( ሚስትህ የኔ እኮ ናት )

አገሬው ቢተቸኝ በገዛ ድግሴ ሳለሁ ተባርሬ ፤
ስቀህ ብታየኝም አንተ ተደስተህ ሳልፍ ተማርሬ ፤

አዎን ያንተው መውደድ የራስህ ያረካት ፤
ሳታገባት በፊት ለኔ ሚስቴ እኮ ናት ፤

      የምሬን ስነግርህ......

አብልጬ ምወዳት ከራሴ ከሁሉ ፤
ሚስትህ ሚስቴ ደሆነች ባያውቅልኝ ሁሉ ፤
የሰው ሚስት ተመኘ ይለኛል ሰው ሁሉ ።

ግዴለም ይበሉኝ እነሱ ያሻቸውን ፤
ቆርጠው ይቀጥሉ ያለ የሌለውን ፤

አንተ ግን አደራ እንዳትዘብተኝ ፤
ደርሰህ በነሱ ፊት እንዳትቦጭቀኝ ፤

ወዳጅን መቀማት ፤
በለሆሳስ ማጥቃት ፤
ሳይቆፍሩ መቅበር ፤
ያውም ባንድ ጀንበር ፤
ሙሾም ሳይወረድ ፤
ምነው ሳይረገድ ።

ሰሚ ባይሰማልኝ ባላቆም ጠበቃ፤
ይኸን ሁሉ ነገር አርገህ ስታበቃ ፤

ሚስቴን ቀማኝ ብለህ ብትሄድ አቤቱታ ፤
ለወናፍ አፍ ሁሉ ብታቀርብ ስሞታ ፤

የምሬን ነው ምልህ ዳኛውም አይፈርድም ፤
እኔ አልከሰስም እኔ አልወቀስም ፤

ከቻልክ የሚስቴ ባል ምላስህን ሰብስብ ።

#ኢዮብ_አሰፋ
@yomin1_2

@getem
@getem
@getem

እናፍቅሽ ይሆን

~ ~ ~ ~ ~ ~
ስቀሽ ስትለይኝ ስትሄጅ ካጠገቤ
ስትሰናበቺ ከሚወጅሽ ልቤ
ያመጣሽ ጎዳና ሲመልስሽ ወስዶ
መፋቀርን ክዶ ነግርኝ ሲሄድ መርዶ
እናፍቅሽ ይሆን ?

ታውቂው የለም እንዴ 🤔
ሀዘኔን ልረሳው መፍራቴን ልደብቅ
አጥብቄ መያዜን የቀሚስሽን ጨርቅ
ገና ሳትቀልጂ በመምጣትሽ
ብቻ እንደምፍለቀለቅ ።

ትውስ ይልሽ ይሆን ?
እናፍቅሽ ይሆን ?
እንደምሳሳልሽ ትሳሽልኝ ይሆን ?
እኔማ .....
እወድሽማለሁ አፈቅርሽማለሁ
አስብሽማለሁ ናፍቅሽማለሁ
አንቺስ አንቺ ሆዬ እናፍቅሽ ይሆን ?
እናፍቅሻለሁ ?

By ኢዮብ_አሠፋ(@yomin1_2)


@getem
@getem
@getem

( ነዳይ ... )
============

ውዴ ....

እግዜርን ፍለጋ በዱር በተራራ
ምድሩን አታስሽው
በምናኔ ጉዞ ዋሻ ለመገስገስ
እግርሽን አታንሽው
መውረድ ከጀመረ የማይቆም እምባሽን
ይቅር አታፍስሽው

ጽድቅ ያማረሽ እንደው
ነዳይ ልቤ ፊትሽ
ደጅሽ ወድቋል አንሽው !!!

By @kiyorna

@getem
@getem
@getem

#ጥርጣሬ

እጄ በካቴና፣ ታስሮ ተሸብቦ
በድን ሰውነቴ፣ በፖሊስ ታጅቦ
እስር ቤት ስነዳ ያዩኝ ሰዎች ሁሉ፣
“ያው ሌባ! ሌባ!” አሉ።

የኔን ንፅህና፣ እኔው እያወኩት
'ብዙኃን ይመውኡ!'
ምስክር እራሴን እኔ ውስጥ አጣሁት።

«እንዴት ይህ ሁሉ ሰው ይዋሻል ባንድ ቃል?
ብሰርቅ ነው 'ጂ እንግዲህ ማን ያውቃል?»

By Nureddin Issa

@getem
@getem
@paappii

የማይነቃ ውሸት
(ሳሙኤል አለሙ)

እንደ ተወዛዋዥ ግንባር
በየምሶሶው የለጠፍሽው
"አለ" የምትለው አድባር፤
ሰርክ...
መዳኑን ብቻ አስለምደሽው፤
ሰርክ...
መኖሩን ብቻ አሳይተሽው፤
ሰርክ...
ሲስቅ...ሲጫወት
ይረሳዋል!
እንደሚሞት ካልነገርሽው።

@Samuelalemuu

@getem
@getem
@getem

ቅጽርህ የእናት እቅፍ
ሸክምን የሚያራግፍ
አልተነፍስ ጸሎት አይወጣ ቃል ከአፌ
ይተናል ጭንቀቴ ስመለስ አርፌ

እመጣለሁ ደጅህ ሀሳብ አንጠልጥዬ
እገባለሁ ቅጽርህ አንገቴን ደፍቼ
መች ታዝንብኛለህ
መች ትወቅሰኛለህ በሽቅጬ ከርፍቼ

አይነድህ ድፍረቴ
አይቆጨኝ ስንፈቴ
አይበሽቅህ ስህተቴ
አይገደኝ ዝለቴ
በኦና ተግባሬ
ውድቀት አንከርፍፌ ስቆም ከነእድፌ
ምን አድርጌልህ ነው?
አክመህ ምትልከኝ በምህረት መርፌ

ከመቀመጥ በቀር
ኢምንት ታህል ድርጊት ፈጽሜ የማላውቅ
አንዲት ዘለላ እንባ
በጉንጬ ሳልሰድ እንዴት ደመቅኩ በሳቅ?
እንዴት ቻልኩ መፍገግ?
እንዴት ቻልኩ ማማር?
እሬት ህይወት ይዤ
አጣፍጥልኝ ሳልል ሳልጠይቅ የሀሴት ማር

ትዕቢት አይሉት ጥጋብ
ፍርሃት አይሉት ስጋት
ስም ያላገኘሁለት
አንዳች አሳሪ ኃይል ወርሮኝ እንደ ውጋት
አላልኩኝ እግዚኦታ አልቆምኩኝ ሰዓታት
ፈውስ አሰኝቶኝ አላደረስኩ ኪዳን
ስለረገጥኩ ብቻ
ስላረፍኩ በቤትህ ይገባኝ ነበር መዳን?
እንጃ!

ብቻ እመጣለሁ ሀሳብ አንጠልጥዬ
ደጅህ እገኛለሁ ማረኝ ቃልን ጥዬ
አርፋለሁ ካንዱ ጥግ አንገቴን ደፍቼ
መች ትቆጣኛለህ
ሰማዕቱ ጊዮርጊስ ከነእድፌ ተኝቼ

ቆይቼ
ቆይቼ
.
.
.
ቆይቼ ስነሳ
ተጋድሞ አየዋለሁ ሸክሜ እንደ ሬሳ

አልጸለየም ሳትል
አልለመነም ሳትል
አላነባም ሳትል
ይገርመኛል እኮ
ጊዮርጊስ አባቴ ጭንቀቴን ስትጥል

ይገርመኛል ቅጽርህ...
ልክ እንደ እናት እቅፍ
ደስታን 'ሚያሳቅፍ!
አባብሎ 'ሚያሳርፍ!
ሸክምን 'ሚያራግፍ!
.
.
.
እርፍ!

#ኤልዳን
@marda129

@getem
@getem
@getem

📢 NOTICE: Register Now for Xpert Training Institute’s Master Trading Program!

Are you ready to Master Trading with Experts? Xpert Training Institute, in collaboration with Jmad Capital Consultancy, presents a VIP & Mentorship Trading Program designed to equip you with essential and advanced Forex trading skills.

🔹 Programs Offered:

✅ VIP Class – Comprehensive training covering essential trading concepts.
✅ Mentorship Class (Online) – Advanced flexible learning with expert guidance from anywhere.
✅ Mentorship Class (Offline) – In-depth coaching with hands-on learning experience.

📅 Program Details:

📌 Duration: 6 Weeks
📌 Class Type: Online & Offline (Flexible Schedule)
📌 Batch Limit: Only 20 Students Per Batch

📍 Registration & Contact Information:

📞 Call Us:
📲 +251953888882
📲 +251116504000

📧 Email Us: [email protected]

🌐 Register Now: Click Here to Register

🚀 Secure your spot today and start your journey to financial success!

Join our Telegram channel
https://www.tg-me.com/xpert_et

የመኖሬን ቅንጣት
በጥርሶችሽ ንጣት
ቀናውን እድሌን
በአይኖችሽ ብሌን
የነገዬን ድምቀት
በውበትሽ ስምረት
አየሁኝ ተስሎ
ነገ አንቺን መስሎ።
                 
By @poetkidus

@getem
@getem
@getem

ላይድን ቁስል፤
ጨዉ መነስነስ፤
ከድንጋይ ላይ፤
ዉሃ ማፍሰስ ፤
ለሟች ዘመድ ፤
ዳግም ማልቀስ፤
መኖር ካሉት፤
እንደዚህ ነው፤
ሳቅን ትቶ፤
መንሰቅሰቅ ነው።

By ዔደን ታደሰ

@topazionnn
@getem
@getem

ብዬማ አልዋሽሽም

እኔ'ኮ ያላንቺ ምንም ነኝ ብዬ
ብዙ አልዘበዝብም
ስሚኝ አንቺ ሆዬ
ትተሽኝ ከሄድሽ
ልቤ ድንኳን ጥሎ
ደረቱን ይደቃል
ከሰው ተነጥሎም
ሀዘን ይቀመጣል
ከመኖር ተጣልቶም
ሞትን ይናፍቃል ።

ብዬማ አልዋሽሽም
ከተውሽኝ አልኖርም
ያላንቺ ምስቀዉ
ሳቄም ሳቅ አይሆንም
ስልማ አልዋሽሽም
ምን በወጣሽ ፍቅሬ
ባምላክ ትዕዛዝ እንጂ
ባንቺ አይደል መኖሬ ።

#ኢዮብ_(ዮሚን)

@getem
@getem
@getem

ድህነት አስናቀኝ

መኖሬ መኖሪያው ጠፍቶበት እያንገዳገደኝ እያርበደበደኝ
ልክ እንደጥርስ ህመም እየጠዘጠዘኝ
ያኖረኝ ህመም እያመሳጠረኝ
ለከንቱ ትዝታ እጅ ስጥ እያለ ለዝሙት አኖረኝ
ውድቀቴን አፅፎ ህልሜን እያሳጣኝ
ህልሜን አስነብቦ ልቤን እያስደማኝ
ድህነት ያልኩትን የጥርሱ ህመሜን ዘላለም አስረሳኝ።

By አለምሰገድ ወልዴ

@getem
@getem
@getem

. ነፍስ

ምኞቷ መፈንጠዝ ወንጀልን ማትፈራ
የፈለገችዉን ገፍታ ምታሰራ
ከንቱ የሆነች ነፍስ ፍፁም የከሰረች
ስጋዬን የምታዝ መረን የለቀቀች
ደልቃ ደልቃ የደከመች ለታ
እኔን ትወቅሳለች...
የፈጣሪ ሎሌ የ ስሜቴ ጌታ።

ረቡዕ ፣ መስከረም 25 ፣ 2015 ዓ.ም

@getem
@getem
@getem

ሥዕል ማሳል ለምትፈልጉ በሙሉ
በ +251984740577
ወይም @gebriel_19 ላይ  ፎቶ  በመላክ በ ተመጣጣኝ ዋጋ  ማዘዝ ይችላሉ!
#ሥዕል_ብቻ


@seiloch
@seiloch

መባቻ ነው ይህ ኑሯችን የኖህ ሆኗል ዝማሚያችን
ግማድ ሆኗል ይህ ፍቅራችን
በዚች አለም የታሰረ ቅን ልባችን
ስማችን ነው እጣን ከርቤ ሙዳያችን
ከመረጥሽው አንቺ ካልሽው ካህን
ወጣንም ወረድን በደብተራ ምርኩዝ የተነከረብን
እኔ አንቺ ወይ ድውያችን
ታስሮ ኖሯል በደብተራ በመባቻ ፅኑ ኪዳናችን
እኔ እና አንቺ ወይ ድውያችን መሞቻ ቀናችን
በዘመን በታሪክ ስማችን ተመርጦ መደገሚያ ሆነ ለደብተራ ሸቶን

By አለምሰገድ ወልዴ

@getem
@getem
@getem

መኖር
በፍላጭ ሰከንዶች፤
በሽራፊ ሰዓት፤
በደቂቃ ቅንጣት፤
እለት እየገፉ፤
ወራት እያለፉ፤
እየጣሉ አመታት፤
በዘመን ምትሀት፤
በአንዲት የጊዜ ጋት፤
መኖር መሳብ አይደል፤
ወደሞት መጠጋት ?
          
By @poetkidus

@getem
@getem
@paappii

ፆመ እባላለሁ ፥ ፆሜን እየፈታሁ
(ሳሙኤል አለሙ)

እንቁላሉን፣ስጋውን እንዳልበላሁ
ሰው ያውቃል፤
ወተቱን ፣ እርጎውን እንዳልጠጣሁ
ሰው ያውቃል፤
ላግኘው ብየ
ልያዘው ብየ
እንዳልወጣኝ ፥ ክፉ ቃል
ሰው ያውቃል፤

አውቃለሁ አያውቁም
አያውቁም አውቃለሁ ፤
ስብሰለሰል ግዜ
ስንገበገብ ግዜ
የከንፈሬን ስሷን ቆዳ
--ልጬው እየበላሁ
ፆመ እባላለሁ ፥ ፆሜን እየፈታሁ።

ሳሙኤል አለሙ
@Samuelalemuu

@Getem
@Getem
@Getem

( የወጉት )
=============

ያኔ ....
አይሁድ በጭካኔ
ክንድህን ወጥረው
ለፍቅርህ ብድራት ለውለታህ ዋጋ
አምስት ችንካር ቆጥረው
ያለ ርህራሄ
በመስቀሉ አግድም
እጅህን ሲዘረጉት
አላወቁት እንጂ ...
ባንተ መዳፍ በኩል
እልፍ ልቦችን ነው በምስማር የወጉት !!

By @Kiyorna

@getem
@getem
@getem

ደህና ዋልሽ አልኳትኝ
የፈካውን ፊቷን በአይኖቼ እየካደምኩ
"እግዛቤር ይመስገን"
በጥፍጥ አንደበቷ በከንፈር ተማረኩ
"አንተስ እንዴት ከረምክ....ተስማማህ አየሩ"
ግርምታ እየያዛት ብመጣ በወሩ
"..ኧኧ....ይመስገን ጀሊሉ.."
     "ይመስገን ጀሊሉ"

"ምነው ጠፋህሳ ከሄድክበት ግድም
እንደው ቢቻል...ቢቻል
           አይደወልም አንድም"
"አፉ በይኝ አቦ....
ባይመቻችልኝ ነው መደወል መርሳቴ"
ተጠጋሁ ከፊቷ አሳረፍኩ አንጀቴን

"ይልቁንስ አንቺው
ከዛ ከሩቅ ሀገር ያመጣሁት አለ
ከተስማማሽ ላንቺ ብትለብሺው ምናለ"
   
      "ማርያምን..?......የታለ.."

"አለ ከሰነኩት...ከሻንጣዬ ግድም
ቢሆን ለደብርሽ ለባዕልሽ ግልድም"

"ደስ ይለኛል....ወላዲቷን"
ደስ ብሏታል የእውነቷን

"በል ና ቅመስ የቡና ቁርስ
       አልወረደም ገና አቦሉ"

"የለም ልሂድ.....ሌላ ጊዜ
ሳይብስብኝ ይህ ቀትሩ"

"ማይሆነውን....
እዚህ መተህ አትመለስ
የባታ ነው ፀበል ቅመስ"

"ወላሂ..ይቅርብኝ ሩቅ ነው መንገዴ
ባየሆን ልዝገን ካለው ባዶ እንዳይሆን ሆዴ"

ዘገንኩት ከቁርሱ ካፌ ላይ ወረወርኩ
ያመጣሁላትን ለገላዋ አስረከብኩ

"ባታ ትስጥልኝ አለሜ...."

"አሜን....ሙሃመዴ"



ዮኒ
    ኣታን  @yonatoz

@getem
@getem
@getem

አልከነፍኩም ስላፈቀርኩ
          ተሰባበርኩ እንጂ የትም
መልስ የለሽም ለጥያቄ
             ልብሽ እኔን አያካትም
ያንቺ ፍቅር አሳነሰኝ
           ደጅ አስጠናኝ በዳጃፉ
ሰው እንደሆን ወሬ አያጣም
           ይለቅመኛል ሁሌ ባፉ
ህመም ብቻ ውስጤ እሳቱ
       አይዳፈን እየነደድኩ
መፈቀር ግን ህያው ሞት ነው
      ስቃይ ብቻ ማፍቀር ልኩ

አላመንሽም ያንደበቴን
        የማፍቀሬን ስር ትርጉሙን
አይወደኝም ሰርክ መልስሽ
      አላወቅሽም ጥግ ህመሙን
ተፈቃሪ ምን ግድ አለው
       ምን ቢፈቅር እንደሀገሩ
አፍቃሪ ነው ነገር ሚፈጅ
        የሚማገድ ለወደሩ


ትገርሚያለሽ አንቺ ብቻ
      አላመንሽም የኔን ፍቅር
አትወድህም ቢለኝም ሰው
     ከደጃፍሽ ዛሬም አልቀር

ዮኒ
     ኣታን @yonatoz

@getem
@getem
@getem