( إنْ قطعتمو يميني )


واللهِ إنْ قطعتمو يميني • • • إني أُحامي أبداً عن ديني
هذا النداء في كربلاء
ـــــــــــــــــــــــــــــــــــــــــــــــــــــــــــــــــــــــــــــ
عباس طب للحومه وزمجر
وغيرت علي الكرار تتفجر
بسيف العزم عالمشرعه سيطر
هذا البطل يشبه بطل خيبر

ذكراهْ تبقىٰ في المدى السنيني • • • ياليلةَ السابعِ ذكريني
صوتُ الإباء في كربلاء
ـــــــــــــــــــــــــــــــــــــــــــــــــــــــــــــــــــــــــــــ
قصة عشق يم النهر صارت
جيوش الاعادي إلتمت ودارت
والدنيه من هذا الوفىٰ احتارت
وعباس تاج المرجله اختارت

ياصفحةَ التاريخِ كلميني • • • هل شربَ العباسُ أخبريني
شربةُ ماء في كربلاء
ـــــــــــــــــــــــــــــــــــــــــــــــــــــــــــــــــــــــــــــــــ
دمعه جرى وبيده غرف غرفه
ماي ودمع مختلطه في كتفه
هذا الوفىٰ قولولي شيوصفه
ناداها راعي العزه والعفه

يانفسُ منْ بعدِ الحسينِ هوني • • • وبعدهُ لاكنتِ أنْ تكوني
بحرُ دماء في كربلاء
ـــــــــــــــــــــــــــــــــــــــــــــــــــــــــــــــــــــــــــــ
عند النهر ضل واقف الوحده
ونار العطش تتماوج بكَبده
دمعه على زينب جرى بخده
تترجىٰ جيته ويوفي بوعده

أختاهُ يا أختاهْ تعرفيني • • • لا أنحني لو ضربو جبيني
روحي فداء في كربلاء
ـــــــــــــــــــــــــــــــــــــــــــــــــــــــــــــــــــــــــ
بالحومه راد يوفي بدَينه
ولن الاعادي قطعو يمينه
ريت انعمت عيني قبل عينه
ضحىٰ بحياته من أجل دِينه

قالَ أيا زينبُ سامحيني • • • قد قطعو ببغيهم يميني
حانَ اللقاء في كربلاء
ـــــــــــــــــــــــــــــــــــــــــــــــــــــــــــــــــــــــــ
ضل جثه فوق الغبره مطروحه
ومثل النهر تجري دم جروحه
عينه على الخيمات مشبوحه
ونّه جذب منه اطلعت روحه

لقد مضى بالحقِ واليقينِ • • • قد كُسرو الظهرُ منَ الحسينِ
زاد البكاء في كربلاء
ــــــــــــــــــــــــــــــــــــــــــــــــــــــــــــــــــــــــــ
جاله ومحني ظهره ويشمه
يبكي ويخضب شيبه ابدمه
يمسح إل راسه بالصدر ضمه
وتالي تمدد بالترب يَمه

أبكيت أملاكَ السما وديني • • • بابنَ النبي المصطفى الاميني
تبكي السماء. في كربلاء
ـــــــــــــــــــــــ نسآلكم الدعاء ـــــــــــــــــــــــــــــــــ
الشاعر: بوحيدر الحمد
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

موبس وعد وحجايه
ربعك صدك وفايه
يوم الاطفوف. يوم الاطفوف
....................................
كلما يطب منهم اسد
مايخلف وياكم وعد
الشده صار الهه اشد
مثل الزرع بيهم حصد

كلهم وفو انصار الحسين
يوم الامگابل عين بالعين
تاريخهم ظل يشهد سنين

ماعدهه غيرك غايه
ربعك صدك وفايه
....................................
كالاهه شايب بالحرب
باجر تسهلون الصعب
ياهو الي للحومه يطب
زحمه يظل بين الغرب

صعبه نعوف حسين هاليوم
يحجي حبيب وضجت الگوم
بالحومه باجر شوف الاعلوم

وانهوس اعله الثايه
ربعك صدك وفايه
....................................
امن وبالك لايهم
باجر نشوفهه الزلم
تدرينه للتكلف ولم
وصل للحسين العلم

گله النشامه اتعاهد ابهاي
دم اليضدك يترس الماي
وفاي گام ايوصي وفاي

نشتري الموت اشرايه
ربعك صدك وفايه
....................................
من طبو الحومه سوه
كربله احتارت بالهوه
والقائد ابچفه اللوه
الماي من شافه نچوه

شايل حبيب العلم ويصيح
ارگابنه لجلك فده اتطيح
گطع الرگب شبه التسابيح

وانسوي بيهه اسوايه
ربعك صدك وفايه
....................................
واحد الواحد من وفو
اتواصو ابحرگه وبچو
بالطف لحدما خلصو
مثل النجم لمن هوو

وفيتو يهل الغيره الاوعود
بالروح اقصى غاية الجود
ظل الحسين اليوم مفرود

وصلت الي الرمايه
ربعك صدك وفايه

خادم اهل البيت علي الزرگاني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

حسيني.... صوتي انه امه فاطمه... حسيني
ياهو الينشفلي دمــــع عيني
امك على جثتك تجر حسره
############
انه امك فاطمه اقــــره المصيبه
ياغريب وقصتك كلش غـــــريبه
تعجبت من شاهدت جثتك تريبه
عندك العباس مــــــاتوگع عجيبه
وفه..... ابني الكمر يوم الحرب... وفه
لحسين كلشي قــدم بطفه
بالعين نبله وهامته وصدره
#########$
يمه انه بكربلا جيتك حـــــــــــزينه
جيت ادور عالولي وحامي الضعينه
كالــــــــــــــو العباس مصيوبه يمينه
والسهم كالـــــــو يزهره بوسط عينه
وحدك... ظليت من طاح الكمر... وحدك
من طاح كلها تناوشت چبدك
من طاح من دمك جرت عبره
#########$$##
شكد جبيره حسرة الفاگدله غالي
تصير لوعه عيشته بهاي الليالي
وانه من طف كربلا بله شبقالي
جثه مگطوعة نحر ما يمها والي
لوعه...... مصابه چبير وحالته... لوعه
وبلايه راس مهشمه ظلوعه
من دمه لسه مانشف نحره
###############
كلشي منه مــــا سلم حتى الاصــابع
وانه شفت ابن الخنا لخنصره گاطــع
سهم اللي بصدره تره من ظهره طالع
حسين صار من السحك للخيل شارع
ويلي..... عشر اعوجيه تسحكه..... ويلي
من شفت حسيت انهدم حيلي
وي الحوافر بقت چم وذره
###############
السحك مــا برد غليله لن بعدها
حــربته بصدر السبط صاير بردها
وشفت زينب وصلت بسيفه يردها
شحالها مگطع على الرمضا ضمدها
طعنه.... وبصدره صار الف وكسر... طعنه
زينب تباوعـــله وتجر ونه
ياگلب زينب وشكبر صبره
###############
حسين مصباح الهدى عالرمضا عاري
جثته بحــــــــر الشمس محد يواري
وانه اشوفنه ودوت بظلــــوعي ناري
بحال جرحـي يا خلك بس الله داري
موذر.... فوك الصعيد مترب..... موذر
وحده وبيه شمس الضحى تصهر
وينه الغيور ويدفنه بگبره
################
ونسألكم الدعاء والتوفيق

لخادم آل محمد عليهم السلام....
الشاعر حيدر كاظم الساري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يا ابو المحنة وشيخ الاحساس
يا تاج روس الجنة والناس
يا أبو المحنة
ــــــــــــــــــ
يالمعلم الصبر انته شنو معنى الصبر
يالمدلي الوحي انته بمتاهات العمر
يالدمك صعد نزفه شمخ عالي القدر

يالدمك الطاح على التراب رفع صيته وكبر
وحتى النهر جان يعطشان فلا اسمه نهر

كلشي اخذ من صيتك وصار
توزع خيم لو جاعت النار
تبرد النهر رغم القلب حار
بيك النهر حار

ما مر نده لقليبك وجاس
يا تاج روس الجنة والناس
يا أبو المحنة
ــــــــــــــــــ
يالتوزع من ألطافك ولا واحد ترد
رغم ذاك العطش لكن سقيت انته الورد
الظهر مر وطرق بابك اجه ورايد برد

يمضيف الرماح والاجراح يالمضيف السهم
يالمنطي قربان يقران اخو وجف وعلم

يمضحي أعز ما تملك الروح
تبجي ع سيفك وانته مذبوح
ما شايف اني القلبه مجروح
ويداوي الجروح

قربانك انت مضحي عباس
يا تاج روس الجنة والناس
يا أبو المحنة
ــــــــــــــــــ
يبو قلب الذي استوعب جبير وما يشح
مثل ما جسمك استوعب الف نبله ورمح
حنين انته ولا مثلك ولا واحد يصح

يالمبستم دوم والهموم قلب يقطر دمه
يا وارث أوجاع بالاضلاع من أمك فاطمة

طيب الخواطر وانت مكسور
ذكرك فلا مختصرة عاشور
كل يوم إذا مر انت مذكور
رغم أنت مذكور


ذكرك عطر يسنشقه الياس
يا تاج روس الجنة والناس
يا أبو المحنة
ــــــــــــــــــ
العطش غير تفاصيلك على شيبك عطش
يالموزع اعله الهيمة فلا لمك نعش
المطر مثلك يبو اليمة على الكاع نفرش

بس المطر ذاك ولا هاك اجة بقطره الك
ومقصر وياك ع ضماك على غيرك سلك

ملاج انت اعله الفلاليح
والمطر يمك لازم يطيح
لازم يقدم والله تصريح
ويبرر شلون

لو قطرة وحدة عليك لا باس
يا تاج روس الجنة والناس
يا أبو المحنة

ــــــــــــــــــ
بعضهم قبة يختصرك وانه انظرلك وطن
المجرات انته سيدها يطلسم كل زمن
يالحروفك نصف حيدر نصف من الحسن


يا گرة العين يالحسين يحاجب والرمش
يا خامس النور يمذكور على ساق العرش

ربك الكون مسلمه تسليم
بيدك براهين ومفاهيم
سيد العالم والأقاليم


الله اختبر كل صبرك وقاس
يا تاج روس الجنة والناس
يا أبو المحنة
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

هاي الخدمة القدسية
منبر دمعه وروحية
متحب تقصير

خدامك يا ابو رقية
املاك وبحسينة
لازم و تصير
ــــــــــــــــــ
نعمه وخير اعله الودام
ع الخادم والمو خادم
والعنده ذنوب ونادم
تشفعله بهاي

يمعلمنه اعله الدمعه
يمعلمنه اعله الفزعة
بالحك مو باطل نسعه
معلمنه هواي

الخادم تنطي وتقدره
وتوفقه ومنك نضره
ويتسجل عند الزهره
هالموقف راي

هنياله بهايه نعمه
كلمن يتسجل اسمه
باجر ميحير

خدامك يا ابو رقية
املاك وبحسينة
لازم و تصير
ــــــــــــــــــ
للخادم انته الجنة
وتگلة اطلب وتمنة
وما تنطي بذل ومنه
تنطيه بحساس

يالتكرم انته واهلك
أنعم وأكرم من اصلك
بالموقف ياهو المثلك
واحد بالناس

يالمارديت النبلة
مثلك من ضحى بطفلة
وانته انطيت المو سهلة
نحر العباس


قربان الجف والراية
عباسك أعظم اية
قربان جبير


خدامك يا ابو رقية
املاك وبحسينة
لازم و تصير
ــــــــــــــــــ
يحسين اليخدم يمك
لو شال احزانه وهمك
يرضى الباري ويرضى امك
يشعر جازاك

والله اليخدم تسديدك
والخادم مثل اوليدك
وانته تسجلة بجف ايدك
ويفوز هناك

اليقرة جروحك وفقته
بالحب والحب وسمته
تاج الخادم لبسته
يا سيد الهاك

سلطان الخادم يصبح
بس كون اليخدم من صح
منك تقدير

خدامك يا ابو رقية
املاك وبحسينة
لازم و تصير
ــــــــــــــــــ
أقرب من حبل اوريده
باركت بصدره وايده
واليطلم انته تريدة
ودموعه تسيل


واليبجي عليك ويقره
ومن اخيامك بي جمرة
تحضرله بدفنه وقبرة
تلقنة بترتيل

للدمعات اسمك يجذب
اسمك حرز لكل موكب
فطرس واكف متعجب
شايل زنجيل

هنياله العندك ساهم
املاك الحب تتزاحم
يمك وتتدير

خدامك يا ابو رقية
املاك وبحسينة
لازم و تصير
ــــــــــــــــــ
كل خادم ما متواضع
هل من ناصر ما سامع
من خيرك جاني وشابع
ماتفيدة يزور

الما عنده خلاصة ونيه
ومتهدي لناسه شوية
ماتفيدة الرفعه وغية
حتلو مشهور

الخدمة تريد اليتهدة
مو يتعالى وبالعندة
ويستنكف دمعه بخده
ما يشوف النور

الخادم اسمه بكل لهفة
بالحايط يمسح جفة
بلا جنحة يطير

خدامك يا ابو رقية
املاك وبحسينة
لازم و تصير

ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

مشعل ضوه ودربي هوه بس قاصد عليك
دمعي نهر مو بس شهر بالخدمة اجازيك

عاشوري مو ايام
يا سيدي وكل عام
بالخدمة اجزايك
ــــــــــــــــــ
جان الدرب كلش وعر ويعثر هواي
وكل مغريات الدنيا بس ما همت وياي
مشعل حياتي بيمنتي والنية والراي
عطشان بس لخدمتك لا مو عطش ماي

قلبي الضمه وبيدي نرمه بس جوه رجليك
وجان الدرب كلش صعب للخدمه اوفيك

وادرس بجي ولطام
يا سيدي وكل عام
بالخدمة اجزايك
ــــــــــــــــــ
يومية الك حصة دمع من حصة العين
ويومية الك ساعة فرض غير انته الحسين
اني الله خلقني الك كل هاي السنين
هنيالي اخدمك من صدك يمثبت الدين

وي الخدم ارفع علم لو اقرة ونعاك
وبمجلسك من ادرسك واتعلم اهواك

واكتبلك شما ضام
يا سيدي كل عام
بالخدمة اجزايك
ــــــــــــــــــ
يالكبرتني بخدمتك بذرة من الايام
ودنيتني وعفت الحرگ ياكل بالاخيام
يالي تهمك راحتي ويالحبك اسلام
جرعة عشگ يومية الك تزدد الف عام


خلي العشگ ما نفترك يا سيد الروح
يحلى تعب لكن حسب اخلاصي والنوح

بالقلب جمر اخيام
يا سيدي وكل عام
بالخدمة اجزايك
ــــــــــــــــــ
وخرت من قلبي الذنب يا ريحة الهيل
ومن جسمك الما وخرت سهم الرمى الحيل
يا سيدي اطلب طلب بية الدمع سيل
خلي علي حافر يمر من تركض الخيل

حافر الي يا ابن علي وتخف الاوجاع
واني انسحگ يا ابو الصدك وبصدري كالساع

عنك اخف ألام
يا سيدي وكل عام
بالخدمة اجزايك
ــــــــــــــــــ
گاصد عليك بكل وعي رغم الضرف النار
وانت ابن ذاك الما يرد لو يفزع الجار
قربني الك يا بو علي واحسبني خطار
وعيشني اخدمك كل وكت حد ما يجي الثار


صوتي اعتلة جندي الة وحاجب عله الباب
ثارك وطن باجر لمن يرجع من اغياب

للمهدي أدعو وهام
يا سيدي وكل عام
بالخدمة اجزايك
ــــــــــــــــــ
مو شهر خادم واختصر بس شهر عاشور
عندي السنة كلها الك بحزاني مكسور
من أولويات العمر انته يمنحور
قانون عمري بخدمتك والخدمة دستور

كل السنة قلبي انحنى وادموعي بالعين
بسمك خشع دمعي الوكع لجلك يالحسين

واتحزم اني حزام
يا سيدي وكل عام
بالخدمة اجزايك
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

((#حواريون ))                #محرم_1447
……………………………………………………………

حواريونَ صاروا للحسينِ
لعينِ السبطِ تُكرم ألفُ عينِ
عروجُ بالدماءِ .. إلى أعلى السماءِ
حواريون

……………………………………………………………


مامش اذن سمعت هيج . و لا عين الذي شافت
زلم چنها ابعرس مو موت . وحنّاها ابدمه اندافت
چن تسيوره للديوان . ولا چن نبل يتهافت
خاف النخل من الجيش . و هاي الزلم ما خافت

زلم عدهه  . الحرب نزهه  . الذبح قمة سعاده
الوقت طوّل . شوكت يوصل . ويجي وقت الشهاده

دماهْم طهّرت أرضَ العراقِ
إلى الموتِ إنطلاقٌ كالسباقِ
ولاءٌ في ولاءِ .. إلى أعلى السماءِ
حواريون

……………………………………………………………


اتركوني و جمل هالليل . وبريت اوياكم الذمه
گالوله و صدگ مجنون . اليمشي و يترك النعمه
مباح الهوه الكل الناس . وحرام اخلافك انشمه
العمر طاموره حدر اجبال .اذا ما بيه ابو اليمه

يذبحونه . و يگطعونه . والف مو مره وحده
فلا انعوفك . نجي انطوفك . فراشات اعل ورده

معاكَ الموتُ كالشهدِ المصفى
هنيئا مَن يُلاقي اليومَ حتفا
و حورٌ بأنتقاءِ .. إلى أعلى السماءِ
حواريون

……………………………………………………………


طمّن بت علي و گلها . هاي الزلم خدّامج
شجره و خل يهزنه الموت . وتسگط رگب جدامج
عمرنه وابد مايسواش . تراب الداسته  اجدامج
تسحگنه الزلم و الخيل . الا أتعبر لخيامج

يخدر الرب . الچ نركب . على جناح المنيه
مناحرنه . وسفك دمنه . فده لبنت الزجيه

فأنتِ ليسَ تحتاجُ مُقاتل
وذا عباسكِ للخدرِ كافل
أميرُ للوفاءِ .. إلى أعلى السماءِ
حواريون

……………………………………………………………


كلمن للحرب يدخل . احتمالين العگل خلّه
عدل خمسين بالميه . وخمسين أحتمل چتله
بس الربعه گال حسين . ما تبقه نفس عدله
مثل صايم شهر رمضان . وباجر عيدك اتگله

يحيّونه . و يشكرونه . على هاي البشاره
غداً كلنه . الى الجنه . الچتل اربح تجاره

سويعاتٌ و تأتينا السهامُ
و يسقينا على الحوضِ الأمامْ
رجالُ هؤلاءِ .. إلى أعلى السماءِ
حواريون

……………………………………………………………


واحد شايب ومتعوب . وتحس اثمنطعش عمره
وعبد صار ابيض الوجنات . و فاق اعل الورد عطره
و غُلام الگال اميري حسين . و أمه الحزّمت ظهره
ومريم ودت الها اوليد . وهب هاديته للزهره

وبرز واحد . اسد قائد . نزل للحگ يحامي
كشف صدر . شعر يقره . جنون ابحب امامي

زهيرٌ صدرُهُ صَدَّ السِهاما
بريرُ الشيخُ ذا يفدي الإماما
رجالٌ من نقاءِ .. إلى أعلى السماءِ
حواريون

……………………………………………………………


درس مجاني بالصحبه . ومنه الزوم نتعلم
يم صاحبنه بالكلفات . مو وكت الضحك نلتم
صديجگ لو على الحگ چان . افزع حافي و محزم
أجمل قصه ربع حسين . كتبوها بقلم من دم

الرجل موقف . فلا يزلف . عن الدين و طريقه
مَثلها الحُر . وفه يمطر . تبع نهج الحقيقه

يُخيّرُ نفسهُ أصعب خيارِ
أ للفردوسِ يعلو أم لنارِ
و فازَ أبنُ السخاءِ .. إلى أعلى السماءِ
حواريون

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

حماسيه .  ( #وما_بدلوا_تبديلا )    
#محرم_1447
…………………………………………………………

فمنهُم مَن قضى نَحبه .. و منهُم ينتظر صَلبه
وما بدّلوا تبديلا

……………………………………………………………


زلم خالقها الله من زبر الحديد
حتى ميتهم تعارچ روحه
صار يتفاخر جريح اعل الجريح
البيهم الاكثر تكون جروحه
زلم سوت للحرب طعم ومذاق
بيهم العركه اصبحت مملوحه

المات منهم مايوصي لا ابمال و عيلته
يبچي ويأشر بصبعه بالحسين اوصيته

بنهرِ الدمِ قد باتوا . فهُم أحياءُ ما ماتوا
فصار الذبحُ تبجيلا
وما بدّلوا تبديلا

……………………………………………………………


لا حواريين وي عيسى المسيح
لا ربع موسى الذي نجّاهم
واذا اصحاب الكهف ناموا سنين
ذوله ناموا و السهام اغطاهم
هدوا اعل الزهره اصحاب الرسول
وذوله يم زينب جروها أدماهم

جيش حيدر لو مثلهم وضع صفين اختلف
ايصير كل الشام شيعي وحلب تتحول نجف

لسبطِ المصطفى وقفُ . وفيهِم يفخرُ الطفُ
فقد قُتّلوا تقتيلا
وما بدّلوا تبديلا

……………………………………………………………


شگد عجيبه واحنه ما سمعينه هيج
لا ابقصه و لا فلم شفناها
واحد اتگله تره باچر تموت
يفرح و ظل للصبح يتباها
ينتظر چن لحظه افراج السجين
ابشوگ لحظات الذبح تاناها

جيش سبعين الف واحد رفعوا اسيوف الذبح
وتضحك الاصحاب چنهم عيد رمضان الصبح

فإنَّ القتلَ ميقاتٌ .. لهُم تشتاقُ جناتٌ
وأمسى الساقي جبريلا
وما بدّلوا تبديلا

……………………………………………………………


بله منهم خلي ناخذ فد مثال
حتى ناخذ صوره عن الحاله
تگول عمر اثمنطعش راجع حبيب
ركض يهجم يسبگ الخيّاله
اللي يبرز گبل لا راسه يطيح
رعباً الشارب يطيح أگباله

يكله يحسين انا عمك تره مو شايب ولد
سيفي جاع و ما يشبعه إلا رگبة بن سعد

حبيبٌ كالأبابيلِ .. على إبرهه و الفيلِ
وسيفٌ يرمي سجّيلا
وما بدّلوا تبديلا

……………………………………………………………


زينب وتنشد حسين اعل الانصار
خافن ايتركونك ابهل الهيمه
سمعوا وفزعوا و چن حرگة مضيف
وچن سباق و ركضوا اعل الخيمه
احنا يا زينب ابليّاكم عبيد
تره بيكم النه صارت قيمه

عالمخيم أحنا غيمه نمطر اعليج ابرگب
حبل من خيمة رقيه يعادل اجبال الذهب

فقري العينَ يازينب .. فدِا كلٌّ لكِ يذهب
يصيرُ الرملُ إكليلا
وما بدّلوا تبديلا

……………………………………………………………


الدين موقف مو فقط صوم وصلاه
يريد كلمه و لو تتطلب موته
الما فزع للمذهب ابرخص التراب
والفزع يسواله الف ياقوته
تره نفس القصر وي جون وحبيب
اليجي ملفوف ابعلم تابوته

احنا ما شاهدنه عابس شفنه بس زلم الوطن
حررونه امن ايد داعش وانطوا ادماهم ثمن

حسينٌ عندهم يحضر .. عليهِم يَحنو كالأكبر
وباتَ الدمُ تغسيلا
وما بدّلوا تبديلا

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

(مو وكتهة )

حســـين ياخوية.. حســـين ياخوية
……………………
اجيتك وامشي وانة بلاية والي
ادور بل جثث هاذانة حالي
بلكي الكة اخوي حسين غالي

مو وكتهة عيونة تنسد
وبقة وحدي بهل اللام
جيت اكلة افزع النة
شبو اعلينة الخيم
ركضو اطفالك ياخوي
وهسة بية شكم الجم

بعيوني وبالوني ياخوية حزن
تعبني دالالي كل الحضة يحن
هوة انتة وعباسي مو الية وطن
ترضاهة بلاياكم مسبية بضعن
_________

دليلي مجوة خوي شكد حزن ضام
بعدني بكربلة وموتتني الايام
والهضمة الجبيرة امشي للشام


مو احسهة صعبة خوية
امشي وانة بلا والي
عمري ما فاركت اخوتي
همة الية كلشي غالي
بعمري ما شافني احد
وهمة جانو وي خيالي

ارجعلي ياحيلي ودالالي اليدك
مو تدري افراكك يخنكني خنك
حاجيني واميلي خل نسكت العدة
تعبني ممشاتك ياخوة صدك


ياخوية عفتو اختكم هاية صعبة
والي فارك اخوتة يموت كلبة
منين انة التفت الكاهة غربة

انة اميرة وكلهة تدري
بجال اخوتي من صغر
هسة راحو واني واحدي
صعبة يحديني الشمر
خوية كعدو فدوة كعدو
الشامت يموت العمر


فزعلي ياخوية وسكتلي العدة
شتمونة وسلبونة وركضونة الفلة
شكم جمرة دسناهة من نار التشب
ويتامك ركضوهة بصحرة كربلة
———————————————

جابوهة النياك وكال اصعدي
شصعد ياطفل ياحرمة وحدي
فوك الهضمة خوية الشمر يحدي


خوية لا تتركني خوية
انتة اماني وكل هلي
انتة شجرة تفاي الينة
كطعو الشجرة الي
من طحت شو كلهة نادة
هاية زينب بت علي


يحسيني وعباسي راح امشي بسبي
عذروني خواني اليحديني اجنبي
هاي اخر جلماتي الكلبي موش الي
راح امشي بلاياكم عذروني هلي


مشوني بدرب وي روس اخوتي
مابية اسوالف يعلة صوتي
واخاف اليحدي يسمعهة شكوتي

الشامت يتاني بحسرتي
خاطر يصيح اسكتي
ماريد اسمع ونينج
ياحسرتي ردي ردي
الوادم الماتعرف الله
هسة هي بينة تحدي

بعيوني وجفوني ياخوي دمع
يخنكني ياخوية واذاني الفجع
هاية الحسرة التاذي وتهلكني هلك
تضل تاكل ياخوي وتهدملي الضلع


الطريق ابعيد خوية ويكتل اليل
بس شوكي جبير وهدم الحيل
حراس فوكانة تبقة نام بل ويل

بس دليلي يبقة كاعد
وعيني تكره طاري نوم
الضلمة تستر كل ونيني
وتخفي كل جرحي اليحوم
وبصلاتي خوية صعبة
ابقة كعدة وما اكوم

ياحيلي وياليلي موتني اليدك
ابجيلك مشتاكة ياخوة صدك
موتني هجرانك عذبني الفكد
ياخوية ويا عيني ويا آخر عشكتة


✍🏼: يونس علي الكعبي

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

كلشي تّغير من صحت ظِل العرش لجلك رجف
وجبريل صاح لوالدك بس من طحت شنهو الهتف؟
هم باقي شي مامنهدم
لَّمن بقيت ابلا هِدم؟
وظِل العرش لجلك رجف!
…
اختفه نور النهار اهناك وتّحول للظلام التام
والبيهم نجه ابراهيم صاروا عرضه للظِلاّم
الحقد محتل نفوس الناس ومبرر حرك الخيام
والحك لو حجه يردوا والرد يرمي صوبه اسهام
ماصارت قبل بالكون صَعدوا عالهزل الاسلام
والسر باقي فوك الكاع ثلث تيام ماينظام

حته العطش لاهل الصدك يروي صبح مابي ضمه
وكلمن وكع يصرخ علي يوكع ولكن بالسمه
هذا الامر رايد فهم
لَّمن بقيت ابلا هدم
وظِل العرش لجلك رجف
…
اختنكت صرخة المظلوم ومامش للحرم فَزاع
وصَلت كعده مو من هم لكن حته تهده الكاع
ركظوا عالسكوت اخذوا والموقف صبح ينباع
مولاي اختلف كلشي والشر بالعلن ينطاع
لسحك صدر الخلود هناك صارت للزلم اطماع!
ويا عقل الكدر يفهم جسمك بالحوافر ضاع

الاعجب بعد صمت الارض لَّمن مشوا بيك برمح
ومطرت سماكم من دمه متحملت هذا الجرح
وكل حيل ظل ابلا عزم
لَّمن بقيت ابلا هِدم
وظِل العرش لجلك رجف
…
غروب الكلمه ثابت ضل بنفوس الوادم الضدك
المايملك يقين وراي يشوفك بالحرب وحدك
والعِبره اجت يحسين رفضت سيدي اتهدك
وفهمت لليريدك كون يشارك عَبرته لجدك
وجانب بي مدافع جور رايد يوصل لحَّدك
ومايدرون حرف ال لا انرفع لَّنه اجه بردك

يامقتل البي تتضح؟ وماتنفهم دون الالم!!
دونك يظل عاري الوصف وماتبقه قيمه لاي قلم
واشلون افهمك منلجِم
لَّمن بقيت ابلا هِدم
وظِل العرش لجلك رجف
…
الفكر والمعرفه البالكون عجزن سيدي بأمرك
وصبر كل الرسل مولاي عجز لَّمن نظر صبرك
والامكان ظل ايصيح مايُمكن فهم سرك
وانته اللي خلقت افكار بيهن نفتهم شهرك
شنو فضلي الك مولاي وجبتني خادم بدربك
وثبت كل عالم التمكين بس انته الفهمت امرك

مو انته دمعة خادمك حيرت عقول وبيها سر
دمعه الها قدره بالحشر تطفي العذاب المُستمر
وكل هذا والامر المهم
لَّمن بقيت ابلا هِدم
ظل العرش لجلك رجف
…
تغير كلشي يامولاي والثابت بقه يفتر
اختفه كل واضح بهالكون وبس نحرك بقه اليزهَر
مالك انته حد مولاي اشما حدوك تبقه اكبر
السهام انصدمت ابنورك وبصدرك بدت تعثر
الشمس من اختفت مولاي راسك ضَوه للخِدَر
حد معرفتي هذا اوياك سامحني يبو الاكبر

مو عجبه من ابجي الك يلباجي الك حته الحجر
بس انته اليّ يخدمك صدك يتخلد اسمه اويه الدهر
الفكر الذي ماينحسم
لَّمن بقيت ابلا هِدم
وظِل العرش لجلك رجف
..
مجتبى الدفاعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يهلال الشهر
هم عندك خبر ؟!
الليله بيا عزه
يبچي المنتظر
...
يا محرم من تجي وانظر هلالك بالمصيبه
اذكر المهدي ‏الغريب اشلون يبچي اعله الغريبه
كل سنه تمر بعذابه وشيبه يكثر شيبه شيبه
شما ذكر طاري المخيم گلبه يسعر من لهيبه

دموعه الهامله
ترسم كربله
وعيونه اشكثر
ذبلها السهر
...
من يشوفك ياهلال اتذوب روحه وتغفه يا عين
اتميل العمامه عله راسه
لو تذكر اعمامة حسين
يگله ياجدي اعله راس الرمح راسك والجسد وين
لياوكت مذبوح وانه دموعي حمره مرت سنين

كاتلني الحزن
وانت بلا دفن
للشيب خضيب
شيبني الدهر
...
يا هلال اسأل سؤالي وبيمن ابدي والحچي هواي
ما تگلي شيحچي گلب المهدي لمن يشرب الماي
يذكر العباس لو يذكر سُكينه وحيرته بهاي
لو ذكر عبد الله ضامي الف موته يموت مولاي

شما يذكر هله
يلعن حرمله
يبچي لوحده
مكسور الظهر
...
بهاي ايامك اشوفه لكربله يروح بيا رزيه
يطب لخيام الحسين ويذكر النار يم رقيه
مثل زينب روحه تركض فوگ تل الـ زينبيه
يصيح يا عالم هظيمه انشاف طول الهاشميه

الضربو عمته
يبچي بحِرگته
يذكر بت علي
لو جدمه عثر
...
من يشوف النوگ يتذكر سبايه ما رعوها
مدللات ام الحسن بحبال خشنه چتفوها
طفله طگوها بمتنها ولون تبچي شتموها
وطفله حرموها من ابوها والتراچي سلبوها

يا شهر السبي
بچيت النبي
ايامك حزن
وساعاتك قهر
...
خادم الحسين (عليه السلام)
كرار حسين الكربلائي
(ابو كميل)

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#قصائد_محرم_
#محرم_الليلة_الثالثة_
لمولاتي فاطمة العليلة(صلوات الله عليها)

#بندرية_

طگ گلبي بوية وحنيت
وحشه عليّ صار البيت
ليل الهجر فجرة طال
لذاك الحنان اشتاگيت


من رحت من عيني_يحسيني
كمت احس بغربتك من تبتعد…
صرت احاچي بروحي_وجروحي؟
تگلي ماضنة بعد حلمچ يرد…


چنت أحلم أمشي وياكم فوگ الناگة
معقولة عيوني بهجرك ماااا تتلاگة
مااگدر بوية اتحمل ضيم افراگة..تعبانة هواي

بعيونك لمن دارت أخر نضرة
رديت وروحي خلافك بيها الكسرة
مو هين تدري غيابك ضيم شكبرة..يكسر مگفاي


بوية حسين اا يحسين يابوية….

________

كلش تعب گلبي حيل
وي الهوة گمت اميل
لعبدلله هواي اشتاگيت
يگضي دمع صار الليل


اهواي اخوي اشتاگة__بفراگة
كمت اناغي بصفنتي وارسم مهد…
دمعي تارس عيني__ياذيني
يمي كاروكة اهزن بي ورد…


لعبدلله اشتاگ وتاخذ روحي الحيرة
تدروني شلون اتحمل انة زغيرة
بس دمعي ضل خلافك مالي غيرة..ترجع هيهات

ماضل خاطر بغيابك ما كاسرتة
من اسمع تحچي الوادم عاف ابنيتة
راح وضلت محتارة شگد ناطرتة…تذرف دمعات


بوية حسين اا يحسين يابوية…

________

جرحي بعد ما يطيب
جاني الخبر ضل غريب
حسين انذبح ما يجيچ
عيشي العمر بس نحيب


احسين ابوي الغالي__أمالي
كلها هسة بموتتك ماتت بعد…
امنيتي اشوف عيونك__من دونك
بوية چا گلي بعد المن اصد…


شلون يذبحونك ضامي ويعطش نحرك
مااا عدهم كل حنية تعبو گلبك
من شفت بزينب طلعت ماضل صبرك..تندب يم عون

ياحسرة گلبك لمن زينب صاحت
ياخوية ادركني خيامك كلهن طاحت
وبلهيمة اطفالك بلبر تالي احتارت…ياخوية شلون


بوية حسين اا يحسين يابوية…

________

عمتي بضعن من اجت
نضرت علية وبچت
گالتلي كلشي انتهة
ورقية هم ما بقت


وسفة عمه ارقية__مسبية
ماتت بدرب السبي تالي وگضت…
وردة ما رحموها__أذوها
لشام ما يرحم ابد مابي بخت…


مايرحم درب الشام شگد عذبني
مو مرة؟ هواي بدربة چا موتني
من ديرة وادخل ديرة ما يرحمني..موتني الشام

انة المحد يعرفني؟ وعرفو اسمي
هاي الكسرة الموتتني وحرگت دمي
چنت بهيبة خواني وكلهم يمي…وتجمعنة خيام


بوية حسين اا يحسين يابوية…

________

محسن الباوي

اللهم عجل لوليك الفرج
________

لحن القصيدة 👇👇
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4