" أَجمل ما يمكن أن تقدمه لإي إنسان، هو أن تجعلهُ يطمئن "

10/10/1998

صار عُمري ( 21 سنة , 0 شهر , 0 يوم ) يعني 252 شهر

• بالأيــــــام : 7670 يـــــــــــــــوم

• بالساعات : 184080 ســـــــاعة

• بالــدقائق : 11044800 دقيقة

• مَرت 662688000 ثانية من فتحت عيوني على الدنيا ..

شكراً لكل شخص ترك ذكرى بوسط هالأرقام، بين ذكرى حلوة و مُرة، كل هالأرقام رح تبقى ذكريات و دروس نتعلم منها.

سنحب ما دُمنا نعيش ، ونعيش ما دُمنا نحب.

00:00

مَر شهرٌ على ثورتنا، ولا أحد يسمعُ صرخاتنا غَيرنا.

25 تشرين الثاني || 2019

عادل و حكومته، لما سمعتونا نهتف "نموت عشرة، نموت مية .. انا قافل على القضية" و قررتوا تجربونا و تتأكدون من مصداقيتنا بهِتافاتنا

فـ قتلتوا عشرة، مية، و رح توصلون ألف ..
شوكت رح تصدگون أحنا قافلين على القضية ؟!

يوم ٢٨ و ٢٩ تشرين الثاني || من أصعب أيام حياتي ..

كل ما أريد أترك التَليفون و أنام
أگول خاف أنام وأصحى على خبر مجزرة جديدة
خاف أنام و أصحى على أحصائيات شُهداء وجرحى

ولو غمضت عيني .. تفتحها صور الشُهداء و دموع أُمهاتهم.

عادل وحكومته، و الي چانوا يرمون بسلاحهم شلون رح يگدرون يغمضون عيونهم اليوم ؟!

أخاف أغمض عيني و أنام .. و تنتصر ثورتنا !

ماچنت منتظر من السيد فتوى اليوم، بس ماتوقعت رح يسولف عن المُمتلكات العامة مُباشرةً بعد كلمتين عن الشُهداء.

أنا مو رجل دين، بس من چنت صف سادس أعدادي أستاذ الأسلامية گللنا أكو حديث نبوي يگول "لهدم الكعبة أهون عند الله من سفك دم مسلم"

و بمصادر ثانية "لزوال الدنيا أهون على الله من قتل رجل مسلم"

والله يحتركَ دمي من ينجاب طاري الشُهداء و التخريب بنفس السيرة ..

عدنا هواي سوالف حُب و شجاعة، وهواي عدنا شُهداء وجرحى و لكل واحد بيهم قصة يمكن بيها ضحكة و ألف حسرة ..

نحتاج سنوات طويلة حتى نسولف بيها عن عَظمة ثورتنا، بعد هالسنوات يمكن رح يصيرلنا مجال نسولف عن الأمور السلبية الي صارت بالثورة.

#عوفوا_الظلمة ، #شمس_ثورتنا_چبيرة .