يروح الروح
……………

يروح الروح
جبتك شايلك عباس
ويامشي الي فاگد روح
يروح الروح  
عمك جايبك مذبوح  ويمشي وياه أبو المذبوح
جبت شلعان گلبي وجيت
وأنه براسي يفوووور النوح

جبتك للخيم صايح 
جا غير الولد رايح
وخواتك جني نعايات وندهت بصوتي المبحوح

صيحولي ليله…جبت الولد ….صيحولي ليله
العگدتله شيله.. بطل حجي .العگدتله شيله
خل تشتكيله….هلبت يفز ..خل تشتكيله
رايح علي چا گلبي شي هود
صواب الولد يمرد بالچبود
للخيمه اخذتك بالمشي انود
وطول أعله طول اوياك ممدود

اليوم الجفه إعله احسين هادود

وأنهد بينه صوت امك 
أجتنه الجانت اتانيك
تگابلنه بواجي افراگ  وبدت يمه الولد تنعيك
ياشريان گلبي اتصيح وحيلي الجنت ازامط بيك
ومددناك وسطتنه
وأنه وامك نعاوي اعليك
اصيحن بويه يابويه واهيه اتعصر بإيديك
اگللها الولد مذبوح وأمك گاعده اتلوليك

هذا ابني غافي ….ما منذبح ….هذا ابني غافي
إمن النوم كافي…..أگعد علي …..إمن النوم كافي
يطلبك أچتافي…التعب الربه….يطلبك اچتافي
يا سلوة أمك بطل النوم
ياريع گلبي وحلو الرسوم
يا عمد بيتي الضنتي يدوم
وهسه إعله راسي البيت مهدوم

صيحوله عمته اتندهه ويگوم

وأنه بگلبي الحزن ديره وعيني العمتك اتلالي
بس أبيا گلب تحجي
وتشوف شصاير بحالي
عمتك تندعيلي اصبر  وانت امدد اگبالي
شحطن للجفه ويگطع الماخله علّي غالي
شي لوحه وجع هجرك  وهجرك كاظ دلالي
اتلوه إعله طاري اسمك 
راح يموت ابوك احسين
شعره سوده ماضلت  براسي من غمضة العين
گوم اوداع اريد اوياك
گوم اشبگني هاك ايدين

تريد اتروح ماودعك؟ گول يشيعونه ثنين

مو هيج الوداع .. رايد شبگ …مو هيج الوداع
مو حصت الگاع..حصتي علي…مو حصت الگاع
شبساع شبساع..راح الولد..شبساع شبساع
يالغرگت شيبات الأحسين
يفور الدمع بعيوني الثنين
يالهجرك بنص گلبي سجين

شعري ولحيتي بيضه والعين

محمد الربيعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يـالأكـبر گـلبي گـلي وليـدي مـصيوب
صحت وجدامي ركضن مدري ياصوب
ركضتلـك بـس تهـت وبخيـامي طبيت
أثــاريـه الـوجـع يـشده بــالـگـلـوب

آآآآآآخ
گطعته گلبي مـن صحت
لو شايف شلون اركضت
بگد عشرتك بويه اعثرت

آآآآآآآخ
مدري شني بصدري انشلع
كـضيتـه گلـبي چـا طـلـع
بـصوتك هوى ريتي انگطع.. آآخ

علي بويه علي
علي بويه علي
•••••••••••••••••••••••••••••••

يالأكبر ياشتل روحي الشتلته وطاح
الـروحـك بـي تصـير اوداعـه ذبـاح
اجيـت مترب بگـد ما عثـرة اعلـيك
يـالفـراگـك وجـع يـركد بـالصـفاح

وين
يـالـذابح احسين انتـظر
حط خنجره بگلبي الهجر
عـايـفـني يـمك احـتضـر

وين
مو هيجي يوليدي البعد
ساگيك مـن ماي الچبد
يـا شـاب مثلك بـالولـد..؟ وين

علي بويه علي
علي بويه علي
•••••••••••••••••••••••••••••••

يالأكـبر مو حلو اعله اعيونك النوم
أرسومـك للغـزل يـاحلـو الـرسوم
يـگولـون الـولـد عـكـازه لـلشيـب
وضل تعبـك يگلبي وما رضـه يگوم

گوووم
گض گلبي بيدك خل يـدگ
شمـا طولـت جـاي اختنگ
بروحي عطش مدري حرگ

گوووم
إمنيدي الي توجعني الوكت
گضـني يـالأكـبر مـن طحت
وضيـم إعله ضيمي چملت  ..گوم

علي بويه علي
علي بويه علي
•••••••••••••••••••••••••••••••

يـا نـاس الولـد وصله إمـن الفـواد
ونشب وي گلبي دهري وزاد العناد
طـولك للشـبگ مـو يبقى ع الگاع
اكـبـر والـوكـت يــاخـذ بــالأولاد

ليش
متمـدد بـنص الـدرب
مو جنت غافي بالگلب
خدك حرام أعله الترب

ليش
ما أگدر اسمع ضحكتك
ارحمـني وعـدل نومتك
من طولي باگوا وگفتك ..ليش

علي بويه علي
علي بويه علي
•••••••••••••••••••••••••••••••

گبـال اعيوني طـوله اتفرهد وضاع
مـا ادري الـرمـل بـوليـدي طـمـاع
مــوت أو لا تــروح بـغـالـي جـنـاز
أثـاريـه الـكـبـر يـبـدي إمـن الـواع

راااح
شوفي عليك إمن البجي
يـالخـربت كـل الحجـي
ردت إعله طولك انتجي

راااح
أبني الـي باريته ابسهر
ما ادري كسران الظهر
يبدي بعزيز اعله النظر..راااح

علي بويه علي
علي بويه علي
•••••••••••••••••••••••••••••••

شدعي أعله العطش ع الخيل ع الماي
جنـت اشگـد أحـب من توگف اوياي
تـمـوتـك فـرگـتـه الـمتعـود إعـلـيه
يــا كــتـال أبــوك بـنـومـتـك هــاي

شووف
شيبي وكسرتي ودمعتي
حيـلي وتـراب اعـبايـتي
يــا دنـيـا وانـت دنـيتي

شووف
مـا أگدر أوگـف ع الجدم
لا تطلع اختي إمن الخيم
مـو راح امـوت إمن الألم..شووف

علي بويه علي
علي بويه علي
•••••••••••••••••••••••••••••••

محمد الربيعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

امنياتي بشوفتك
اعـيش الـزفتـك
يـجاسم بالگلب
اتـمـم فـرحتـك

ثوب أبإيدي جبته ..الك يبني.. وعلي جم ذكرى بالروح
شفته وبجت عيني ..وعطر منه ..بقه بكل خيمتي يفوح
لبسه وتعال امشي..على اعيوني..يمن طولك دوه اجروح

وين أروح
ثوب العرس جبته وأنه
أبجي ابتسم مدوهنه ..يارباي

وين أروح
يالبعدك اسنين اهدعش
مـو أمـك أيزفـك عطش..يارباي

حبيبي  ياجاسم ييمه
حبيبي  ياجاسم ييمه
•••••••••••••••••••••••••••••••••••
عفتني بخيمتي
أصـبن دمـعتي
أتـاني رجـعتك
وشموع ابيمنتي

سـالم يبعـد أمـك..تـرد لـيـه..بشمع زفـتك ألاگـيك
يبني الحلـو طولـه ..نـذر آنـه..الأجي وبجفوفي احنيك
گلبي انخمش يمه..شوكت ترجع..وخلي الحنه بيديك

راح اموت
يالمائلي غيرك أبن
دارك بعد ماتنسكن..من تروح

راح اموت
يبني الحلو وجه وطبع
بعرسك تخليني انفجع..من تروح

حبيبي  ياجاسم ييمه
حبيبي  ياجاسم ييمه
•••••••••••••••••••••••••••••••••••
بدمعتي مناطره
وصواني محضره
تعال الخيمتك
وزفافك أحظره

عرس وبلا معرس ..شوكت صارت..ييمه بهايه دنياي
يبني وعلى الساني..حجي أتمنى..أگوله بزفتك هاي
مبارك يجسامي ..على الفرحه..لچن ما حصلت اوياي

ضني جان
تكبر دليلي امحسبك
وبسم أبنك امك تندبك ..يبني ليش

ضني جان
ما حسبت هيج العرس
إمن الخيمه أزفك للشمس..يبني ليش

حبيبي  ياجاسم ييمه
حبيبي  ياجاسم ييمه
•••••••••••••••••••••••••••••••••••
الهلاهل نايحه
وخواتك صايحه
تغير  هلعرس
بخيمنه فاتحه

رد الولد صاحن..وأنه بحنتك..أدوف إبنص الأخيام
عمك على امتونه..يون جابك..وطحت مغميه جسام
الحنه إمندي طاحت..بعد المن..اضل بهايه الأحلام


تعبي راح
زفَتك اسيوف الغدر
وذبحوا جمالك بالضهر..يبني آآآآه

تعبي راح
اشماله ذباحك ذبح
ما شافك بثوب الفرح..يبني آآآآه

حبيبي  ياجاسم ييمه
حبيبي  ياجاسم ييمه
•••••••••••••••••••••••••••••••••••
بقيت إبـلا وطـن
يذكرى إمن الحسن
إعله امك يالولد
عمل عمله الزمن

كون أهله التزفه..بفرح يومه..وأنه ابني زفته الخيل
باجر شطب بيتك .. وصيح اسمك..اموتن يمه بالويل
راح أغفى بفراشك..الأحب عطره..وشيسوي بفگدك الليل

عميه ريت
ياحسرة ام الما حضت
بزفة ابنها اتغربت .. يمه ليش

عميه ريت
يوليدي لبعمرك صبح
متهني بثياب الفرح..يمه ليش

حبيبي  ياجاسم ييمه
حبيبي  ياجاسم ييمه
•••••••••••••••••••••••••••••••••••

محمد الربيعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

إمن اخيامي اجيت..اركض وطيح..وعباس اصيح..
بقيت ابلايه اخو
طحت وبجيت..ترجعلي اريد..يومك بعيد..
يبو طول الحلو

يخويه الدنيه ما خلت على احسينك اخو يسنده
علـيه الـهـم إذا يـگـبل  جـنـت بـخـوتـك اتـرده
جنـت واگـف عـدل ويـاك وهسه ابدونـك اتبده
الشماته أتاني اخوك احسين يرد من النهر وحده


تدري هايه الطفوف.. الماله اخو اتكسره احجايه
خلي طفهم يشوف  .. عندي اخـو بظهـري ورايه

يعباس ..عطشانه اعيوني وگفتك
يعباس ..گـوم الصيـوانـي طلبتك

يعباس بوفاضل يخويه
••••••••••••••••••••••••••
يروح الأمان..لو ما تگوم..كل هذا نوم..
منو بظهري بعد
دار الزمان..ومني خذاك..وتدري وراك..
العدو بخيله استعد

نشب هلنشبه حزني وياي ولحگني الخوتك دهري
ولا هـم للزمـان ويـاك يبـوفـاضـل جبـت عمـري
جنـت مـا التفـت عبـاس أنه امـأمن اخـو بظهري
اثاريه العطش مـو مـاي على طولك عطش خدري

خويه ردلي الحياة  ووگـف أگـبـال اعـيـونـي
شسوه بيه الفرات  شلون ارد والگه اضعوني

يعباس..حسينك طـالب معروفك
يعباس..گوم وخل خدري يشوفك

يعباس بوفاضل يخويه
••••••••••••••••••••••••••

مابيه اگوم..ماعندي حيل ..بعيوني ليل..
بغيابك يا گمر
الغربه تحوم..وحالي تشوف..يمك أطوف ..
وإيديه اعله الظهر

مـاينـطيـني گلـبي ارجـع وأعـوفـن ع النـهر عشـره
گوم وخل تشوف الناس احسين الهسه اخو بظهره
اليفـرغ ظهـره مـن اخـوان يبو فاضل سهـل كسره
اخـوك يريـدك إمـن يطيح تضم من خيلهم صدره

تدري خويه إمن طيح   أنضـر اخيـامـي ايطيحن
وأوگـف وهـم اطـيـح   إمنسمع بأسمي يصيحن

يعباس..ما جـاي اشهگ أنفاسي
يعباس..بس انت الباقي بناسي

يعباس بوفاضل يخويه
••••••••••••••••••••••••••
طفهم چبير..ويستوحدون..الماعنده عون..
وأنه بروحي ألم
وحدي شأصير..بلياك اضيع..وحته الرضيع..
يرد شارب سهم

أشيلك للخيم خلني وانه احمل كل عتب سكنه
وجـودك بـالخيم كافـي  بـس كونـك تـرد ألنه
تروي شـوفتك عبـاس بنـاتي وكـل گلب عدنـه
بـوجودك كـل خيمنه بخير  اهنا ضلتك تغربنه

أسمك الضعني ماي  ياعطش؟عدنه اعيونك
خويه بـس إله هاي   ارجـع الأهـلي بـدونـك

يعباس..ياجيشي وسور اخيامي
يعباس..ارجعلي وشد احزامي

يعباس يبوفاضل يخويه
••••••••••••••••••••••••••

يحزام اخوك..البي حيلي جان..بس الزمان..
خذاك إمن الگلب
محتار اخوك..وشلون اهيد..وارجع وحيد..
وأعوفك ع الترب

تـريد الـوَّحـدي اتردنـي ؟واجيتـك لـلنهر گـوه
إمـن أبعيد اليصد يشـوف بيّـه افراگك اشسوه
بانـت خلـتك بحسين إمـن امشـي صايـر اتلوه
جنت بس ظهري يوجعني وهسه ظهري والخوه

راح ارد لـلخيـام   وادفع إبإيدي الخيمه
مالي حيل الكلام  فـراگك يمـوت ضيمه

يعباس..راح ارجع وانت ادعيلي
يعباس..لخيامي يوَصل حيلي

يعباس يبوفاضل يخويه

محمد الربيعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

دين الكل نهر

بجفوفك ..أجه يأمن الگلب
يا أعذب.. أسم بالحب يصب
يالحيلك .. ورث من حيدره

بالحومه الزلم   گبالك تنردم
گبالك تنردم  بالحومه الزلم

عباس وخزرته اترجف الما رجف
والحيل بيمنته يركضله سلف
مو بس العساكر حتى الشط زحف

من غيضك رعد  حتى الشط شرد

عباس الگمر عباس الگمر
••••••••••••••••••••••••••••••••••

ياگاطع.. ظهر جم گنطره
وبخوتك ..ولا جابت مره
لجفوفك ..يصلي كل نهر

عباس الگمر. دين الكل نهر
دين الكل نهر. عباس الگمر

ما ضل زلمه واگف من ليهم درت
الميت  فز ركظ گبل الحي من صحت
صارت عبرة الشط سهله امن وصلت

من جدمك وصل  ما شال النخل

عباس الگمر  عباس الگمر

••••••••••••••••••••••••••••••••••

يمنشف الـ ..شط وريج الزلم
يمخلي.. خشم يردم خشم
بعيونك..زعل ما ينچهب

سيفك ماله حل  عل حومه الأجل
عل حومه الأجل  سيفك ماله حل

سيفك من يسولف تسكت كربله
الشال اجفوفه يمك بالحومه ابتله
وبس لعيونك انت تحله المرجله

وغيرك ما حله  ساقي بكربله

عباس الگمر عباس الگمر

••••••••••••••••••••••••••••••••••

بعيوني ..إلك حب انعلن
بوجداني..كتبت اسمك وطن
كل عمري..بكفالة رحمتك

يمخلي الحرب  بجفك تنگلب
بجفك تنگلب. يمخلي الحرب

تريست الشريعه وجهك مبتسم
الحومه شگد وسيعه وضاگت ع الزلم
گبالك كلهه تحلم بالشرده حلم

لتخزره يبس  لاحس لانفس

عباس الگمر عباس الگمر

••••••••••••••••••••••••••••••••••
بدلته ..النهر مايه بدمه
ونعومك..يعين الفاطمه
يمسوي.. گناطر من زلم

الشط مايه انگلب  من دم الرگب
من دم الرگب  الشط مايه انگلب

يارب الشجاعه من حيلك مدد
وحدك بالمنايه ومالك ند ابد
گبالك مايفكر يندار الشرد

خليت الهوى  شحه بنينوى

عباس الگمر عباس الگمر

محمد الربيعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

غريب العين

ارجع ياغريب الروح
ربعك موته مو غافين
حيل أمنيلك وتمشي
عزازك حيلك مخلصين

أنت اعيونك امخلصات
باچي الواحد وسبعين

رد يحسين
اعدل وگفتك بهداي
(كسرة ظهرك اتبچي )
(يبو شيب النزل ع العين)

شتنده وانت گوه اتگوم
شتنده واحد انت اثنين ؟
رد يحسين رد يحسين

••••
ارجع ياشحيح الحيل
يالبظهرك وجع عباس
إنگل خطوتك ع الكيف… ع الكيف
لا تعثر اگبال الناس

نگلب گلشي ابيض بوجهك
والعمامه انحنت بالراس

صيح بصوت
يمسند ظهري ياخويه
الظهم بالروح شد حيله
وفرغ سور الخيم حراس

رد طفي اليتانونك
فزعتك كلنه محترگين
رد يحسين
ربعك موته مو غافين
رد يحسين رد يحسين

••••
ارجع يابو ظهر إهلال
مطول نومهه الصحبه
يالمتروس گلبك آآآآخ
بيك انفردت  الغربه

ياهو المثلك معزب
منطي الگاع دم گلبه

صوتك راح
يالمبيوع دم وخيام
وحدك بالغرب مفرود
وجبيلك دمك يطلبه

ما ضنهم يگعدولك
وتدير اعيونك المن وين
رد يحسين
ربعك موته مو غافين
رد يحسين رد يحسين

••••
ارجع يا وِحِيد الراي
خلصت عشرة الصحبان
يالماشيلهم جناز
محد ضل الك دفان

أبو گلب الحنين يموت
لو شالوا علي لحنان

ضم الشوف
يالناعيلهم ع العوز
حگ الصحبه ع الصحبه
سوولي يربعي امجان

يالمهضوم كافي اعتاب
عوف امعاتب الميتين
رد يحسين
ربعك موته مو غافين
رد يحسين رد يحسين

••••
ارجع يابو صوت المات
يبو شيب و گلب مهضوم
رد اشبع شبگ ووداع
البناتك لا يخلص اليوم

تعال اتمشه يم ام عون
يبو طول البعد ميدوم

اهواي اهواي
بحضنك خل رقيه أتنام
وخلهه اطول النومه
على الهزله شيجيب النوم

رد يا بو گلب مشلوع
گلوب أطفالك متانين
رد يحسين
ربعك موته مو غافين
رد يحسين رد يحسين
••••

محمد الربيعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

جـرح الـيتم مـالـه دوه يـالعايـف ابنيـتك
شهور بحسرتي وبالدمع بويه انتظـر جيتك
مـن نلتـقـي مـا ضـنتي  تعـرفـني يـابـويـه
مختلفه شكلي ومشيـتي مـو هـيه غـاليتك

وينك اريد احجي الألم
فوگي وگع سگف الخيم
مو يمي بس بسمك صحت آآآآآآه

عطشانه وأبجي وخايفه
وين آنه هيجي شايفه
مجبوره ع الجمر اسحگت آآآآآآه

تعال  أنه بويه    حميدة  أريدك
تعال ارد أغفى  وشابگه   ايدك
تعال مشتاقه  العطره  وريدك

أبي  حبيبي 
الهجـرُ طـال…الهجرُ طال…الهجرُ طال
متى الوصال..متى الوصال..متى الوصال

•••••••••••••••••••••••••••••••••••

أول صبح بعد الخيم وما غمضت عيني
من گال أصعدن ع الهزل ناديته تانيني
اخواني ضاعوا من أمس والهسه ماجوني
يا حادي خليني انتظر اتوسلته خليني


هيمـه وگلبهـم يستعر
لو سلهمت شمس العصر
زغار وضلام البر رعب آآآآآآه

توسلته ودموعي جمر
هلبت يرجعون انتظر
ياهو الهم اهنا بالغرب آآآآآآه

انوح  والحادي  بسرعه. خذانه
انوح  وضلوا   خواني  ورانه
انوح   ماواحد  منهم   اجانه

أبي  حبيبي 
الهجـر طـال…الهجر طال…الهجر طال
متى الوصال..متى الوصال..متى الوصال
•••••••••••••••••••••••••••••••••••
يـ التشـري كـسـرة خـاطـري  بـالدنيا والبيهه
بــالـهـيـمه غـاليـتك بـجـت  وعلَت بواجيهه
الهسه إعـله صـومي ورجفتي  والفزه والخوفه
بـيهـا شيـضـل الـتـنچـتف ومحرگه ايديهه

شسوت بأهل بيتي الغرب
ومـا رجع اخواني الدرب
بالحومه دورت إشكثر آآآآآآه

أخواني ضاعوا من اجت
خيل وعشيره اطشرت
إلـهـم ولا بـيـن أثـر  آآآآآآه

عذاب على خدي  دمعتي  جبيره
عذاب  البعيونك   جانت  أميره
عذاب كتبوا   فوگ اسمي  أسيره

أبي  حبيبي 
الهجـر طـال…الهجر طال…الهجر طال
متى الوصال..متى الوصال..متى الوصال
•••••••••••••••••••••••••••••••••••
وهسه أجيت بشوگ الك   يابويه للكوفه
كل خطوه احسبها بعمر   للملگه ملهوفه
جتك حميدة بس أجت      إمچتفه إيديها
حرگت برائتها الشمس   والناگه مكشوفه

حبل إيدي ضميته خفت
تنضرني مجتوفه وگلت
شيضمها جدمي الحافيه آآآآآآه

بأي حاله بس كون أحضنك
واركض واطيح ابمأمنك
مسلوبه نوم وعافيه آآآآآآه

اريد  من عندك    اسمي   يغالي
اريد  گبال   السلبولي دلالي
اريد  تناديني   حميده.  تعالي


أبي  حبيبي 
الهجـر طـال…الهجر طال…الهجر طال
متى الوصال..متى الوصال..متى الوصال
•••••••••••••••••••••••••••••••••••

محمد الربيعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

وين
حده بيه العشگ وين
سفير الحب والحسين
وهـلا بـهل طول لـينـگط شـهامه

خوف
ترس گلب الزلم خوف
يـالمرجعهم ازحـوف
ومشه إعله الروس بالكوفه حسامه

طب وغضب شاط على عينه الزعل التم
يعـت بالزلم گـام بجفـوفه وطفـح الدم
ضـل بالتـواسيل بالكـوفه الهـوه ينشـم

يبو طاهر دخيلك
يبو طاهر دخيلك
•••••••••••••••••••••••••••••••
صاح
وصارت صنته من صاح
نــزل قـبــاض الأرواح
الغوث الكوفه صاحت من صطرته

احزام
شافوا شد الحزام
وجدم يطگ جدم گام
الموت ارحم ولا صطرة يمنته

يـكر سيفه بالروس شاهين ولگه صيده
مـاله دوه اهناك ليضـوگ أصـواب ايده
مـو للحرب طـاب ابـو طاهر حـل عيده

يبو طاهر دخيلك
يبو طاهر دخيلك
•••••••••••••••••••••••••••••••

إعليه
اليغضب ربك اعليه
عليك اتجيبه رجليه
گلبه وراسه بجفوفه ترجعه

حيد
يمن عمك علي الحيد
شتطلع طگت الإيد
من خشمه حليب أمه تطلعه

يتـونس السيـف على جفـك يبـو طـاهر
اليوم انحجه الموت بالكوفه انلغه باجر
شي تسحـگ بشي وجـواك العـده صاير

يبو طاهر دخيلك
يبو طاهر دخيلك
•••••••••••••••••••••••••••••••
زود
طوعه اتهلهل بزود
اريدك يبن الحيود
اسطوح الكوفه تترسهه بزلمهه

صال
اليگرب منه رجال
اهو ومهره ينشال
الثگال اگبالك أتخف بجدمهه

أدير إعله الرگاب بجفوفك حر صيفك
جبت الزلم سوگ وتردهم على كيفك
يلوچ الزلم لوچ لو جاع وطغى سيفك

يبو طاهر دخيلك
يبو طاهر دخيلك
•••••••••••••••••••••••••••••••

زماط
طبها اليهوه الزماط
العسكر بالدمه غاط
علگت الزلم من كوع رجليهه

احلوگ
هلا بفراك الحلوگ
التطلگ منك اطلوگ
أسباع الكوفه من أطب عليهه

مـا تنمشي الگاع من گد ما رگب اتكر
موته اوبلا روس من عندك ركض أتفر
فـوك الحياطين بجفوفـك زلـم اتشر

يبو طاهر دخيلك
يبو طاهر دخيلك

محمد الربيعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

بسمج الگلب يبدي الكلام
يانهر يصب غيره وغرام
ياكفيلة الحب والدموع الضعن الغريب

ياضوه الدرب للماله عين
ومنتهى الوفه يم البنين
بسمج ارد ادگ باب الضلوع. اطلب نحيب


والحب وصاله الدمع  وآنه اطلبج دمعتي
وللخدمه خيرج نبع.  غيره اطلب ابخدمتي

اسمج أگوله  وطلب قبوله ردت الخدمتي  غيره وخلگ
ترسيلي إديه. لآل الزجيه  رخصي دمعتي لهل العشگ


شلت إدي الج بسم الحسين
ومنج المدد يأم البنين

••••••••••••••••••••••••••••••••••
يا أسم وفه ينگط حنان
ياوطن عطف للماله أمان
يأم أحن گمر وشجع شجاع..توسلج واريد

نزلي دمعتي بس بالعزاء
وكتبي عل گلب يا كربلاء
وثبتي خطوتي من الضياع ..لا أزل بعيد


اسمج حرز للگلب.  يحرسني من الوهم
رسميلي بيدج درب. من العزا للخيم

رسميلي دربي. حفظيلي گلبي  من اليضره من هل زمن
يم الشهامه. ردت الخيامه لعيوني نظره أبجي الضعن

عمري للخيم وقف الونين
ومنج المدد يأم البنين

•••••••••••••••••••••••••••••••
يا أميرة الخدمه وضواي
گلبي لو عطش سدي ضماي
ياوجيهه بدروب الغرام  الرايد حسين

روحي طيره منتميه السماج
ورتجي الدمع وطلب رضاج
خلي بالگلب بس الخيام.  وانطيني عين

ارد ابجي للماله اخو.  اليتلفت ومنكسر
گدامه نار وعدو.  وبظهره خيمه وخدر

إيده اعله ضهره   گلبه إعله خدره. حاير دليله  وسط الفله
محد بقاله  ياهو العياله   عنده عقيله   ياكربله


يا دَليله للينطيج ادين
ومنج المدد يأم البنين

••••••••••••••••••••••••••••••••
جرحي عل ضعن لا يستراح
ودمعي عل مشت خلي مباح
هناك باليسر مامن مجيب. آيا العذاب

والحده الضعن بي دنيه طاف
والحبل شلع گلب العفاف
راحن وبقى ابن امهن غريب فوگ التراب

تمشي وگلبهه جمر  بدمعة هظم تستدير
إعله گاع أخوها الضهر  سومر جماله الهجير


تنادي حبيبي  شي كف نحيبي  بالحومه عاري. عفتك غصب
لو طولي والله  فوگك افصله. من هل ضهاري خيمه انصب

الشوغه من حبل جرحيلي عين
ومنج المدد يام البنين
•••••••••••••••••••••••••••••••
الكربله عهد هاي الجروح
وللمنيه اضل الطم ونوح
بكل زمان اضج وصرخ حسين  ويه البتول

وابجي غربته ويالمهدي حال
اوي مصابه اون اعله الدلال
بالخرابه أبد ماتغفه عين  انحب واگول

ويلي على ام الخدر   ماعدهه اهل لا عرف
ياكسري لا تنجبر      جرح الخرايب كلف


بضهر الخرابه  فوگ الترابه. نامت رقيه. وهيه تون
آيه المصيبة. ماتت غريبه  جانت حلمهه تغفه بحضن


بهل حزن أضل وانتي المعين
ومنج المدد يام البنين

محمد الربيعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

كسر الخواطر بده من فرگت اعيونه
المعلوله روحه بهجر بيمن يطيبونه
الميت گبل فرگتك يحسين خيعونه
لحد يسكته البجه وإلمن يسكتونه
البعيونه شاف السلف يحملون من دونه

تحملون وآنه گلبي رايح
وحايط فراگك فوگي طايح
انه الوراكم علّه صايح
من هسه راح انصب فواتح
••••••••••••••••••••••••••
ياهو البعد كل صبح بشبگه ايتلگاني
لمت خواتي انگضت ولا لمت اخواني
من طول اخوي الطفل ماشبعت احضاني
اليدري اهله تگضي ذبح  بعد المن يتاني
ولو الله جابك الي  مو عدله تلگاني

بتكم أنه لو موش بتكم
تكتلونها ليش بهجركم
ثگل المشي البجدامي منكم
طيبه آنه بس هذا حزنكم

••••••••••••••••••••••••••
تدري شكثر صيحت  مادرتوا لعيوني
ميته بجي إعله الدرب  يابويه عفتوني
بنيه مريضه وصعب هيج أهلي خلوني
وهدومي أنه إمنمس محضرتها يدروني
جا ليش كلهن مشن بس آنه رجعوني

إمن البارحه إعله فراشي اتاني
وضني بمحاملهم مچاني
وأول خواتي الأصعد آني
صعد هلي وآنه جزاني
••••••••••••••••••••••••••

مناشغ گضته الدرب وگلبي جمر صاير
لو شايف اشگد طحت والله اكسر الخاطر
عفيه اعله روحي وبقت من سمعت اتهاجر
كون بوداعك متت  ولا شوفك مسافر
باجر يجيني گلت  وآنه ادري مو باجر

گلبي اعله فگدك بويه مصيوب
وتدري اليتم ذباح الگلوب
يل ماترحمك هاي الدروب
ما راح يرحم بيّه الغروب

••••••••••••••••••••••••••

ورگه إعله نار اوطحت شيصير بالورگه
مو إله سيف الذبح  يصير الذبح فرگه
ولا إله نار الحرگ  وداعك أشد حَرْگه
لبجيك حد العمه ونطي الهجر حگه
عيونك حجلي وشفت مامنها كل ملگه

فورة هضم بالروح تغلي
تمشين ماگلتولي يهلي
ميله بوگفتي فراگ حملي
وآيا حجاية بويه ضلي
••••••••••••••••••••••••••
إيدي إعله خدي انتظر بالعتبه ذبلانه
المتعلق وينهجر يموت إمن المتانه
بالبيت اطب والتفت اهنا گعدوا اهنانه
إعله افراشك بكل عتب بويه اغفى زعلانه
وينه اليگلي الجره گعدي انتي حلمانه

اهنا يالعفتني حدر الشموس
شكثر الحجي البلروح محبوس
بس منه بويه يحز بالنفوس
فارغ البيت الجان متروس

محمد الربيعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

إمامي الحسن

مولاي  جيت الك
گلــبي  اتـوسلك..إمامي الحسن

رايـــد  جمره اله
مولاي  الـكـربـله..انـوح الضعن

للضـامي وخيـام الخدر
من موگدك أطلب جمر…إمامي الحسن

•••••••••••••••••••••••••••••••
أبـابك يـاكريم أهـلك   تردني حـاشه أدري
ضيفك لايـذ ابـختك    دخيلك ارشـد امري
دنيه وسيدي خـايف   بغفله ايضيع عـمري
اكرم گلـبي من جمرك  وديره فـوگ جمري

مجـدي  وأسـألـك
مديــت  جفي إلك.. الحزن الكربله

احرگلي  هل گلب
للبـات  ع التـرب.. بهجير الفله

دگـيتـه بـابـك وانتـظر
من موگدك أطلب جمر…إمامي الحسن

•••••••••••••••••••••••••••••••
عـرفت أبـابمن اوگـف   وأكلـفه بحـالي وأمـره
أنـه بگلبي الجمـر طـافي  ونـارك تـحيي جـمره
لأخوك وخيمته الطاحت ردت دمعه اعله خدره
يخـو أترف وحـن ساقي  اجيـتك عـيني صـحره

بخـوته  ورايـتـه
اكرمني   الغربته.. حرارة دمع

بكسرة   ظهر أخو
ودمعه   اليم عدو.. اضل منفجع

مـاريـد جــاه ولا أجــر
من موگدك أطلب جمر ... إمامي الحسن

•••••••••••••••••••••••••••••••
يشـلال الكـرم والـحب   الكرمـني وبان خيره
مثـل ادلالك ارد اصبح   ضمـيري يفـور غيره
على الهزت مهد محـروگ  وأبنهه بغـير ديـره
لـيل ورمـحه عذبـها   ومشـت والليـل حيـره

گعدت   وبـجرح
لـولـت   للـرمح.. وتگمطه وتون

إبـــني   لا يـفـز
تنعــى  وبي تهز.. كتلهه الحزن

الهايه ارد أون طول العمر
مـن مـوگدك أطلب جمر …إمامي الحسن

•••••••••••••••••••••••••••••••
مضيف وگلبك مشرعات اليجيك ونيته دمعه
وأنه ادري بنارك اتحشم حميتي الضعنه فزعه
عل المحـد فـزع مـابين  الخيل وبين ضـلعه
وفرد طيحه الخيم طاحن  وطلعن فرد طلعه

الصيوان  مشتعل
وحسين  ع الرمل.. ونهار الفله

حتــارن   يـا درب
يـمشـن  والغرب.. ترس كربله

ع الشاطـن بـذاك الضهر
مـن موگدك أطلب جمر …إمامي الحسن

•••••••••••••••••••••••••••••••

ديـن ابـرگبتي اخيـامه  اضـل الحـد منيتي
يـالمدليني ويـن أگعد  ويالمكبريلي صيتي
بحزنكم أنـه مـن زغري وتكفلتوهـا تربيتي
وحـق اموعك إعله حسين عزاكم هو بيتي

يـــا روح   فاطمه
الهل ساع  محزمه.. الغريب الوطن

أنخاك   سيـدي
جرحي  يضل ندي.. إعله طول الزمن

لـلـهزل لـحبال الـيسر
مـن موگدك أطلب جمر…إمامي الحسن

محمد الربيعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يعثرني دمعي


اجيت  يعثرني دمعي
اجيت  ويدي اعله ضلعي
اخاف  ما الگه منك رسم

لكيت بالحومه دمك
لگيت  كلشي اله جسمك
عليك  شما اقترب انلجم

طايح
بالدرب طايح ..وبالنزف سابح يمه
حسنك
امن العطش رايح.. جيت الك صايح  يمه

يالمندفن بالحجر  ليك اوصلت گوه
آنه امك الأنتحب والفوگك اتلوه
شخله عطش كربله بعيونك الحلوه
الگلبك جبت دمعتي منهه اگعد اتروه

هاك ..
هلبت يبرد الدمع
نار الي جوه الضلع
الصوتك اريد استمع  هاك

يمه حبيبي حسين
يمه حبيبي حسين
•••••••••••••••••••••••••••••••
اريد ..ابعد سهامك
اريد ..تعدل منامك
حرام ..نايم چفي اعله الترب

وحيد..والحومه ضدك
وحيد..وع الغبره خدك
عجيب..شمسويه ببني الغرب

العاشر
شعايف العاشر..اعليك العدو داير  يمه
بايگ
ضحكتك حافر…وبحالك شصاير يمه

فوگك أحوم ابدمع ومذهوله بآ لامك
شما جيت اريد اشبگك   ماتقبل اسهامك
شدعي اعله ذاك النهر لميبس احلامك
يالميت إمن الهظم جي طاحت اخيامك

گوم
مو حلوه فوگ الترب
نومك يألم الگلب
خلصت ييمه الحرب  گوم

يمه حبيبي حسين
يمه حبيبي حسين

•••••••••••••••••••••••••••••••
تطيح..وحافر يجيلك
تطيح..ومحد يشيلك
تشوف..نار بوسط خيمتك

تصيح..عباس أريده
تصيح..اختك وحيده
أجيت..الطم على غربتك

شفتك
ع النهر شفتك ..تبجي وسمعتك يمه
تگله
حسينك ابختك ..خل نرد لختك يمه

شسويتوا بيه لمن  توادعتوا ع الغبره
بجيتني إمن وگعت  تلمه وتشم صدره
عباس گتله الغرب الماعنده اخو تكسره
يشبگك يحاول لچن  لا يمنه لا يسره

آآآآآآه
گتله اعل ياهو أنتجي
مات وي خوك الحجي
ورديت ناگع بجي  آآآآآآه

يمه حبيبي حسين
يمه حبيبي حسين

•••••••••••••••••••••••••••••••
تنام.. بحضني اريدك
تنام.. وخل اشبگ ايدك
حسين..يايمه چلمه ردت

حرام.. يعطشوني حسنك
حرام.. يحرموني منك
بصباك..زغير انت وانه رحت

بزغرك
عفتك بزغرك…وبيي ضل عطرك يمه
وتالي
بيدي دم نحرك..ومنسحگ صدرك يمه


جانت بسمتك دوه. لأمك يغالي امك
جنت ازعل اعله الهوه لو مايمر يمك
بس هسه گاع الحرب مرتويه من دمك
يل ما بقالك اخو  يضلل يجي الجسمك

وين..
اختك تدير النظر
وماخذ وطنهه النهر
شتحمل بعد ياقهر. وين

يمه حبيبي حسين
يمه حبيبي حسين

محمد الربيعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

غيور الدمعه


بحزن ياگلبي روح
الغربته بحسره نوح
انترس گلبه جروح  حسين حسين

على الماله عضيد
انفجع ضل لا تهيد
بقى بالطف وحيد حسين حسين

هضم يشبع يگلبي الماكو اخو بظهره
اليكظ اصفاحه بي ماتنعد الكسره
يطيح الماتسنده اصحابه بالحومه
وتشوفه الناس طايح لاچن اتعبره

التهضم يگلبي بالغاضريه
ماعنده حيل يگوم الرقيه
وبخيامه طبت خيل آل أميه حسين
••••••••••••••••••••••••••••••••••
حجه بصوته الجريح
سگف خدري يطيح
على أصحابه يصيح حسين حسين

خذه احزامه الفرات
وبدِي عبدالله مات
انحنه إمن النايبات حسين حسين

شال ايده وصرخ يابو الفضل وينك
نحنه ظهري واطلبك خويه جفينك
گوم وشوف كل الحومه متحضره
وما تبقى خيم بس يوگع احسينك

ماينعدل ضهري اله بوگفتك
ياجيش اخوك ويا زمزم اختك
خويه اعله طولي مبينه كسرتك حسين
••••••••••••••••••••••••••••••••••
العدو اتزهده الغريب
ورخص دمه عجيب
المجيب ابلا مجيب  حسين حسين

على اضعونه يدير
أبو الفي الجبير
بقى بحر الهجير حسين حسين

وين ايحطها عينه يصد عدو يگصده
اليمشي ويلتفت عايف خدر وحده
سبعينه گضوا حيله وعدو يطلبه
والماعنده اخو اهنا ينعبر حده

من كل مكان الخيل اعتنته
وفزعت تشيله امن الغبره اخته
بس المصيبه ما لحگته حسين

••••••••••••••••••••••••••••••••••

أخذ بالحب قرار
ذكر اسمه انكسار
ومواطن بيها حار  حسين حسين

بجه ويم ابنه هام 
وبجه فاگد حزام   
وبجه اباب الخيام حسين حسين

ترى درب العشگ ياگلبي ع النيه
ومثل حسين ما يتساوم بدنيه
بس ياگلبي ساموا دمه بالحومه
وبالطف عاري ضل بعز ضهاريه

سيد المحنه الماكو بمثيله
يشوفون طايح محد يشيله 
وعنه اخته راحت فوگ الهزيله حسين

••••••••••••••••••••••••••••••••••
يگلبي الحب ضمير
وغيور الدمعه صير
خيامه أجمل مصير حسين حسين

اتخذ شرع العويل
الدمع ابسط سبيل
صعب رد الجميل حسين حسين

لو نبجي الزمن كله ابد والله
من عبدالله مانوفيلك امناغاه
لگينه الدمعه الك أوجه عذر مولاي
وعشت وي گلبي الك بالواحسيناه

عهد وي گلبي للزهره گلته
يا فاطمه ماننسه غربته
اسمه اعله باب اعيوني كتبته حسين

محمد الربيعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

((#حواريون ))                #محرم_1447
……………………………………………………………

حواريونَ صاروا للحسينِ
لعينِ السبطِ تُكرم ألفُ عينِ
عروجُ بالدماءِ .. إلى أعلى السماءِ
حواريون

……………………………………………………………


مامش اذن سمعت هيج . و لا عين الذي شافت
زلم چنها ابعرس مو موت . وحنّاها ابدمه اندافت
چن تسيوره للديوان . ولا چن نبل يتهافت
خاف النخل من الجيش . و هاي الزلم ما خافت

زلم عدهه  . الحرب نزهه  . الذبح قمة سعاده
الوقت طوّل . شوكت يوصل . ويجي وقت الشهاده

دماهْم طهّرت أرضَ العراقِ
إلى الموتِ إنطلاقٌ كالسباقِ
ولاءٌ في ولاءِ .. إلى أعلى السماءِ
حواريون

……………………………………………………………


اتركوني و جمل هالليل . وبريت اوياكم الذمه
گالوله و صدگ مجنون . اليمشي و يترك النعمه
مباح الهوه الكل الناس . وحرام اخلافك انشمه
العمر طاموره حدر اجبال .اذا ما بيه ابو اليمه

يذبحونه . و يگطعونه . والف مو مره وحده
فلا انعوفك . نجي انطوفك . فراشات اعل ورده

معاكَ الموتُ كالشهدِ المصفى
هنيئا مَن يُلاقي اليومَ حتفا
و حورٌ بأنتقاءِ .. إلى أعلى السماءِ
حواريون

……………………………………………………………


طمّن بت علي و گلها . هاي الزلم خدّامج
شجره و خل يهزنه الموت . وتسگط رگب جدامج
عمرنه وابد مايسواش . تراب الداسته  اجدامج
تسحگنه الزلم و الخيل . الا أتعبر لخيامج

يخدر الرب . الچ نركب . على جناح المنيه
مناحرنه . وسفك دمنه . فده لبنت الزجيه

فأنتِ ليسَ تحتاجُ مُقاتل
وذا عباسكِ للخدرِ كافل
أميرُ للوفاءِ .. إلى أعلى السماءِ
حواريون

……………………………………………………………


كلمن للحرب يدخل . احتمالين العگل خلّه
عدل خمسين بالميه . وخمسين أحتمل چتله
بس الربعه گال حسين . ما تبقه نفس عدله
مثل صايم شهر رمضان . وباجر عيدك اتگله

يحيّونه . و يشكرونه . على هاي البشاره
غداً كلنه . الى الجنه . الچتل اربح تجاره

سويعاتٌ و تأتينا السهامُ
و يسقينا على الحوضِ الأمامْ
رجالُ هؤلاءِ .. إلى أعلى السماءِ
حواريون

……………………………………………………………


واحد شايب ومتعوب . وتحس اثمنطعش عمره
وعبد صار ابيض الوجنات . و فاق اعل الورد عطره
و غُلام الگال اميري حسين . و أمه الحزّمت ظهره
ومريم ودت الها اوليد . وهب هاديته للزهره

وبرز واحد . اسد قائد . نزل للحگ يحامي
كشف صدر . شعر يقره . جنون ابحب امامي

زهيرٌ صدرُهُ صَدَّ السِهاما
بريرُ الشيخُ ذا يفدي الإماما
رجالٌ من نقاءِ .. إلى أعلى السماءِ
حواريون

……………………………………………………………


درس مجاني بالصحبه . ومنه الزوم نتعلم
يم صاحبنه بالكلفات . مو وكت الضحك نلتم
صديجگ لو على الحگ چان . افزع حافي و محزم
أجمل قصه ربع حسين . كتبوها بقلم من دم

الرجل موقف . فلا يزلف . عن الدين و طريقه
مَثلها الحُر . وفه يمطر . تبع نهج الحقيقه

يُخيّرُ نفسهُ أصعب خيارِ
أ للفردوسِ يعلو أم لنارِ
و فازَ أبنُ السخاءِ .. إلى أعلى السماءِ
حواريون

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

حماسيه .  ( #وما_بدلوا_تبديلا )    
#محرم_1447
…………………………………………………………

فمنهُم مَن قضى نَحبه .. و منهُم ينتظر صَلبه
وما بدّلوا تبديلا

……………………………………………………………


زلم خالقها الله من زبر الحديد
حتى ميتهم تعارچ روحه
صار يتفاخر جريح اعل الجريح
البيهم الاكثر تكون جروحه
زلم سوت للحرب طعم ومذاق
بيهم العركه اصبحت مملوحه

المات منهم مايوصي لا ابمال و عيلته
يبچي ويأشر بصبعه بالحسين اوصيته

بنهرِ الدمِ قد باتوا . فهُم أحياءُ ما ماتوا
فصار الذبحُ تبجيلا
وما بدّلوا تبديلا

……………………………………………………………


لا حواريين وي عيسى المسيح
لا ربع موسى الذي نجّاهم
واذا اصحاب الكهف ناموا سنين
ذوله ناموا و السهام اغطاهم
هدوا اعل الزهره اصحاب الرسول
وذوله يم زينب جروها أدماهم

جيش حيدر لو مثلهم وضع صفين اختلف
ايصير كل الشام شيعي وحلب تتحول نجف

لسبطِ المصطفى وقفُ . وفيهِم يفخرُ الطفُ
فقد قُتّلوا تقتيلا
وما بدّلوا تبديلا

……………………………………………………………


شگد عجيبه واحنه ما سمعينه هيج
لا ابقصه و لا فلم شفناها
واحد اتگله تره باچر تموت
يفرح و ظل للصبح يتباها
ينتظر چن لحظه افراج السجين
ابشوگ لحظات الذبح تاناها

جيش سبعين الف واحد رفعوا اسيوف الذبح
وتضحك الاصحاب چنهم عيد رمضان الصبح

فإنَّ القتلَ ميقاتٌ .. لهُم تشتاقُ جناتٌ
وأمسى الساقي جبريلا
وما بدّلوا تبديلا

……………………………………………………………


بله منهم خلي ناخذ فد مثال
حتى ناخذ صوره عن الحاله
تگول عمر اثمنطعش راجع حبيب
ركض يهجم يسبگ الخيّاله
اللي يبرز گبل لا راسه يطيح
رعباً الشارب يطيح أگباله

يكله يحسين انا عمك تره مو شايب ولد
سيفي جاع و ما يشبعه إلا رگبة بن سعد

حبيبٌ كالأبابيلِ .. على إبرهه و الفيلِ
وسيفٌ يرمي سجّيلا
وما بدّلوا تبديلا

……………………………………………………………


زينب وتنشد حسين اعل الانصار
خافن ايتركونك ابهل الهيمه
سمعوا وفزعوا و چن حرگة مضيف
وچن سباق و ركضوا اعل الخيمه
احنا يا زينب ابليّاكم عبيد
تره بيكم النه صارت قيمه

عالمخيم أحنا غيمه نمطر اعليج ابرگب
حبل من خيمة رقيه يعادل اجبال الذهب

فقري العينَ يازينب .. فدِا كلٌّ لكِ يذهب
يصيرُ الرملُ إكليلا
وما بدّلوا تبديلا

……………………………………………………………


الدين موقف مو فقط صوم وصلاه
يريد كلمه و لو تتطلب موته
الما فزع للمذهب ابرخص التراب
والفزع يسواله الف ياقوته
تره نفس القصر وي جون وحبيب
اليجي ملفوف ابعلم تابوته

احنا ما شاهدنه عابس شفنه بس زلم الوطن
حررونه امن ايد داعش وانطوا ادماهم ثمن

حسينٌ عندهم يحضر .. عليهِم يَحنو كالأكبر
وباتَ الدمُ تغسيلا
وما بدّلوا تبديلا

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4