‏"لك العذر في غيبتك ولـ طيفك التقدير
متى ماسهيت وبان لي وجهك البدري

لقيتك على مفرق طرق والظروف تسير
حلالاه لو إني مقابلك من بدري

سرحت بخيالي فيك وأسهبت فالتفكير
وطلّعت كل اللي مخبى ورى صدري

ما تمنعني حدود المسافة عن التعبير
أنا توّي مسولف معك وأنت ما تدري"
- عبدالله السراهيد

إن غبت غيبة زوال الشمس يمّ الغروب
رجعت صبحٍ جبال طويق ما تحجبه!
— عويّد النجود.

‏«لاذ بك يارب قلبٍ من الذكرَّى جزوع /
في حمْاك من المواجع، ومن تقليبها»

لاتفتشين جيوب ثوب التفاصيل
تلقين شيٍ يحزنك يا حلالي

اصد صدة يتيم من عنا الفقد ذابّ
لا جابوا علوم الأحباب و مواضَيعها

‏"لو نسى وجه الفجر صبحٍ يصبّر ساهرينه
مانسيتك يا أول أحبك نطق فيها لساني"
- ناصر مناحي

وإن بغيت الصبر والسلوان دونه ما قويته
صورته في عيوني الثنتين وإسمه في لساني
—فلاح القرقاح

‏«ماضيٍ لي حلف ما أسج عن يوم الربوع
إن صفَت عذبات الأيام ولّا ما صفت»

هذا اول الدرب او هذا الطريق أولك
جيت اتوقا عذابات المدى واهتديك

شوقي مسافة وهمسات مدار وفلك
ان ماضميتك غلا ياعلني ما ارتويك

مرات اشوفك بنفس الوقت واتخيلك
وانشد كفوفي عن آخر سالفة من يديك

اشتقت لك قبل أجيك وجيت واشتقت لك
البارحة طول ليلي بين هذي .. وذيك

مليت جمر انتظارك واستحيت أسألك
واحسبني ما بعد جيتك وفكرت اجيك

اثرك بقلبي من البارح وانا استعجلك
واثري نسيتك من الفرحة وقمت احتريك

"هلا بك من قدمك لغرّتك ليا شعرك المنثور
هلا في كل شيءٍ فيك وانت احلى مساييري"

‏"أنتي صباح الخميس اللي وراه إرتياح
ومقابل أحباب ما بين الفرح والطرب"
–مطلق الجبعاء

‏"لا طرى طاريه سجيت والناس يحكون
همت في ذكراه كن العيون تخايله"
–عامر بن نوطان

‏"ماني مبدّل فيَّة النخل بالطلح
إن مال ظلّك مالي إلا هجيرك"
–مهدي بن سعيد

‏"وإن تطرقت القصايد ولا وفّت غلاك
يكرم البيت المسكّت من البيت الركيك

أنت لو تطلب ماضمت ضلوعي قلت جاك
اسهج الضلع الموالي وخذ مما يليك"
–صالح النشيرا

‏لك الله يالمزاج الصلف وزادك خاطرٍ حساس
تضيق مْن الهبوب اللي تحرّك طارف ثْيابك!

وتفرح كل ما ربي يسوق مْن المطر نسناس
وتهداء كل ما قامت صلاة وتبرد أعصابك

رغم خوفك من الوحده تعاف المجتمع والناس!
وضاقوا كل من حولك من أصحابك وأقرابك

‏مايجيبك طيب حظ ولا تجيبك طيب سمعة
‏أنت نعمة ما تجيبك غير دعوة مستجابة

‏أذكر أني قبل أعرفك داعي الله عصر جمعة
‏وجابك الله والله أعلم وافقت وقت استجابة❤️
‏

‏«حلمي اللي ما كبى دونه جوادي/
مستعدّ أحارب الدنيا عشانه!»
— بندر الدويش.

شف على كثر الكلام اللي مضى
ماعطيت مدوّر الزلّه مجال

من نوى صدي ف انا جمرةٍ غضى
ومن نوى وصلي ف انا ماءٍ زلال

ما جيت أخيّرك جيتك حاذفٍ عمري فداوي
والله لو سنيني تقفي سدى و أدفع ثمنها
–عبيد فهيد

يوم شفت ان المدى محدود وعيونك هويّه
استخرت من المنافي عنك .. وأخترتك بلاد❣