مولاي الاكبر ع

بـلا روح وطـلـعـت اركــض
ومـحـد غــيـره لاچــمـنـي
اشم ريحة علي ابكل صوب
چـا ويـنــه عـلـي ابــــنــي
الله اولـــحــد وكـضــيــت
گلـبـي اعـليـه يــوجـعـنـي

وصلت الـ حاله اسئل عن علي گلبي
طـايـح وين دلـيني اعـله ابـو تـعـبي
بعد وحسين ماهو حسيـن بالـوادم
اروحن وارجع امـدوهـن نفس دربي

اريد اوصل ابني
وكفت وحيره اوصله علي امنين
الجدم گلي منااا
وگلبي ايصيح منا رد يالحـسين
==========================

ابـو الفـاگـد تـصـيح الناس
وروحـي اتـجـذب الصـايـح
ويـن الله واشـوفـه ابـخـيـر
ويرد ضـهري الـ عـليه رايـح
اعله گـد مـا غـوشـت عيني
{ما شفته}ويـمي هلـ طـايح

دنـگـت اعـله ابنـي ابـلا گـلـب منـي
وكلتله هم شـفت يوليدي ويـن ابني
كسـر روحـي لمّـن تمـتـم ابـشـافـه
چـلـمه ولا گـدر يـحـچـهه تـعـبـنـي

صفنت اعله وجهه
علي لو ما علي احتاريـت مذبوح
يـوادم كــتــلـنــي
ونضرت عينه بچت عيني والروح
==========================

انحـنيت ومـوش چني حسين
اوكّـــف حــيـلـي مــا اگــدر
ابـوو ومكـسـور حــگي وچــاا
اذا الــطــم عـلــى الاكــبـــر
{الحـسره }و{كـضت الحـيتي}
خلتـني اعــله كلـشـي اعــثــر

افـراگـه والعـطـش والـخـوف الـتـمن
يكـون وذنـي اليـشوفـن علـيه يـعـمن
مـن الله ويـگوم اولـيدي هـسه اويـاي
وگـلـهن للـفواطم جبته حـيلـي الـچن

گـمـت وابـ عذابي
ابـ عـلي ادعـي وعلي مـا گام وياي
ضميت اعله وجهه
وبعد ما كول ضامي حسين للماي
==========================

يـكسرانـي الكـسرني اكبال
وادم حــيــل تـلـچــمــنه
الهضيمه انـ گالت ابوجهي
مــا يـگـدر يـشيــل ابــنه
حـضنته وگـام مني وطــاح
ومــن هــايـه تــعــذبــنـه

يمـيل اعـلــيه واتمـايل علـيه كلـساع
شـلته مدري هوه الـشالني امـن الكاع
رحتله ابـ فـزعه لاچـن هـسه اريـد انه
الي ولـ وليـدي من هاشـم يجـي فزاع

بعد مالي كل روح
اشـوف ابـنـي بـعد ويـطـيح مـره
اعله يا ظيم احطن
شيبي ابراسه لو مدري اعله صدره
==========================

الـشـمـاته ابـلا گـلـب كلـهه
رد وحــدك عـلـيْ صــاحـت
شيـردنـي اعله الخيم وادري
امــه اتــمـوت لــو شــافت
اضــل يــمه اروح اشــلــون
كــسرتي اهــنانــه ما صارت

كمت عنه ورجــعت اعــليه واشبگته
وكــتله يا عــلي الحــســين مــوتــه
فتح عــينه وفرحــت اوليدي ما ميت
ويــا فرحــه الولا دامــت الي شــفته

غمضهن عيونه
وكطع كلبي اعله نضراته الاخيره
حناني علي ابني
بجيت وهسه وجهي المن اديره
==========================
سجاد ابراهيم الكعبي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يبني يالاكبر يبني
،،،،،،،،،،،،،،،،،،،،،،،،،،،،،،،،،،،،
ارحم المكسور گلبــه ياعلي وگـــــــوم اعله حيلك
خـــــل اشيلن روحي اول ياعلي ونـــــوب اشيلك
خاف عبالك بعــــــدني بذاك حيلي وعزمــــي ذاك
تغيرت يوليدي حيــــــل وجاي هسه انه اشتكيلك
بويه،،
اگعد لبــوك وشوف ضيمه
حدب گفاي تگــــول خيمه
محد يساعدني اعله حزني
هيمه تذب بيــه اعله هيمه
،،،،،،،،،،،،،،،،،،،،،،،،،،،،،،،،،،،،،،،،
يالمخلي حسين حاير وحــــــــــده وايده اعله خده
هـــــــم ترد بيـــــك اليالي لو بعـــــــــــد مابيك رده
شصار يالاكبـــــــــــر بحالي شصار لو تـــــدري وراك
امشي خطوه وخطوه يبني من التعب اگضيها گعده
بويه،،
اليوم الحنين اليــوم حاير
هاكبره مــــن فرگاك صاير
خليت ابـــوك الضيم حاله
بين الزلـــم مكسور خاطر
،،،،،،،،،،،،،،،،،،،،،،،،،،،،،،،،،،،،،،،،
من العطش ممرود چبــــــدي والخيــــم مابيها ماي
وانه مــــــن يوميـــــــن ضامي ياعلي شرايـك بهاي
الساني مثـــــــل الخشبـــه صايــر والشفاه مفطرات
حرب والسبعيـــــن زلمــــــه ماتـــــــو وماضلي راي
بويه،،
ويــن اليصــل لهلي ويگلهم
بلكت يلحگــون اعله ابنهـم
بالهيمه حاير ضــل الحسين
خلهم يجــــون بساع خلهم
،،،،،،،،،،،،،،،،،،،،،،،،،،،،،،،،،،،،،،،،،،،
ارد اسولفلك يالاكبـــــــــر لچـــن شتفيــد السوالف
الجيش يبني اليـــوم ملتم كله يــــــم الخيم واگف
وانــــه لاصحبان عــــدي ولا اهـــل يحمون ضهري
واحــــــد يشاور بواحــــد خايبيـــن حسين خايف
بويه،،
دارو عليه الخيـــل والناس
اگعد يالاكبر صيـــح عباس
وحده الحنين وحيل مابي
لحگو الخيمكم راح تنداس
،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

توضيح حول النشر واعتذر منكم لان صوتي تعبان فلا تنسوني من الدعاء

آه يحسين   آه يحسين 

ــــــــــــــــــ 

لونك راح بالدم يابعد لوني
متغير يبعد الشافته عيوني
 
متغير جثير من الرمل يامه
وجهك بي دمن من ضربة الهامة
ترسم لي شخص متحركة خيامه

من ذبحوك جنهم اني ذبحوني


آه يحسين   آه يحسين
ــــــــــــــــــ 

تسفي هالرمال وتلجم جروحك
روحك تطلع وترجع الك روحك

بنياتك لأجلهن دمعتك تنزل
دم وتراب جفنك عالوجن يهمل
يا طاقة لجروحك مابدت تحمل

ونك ينسمع واهاتك ونوحك


آه يحسين   آه يحسين
ــــــــــــــــــ 

تبديت وي دمك لمن تبده 
للبرزخ رحت يالما الك رده

بس عطرك بقىٰ بثيابنه نشمه
يانسمه صبح وشمحلىٰ هالنسمه
من تمر علينا نسمتك نعمه

فدوه يروحلك كل عطر كل ورده


آه يحسين   آه يحسين
ــــــــــــــــــ 

مطشر بقيت وياهو اليلمك
يجوي الرمل حار بظهر وجسمك

وكعت من المهر للكاع چن مطره
كل نقطة بكتر وبكاع مطشره
مذبوح وتفكر همك شكبره

مت من العطش بس عايشه بهمك

آه يحسين   آه يحسين

ــــــــــــــــــ 

ورده وذابله ولا نده اعله شفافك
غفيت من التعب والوجع من طافك

متعثر بشيبك دمك ويابس
ثوب جروح وجهك كل جرح عابس
آثار السيوف بدم نهر تارس

من كثر الجرح مغيرة اوصافك


آه يحسين   آه يحسين

ــــــــــــــــــ 

متأذي بحيث بضلك مبين
كل قطعة شسولف والله موهين

نار بقلبي ما اكدر اذكرنها
رفسه والأحجار ارماح وبسنها
ما شايفها من اغمض اشوفنها

كل جرح البكلبك خشن مو لين


آه يحسين   آه يحسين

ــــــــــــــــــ 

الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يا مطره وعله الكيعان       يا أول نهر عطشان
تروي الجايك هلكان        وانته يابسه شفافك

ــــــــــــــــــ

يا نهر وعذب وجروفك امتونك
حتى الغيمة شربت من نده اعيونك
يا اول بشر يعطش وهوه الماي
تبديت اعله رمله ونشفت لونك

متبخر لوجه الغيم        يا مزنة مطر ياديم
ياسباح كل غرگان        ما تتعدد الطافك

ــــــــــــــــــ

حسين الكاع شبعت من دفو ادمومك
سمه حمره اصبحت من قمة اهمومك
حتى الحجر يبجي لونك ومبجاك
من خنصر اصبعك خلصت يومك

وگفت القرون بيوم             يامطشر وملموم
وجهك من ضوه الرحمان    تشبه ربك اوصافك

ــــــــــــــــــ

ياديرة اسهام العايشة بصدرك
يامعظلة تصير تهون يم صبرك
يا تاريخ يگدر يكتب المر بيك
صار ادهور محد عرف سر نحرك

الالف السنين اتروح      وانته بگدها بيك اجروح
وانسانية الف انسان      بل اكثر لأنصافك

ــــــــــــــــــ

يالضحيت كلشي حته بطفالك
من ستت شهور لأكبر عيالك
كلشي انطيت لله والله كلشي نطاك
كل الكون صار بجفك وجالك

البرزخ ولقيام النور        بدال الخنصر المبتور
بيدك سخر الاكوان        بدال تراب بجتافك

ــــــــــــــــــ

تروي الجايك عطشان يم بابك
يتشافي المريض بشمت اترابك
والضدك صفه بلريح صم اتراب
ماضله اثر والطاري بس جابك

من ادم لحد ماضيك   ليوم المحشر و طاريك
مثل الحكم بالقرأن     ماعفتة ولا عافك

ــــــــــــــــــ

يأول نهر ضامي وطفح خيرك
ومن جيسك توزع خيرك لغيرك
كل الفلح غمرت من لذيذ الخير
وانته العطش حار بشنهو تفسيرك

ياكعبة ضمه واسرار      قلبك بي خيام ونار
مثلك ما عرف سلطان   حتى الموت من طافك
ــــــــــــــــــ

الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4