#قصائد_محرم_
#محرم_الليلة_الثالثة_

مولاتي فاطمة العليلة(ص) معَ وداع أبيها الحسين(ص) تحچي وياهـ وتگلة قبل لا أودعك گلي بوية شوكت موعد رجوعك حتى اعيش على أمل اللقاء والانتظار،،،،


ماريد؟ أودعك
گلي برجعتك
شگد أحسب ويمتة ترّد

يَذبح وداعك
وانة عليلة
تدري الهجر يمرد مرد


شلون أگدر فرگاك
تعلق گلبي اوياك
عيني تصد ممشاك__جِرحتني

تحَضر ضعن النوّگ
وضل گلبي لمحروگ
نار بروحي الشوگ__كتلتني


لحضة وداعك موتتني
ليش بركابك ما خِذتني
هجرك فِتح باب لعذابي
علتي؟ وفرگتك ألمتني


ااه_سارن ضعونك
ااه_ميتة بدونك

___________

وية سكينة
تمنيت اروحن
وعلتي گلت بلكت تطيب

صعبه علية
كلكم مشيتو
وتدري لهلة يحنّ الغريب


مودع بس؟ بهداي
خل تشبع عيناي
ادري الفرگة هواي__واتلوع

خطوةّ هجرك نار
شلون؟ أرجع للدار
شوفي! وگلبي احتار__ماترجع


ماترهم الفرگة الطويلة
تدري بگلب بنتك عليلة
لازم اشوفك حتى أطيبن
بس ضعنك مطولّ رحيلة


ااه_سارن ضعونك
ااه_ميتة بدونك

_______

مچلبة بثيابك
بوية العفتهن
بحضني أشمهن يلا إنام

وياخذني حزني
واغفة بدمعتي
حدما يمر وكت الضلام


اسئل شنهي الصار
وهجرك فك اسرار
طير الجاب اخبار__بدمومة

گلي ضل عطشان
بنص وادم حيران
خيامة بس دخان__بلحومة


مذبوح ما يرجع حبيبچ
يا فاطمة زيدي بنحيبچ
الحلوه؟عيونة ذبلوهن
ما تنطفي جمرة لهيبچ


ااه_سارن ضعونك
ااه_ميتة بدونك

_______

وكسرتني عمتي
زينب غريبة
رد الضعن بس شرجع؟

ردتّ وحيدة
مو كلها رجعت
وزاد الألم بية وجع


عمتي شصاير بيچ
حزنچ چنّ عاميچ
ضيمچ شو غاطيچ__احچيلي

گالت ماكو اخيام
وگالت ااه الشام
جرحي ولا يلتام__يا ويلي


أحچي؟على العاشر عذابة
لو؟ أحچي خلوني بخرابة
لو؟ أدفن بأيدي رقية
لو علسبي ذاكة ومصابة


ااه_سارن ضعونك
ااه_ميتة بدونك

_______
#محرم_١٤٤٧هـ_

محسن الباوي

اللهم عجل لوليك الفرج
_______

لحن القصيدة 👇👇
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

ابوذيات السيده العليله


دليلي لا تبطل الون بعد وين
اعله ابوي المايصح مثله بعد وين
ضاع الشال بضعونه بعد وين

مشه وماردلي من الغاضريه

شكيت الحال للحداي بس ما
نفع ويكلي ابيج راد بس ما
هضمني الناعي لمن صاحً بس ما

انذبح عطشان ابوج اعله الوطيه

ضرغام منعمً الكربلائي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

وداع بين  العليلة ورقية ع
                        .....................
للرحيل النوك احس اتحضرن

خنتوادع كبل لا يمشي الضعن

راح تبدي اشواكنه       جن يطول افراكنه

               يارقية   يارقية
                         ................................


يختي وي شدت الهوادج بتوت كلبي اتكطعت
وحك عينج يا رقية عيني امس ما غمضت
البارحه افتر عل هوادج روحي ابد ما هودت
شايله اهدومي اعلى متني وياكم امشي اتأملت

  كلت بلكن والدي يكلي تعاي
  وايست صارت بعيدة اعليه هاي

بالهوادج عاينت   امجان بيهن ما شفت
           يختي ليه    يارقيه
                
................................................

ضلي يمي ارجوج ضلي لاتروحي وي الضعن
بيه معالم موت وجهج ليه متعودين اضن
اعليج احس مخموش كلبي وخاف يبعدنا الزمن
كربي يمي وخل اضمج خل نحط حضن بحضن
         
  اليوم بموادع هلي كل عمري ضاع
  الساتر الله يختي من هذا الوداع

دمع وشلت عيني     والمرض ماذيني
           شهالرزية     يارقيه
......................................
يختي اوصيج بوصايا املحة بمجرى الدمع
وكربي اذنج لان صوتي من البجي ما ينسمع
اول اوصيتي بأبونه الغيبته ما تنجرع
بالدرب صيري بخدمته ذوبي اله مثل الشمع
        
صيري مثلي وركضي كبل احجايته ومن يأذن افرشي مصلايته

ولاطفيه يرويحتي         لا يحس بغيبتي
                ويهم بيه   يا رقيه
.............................................................


يختي عينج عالرضيع ازغير ويتعب الدرب
ترف غطيه بعباتج لو هوه البارح يهب
بهدمي لفيه لون يبجي الريحتي ادريه يحب
وبالج اتخليه يعطش اذكريه وكت الشرب
            
بالحضن لوليله لو غطه الوسن احساسه راقي وما ينام الا بحضن

شكد رقيق احساسه    العايشه اعلى أنفاسه
               يحن عليه     يا رقيه
...................................

حيل حلوات بإذانج والتراجي اتلوك الج
بس اوصيج انزعيهن يا رقيه اتوسلج
انه عندي إحساس باجر هالتراجي اتألمج
يمكن يسلبوها منج والدماء اتفيضج
                 
وهالعباية شو خفيف اقماشها
اخذي جلدة لسياط اتحاشه

ليش احس يسبونج      يختي ويضربونج
                 بالغاضرية    يا رقيه
....................................................
حيل شميني واشمج اضن ما نتلاكه ابد
لو تردين انه ميته لو بغربة انتي بلحد
عالسفر ينصبر هين  يختي لاجن الأشد
من يرد الضعن باجر جم عزيز الما يرد

امكوطرة بس من ترد اضعونه 
تردون بيها مدري متردونه

خايفه انه اضعونكم     ترد عليه بدونكم
                وترد خليه      يا رقيه

.....................................
الشاعر
                                             مذكورالعلياوي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

بضعونك وين. ترحل يحسين
بداري الموحش خليتوني
ليش وياكمً ماخذتونيً

—————————————————
حضرت روحي من العصر كل ضني امشي وياكم
روحي على الناكه صعدت من العصر. تتناكم
تنزلونها شنهي السبب كولولي أترجاكم
أخذوني لو خدامه أصير الكم ولافركاكم

فركتم موت مثل التابوت
فركاكم يطفيها عيوني
ليش وياكم ماخذتوني

——————————————-
شمسويه بويه وما تريد اصعد بهاي ضعونك
سولفلي بويه اعله السبب خل أفتهم مضمونك
ليش من اصدلك تصد لي ودمعتك بعيونك
تدري العليله مدلله. كلفه تعيش بدونك

تشربني دواي. مدللني هواي.
بداري الموحش من عفتوني
ليش وياكم ما خذتوني

——————————————-
ماصار ساعه من رحت والشيب طش براسي
فركاكم السلاني سل بل كوه اجر ها أنفاسي
موعدله تلكاني تره من ترد ياعز ناسي
جن موت يمشي وي الضعن هيجً انه يقرأ إحساسي



بروحتكم هاي. عطشانه هواي
من جود العباس اسكوني
ليش وياكم ماخذتوني


—————————————-

تفشلت روحي التنتضر تمشي بضعن والدها
ماتخسر انته لو كلت ويانه خل نأخذها
وبنيتك كلفه تره وزحمه تضل وحدها
بويه العليله لو رحت مايضل شي من عدها

بفركاك شلون ذبلانه ألون
أتنفس ماضن تلكوني
ليش وياكم ماخذتوني

———————————
مدري بعلم مدري بحلم شفت الخيول العشره
تراوتلي تسحك عل جسد وحافرها يطحن صدره
بعمري وحياتي ماشفت خيل الحجر تفطره
وضلع الصدر من الضهر طالع وخاسف حفره

حافر مسنون بل دوس شلون
تمنيت يدوسن بمتوني
ليش وياكم ما خذتوني

ضرغام منعم الكربلائي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يالكل سنة توادعني وتروح
تعوف العليلة بگلب مجروح
تعوفني وحيدة وتهاجر...بيمن احسن من عاشر
.......
بكل سنة يمرني محرم وانا اعيشن نفس الجروح
هم تودعني وأودعك وترد ليه براس مذبوح
يا دمع يكفي لفرگتك يا لطم يكفيني يا نوح

أصبّر بالگلب شيصبر العين
لفراگ الأبو ينراد حيلين
الموت اهون ولا فركاك يحسين

انتظرك تردلي بويه كل عام
عيوني مواعدتها بحظنك تنام
باچر يذبني اعلى باجر...بيمن احسن مني عاشر
........
بعيني ينعاد انكسارك من تركتوني ومشيتو
ورحت مامنطيك گلبك تلفتلي شما بعدتو
لهسه ما قنعان گلبي بكربلا بويه اندفنتو

ويه كل جرت نفس انتظرك تعود
وأكل لروحي هيدي حسين موجود
ويرجعلي ودمعتي تعوف الخدود

اظل شما بطيتو عني يحسين
على درب الخذاكم شابحة العين
عدله لو ميته اناطر....بيمن احسن مني عاشر
.........
تدري ما حاجه اذكرك فركت الوالد ثگيلة
المو عليل وعاف اهله فراگ اهله يهد حيله
چا تركتوني وحيدة وحيل ما بيه وعليلة

وأصبر گلبي گوه بهاي السنين
وأكله بهالسنة ياخذني لحسين
وينعاد انكساري ونفس الونين

ويكلي گلبي شوكت ارتاح
وما يرجع حسيني اعله الرماح

ووجهه ما ينعرف صاير ..بيمن احسن مني عاشر
...........
.بكل سنة اترجاك امشي بضعنك ونفس المآسي
هم تحسسني يتيمه وچفك تمسحه اعلى راسي
زغيرة مو مالت غريبة لكربلة يرحون ناسي

ادري بويه لفركت بنيتك متكدر
وكل سنة تخليني وحدي يابو الاكبر
ونفسه وجهك من عفتني لهسه اصفر

صوتي لهسه اخذني اعليكم يصيح
عفتني ورگه بيه يلعب الريح
حيل ما بيه وأكابر .. بيمن احسن مني عاشر
...........
بكل سنة تروحون وابقى انا والدار وغربتي
النوم ما مر بعيوني بعيني مرت بس دمعتي
وهم يرد ليه ضعنكم وماعرفها ياهي عمتي

سموم الهوا وحر وشحّة فياي
زينب ياخو زينب چنها مو هاي
متغيرة يبويه عمّتي هواي

أعرفتها شما رجع ضعن السباية
مو من الوجه من العباية
شما تجي مكسورة خاطر...بيمن احسن من عاشر
.........
مرتضى يوسف
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

راحت اضعون المحنه
ضيعيتوني يهلنه
محترك صدري عليهم
ونت الفاگد ثگيله
بويه بويه بويه بويه

**

ضيعتوني بجرح ماصح طبيبه
اوكف اعله الباب محتاره أو غريبه
بويه وينك اني يحسين الحبيبه
ماترد گعدتنه ذيجه ياعجيبه


چانت اللمه اويه اخوتي
بهالسفر اتمنه موتي
دمع المعاتب اسيله
ونت الفاگد ثگيله
بويه بويه بويه بويه

**

راح اخوي احزام ضهري وغرباني
چلمه الخويه قبل حلوه بلساني
ياهي مثلي عدها الأكبر يازماني
وراح عبد الله وبعد شو أجاني

وين اخويه الكله غيره
ضيعاني ومالي غيره
حمل فگده مالي حيله
ونت الفاگد ثگيله
بويه بويه بويه بويه

**

ماشفت راحه امنهدكم يالحبايب
شيبت من صغري بويه بهل المصايب
شلون تغمض عيني بعدك وانته غايب
بس صوركم بالگلب والجفن ذايب

عذبتني المغربيه
من يمر ذكرك عليه
انسه هاي المستحيله
ونت الفاگد ثگيله
بويه بويه بويه بويه

**

گمت ادور بالهوه نفحة عطرهم
ياهو لي يروح ويرد ليه بخبرهم
گلبي خايف يرجف بهذا سفرهم
الموت تارس بالي بسلا أهلي مرهم

الله يستر من طفوفه
منذبح والدنه اشوفه
أيست ماكو وسيله
ونت الفاگد ثگيله
بويه بويه بويه بويه

**

امشي يم أم سلمه وبروحي حسره
قصة القارورة من گالتلي حمره
يعني راح حسين ويلي انذبح نحره
ويعثر الحافر يولي فوگ صدره

اه وال آه بعذابي
گلبي مافارگ مصابي
لا ني اندل وعتنيله
ونت الفاگد ثگيله
بويه بويه بويه بويه

**

هاي هيه يعني مايرجع ابونه
وچنها زينب حشمتله سلوبنه
من على التل هاي يخوتي اتلاحگونه
برمح عالي حسين مانامت عيونه

صلت اعليك البواتر
طافت بصدره الحوافر
هالخبر مابيه حيله
ونت الفاگد ثگيله
بويه بويه بويه بويه

**
علي محسن الفرطوسي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

فاطمه العليله (ع)
انه ميته منزمان من وداع حسيني
من وداع السكته حان حجت عينه وعيني
* *
شدت العيله الرواحل والفواطم گامت
والهواشم رف علمها وبالكفيل تحامت
وانه بس بدمع سكته والنفس ما لامت
لا فرحت بلم شملهم لا جروحي التامت
ولا دريت بيا مكان لاخبر يلفيني
ضيعت حتى الامان وحجت عينه وعيني
* *
ودعيت حسين سكته بس قريت عيونه
مبين وداعه الاخير وعطش شفت بلونه
سكته وعيونه حجتلي وگالت يذبحونه
ومن حضنت الصدر گالت باجر يسحگونه
وبوسط هذا الذهول دمعتي تواسيني
راح اضل بهالذبول وحجت عينه وعيني
* *
لازمه بجفه وحجتلي خنصره يگطعونه
وطرف ثوبه المسح دمعج باجر يسلبونه
وهذا شيبه يالعليله بالـدم يخـضـبـونـه
وعلى راس الرمح راسه وبينهم يهدونه
گمت اشم خده وابوس والحجي يأذيني
باجر تغيره الشموس وحجت عينه وعيني
* *
اسمج يصير اليتيمه بعد متودعينه
بعد مايحدي بضعنهم ماضن تشوفينه
الغربه اليضل بمدينة كلها ذكرى بعينه
الغربه اليودع حبيبه والحبيب حسينه
كون ابو الاكبر يروح موتتي تداويني
ضاله احسب بالجروح وحجت عينه وعيني
* *
عيني تسال عينه واسمع حالت اهله وناسه
خدر زينب وين يصبح كافله وحراسه
گالت يضل ع الشريعه بهيبته ونوماسه
راس اليطر الكتيبه الناس تطلب راسه
لا يسار ولا يمين وهذا اليبجيني
يضل مكسور الحسين وحجت عينه وعيني
* *
اخبار عن ليوث هاشم زيدت حسراتي
ونار التشب خيم زينب نزلن بوجناتي
وبعد ما تسأل عيوني وعجلن دمعاتي
كون ابو فاضل يطيح و ينسبن عماتي
كون اروحن وي اخوتي وانسبي يخليني
وكون فوگ الراس موتي وحجت عينه وعيني
***
خادم الحسين ع
علي العزامي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#مولاتي_ العليله ع

وگفت وعيني لحسين == هسه يوصلني واتاني
كلهه صعدت بالهوادج
وانه ضليت ابـ مچاني
كل ما حرمه تصعد == دمعي ينزل على خدي
ما يكلي خاف الحسين
يالعليله ويانه صعدي

ما بين وبين حرگت كلبي وديـرت ضهره
متأمله حسين يرزق روحي بهودج نضره
تانيت اشـكد انـضر عينه وبـيه الكـسره

بگـلبي گـتله يبـو ضـيمـي == هـا يـغالـي ==
صـحيـني وگـلي تعالي
مثل جفي اشفافه ترجف == صعبه تحجي==
بويه ابقي وعينه تبچي

كلام السكته يعني موتي
كلام السكته يعني موتي
============================

لزمـت ابچـفه گتله == وين عايـفنـي يـروحـي
بيــن حـيطـان الـمـديــنه
وبين كسـران ابـ جـروحـي
عبدالله يبجي شوفه == ايريد حضني بويه اقبل
واحلفـلك ابطول المسافه
عــن دواي ولانـي اسـئــل

دنك راـسه وحـبيته ابـراسه وگتـله ابهـاي
واگـف حلـمي اعله حجايه ويتحقق منواي
ضمني الصدره ونزلت دمعاته براسي هواي

كتله هااا يحسين تقبل == گـلـي ضلي ==
وعيني دارت هظمه لهلي
رحت صوب الناگه اركض== ابـ دمعتي ==
كتلهه رفعي ايدي يختي

تباوع بالهظم وترد نخوتي
كلام الـسـكته يعـني موتي
============================

ايروح الـعمتي اروحن == يجـي يم ارقـيه الحگه
من يفتـر ابـين الـهواشـم
اجـي من اكـفاااه واشـبگه
اهـدن حيله ضـلـيـت == وهـايه اول مره اتعبه
يـدك اكـثـر مـن ســؤالـي
گـلبي مـن صار اعـله گـلبه

افراگ وشوگ ونضرة خوف اهناا حسسني
شال اهـدومي بيـده وگـال اخـذوهن مني
صبيـت افـراگ لمـن شـفته اتبـعـد عـنـي

كل خطه من يمشي اجيله == تعب شفته ==
وكتله تعبي منك انته
هايه ما صـارت ابــد هـاي == ابـو يكـسر ==
گلب بنته والهه ينضر

يدير گلبه وبحـلي صـوتي
كلام الـسـكته يعـني موتي
============================

مــن كـد مـا انـاشـد == حتى نوگ اهلي بچتني
وكـتله بـويه ذيجـه نـاگه
بــس خٰيم بيـهه اخـذني
وصل وبحاله مو زين ==حجه ومن ناده بسمي
رايـد ايــگـلـي مـريـضـه
وكباله يركض كام جدمي

محتار حسين يدري الـ بيه بسرعه انه اتعـب
يركض جاني وضم وجهه ابگلبي وضل ينحب
اتعذرلي هواي اتـعـذبـت انـه وهـوه اتعذب

سرج ميمونه الـ رحاله == وبده ضهره ==
ياخذ اجدامي اعله هجره
دنكت راسي ابـ كسرتي == مشه الرحمه ==
وبعد ما يرحمني اسمه

الابو اخذ من بيتي اخـوتي
كلام الـسـكته يعـني موتي
============================

ايتلاشه صار ضعنه == وسفرّ الكلشي اعله موته
رســمت اعلـيه رحـالـه
مـا يـرد هـوه واخـوتــه
البيهه اهـواي كلي == اعرفت هـسه الـ ارجعي
يعـني زينـب من خيامج
من اطـيحن لا تـطلــعي

ايسمعني وچان قصده زينب من الخيمه
موش اطلعين تطلع روحي وغربه الهيمه
بالبيت وزاد كسـر العـاشـر بـيه وضـيمه

چان كلمه ايكلي اخـافـن == {اعليه}تالي ==
اعله ارقيه خايف والعيالي
الخيمه والمــغرب عذابه == وبهـايه ناره ==
تموت هاشم والغياره

بين روحي صفنتي بسكوتي
كلام الـسـكته يعـني موتي
============================
سجاد ابراهيم الكعبي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

للممشه اهلي تحضروا وافرحت
دواي ومتاعي لسفر حضرت
جابو محامل لضعن بس انه
ضليت بس من الفشل ما متت

معلوله... ليش المرض باگالي اسمي
              كالو عليله وزاد هضمي
               وسكتني العباس عمي
معلوله..... لحكيتهم والدمع هامل
             جا مالت الله احتاج كافل
             عوفولي الاكبر لو بو فاضل

ناكة اذا ما اكو الي امشي ع الجدم
  و ما اكول اتعبت و اجرع الالم 
ولو جوتني الشمس استضل بالعلم
...............................................................
ويه الهوادج ما شفت محملي
ثاري السفر كاطع رحم وي هلي
شواية الله اعله الهزل تنصعد
شحال الكلبها وي المرض مبتلي

عافوني .... موتي كرب وابعد ضعنهم
                    ما نشدوا ولا جني منهم
                   جني غريبه وموش بتهم
عافوني.... جا وين ابوي  وين الاكبر
                  ياهو اليكلهم اني مكدر
                 كسرة ضوى كلبي تكسر

رجعوا الي صيحت ويرجع الصدى
ع الورد كل فجر يسير الندى
الهضم والالم ويه السفر بده
....................................................................
كالولي معلوله وكلت طايبه
وجفوفي بمتون الابو مجلبه
صعدن خواتي وانه اباوع جنت
رقيه اعله هودجها شفت راكبه

يا حسره... صعدن خواتي واني اباوع
                 لو ميته هم ما عندي مانع
               ولا عيني شافت ضعن طالع
يا حسره.... . كالوا عليله وانتي ردي
               وصيحت بويه وكلبي يندي
                بلكت يكلي بحضني اصعدي

كابرت والدمع يفضح اليحب
من الفجر للفجر جاعده انتحب
ما طبك هلجفن طارش ارتقب

....................................................................
ما ناخذج مو من مرض بس خطر
المن خذوا عبدالله جا لسفر
من فراكهم هذا الدمع مو مرض
وكلبي مثل حنطه برحه من القهر

ملجومه..... وضمني ابوي لحضنه تالي
                 وكتله اسمع بنيتك يغالي
                    من شاربك اطلب دلالي
ملجومه...... بويه اني هم مثلك حنينه
                   وياكم اخذني بالضعينه
              احسبني مثل خوله وسكينه

من شبكت والدي وانه المدلله
وجه داره وبجه وعاين العايله
المره الاولى من اجي ما يكلي هله
................................................................
ع الناكة لمن صعدوا عَمتي
صدت عليه وعاينت حسرتي
نزلت من الناكة ودمعها يهلي
فرفَُحَت وهنانه عرفت علتي

بدموعي.... كتلها عمه مو عليله
           واعله الضعن ماني ثجيله
               عمه الهجر ما بيه حيله
بدموعي...... باستني كام تهدي بيه
                 وكتلها عمه اني جويه
                 واني الالم ما خله بيه 

المغربيه الخلك حرمل احركوا
واحركت روحي انه واهلي ما اجوا
وجم نذر انذرت من تعطلوا
........................................................... 
الشاعر.... مرتضى عامر الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

كعدت تشتكيله فراكك مالي حيله
تسولف ويه ابوها مولاتي العليله
__

عيني اعلى الدرب كلساعه اكولن جاي
بس انه وغربتي ودمعتي وياي
يالخيمه الحنيه ومن تروح ابعيد
بعدك يالابو ما ضلتلنه افياي

تحجيله ابدمعها ميت ما سمعها
تسولف ويه ابوها وتشكليه بوجعها

____

يالتسمع همستي اكبالك ابكل صوت
تكدر تلتفت لو كيداك الموت
حاجيتك يبعد عيوني احجي وياي
كل وذره الك تاخذني للتابوت

شوفت وجها عازه كل وذرة جنازه
تموت وتحيى بيها بالونه اتجازه
____

روحي لكربله جم مره بيه اتروح
والكاها امنفز تلهج خيم وجروح
يا يوسف حياتي الاخراك الموت
بالمغرب احس الدنيه بيك اتفوح

شكد تتمنه يمه تشكيله وتشمه
لكن ما تحقق ضل عالغبره جسمه

___

مرات انسه روحي وما كدرت انساه
كل شهكة نفس بالرده تصبح اه
واقع مو حلم هذا التكوله الروح
بالبيت الابو يا هالخلك محلاه

ضل عالغبره دامي ما يسمع كلامي
تسولف وي كلبها لشوفت وجها ضامي
___

كل مغرب يحن كلبي يروح ايريد
واعرف ما يرد ويظل ابوي بعيد
شيصبر الفكد لو جل عليه الليل
مثل المحترك ما يقتنع ويهيد

الفاكد عده صعبه يهيد بليله كلبه
يضل يدعي ويناجي ايعجل وعده ربه
__

#لاتنسوا_صاحب_الزمان_من_دعائكم
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

مولاتي فاطمة العليله ع

دارت الــــــدنيه وجزتنه العافيه
من رحل عنه ابو الضحكه الدافيه
فكده كل لحظه بعمر
فركة الغالي جمر
****.
العدهه ابوهـــا..........تعيش حره مدلـله
ما تشوف اي معظله
كل صعب تستسهله
بياله ما تدناهه حيره
تعيش محشومه واميره
والظهر للهم تديره
والدهر ما تشعر بآلامـــه
بظهر ابوها لو يصوب سهامه
وما تهم ل هالدهر
*.
هو خيمه...........كله حب لعيلته
وكل مصاب الشافته
تروح كلها بضحكته
تمحل هموم لاجلنه
والدي يا ناس جنه
ليش عن حضنه ابتعدنه
شال حنية النبي بظلوعه
كبل لا نبجي تسيل دموعه
علينه دمعاته تخر
****
النه هيبه.............شحده من يدنه يمنه
عياله بيه مــــــــأمنه
ماكو شر لينه اعتنه
ويلي من راح وتركنه
الهابته صارت تسبنه
والكفر لينه تعنه
راح هيبتنه والسور العالي
ترضه نتشتم يبونه الغالي
خلافك يسبنه الشمر
*.
والله غالــــــي...........بالكلب باقي مكانه
جان ماخذنه بحنانه
ياوسف خالي مجانه
فركة الغالين صعبه
وريت من اجدامه تربه
منين اجيبن طيب كلبه
ابو الحنيه رحل عن داري
وانه بفراكه اوج بناري
منين من عكبه الصبر
**.

يازماني...........راح ابو الكلب الحنين
وين الكه مثله وين
ماكو منك يا حسين
رحمه بيه كد السمه
مثل رحمة فاطمه
بياله ما نعرف ضمه
جان يروينه ودليله ضامي
يشيل حتى الشوج عن اجدامي
العشنه وياه بستر
****.
ظل مكانه..... خالي بيه بس ريحته
والله توحش غـرفته
خالي موضع سجدته
صاحب الخيمه الجبيره
تحت حافرها مصيره
شلون ينلم بحصيره
خالي بويه مسجدك يالغالي
وتحت حافرها اشوف امالي
بقه منه بس عطر
**.
ونسألكم الدعاء والتوفيق
لخادم ال محمد(ع)...............الشاعر حيدر كاظم الساري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4