Menimcha, bu yoshdagi bola qo'lida qog'oz olib bormasdan xarid qila oladigan bo'lishi kerak. O'zi ikkita sabzi olmoqchi ekan, xolos. Ota-onasi unga ishonib (qog'ozsiz) chiqarib yuborishi kerak edi.

Bolakay navbatga ham qaramadi. Bu narsalarni ham kitobda yozaman, inshaalloh.

Sizga hali o'zbek tiliga tarjima qilinmagan farzand tarbiyasiga doir yoki bolalar uchun kitoblarni o'qish qiziqmi?

FARZANDINGIZNING XATOLARIGA YO‘L QO‘YING — BU ULARNING O‘QITUVCHISIDIR

Ko‘pchilik ota-onalar bolalarini xatodan asrashga urinadi. Ular har qanday og‘riqdan, tushkunlikdan, hatto kichik qiyinchiliklardan ham farzandini himoya qilmoqchi bo‘ladi. Ammo shuni unutmaslik kerakki, xatolar eng yaxshi ustozdir. Agar bola kichik yoshdanoq o‘z xatolarining oqibatini ko‘rsa, u katta bo‘lib hayotning murakkab sinovlariga duch kelganida ularga tayyor bo‘ladi.

Keling, tasavvur qilaylik: besh yashar bola sevimli o‘yinchog‘ini hovlida tashlab ketdi. Siz unga “o‘yinchog‘ingni olib qo‘y” deb aytgansiz, lekin u e’tibor bermaydi. Ertasi kuni o‘yinchoq yo‘qolgan. Bu yerda ikkita yo‘l bor: birinchisi — yangisini olib berish, ikkinchisi — bolaga o‘z xatolari uchun mas’uliyatni his qilish imkonini berish. Ikkinchi yo‘l — muhabbat va mantiq uslubidir.

Biz bolaga “sen bilmagansan, shuning uchun men to‘g‘rilayman” deb emas, balki “sen o‘rganishing kerak, shuning uchun men imkoniyat beraman” deb yondashamiz. Chunki hayotda hech kim uning orqasidan doim supurib yurmaydi. Bola shuni kichikligidayoq tushunsa, ulg'ayganda mustaqil, mas’uliyatli, aqlli shaxs bo‘lib voyaga yetadi.

Farzand tarbiyasida muhabbat bilan chegaralar belgilash, xatoga yo‘l qo‘yishga imkon berish — bu ota-onaning eng katta inoyatidir.

Charles Fay va Foster Cline, Parenting with Love and Logic: Teaching Children Responsibility (Quick Read Edition) kitobidan
#iqtibos #tarjima

@GiyosiddinYusuf

O‘gʻlimizdan qanday qilib erkak tarbiyalash mumkin?

O‘g‘lingizning sizga bolalarcha g‘amxo‘rlik qilishiga qo‘yib bering: eshikni ochib berish, do‘kondan kelishda paketlarni (xaltalarni) ko‘tarishga yordam berish, paltoni uzatib yuborish yoki uni kiyishga yordamlashishi, sizga joy berishi.
O‘g‘lingizni o‘ziga va atrofdagilarga achinish hissiga odatlantirmang. Unga uni yaxshi ko‘rishingizni ko‘rsa­ting va qo‘lidan ko‘p narsa kelishiga ishonch bildiring. Unga chin dildan ishoning. Unga har qanday holatda ham yordam so‘rab mu­rojaat qiling, buni mayda sanamang, bunda u o‘zini kerakli inson deb hisoblaydi. Undagi qahramonlik hislarini uyg‘otishga harakat qiling.

📚Gʻiyosiddin Yusufning «Tarbiya-chi?» kitobidan #iqtibos

Kitobni xarid qilish

Yanada ko'proq iqtiboslar

Otalar klubi

Men ancha oldin otalar uchun klub qilish haqida o'ylagan edim. Unda farzand tarbiyasi, oilaviy munosabatlar va shaxsiy kamolot (rivojlanish) haqida so'z yuritishni, ma'lum vaqtda bir marta yuzma-yuz uchrashishni o'ylagan edim.

Lekin g'oya amalga oshmay qoldi. Chunki farzand tarbiyasi uchun jonkuyar otalarimiz juda kam, afsuski. 😕 Ayniqsa, farzand tarbiyasi uchun pul ajratish ko'pchilik uchun og'riqli masala.

Talab va ehtiyojlardan kelib chiqqan holda yaqinda erkaklar uchun alohida kanal tashkil qildik. Unda yuqorida aytganimdek, er-xotin orasidagi munosabatlarni yaxshilash, xos munosabatlar haqida so'z yurityapmiz. Keyinroq shaxsiy kamolot mavzusini ham qo'shamiz, inshaalloh. Haqiqiy o'zbek eryigiti uchun kerakli tavsiyalar berib borish niyatidaman. Yanada keyinroq choyxona ham tashkil qilib yuborarmiz balki. 😊

Shu kanalimizda bir erkak 1,5 yoshli bolasi sababli ayoli bilan munosabatlari buzilib ketayotgani, ya'ni ayoli bola bilan bo'lib unga e'tibor qila olmayotgani, o'zaro munosabatlarga bola ancha ta'sir qilgani haqida yozdi. Shundan kelib chiqib "Bolali oilada romantika" mavzusida maqola chiqardim. Unda chaqalog'ingiz bo'lsa ham qanday qilib ayolingiz bilan munosabatlarni yaxshi saqlash, birga vaqt o'tkazish va boshqa ishlarga imkon qilish haqida 10 ta tavsiya berdim.

Obunachilarimiz orasidan erkaklarga foydali bo'ladi degan umidda kanalga taklif qilaman: obuna bo'lish

Izoh: havola ustiga bossangiz, sizga bot orqali xabar boradi. U yerda obuna bo'lish degan joyini bosib, karta raqam kiritgan holda (oyiga 47 ming so'm) to'lov qilasiz.

Texnik muammolar bo'yicha: @TeXizmatbot

2007-yillar Toshkentda imtihonga tayyorlanar edim. Uydan uzoqdaligimda doim onamga ikki mahal qo'ng'iroq qilishga odatlanganman. Otam bilan 3-4 kunda bir gaplashar edim.

Har gal Samarqandga borganimda ul-bul va pul berib yuborishar edi. Otam bilan 2-3-marta gaplashishimda esa "Puling bormi?" deb so'rar edilar. Shunda yoshlik qilib demak pulim tugaydigan vaqt bo'libdi deb bemalolroq ishlatar ekanman. )

Bolaga pul bilan muomalani o'rgatish kerak.

#Tabassum

@GiyosiddinYusuf

Bolalar bilan uchrashuvlar bo'lganda "Birinchi o'qigan kitobingiz?" deb so'rab qolishadi. Birinchi o'qigan kitobimning nomi esimda yo'q. Bu yoshimga mos ertak yoki hikoya kitob bo'lishi mumkin. Sizning birinchi o'qigan kitobingiz yodingizdami?

Siz ona bo‘lsangiz ham o‘g‘lingizni sindirishga haqqingiz yo‘q

Siz necha marta o‘g‘lingizga shunday degansiz:

– Erkaklar hammasi bir xil bo‘ladi!
– Otangga o‘xshama!
– Sen o‘g‘il bolamisan, nega yig‘laysan?!

Siz bu gaplaringiz bilan uni kuchli erkak qilib tarbiyalayapman deb o‘ylaysiz. Aslida esa uni ichidan sindiryapsiz...

#tarjima #tarbiya

@GiyosiddinYusuf

TARTIB

Kitob o‘qishda tartibli ravishda, to‘g‘ri o‘qish kerakligini aytyapmiz. Bu tartib har kimning hayot yo‘li, maqsadi, sohasiga ko‘ra farq qiladi, albatta. Shuning uchun qat’iy bir tartib aytib bo‘lmaydi. Ammo asosiy o‘qilishi kerak kitoblarni quyidagi tartibda o‘qishni tavsiya qilaman:

1. E’tiqodga oid ilmlarni o‘rgatadigan kitoblar.
2. Ibodatga oid ilmlarni o‘rgatadigan kitoblar.
3. Odob-axloqqa doir ilmlarni o‘rgatadigan kitoblar.
4. Tarixni o‘rgatuvchi kitoblar (payg‘ambar, sahobalar hayoti va boshqalar).
5. Oilaviy munosabatlarni o‘rgatuvchi kitoblar.
6. Har bir kishining o‘z sohasiga oid kitoblar.
7. Badiiy kitoblar (avval o‘zimizniki, keyin jahon adabiyoti).

#Kitob

@GiyosiddinYusuf

O'zbekistonda ikkita: bittasi menda...

@GiyosiddinYusuf

TIRIK KITOB — O‘QUVCHI

12 aprel kuni “Yuksalish” maktablari o‘quvchilari o‘rtasida “Yosh kitobxon” tanlovining final bosqichi Navoiy shahrida bo‘lib o‘tdi. Unda kamina 9-sinf o‘quvchilariga mas’ul etib tayinlangan hakamlardan biri edim.

Shartlardan biri — berilgan uchta kitobdan biri haqida 5 daqiqa davomida gapirib berish edi. O‘quvchilardan biri — Solihanurga “Lolazor” kitobi haqida so‘zlash tushdi.

Ma’lumki, “Lolazor” ancha yuqori saviyadagi asar bo‘lib, uni o‘qib, tushunib, gapirib berish maktab o‘quvchisi uchun muayyan darajadagi bilim va tafakkurni talab qiladi. Solihanur esa nafaqat kitob haqida so‘zlab berdi, balki uni tahlil ham qildi.

U shoshilmasdan, xotirjam gapirar, so‘zlarni o‘z o‘rnida ishlatar, tutilib qolish yoki hayajon deyarli ko‘zga tashlanmas edi. Men uning harakatlaridan ko‘p kitob o‘qiganini angladim va o‘zimcha taxmin qilib:

— Ikki yuztacha kitob o‘qiganmisiz? — deb so‘radim.
— Mingga yaqin, — deb xotirjam javob qildi.

Bu qiz nafaqat ko‘p kitob o‘qiganini, balki to‘g‘ri, tartibli va ustozlar ko‘rsatmasi asosida mutolaa qilganini ham namoyon qildi. Unda ham son, ham sifat bor edi.

Darvoqe, “Yuksalish” maktablarida o‘quvchilarga har haftada bitta kitob o‘qish vazifa qilib beriladi. Bu 10 yilda 500 tadan ortiq kitobni tashkil etadi. O‘quvchilarimiz orasida berilgan vazifadan tashqari kitob tavsiya qilishimizni so‘raydiganlar ham bor.

#Kitob

@GiyosiddinYusuf

Bir inson biror voqea-hodisaga munosabat bildirganda uni hamma har xil tushunishi mumkin. Bu tabiiy, albatta. Chunki tushunish har kimning ilm darajasi, tushunchasiga ko‘ra farq qiladi.

Haligi so‘zlovchi kartinadan yuqorini ko‘rib gapirayotganda kimdir faqat devorni ko‘rib uni inkor qiladi, boshqasi kartina emas bu, tabiat deb turib oladi va hokazo.

Ana shuning uchun, do‘stlar, ilmli kishi bir gap gapirganda bu kishi men ko‘ra olmayotgan narsalarni ko‘ra olayotgan bo‘lishi mumkin degan o‘yda e’tiroz yoki tanqid qilishga shoshilmaslik kerak.

Bunga Asadov bilan bog‘liq gap-so‘zlar yorqin misol bo‘ladi: uzoqni ko‘ra olganlar u kishidagi kamchiliklarni aytganda "devor yoki tabiatni ko‘rayotganlar" ularni malomat qildi.

@GiyosiddinYusuf

Oila qurish arafasida bo'lgan yoshlar bormi? — 🔥

Oldindan bu ish bor edimi-yo‘qmi — bilmayman. Lekin shu yil maktab bolalari bir-biriga suv sepayotganiga ko‘zim tushdi. O‘g‘il-qiz bir-biriga suv sepmoqda. Ba’zilar 1,5 litrlik suv idishi olib olgan.

"Mayli, kun issiq, kasal bo‘lishmaydi, o‘ynayapti-da" deyish mumkin. Lekin ustidan suv quyilgan qizlarning kiyimi badaniga yopishib, badani-yu ichidagi kiyimlarigacha vasf qilmoqda. Maktabni bitirayotgan qizlar uchun bu juda yomon, uyatli holat.

Men o‘qituvchilardan bu holatga chek qo‘yish uchun bolalarga tushuntirishlarini va maktab ma’muriyati hamda ota-onalar ham bunga jiddiy qarashlarini so‘rar edim.

@GiyosiddinYusuf