تصفح



الحلقة الثانية والاربعون 💫
58.1K 2.9K 3.5K

بواسطة al-Dulaim
﷽

كسار الود 5:5
9

.رحـمـة الدلـيـمـي.
10

جنك بيوم اهلنا كبل طين وبلا
سكف جاثي ع مدود
2

المتابعة للحساب والتصويت والتعاليق بين
الفقرات لطفا♥
10

ـــــــــــــــــــــــــــــــــــــــــــ

مسحت وجهي اضحك بصدمة تحمحمت بهدوء
أكيد كل كلامها جذب حتى بس تخرب بيني وبينة هذا الي جنت افكر بي.؟!

دخلت جوه دكيت ع ميس شوية وجاوبتني من طرف خشمها

ميس: خير

ود: اسألج سؤال واحد بس عليج الله جاوبيني بصراحة

ميس: شكو

بلعت ريكي بتوتر

ود: كسار

ميس: هسه احجييي شبيج

ود: كسار تزوج عليَّ؟
8

ميس: انتِ نايمة ورجلينج بالشمس صدك تحجين؟
جاية هسه تكولين تزوج؟ هههههه دروحي عيني روحي
3

قفلت الخط بوجهي طاح مني الموبايل كعدت بالكاع اختنكت هواي اهف ع وجهي الكلى بسرعة نغزتني ما اعرف اذا الكلى أو وجع ثاني رجفت ايدي عضيتها بصرخة رجت البيت رج
4

ود: دخيلك ربي

اخذت الموبايل اباوعلة بعده حاظرني اندك الباب بس ما أكدر اكوم اندك مرة مرتين ثلاثة بس ما كدرت حتى احجي من صدمتي ما بجيت ولا نطقت بحرف واحد بقيت ساكتة و صافنة ع كاع بس الوجع اكلني من جوه أكل اسمع صوت اخوية برا بس ما بيَّ انطق حرف واحد

علي: لجججج ريحانة افتحي الباب

أسمع صوتة وساكتة كلشي بيَّ برد وجمد

هيفاء: لج امي ويننننج

علي: شبيها هاي

دك الباب اقوى كمت من مكاني فتحتة لزمت ايده باوعلي خايف

ود: بطني توجعني

قد يعجبك أيضاً

عقدة الذيب
916K
26.2K
فتاه مندفعه ومتهوره وعنيده وقعت في فخ رجل محقق جنائي قاسي القلب ومريض نفسي فكيف سوف تنجو من عذاب المتعقد من النساء؟؟ وهل ستنجو ام لا؟؟

هوس العيون
1M
33.3K
وفي هاذ العالم طفله صغيره ذات عام صغير لاتعرف كيف ستكون الحياة معها ولاتعرف كيف تتصرف طفله بريئه ذات العيون البريئه ولاتعلم كيف يقع بحبها شخص ذو شخص قلب قاسي ولايرحم كيف...

الريتانين " متراس الدرزياء "
680K
42.5K
شتـان بينهما كل الأختــلاف يتبين عـدم العدل والأنصاف هنالك من يعيش بتَـرف وثَــراء وهنالك من ولـدَ من رحـم العنـاء ... ! شتا على طبق من ذهب يُـقدم ما يتمنـاه وشتا...

كريات الدم السمراء
1.7M
112K
صرخات مكتومه دماء ليس لها لون. نضرات مرعوبه انين صامت بكاء ك بكاء الاخرس هل جربت يوما ان تخوض تجربة الخوف ؟ او تواجه الموت وانت عاجز ؟ لا محاله ان تجد نفسك في عال...

أرتجــــــــاف الاجفان
1M
45.4K
في كُل مرٕه أضن فيها أنني هُزمتُ تَخرِج مَني أمرأه قويه بعَزيمه حَديديه تُعيدنيٍ إلى الساحه قَمرا مُضيئاً يَبدو أنهُ لايُليق بي الأنطفاء ..

خمار الضنى
2.1M
105K
روايتي بعنوان " قمر بني هاشم اذا قال فعل 🔥🔥"
علي: شبيج ولج

ود: معرف بس بطني توجعني

هيفاء: اسم الله امي اسم الله

علي: ادخلي هيفاء جيبيلها جبة وحجاب بسرعة

مسح على ظهري عصرت ايده من الوجع وهو وجه صار احمر ما فاهم شي بس ملامحة توحي للقلق

علي: تعالي يا بعد اخوج تعالي

فتحلي باب السيارة صعدت هيفاء يمي لبستني الجبة والحجاب وهو سد باب البيت شوية والوجع اشتهد أكثر رميت نفسي بحضن هيفاء وهي تسمي عليَّ باوعلي بالمراية

علي: ولج هيفاء شبيها

هيفاء: خوية يمكن صار عدها ولادة
3

علي: لا بربج بعدها ما كملت

هيفاء: معرف معرف بس خلي نوصل

علي: سهلة يا كسار

هيفاء: هسه الزلمة شعلي

علي: شلون يطلع ويتركها وحدها

هيفاء: ديلا بلا مو اجه وكاللك خلي هيفاء عدها

علي: صح بس هاي حالتها خرطتني العافية

وصلنا للمستشفى نزلت وياهم اخذني للطوارئ واني اتلوة بمكاني مددتني ع سدية وهيفاء يمي
مشت الجهاز ع بطني تركتني لبست الكمامة باوعت للممرضات حجت بسرعة وهي تبعد الغطى من رجليَّ خلت السماعة ع بطني عيونها ع شاشة

الدكتور: انفصال بالمشيمة بسرعة حضرو غرفة العمليات
7

هيفاء: دكتورة شصاير احجي والله طيحتي كلبي

الدكتورة: وين جنتو عنها البنية منتهية

صرت اباوعل بوجوهم وهم يركضون فوكاي وحده تسحب السدية وحده جرت ايدي تفحص النبض وحده تصيح ع دكتور كلشي صار ضباب بعيني باوعت للممرضة خفت

ود: شنو صار

الدكتورة: حبيبتي لا تحجين ريحي نفسج

هيفاء: اسكتي حبيبتي لا تحجين شي

ود: عفية اريد ارجع للبيت ما أريد ابقى هنا

الدكتورة: أول مرة اشوف بزونة عيونها مدمعة هسه تطلعين انتِ وابنج بخير كلشي ما بيكم مادام الأم سباعية
7

تركتني هيفاء راحت تركض عدلت نفسي ادفعهن عني بجيت بخوف وهن لزمني دخل الدكتور ولد شباب مو جبير هواي ودخل وياه علي وقع ع مسؤليتة والدكتور يحجي وياهم تقرب الي حضنتة خايفة رغم الوجع أريد ارجع للبيت من الخوف اسودت الدنيا بعيوني

ود: عـ علي رجعني للبيت رجعني

علي: ميخالف يا روح اخوج هسه بس تولدين بخير وسلامة وتطلعين كلشي ما بيج ارجعج وياي ما اتركج بعد توبة والله توبة اذا اتركج

ود: لالاااااا ماااا عليَّ اريد ارجع للبيت

صرخت وأني ادفعة خايفة وجع بطني دمرني نزلت من السدية لزمني أقوى ثبت حركتي تقربت مني الممرضة والدكتور يحجي وياي ختلت ورا علي خايف من كلشي

ود: لالا ارجع للبيت مابي شي أني والله

الدكتور: بس نأخذلج فحص الضغط ما نسويلج شي يلا عفية بنيتي يلا

ود: ما عليَّ ارجع مع اخوية ما عليَّ

لزمت علي ارجف كل جسمي يهتز بخوف اندار الي جرني لحضنة يمسح ع راسي ويهمسلي بهدوء حاضني حضنتة أكثر اختل نفسي جوه صدرة

علي: اذا سمعتي كلامي هسه وما فشلتيني بس تطلعين منها أن شاء الله أخذج لمكان تحبينة واشتريلج سيارة تروحين بيها للجامعة وكلشي تردينة اجيبة الج واخذج عندي بعد انعل شيب الخلفني اذا تركتج
12

ود: خايفة علي خايفة ما أريد شي بس رجعني للبيت

علي: أنا يمج واكف ع باب ما اتركج لو الدنيا تنهجم ها بوية شكلتي

ود: لاااا لااا

علي: يمج أنا يمج ما اتركج والله يلا حبيبتي يلا عفية بنيتي

هيفاء: يلا ريحانة حبيبتي كلنا يمج حبيبتي

ود: عـ علي لا تروح

علي: ما اتحرك من باب الغرفة شبر

حضنتة خايفة باسني براسي شالني للسدية لزمت ايده غطاني يبوس جبيني وجه صار دم نقلوني لغرفة العمليات دخلوني جوه وهيفاء تبجي لبسوني روب ازرك خفيف مفتوح من الظهر حطو غطا ع شعري جسمي يرجف اسناني تصك ع بعضهن من الخوف ودموعي تنزل بلا صوت ضربوني ابرة بيدي
باوعت للسقف ما تمنيتة موجود عكس كلامي قبل أكيد هسه هو فرحان بزواجة وأني دا اموت هنا
3

دخل الدكتور متت من الخجل نسيت حتى الوجع قرب مني مبتسم حجه وهو يلزم ايدي يضغط ع مكان النبض ويباوع للشاشة

الدكتور: بنتي أنا اسمي الدكتور فراس راح نبلش عملية قيصرية عندج انفصام بالبشيمة والوضع ما يتحمل يتأجل بس الامور تحت السيطرة وما يحتاج كل هذا الخوف هسه راح تنامين وتصحين تلكين ابنج بحضنج
2

البرد زحف بكل جسمي وجهي غركان دموع أسمع صوت الأجهزة صوت الممرضات يتنقل من جهة لجهة ضو أبيض فوكي يضرب بعيني و ضربات كلبي تصير أسرع

الدكتور: تخدير نصفي جاهز؟ أوكسجين؟ نبض؟

كلشي يصير بسرعة بس الوكت بكبي واكف أريد أفهم أريد أتنفّس بس حتى الهوى ثكيل

صوت ضبابي يجي من جهة اليسار:

الممرضة: الضغط نازل... هواي نازل!
2

تنفست بصعوبة أحس بقلبي يدك دگ، دگ، دگ… بعدين فجأة سكت.

عيوني ترفرف، أحاول أبقي عيوني مفتوحات أشوف وجوههم بعيدة وجوههم تتبدل أصواتهم تتلاشى

الدكتور: جاهزة نكول بسم الله

هزيت راسي أي بس ابلع ريكي حجه وهو يخلي شي مثل التبخير ع شفتي

الدكتور: شسمج يا حلوة
1

ود: ود

الدكتور: عاشت الأسامي منين انتِ

ود: من بغداد

الدكتور: حلو شنو اخر شي اكلتي قبل لا تدخلين لهنا
1

ود: تريكت وبس

الدكتور: عفية عفية  شكد عمرج

ما لحكت اجاوبة همست بأسم كسار سمعت ضحكت الدكتور واظلمت الدنيا بعيني مو نوم لا شي ثاني مثل ما الروح تطلع شوية وتوكف بين السما الارض لا أسمع ولا احس بس صامتة وراحة غريبة مثل حضن ام ما شفتة من سنين
10

...ضباب نقطة نور صغيرة تكبر و تكبر مثل شمعة تنور غرفة ظلمة صوت خافت من بعيد اسمعة يناديني

::- ود تسمعيني

انضربت ع خدي عدت مرات جفوني تقاوم بس ثكيلة الضو يتسلسل ع وجهي ويحة معقمات قوية صوت الجهاز عند رأسي انفاسي ترجع شوية شوية كأنو أول مرة اتنفس من سنين كلشي هادئ بس كلبي خابصني يدك هواي ودكاتة ثكيلة مثل صوت الهاون بالحرب

افتح عيوني كلشي ضباب ظلال اشخاص كدامي حسيت بيد تمسح ع جبيني وايدي وصوت خفيف هامس

هيفاء: الحمدلله ع سلامة يا كلبي

ود: أريد مي

هيفاء: صحيتي يا روحي تسمعيني

باوعتلها رجعت انضاري للغرفة الي أني بيها مو نفس الغرفة وحدة مختلفة أسمع صوت علي يحجي وياي ويضحك دنك طبع شفتة ع جبيني يمسح ع خدي ويحجي مع هيفاء حسيت نفسي فاصلة عن كلشي وعن الدنيا كلها عدلتني هيفاء وعلي خلة المخدة ورا ظهري مسح على شعري باوعت لملابسي مغيريهن الكانونة بيدي وانبوب التنفس بأنفي رجعت راسي لورا تعبانة طلع علي وهيفاء جرت الكرسي كعدت يمي

ود: بطني توجعني ليش

هيفاء: غير عملية طبعاً توجعج بس انعقمها وتأخذين مسكنات يروح الوجع حبيبتي

ود: ولد؟

ابتسمت وهي تباوعلي

هيفاء: لا بنوتة صغيرة

ود: يعني أني هسه عندي بنت؟ يعني عندي طفلة؟
5

هيفاء: أي ما شاء الله عندج بتوتة صغيرة وحلوة مثلج تتربة بعزج يا روحي

ود: تسلميلي علي كبر بأذنها؟

هيفاء: أي كبر بس ما سماها شنو ناوية تسمينها؟

ود: كسار ما اجى؟

نزلت رأسها تباوع للسدية بحيرة طاحت دمعة حارة من عيوني خانني ونزلن مثل المطر مسحتهن بسرعة حتى ايدي ترجف وجسمي هزيل عملية كبرى وما حظر وياي؟ تفشلت من نفسي من سألت هل سؤال
4

ود: سمعت صوت ناس هنا؟

هيفاء: أي صح عمتج بسملة والبنات كلهن جانن هنا

ود: شكد طولت العملية

هيفاء: اربع ساعات نشفتي الدم بكلوبنا

ود: يعني هسه الدنيا صبح

هيفاء: الفجر نامي وارتاحي

ود: لا ما انام خلي ارجع للبيت

هيفاء: يا بيت ولج بعد ما اطمنا ع صحتج

ود: اريد ارجع للبيت صيحي علي

هيفاء: تخبلتي

ود: اررريد ارجعععع للبيييييت ماااا ابقى هناااا

هيفاء: عزا العزاج لا تصرخين مو زين عليج لا تنفتح عمليتج

دخل علي وياه دكتورة قربت مني تقيس الضغط باوعتلي مصدومة نترت بوجهي رزلتني

::- مو بكيفج تطلعين ضغطج صاعد اذا بقيتي منفعلة راح تنجلطين وتنفتح العملية متي وربج كتبلج عمر جديد طلعة منا ماكو لحد ما تتحسنين

ود: وعلى كييفج؟ شعليج انتِ وعسا ما اموت يطبني مرض انتِ شعليج لااااااا تدخلييييييييين
2

كمت من السدية لجمتني العملية والوجع نار بطني وهي تخبلت لزمني علي رجعني للسدية صرخت بوجه دفعتة واني اريد اطلع ما اهتملي يحجي مع الدكتورة دخلن ممرضات ضربتني ابرة بكتفي ثواني بس وحسيت نفسي نعسانة اريد بس أنام عيوني مفتحة ع نص حسيت بعلي يغطيني

نمت بعمق ما صحيت لحد ما حسيت نفسي شبعت نوم عدلت نفسي اباوع للغرفة الكل موجود عيوني ادوره بنصهم بس ماكو ما لكيتة بقيت ساكتة بس جواي نار ما تنطفي بسهولة

تقربت الي هيفاء خلت البنت بحضني باوعتلها مستغربة خفت حتى الزمها سميت بسم الله وحضنتها ابتسمت شعور غريب ضرب ايسر صدري كلبي يدك بسرعة خوف وفرح دنكت ابوسها مديت ايدي لمست خدها بهدوء خدها ناعم دافي قطعة من كلبي هيج حسيتها نسمة بكلبي مسحت عليها برقة دمعن عيوني
3

هيفاء: ها حبيبتي ما تسمينها حتى نسجل البيان بأسمها

ود: رُبى
همست بأسمها كأنه امنية قديمة جنت ناسية طريقها ولكيتها اخيراً
2

هيفاء: رُبى؟ الله شهل الاسم

ضحكت بوجع وأني اذكر كلامة وصوتة..
وهو حاضني جنت كاعده بحضنة ع جرباية نباوع للتلفزيون لف شعري ع اصبعة وأني ضايجة ما أكدر أكل بسرعة اتقيأ جان يحجي يحاول يخفف عني الوجع طبع بوسة بخدي باوعتلة ابتسمت

كسار: تدرين اذا اجتني بنية حلوة مثلج وتشبهج شسميها؟

ود: لا عفية اريد ولد

كسار: لا أن شاء الله بجمالج بنت واهم شي تكون نسخة منج بالعناد والسوالف الي ما يتحملهن غيري
4

ود: تحمد بيَّ ولا تذمني

كسار: ثنينهن

ود: حجيت كلشي وما حجيت الاسم ادري لحد ما اولد تسميها ولا شنو سالفتك يل شايب

ضحك وهو يحضني أكثر

كسار: رُبى
3

خليت جبيني ع جبينها الصغير وأني ابوسها همست بلوعت كلب محد ما فاهم هل شعور غيري

ود: اجتك يا كسار اجتك بس بدونك

هيفاء: نسجلها هل اسم هاي هي؟

ود: أي

طلعت وتركتني باوعتلها ابوس بخدودها صغيرة هواي حتى أخاف الزمها بقوى اخاف لا يصيرلها شي

ود: يا فرحتي الما اضنها ادوم
8

رفعت عيوني للباب ع أمل يدخل واسمع منه كلامة الي احبة أو حتى يشوفني بهل تعب و يخفف عني
بس الباب ما انفتح..!

الصمت أعلى من الامنيات سحبت نفس طلعت مني شهكة خفيفة بس توجع توجع الكلب و الروح كبل الجرح

فزيت على صوتها وهي تحجي ضايجة وعاقدة حواجبها تأشر بيدها وتنتر بوجهي

بسملة: بنت؟ كل هل أشهر والتعب تالي تطلع بنت؟
أنا كلت هسه تجيب ولد يشيل اسم ابني مو بنت ناقصنا عار جديدة علينا
25

ود: أوي أوي اذيتيني بكلامج عمتو دمشي منا لا اطلع وجع كلبي بيج طز بيج وبأبنج يلا كلبي برا يلا برا لا تزعجينها بصوتج لا اكسر جهاز النبض ع رأسج عليمن البنت عار عيني؟؟؟ اكبرها واخليها تكسر خشمج واذا ما عاجبتج لانها مني؟ فأ اطلعي هذا الباب جدامج يوسع جمل يلا منا
14

لطمت ع صدرها فاتحة عيونها ع وسعهن مصدومة ما تكدر حتى تحجي والبنات حالهن من حالها نيران تضحك وميس جمرت بمكانها

بسملة: يا دايحة يا ساقطة شلون تحجين مع الأكبر منج هيج ما متربية

رجعت ظهري لورا وأني اخلي رُبى يمي خليت ايدي على بطني قلبت عيوني بملل وهي رسمياً تخبلت

ود: عيوني انتِ عماتو الي رباني ابنج روح علية وكليلة ماما حبيبي ليش ما عرفت تربيها لزوجتك غير هل كلام ما عندي وبعدين عليمن زعجتيني؟ توني ولدت شيخة البنات وتعبانة شلون تحجين هيج وياي ترا ازعل والله وترضين ازعل منج كلبي

بسملة: وزعلللة جلاااااب السسسود يااا نذلة والله اكمشج هنا اكتلج
2

ود: يُمة يُمة رجفت عفية لا فدوة خفت لا بلا ما تروحين فاضيتلج أني

ميس: وأنا اكول ليش تزوج عليج وكسرج

ود: وين الادب؟ وين الاحترام وين التقدير
وين اسم القاعة؟
11

نيران: صخاااام بوجهي تزوج عليج الي ما يخاف الله

ود: مظلومة صحت بصوت محد سمعني الاحلف بأسمة سنين اوي لا فدوة ما أريد أكمل اختنكت وغصتي بلعومي
6

نيران: نعال ينزع ونعال ينلبس عادي

جرتها بسملة تدمغ بيها دفعتها وطلعت تضحك تقربت بسملة جرتني من ذراعي تكرص بزندي

بسملة: ابني ربيتة ع ايدي مو تجين من كيفج تمشينة بكلامج هسه بكلمة مني راح تزوج وتركج اطلعي من البيت بكرامتج يُمة
3

ود: قدي دخيلك ربي وين أني شهل قذارة تغارين ع ابنج مني؟

بسملة: ابني هذا

ود: ويييع أعرف ابنج لعد ابني عيع منج ومن ابنج تاليتة شايب وتعبان مو زين وافقت علية هسه انتِ مو خليتي يزوج؟

بسملة: أي

ود: لعد ما تفارجيني عيني؟

بسملة: بس يرجع خلي يطلكج والبنت اخذيها

ود: هههه لا أريد اشوف ضرتي بجمالي؟ دشوف عدها شامة بخصرها يتخبل عليها ابنج لا
4

غمزتلها عضت شفتها ترجف من العصبية طلعت تركض غميتها وغميت الدرب ورا بنتها ميس

بلعت ريكي جذب كل كلامي بس اكابر حتى ما يشمتن بيَّ ويضحكن عليَّ ويكولن انكسرت من الي جانت تتحامى بي

بعد عشر أيام طلعت من المستشفى وبنتي بحضني
وهو ماكو عنه أي خبر ولا حتى أعرف عنه شي اخذني علي لبيتة ومريم رغم حزنها ع اخوها بس ما قبلت تتركني تنيم عمر وتجي تأخذ رُبى مني تبقيها عدها تسهر وياها وعلي يمي ما فاركني حتى الفراش يخلي بالكاع واني ع جرباية حتى المي يشربني بيده
8

خواتي اجن شوية وراحن و ابوية فضحهن يغلط ويحجي ما يقبل احد يزورني بس هن ما اهتمن اله
بس هيفاء بقت عندي ما تركتني ابد من رجعنا من المستشفى وهي وياي ما تركتني وشمس بقت عندي سبوع وراحت لحد ما حركتي صارت زينة وكدرت امشي واعتمد ع نفسي بس مو كلش أكدر اتحرك بهدوء حتى العملية ما تلجمني لأن بعد ما شلت الخيط

رغد حامل بأول شهر الها ودعاء هي ومقدام من الروس هو يداهرها وهي تتخبل ما تخلي شي ما تحجي علية مروة اجوها خطابة بس ما قبل ابوية يكول بعدها صغيرة

سبوعين وهيفاء كالت نشيل خيط العملية وأني كلبي وكف وجسمي يرجف احوالي تخربطت وهي تسايرني ما قبلت اروح توسلت بيها ما تحجي لعلي شي دكت ع شمس وما قصرت طاحتلي دك رزايل عبالك مأكلة ورث ابوها

خليت رُبى بحضني ارضعها اكزكز عليها ابوسها واحضنها وهي تفتح عيونها وتغمض طفلة ما تفهم حتى الكلام كعدت يمي مريم بحضنها عمر

مريم: نامت جنتي زوجت ابني المستقبلية

ود: شني يُمة

مريم: وجع ما تسمعين؟ اكللج جنتي نامت؟ رضعيها زين عموري ما يريد وحده معصمصة

ود: اكللج ليش ما نذبهم ونرجع لحياتنا قبل
2

مريم: استغفر الله مرات اصفن اكول معقولة اني وهاي الثولة صرنا امهات
6

ود: تخيلي بس الجنة جوه رجليج
9

مريم: عزاااا ههههههههههههههههههههههههه

اباوعلها الخبلة ما مصدكة تضحك من كل كلبها دخلت هيفاء متعصبة بيدها الموبايل

هيفاء: نروح نشيل الخياط لو احجي لعلي يسحلج

ود: اروح اروح بس لا تحجين لعلي

هيفاء: يلا كومي حتى اخابره نطلع

ود: لا عفية

مريم: ولج انتِ ثولة؟ ترا عادي ما تحسين هسه تلكينة ذاب ع بطنج شيلي حتى تكدرين تمشين وتنامين براحة عاد يبقى بس التعقيم

ود: ما ضكتي الوجع يكتل

مريم: حقج حقج بس هاي العملية توجع بس راح ترتاحين من الوجع

تنهدت بضجر خليت رُبى عدها لبست فستان وكعب ناصي وشال طلعت مع هيفاء وعلي وصلنا للعيادة من شافتني الدكتورة حجت شوية مع هيفاء وهي انطتها أوراق المستشفى فكيت عيوني من شفتها لازمة موس صغير هواي هواي كمزت من مكاني لازمة بطني تحول الوجع لخوف

ود: يُمة اسم الله

هيفاء: ارجعي لمكانج

خزرتني وتمددت غمضت عيوني اعصر ايد هيفاء
نزلت الفستان ع بطني ما حسيت يمتى شالت الخيط طلعت بسرعة لعلي وهيفاء تخزرني وتتحلف بيَّ باوعلي علي يضحك لزم ايدي واني خايفة اباوع للعيادة و اباوعلة وهو يضحك لازم ايديني ثنينهن

علي: شبيج شبيج

ود: اسم الله رادت تشك بطني

علي: هاي هي بعد ما نرجع لهنا يلا تعالي

صعدت من ورا وهيفاء من كدام مع علي

علي: اشتريلج شي

ود: اريد حلويات بس مو هسه بالليل

علي: چا خلي اشتريلج وارجع

نزل هو باوعتلي هيفاء ندارت عليَّ ضربتني ع رجلي

ود: ها خية شجاج

هيفاء: ولج فضحتيني الدكتورة تباوعلج مستغربة اعقلي شوية اعقلي

ود: عفية لا تحجين هيج ذكرتيني بالشايب جان يكللي اعقلي شيبتي كلبي عمت عينك أي والله اخخخ بجيت

هيفاء: استغفر الله العظيم

ود: اشو اختفى لا هو ولا زوجتة شنو يخاف اطكة بعين؟

لويت شفتي رادت تجاوبني صعد علي خلة بحضني علاكة جبيرة

علي: هاي الجن

ود؛ اسمع حبيبي أني الي نزلت من كرامتي وكلتلك أريد حلويات ما انطيهن نستلة وحده شايف النستلة ما انطيهن ديلا

علي: عمي اكلي بس سدي حلكج

فتحت العلاكة أكل خلصت نصها خليت جبس البطاطا لـ رُبى وعمر هسه ريمة تكيف بس خفت لا هيفاء تشوفني وتكتلني اني ومريم
5

وصلنا للبيت خليت العلاكة بالسيارة بعدين اخلي علي يجيبها نزلت جوه امشي بهدوء فتح الباب علي دخل هو وهيفاء

دخلت وراهم اسمع صوت ابوية وخواتي واثير والكل من بين الكل ميزت صوتة بلعت ريكي بتوتر وحيرة اسمع صوت ضحكتة واصلة من الصالة وصوت عمة بسملة وعمو جراح دخل علي بسرعة راحلة وهو يضحك باوعتلة من بعيد مخلي رُبى بحضنة لابس دشداشة رصاصية وشماغ ابيض مطعم برصاصي والساعة بيده والعطر والكشخة ع آخر بس الوجه تعبان ضحكت بأستهزاء ارتجيت ع باب اباوعلة خلة رُبى بحضن عمو جراح يسلم ع علي عيونة اجت بعيوني ما نزلتها منه باوعلي مبتسم براحة وعمق باوعتلة بقرف عقد حاجبة بأستغراب يباوع للكل عبالك يريد منهم تفسير لنضراتي اتجاهة باوعلي ابتسم بتوتر مني اشرلي علي ادخل ما دخلت حجه بهدوء نبرت صوتة كلها لهفة واشتياق
4

كسار: تــعــالــي ريــحــانــة كــلــبــي
4

ود: شرجعك؟

كسار: چا غير رجعت؟ شنو شرجعك؟

ود: وشويلك؟ عيني واذا اجيت؟ اطش الورد ع دربك مثلاً ولا شنو ما فهمت شرايد بالضبط؟

تبسمر بمكانة يباوعلي مصدوم وعلي خزرني

علي: عدلي لسانج لا اكصة الج

كسار: لا اتركها تحجي دشوف شنو الي موصلها لهل حالة

أخذ رُبى بحضنة يباوعلي بتركيز تخبلت دخلت ركض جريتها منه بنتر صرخت بوجه وهو يباوعلي بحفظ يريد يتأكد من شي بس ما حجه اكتفى بالسكوت

ود: لاااا تحضنهاااا حظرتك خلص شهر العسل واجيت تتجذب ع رأسي مسوي روحك حنين تحضن بيها وينك عنها قبل أيام هسه خلصت زواجك واجيتني فرحان وين بنتي وتحضن بيها
6

كسار: زواج شنو؟
3

باوعلي مصدوم ومستغرب يريد يتأكد من كلامي

ود: ومستمر تجذب؟ شكد عندك قابلية من صدك بارع بالتمثيل

كسار: احد يفهمني هاي شتحجي؟

ود: أي عادي خلي امك تفهمك

اشرلي علي اسكت وهو دفع علي ما قبل يدخل

كسار: احجي زواج شنو؟

خليت رُبى بحضن هيفاء وهي تأشرلي اسكت بس غيرتي عمت عيوني

ود: بس لا تتجذب ع رأسي ومسوي روحك ما تعرف شي وفقير وانتَ لعبت لعب بهل أيام مسوي روحك رجال ع رأسي وتجذب هذا الباب جدامك تريد تطلع الله وياك بس لا تبقى كاعد هنا لعبت نفسي منك
6

حامد: وددددددد

ود: علىىىىى شششششششنو ود؟ خييييررررر ما حجيت الاااااا الصددددددك راح تزوج ولعب لعب وهسسسسه اجاني يركض يحضن بنتة؟ والله كسسسر خاطري من تذكر عنده بنتتتت

كسار: كافي اسكتي

ود: اييييي طبعاً اسسسكت كلمة الحق تزززززعلللل
ههه جايني ع تالي وكت والله يا الله

كسار: منين جبتي هل كلام؟

اثير: ترا البنية تحجي محروك كلبها وهذا كلامها الا سامعة شي

كسار: أي هو أنا أريد أعرف منين سامعتة؟

ود: بلا لاااا تتجذب وتسسسوي روحك ما فاهم شي وما تعرف شمسوي وانتَ تعرررف روحك شنو

بسملة: عفية يُمة كسار هاي اخلاق الي تصيح بوجهي علمودها

كسار: حجية بروح اهلج خليج ع صفحة لا تدخلين بشي

ود: اييييي عفية لا تخليييها تدخل بشيييي لأن حجت الصح ضجتتتتتتتت والله مو رجال
3

تقرب حامد راد يضربني وهو دفعة خلاني ورا ظهره خزره وعلي ما كدر يدخل بشي

كسار: اييييدك اكسسسرها اذا ترفعهااا عليها جدامي

بسملة: لااا خللليييي ابوهااا يربيهاااا هي هاي اخلاق بنية بنت بيوت هييييي هااااي الي طردت البنات الي اخطبهن الك علمودهااااا باوعلهاااا شكد لسانها وصخ وزفر ما تعرف حتى تحجي

صفك بيده وهو بباوعلها متت بدمي

كسار: هاي جدام الكل حجية اكطعي نفسسسج زواج ما اتزوج عليها لو تنطبك السما ع أرض

بسملة: والبنتتتتتت تركتهااااا علمود هاي الي وراك
لا اخلاققققق ولا كلمة برأسسسها خيييير تعرف تحجي

جراح: يا حرمة الولد جاي يكللج ما ازوج عليها زوجتة شلون يكسرها حتى يرضيج هو هذا هم كلام

هيفاء: باوعي حجية حقج علينا بكل كلمة كلتيها بس اذا قصدج تخلين كسار يزوج عليها ونحنا نسكت فأ انتِ غلطانة هذا بيت اخوها جدامج يلمها وما اخلي كسار يلمح انش منها لو اضفرها ما يلمحة لا عبالج تكسرينها ونباوعلج ود صح ما عدها احترام وهذا كلة بسبب كسار باوعي اذا واحد يطخها بحرف يهد البيت ع راسنا عبالك كفر وسوه شي مو زين شوفي انتِ امه وتعدا وتجاوز وياج لأن حجيتي عليها اخوها يخاف يطخها ابنج عاجبة هل شي الا راجدي واحد ويخليها تعرف شلون تحترم الكدامها بس باوعي انتِ بنفسج جاي تشوفين شلون دفع ابوها هو طفر عيونها من الدلال

حامد: اكسر رأسها أنا ابوها والي حق بيها مو تحجي بكيفها وتتمرد ما تستحييي شكبرهاااا صارت ام وهي بعدها ع هل تصرفات مكبررررر راسهااااا علينااااا
6

كسار: خليييي اشششوف واحددد بييييكم يطخها والكعبة لا امسسسسح الشششارع بييييكم
تجااااوز ولا تغلط محددددد مااااا يحجي علييييها ولا يرفع صوتة بوجهاااااا لو تغلط عليكمممم ما تمسونها بحرف واااحد وانتَ شنو واذا ابوها طاريهااا ما تجيبة ع لسسسأنك لحد ما ينكطع نفسك
3

باوعلي ابوية خفت منه لا ارادي تذكرت شلون جان يضربني بالصوندة لزمت ايدي حسيت خفقان بكلبي

راد يجرني من ورا كسار دفعة كسار خلاه يرتد لورا صارو بنصهم جراح وعلي واثير ومقدام صرخ جراح بوجه كسار متخبل من تصرفة

جراح: ششششلوووون تدفع عمك ولك ما ظل عندك احترام للأكبر منك

كسار: أنا حذرتة يكرب عليها اكسر ايده واعلكها كلادة بركبتة

حامد: والله لا اخذذهااااا واربيهاااا من جديد واكسر رأسهاااا دشوف انتَ منو مأخذنا خاوة بصوتك

كسار: صوتك العالي مو رجولة وايدك الي ناوي ترفعها عليها مو هيبة والي يربي ويجدد التربية بالضرب هذا ما عرف يربي و الي يهدد بنتة جدام اليسوا والما يسوا هذا ما يستحق النعمة الي بيده
وانتَ آخر همي واخر واحد تفكر تجي يمها بس اطخ ظلها ادفنك بيدي وطزززز بيك وبشكو واحد يحاول يكرب عليها أنا واكف هنا دشوف شلون تكسر رأسها اذا ما كسرت ضلوعك بصدرك

حامد: مااااا احترمت وجودييييييي تستهزء وتحجييييي والله لاااا اطين عيشتها هل ادبسزز
2

كسار: والله يا حامد اذا ما عاجبك كلامها طز بيك اركع رأسك بالحايط لحد ما يغمى عليك

ميس: لسانها طويل شتحجي كسار

كسار: هاي الي تكولين عليها لسانها طويل؟
لسانها الوحيد الي يدافع عن كرامتها لأن محد وكف وياها غير لسانها! واكرمي نفسج ميس

خزرها وهي سكتت ضايجة باوعت لـ ابوية تخبل من كسار يصيح ويغلط وكلهم يصرخون بس أني هادئة تهت معرف منو الي منو عليَّ معرف كلشي عيوني تباوعلهم بشرود باوعت لباب الحوش ردت اسحب نفسي لزمني من ايدي باوعتلة معرف شحجي

حامد: ربيتها ع التجاوز بس أنا راح اعيد تربيتها هل حيوانة

بسملة: أي والله يا أبو ميثم لسانها فرد مره طويل تغلط وتصرخ شسوت عمل بالمستشفى ما خلت كلمة ما حجتها اسلوبها يلعب النفس تصرفاتها تبين هل بنية ما عدها تربية
10

لزم ايدي طلعني من ورا ظهره خلاني جوه ايده حجه بهدوء من بعد العاصفة الصارت عصرت ايده خايفة منهم والله يخوفون كلهم ضدي الرعب بكلبي ما ينوصف بس ما خفت من احد بكد ما خفت من ابوية

كسار: والله يوم ما مجبورة تتحملين سوالفها ولا اطباعها وهي ما سوت شي انتو غلطانين مو هي عليمن تحجون عليها وتجذبون عليها وتردونها تظل ساكتة اشو هي ساكتة وصابره ع ضيمكم ما حجت شي وين تلكون منها

جراح: ما حجت؟

نوفة: ما يفيد بعد اذا هذا كلامك وهي كبل شوية كالتلك انتَ مو رجال

كسار: طفلة غلطت بكلامها سبحان الما يغلط

حامد: سهلة يا ود

عدل سترتة يباوعلي

ود: طاح حظ الساعة الي صرت بيها بنتك

مسحت دموعي الي خانني ونزلن

دفعني عنه ركض ع ابوية نام فوكاه رجعت لورا ابجي معرف شسوي تقرب الي علي جرني من ايدي طلعنا للحوش مسح دموعي ينهد
5

ود: عفية علي ادخل بيناتهم راح يموتة

علي: ما علية شي خلي يتأدب ويعرف شلون يحجي

صوت ابوية الا برا وعمو جراح يغلط ع كسار وكف علي طلع الباكيت من جيبة شغل الجكارة أخذ نفس زفرة للسما مسح على حاجبة بأصبعة ما تحملت اسكت أكثر

ود: الله يخليك روحلهم

علي: جؤ خلي خلي لحد ما يصير رجال ويبطل صراخ خرب روحك

شوية وطلع كسار يمشي عادي ولا كأنو صاير شي اعصر اصابعي بتوتر ضرب علي ع ظهره باوعلة ضحك وهو يدوس ع جكارة

علي: جفلتني بشرفي

كسار: هاي اذا عندك شرف
1

علي: شرف ابيض من شرفك شوية

كسار: دمشي ضمد خشم ابوك

علي: شسالفتك مع الخشوم تمشي وتكسر خشوم العالم
3

كسار: كسرت خشمة حتى يبطل يحشره بالعالم

علي: حاضر سيدي أوامر ثانية حتى ما انفذهن

كسار: لا ابني أخذ راحتك

علي: دولي
2

دخل وتركنا جرني للسيارة دفعت ايده خزرني كز ع اسنانة

كسار: امشي بدون نفس لا هنا ادفنج

ود: ما ارجع اريد ابقى بيت علي

ما باوعلي جرني للسيارة صعدت بتوتر راح شوية واجى بيده رُبى فتح الباب خلاها بحضني ساق بسرعة حجه بهدوء مبطن بدون ما يباوعلي

كسار: شسميتيها؟

ود: رُبى

كسار: يا سلام أول مرة يطلع شي منج براسة خير

ود: استغفر الله العظيم

كسار: استغفري استغفري

سكتت عنه احس كلبي مقموت وضايجة الدنيا كلها مسدوده بوجهي ما عدا الحيرة والتفكير الي ياخذني كل دقيقة بجرف
1

وصلنا للبيت نزلت وأني بحضني رُبى وهو دخل ورانا خليتها ع جرباية غطيتها وهي نايمة سد باب الغرفة كعد ع جرباية اشرلي ع مكان جدامة طككت اصابعي حسيتهن راح ينفصلن من مكانهن

كسار: تعالي شبيج صافنة؟

كعدت وياه أول مرة أخاف منه أول مرة احس وجوده يمي خوف

كسار: شلون تجاوزين هيج جدام الكل؟

ود: وانتَ ليش تزوجت؟ ما استحيت من روحك؟

كسار: جاهل

ود: جاهل؟ ترا هذا كلام امك

كسار: هو منو الي دمر حياتنا غير امي بس مو معناها تجاوزين عليَّ جدامهم وتصغريني هيج؟

ود: ما كدرت اسكت كرهتك من صدك

كسار: تدرين شنو سبب البعد لو تحجين من عندج؟

ود: هههه شنو السبب؟ غير زواجك أخذ منك وقت

كسار: أي والله تعبتني هل حرمة ابوسها وربج ما ينشبع منها

يحجي بجدية عيونة عليَّ احتركت حسيت نفسي انتهيت باوعتلة ما كدرت اسكت بجيت بقهر ما تحرك بقى ساكت يباوعلي جر الجكارة من ايده الثانية قربها من وجهي

كسار: احتركي مرة وحدة مثل ما انحرك وأنا اشوفج بكل مرة تسمعين كلاهم بدون ما تفهمين الصار شنو ولا حتى تتأكدين مني ولا تحترميني جدامهم ولج أنا زلم ادك من تعبرني احتراماً الي وتجين انتِ تهينين بيَّ جدام الكل.؟! شنو كلتلج كبل لا اطلع..؟؟
13

بقيت ساكتة بس ابجي شفايفي يرجفن حجه بحده

كسار: احجي خرسيتي؟

ود: كـ كلت شتسمعين عني وشيحجون تجين تتأكدين مني

كسار: وحظرتج احترمتي كلامي؟ مثل ما احترمج

ود: اسفة

ضميت وجهي بيدي انهاريت بالبجي حتى كلبي خلص لزم ايديني يحجي برود

كسار: ما تزوجت عليج ولا فكرت بهل شي جنت اكول ما اكسرها ولا اخلي أحد يشمت بيها واليوم؟ انتِ بنفسج كسرتيني جدامج امي شلون عايرتني بيج عبالج كلبي ما انمرد؟ بس اكابر المصيبة كلبي الـ... ما ينطي بيج

رفعت راسي اباوعلة بصدمة وحيرة شعور القهر تملكني من راسي لقدمي باوعلي برود كأنما غريبة كدامة

ود: لعد وين جنت كل هاي المدة وليش حظرتني وشلون امك كالت تزوج عليج وميس هم كالت هيج

كسار: ضحكن عليج بكل سهولة لأن يعرفنج مضحكة
4

ضحك بأستهزاء وقهر دخن الجكارة كلها جر وجهي بيده عصر فكي بقوى عيونة جمر ملامح وجهه غريبة أول مرة اشوفة بهل عصبية

كسار: ما راح ابررلج لأن غالية عندي لا بس حتى اروي فضولج... كبل ما اطلع بساعة امي كالت مثل كل مرة يُمة كسار خطبتلك وأنا عقلي وين؟ تعرفين وين؟ جان وياج يالما تسوين العتب واعاتبج بي
جنت افكر كبرت ولادتج وخفت عليج أكثر من روحججج والندم اكلني لأن خليتج بهل وضع اجاني انذار اطلع بمهمة ع حدود ايران المهمة جانت سرية ماكو مجال لا تتأجل ولا تواصل حظرتج وخليت الموبايل بالأمانات اخذوهن منا لأن ظلينا ع حدود الغياب مو بيدي وحتى شبكة ع حدود ماكو بس اكو شي اسمة موت وهاون وعلي جان يعرف أنا طالع ما قبلت يحجي لحد كبل لا اطلع ثكلت وجهي عليج حتى تبقين محتارة وتضوجين مني كلت تزعل أحسن ما تبجي من اطلع نذلة حتى وأنا بنص الموت انتِ ع بالي بس شيغزر وياج الطيب
11

بلعت ريكي خليت ايدي على ايده ابعده عني

كسار: تفكيرج كرهني بيج ما جنت فاضي أحب غيرج ولا حتى بيدي مجال لهل سوالف كبل ما اطلع امي كالت يُمة كسار خطبتلك عبالج اهتميتلها؟ لااا جنت محتار اطلع بالمهمة ولا اظل وياج لحد ما تولدين بس امي صارت تضغط عليَّ تضغط منا انتِ ومنا هيَّ ومنا الشغل بس وييين انتِ ما تقدرين ظرف البشر لو حتى اموت جدامج ما تهتمين لأن ابدا شي عندج مصلحتج طلعت الهم وتركتج خفت لا يصيرلي شي وتبقين ع ايد هذا وهذاك بس اختاريت اسكت المهمة جانت سرية تدرين شنو يعني سرية؟ وعلى حدود ايران ماكو لا انتصالات ولا نكدر نحجي ما نكدر نفك حلكنا بشي
اخذو الموبايلات خلوها بالأمانات ما بيدنا شي نسوي ظليت هناك ما اعرف اذا ارجع بعد أو لا بنص الموت وافكر بيج اكول هسه يستغلونها هسه يبجونها شلون راح تولد ومحد يمها شلون وشلون والتفكييير نخرررر راسييي بييييج نخررر أسمع صوت ضحكتج بوسط الرصاص كل مرة اكول ان شاء الله ارجع والكاها بخير ولا اتأذة بيها ما جنت اعرف راح اتأذه منج وهاي رجعت؟ والله لو دافن روحي هناك ولا جاي واشوف نظراتج تنزلني ولسانج ينكط سم ما بيج ذرة شك اذا كسار مات وهو يحبج مو يخونج بالله؟ الكريم معرف شلون اضيع فشلتي من اهلي وانتِ تذلين بيَّ جدام الكل
مو لأن حجيتي عليَّ لاااا ولججججج اناااا مو جاااهل حتى ازعل من الكلمة بسسسسس اليقهر
سمعتي وحكمتي واناااا ما موجود لا سمعتي مني لا فكرتي بردة فعلي لا كلتي هذا الكواد الحيوان وين ولاااا وين رااااح لااا كبل كلتي تزوج عليَّ
سمعتي كلام امي بدون ما تتأكدين مني صغرتيني جدامهم ولج صرررت مضحكة ع لسان هذا وهذاااك من وراج امي تكلليييي من صدك انتَ مو رجال تمشي بكلام وحده انتَ ربيتها ع ايدك
19

بعدت ايده عني انربط لساني والدنيا تمشي بيَّ ما عرفت شحجي حقة بكل كلمة كالها هاي تصرفاتي وصلتني لحالة ما تسولف

كسار: يعرفنج ما عندج ثقة بنفسج ولا بيَّ يعرفن ما راح تنتظرين رجعتي انتِ حتى ما كلتي وين راح كسار ليش اختفى لا ولا تعبتي روحج كل الي فكرتي بي هو التجاهل من ارجع احتاريتي شلون تذليني جدامهم ولج بكل مرة تكسريني جدام الكل
وأنا انطي بروحي وما انطي بيج
6

نتر وجهي منه كرهت نفسي

كسار: ليش ما سألتي عني ليش ما كلتي وين راح وليش اختفى

ود: عـ عبالي تزو...

كسار: هذا الهامج؟

ذب موبايلة بحضني باوعتلة بأستغراب اشر علية حجه بعدم اهمية وهو ينهد وجه نار امسح دموعي وينزل كلبي يوجعني وبطني وجعتني طفى الجكارة ع ميز اندار يباوعلي

كسار: اختاري يا ود اتزوج عليج أو تأخذين ورقتج وترجعين منين ما اجيتي؟
24

ود: شتحجي كسار

كسار: هسسسه عرفتي كسسسسسار؟ هسسسسه
هههه ولج انتِ شنو من بشر

ود: ما تزوج والله احرك الدنيا فوك رأسك والله يا
كسار احركك صدك ما اجذب ولا احجي هيج حتى امنعك أني بس دا احذرك
5

جرني من ذراعي باوعتلة ابجي ذبني ع جرباية نام فوكاي تخبلت منه خفت هواي صدري يصعد وينزل بخوف عصر فكي بقوى من قوتة حسيت وجهي تشنج حجه بحده يرجف رجف من عصبيتة الي ما كدر يسيطر عليها
5

كسار: چااا من هيج تفكرين ما فكرتي بيوووم تخليلي احترام وغلاة بكلبج شوية ما فكرتي بيوم تعزيني جدامهم شوية بسسسس بسسسس شوية احترام موووو تهينيني جدااامهم وتذلييينيييي صغرتيني خليتيني انهاااان أول مرة احس بنفسي
من صدك مو رجال لأن ما عرفت اعلمج ع أدب خليتج ع حل شعرجججج بكلشيييي اضوج عليج لا تزعلين من شي أنا احرمج منه كلبييييي ينعصر هذا الـ... يميل عليج أكثر من الي خلفتة وربتة ع ايدهاا زعلت اميييي بس ما كدرت اشوفج بيناتهم تبجينننننننن ومحتااااارة فهميني شسوي بيييج شلون ارتاااح منج
2

خليت ايدي على وجهي ابجي واشهك كام من فوكاي عدلت نفسي امسح دموعي بخوف منه افتر بالغرفة باوعلي وهو نار خفت حتى احجي كلمة وحده

كسار: تدرين شلون ارتاح؟ وانتِ توعين ع نفسج؟

ود: شـ شنو كسار اسفة والله

لزم موبايلة دنك عليَّ طلع محادثة اسم البنت ميامين قلب المحادثة يشوفني بس ما راد عليها

::- وينك كسار اشو مختفي؟

::- وين هل غيبة طمني بمرسال منك؟

::- سمعت رجعت من المهمة الحمدلله ع سلامتك و الف مبروك ع هل انجاز العظيم
8

وبعد هواي رسائل تبين اهتمامها بيه

كسار: تدرين شنو جنت اتمنى؟ تمنيتج انتِ بدالها لو حتى كلمة وحده منج تريح كلبي واطفي النار الواجة بي
18

ود: شراح تسوي

حجه وهو ينزل عيونة بتوتر بس غضبة مسيطر علية

كسار: جنت احجي وياها وتاركج وانتِ ع ايدي وأنا ملتهي بيها وافكررر بيهااا ماخذه كل تفكيري وجنت اروحلها واخلي ايدي بيدها عندج مانع؟ ورقتج توصلج يا ود
22

ما كال ريحانة وأني افقد الأمان اذا ما سمعتها منه تركني بصدمتي أخذ ملابسة وطلع بقيت ابجي ابجي معرف حسيت نفسي ما عندي وسيلة غير دموعي صارت الدنيا مغرب واني ابجي ما سكتت كل كلمة بعدها مطبوعة براسي دمرني كلامة خلاني افقد نفسي كعدت رُبى تبجي دخل هو ما باوعلي

خليت بنتي بحضني ارضعها امسح دموعي
ينزلن على خدي خلة السلاح
بخصرة ملابسة السود زايدتة جمالية و هيبة
باوعلي بالمراية وجه ما يكصة السيف
10

كسار: ما كافي بجي..؟؟!
1

ود: كلشي طلع جذب كلامك حبك الي شلون كدرت
تسوي بيَّ هيج
4

طلع من الغرفه وهو ما مهتم شهكت بدموع
ما تخيلت بيوم يغدرني سميتة السند من بعد الله
يخوني...؟! عشك سنين لا يوم ولا يومين هسه يريد يطلكني نهايتنا الفراك
مسحت وجهي بيدي الترجف باوعت لبنتي مثل الخشبة بحضني فتحت عيوني بخوف ضحكت بهدوء يمكن نايمة...؟!
ضميتها بحضني بقوة خليت راسي على صدرها ماكو اي صوت ذبيتها بالكاع صايرة زركة دخل وهو بيدة علبة جبيرة مبتسم يباوعلي دقائق واختفت ابتسامتة تقرب الها راد يشيلها صرخت بهلع خليتها بحضني جسمها بارد
ماتت بحضني...
86

شمس.....
ر

كضو علية عمامو ومهيب شالو من فوك ايمن شيل وسواد بعد ايمن العالم التمت كلها ادحك عليهم ونصهم دخلو يفازعون بيناتهم فيصل تكرب ع نشهل يحجي وياه يمسك ايدو وهو ينهد ينترها منو سيارات الشرطة غطت الشارع اخذو ايمن ونشهل جرتني منا وهي تهفي ع وجهي حيلي باد وجسمي يرجف هجست الدنيا تفتر بيَّ كضبني عمر

عمر: يولي شبلاج تعالي ارتاحي راح تموتين
2

شمس: راح يموتو ويخسر كلشي من وراي

عمر: ما علي شي عار ما يصيرلو شي

شمس: عليشش أنا مفكرة بأيمن همي نشهل شراح يصيرلو هناك

عمر: ما يصيرلو شي هو صاحب حك ويأخذو هساع يرجع بس يحققون وياهم

منا: يولي دشي داخل وجهج أصفر

عمر: دشي ام الحسن دشي ما يصير شي لا تخافين يودي بمكانج

دشيت جوه وفيصل والولد دشو وراي لف عباتو حيل وجهو مورم

فيصل: جتل ابن عمو بكاعو بلا شي يا رأس البلا

شمس: لا تجاوز وانتَ ما تعرف شي

فيصل: عجلللللل شششبلااااااا ماااا يحجي شي

شمس: يرجع وبعدين اخلي يحجيلك اما بغيابو ما أكدر اتحجى شي

فيصل: اذا ما تتحجين شلون راح يطلع من المصيبة

شمس: ما علية شي رجال يدبر حالو ما ينخاف علية هساع يرجع وكلشي مابي
3

كعدت ع كرسي شبكت ايدي سوا خايفة علية لا يصيرلو شي هناك اتخبل والله

تسواهن: عليش عمي نشهل وينو

عمر: بلا ما تولين جوه لا اكوملج

دحكتلو ما فاهمة شي

تسواهن: يعني شلون

عمر: والله مال واحد يخنكج بزلدومج
11

تسواهن: جدو صيح علية

فيصل: عمر ولي برا لا اكسر الجاكونة ع ظهرك
1

مجد: هساع شلون جدو ما راح يرجع عمو نشهل

فيصل: امبلا يرجع يا بعد جدج يرجع

جنات: شمس خلي نرجع للبيت

قسم: أي والله خلي نرجع أحسن

فيصل: طلعة من هين ماكو
4

دحكن علية ضايجات وخايفات طبعو قاسي وياهن
طنشت كلامو وكملت

شمس: يرجع نشهل ونرجع كلنا لأن هساع من يطلع راح يجي هين

فيصل: كلت ماكو طلعة لو حتى طلع النشمي
5

شمس: نشوف يا فيصل

سكت هو أربع ساعات وأنا ع كعدتي ما كمت من مكاني دشو كلهم وياهم نشهل باوعلي ابتسم رديت الابتسامة الو تلكاه فيصل متخبل منو
1

فيصل: ايمن وين

نشهل: يأخذ جزاتو

فيصل: ولك ابن عمك

نشهل: وشعملو

فيصل: يا مركز تحجى

نشهل: تلكاه بمستشفى الـ... بس يطيب ما راح يرجع هين بوجهو للزنزالة

فيصل: انهبلت يول وهايييي انتَ العاااااكل

نشهل: يطبو مرررررض هو والقندرة اذا لمحتو هين والله والله ثم والله وراية الله أنا جتالو ودفانو

فيصل: عججججلللل غييررررر نعرررف عليييش هاددددد ع ابن عمك مكسرو بالمستشفى وماا تقبل تحجي اهجس وراك بلا
28

نشهل: السبب هو يعرفو شنو لا تسألني اسألو هو

فيصل: يووووول لااااااا توكف بوجهييييي

نشهل: لاااا تفصلها بحجت أنا ما اقدر كلامك

منا: عش جتلت ابن عمك هين كلنا نريد نعرف

نشهل: ما يخصكم شي أنا وهو السالفة بيناتنا

فيصل: رهبار روحلو للمستشفى اذا صحى نشهل يروح يتنازل عنووو وجيبو هين اريدن اعرف السالفة شني

شمس: ما يتنازل عنو ولا حتى اشوف ركعت وجهو

فيصل: وانتِ ششششنيييييي عش يااابة الشور بيدج

شمس: طبعاً لأن الشغلة تخصني

فيصل: وأنا اكول شبلااااا النشمي تخبل يغدر ابن عموووو لجل النسوان هذا شيمك يلنشمي

شمس: ما غدرو ولا جاسو بشي بس حفيدك تعدا حدودو

كمت من مكاني نفضت ملابسي وطلعت مع نشهل والحسن كاضب ايدي عبالك راح اطير والبنات ويانا رجعنا للبيت عشر أيام مرن وحولو ايمن للزنزالة وفيصل خبص نشهل يريدو يتنازل عنو ونشهل معاند يطلع للدوام حتى ما يشوف فيصل

خليت دشداشتو ع صفحة كويتها وعلكتها حتى ما يخبصني دش هو بيدو الغترة شاف الدشداشة ضحك

نشهل: أي هيج أحسن يولي

شمس: بس لا تخبصني البسها

نشهل: لا ما اريدها اهجس ضيكة مطلعتني عجي

فكيت عيوني شلتها بيدي وهو يضحك ضربتو ع صدرو

شمس: هساع تلبسها شنو ضيكة مو بنفسك البارحة خبصتني؟؟؟

نشهل: غيرت رأي اكويلي السودة

شمس: نشششهل البسسسهاااا

نشهل: كصري حسسج وجع

شمس: تلبسها لو اسوي بيك دكة ناقصة

نشهل: انهبلت هل مهبولة

شمس: البسها تضحك عليَّ شنشول؟

نشهل: اضحك عليج

شمس: تريد اكويلك الثانية؟

نشهل: غصباً عليج

فتحت القنصور طلعت الدشداشة السودة رفعتها جدامو وهو يضحك ما سكت

شمس: متأكد تلبس هاي؟

نشهل: أي سويلي نقشة

شمس: مو تدلل؟

خليت الاوتي عليها حركتها لحد ما طلعت ريحتها كمخني على راسي طفى الاوتي يسحل بيَّ

نشهل: عليش حركتيها

شمس: سويتلك نقشة

نشهل: دحك الصلفة ما خايفة

شمس: اخاف منك؟

نشهل: طاح حظ

شمس: الشوارب

نشهل: اكللج برنو بديت أخاف منج

شمس: عليش؟

نشهل: ظهر ايمن ازرك و أحمر شلون سويتي بي هيج وهو زلمة شو أنا هم بديت اخاف ع روحي
5

شمس: تتهموني اتهامات باطلة من صدك ما تستحي

نشهل: هذا ياهو الما يستحي

شمس: اكو غيرك هين

سحلني سحل يكمخني المصيبة هو اطول مني ما الوحة

شمس: ايييدك يا

نشهل: ابعريها

شمس: اقصد ايدك يا روحي

نشهل: صارلي مدة كاضب نفسي عليج وهساع السالفة صارت بيها يا روحي وأنا رجال كلبي رجيج يميل ع هل كلام

رفع راسي يبوس حنكي ايدو حاوطت خصري خليت ايدي على صدرو كامشة ضحكتي من اندك الباب

شمس: الباب دا يندك

رفع راسو يباوعلي عض باطن خدو بحده حجه بقهر

نشهل: ولك اخخخخ هل دكة دكت الحسسن اخخخخ منك بلاء على راسي هل حسن بلاء

شمس: لا تحجي علية

بأس طرف شفتي دفعتو عني عدل نفسو يباوعلي ما عاجبو فتح الباب صار بوجهنا الحسن

الحسن: يابة عمامي جوه شكلهم عدهم سالفة

نشهل: وياهم سواد؟

الحسن: أي حتى جدي هين

نزلو وأنا نزلت وراهم سلمت ودشيت للمطبخ ارتجيت ع حايط واكفة تحظر الضيافة دمعتها بطرف عيونها واكفة ع رموشها بس رافضة تنزل مثل كبرياء كل حرمة تعاند نفسها ع شي تحبو وتتخلى عنو

شمس: كملتي

قسم: أي

حجتها بأبتسامة اخذت منها ضربتها ع جتفها وأنا اغمزلها

شمس: يروح واحد ويجي عدالو مية

قسم: بس مو مثلو

شمس: صح يجي الاحسن منو

قسم: شتكصدين

شمس: والله معرف بس وائل صاير يتردد هين خطية يدحك ع حال اختو شكد حنين
9

تركتها وهي صافنة عليَّ انطيت الصينية بيد مهيب فتحت باب الحوش جريت قسم خليتها تشوف السيارات وشلون مشى على اختها شيوخ وهو فرحان السيارات سادات الشارع من الطول للطول ما مخلي احد ما جايبو دحكت عليَّ حجت بغصة

قسم: وأنا ما عبرني حتى من جنت عندو

شمس: تدرين عليش خليتج تشوفين الفرق بينج وبين اختج؟

قسم: لا

شمس: حتى تعرفين هو هاوي اخيتج ويحبها ومستعد يسوي كلشي لخاطرها ولخاطر يفرحها اما انتِ معتبرج اخت لا أكثر طلعي من كلبج وادعي من الله يسهلو مع اخيتج لابد يجي يوم و تنرزقين بواحد يضحي بنفسو لخاطرج

قسم: صعبة

جريتها للحجرة قفلت الباب وهي تباوعلي مستغربة

شمس: ههههه باوعي أنا المحلج وما يفيد وياج

قسم: وراج شي

شمس: أي اسمعي زين وفكري براحتج

قسم: شنو

شمس: وائل خطبج مني والشور مو بيدي حجيت لنشهل وكال احجي مع قسم وشوفي رأيها اذا توافق أنا ما الكه احسن منو
3

قسم: ياااا يااا

شمس: وجع خلي أكمل المهم اخوية كامل والكامل الله راح اسوي الج نبي استغفر الله

كامت تضحك وتمسح بوجها

شمس: خية شبي حتى ترفضينو اشو عندو سيارة وكاع وراتب وجمال مكان عالي بين الناس وكشخة شلون ما تردينو يصير تردينو سفاح يصير تردينو كيوت يصير وبعدو صغير ربي ع ايدج

قسم: ههههههه امشي من هين شمس تضحكين عليَّ شربي منو هذا هو الي يربيني

شمس: شبلاج ما عندج كيد النسوان مثل حور لعبتن نفسي اريد وحده منجن تفتح النفس ماكو

قسم: ترا اختج حلوة أنا لو رجال ازوجها

شمس: عش شعبالج؟ هو انتِ هم رجال

قسم: هساع خليني اطلع

شمس: لااا ردي الموافقة حتى ابشرو هساع وافرح بي

قسم: اتركيني يا

شمس: اسمعي لج وحق الله اذا ما وافقتي الا اخلي يجي هين ويسحلج

قسم: جبر

شمس: أي

ضحكت وكعدت بمكانها

قسم: عجل شعرفني بي اوافق كبل

شمس: شتردين تعرفين عنو

قسم: كلشي يعني مثل سواد جان يحب كبل

شمس: لا ما حب ولا عندو علاقات كبل

قسم: معقولة؟

شمس: بيني وبينج

قسم: أي

شمس: هذا رزن عكس بأسل ورصار يخلصون الليل مع النسوان دك مخابرات هتلية الكاع ما تحملهم

قسم: والله عبالي رصار فقير

شمس: حقج شعرفتي عنو

كعدت وياها انسيها شوية

شمس: اتذكر بيوم الي رحت دا اشوف حور دشيت للحجرة واسمعو يحجي مع بنية يكللها دزيلي رصيد حتى اخابرج من كضبتو كام يضحك ويكول والله اضيع وكت وياهن

قسم: وياخذ الرررصييييد؟؟؟

شمس: أي ياخذو ويعبي موبايلات اخوانو وكلهم مستغربين منو بس بأسل نذل مثل سالفتو مكيف ما يصادقون بنات عاديات لا كلهن مدبلات

قسم: ههههههههه عليج الله ما انصاد

شمس: أكثر من مرة لزمو عسكر حتى بالنعال يضربو بس ما يفيد وياه

قسم: عليش ما يزوج مو أحسن من هاي السوالف

تنهدت بضجر كعدت وياها

شمس: متورط بشي قوية ما يكدر يربط بنت العالم وياه هو حتى جان يحب بس ما حجة لحد لأن يعرف نفسو بشنو متورط الف مرة كلتلو تزوج كال ما أريد اخلي بنت العالم بأسمي ويومين تصير ارملة

قسم: خطية والله

راحو كلهم عيوني ع جنات ساكتة مو مثل كل مرة ترفض وتبجي سبوع واخذ موافقتها نشهل وهي وافقت سواد جان مستعجل معرف عليش ما طولت خطوبتهم شهر وتزوجو أخذ بيت بعيد عن بيت فيصل البيت فرغ بلاها صح فاهية بس سوالفها حلوة مسوية روح بالبيت ونشهل ضايج متعود عليها من يكعد الصبح لازم هي كاعده يمو
1

اندك الباب فتحو مهيب دش ورا فيصل كام نشهل استقبلو وأنا سلمت علية من بعيد دشو للصالة وأنا بقيت مع قسم شوية وصاحني نشهل دشيت وياه كعدت يمو باوعلي فيصل حجه بخفوت

فيصل: أنا دريت بالي سواه ايمن بيج وأنا بنفسي اجيت اتعذر منج يا برنو حكج علينا و الي تأمرين بي تبشرين بعزج
14

شمس: ما يأمر عليك ظالم بس ما يهمني ان عرفت او لا أنا حكي اخذتو منو نشهل ما كصر بشي ومثل ما سمعت ايمن بعد ما يكدر يخلف وهذا وحدو موت ع بطئ هو غلط من تكرب عليَّ وهساع خلي يأخذ جزاتو ومشكور ع جيتك هين خيرك سابق

فيصل: يابة اذا تعزون الشيبة الي براسي ما تردوني

شمس: حشاك احجي العندك وأنا عن نفسي اسوي الي أكدر علية

فيصل: تنازلي عن ايمن وخلي بحالو امو راح تموت يا برنو الليل ما تنامو

باوعت لنشهل اؤملي براسو يعني براحتج استحيت ارد فيصل وهاي الف مرة يجي ويتعذر مني ويطلب هل طلب اخذت نفس باوعتلة

شمس: ما اردك عمي بس ع شرط

فيصل: كولي وما يصير خاطرج الا طيب

شمس: يطلع للخارج وللأبد وبيني وبينكم تعاهد خطي

صفن بحيرة نزل راسو يسبح بالسبحة تنهد بتعب وهو يباوعلي ويحجي

فيصل: ابشري بعزج

هزيت راسي استأذنت منهم وطلعت جرتني قسم تلطم ع خدها بهمس

قسم: شلون بعد ما يخلف عزا

شمس: ما ردت اذي الله شاهد بس هو جبرني ضربتو بالتوثية وتأذه وصار الي صار

قسم: يعني قصدج ضربتي بالـ هاي يعني عقيتي حركتو
4

شمس: أي

ثاني يوم الصبح راح نشهل وياهم يتنازل عن الدعوة ما الو حق عندي لأن هو المعتدي وعندي دلايل ع كلشي اولهن الكاميرات الي بالبيت اخذهن سواد عندو و الدكتورة ام مختار اعرف مكانها وين واثار الي ع بطني تقرير كامل بس سديت هل صفحة هو أصلاً بعد ما يكدر يخلف ولا بعد يكدر يبقى هين يطلع للخارج والتعاهد بيناتنا ضمنت حقي

مسحت القنصور والحسن راح يكتب واجبو اندفع الباب دخل هو يباوعلي نداريتلو مستغربة
1

شمس: شبلاك يولو

نشهل: ايمن طلع وهذا التعاهد

رفع الورقة جدامي هزيتلو راسي

شمس: عجل شبيك ضايج؟

نشهل: فارس

شمس: شبي؟

نشهل: انطاج عمرو
35

ـــــــــــــــــــــــــــــــــــــــــــــــــــــ
اتمنى ان كان كل شيء حلماً واستيقظ مِنه
2

حــــــــور
15

باوعتلها ما مصدكة كلامها ولا حتى دخل لعقلي كانها ضربتني خنجر بكلبي مو مجرد كلمات باوعتلة نزل راسة بتوتر

حور: صحيح هل كلام أيهم؟

ما جاوبني خزر سمر كمت من مكاني تقربت اله جرني من ايدي لغرفتنا احجي وياه ما يرد عليَّ فتح الباب دخلنا وسده ورا أريده بس يجاوبني موتني وهو ملتزم الصمت
3

حور: اييييييهم احجييييي لااا تسكت

بلع ريكة رفع ايدينة الثنين مسح ركبتة وطكها باوعلي حجه بحذر وهو يعصر ايديني بيده

أيهم: أي صـ...
9

حور: صحييييح شششششنوووو رصار وين احجي أيهم غدرتهم

أيهم: انطيني مجال احجي

حور: تمام اسمعك بس كللي هو بخير عليك الله طمني

أيهم: صدكي بخير كلشي ما بي هي حجت هيج حتى تقهرج

حور: ياربي

كعدت ع جرباية حيلي يرجف ورجليَّ ما تعيني ع وكفة كعد كدامي لزم ايدي ضمها بيده يحجي بهدوء

أيهم: كبل ما تعرفينهم اخوانج هذولة ربعي الي جانو يعرفون اعذب اختهم وسانديني ماتت بنتي وهم يعينوني احتاج شي الكاهم يمي كبل اخوية جنت مريض ما كاطعوني يمي يمي بغيابي صانو بيتي رصار شال الأوراق والاغراض الي جنت استخدمهن بالنظام اجو دورية تفتيش وما لكو شي هو سوا هيج وأنا ما أعرف بشي جنت اموت وهو يمسح وراي الأثار حتى محد ما يمسك عليَّ مستمسك ولا أحد يهددني افضالهم عليَّ هواي وهسه اجه دوري اردلهم ربع من جميلهم لا تصدكين بيوم اغدرهم هذولة اخواني الله شاهد اعزهم أكثر من نفسي ومن كلشي أنا طلعتة من المكان وخبرت عليهم هو ذكي شايل دفتر الزعيم الي بي اوراقنا كلنا اسم شاهر و اسمي و اسمة و اسامي هواي ناس خفاه عن الكل بس عبريد خبر علية وأنا ما دريت خبر والله ما دريت اخذو من

بيتة حققو وياه وما اعترف ع شي بس صدكي بقى شي قليل ويطلع وعد اوعدج لو خلفت بي طلكيني
38

ضحكت بغصة مسحت دموعي

حور: هـ هسه يعذبونة مثل ما انتو تسون بالمجرمين مو؟

ضحك بخفة بأس ايدي رفع ايده مسح دمعتي الي بقت معلكة بخدي

أيهم: صح ما راح اجذب عليج بس رصار قوي ما تهمة هل سوالف هم الخسرانين مو هو لأن هم يضيعون وكت وهو مستمتع أنا كضبتلة اشطر محامية بغداد بس

حور: بس شنو؟

أيهم: سوا سالفة خرب كلشي

حور: شنووو

أيهم: كبل يومين بدت محاكمتة كلنا حظرنا حتى خالد دخلو رصار يسألونة وهو ع عناده ما انطاهم جواب عن الدفتر بدت المحامية تحجي بس هي حرمة جبيرة بالعمر شوية وعدها حول بعيونها هو باوعلها وضحك نأشرلة يسكت ما سكت فرط من الضحك يكول هسه أنا محكوم و محكوم بس ع الأقل جيبو وحدة تفتح النفس مو هاي تشوفني ثنين ناقصنا قهر
37

حور: صخااااام الصخمنيييي أيهم شصار بعدها

أيهم: وربج بقى يتنمر عليها والقاضي كال رجعو لمكانة رجعو وهو يضحك ضيع التعب والجلسة كلها خلانا نتلاطم طلعت المحامية تركض ركض ضايجة وتحجي علينا لحكناها نتوسل بيها والله معانده ما قبلت ورفضت رفض قاطع تلزم قضيتة حتى الفلوس ما غرتها فوك ما حولة وتزعل من الحقيقة
16

حور: حرااام انتو بيا حال وتتنمرون عليها

كعد بمكانة خربط شعره حجه بعدم اهمية

أيهم: سهلة تجي ع درب

حور: شلون؟

أيهم: اخلي بأسل يتغزل بيها ويندشها شوية ع بوسة وحضنة اطلع رصار بنص دقيقة

حور: لا يا ما تخافون من الله هيج تسون بأعراض الناس

أيهم: چاااا شنسوييييي مااا تقبل تلزم القضية والله غصباً عنها لو اخلي عقلي بعقلها ابجيها والحمزة
11

حور: العالم ما تمشي بتهديداتكم عيب والله

أيهم: عادي اتنفس لو حرام برأيج؟
4

حور: لا عادي

أيهم: يلا امسحي دموعج بأجر يطلع هذا هسه لو الدفتر بيد الحكومة جان أنا هم لحكت اخوج ونكعد نغني بالسجن ع هاي الحالة نعشك لو لالا
12

حور: ههههههههههه استغفر الله العظيم

أيهم: عبالك يهودي جدامها بنت اليهودية كل ما شافتني وكالت استغفر الله العظيم

حور: كثرت الاستغفار تفرج الهم وتشرح الصدر

أيهم: اشو بس يمي تستغفرين شني عبالج أنا ابو لهب

حور: هسه شحجي وياك

أيهم: وعساج لا حجيتي ام الصدق

حور: اكللك على شي بس لا تعصب وتصيح

أيهم: أي بلا كولي

حور: شنو يعني أهل النظام أني بس سامعة بأسمهم منك ومن رصار
8

أيهم: وانتِ شعليج؟

حور: لالا لا يروح بالك بعيد والله بس ردت أعرف شنو هم وبس
1

أيهم: أهل النظام هذا اسمهم من سنين شغلهم تابع للتسريب الـ... والخطف وقطاعين طرق عدهم منافسين مجموعات ينافسوهم على شغلهم بأختصار أهل النظام مافيات دولية مو بس بالعراق
اكو فئة منهم خارج العراق
8

حور: يا اسم الله هذا الي يطيح بيدهم شيسولة

أيهم: يبوسونة من راسة يكلولة حبيبي والله عاشت ايدك

حور: يعني هم فقيرين؟
14

أيهم: خطية يخرخرون شرف وفقراء شكد ما تتخيلين

حور: أيهم من رحت تتعالج سادن وين بقى

أيهم: بالبيت نفسة محد ما كرب علية خليت عنده حراس وحرمة فقيرة اداري من رجعت صرفتهم

حور: شنو شعوره اذا كبر وعرف ابو شنو وتذكر الصار شلون راح يتقبل فكرة نحنا مو اهلة

عصر ايدي بيده حجه بهدوء

أيهم: يتقبلها مثل أنا وانتِ تقبلناها

حور: ليش ما تجيبو هنا

أيهم: لا عنده علاج

حور: علاج شنو

أيهم: عنده امل يرجع صوتة هسه صاير يتمتم بعد ع علاج يستمر يرجع يحجي طبيعي

حور: هو ع أثر الصرخة والخوفة راح صوتة صح؟

أيهم: أي من حرك ايده انكضب لسانة

حور: حسبي الله ونعم الوكيل

أيهم: لو مخليج بيدهم وكاضبين لسانج

حور: اعوذ بالله اعوذ بالله شسمة اكللك

أيهم: وجهج فاهي شتردين

حور: انزل جيب فجغ عفية

أيهم: شعلية أنا بنتج لو بنتي

حور: يا

أيهم: اجيبها بس بشرط

حور: شنو

أيهم: ابوسج

حور: هسه أني انزل اجيبها ارتاح انتَ

أيهم: تتتكهررررب ولااااا أيهم يكرب يمهاااا تتتكهرب تنصاب....
20

حور: عيع والله ما تستحي عيب عليك والله

أيهم: اجيبها بس كولي شرشر

حور: لا

أيهم: اكتلج والله كولي شرشر

حور: ما اكول والله دا تعيب عليَّ

جرني من شعري كتم ضحكتة بعدت ايده لزمني أقوى

أيهم: كولي شرشر

حور: ما اكوللل

أيهم: هسه جدامي مثل خوش حبابة تكولين شرشر وفجر وقمر وشرطة ودورية ودرع
32

حور: ما اكول

أيهم: هه لا والله

جرني اقوى صرخت واني ابعده بس ما ابتعد كام يخبث أكثر

أيهم: براحتج لا تحجين هو أنا لازمج شعندي قابل شغل عمل

حور: وأني ما اكول

جرني من شعري قرب وجهي كدام وجه حجه بحده

أيهم: اكتلج؟

حور: شغ شغ

أيهم: وبعد

حور: قمغ

أيهم: كملي

حور: فجغ

أيهم: عفية وليدي وبعد
8

حور: دوغية

أيهم: حبيبي حبيبي
1

حور: شغطة
1

أيهم: وبعد؟

حور: دغع

جر وجهي يبوسني بخدودي دفعتة ضايجة

حور: يلا مو كلتهن وخر

أيهم: كولي طير يطير

حور: لا

أيهم: شنو يابة؟

حور: طيغ يطيغ

أيهم: لك وليدي ابوسك
3

ضحك وهو يحضني بأسني براسي دفعتة وكمت وهو وراي يضحك نزلت جوه اخذت شرشر من عمة ضحى وهي ما تقبل
1

ضحى: دخليها هنا يُمة خليها

حور: عمة تعبتي وياها

ضحى: لا ولج حبيبة اتركيها يمي

خليتها يمها وهي تبوسها تحبها باوعت لـ ليث كاعد بحضن علاء وقمر ع صفحة صفك بيده قيسر

قيسر: عمت عيني عليج قمر الوسطانية ليش استغرب
12

حور: هههه لا ترا الكُل يحبها بس هي ما تخلي احد يلزمها تصرخ

قيسر: خلي صاكرتهم

شوية وتحمحم باوعلنا حجه بجدية وهو يباوع لعمة ضحى

قيسر: يوم رايد منج تخطبيلي

ضحى: يا يمة تدلل من عين بأجر الكالك وحدة بنيت حلال

قيسر: لا يوم أنا عندي وحده مخليها ابالي بس تخطبينها

ضحى: ساعة الهنى بس مني هي

أيهم: عفرا

ضحى: أي الحمدلله بردت كلبي هي نفسها الي خليت عيني عليها

أيهم: اسمع زين البنية منفصلة مو بأجر يصير كلام منا منا وتفشلنا

قيسر: لا أعرف بس خلي هسه نتوكل

أيهم: انطي صبر خلي يطلع اخوها وتهدا الاوضاع

قيسر: ع حظي خربت الدنيا

أيهم: غير وجهك فكر

قيسر: ولك أنا شعلية

أيهم: واحد يحجي الحقيقة من كلت اريد اخطب ما ظلت مصيبة ما صارت

دنك قيسر شال النفاضة ضربة ع كتفة بيها فرك كتفة بوجع

قيسر: نذل

أيهم: من قل عنده الكلام سهلة علية يضرب حتى يسكت المقابيلة
4

قيسر: شني قاري كتب

أيهم: لا هاي سوالفي شلون ما اعرفهن

اخذت شرشر صعدتها للغرفة خليتها ع جرباية حاوطتها بالمخاد نزلت بسرعة اخذت ليث لـ غرفتة غسل ودخل ينام غطيتة طفيت الضو اخذت قمر وصعدت بعدنا ع درج ضربتني راجدي
5

حور: شكراً حبيبتي عاشت ايدج
17

تغمض وتفتح بعيونها تضحك بستها بخدها وأني اضحك

أيهم: أي بوسيها بوسيها

حور: اسم الله منين طلعت

أيهم: عيب عليج تسألين هل سؤال
9

حور: جديات شلون تطلع هيج بدون صوت حتى ما احس ع وجودك
1

حك طرف حاجبة اعرفة من يسوي هيج متوتر

أيهم: مو أنا هذا يعني اكدر احس باليمشي من بعيد

حور: أي صح تدغي ليش؟

أيهم: أي بلا ليش

حور: لأنك مجغم

أيهم: تبت والله تبت
2

عضني من رأسي من الصدمة بقيت باهتة بمكاني

حور: تعضني من غاسي

أيهم: هو رأسج هلكداتة جنج عرمطة

حور: عزا الله يبعدنا

خزر قمر برطمت وعيونها دمعن لمت شفتها لداخل حلكها شوية شوية تريد تبجي وهو اخذها مني
8

أيهم: لا تبجين لا تبجين بسسسس تبجين اعضج واذبج للعو و اعضج من راسج
5

حور: دجيبها لا تخوفها تحجي صدك شلون هيج خلستها ترا صارت تفتهم

أيهم: بسسسس تبجين اعضج

باوعتلي شابكة ايديها تباوعلي تريدني اخذها تمد ايدها الي لزم ايدها عضها وما بجت بس تباوعلي

أيهم: هاي حتى تنلصمين وتوبين تبجين بعد

حور: والله بعد ما اخليك تلزمها جيبها يلا خوفتها

أيهم: قمر اكتلج اذا بجيتي

خزرها أقوى نزلن دموعها لامة شفتها ترجف من جوه ضربتة ع ظهره انحرك كلبي

حور: جيييبهااا أيهم يلااا خبيث خوفتهاااا

كتم ضحكتة وهو يباوعلها

أيهم: شكلنا ست قمر؟ اذا بجيتي اعدمج

حور: ترا ادفرك واطيحك من الدرج والله جيبها يلا كامت تبجي

أيهم: اشش خليها

عضها وهو يضحك كامت تبجي بصوت عالي أريد اخذها وهو يبعد ايديني منها حضنها يمسح دموعها سكتت ما تباوعلة تنزل رأسها خدودها صارن حمر

أيهم: برطمت يمكن زعلت؟
8

حور: والله ما يصير هيج

أيهم: الله يسلمها مثل امها هم من اطنكر اطنكر بعد شيخلصنا

حور: صارلك ساعة تخوفها

أيهم: شني بعبع جدامها

فتح الباب دخلنا تمدد ع جرباية خلاها بحضنة وهي مالها صوت ابد ابد ساكتة دخلت لشرشر بعدها نايمة كعدت ع جرباية جريت قمر منه مدت ايدها ع شعري تجرني وتضحك طلع جكارة يدخن
4

حور: ليش ادخن وهي بالغرفة مو زين عليها لا يصير عدها تحسس

أيهم: ما عليها شي ولج قمر تختنكين؟

بقت تباوعلي ما فاهمة شي جرها من ايدها ضربتة ع ايده جفلها

أيهم: احجي وياج تختنكين؟

حور: دشيل ايدك عنها

جرها مني خلة الجكارة بشفتها فتحت عيوني بصدمة وهي تصفك بيدها جرها منها أخذ نفس ورجعها الها وهي تلوح بيدها فرحانة
12

أيهم: اخذي نفس بابا هاي امج معقدة الأمور ما عليج منها شاخطة

قمر: هف
15

أيهم: هفي يا بعد كلبي هفي

نزلت رأسها ع جكارة وهو مكيف عبالك مسوي انجاز عظيم خلاها جدامة ثبتها بيده ارتجة ع تاج الجرباية خلة الجكارة بشفتها رفع ايدها دخل اصابعها بين الجكارة رفع ايدها كدام وجها اخذلها صورة خربط شعرها واخذ الصورة الثانية خليت ايدي على خدي شحجي ما يفيد
6

أيهم: بس من تكبرين ما أقبل ادخنين

حور: دا تحجي مع حرمة عمرها ستين سنة مو كم شهر

أيهم: لمي حلكج لا اجيبج براجدي يعدل مزاجج المايل

حور: لا عاد هنا وحدك شيل الجكارة عنها عيع

اخذتها وهي صرخت صرخة خلتني اصفن اخذها مني يضحك رجعلها الجكارة بقت تضحك

أيهم: لا تبجينها مرة الثانية من تريد طلعيلها الجكارة وخليها تأخذ نفس طويل يريح كلبها
10

حور: تحجييييي صددددك
1

أيهم: شبيج اخذي الأمور براحة كلب وياها نفس من الجكارة تحلى الدنيا

حور: والله انتَ مو صاحي أيهم

طاحت الجمرة ع رجلها نكثتها بسرعة خفت لا تأذت بس بقت ساكتة تضحك مع أيهم

أيهم: ترا الجمر من يطيح يبرد

حور: واني انتظرها اطيح ع رجلها واجرب بيها

أيهم: قمورة بابا حسيتي بيها اذا حسيتي ارفعي حواجبج واذا لا اكرمينا بسكوتج

ضحكت هي دفعها ع جرباية لفها بالغطى خبلني

حور: راح تختنك أيهم لالا

أيهم: دولي
4

طلع رأسها وشالها وهي ملفلفة بالغطى تضحك فتح الشباك من التيب طلع قمر برا خرطت العافية وكلبي يدك بسرعة حيل حيل حتى حيلي يرجف

أيهم: يلا قمورة غمضي وعدي للثلاثة
1

حور: علللليك الله دخلهااااا شقاك ثكيل ويوكف الكلببب

خزرني عض شفتة بعصبية

أيهم: لججج بربوك الحراس جوه لا يطلع صوتج لا.... انلصمي

سكتت كعدت على جرباية عيني عليها اطكطك اصابعي بتوتر وخوف كلبي يريد يطلع من صدري طلع راسة والحراس يحجون وياه وهو يضحك كلامهم يلعب النفس وقمر معلكة بيده خفت اروح اله ويحجي عليَّ

قيسر: خييير خييير وين مطلع الطفلة

أيهم: كالت اسلم ع هذولة الهتلية

علاء: يمعود دخلها جوه وكفت كلبي

أيهم: سلامت كلبك يا بعد كلبي

::- شكد مهرها

أيهم: ما ازوجها اعتذر منكم

::- دحجي

أيهم: تسع شدات وتاهو
21

::- شماخذ....
7

أيهم: لا يا كـ... أنا تحجي ع بنتي هيج جدامي و اسكت انااااااا

::- هسه نزل من مهرها نحجزها

أيهم: خلي أخذ رأيها

::- اذا موافقة خلي تزوع علينا حتى نعرف
1

أيهم: قمر بابا ازربـ... عليهم
24

كتمت ضحكتي معرف اضحك معرف اخاف احتاريت

قيسر: لعبت نفسي يا...

أيهم: ترا كاعد بحديقة ابوها يعني تسوي الي تريده وانتَ تنجب وتسكت

::- نعال عليك وعليها

أيهم: انجب انتَ الخدام مالها وين ما تريد تأخذها بفلوسها ما عاجبك الطخ رأسك بالكاع و شيل نفسك وذبها من العمارة

::- يلاااا اسوي مثل ما سوا ابوها اسايرك واخذها وشرط مهرها قوطي حليب وياه حفاضات

أيهم: تلحس قندرتي أحسن ما انطيها خاصتاً هاي

::- اكو أحلى منها بلاش

أيهم: أي روح جيبلك انتاج تقليد

::- نريد من عندك شركة اصلية

أيهم: تشرب جكاير كل يوم الفين دينار حلويات ملابسها ماركة وشرط أحمر وطوق ابيض تراجي بأذنها حفاضاتها طبية نيدو الأصلي تريدها؟
11

::- ربع دينار ما اصرف ع نفسي وهاي الجكمجة يوميتها خمسة وعشرين طز بيك وبنتك

أيهم: لااااا تغلط

::- هسسسه عليمن مخليها فوك راسنا ولك راح اطيح الفرخة اشو كلبي لعب

أيهم: يلعب جولة كلبك حنين

::- دنجب

قيسر: نزلها نزلها نزلت ع رأسك صاقعة من السما ترجدك بمكانك
13

علاء: نزلها أيهم نزلها

أيهم: ظلمة خليها تنور الدنيا

قيسر: الله يسلمك الثقة ما تنزل درجة عندك
4

أيهم: جنون العظمة معرف شسمها المهم هي هاي

قيسر: مثقف

أيهم: شني

قيسر: وجع شييييل قمر راح اطيح

أيهم: نعلى عليكم اذا اخليها تنوركم بعد يا نعالات

دخل وسد الشباك خلة قمر ع جرباية وجها بارد ثلج ثلج رغم الجو معتدل وطيب مو باردة بس لأن ع طابق الثالث الهوا عالي كعد يمها وهي تضحك نقر ع انفها يعض ايدها

أيهم: يردون يأخذونج الهتلية

قمر: هف

أيهم: هم جيفة كلهم هف

حور: الحمدلله عدت هيج

أيهم: أي مو مأخذها ع مصلخ

حور: الله لا قدر تخيل طاحت من ايدك

أيهم: طاح حظي أي والله اطلع جبان اذا صارت

حور: خلي اخذها انيمها

أيهم: اخذيها وجيبي شرشر

حور: يبوو الااا هاي خليها نايمة اذا كعدت ما تنام تبقى تصرخ

أيهم: أنا انيمها

حور: ترا والله أنام واتركك وياها

أيهم: أي شبيج هو أنا راح انيمها

اخذت قمر غسلتلها هي وبحضني نامت بستها براسها خليتها بمكانها باوعت لشرشر نايمة انقهرت اخرب نومتها شلتها بهدوء اخذتها اله خليتها بحضنة لفيت نفسي ونمت

صحيت ع صوتة يحجي وياي وشرشر تبجي باوعتلة بأستغراب باوعت للساعة ثلاثة ونص الفجر عض شفتة وجه أحمر

أيهم: كومي شيليها لا الطخها بالكاع

حور: اسم الله جيبها

خلاها بحضني كعد بمكانة يباوعلها

حور: شسويتلها وهيج تبجي

أيهم: تريد تنام

حور: أي ؟

أيهم: وأنا ما اريدها تنام
17

حور: الطم؟

أيهم: لا

كمت من مكاني لو بيدي اذبحة قمطتها لفيتها بالغطى طبطبت ع ظهرها سكتت تغفي وتفتح عيونها نص ساعة وسكتت
1

أيهم: دشوفيها شلون نامت

حور: لعد شتريد تشرب جاي وياك

أيهم: دخل تولي

حور: ليش مو هاي الي تحبها

أيهم: ولج ما تقبل تسهر

حور: أيهم

أيهم: ها

حور: انصحك تسكت

سكت وهو يباوعلها رجعتها لمكانها غطيتها زين باوعت للساعة راح يأذن دخلت للحمام توضيت مسحت المي من وجهي طلعت للغرفة ردت البس الجادر اباوعلة لازم موبايلة بلعت ريكي حجيت بحذر

حور: راح تسهر؟

باوعلي مستغرب هز راسة أي خليت الجادر بمكانة رجعت كذلتي لورا

حور: شرايك تكوم تتوضى؟

عقد حاجبة نزل راسة للكاع نتر بهمس

أيهم: لا وسدي حلكج لا تدخلين بهل امور

حور: لا أدخل وانتَ الي تكوم هسه تتوضى وتصلي وتكمل غانمتك مو فالح بس تصرخ وتحجي

نترت بصوتي أعلى منه باوعلي مصدوم

حور: أي لا تباوع هيج ما عاجبك لا يعجبك بس مادام كاعد كدامي وثنيناتنا بنفس الغرفة تكوم تصلي لأن ما كاعده مع يهودي

أيهم: ولج
3

حور: ولج بعينك وعساك لا قبلت سنين واني اكللك كوم صلي كوم صلي ادري شيطانك اقوى منك مااا تعرف تتوضى؟ ما تعرف تصلي؟ أني اعلمك ميخالف سهلة أول يوم تحس شي غريب أي صح هذا شعور الراحة بس انتَ مو صغير لازم الموبايل وتسمع المؤاذن يأذن وساكت حتى ما تتشاهد بس هسه تكوم تتوضى وتصلي شوية أكبر لا تتعقل ع رأسي بصراخك كلنا عدنا صوت عالي واكدر هسه اصرخ بوجهك واخجلك
6

أيهم: ولج نـ...

حور: تصلي لو تطلع من الغرفة؟

أيهم: هاي شبيها هاي
4

حور: تصلي لو تطلع من الغرفة؟ وما اشوفك أبد ولا تشوفني ما كاعده مع كافر ولا لسانك يطخ لساني بحرف واحد وانتَ اختار يلا بعد بيدك عشر دقائق

أيهم: اسمعيي لج قونية مال معجون مو تمشيني ع كيفج وكلامج ما يمشي عليَّ يلا ولي

حور: اطلع برا

أيهم: لا والله ترا غرفتي

حور: بيني مسجل بأسمي يلا تفضل برا يلا بلا مطرود
11

فتحت باب الغرفة اشرتلة يطلع بهت بمكانة دنك يدور ع شي يريد يضربني بي تقربت اله تفتفتة من كتفة كلبي يرجف بس مقاومة كدامة باوع لـ ايدي وباوعلي

حور: يلا برا

أيهم: اكعدي راحة لا كبل ما تصلين اخليهم يصلون عليج
2

حور: لعد أني اطلع

أيهم: ولججججج قندرة شبيييج شبيج

حور: كوم صلي

أيهم: أنا راح اتحاسب لو انتِ؟

حور: رأسك بكد الطاوة الجبيرة ايديك عبالك ايد وحش طولك عامود كهرباء عيونك مثل السيف شنو ناقصك حظرتك حتى ما تصلي؟ ايد عندك رجل عندك انف عندك عيون عندك صحتك زينة الحمدلله شنو ناقصك ها؟
14

نزل راسة عاقد حواجبة مسح جبينة بتوتر وخجل

أيهم: ما أعرف

حور: شنو هو الي ما تعرفة؟ أني اعلمك علية اعتبرني روحك ولا تخجل مابيها خجل بالعكس شي حلو وخطوة حلوة نبلش بيها هسه

أيهم: شلون راح تصلين وانتِ ما صارلج جم يوم
8

حور: شهرين كافي

أيهم: والله حور ما أكدر أصلي لا تلحين بروح اهلج

كعدت وياه لزمت ايده

حور: انطيني سبب مقنع يخليك ما تصلي وعد اسكت ومستحيل افتح هل موضوع وياك بعد

أيهم: بلا سبب

حور: لعد كوم وياي

أيهم: حور و...

جريت اصبعة بيدي دخل للحمام وياي اعرفة ما يعرف يتوضى ولا يعرف شي ويخجل يحجي اخذت صابونة خليتها بيده

حور: غسل ايدك أول شي وكول بسم الله الرحمن الرحيم
5

غسل ايده بس متوتر عبالك رايح للعدام يبلع ريكة
يعض شفتة السفلية عيونة ع صابونة شوية ورجعها لمكانها باوعلي بغرابة هز راسة لا

أيهم: أنا ما اعرف شي يخص هل أمور ولا مرة بحياتي توضيت عدل
10

حور: خلي نتوضى سوا نتعلم سوا خطوة بخطوة ماكو شي صعب

أيهم: انتِ مو توضيتي

حور: ميخالف كثرة الطهارة حلوة ما اخسر شي اذا عدت الوضوء

سكت بس مستغرب ومحتار ما يعرف يكمل ولا يرجع بكلامة اخذت ايديه بيدي غسلتهن بالصابون باوعلي وباوعلهن حسيتة ارتخى شوية وتقبل الأمر

حور: أول شي انوي النية بكلبك انك دا تطهر تعرف شلون تنوي النية.؟ ردد وراي لحد ما تحفظها

عقد حاجبة هز راسة أي حجيت بهدوء

حور: نويت الوضوء لوجه الله تعالى

أيهم: نويت الوضوء لوجه الله تعالى

حور: رددها بكلبك

فتحت المي بالطشت تركتة شوية ما اباوعلة حتى ما يخجل اعرفة يضوج ولا أحد يعلمة شي

حور: نزل ايدك للمي

فتح المي اقوى سديتة ع نص باوعلي ما مفتهم تصرفي

حور: باوع ايهومي لا تفتح المي كلو حرام يصرف بالكاع افتح ع نص بس حق الوضوء لا أكثر
9

أيهم: يعني بس شوية

حور: وسط حتى تكدر تتوضى

أيهم: خوش وهسه شسوي

حور: هسه لا تسوي شي بس باوع شلون راح اغسلك

أيهم: تغسليلي؟

حور: أي

أيهم: لالا

حور: طاوعني أيهم

أيهم: بس مو تغسليلي

حور: بس اهدا خلي نتوضى عدل

سكت بس ضايج خليتة يدنك دنك ما حجه شي دفيت المي جريت الصابونة غسلت وجه ثلث مرات
مسحت ع شعره واذانة وركبتة تمضمض ومسحت ع انفة غسلت ايدية من وهو يباوعلي دنكت اغسل رجلي ما قبل خليتة يسكت كملت ومسحت وجه
رجعت اعيد وياه أني اتوضى وهو يباوعلي ويتوضى شوية وتفاعل وياي توضى مثل ما علمتة أول مرة وكفت ع صفحة خليتة يعيد الوضوء والشهادة توضى وضبطها أحسن مني جريت الخاولي مسحت وجه و ايديه شبه ابتسامة ع ثغره خفاها وأني ما خليتة
14

حور: لا تخفي ضحكتك عادي اضحك وابتسم لا عيب ولا حرام وهاي العقدة شوية افتحها لأن مو زين تخلي رأسك يوجعك
2

خليت اصابعي بنص حواجبة فتحت العقدة بينهم بس ما كدر رجع نفس الشي

أيهم: الا هاي مو بيدي

حور: عادي عادي يجي يوم وتتعدل

نقطة مي ع ذقنة مسحتها بيدي اخذتة من ايده وهو وراي مديت سجادة بالكاع والتربة خليتها كدامة حجه بتوتر

أيهم: بس أنا شفت مازن يصلي بلا هاي الحجرة
2

حور: مم باوع هاي اسمها تربة ومازن ما يصلي عليها لأن هو من غير شريعة كلنا اسلام بس كل واحد يصلي ع طابع الي هو بي
5

أيهم: سامع بأسمها بس ما اعرفها عبالي طين صغيرة

حور: هههه جربت بيوم تنزل رأسك وانتَ تصلي وجبينك مبلل وتلزك بي

أيهم: لا تكليلي تأكلينها

حور: اشيلها من جبيني اكرط منها شوية وارجعها
9

أيهم: وليدي انتَ حتى الحايط تكرطة ما عندك مانع

ضحكت بهدوء ما قبل يخليها ما عرفت السبب شنو احتاريت وياه
4

حور: طيب شلون راح تصلي

أيهم: بلاها حوري
18

حور: يلا بلاها بلاها كلشي بهدوء ينحل

خليتها ع صفحة كتف ايدية ابتسمت ما اريد اضحك

حور: نزل ايديك
9

أيهم: كلها حلال

حور: مع الشيخ أيهم كلشي حلال

أيهم: كلشي حلال

ما كدرت اسكت غصيت من الضحك كعدت بالكاع اضحك وهو استغفر الله يجرب اشكال الصلاة خلة ايده ع جبينة مثل المسيح تخبلت ركضت اله وهو صافن مستغرب
8

أيهم: خلي اجرب حوري اوكفي

حور: أيهم فدوة ههههههههههه

أيهم: عليمن تضحكين ولج

حور: لا بس باوع حرام ما يصير تقلب كلشي بس امشي حسب ما اسوي أني مثل الوضوء

أيهم: بس حلو اريد اجتف
12

حور: يعني انتَ تمشي حسب الحلو

هز راسة أي مسحت وجهي اخفي ضحكتي

حور: كلشي يخص الصلاة والعبادة حلو بس لازم نمشي بضوابط تمام؟

أيهم: أريد اجتف

حور: يعني الا تتكتف

أيهم: أي هم هناك كلهم متكتفين

حور: تمام تمام فهمتك

أيهم: بس ما أعرف شي

حور: ميخالف هسه من عيوني اعلمك ع خطوة خطوة سوا

أيهم: يا بوية ابوس عيونج

حور: ايييهم حرااام نحنا بيد رب العالمين

أيهم: استغفر الله نسيت بس ما أعرف اركع ولا أعرف شكول
3

حور: تدلل هسه سوا نتعلم استقيم بجسمك

لبست الجادر سوا مثل ما كلت كتف أيديه سايرتة وكفت جنبة كبرت وهو كبر بس صوتة يرجف كلبي انمرد علية ما يعرف شي حرف واحد ما ينطقة الا وصوتة يرجف رجفتة واضحة كملنا وهو متوتر بعدنا ع سجادة لزمت ايده مسحت عليها
5

حور: لا تخاف ركز وياي وسوي مثلي واتأكد بلا شك تأكيد من كلبك قبل عقلك رب العالمين يتقبل منك لو حتى غلطت أحلى بداية تبديها بينك وبين نفسك

أيهم: شلون حوري شلون يتقبل من واحد كضى حياتة بالحرام

حور: الله يجازي الي كان السبب بهاي حالتك بس انتَ بعدك صغير السن والعمر كدامك طريق التوبة مفتوح كدامك شكد كفرت وصرخت وحجيت هذا مو بسببك هذا بسبب اهلك بسبب البيئة الي انتَ عشت بيها بس هسه كلشي اختلف انتَ كبرت وصرت رجال وصرت اب وصاحب قرار بكلشي لازم اتوب كافي السنوات الراحن من عمرك بالطيش والهلاك هسه اجى دورك اتوب وتصحى من صواب قبل هسه تذكر شي واحد هنا انتَ بهذا الزمن ماكو لا شاهر يضربك ويحبسك ويجبرك ولا يأذيك ولا اكو اصف يهينك ويفضح الصار ولا اكو سمر تدعي عليك وتهينك ولا أحد يسلط عليك ولا تأكل من الحاويات ولا ولد الشارع يكتلونك اليوم انتَ شي مختلف انسان محد ما يكدر يضربك ولا يهينك تعرف الصح من الغلط تعلمت من طفولتك اشياء
المرة ما لازم تكررها بالحاظر هسه دورك أنتَ تعيش لنفسك ومثل العالم صلاة وشغل وبيتك واطفالك والأهم صديقك راح يرجعلك وتكمل فرحتك لا تنقصها بسبب الماضي وتخلي ماضيك يسيطر عليك كلنا عدنا ماضي أسود بس راح وقتة مو مهم نلتفت اله المهم حياتنا الحالية نعيشها مثل ما هيَّ ولا تحاول تخفي ابتسامتك ولا ضحكتك انتَ انسان عادي مثلنا مو مختلف تستحق تضحك وتبتسم وتعيش حياتك مثل ما تريد بس لا تتقرب للحرام حتى تعيش متهني
11

خلة راسة على رجلي مسحت على خده

أيهم: صح تعالجت بس كلشي بعده ابالي ما جاي انسى شي بس أحاول اتناسى

حور: أيهم الصلاة والقران والادعية هم الها تأثير كبير بحالتك وبحياتك لا تزعل مني بس انتَ مبتعد كل البعد عن رب العالمين أكيد همزات الشيطان تراودك بكل وقت ويخليك دائماً متكأب ومختنك بس سؤال اذا عصبت وين تروح؟

أيهم: معرف بس اصرخ واكسر واضرب

حور: لأن ما عندك طريق الصح انتَ لو متعود ع صلاة كان من تتعصب بدال ما تصرخ وتكفر تستغفر الله وتهدي روحك بدال ما تضيع وتضرب وتتعب تطلع لمكان وتغسل وجهك وتهدا بسرعة هذا هو طريق الي يخليك دائماً مسنود وكلبك مرتاح

أيهم: تصدكين هسه من صليت
حسيت روحي طحت من جبل بس ما تأذيت

حور: لأن رب العالمين نزل ايديه وشالك بلطف ما خلاك اطيح من صدك بس هذا جبل من همومك طاح من اكتافك وجزء منك ارتاح

أيهم: عبالي النظافة بالسبح والتغسيل ما جنت ادري الوضوء انضف من كل عطر خليتة وكلشي
سويتة

حور: ها أيهم اشوفك ما كدرت تكوم؟

أيهم: برودة داخل صدري ما حسيت بيها بعمري كلة ولا مرة عشتها جنها نار كلبي انخمدت وسكنت ولا اختفت
7

شوية ورفع راسة باوعلي مصدوم

أيهم: اكللج حوري اخاف جنتي تدعين عليَّ وأنا اكول ليش كل ما اضربها ساكتة ما تحجي
5

حور: هههههههههه عزا ياربي لا والله ما ادعي ع احد اقوى شي عندي اكول الله لا ينطيك ولا يوفقك بس وراها استغفر الله واسكت لأن مو من كلبي

أيهم: خوب هسه اذا تدعين ترجديني بمكاني بس كولي حسبي الله ونعم الوكيل عليك حتى تكمل

حور: ما احب ادعي ع أحد كوم نام مو وراك دوام

أيهم: محتمس ما أريد أنام

حور: بس بأجر يفصلكم مو

ضحك دار نفسو دفن وجه بطني حضني من خصري

أيهم: أي

حور: شنو ناوي تسوي؟

أيهم: أول شي؟

حور: أي شاركني فرحتك

شدد ع حضنتة همس بصوت عالي من فرحتة ما كتمها مثل كل مرة

أيهم: اشبكة بقوى وما اخلي يعتاز احد غيري كلشي حظرتلة مسكن وفلوس وكلشي بس انتظر رجعتة
4

حور: أيهم هسه شكد تتوقع عمره؟

أيهم: اوو أكبر مني يمكن بالثمانية وثلاثين هيج شي
11

حور: ما بيناتكم فرق العمر هواي

أيهم: صح بس هو عمره متقارب مع قيسر يعني من جيلة

حور: احس قيسر هم فرحان

أيهم: ههه جذاب فرحان هواي بس ساكت عود رزن

حور: شعرك بدأ يطلع طولان شوية

أيهم: ضحاوي واي واي جابتلي اعشاب معرف شنو خليتة مرة وحده جدامها حتى تسكت وذبيتة لعبت نفسي
9

حور: شلون يعني الأعشاب ريحتهن حلوة؟

رفع راسة باوعلي حبس ضحكتة حجه بخفوت وهو يترقبني

أيهم: بول البعير
20

حور: ششششنوووووو؟

أيهم: والله ويكرم طاري الله

حور: عييييع لا عفية شلون خليتة؟ مستحيل

أيهم: خاب غير فاتت عليَّ ع حمام خلتني اتصفن معرف اتستر ولا احجي وياها هاي طبعة النعال بعدها بظهري كلتلها شلون دوا يمرعط ضحكت عليها اخذتة وذبيتة
5

حور: علاء مرة جابلي شامبو يجنن بس معرف شسمة

أيهم: .... كلتلة كال ما اجيب للصلعان ابو الأفران والتختل والله جنت اشوفة بالشارع وهو صغير يكتلون بي وافزعلة هسه يتمطمط عليَّ أبو....

حور: هههههه والله ماكو مثل علاوة

أيهم: هه هه هه والله راح اجيبج براجدي يعدل وجهج
4

حور: ما يفيد

أيهم: دكومي نامي كومي

حور: كوم نام ولا تفتح حلكك بكلمة يلا كدامي يلا لاااا تلح

كام من مكانة تفتفني من كتفي رفعت ايدي اضربة باوعلي بعدم اهمية سحلني للجرباية تمدد وخلاني بحضنة خنكني جواه خنك

حور: ممكن اتنفس راح اموت

أيهم: اخنكج؟

حور: لا نام أصلاً دا اتنفس عدل

للصبح سحلني من الجرباية للكاع باوعتلة بأستغراب حكيت شعري احس ما اذكر شي فقدت حتى الذاكرة لابس ملابسة يضربني على خدي يحجي وياي واني بعدني صافنة

أيهم: حور تسمعيني؟

حور: وين أني

أيهم: بالجنة

حور: شنو

أيهم: يكلولي ليش ما تخليها تسهر

حور: بعدها ليل

أيهم: النجوم طبن للغرفة كومي لا ارعصج

كومني من مكاني ارتجيت علية باوعت للغرفة

حور: هاي أني بغرفتي

أيهم: معلومة خطرة تحبس الانفاس
5

دخلني للحمام فتح المي غسل وجهي مي البارد كمزت بشهكة صحصحت مد ايده يريد ينزعني ملابسي دفعتها

حور: خير خير

أيهم: غيري ملابسج وراج دوام

حور: ما أكدر وهذولة العندي شلون

أيهم: اخذت قمر وفجر للحضانة وليث للروضة يلا البسي ما ظل وكت بنت اللذينة تأخرت

حور: عزاااا شلون تأخذهن

أيهم: تلبسين لو اخنكج بملابسج

حور: لا هسه البس تفضل بغا

طلع وسد الباب ورا لبست ملابسي محظرهن ع تعلاكة رجعت لورا اباوع لنفسي حلوة ابتسمت برضى طلعت اله يلبس الساعة صفن عليَّ رفع حاجبة

أيهم: الصدرية ضيكة

حور: لا كلشي مابيها

أيهم: الصدرية ضيكة لا تلحين باوعي لنفسج بالمراية

حور: مو راح البس الصاية فوكاها

أيهم: ميخالف بس غيريها

حور: لا عليك الله والله حبيتها

أيهم: أعرف تموتين ع لطخ امشي ذبيها

حور: لعد ما اروح

أيهم: بعد أحسن

حور: لا عفية اريد اروح بس ما اغيرها حبيتها أحب لون الأسود

أيهم: وأنا كايلج لا تروحين؟ روحي بس مو بهاي غيريها

حور: مو راح البس صاية ونقاب وكفوف وجواريب
وادخل بين العالم افجرهم واطلع
8

أيهم: مو جاي تلبسين اشكال و الوان هنا بالغرفة چا شتردين بعد تطلعين هيج؟

حور: لا أكيد لأن هي صدك ضيكة بس حبيتها

أيهم: تغيرينها أو ماكو دوام؟

لبست فوكاها الصاية جهزت نفسي لبست البوت كعدت على جرباية ضايجة باوعلي من المراية عقد حاجبة بأستغراب

أيهم: الوكت تأخر امشي يلا

حور: يلا نروح

كمت وياه سحلني بيده

أيهم: وين وين بهاي العطلات تردين تطلعين

حور: عفية حباب لابسة صاية فوكاها

أيهم: لا

حور: والله واسعة باوع

أيهم: هسه عليمن لابستها بسس فهميني

حور: ايهومي عفية
7

أيهم: يلا امشي
11

نزلنا جوه الوقت تأخر نركض ركض ما قبل اطلع بدون ريوك وباربي راحت للجامعة مع علاء صعدنا بالسيارة خلة ايدي ع رجلة وصلنا للدوام احس مشتاقة لكلشي يخص الدوام عصر ايدي بيده باوع للشارع وباوعلي

أيهم: لا نفس لا صوت لا حركة للدراسة وبسسس غيرها ما أريد سوالف عيوني وكلبي تخليهن ع صفحة معلوم؟

حور: اي تمام

أيهم: عفية ابني يلا انزلي

فتحت الباب نزلت وهو نزل وياي دخلنا جوه بس وجهني للشعبة طرت الها بس عزلت نفسي بصفحة ما أحب اختلط بأحد رغم البنات مبين عليهن حبابات رفعت النقاب اخذت نفس أن شاء الله بداية جميلة واحسن من القبلها

بعدنا بأول درس ودخل استاذ حذام ورا زمن اجت يمي سلمت عليها بس هادئة ابد مو مثل قبل ساكتة جوه عيونها سواد عميق مبين عليها تعبانة
1

حذام: حــــور؟

انتبهت ع صوتة باوعلي مبتسم رديت الابتسامة اله

حور: نعم استاذ

حذام: شلونج ؟

حور: الحمدلله بخير

حذام: دومج

تنهد اندار يشرح يشرح ما سكت عبالك محمل علينا باوعت لزمن ادك ع رحلة بالقلم ساكتة مالها صوت قطع الشرح اندر علينا ارتجة ع رحلة حجه بحده

حذام: شنو هل صوت؟ بعدنا بأول درس

البنات اندارن مستغربات وهي تركت القلم من ايدها رجع يشرح وهي نزلت رأسها صافنة ع رحلة همست الها بصوت ناصي هواي

حور: شبيج؟

زمن: دايخة

حور: لعد عليمن حظرتي كان ارتاحيتي وبعدين اجيتي

زمن: لا هنا شوية راحة

حور: شبيج زمن

زمن: كلشي يا حور كلشي

حور: ينتهي الدرس ونحجي هسه ركزي بمستقبلج

زمن: صح

-: رجعنا نكتب وياه بسرعة بسرعة ما يقبل وحده تتأخر شوية ارتجة ع حايط يباوع للصبورة بشرود
لحد ما بنية كالتلة استاذ كملنا وهو فز ع صوتها
خلص الدرس طلع من الشعبة انداريت لزمن الي صافنة ورا

زمن: طلعت ولا رديت ان شاء الله

حور: يا ولج حرام لا تدعين

زمن: خلي يولي

حور: شبيج؟ متغيرة هواي هواي مو مثل قبل

خلت ايدها ع رحلة ابتسمت بتعب

زمن: ابوية مات وصفيت ع ايد حذام

حور: يا عمري الله يرحمة برحمتة الواسعة ويصبرج

اخذت نفس عدلت نفسها تباوع للصبورة

زمن: امين بس كلشي تغير شفت وجوه ثانية

حور: ليش

زمن: بعد موت ابوية اجو عمامي رادو يأخذوني من بيت ابوية بلحظة ندم نخيت حذام وكلتلة لا تخليهم يأخذوني أني متعودة ع بيتنا ما اكدر اطلع راح هو كاللهم ما تطلع من بيتها اتركوها تالي؟ يا اروح وياهم يا ازوج واحد من ولد عمامي ونكعد بيت ابوية خلوني بصدمتي كل الوجوه تغيرت مو مثلهم هم الي جانو قبل هلا بنيتنا هههه وهذا الجدامج واحد منهم
4

حور: وافقتي؟

زمن: أي بس مو بيدي وبسببي والله

حور: شلون يعني؟

زمن: اخذت متيم ابن عمي الجبير شوفني انواع العذاب هو وامه كتل كتل من القهر صار بيَّ سُكري لحد ما امه طيحتني من الدرج ما كدرت ابقى بهل عذاب شردت بالليل بس والله ما شردت للبعيد دخلت لبيت ابوية وهم لحكوني تفلوني الدم كرهوني بعيشتي وهو طلكني بس بعد ايش بعد ما دمرني

حور: امسحي دموعج لو بي خير ما يمد ايده على زوجتة بس ليش يكرهج؟

زمن: يسمع كلام امه يختي والله دمرني هو وهي من العز للذل

حور: زمن بقيتي عدهم؟

باوعتلي عيونها جمر من الدموع اكو بنية بقت تباوعلنا وساكتة ارتجت ع رحلة تباوعلنا كأنو بلسانها حجي

زمن: بعد ما طلكني اجت ام حذام كالت اقبلي بأبني وخلصي من هل عذاب

حور: لعد ليش ما اخذتي حذام من الأول

زمن: أني من البداية رفضتة هان عليَّ العذاب ولا أخذ حذام

حور: بس ليش زمن ليش والله حذام هادئ ومتفهم

زمن: والله اعتبره اخوية والله مو بيدي

حضنتها وهي تبجي باوعتلنا البنية وهي تشيل الكتاب من الرحلة حجت قبل لا تطلع

::- ما بقت خوه بهل وكت الأخ يطرد اختة برا البيت لخاطر زوجتة والام تترك بنتها والأب ما مهتم لبنتة والاخت تتخلى عن اختها ومحد ما طايح بيها غير البنت واذا سوت شي كسروها بحجت هي بنت ولازم تسكت هم ابدا بمصلحتها لا تستغربين من الصارلج كل بيت بي قصة وكل قصة داخلها جرف عميق ماله بداية ولا نهاية ومظلم اعتمدي ع روحج ولا تبجين اكو ناس اسوء من عيشتج كلنا نضحك جذب محد ما ضحك من كلبة
23

طلعت وتركتنا

زمن: صح كلامها

حور: هسه شلون صفت وياج؟

زمن: وافقت ع حذام هو أحسن منهم بس ما دا اكدر اتقبلة اشوفة بحسبت اخ

حور: يأذيج حتى هيج كارهتة؟

رفعت رأسها تباوعلي

زمن: مرة وحده بس لأن كلتلة طلكني كال وين تروحين الا عمامج يسحلونج وأنا ما اكدر أدخل يكولون لا زوجتك ولا تخصك نحنا أولى بيها وعمامها عاندت وضربني وطلع بس بعدها ما مد ايده عليَّ أبد حتى اعتذر مني هواي بس أني معرف شبية كارهتة

حور: حاولي تصلحين علاقتج وياه زمن انتِ مالج غير رب العالمين و حذام لا تضيعين حياتج بالحزن والقهر

زمن: دا أحاول والله
3

حور: وهو؟

زمن: ما أعرف مرات احسه يميلي ومرات لا

حور: يمكن يبتعد عنج لأن يشوف الصد بعيونج حتى ما يضغط عليج

زمن: صح كلامج عدت مرات صار هل شي اذا احجي وياه واتفاعل وياه يرتاح بالكلام واذا ابقى ساكتة وما ارد علية يطلع ويتركني

حور: تقبلي الواقع واكسبي حذام حتى يكون سند بظهرج أحسن ما تبقين ع ايد عمامج وتهون أن شاء الله لا تشيلين هم خليها ع رب العالمين
1

زمن: هو هم هيج

خلص الدوام طلعت آخر وحدة وهي راحت باوعت سيارتة موجودة صعدت وسديت الباب بس اشو السيارة صغيرة تلفتت بحيرة باوعت للسيارة مو سيارة أيهم لطمت ع وجهي افتح الباب ما ينفتح لحد ما دفعتة نزلت ركض الصاية طارت وراي حسيت نفسي باتمان الحمدلله مابيها أحد وكفت ع صفحة انهد بتعب وفشلة صعد الرجال بالسيارة حركها وراح
14

غميت نفسي شوية وكفت سيارتة صعدت وطبكت الباب بقوى باوعلي مستغرب

حور: ادريييي تجيني بأخر الوقتتتت شبيك شبيك

أيهم: شبيها البرغي

حور: استغفر الله العظيم اسفة صرخت بوجهك

أيهم: غير نعرف شبيج

حور: صعدت بسيارة غير سيارتك وخفت نزلت ركض
3

أيهم: ثولة؟؟ ما انتبهتي ع علامة

حور: لا نفس اللون وأني اكول شبيها السيارة صغرت

أيهم: حظرتج لون أي سيارة سودة تركبين بيها؟
بابا برأسج عقل انتِ
4

حور: والله ما انتبهت

أيهم: يلا وليدي عادي واذا يمكن دايخة عليمن وجهج صار اصفر شني صاعده سفينة نوح

حور: لا بس خفت ما انفتح الباب

أيهم: اكسره وليدي اكسره واطلع

حور: ثكيل

أيهم: خرب روحك شاهر خاف وليدي
6

وكف السيارة فتح بطل مي شربني شوية رفع النقاب غسل وجهي مسحة بالكلينس وصعد لزم ايدي خلاها على رجلة وصلنا للبيت صعدت ركض دخلت للصالة قمر وفجر مو جودات ابتسمت حضنتهن احس نفسي بلاهن ما عايشة

رجعتهن لمكانهن دخلت للحمام سبحت لبست ملابسي وطلعت بعدني باب الحمام كتفت ايديني لصدري مبتسمة واكف بمكانة ماد السجادة ويصلي بس ما ضابطها كل دقيقة يبتعد عن السجادة يحاول ويرجع بمكانة تنهد فرك وجه بحيرة ما ادخلت ولا حجيت رجع من جديد كبر وكتف ايديه بدأ يصلي بدون ما يقطع صلاتة ركع للكاع منظره حلو والأحلى صوتة دعيت من الله يثبتة ع هل طريق ويهدي ويمحي الماضي من عقلة
19

مديت السجادة كملت الصلاة ذبيت الجادر نزلنا سوا صبيت الغدا مع البنات كعدت ليث يمي اطعمة وهو مكيف ورا الغدا صبيت الجاي الهم كعدت مع علاء

أيهم: بعد يومين يجون أهل مازن

قيسر: يابة والله بعدها صغيرة

أيهم: مادام موافقة اتركها ع راحتها يكضبون عقد وليلة الحنه بنفس اليوم لأن طريقهم بعيد

علاء: الله يكتب الي بي الخير

صعدت للغرفة خفت لا قمر وشرشر يبجن وهو صعد وراي شال شرشر يبوس بيها ويحجي وياها

أيهم: لج هاي تنكرط تنكرط

حور: هي قبل لا تجي انتَ حبيتها

أيهم: شرشر

بأسها بخدها بقوى وهي تباوع للسقف خلاها ع جرباية طلع ملابسة دخل ليث وكف ع باب

ليث: يابة
3

أيهم: ها يابة
4

ليث: عمو قيسر يكول خلي ابوك ينزل بسرعة

باوعلة بأستغراب ذب القميص لبس غيره دكم قميصة

أيهم: ما عرفت ليش؟

ليث: ماما تكول حرام الي يفتن

أيهم: لك دحجي

ليث: حرام حرام

سوالة بيده علامة فلوس يغمز لـ أيهم خزرتة خلة ايده ورا ظهره
4

أيهم: ميخالف ع الف يلا احجي

ليث: سمعتة وهو يخبر كالو وصلت المجموعة من وكت وياهم جواد يمكن هيج سمعت اسمة

باوعلة ما مصدك ركض بسرعة اخذت السويج والمحفظة صحت ورا وكف بمكانة

حور: نسيت سويجك أيهم

أيهم: أي وربج معرف شصارلي

اخذهن مني بأسني بخدي بقوى ونزل باوعلي ليث ضايج

ليث: ليش يبوسج
10

حور: معرف

ليث: لا تخلينة يبوسج
15

حور: حاضر كملت واجبك؟

ليث: أي كملتة كلة سهل

حور: عفية بس تعال خلي نراجع سوا

ليث: لا بعدين ادرس مع عمو علاء

دخل للغرفة كعد مع شرشر ع جرباية فتح حضنة

ليث: ماما خليها بحضني

حور: بس الزمها زين

ليث: أي والله أي

خليتها بحضنة كعدت وياه

ليث: ماما ليش شرشر ناعمة

حور: لأن بعدها طفلة

ليث: بس صارلها هواي عدنا

حور: بعدين هي تكبر شوية شوية

ليث: وقمر وينها

حور: نايمة

ليث: ليش تبقى نايمة

حور: صغيرة ما تفتهم شي تبقى نايمة وشوية تصحى

ليث: هسه لو شمسي موجودة
19

حور: موجودة بالجنة يا روحي

علاء....
كاعدين بالمكتب وهو يفتر يفتر ما كعد ولا هكد

مازن: دكافي يول اهجب بمكانك

أيهم: بعد نص ساعة

كاظم: أي صحيح بس تعال اكعد ثولتنا ثول

أيهم: انجب عزيزي

كاظم: مشكور كلبي

دخل عسكر كعد دايخ لازم راسة

أيهم: وين جانو حابسينهم؟

عسكر: ......طلعناهم من غرفة 12

أيهم: خلي اروح

وائل: أي روح وخرب شكو شي صار هذا الباب جدامك

سكت بتنهيده مسح وجه يباوع للكاع

أيهم: ورصار؟

بأسل: انقرأ علية السلام

عسكر: أكل قنادر

بأسل: اكلناها بيدينا هي مال جذب بعد ما يطلع لحد ما ربك يفرجها علية

كاظم: خرب روحك طير المحامية

أيهم: هو هنا لاصها

عسكر: ما ناوين يهدونة لحد ما يحجي الصح وهو معاند ظال ع كلامة

أيهم: المحامي.... هم خوش محامي اليوم استدعي بالليل

صفك بيده بقهر وهو يفرك جبينة

عسكر: صعبة صعبة ما جاي تنحل قضيتة قضية ما تنحل عرفو يشتغل وياهم وتهمو شايل الدفتر وهو سواها بس شلون راح يطلع أنا خايف لا توصل للجهات العلية وينحكم أو اعدام

وائل: سديتها بوجه الله خربب روحك

عسكر: شنو سديتها بوجه الله ما تشوف بشنو ورط نفسة عقلة وين اخذه اشتغل مع عصابة وهسه اجاه الدور يأخذ جزاتة شغلتهة قوية يا حكم يا اعدام

مازن: الا اكو حل وسط اهدي يول

عسكر: يا حل لخاطر دين محمد معلومات كاملة كلهن وصلن للدولة شظل بعد شظل بس يقرون الحكم

أيهم: صح صعبة بس تهون تهون ما يبقى هنا

سكت ضايج طلع و أيهم طلع ورا

كاظم: هسه شلون اذا لزمنا محامي وهم ما عدهم دليل رصار يشتغل وياهم بس مخبرين علية يعني شغلتة سهلة

وائل: دخلي الواحد يسكت لا الطم هنا اجت المحامية تنمر عليها والله رادت اطكة بدعوة تخلي جوه الكاع

مازن: مو و كتو هساع هو بيا حال

علاء: المحامية... سامع عنها خوش محامية ما خسرت بـ ولا قضية تخصها بس تمشي بفلوس زايده اطلع هل هتلي بس لا يسويلنا سالفة جديده
4

وائل: تندل مكانها او رقمها

علاء: انطيك عنوانها اضبط

وائل: مشينا

طلعنا برا خليت بيده الكرت اخذه يباوعلة طلع الموبايل يريد يدك عليها وكفت سيارة عالية بيها إشارة الشرطة مكافحة الارهاب نزلو منها الجنود و وائل صفن

علاء: صيح أيهم و عسكر

وائل: ولك صدك اجو أنا ما اعرفة لهل رجال

علاء: بعد ما نزل يمكن بالمجموعة الثانية تحرك

وائل: أي صحيح بعد مجموعتين

دخل جوه طبكت سيارة الثانية وهو ما موجود الشارع امتلا بالناس كل هذولة جانو عند أهل النظام من سنين نصهم ماتو ونصهم  تأجرو بيهم ونصهم اخذو نصيبهم من هل دنيا من جابوهم حولوهم لمركز التحقيق تأكدو من اقوالهم وفرجو عنهم نص الاهالي اجو هذا الي ينتظر ابنه وهذا الي ينتظر أبو وهذا الفاقد بنتة سوالف تشيب الرأس
9

طلع أيهم وعسكر يحجي وياه هز راسة أي عيونة ع ناس الي تنزل من السيارات

علاء: اذا نزل شلون راح تعرفة؟

أيهم: اعرفة اعرفة

عسكر: مو تركض وتفضحنا راح تجي سيارة تأخذه لنفس المكان وانتَ روحلة

أيهم: أي شلون راح اظل واكف ما اتحرك خطوة

دخلت السيارة الثالثة وراها الرابعة وهو يلوب بمكانة نزلت بنية سبحان الخالقها اية من الجمال مبين عليها مسيحية لأن سافرة والصليب بركبتها خلت ايدها ع وعيونها من الشمس طفر بأسل من مكانة لزمة عسكر خزره
8

بأسل: ولكم أنا استقبلها فدوة لربها نعمة الله بالشمس حرام هاي راح تذوب

عسكر: اكعد بمكانك لا اخزيك جدامها

بأسل: صدقة لمحمد يابة هي هاي الي تستحق واحد ينتظرها مو أيهم واكف ينتظر زلمة عمت عين رصار الشمس بعسكر ولا بيج فدوة للصليب خلي اروح استقبلها خطية شو ماكو احد يمها
6

وائل: جرب تكوم من مكانك الا اكسر رجليك كلب

سكت بس يباوعلها طلع زلمة يركض الها اخذوها بسيارة وراحو صفك بيده بقهر

بأسل: لك لااااا اخذوهاااا طاح حظك عسكر
1

عسكر: راح الطمك ع حلكك

وراها نزلو شباب وبنات ورجال جبير بالعمر و واحد لابس دشداشة سودة نزل منها سد عيونة شوية من الشمس باوع النا اجت عيونة ع أيهم ابتسم بتعب طفر أيهم طفره خلة امت محمد تباوعلة حضنة بقوى وجواد مبتسم يمسح ع ظهره يحجي وياه دنك عليه يشاوره وأيهم ما ابتعد
12

وكفت السيارة الي وصى عليها عسكر تحمدنالة بالسلامة بس ايده بيد أيهم ولا تركة يحجي وياه يهدي وايهم نسى الي كلنالة علية

أيهم: هسه تقنعني مابيك شي خلي نروح للمستشفى

جواد: ما بيَّ شي تعال تعال

علاء: انتَ روح مع جواد وعسكر راح يلزم مكانك هنا أنا أخذ وائل ونطلع للمحامية

جواد: تحركو يابة هذا يظل وياي

قيسر: لازم اليوم اخذلك جلسة علاج

جواد: اكص ايدك أبو الصقعات

قيسر: مو كبرت كبر الكبرك

جواد: هسه التفاهة شعليها بالكبر ابن شاهر ع طاري شاهر؟ وينه؟
2

أيهم: انتَ شكد قديم غير فطس ومات من دور جدي وجدك

جواد: هههه اذكر آخر مرة شفتة بيها جان تعبان وخايف
1

أيهم: نروح نزوره اخخخخ مشتاكلة

جواد: جان يضحك هيج ههه ههه ههه تالي خلاني اضحك ضحكة تسوا الدنيا
4

هز راسة بحسافة مسحت وجهي فشلنا بين العالم حتى ذكرتة قذرة صرنا نستحي نكول نحنا ولد شاهر

طلعو كلهم بالسيارة اخذت وائل وطلعنا لبيت المحامية وصلنا الها وبأسل يباوع للبيت

بأسل: استغفر بيت الله مو هيج
13

وائل: بس سد حلككك شوية راح اطير بيت العالم من عيونك

بأسل: خرب روحها طاكة طكة بس عاد وجها يسوا هل بيت اقصد القصر لا ولك علاء من تعرفها أخاف تخون البيت

علاء: حتى تكتلني

بأسل: والله حقها هم حلو وهم اخخخ
1

علاء: طاح حظ التأخذك خطية الله غضب عليها

بأسل: يمعود هي منو تقبل بيَّ بس خلي يطلع رصار وانروح نخطب

علاء: تختطبون لمنو؟

بأسل: طاح حظك چا أنا مو بعينك ولك

وائل: نعال ما ينطوك مو حرمة

بأسل: مو مثل بعض العالم ما اروح اتختل بيت اختي حتى نشوف جميع المطلقات والارامل
2

ضحك بقوى ضربة ع ركبتة يضحك

وائل: شكد فاشل

دكيت الجرس طلعت حرمة مبين عليها فلبينية ما فهمنا كلامة وبأسل صرخ بوجها

بأسل: انجبي لج بربوك لا تغلطين
19

وائل: فشلتنا يا ابن الكلب اسكت اسكت

بأسل: لا شوفها جاي تكللي بابا شني بابا اعرفها تعرفني منين أجيت ابوها بالحرام هاي أول مرة اشوفها معرف شني تغلط البربوك

علاء: ارجع للسيارة لا تزهكنا

بأسل: لا والله سكتت

دخلت الحرمة وطلعت بنية شابة مدت ايدها تصافحني استغفرت الله وسلمت عليها من بعيد سلمت ع وائل مدت ايدها لـ بأسل لزم ايدها يحجي وياها ومكيف

بأسل: يا بعد كلبي
18

::- هههه شكراً

يحجي منطلق حتى هي استغربت وائل وجه صار احمر من الفشلة ضربة بعدين ترك البنية دخلنا جوه راحت هي وبأسل صافن وراها غمني وهو يحجي
1

بأسل: دشوف الوجوه يا بعد كلبي

وائل: بس انلصم انلصم فضحتنا

شوية ودخلت هي كعدت جدامنا وراها البنية الي طلعتلنا للباب قدمت الكهوة وبأسل يريد يضحك و وائل يخزره فشلنا تندمت اخذتة ويانا حجيتلها مختصر عن القضية هزت رأسها بحيرة حجت بأبتسامة هادئة

مأرب: قضيتة معقدة هواي يرادلها تركيز

بأسل: خوب كولي يرادلها هواي فلوس هي مال تركيز وجذب

خزرتة سكت بكل عين وكحة شرب الكهوة يباوع للبيت

علاء: صح معقدة بس هو اسمة ما مشمول وياهم لا قتل ولا سرق ولا قاطع الطرق بس جان المرافق للزعيم وهل شي أقوى من كل الي ذكرتهن كبل شوية

مأرب: والله يا استاذ علاء ما انطيك أمل يطلع افراج

بأسل: چا ع شني نحنا جيناج غير حتى اطلعين هل هتلي مو تحطمين مشاعرنا سويتيهن طحين
2

وائل: يعني ينحكم؟

مأرب: أي نعم أقل شي عشر سنين بس نحاول بالشهود اذا عدكم ثلث شهود انو هو ما أدخل بأي عملية نفذوها وفقط جان مُرافق للزعيم هيج أكدر اكللك نقلل من الحكم

وائل: بس هو جان يشتغل وياهم تحت التهديد يهددونه اذا ما رجع وياهم ينسى اهلة وحتى هددو بنفسة

تركت الكوب من ايدها عقدت حاحبها بتسأل

مأرب: عندك أي ادلة ع هذا كلامك ورقة أو تسجيل

وائل: عندي ادلة كاملة تسجيلات و أوراق وطلق جانو يهددونة بيهن اذا ما رجع يقيدون البيت

مأرب: الافهمة منك ما اشتغل بأيراداتة وياهم الا تحت التهديد وهو خوفاً ع اهلة اطر يشتغل وياهم وجان مراقب وما يكدر يخبر عليهم؟

وائل: أي صح

مأرب: القضية من صالحنا واكيد النا

حجتها بأبتسامة واسعة انجازها عظيم وبأسل نط من مكانة

بأسل: يروحلج فدوة خالد
7

مأرب: هههه تسلم

كمت من مكاني والولد طلعو وصلنا الباب وهي ورانا

علاء: اعتذر منج ست مأرب اجينا للبيت بس صار سبوع المكتب معزل وتدرين القضية ما تتأجل

مأرب: ولو استاذ علاء جيتكم خير وبركة انستونا

سلمنا عليها وطلعنا وصلنا للبيت الي بي سادن دخلنا جوه كله‍م كاعدين سادن كاعد بحضن أيهم بيده موبايل أيهم كعدت مع قيسر وجواد يحجي

جواد: بعد ما طلعت من المصح مشيت وظليت امشي ابتعدت مسافة عن المصح والجرح ملتهب بصدري وكفت السيارة ونزل منها شاهر وياه زلم خمسة بدون ما يحجي شي خلو جيس أسود ع راسي طك ركبتي وغبت عن الوعي معرف شصار شما صار صحيت بالليل أسمع ناس تكول هذا جديد ومعرف شنو كعدت مع زلم وحتى نسوان ويانا ع صفحة انفتح الباب وجروني زلم ثنين حولوني لغرفة فارغة مابيها أحد بس أنا دخل وراي شاهر انصدمت منه بس اعرفة نذل كال تظل هنا لحد لو تعترف أيهم هو الي جان السبب بموت صابر أنا عاندتة وكلتلة انتَ تشتغل هنا بهل طهارة يعني اعترف عليك تخبل صاح للزلم بيدهم صواقع وتواثي ما تركوني لحد ما شافو الدم يطلع من اذاني حولوني لسجن ابو غريب لأن اعترفت عن نفسي أنا كاتل عمامي ما طولت هواي هناك يمكن سبع سنين وطلعت رجعني الهم بعد مدة عرفت اسمهم أهل النظام راحت ناس واجت غير ناس وأنا بعدني بمكاني ما جانو يطلعوني حالي حال العالم ولا يتأجرون بيَّ لأن الزعيم ما يقبل بس من مات الزعيم صارت الرئاسة بيد العبريد راد يطلعنا كلنا للـ.... جنت مع الوجبة الرابعة يمكن شفت رصار بس ما جنت اعرفة سمعت اسم أيهم بيناتهم شفت تصرفات هل رجال غريبة عرفتة يريد يغدرهم حجيت وياه وكال أي اعرف أيهم كبل أيام صارت مداهمة علينا طلعونا بقينا أيام بالتحقيق لحد ما اخذو اقوالنا كاملة وطلعنا
4

قيسر: الله شاهد أنا خجلان شلون اعتذر منك ع كلشي سوا ابوية ولو هو ما يستاهل هل كلمة وكلمة اعتذر ما تريح الكلب وتمحي تعب سنين الراحن منك

جواد: الصار صار بعد وأنا اخذت حكي

أيهم: قصدك شغلة الأوراق؟

عسكر: فهمونا شنو يعني؟

ابتسم وهو يباوع لـ أيهم

جواد: أوراق الزعيم الارباح والفلوس وانتَ تعرف الزعيم دينة الفلوس شاهر اخذهن عبالة أنا رطن ولا اوطي اله من شفت الأوراق بيده وجان يحجي مع واحد من الي ويانا مثل كل يوم الزعيم طلبني وكال أيهم طلع من الساحة واريدك انتَ الي تأخذ مكانة كلتلة ما افيدك بس افيدك بشي مهم شاهر أخذ كل أوراقك واحتمال غدرك انصدم وانخبص يحجي مع الزلم الي وياه كالو شاهر اختفى ماكو حسبت يومين ودخل العبريد كال تم كلشي وهنا شاهر اختفى عن الساحة بأكملها وهسه عرفت منكم شاهر مات يعني رجعت حكي بيدي
5

أيهم: والعباس أبو رأس الحار راودني هل شي كبل لا تحجي بس كلت شجاب جواد عند شاهر

جواد: ما عبالي راح يكتلونة

أيهم: لا كتلو وذبو ع وجه كارتونة بأسم المجهول

وائل: اكللكم لزمنا شلون محامية لرصار

جواد: هذا مصيبتة مصيبة بس يطلع يطلع لا تخافون

وائل: صحيح وأنا عندي كل التسجيلات الي جانو يدزوهن اله تهديدات

جواد: اذا المحامي ما شاطر تخسرون القضية

وائل: لا والله مبين ع محامية شاطرة حتى مو محامي

أيهم: بأجر أول يوم يرفعونة للحكم بس ما ينحكم

بأسل: هاي محامية جمال الله بيها عبالك كيمر

أيهم: لو ع وجهك جان طردتك من الباب

بأسل: والله رادت تطردني بس ظلت ساكتة لخاطر اخوك مبين علية يخون البيت
3

علاء: كون تهفك بقضية ورا الشمس

بأسل: رحم الله والديها

تأجلت محاكمتة الكل ضاج وعسكر يلوب بمكانة مرن يومين وقيسر رجع للبيت بس نحنا ظلينا وايهم ظل مع جواد ما رجع للبيت

طلعو الولد من الصبح وأنا طلعت للمحامية اكدت عليها بس حتى هي متوترة أنا ما حظرت وياهم ظليت مع سادن وجواد راح وياهم وهذا يبجي خبصني بأيهم يتأتع بالكلام شربتة علاجة واخذتة للأسواق وياي ما رجعنا للعشرة بالليل خليتة يسكت وينسى أيهم خابرني أيهم يريدني ارجع سادن للبيت عرفتهم رجعو أول ما وصلنا للبيت دكيت الباب فتحة رصار متكسر وجه أحمر
2

علاء: ها ولك شرجعك

رصار: افراج افراج
3

علاء: بهل سهولة