عندج ثلاثة مو نعمة؟
1

حور: امبلا الحمدلله والشكر

شمس: تعرفين هسه اطفالج محتاجينج أكثر من النفس الي يأخذونة؟ شوفي بنتج نهار واحد تركتيها صخنت رغم كلنا يمها بس ادور ريحتج انتِ امها والي بطنج هم تعبت وليث؟ باوعيلة لا أكل ولا شرب ولا نام ولا سكت عن البجي يريد اختة صار جبير يفتهم الدنيا لا تضعفين لخاطرهم مو لخاطر أحد ونحنا كلنا يمج حياتي ازمة وتعدي والحمدلله ع كلشي ربج زرع هل روح بطنج لا تخسرينها بسبب حزنج
4

هزيت راسي بست قمر نايمة وجها أحمر دم بأستني براسي خليت قمر بحضن عفرا حضنت شمس لو ما هيَّ شحالي أني

حور: ارتاحي انتِ تعبتي هواي حتى ما نمتي صارت الصبح

شمس: متعودة لج عيني

طلعت جكارة ادخن فرغت شفتي بصدمة باوعت لعفرا لازمة ضحكتها لطمت ع وجهي عقلي طار
7

حور: عزاااا حرراام شمس استغفر الله العظيم شنو هاي

شمس: مو شسمة هاي عفرا

عفرا: يا يا صدك جذب أنا شعلية ولج

شمس: راما خلتها بيدي

لطمت ع صدرها فاتحة عيونها ع وسعهن

راما: وداعت الله ما عليَّ قبل يومين هيَّ وزوجها يدخنون بالسيارة والله شفتهم بعيني
3

حجت وهيَّ تكعد ع كرسي رفعت الجكارة بملل

شمس: دكافي دراما أنا من صغري ادخن لا اليوم ولا البارحة والما عاجبة يركع راسة بالحايط يلا دي

حور: بس مو زين عليج وانتِ حامل

شمس: صحت الطفل منتكسة من التدخين بلا شلون سالفة هاي

حور: ترا حرام عليج

شمس: يابة والله حاولت امنع نفسي بس ما كدرت يا اخي اذا ما باكيت كامل من الصبح للمغرب ما ارتاح كل عركاتنا أنا وهو من الجكاير

راما: اريد ادخن

شمس: تدللين تعالي حياتي تعالي اخذيها

رجعت لورا هزت راسها لا

عفرا: دطفيها الطفلة راح تختنك

طفتها بسرعة طلعنا من الغرفة وياي عفرا ما تركتني ما خلت شمس تطلع مهدد طفلها بالأسقاط وهيَّ عادي عدها متعودة ولا مهتمة

عفرا: تشبهج قمر بس العيون تختلف

حور: والله صدك؟

عفرا: أي والله باوعيلها

حور: عفرا ما شفتي ليث وينه

عفرا: عند علاء اخذه

هزيت راسي خلت قمر ع كتفها حضنتني بيدها ارتميت بحضنها بتعب

عفرا: عينج عليهم لا تضعفين اريد حور الي تحملت كلشي وما انكسرت

حور: بس هل مرة الخسارة جبيرة يا عفرا بنتي الراحت فلذة كلبي

عفرا: والكان الج بيها نصيب كان رب العالمين خلاها الج بس حبها واخذها وأنا اعرفج مؤمنة ما عندج اعتراض ع حكمت الله سبحانه وتعالى اعرفج قوية وتتخطين الصعبات بأيمانج ونحنا وياج مو وحدج

باوعتلها بلعت ريكي بقهر

حور: الحمدلله ع كل حال

غمزتلي وهيَّ تباوعلي

عفرا: ترا غير أطفالج محتاجلج شخص عيني على بلوتة وهو يعينج بهل محنة
3

حور: يمعودة راد يذبني من الشباك

ضحكت هيَّ مسحت عيونها مدمعة

عفرا: ترا والله كلبة حنين وهو مقهور بس يحاول يمشي الأمور لأن متعود ع كسرات لا عبالج سهلة عنده يدفن بنتة بيده بس هو صبور وما يحب الضعف

حور: صح كلامج

خلت قمر بحضني دخل قيسر راد يحجي صفن عليها خجلت منه اريده بس يروح وهو صافن عليها وهيه تعدل قمر بحضني فشلني ندستة بمعصم ايدي فز يباوعلي
15

قيسر: امشي حور امشي اشتعلو بيت الغزلان

حور: أي شسمة هسه اجي بس روح انتَ

اشرتلة يروح صنهر بوجها عقدت حواجبها بأحراج لفت العباية ودخلت للداخل صوفر بصوت ناصي باوعلي همس بخفة

قيسر: هاي مني هل غزالة يا الله

حور: عفرا

قيسر: العب انوب بدوية

حور: يا

قيسر: هذا انتاج خلودة وحنونة

حور: الا صدك امي وين ما شفتها

قيسر: مريضة شبعت قهر ما كدرت تجي منعها عسكر وابوج واكف برا هو وايهم من الرؤس

حور: يا يا

ضحك بخفة حجه بجدية وهو يأخذ قمر مني

قيسر: لا تقهرين روحج الله يرحمها مالة قسمة تعيش بهل دنيا واتمنى ما اشوفج ضعيفة وذبلانة لأن متعود عليج دائماً قوية وما يهمج شي

حور: الف الحمدلله عند الخلقها لا أخاف عليها ولا انقهر بالعكس هيَّ بالجنة خلت بالي مرتاح يمها

قيسر: الله يرزقج نعمة النسيان ويهون عليكم

حور: امين مشكور قيسر

اخذت قمر منه طلعنا برا جرني بسرعة ما خلاني حتى اسلم ع اخواني وهم بالجهة الثانية بالخيمة
صعدنا بالسيارة حرك بسرعة حضنت قمر بقوى
2

حور: خفف السرعة أيهم راح نطير

أيهم: هذاااا ابوووج عليييمن اجه؟؟؟ تريدين تشوفيييي تسلمييين عليه

حور: راسي دا يوجعني والبيَّ مكفيني وزيادة منك ومن ابوية طلعني من السالفة كلها ورجاءً لا تعلي صوتك لا قمر تفز

تنفس بعمق حجه بسرعة

أيهم: يريد يأخذج تروحين؟

حور: انتَ مو كلت روحي الهم؟

أيهم: لا أي أي كلت بس يعني انتِ صدك ناوية تروحين؟

حور: أي
1

بهت وجه اظلمت ملامحة بلع ريكة تحمحم بخنكة فتح أول دكمة من قميصة ما حجه شي ضرب الستيرن بأصابعة ينقر عليه بوهن

أيهم: براحتج روحي الهم أنا مانعج؟

حور: لا

أيهم: وجعاااا
2

حور: شبيك؟

أيهم: وجعاا بكلب شاهر هيج احسن؟ ارتاحيتي

حور: شعلية أني انتَ سبيت ابوك

أيهم: خاب خلي يولي انعل ابو لابو ابن الـ...

حور: دكافي شكد تغلط ترا عيب عليك والله عيب

أيهم: تنجبين لو اذبج من الجام؟

حور: سكتت شبيك وياي

وصلنا للمستشفى نزلنا سوا اخذها مني لزم ايدي دخلناها للردهة ضربوها ابرة لأن حرارتها نازلة شمس مسوية الها كمادات منخفضة حرارتها بس سُعال قوي عدها انطونا علاج الها اخذناها وطلعنا للسيارة نزل هو يجيب علاج خارجي من الصيدلية قفل باب السيارة وراح خليتها بحضني رفعت النقاب من وجهي اباوع للعالم قربت وجهي اباوع بتركيز انصدمت واني اشوف استاذ حذام وياه زمن
طالعين من المستشفى ابتسمت واني اذكر أيام الدراسة شلون كان يوكف كدام الصبورة يكتب بخط واضح وصارم يشرح مادة الرياضيات وبالانكليزي يخلينا نحب المادة غصب التفتت ع زمن كانت مهملة ومملة مثلي بسرعة تضوج كنا نكعد سوا وهو من يشوفنا يضحك ويهز ايده يعرفنا كسالة ع كولتة..اذا نفس هل ذكاء استخدمو بالحفظ جان طلعتو من الأوائل
4

رجعت للحاظر عيوني تابعتهم لحد ما صعدو بالسيارة واختفو عن انضاري شكد الدنيا صغيرة تجمعنا بأشخاص بعد ما نظن انهم اختفو من حياتنا
للأبد
مسحت وجه قمر مررت اصبعي ع خدها فتحت عيونها الخضر لا إرداي ابتسمت بوسع دنكت طبعت شفتي ع جبينها حركت أيديها وجهي ترفع شفتها ع وجهي مثل الي مكزگزة ع شي تحك لثتها بوجهي ضحكت ع حركتها رفعت ايدها ابوسها صعد هو خلة العلاج ع كشن حسيتة يريد يلزمها بس متردد استغربت منه قربتها اله حجيت بغرابة

حور: صارلك ساعة تباوعلها الزمها عادي شراح يصير

أيهم: لا ما اريد الزمها غلطانة

خليتها بحضنه وهو يسوق خزرني بعدت ايدي عنها لزمها بسرعة بلع ريكة همس بثكل وهو يحضنها

أيهم: لا تخليني اتعلق بيها واخسرها مثل اختها

حور: لا تلح بالموضوع ولا تنقهر أصلاً أني مأمنة وفرحانة لأن ما تعذبت مثلي بهل مرض عند رب عليم كريم ولا عند البشر تكوم واطيح وتختنك والكل يعايرها
4

أيهم: بس صعبة صعبة الفراك يذبح والله

حور: صح بس مرضنا عليها وتعبنا ودموعنا ما راح
يغيرن شي الحمدلله ع كل حال مو ضروري نتعب لازم نقوى لأن عدها غيرها ثلاثة اذا ما أني وانتَ نتحمل مسؤوليتهم منو يتحملهم غيرنا؟
3

أيهم: أنا لو عندي قطرة من الصبر العندج جان هسه عايش حياتي براحة

حور: من تفتح القران الكريم راح تعرف معنى الصبر

هز راسة موافق لكلامي بقت بحضنة لزم ايدي خلاها على رجلة وصلنا للبيت نزل النقاب على وجهي اخذ قمر ونزل نزلت ورا سديت الباب دخلنا من الباب الثاني سحلني سحل نترت بهمس لا أحد يسمعنا

حور: دكافي اتفتفني يوو

أيهم: حظرتج تمشين ع كيفج

حور: لعد اركض؟

أيهم: حتى اكص راسج

دخلت جوه اخذت قمر منه راح هو كعدت ع درج الخارجي تعبت مابي حيل امشي رجليَّ يوجعني لأن ما اخذت العلاج تلكتني جواهر حجت بشماتة وهي لازمة ضحكتها

جواهر: ها ولج وين بناتج
3

حور: وحدة عند الخلقها وحدة مالية حضني وحدة بطني والحمدلله

جواهر: والله اجيت اشمت بيج هاي حوبتي طلعت بيج
10

حور: بابا انتِ براسج عقل؟ ترا رب العالمين خلقها واخذها حوبة شنو؟ شماتة شنو؟ الله يهديج

جواهر: لا عيني هذا مجرد كلام صارلج ثلث ايام بلاها حتى نوم ما نمتو من القهر ليش تكابرين

حور: فقيرة ما تمتلكين الصبر اشفق عليج بصراحة

جواهر: انجبييي لججج... لا عبالج ميتج ميت وما اكسر راسج

شمس: تكسرين رأس منو؟
15

عضيت شفتي بضجر والله ما بيَّ حيل للمشاكل وشمس ادورهن دوارة وجواهر ما تسكت همي هم وهن ملتهيات بهل سوالف خليت ايدي على راسي اباوعلها مرتاجة ع درج ادخن وتباوع لجواهر ركضت راما كعدت يمي شاكة حلكها من الضحكة

شمس: شبيج صنهرتي دا احجي وياج تكسرين رأس منو؟
4

جواهر: اكرام الضيف ثلث أيام اشو أنتِ لطشتي هنا

شمس: هسه هاي خلينا منها ع صفحة نرجع لموضوعنا تكسرين رأس منو؟

جواهر: شبيج انتِ ما حجيت شي بس اختج ما متربية

ذبت قطف الجكارة ع كاع داست عليها تقربت الها عصرت بطني مو وقتها من مصيبة لمصيبة

شمس: أي وبعد

جواهر: لا تحجين هيج ام وجهين

جرتها من شعرها من فوك الحجاب ضربتها راجدي رفعت ايدها جواهر لازمة خدها تريد تحجي وهي جرتها اقوى حجت بنتر وراما فرحانة عبالك مسرحية كدامها
19

شمس: ما عندي وجهين عندي نعالين اكطعهن عليج واحد اكطعة ع راسج والثاني اخلي بحلكج
11

جواهر: بنت الليل هم الج عين وتحجين

دفرتها بطنها حاولت تكوم بس ما كدرت جواهر شوية سمينة ولشتها ثكيلة مو رياضية بس اذتها شمس ضربتها بالكعب خفت لا صارلها شي عيب منا العالم كاعده

حور: شمس فدوة اطلعي من المكان هاي تبقى تحجي من حالها تتعب وتطلع

ما اهتمتلي ولا جاوبتني كرصتني راما خزرتني تريدني اسكت كعدت شمس كدامها اشرت عليها بقرف حجت بعدم اهمية عضيت شفتي بتوتر لا أحد يدخل وتصير سالفة مالها نهاية

شمس: بنت ليل عليش يابة انتِ شنو؟ انتِ هم بنت ليل ترا كاعده هين بفلوسج مثل الخدامة جوه رجلينها لا كرامة عندج لا أهل براسهم خير ولا أحد سأل عليج لا تتحيونين براسنا لا ابجيج ضبي نفسج وخليج بعيده عن حور وجهالها لا ادفنج مع بنتها واخليج عبرة لمن أعتبر

جواهر: يصير خير

تفتفتها لبرا نفضت ايديها حجت بهدوء عصرت ايدي لا جواهر تسكت ولا هيَّ تسكت

شمس: ادعبلي يابة مالي خلكج

طلعت جواهر من المكان تقربت الي نترت بوجهي زفرت انفاسي بقلة حيلة

شمس: شلون تحجي وياج هيج وتسكتين الها؟ شهل خرااا هذا لعبتي نفسي اذا شفتها حجت وياج وما سحلتيها يابة والله لا اكضج واسحل بيج كاع الله
5

حور: ترا ما سويت شي
4

شمس: اييي هو هذااا الذبحني أنا اعرفج ما مسوية شي واريد منج تسوين شي مو تصفنين الله يهديج؟ أنا وحدة تحجي عليَّ واكللها الله يهديج؟ ولج اسحل بيها الممر هل بربوك

حور: عيب شمس والله عيب منا العالم وأني تعبانة مالي خلكها والله

راما: تدرين اذا تبقين ضعيفة ما راح تعيشين؟

شمس: لا هاي بدون عقل بس أنا راح اعقلها اذا ياهو الي يحاجيج وتسكتين بحجة تعبانة راح يتمادون عليج ويطينون عيشتج ويسيطرون عليج بكلشي تصيرين مثل العبدة الذليلة عدهم اريدج تكسرين عين أي واحد يحجي وياج ويتمادى بشي ما يخصة لا تخافين من أحد كلنا بشر بس الفرق بينا اكو من يذل روحة ويستسلم واكو من يقوي روحة ويفرض مكانة ونفسة بكل مكان وزمان
6

خزرتني نزلت راسي اباوع لقمر اخذتها مني رفعتها بيدها

حور: عفية لا اطيح

شمس: جؤ ما عليها شي..انطوها علاج؟

حور: أي نزلت حرارتها لأن انتِ مسويتلها كمادات بس عدها سُعال قوي

هزت ايدها راما لوت شفتها ما عاجبها كلامي

راما: كولي عدها كحة سُعال شني
11

شمس: كومي منها لا تعديج هاي مثقفة
5

راما: اسم الله يُمة
1

كامت من يمي ضحكت بهدوء طلعنا للغرفة علاء القديمة دخلن كلهن التمن بالغرفة ذبت روحها عهد ع جرباية تعبانة

عهد: رجليَّ راحن تعبانة

عفرا: ارتاحي شوية

ياسمين: يمكن أنا الوحيدة الي احب الفواتح والاعراس والتجمعات
2

حلا: كفانا الله شرج

نجود: اني انام هنا مابيَّ حيل انزل جوه ولا حتى احرك نفسي انعل ابو الخطار شسويلهم مي وجاي مي وجاي
2

راما: يلا يمعوده نخدمج بعرسج ولا تبيعين ثكل براسنا مزوني جوه

كمزت من مكانها حجت بصدمة

نجود: عليج الله جوه؟ موجود صدك

راما: أي هذا الحلو

حلا: فكر فكر خرب حضي كظومي ماكو
1

شمس: موجود تريدين تحجين وياه؟

حور: عزااا لا والله أيهم ولا قيسر يلزمونج يخلونج بمكانج مدماية

شمس: ترا خطيبها انتِ اكعدي ع صفحة وما عليج بشي

حلا: والله علوا

عهد: مو انطاج رقمة؟ ليش ما تحجين وياه

حلا: لا ما احب مخابرات وهل سوالف بس من اشتاقلة اشوفة من بعيد

ياسمين: علاقتكم باردة معرف شلون صايرة

عفرا: صحيح معرف شلون لا هي تحجي وياه ولا هو ولا عبالك عن حب

كعدت بالكاع حجت بهدوء

حلا: أنا كطعت نفسة مني

عهد: ليش ولج

حلا: هو يريد نحجي مكالمات ومرات يريد يشوفني رغم والله ما مسوي شي وكلشي يسوي مثل ما اريده صح يضوج بس يسكت بس أنا ما اريد اخابره ولا احجي وياه لا تخرب سالفتنا

حور: بس ما يصير هيج

حلا: أعرف والله أعرف بس احسن

شمس: عندج رقمة؟

حلا: أي حافضتة

شمس: تعالي اخذي موبايلي

راحت هي اخذتة وطلعت تمددت بمكاني بتعب حتى ليث ما اعرفة وين قمر ذبيتها بالكاع اخذنها البنات مهتمات بيها أكثر مني بس خليت راسي ع مخدة بسرعة دخلت بسبات عميق من التعب ما حسيت على نفسي من نمت

حلا...
دخلت لغرفتي قفلت الباب سديت البردة ودخلت للحمام دكيت رقمة عصرت الموبايل بتوتر الضحكة انرسمت على وجهي اخذت نفس وانتصلت عليه ما رد من أول مرة ولا ثاني مرة بقيت أحاول اربع مرات وما رد اعرفة هنا موجود يساعدهم يشيلون الجوادر تنهدت بضجر هاي آخر فرصة بيدي احجي وياه مشتاقتلة هواي
1

انتظرت دقيقة ودكيت انفتح الخط اجاني صوتة العالي كمكمت شفتي ما اريد ابين اله ضحكتي

كاظم: شلون.... يدكون ويفصلون الخط انعل عرضكم

قفل الخط بوجهي صفنت ع موبايل لازمة ضحكتي تحمحمت ودكيت بسرعة فتح الخط حجه بملل

كاظم: خوية شوكت تحجون بمحرم؟
9

حلا: لا بس اشتاقيتلك

اختفى صوتة شوية وحجة ما مصدك عضيت شفتي شكد مشتاقتلة اشهر وهو بعيد عني وما اسمع اخبارة

كاظم: ها يل رعنة حنيتي الله هداج؟

حلا: أي مو شسمة يعني ما احب المخابرات وهل سوالف بس اشتاقيتلك وانتَ لا حس ولا خبر

كاظم: ولج أنا؟ أنا الي ما اسأل وتاركج؟ لا أكدر احجي وياج ما تقبلين ولا أكدر اشوفج ما اريد اضغط عليج اعرفج تكرهين المكالمات بس يابة والله كلبي محترك منج لازم الموبايل اكول الله يهديها وتخابر أنا ما اكدر اخابرج لا احد من اخوانج يمج تروحين بيها

حلا: صح بس ما بقى شي ونصير سوا

كاظم: من يظهر المهدي الزم ايدج من اموت اسمع صوتج ولج هاي هم سالفة منج
7

حلا: أي شسوي شسوي

كاظم: يابة مرسال واحد بالاسبوع راضييي والكعبة رااضييي بس مو تمر اشهر وأنا احترك وانتِ عادي عندج

حلا: لا مو عادي عندي بس أخاف من اخواني لا يلزموني ويفسخون الخطوبة

سحب نفس بثكل صارت طبقة خفيفة صوتة صعد بالسيارة حجه بهدوء

كاظم: حقج يابة حقج يلا هل مكالمة هم نعمة راح يبدا الدوام حلا شدي حيلج عليج العباس ترا اخوج ما ينطيج لحد ما تنجحين واذا رسبتي اخذج واشرد بيج بليلة ظلمة أنا الصبر مل مني وعجز

حلا: أحاول

كاظم: والقاسم افشخ راسج من النص تحاولين شني ولججج خرب عقلج بسس انجحي
6

حلا: لا تصيح شبيك هي دراسة والسادس ما يكدرلة بس الله

كاظم: دكافي تسخيت ولعب جهال شدي حيلج واطلعي منه بس اتركي اللطلطة

حلا: يعني اتركك؟

كاظم: لا يا صلفة

حلا: غير احجي الصح

كاظم: والزهرة مشتاكلج انزلي من الباب الورا اريد اشوفج

حلا: صخام الصخمني لا عزا كلهم موجودين

كاظم: دبري روحج لا احجي مع اخوج هذا البلوة

حلا: لا كاظم مستحيل ما أكدر

كاظم: حلا يا استغفر الله العظيم لا تخليني اغرد عليج كلهم ملتهين بالجوادر وأنا كلتلهم طالع بشغلة

حلا: والكاميرات؟

كاظم: خلي حور تصعد لغرفتها اطفيهن بس نص ساعة ولج مردتي كلبي انعل ابوج يا بنت الكلب

حلا: ما اسويها لو تموت بمكانك

قفلت الخط بوجه كلبي يدك بسرعة جنونية غسلت وجهي طلعت لغرفت البنات كلهن نايمات من التعب بس شمس كاعده بحضنها قمر تناغي وياها كعدت يمها باوعتلي بتركيز

شمس: شبيج؟ وجهج مكلوب

حلا: يريدني انزل اله

شمس: روحيلة وهاي هيَّ بعد لا تطلعين

حلا: صدك تحجين؟

شمس: ترا زين منه متحملج تسع أشهر وانتو مخطوبين يحجي وياج وتصدينة حتى ما يكدر يشوفج فاهمة الحب والزواج غلط

حلا: والله أنا هم مشتاقتلة بس الكاميرات بكل البيت وهو صاير ما يتفاهم

شمس: اله حك عليج يا امي ما يصير هيج

نزلت راسي مختنكة عبالي من احجي وياه راح ارتاح اشو اشتاقيتلة أكثر خلت قمر بمكانها غطت حور وراما جرتني من ايدي كمت وياها طلعنا من الخارج سدت الباب هل مكان مابي كاميرات لأن أيهم كال اريد اسد هل باب من انخطف ليث بس صارت سوالف هواي لهتة عنها..طلعتني للشارع سيارتة واكفة بالركن عصرت ايدي خايفة صوتهم من الجهة الثانية بس بعيدين كرصتني بيدي حجت بنتر

شمس: راح تبقين صافنة ع شارع امشي بسرعة بيدج عشر دقائق وبس اذا تأخرتي اجي أنا بنفسي اخزيج كدامة

حلا: لا والله ما أطول

ركضت بسرعة فتحت الباب وصعدت هفيت ع وجهي بخوف باوعلي ما مصدك ذب الجكارة من الجام حرك السيارة لغير طريق لطمت ع وجهي حجه بضحكة

كاظم: وثول ولج بس بعدتج عن الانضار

حلا: خايفة والله

حضني بقوى فتحت عيوني بصدمة ريكي نشف من الخوف بأسني براسي اخذ نفس عميق زفرة براحة

كاظم: ليش كل هل عذاب؟ حارمتني منج عقوبة ولا شنو؟

حلا: لا بس والله أخاف احجي وياك بالموبايل لا يلزموني

مشى ايده على خدي خلة جبينة ع جبيني توترت منه وتندمت صعدت وياه من الخوف ردت اتقيأ

كاظم: لا تخافين وربج من شوكي عليج لميتج بين ضلوعي احس بيناتنا مسافة جبيره حتى النفس فاصلنا

حلا: بس كا...

كاظم: ليش تتعمدين تتهربين؟ حلا انتِ رايدتني مثل ما أنا اريدج بروحي وبدمي لو اكو شي ثاني أنا ما اعرفة؟
1

حلا: لا منيلك هل كلام

كاظم؛ لا تكولين منيلك هل كلام كلشي واضح وضوح الشمس اخذتج بالحلال وانتِ بعدج تتهربين مني احد جابرج عليَّ تندمتي لأن وافقتي عليَّ؟ احجي صارحيني خلي اعرف دربي منين دخت بيج

حلا: طبعاً اريدك أنا لو ما اريدك ما اوافق عليك ولا حتى اطلبك بصلاتي بس خايفة كاظم خايفة من اخواني والله مو سهلة اذا شافوني وياك بمكان واحد راح يموتوني والله انتهي بين أيديهم

كاظم: والخلقج انسا الخوة والصحبة لو جاسو شعرة منج
1

ابتمست اله شدد على حضنتة غمضت عيوني رفعت ايدي حضنتة بقوى بأس راسي همس براحة حتى صوتة تغير

كاظم: تدرين أنا ميت بيج؟

حلا: اي اعرف من زمان بس ليش ما گنت تحجيلي؟

كاظم: حتى ما اخليج تشوشين بأفكارج وانتِ صغيرة ما فاهمة شي

حلا: تعلقت بيك وانتَ بعيد عني هسه زاد الحب بكلبي أضعاف

رفع راسي من صدرة ابتسم وهو يحجي

كاظم: جنت أخاف تتعلقين بيَّ

حلا: ليش؟

كاظم: أخاف اموت و...

خليت ايدي على شفتة نبض كلبي بخوف اختفت ضحكتي همست برجفة

حلا: لا تحجي هيج فدوة شهل كلام

لزم ايدي باسها حجه بجدية وكف كلبي بكلامة

كاظم: ضغطت عليج حتى اشوفج واودعج عندي شغل بعيد واحتمال اربع أشهر ابقى هناك لحد ما ارجع اسويلج زفة يحجي بيها السلف كلة
60

حلا: ما اريد زفة ولا شي بس لا تروح

كاظم: ما اكدر وداعتج هذا شغلي

حلا: لا فدوة لخاطري لا تروح مبين شغل صعب لا تروح عليك الله

قرب وجه مني عصر ايدي بيده رفع راسة يباوعلي

كاظم: ضروري وداعت عيونج ما اكدر اجلة صارلنا فترة نشتغل عليه وهسه اجه وكتة

جريت ايدي منه نزلن دموعي بقهر كلبي ما مرتاح لهل روحة
11

حلا: هو انتَ تريد تروح

كاظم: هسه عليمن هل بجي كافي امسحي دموعج كلتلج ارجعلج

حلا: واذا ما رجعت

قرب وجه مني ابتسم بأس عيوني رفع ايده ع راسي قربني اله حجه بحدة
2

كاظم: واذا ما رجعت؟ عادي بوية حالي حال الراحو بس اريدج توعديني وعد

حلا: شـ شنو؟

كاظم: اذا رجعتلج بجفن ما اريدج تلطمين لا اريدج تفرحين تعيشين حياتج وتحبين مو تدفنين نفسج وحلفتج بالقاسم الأسود تذبينة وما تلبسينة
34

دفعتة عني متخبلة صرخت بوجه وأنا افتح باب السيارة بس ما ينفتح

حلا: نزلنيييي كللل هل كلااام وتكللي راح ارجعلج

جرني من ايدي راد يمسح دموعي دفعت ايده بنتر اريد بس انزل لو ادري حتى ما اخابره من الأساس عصر ذراعي بيده صرخ بوجهي سكتت

كاظم: خلييييي احجييي شبيج

حلا: شتحجي بلا؟ ها

كاظم: تعرفين شنو الشغل؟ لازم اكملة والله مو بيدي بس افهمي

مسحت دموعي باوعتلة حجيت بحده فتح عيونة مصدوم من كلامي

حلا: أنا لو الشغل؟
3

كاظم: تخبلتي؟

حلا: كاظم لا تلف وادور بالكلام احجي أنا لو الشغل؟

كاظم: لا تعيدين هل كلام

حرك السيارة ساكت عاقد حواجبة بغضب لزمت ايده الي ع سترين عليت صوتي أكثر

حلا: كاظم أنا لو الشغل؟

كاظم: انلصمي

حلا: نوصل هسه بعد أربعة أيام واحجي مع اخواني يفسخون الخطوبة 

التفت الي بعصبية عصر الستيرن بيده حجه بخفوت ممزوج بحده طاغية ع صوتة

كاظم: ضبي نفسج يا بنية لا اطلع بيج هسه وطز بيج وبأهلج كلهم

حلا: ميخالف هسه خلي نوصل

كاظم: حلا والحسين انهيج لو فكيتي حلكج مرة الثانية

سكتت عنه وصلنا للبيت نزلت بسرعة نزل وراي شمس بعدها بمكانها خلاني بيدها تشكر منها دخلنا جوه وهو راح وكفنا بأخر الحديقة من الخارج نزلن دموعي شهكت بقهر باوعتلي بقلق مسحت على ظهري حجت بتسأل

شمس: شبيج ولج

حلا: يريد يطلع لمهمة اربع اشهر والله شمس خطرة بس ما يحجي خيرتة بيني وبينها سكت ما جاوبني يعني يريد يروح والله

حضنتني غصيت بالبجي كلبي ما مرتاح لهل روحة ما اريده يروح طبطبت على ظهري حتى هي خافت بانت على ملامحها القلق

شمس: اهدي أن شاء الله ماكو شي ادعيلة يرجع بالسلامة مو تفاولين عليه

حلا: خايفة والله مو بيدي

شمس: لا توسوسين

ابتعدت عنها مسحت دموعي حتى حلكي انجرح صوت الباب انفتح دخل رصار بيده شده كاملة كراسي مال فاتحة خلاهن ع صفحة انتبه لوجودنا خليت الشال ع راسي باوعلنا بأستغراب بعد انضارة عني باوع لشمس الي رفعت حاجبها تباوعلة
5

رصار: شعدكم هنا والوكت متأخر؟

شمس: جنت احجي مع نشهل البيت هوسة وخنكة

رصار: وانتِ شعندج هنا؟
1

حلا: خير خير أن شاء الله شعليك؟ مفتره بحديقتكم متقربة الك شعليك؟

كرصتني بيدي اشرتلي اسكت عفس وجه بقرف حجه بلعبان نفس خلاني افور بمكاني

رصار: قدي
2

حلا: عيع منك أي والله قدي بوجهك صدك ما تستحي شلون صلف
19

رصار: هاي مصدكة نفسها انثى؟

حلا: لا خليت الانوثة الك ولـ امثالك

رصار: شوارب اخوانج كلهن بوجهج
10

حلا: ديلا اكرمنا بسكوتك

رصار: بايعة ميانة للستار

شمس: جهال انتو؟ شبيكم وجع

حلا: لا تغلطين

رصار: لا تغلطين لا تبجينها خطية بجت بجت ورب الكعبة

نزلن دموعي شهكت بقهر هو أنا كلبي خلصان من كاظم وهذا عبالة من كلامة ضربتة شمس بس هي تعرف الي براسي شنو

شمس: اطلع منا امشي

رصار: قمر كعدت والكل نايم وعلاء يفتر بيها بالبيت روحيلها

دفعتة وطلعت ردت اطلع وراها سد الباب دفعني بيده ارتديت لورا بأستغراب فرك وجه حجه بهدوء
12

رصار: ليش تبجين؟
1

حلا: والله خوش سالفة هاي وانتَ شعليك؟

رصار: مو دا نزبل مثل الاوادم شبيج تنترين؟
1

حلا: لا تدخل رجاءً شي ما يخصك

دفعت الباب ردت اطلع اجاني صوتة بهمس

رصار: ترا شفتج من طلعتي اله..!
1

تيبست بمكاني فكيت عيوني بصدمة بلعت ريكي بتوتر تحمحمت بهدوء تركت مقبض الباب رديتة شوية نداريت اله ملامح وجهه ما تتفسر

حلا: تمام والمطلوب؟

رصار: ابد سلامتج بس لا تعيدينها لأن راح تتأذين

حلا: شتقصد؟

ارتجة ع حايط طلع جكارة ولعها يدخن زفر الدخان للسما باوعلي بتركيز وترني خفت لا يحجي لـ اخواني بالحرام يموتوني

رصار: كلامي هذا اعتبري أمر عليج مو مجرد نصيحة أو كلام عابر لو انعاد هل تصرف راح تشوفين مني غير وجه
13

حلا: حظرتك جاي تتأمر عليَّ؟

رصار: شلون ما تعتبرينها اعتبريها

حلا: نصيحتك وكلامك وانتَ كلك على بعضك ما تهمني ولا حتى هزيت شعره مني كم كلمة احجيها الك قبل لا اطلع اذا تريد تحجي لـ اخواني انصحك هسه تروحلهم وتحجيلهم لأن مجتمعين احسن من الصبح يطشرون اتمنالك أحلام سعيدة

فتحت الباب حجه بسرعة

رصار: لا تنزلين رأس اخوانج

التفت اله بهت وجهي من كلامة

حلا: تحجي صدك؟ شهل كلام

رصار: الي دا احجي لمصلحتج كلام الناس ما يرحم ما يعرفون معنى الحب ولا يهتمون بمشاعر الانسان لو واحد من جيرانكم شافج وانتِ تصعدين مع صديق اخوج؟ ما فكرتي شراح يصير؟ أول شي راح يتهمونج بعرضج وشرفج راح تخسرين ثقة اهلج بيج اخوانج ما راح يضربونج أو يهينونج لا راح ينطونج لشخص غريب حتى بس يتسترون من كلام العالم راح تفتركون ما راح تحصلين الي تحبينه ابد احتمال يكتلونة ويبلشون بدمة هاذي قضية شرف وانتِ تعرفين اخوانج شنو من شي راح تخسرون سمعتكم بالمنطقة ما عدا الكلام الي راح يسمعونة اخوانج يجيج واحد حثالة ما يسوا يكللهم ها يابة شفت اختك صاعده ويامن؟ ها يا فلان وينكسر راسهم بين العالم وانتِ؟ أنتِ راح تخسرين نفسج وسمعتج واهلج ودراستج والنعمة الانتِ بيها هسه راح تفقدينها وتخسرين خسارة عمرج وشبابج
12

حلا: بس أنا بس شفتة والله

رصار: خلي أكمل كلامي اعتبريها نصيحة من واحد خسر نفسة وشبابة بلحظة طيش ومراهقة من بعد تصرف سواه بعد ما يحقلة يعيش مثل العالم ولا يحب ولا ينحب عرفتي مقصد كلامي؟

حلا: بس هو قريب مني يـ..

رصار: لا مو كريب ما بيناتكم عقد ملا ولا محكمة مجرد قارين الفاتحة هذا تعتبرينة كريب عليج؟
عقيل مو اخذ اختج ليش اخوانج ما يحجون من يخابرها؟ يعرفون كلشي بس يعرفون بيناتهم عقد ملأ وشهود وبالحلال ماكو شي يمنعهم من بعض بس انتو حالتكم تختلف لا عقد ولا شرع ولا قانون بيناتكم شلون تريدين اخوانج يوافقونج الرأي؟

نزلت راسي كلامة كلة صحيح بس شلون اقنع نفسي كل ما يريد يتقدم تطلع شغلة جديده تخلي يتأخر ويبتعد الف خطوة اعرفة متعذب وياي بس ما بيدي شي اقدمة اله تعذب هواي كاظم صبر ع كلشي المهم اصير بأسمة بس الحظ ما دا يحالفنا أبداً أحياناً تقارب الكلام لا شيء عند تقارب الارواح والانفاس

حلا: صح كلامك

رصار: ادخلي جوه الوكت تأخر

هزيت راسي طلعت خطوة همس بثكل حسيتة ما يريد حتى اسمع للسؤال الي قدمة الي

رصار: تــحــبـيـنـة؟
12

باوعتلة ابتسمت بوسع لمعت عيوني بطاريه بهت وجه مسح ذقنة بهلع ايده رجفت رجفة واضحة
20

حلا: أي

رصار: ما يحتاج تحجين ههه نضراتج سابقة لسانج

حلا: الله يرزقك بنت الحلال

رصار: صارت..! بس ما وصلت
12

حلا: شلون يعني؟

رصار: ولا شي روحي يابة روحي

حلا: بس شي حيرني شنو قصدك بغلطة مراهقة؟

ابتسم بظلام ذب الجكارة بالكاع عدل نفسة رفع حاجبة يباوعلي
1

رصار: الفضول

حلا: الفضول؟ شلون يعني الفضول دمرك؟

رصار: أي الفضول يدمر أكبر شخص ولحظات الاستعجال والاندهاش تخسرج روحج
5

حلا: ما حصلت الجواب الاريده؟

رصار: الجواب بيدج بس غافلة عنه
2

هزيت راسي طلعت وتركتة دخلت بسرعة لغرفتي ذبيت الشال كعدت مع جرباية مسحت وجهي مختنكة هفيت ع وجهي يارب ما يروح حجيتها من كلبي ومن روحي فزيت من مكاني ع صوت الباب مسحت وجهي بسرعة طلعت بسرعة فتحت الباب باوعلي بأستغراب

أيهم: نايمة صحيتج؟

حلا: لا كاعده

أيهم: چا شبيهن عيونج

حلا: لبست عدساتي وذبيتهن عيوني حمرن

أيهم: امشي جيبيهن

حلا: لـ..

أيهم: امشي جيبيهن لا اكصبج هنا

هزيت راسي بسرعة فتحت الجرارة طلعت العدسات لويت شفتي حرامات بس شسوي خليتهن بيده خلاهن بجيبة لوا أذني عضيت شفتي بوجع
1

أيهم: هذن الخرا يعمن العيون وجه القندرة ما عندج عيون حتى تلبسين هذن معرف شني

حلا: لا بعد ما البس

أيهم: امشي ولي امشي

فركت أذني ردت اسد الباب دفرني طحت بالكاع بجيت بقهر جرني من ايدي سحلني ورا

أيهم: شبيج انتِ عليمن تبجين ترا ما سويت شي حلاوة صايرة حساسة

حلا: أيهم لا تدفرني والله تشلع الكلب

أيهم: ويطبج مرض شسويلج

حلا: وين مأخذني

أيهم: تدخلين لغرفة البنات تصحين هاي الثانية تسحلينها وتجيبينها الي يلا ولي
3

حلا: بس نايمة خطية

أيهم: هسه سؤال واحد بلا زحمة عليج

حلا: من عيوني والله تفضل أمر خدمة

أيهم: صخامت وجهج وتحشرين روحج بكلشي وراثة ولا شنو؟

حلا: حياتي اخوية الغالي والله ع راسي

أيهم: امشي صحيها بس لا تفز ع كيفج

حلا: هسه اخبلها والله اضربها راجدي اكللها كووومييييي

حجيتها بسرعة وانا اضحك جابني براجدي الا صارت الصالة بعيوني معرف انصدم احجي اكللة اشاقة معرف احتاريت دفرني طحت بالكاع لزمت بطني جرني ورا من ياخة ملابسي بعدت ايده عني تحمحمت بهدوء عدلت نفسي رفعت راسي فتحت الباب اباوعلها نايمة ابتسمت بخبث جريتها من شعرها ما صحت ضربتها راجدي بخفة ما صحت دفرتها ع رجلينها هم ما صحت كمزت عليها عضيتها من كف ايدها كمزت من مكانها خايفة ضربتها راجدي فتحت عيونها مصدومة سحلتها من مكانها دفعتني مستغربة

حور: شبيج ولج

حلا: رجلج دفرني وضربني اخذت حكي هسه

حور: يا

سحلتها من شعرها لزمت ايدي ما فاهمة شي طلعت برا ذبيتها عليه لزمني كمخني وهي تحجي وياه ضربتها على ظهرها دفرني تكسرت قوست ظهري بوجع تقرب الي ركضت بسرعة دزيتلها بوسة بالهوا لزمت شعرها تضحك

أيهم: حلا وين ما اشوفج انهيج

حلا: والله ضربتها راجدي وكفشتها من شعرها وحتى عضيتها والله

دفع الكرسي جرني منه عضني من ايدي فرفحت روحي استحي أصرخ لا يصحن البنات

حور: عزا عزا العزاني تحجي صدك اتركها خطية ياااا

أيهم: احطج وابسطج وياها؟

حور: ما سوت شي

جرها وياي كمخنا بكمخة دفرتها حتى اخلص نفسي ركضت لغرفتي سديت الباب انهد راجدي واحد صحاني ع زماني شلون لو صادني مع كاظم ضربت جبيني بخوف الله لا يكولها

حور.....
صعدنا للغرفة لزم شعري يباوعلة

أيهم: نمتي وشعرج مفلول؟

حور: أي لعد البس حجاب؟

أيهم: شي أكيد أنا ما كلت بس بغرفتج سوي الي تريدينة؟

حور: معرف نمت وما حسيت بروحي

شالني بحضنة تمدد خلاني على صدرة غمضت عيوني اريد أكمل نومتي مسح على شعري خلاني جواه من التعب بسرعة نمنا
9

فتحت عيوني اباوعلة نايم بعدت ايده من كتفي درت نفسي للجهة الثانية باوعت للساعة ثنتين الظهر باوعت للصالة فارغة احس الفراغ حتى بكلبي مو بس بالصالة ما عندي شغف اكوم ولا لهفة اركض للصالة اشوفهن اذا صحن أو لا اسبحهن واغير ملابسهن اسمع صوتهن يناغن يرن بأذني رن فقدتها من أيام وفقدت الفرح وياها انطفى الضو الي بكلبي صار كلشي عندي ممل ومالة لهفة بس أحاول استرجع قوتي لخاطر اخوانها

جرني من خصري مشى ايده على بطني همس بخفة

أيهم: شبيج؟

حور: شبيه،؟

أيهم: مابيج شي يا عافيتي بس صارلج ساعة صافنة

سكتت قلبني اله مسح على شعري حجه بهدوء

أيهم: نطلع؟

حور: لا مالي خلك

هز راسة كام من مكانة كمت وياه دخل يسبح حظرت ملابسي و ملابسة دكيت باب الحمام اخذهن مني طلع هو دخلت ورا اختلطن دموعي مع المي شوكي عليها ما جاي يهدا هواي مشتاقتلها لبست ملابسي غسلت وجهي اتعوذ من الشيطان لفيت شعري طلعت بسرعة مديت السجادة وصليت ارتاحيت هواي هم وانزاح عن كلشي ذبيت جادر الصلاة باوعلي بقلق

أيهم: بيج شي؟

حور: لا

أيهم: احجي شبيج؟

حور: هيج خنكة وراحت

أيهم: مو كلتلج خلي نطلع؟

حور: اخذني ازور عفية

أيهم: لا

حور: أي ليش معاند هو اكو احسن من الزيارة

سكت ما حجه عجزت افهم ليش ما يخليني ازور ولا هو يروح ما لحيت عليه راسي يوجعني مو مال اجادلة بالكلام
8

أيهم: يابة بيج شي

حور: لا متوهم

أيهم: أخاف تعبانة من الي بطنج؟ انزلة والله كل ما تحبلين تذبلين

ذب الصاية بوجهي حجيت بسرعة

حور: لالا بس بس مختنكة هيج يعني عادي

أيهم: ميخالف البسي ملابسج انتظرج هنا يلا وليدي

حور: ليش وين راح نروح

أيهم: هسه البسي نوصل وتعرفين

عضيت شفتي لبست الصاية كعدت ع جرباية تعبانة معرف شبية بس دايخة جر النقاب من ايدي ثبت وجهي بيده لبسني النقاب نزل الطبقة الثانية لزم ايدي لبسني الكفوف نزل عليهن الصاية جر رجليَّ لبسني الجواريب والبوت خلة القمصلة ع ظهري خليت ايدي بالجيب لزم ايدي عصرها بيده نزلنا جوه راح ع عمة ضحى يحجي وياها البنات نايمات دخلت للغرفة اباوع لشمس مخلية قمر ع صدرها تحجي وياها وهي تتفاعل بالكلام تناغي بحماس ابتسمت كمزت راما من مكانها حجت بخوف
9

راما: اعوذ بالله من الشيطان الرجيم بسم الله الرحمن الرحيم ينعل بليسج كلت هذا ملك الموت داخل علينا
16

حور: المصيبة اذا ما البسهن احس نفسي بلا ملابس
2

راما: طاح حظج والله خفت واكفة فوك راسنا أسود بأسود وقزمة عبالك تخوفين والله

شمس: حوري وينج حياتي مختفية من صدك ارفعي النقاب اختنكت من يمي

ضحكت بقوى رفعت النقاب صفنت عليَّ عهد حجت بضحكة

عهد: بس والله حلوة بيهن

حور: احبهن
7

عفرا: ترا حلوات واهم شي انتِ مرتاحة بيهن

شمس: وين رايحة؟

حور: معرف والله

شمس: حياتي بعدج نايمة؟

حور: لا والله صحيت

شمس: اكو وحده تلبس ملابسها وما تعرف وين رايحة؟

حور: لا بس هو كال البسيهن حتى نروح

شمس: عفية وانتِ ما سألتي؟
1

هزيت راسي لا

حور: لا ما سألتة

عفرا: هههههههههههههه عزا ياربي

شمس: تشك الكلب شك

اخذت قمر منها رفعت ايدها تضربني ع وجهي جعصتها بحضني

حور: راما شفتي ليث؟

راما: عند علاء واخذه قيسر منه

حور: صارلي شكد ما شفتة ولا اعرفة وين

عفرا: اطمني عند عمامة

زفرت انفاسي بحيرة سمعت صوتة يصيحلي هزت ايدها شمس وهي ادخن

شمس: شمالة يجوعر من الصبح؟

حور: مو يصيحلي

شمس: هذا يتعارك ويا روحة مو يصيحلج

ضحكت وهي كامت من مكانها طفت الجكارة دخلت للحمام شوية وطلعت قبلي طلعت مع عهد اباوعلها واكفة تحجي وياه وهو عافس وجه بقرف منها وهي تضحك

شمس: يلا لا تضوج هي بقت حسبت أيام

أيهم: يكرم طاري محمد ولي عن وجهي لا ادوس بخناكج

شمس: دكافي ترا لحيت ملاحظ روحك؟

أيهم: تعالي حوري تريكي ذبانة تزن بأذني من الصبح

ضحكت هي ما جاوبتة كعدت جواهر تأكل وطلعت باربي عيونها مورمة اخذت قمر مني بدون ما تحجي

جواهر: شكد ما نفسج بيهن طيرتي الطفلة يا ساتر

باربي: باوعي لج روحي طافرة والدنيا طالعة من عيني لا رجلج ولا اهلج يمنعوني ادوس بطنج وازوعج حليب امج من خشمج وانعل والديج هنا اكضج من شعرج اخليج تتفلين الدم
5

أيهم: افا يابة شبيج؟

باربي: ولا شي

جواهر: شحاجيناج عيني

باربي: من عمت عيونج أي والله

قيسر: بصراحة ما توقعتها منج باربي هاي جوجو الماني تحجي عليج وانتِ تسكتين؟ لاااا لاااا تغيرتي هواي مع الأسف الشديد

حور: قيسر اسكت عيب والله لا تزرع الفتن

قيسر: خاب كظو هاي الفاهية لا اكوملها والله

أيهم: حور

حور: ها

أيهم: كومي اخرطي سروالة
18

راما: يااا

قيسر: شبيج كيفتي انعل ابوكم شحد الي يكرب ع سروالي
8

دخل ليث يفرك بعيونة مشيت اله رفع شعره من وجه ابتسم بنعاس رفع ايديه شلتة بحضني شلعت خدودة من البوس خلة راسة على كتفي حضني من ركبتي فرحان باوع لراما فتح عيونة مصدوم

ليث: ثراما
10

راما: وجع اي والله

ليث: ثراما موجودة

راما: ولي

ليث: لا تزعلين وجهج وجه ربع مكشم

ضحى: انتَ شبيك وياها؟

ليث: يوم هي معرف شبيها

دخل علاء فتح الثلاجة أخذ بطل مي وطلع باوعت لباربي منزلة راسها ما حجت وياه عكس كل مرة تخلي يتريك وياها هل مرة بقت ساكتة حتى هو ما حجه بسرعة طلع وطلع ورا أيهم وقيسر

كعدت وياهن اكلت شوية بس حتى اشرب العلاج قربت مني الصمون ما كدرت أكل همستلي بخفة

عهد: اكلي شبيج

حور: مالي نفس

شمس: بيج شي؟

حور: لا والله بس اني هذا اكلي

شمس: لا ما يصير هذا ما يسمى أكل

خلت كدامي صحنها اكلت منه حتى تسكت

ضحى: اكللج يُمة شمس شكد صارلج ع حبل

شمس: اربعة أشهر

ضحى: چا يُمه ليش ما مبينة بطنج

شمس: الطفل مهدد بالأسقاط تعبان

ضحى: يا حبيبة ع بختج صدك تحجين ما راجعتي
دكتورة تنطيج مقويات وعلاج تأخذلج سونار تشوفين جنس الطفل

شمس: لا خالة راجعت دكتورة وانطتني علاج وحالتي تحسنت بس تدرين من التعب شوية والنفسية الها دور

تركت الجاي من ايدها عمة سمر حجت بقهر

سمر: چا هاي النفسية دفعتنا سنين من عمرنا بالتعب والظيم وما تغير شي حافظي ع الي بطنج واهتمي بروحج ترا محد ما يفيدج غير نفسج وابنج لا رجال ولا أهل
5

شمس: شنو الي متعبج؟

سمر: هههههه لا يُمة ما تعبانة بس مجرد كلام

شمس: اشتعلت روحة الي ابالي هيج متعبج؟

سمر: جهنننم وينك ربي وتصلي جهنم وحميم دخيل اسمك

ضحى: يا

اشرت ع عمة ضحى حجت بملل

سمر: اعذرينا عيني حجينا ع زوجج الـ....

سكتت عمة ضحى بس شمس ما سكتت

شمس: خالة احجيلنا شوية عن معاملتة وياج كبل

ابتسمت هي ذبت الخبز من ايدها تنهدت وحجت براحة

ضحى: شحجيلج جنت احبه يا يمه وهو يحبني بس خلاني اكرهة وانبذه من تصرفاتة

حور: ليش

ضحى: مسودن يغار عليَّ من كلشي وأنا جنت اريدن اتكشخ واخلي الكحل واتغاوة بروحي لجل نفسي بس هو ما عكل حرمني من هل اشياء بس وياه عادي خنكني من الحبسة بالغرفة لا اطلع ولا افوت ما مقصر بشي بس تعبني من التحكم مثل الصينية بيده يوديني يمين وشمال تعبت منه بس ما كرهتة

راما: الله اريد واحد مثلة

ضحى: لا يُمة لا تكولين هيج المريض يتعبج ويمرضج وياه

شمس: خالة سمر؟

سمر: قدي قدي دخيلك ربي يبووو جعلني ميتة ولا اسمع صوتة قديييي ويييع

غصيت من الضحك عليها تخلي ايدها على حلكها بقرف كملت كلامها بلعبان نفس

سمر: هو صح حلو بس كل حلو بي عيبة وعلة جان نذل الله لا يرحمني لو لو كلت الله يرحمك يا منبوش الصفحة تفووو ع ساعة الشفتك بيها يا كلب
12

عفرا: فدوة شهل حب
1

سمر: ولج يا مكرمة انلصمي لا اهبدج بالقوري ع بوزج احبه حبتني حيه تلفني لف

فهيمة: ما يحتاج حية يمة هو انتِ حية كوبرا
7

سمر: مشكورة يمه كدرتج بس عليَّ
2

راما: خالة احجيلنا شلون جان شكلة عليج الله

عفست وجها بقرف شربت جاي شوية وحجت

سمر: يشبه أيهم نسخة ثانية مصغرة طبق الأصل
1

ضحى: لا ولج لا

راما: شلون يعني؟

ضحى: جان بشبابة حلو وكبر وهو حلو صاحب فك حاد عيونة حادات يشبة جدو طويل واجتافة عالية وحليو يُمة مزيون تحبينة من أول نضرة شعره ثخين جان يوكف ع مراية امشط شعره اصابعي تخوص بي
6

حجتها بأبتسأمة عريضة تنهدت بحزن اعرفها تحبة عكس عمة سمر تعقج بحواجبها تنقرف حتى طاري

باربي: عمة طايحة ومحد ما سمى عليج

ضحى: أووو من زمان يُمة احبنه وعلي

سمر: لحظة خلي اصيحهم واحجي هيج
2

ضحى: انجبي لج رعنة منو كال احبه

شمس: لا صح اكول خالة سمر حبيتي بشبابج؟

سمر: أي وبعدها لا لأن جان ابوية الـ... حابسني لا طبة ولا طلعة ما اشوف احد ولا أحد يشوفني

حور: ليش؟

سمر: ضنان وحقير عدهم البنية حالها حال الجلب مو مهمة مثل الولد الحمدلله وحدي بهل دنيا ولا عندي اخت شافت الأنا شفتة
2

حور: لا اله الا الله حرام هل شي التفرقة حرام راح يتحاسب ع كلشي

فهيمة: يمه أنا ما وافكت عليه بس أهل كبل ما يأخذون شور البنية ينطونها حتى اذا ما موافگة ما يهتمون أنا اميمتي خلتلي الديرم وبليلة ظلمة دخلوني عليه وصرت زوجتة ما بيدي شي

صفنت على عمة سمر گانها مهضومة حتى من السوالف ساكتة وصافنة

شمس: لا تزعلين سمر عندي فيصل حلو ويحب النسوان اخذي

سمر: هو شبقى من العمر منين ازوج يا حافظ وأنا عندي هل غولان

نجود: يُمة حبابة تزوجي حتى ازفج بيدي
2

سمر: ليش يُمة شعبالج أنا لو ما هل ثلاثة والله من بأجر اعرس

باربي: الله والله حقج تزوجي حبابة

جواهر: تزوج؟ والله لا يكرموها بمكانها

سمر: راح الـ.....وخلالي نسخ منه تفووو همداكم وهمدا

ياسمين: طبعاً امي تموت ع ابوية

شالت خاشوكة الجاي ضربتها بيها وهي تضحك
1

سمر: عمت عينج انتِ وابوج

خليت قمر بحضن شمس كمت من مكاني ذبيت الكفوف غسلت ايدي وجهي لبست الكفوف طلعت طلعت برا باوعت اخواني موجودين دخلت ع صوتها تغني ضحكت بغرابة

حور: من الصبح تغنين ولج؟

حلا: هههههه أي عجبني اغني

حور: شبيج؟

حلا: شبيه؟

حور: معرف بس عيونج مورمة

حلا: من العدسات البارحة لبستهن

حور: ارجع ونحجي لأن شغلتج مو شغلت عدسات

هزت راسها عيونها مدمعة طلعت برا سلمت عليهم وليث وراي خليتة بحضني صعدت بالسيارة وهو صعد وياي كعد ليث بحضني معرف شبي حرارتة مرتفعة

حور: لولي شبيك؟

ليث: راسي ماما

أيهم: مصخن؟

حور: اي

باوع لرجال يمشي وعباتة ع اكتافة وسمين هواي هز ايده حجه بملل

أيهم: من عكالة مبين عفطي
27

حور: هههه استغفر الله العظيم

أيهم: أي اضحكي اضحكي يروحولج فدوة نذر عمامي العفطية

ليث: لا تحجي مع ماما

أيهم: لا بربك؟

ليث: أي لا تحجي وياها

أيهم: انعل عرضك....

حور: ها أيهم رجعنا ع غلط؟

أيهم: ما تشوفينة شلون يحجي؟

كمز ليث يحجي بجدية ما يشاقة صفنت بأستغراب منه ومن كلامة

ليث: احجي بكيفي لا تدخل

حور: ليييث شهل كلام عيب شلون تنتر بوجه ابوك

ليث: خلي يولي

راد يضربة حضنتة بسرعة وهو يدفعني يريد يحجي عليه تخبلت تعدا حدودة هواي ينتر بوجه ولا خايف

ليث: تريد تضرب اضرب مسوي روحك رجال

أيهم: احجي احجي كل كلمة اربيك عليها ع سراط المستقيم

حور: والله ما ادخل خلي يضربك بعدك هلكداتك وتحجي هيج؟ مو عيب منين متعلم هل كلام

باوعلي بنص عين من صدك انصدمت بعده صغير منو يصدك يسوي هل حركات والادهى من كل هذا معرف منين متعلم هل كلام وهل حركات

ليث: خلي يضرب شنو خايف منه

أيهم: لا تخاف هه

حور: بلا أيهم لا تحجي هيج وياه صغير ما فاهم شي ما حجه هيج الا وبي شي مو تكعد تخوفة

أيهم: كلشي ما بي بس طلعت عينة لأن محد ما يحجي وياه كلمة وحده

ليث: انجب

ما حجه وياه احجي مع ليث ما يرد حتى عني ابتعد صفنت بحيرة وصلنا للمستشفى نزلنا سوا بقى ليث بالسيارة قفل عليه الباب خلة بيده الموبايل صادفتنا مي سلمت علينا وهو يحجي وياها باوعتلي ما مصدكة

مي: حامل؟

حور: أي

مي: صدك تحجين

أيهم: لا تجذب بابا شبيج؟

مي: انتَ تعرف حألتها شنو وتكللي حامل؟

بقى يحجي وياها وكفت ع صفحة لحد ما اجه الضحكة مرسومة ع ثغرة لزم ايدي باسها خجلت من العالم تمر من يمنا

أيهم: كبرت الأمور كبر اليكبرها هم حأسبة روحها دكتورة

مي: والله انتَ ما تستحي

أيهم: وجع يلا ولي ع شغلج

مي: همداكم

ضحكت وهو يداهرها راحت هي طلعنا من المستشفى صعدنا بالسيارة رفعت النقاب اهفي ع وجهي باوعت ليث كاعد وساكت حتى الموبايل ذابة بمكانة

أيهم: اكول حظرت جنابك شبيك؟

ليث: وانتَ شعليك؟

أيهم: دولي

ليث: ماما من اغلط عليه تزعلين

حور: ترا عيب عليك وعليه خرب بحضي لا ابني ولا الجبير براسكم خير

درت وجهي للجام حجه بهدوء

أيهم: لسانك اذا ما ضبيتة اشلعة الك واشوفك الخرسان شلون يحجون

ليث: خفت

حور: شبيييك انتَ شهل لسان بعدك هلكداتك استحي على نفسك والله بعد ما تطلع من الغرفة لحد ما تتربة زين

نزل راسة ساكت عضيت شفتي شلون صرخت عليه بس شسوي طلعني من طوري لسانة طويل ينتر بوجه ابو ما اريده يتعلم ع هل طبع وصلنا للبيت نزلت وياه فتحت الباب جريتة لحضني بستة بخده دار وجه مني

صعدت للغرفة وهو دخل ورانا خليتة ع جرباية جر الغطى غطى نفسة حتى راسة باوعت لـ أيهم محتارة بسالفتة حتى هو استغرب ابتسم بغرابة كعد عند راسة جر الغطى بهدوء دفع ايد أيهم صرخ بوجه

ليث: ولييييي منااا حيوان

أيهم: شبيك؟

ليث: شعليك

أيهم: تكوم وياي

ليث: وين

أيهم: نسجل بالروضة فتحت مو ردت تروح صرت شايب لسانك اطول منك

ليث: دولي

جر الغطى منه تغطة تركتة وطلع من الغرفة نزلت ايدي من كلبي تنفست بخوف الحمدلله ما ضربة ما حجيت معاه خليتة نايم غيرت ملابسي نزلت جوه كعدت وياهن اباوع لباربي ساكتة ندستها بكتفها

حور: شبيج؟

باربي: اريد اروح لهلي وما يقبل ابوية خابره وهو اعتذر منه ما قبل بلا يصير؟

حور: بس انتِ تعرفين اهلج شنو؟

باربي: صح والله أعرف بس ابوية كال خلي تجي

حور: احجي وياه وفهمي تريدين تروحين

نزلت راسها تتنهد

باربي: ما يقبل عجزت أحاول وياه ما يقبل يموت من طاري ابوية

حور: احجي مع أيهم خلي يحجي وياه هو يسمع كلامة

باربي: لا وداعتج ما يقبل

حور: خلي السالفة تعدي سبوع وبعدين احجي وياه مرة الثانية بس  بهدوء مو تصرخين ترا شكد تصرخين يبقى معاند

باربي: كال لا تفتحين هل موضوع مرة الثانية

حور: ادرى بمصلحتج صدكي

باربي: انوب زعل حتى ما احجي وياه شلون لوتي

حور: علاء يزعل؟

باربي: مو هو شسمة هو زعل

حور: لا تكذبين ولج كولي أني زعلت لا تذبينها برأس علاء

باربي: أي أنا زعلت ارتاحيتي