#محرم الحرام ١٤٤٧-ه
# الليله الخامسه
# مولاي مسلم بن عقيل
حي الله مسلم          حي الله مسلم
¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥
مسلم لبس درعه واتناوش السيف
ضل يطبر بكيفه مرهم مثل طيف
وشايل فقار ابيده واعارج بكيف
اسد الكوفه كلشي  جدامه رجف 
اسد الكوفه صوته يرعب  من  هتف
اسد الكوفه  لو يسطر ايطيح سلف
اسد الكوفه نيمهم مثل أهل الكهف
مسلم لمن يقتل      
كله أصيح دخيل
واحد يردم بلثاني           
شرده الزلم وخيل
&&&&&&&&&&&&&&&&&&&&&&&&
كاشخ خضر ريشاته يشبه كمر عدنان
مسلم دخل للكوفه وانشلعت البيبان
وشمر زلم بزنوده خلاها على الحيطان
سفير حسين من نزل مثل الرعيده
سفير حسين بلكوفه كلشي صفه بيده
سفير حسين لو هجم سوه اليريده
سفير حسين نشمي ما خطاها الصيده
اسد لو صال عليهم.  
شمرهم عل حيطان
شافو غضب بعيونه  
بجفه شلع بيبان
&&&&&&&&&&&&&&&&&&&&&&&&
شايل غضب بعيونه خزراته بيهن خوف
وتكتل زلم خزراته وما يهوه الاسيوف
ويسطر سطر بجفوفه يامحله الاجفوف
مسلم الحيد جفه ما خطاله واحد
مسلم الحيد بس هوه بلكوفه قائد
مسلم الحيد   خل كل الجيش جامد
مسلم الحيد حار جفه وماهو بارد
مسلم طوعه وتحشمه  
جدامه ركضو  حفاي
كلب بيهم الكوفه
ويسطرهم رايح جاي
&&&&&&&&&&&&&&&&&&&&&&&&
وخله الجيش يتراكض ومحير الناس
واحد كال حيدر واحد كال عباس
ياهو اليصير اكباله يمشي بلا راس
جفه زلزال كص بيه روس القاده
جفه زلزال  بيه حروره من  الساده
جفه زلزال هاشمي يامحلاته اعناده
جفه زلزال عاد صولات حيدره وامجاده
ورث حيدر بفنونه  
وغيرة عباس بجفه
ميزان الكوفه صارت
بكفه مسلم والجيش بكفه
__
لخادم الزهراء ابو فاطمه المالكي
___
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#محرم الحرام ١٤٤٧ه
#الليله الرابعه
# مولاتي ام البنين
___
بدويه بدويه = كلفه وعزوبيه=
معزبه  بولدهه
حي الله يولادي = كلبوها الوادي
واختارو قادتهه
سمعو الوصيه زين يولدي سمعو
ضهر بضهر لحسين يايمه شدو
اول زلم لوصح ضحوله بلروس
حاير وحده ابكربله لا لا تخلو
ولدي النشامه=غيره وشامه
سووها بلطف جن يوم القيامه
هدو سويه = فزعه ابدويه
ابنوله ساتر جدامه وجدام اخيامه
========================
زامطوه القاده = بس مادرو بعناده=
غشمه ومايدرون
حروره طكاته = من دخنت ريشاته=
جدامه ضلو يركعون
شك البحر نصين موسى بعصاته
سوه الزلم صوبين كافل خواته
  ولو هجم عباس سوها خيبر
  ورث حيدر  بفنونه وكل صفاته
جفوفه مناجل= تحصد سنابل
صفره وجوهم  لمن نزل  يقاتل
والحومه بيده = ورقت جريده
ضمه بجفوفه مثل صرف الرسايل
*
فزعوله فزعوله.==== يايمه فزعوله
وخلو حد الها
كون الزلم تشرد ==== من عدكم وتلبد
وطوو الأرض كلها
جعفر وعثمان خذو دور الحراسه
عبدالله وعباس  قوه هم شراسه
هدو سوه بس اربعه علحومه كله
واليوصل الخيمه  كطعوله راسه
شيخ العشيره=مضعته غيره
مو لبن رضعو منعدها غيره
ولدي الأكابر =سوو مكابر
وجندي راسه ما يكدر يديره
**
طبوها طبوها ===يولدي طوقوها
واربع جهات الكم
جف علجف ايرص == والحومه خل اتغص
بروس اللي ضدكم
طي السجل للكتب  اطوها الكاع
وحد يكل الثاني ماهو راسي ضاع
اذا زلزلت الأرض وهزها زلزال
كول اربعتهم هدو وكلهم اسباع
اسباع الصوارم =سوو ملاحم
كل عشر بمكبره صارو جماعه
واحد شارد = واحد لابد
و الشرد الموت صايرله متاعه
____
لخادم الزهراء ابو فاطمه المالكي
____
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

محر الحرام١٤٤٧-ه
#الليله الثالثه
#لمولاتي العليله
..................
ما اجوني  ..  انتضرهم ليله ليله
مااجوني... راحو وعافو عليله
مااجوني.. ماكو واحد اشتكيله  ما اجوني
***
انا العليله وكمت احسب بليالي
  طفله وامضيعه  ابو والابو غالي
وانا بفراكه اذكرت عزي ودلالي
 
انتضرهم للفجر ومحد اجالي
يمته اشوفه الضعن يرجع للمدينه
يمته اشوفه ابوي وشايل سكينه
يمته اشوفه عبدالله بيدي اشيله
*
بويه بس وياكم امشي وهاي هيه
وظعكنم  خاف بينقص له سبيه
انا ادعي بلصلاة ومرفوعه ايديه
  ربي يالرديت يوسف رد   اليه
بس ضعنكم سافر ومامنه جيه
بس ضعنكم راح ينقص له سبيه
بس ضعنكم رحلته صارت طويله
**
  اهلي علموني البجي بس ابصلاتي
من راحو وعافوني  واتمنه مماتي
كل ضني اروح ولمت حته عباتي
والله مشتاكه اشم ريحت خواتي
ياهضيمه راحو وعافوني وحدي
ياهضيمه اصفن وايدي  علخدي
ياهضيمه والدمع ليليه اسيله
***
انا بليل من انام اشبك غطاهم
اهلي حملو بلضعن مدري شجاهم
الجفن ما بطل دمع بساعة جفاهم
ايرجعوني للبيت وارد اطلع وراهم
هذا حالي من اطب ضلمه غرفتي
هذا حالي والدمع مافارك وجنتي
هذا حالي وبيتكم ضلت عليله
*
بويه للبيت من اطب اذكر حجيكم
جنت انا من انام اتغطوني بديكم
هسه ما يغمض جفن يبجي عليكم
كون اندل الدرب يا اهلي واجيكم
كل مغربيه  كاعده بلباب اناطر
كل مغربيه هلبت ايرجعون باجر
كل مغربيه ابوي اغطيني بشليله
**
اهلي كلشي حملو و انا نسوني
انا اباوع والدمع تارس عيوني
شني يصير اذا وياهم خذوني
احسبلكم يوم يوم  وما تجوني
اهلي راحو وانا شلي بهل عمر
اهلي راحو يوميه اتاني وانتضر
اهلي راحو ومحد ضلي اشتكيله
................................
الخادم الزهراء ابو فاطمه المالكي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#محرم الحرام ١٤٤٧-ه
#الليله الثانيه
__
كون اليحبك بعيونه اثر للسهر
وتجري دموعه شمايذكر النحر
كثر البواجي عليه يعمي النضر
ومن الطفوله ينذرلك هل العمر
كلبه لكاني وحبه خذاني   لذاك الغرام
مابيه اعيشن   دون البواجي.  وصل الهيام
هيام   انه هيامي الذاك الحنين
هيام.    انه هيامي لجل الحسين
هيام.     ونه اعلى ونه لكلب السجين
**
بس عشكك حسين انت الصدك
بسمك سجلته  كلبي و ضل يدك
تحله السوالف من احجي عشك
بنار من الخيم كونه هم  يحترك
مشتعله ناري ليلي ونهاري بجمر الخيام
وادعيي واكولن ريت بصدري ذيج السهام
خيام   . نارالخيام التجو الكلب
خيام.    نار الخيام بكلبي تشب
خيام.   ودموعي بطاري الخيمه تصب
**
مالومه عابس حكه عله الجنون
دم بمصالك  يجري من  العيون
والما بجالك بحبه هم يخون
يكضي حياته يعيش  بسجون
بجنونه عابس شك الملابس هذا الجنون
واتمنى مثله انا اصيرن واعمي العيون
حلم.   وانه حلمي خادم ايصير
حلم.    وانه حلمي بحبه جبير
حلم .  معيش الخادم بهيئة امير
**
من اذكر اسمك تجري الدموع
كون ابجي سكته مثل الشموع
ارزقني دمعه لكلبي الجزوع
حته لطمتي اتكسر الضلوع
 
ديني وغرامي عاشك امامي اسمه حسين
وبذكره انحب وتجري دموعي ويزد الونين
غرام .انا غرامي وكلبي يدك
غرام. انا غرامي يحب من صدك
غرام. انام بمجانه وكون انسحك
___
لخادم الزهراء ابو فاطمه المالكي
_
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

الرساله الما تجي بخاطر جايبها الضجيج وجاي
ولابد تنتهي الضجه
امس بظهري جان الااف وهسه بظهري الحيطان
وحطوا للغدر حجه

الگالولك اقبل خلوني وحدي
اعليه تآامر جف التعدي...... جاي بضعونك وين
هنانه السؤال يتعب المشاعر
تخدش سمعهم هل من مناصر.... ارجع يا حسين 

ياهو يستاهل دمعتك رد تتانيك العليله
يا أمير ابين غربه طيحتك باجر ثجيله
يحترگ صيوان خدرك وما اكو برداً وسلاما
الموت مكتوب اعله هاشم لجن مو تطلع عقيله
.............................................................
لم مهد الرضيع ورد  محد يعرف يلولي
المن جايب اطفالك
هنانه اسم الله ما تلگة اليعثر ينضرب بحجار
ارجع وارحم عيالك

هنا يلگة حتفه الرايد يطيعك 
ما يسلم احد حتى رضيعك..... يذبل ورد عدنان
اسلم على اهلك ومدللاتك
باجر تجرحك ركضة بناتك.... لو حركوا الصيوان

من على قصر الاماره واصرخ ارجع يبن عمي
محد يأدي الامانه تريد شاهد هذا دمي
گولبهم وي گلبك تصف وسيفهم وي سيف اميه
يجر جسمي الحبل باجر شيجر منكم هذا همي
............................................................
يبو اسكينه العذر لله لمن تلتفت باجر
ما تلگة احد بضهرك
العطش لشفافك يتاني محد ينتظر جيتك
وادم تعرف تغدرك

لا عن شمالك لا عن يمينك
ما تلگة ناصر باجر يعينك.... تلكة عطش ورماح
ما يبقه ناصر لا تبقه ولدك
هنا حتى خنصر ما يبقه عندك.... من يا هضم ترتاح

الغربه والخذلان تذبح أكثر من سيوف اميه
ينِفي معنى السلامه من تطب الغاضريه
النار تتعدى اعله طفله وتنجوي رقيه وحميده
وراسك وراسي يتلاگن بالقصر باجر سويه
.......................................................
يبو صدر الثجيل ارجع مناطر صدرك الحافر
وشيبك ينخضب بدم
وأشد من دوسة الحافر تطلع راكضة سكينه
مرعوبه وتدور عم

حتى الكتبلك باجر يخونك
وي الرعيه يسلب ضعونك....ويشعل خيمكم نار
المن تحشم ميته الضماير
الطاهر حليبه توذره البواتر..... يستبعد الأعذار

يا رساله وفالها الدم شنو تاليها الرساله
والعطش مهد طريقه وفطر شفافي سؤاله
يا كلب ما يبقه ضامي لو وصلت الغاضريه
والرمح ناطر ركبتك يا ضعن يبقه بدلالة
........................................................
سلام اعله الخيم اقره  تبوح النار سرارك
واليتيه صعب يسأل
المتعوده بدلال اخوان وما تعرف مشي الهيمه
لابد تصعد اعله التل

الما عدها والي بالغاظريه
لا سامح الله تطلع سبيه.... بين الزلم والخيل
هنا ما اكو ليله تعدي بسلامه
ويا ليل زينب عكبك تنامه....  وحشه تغطي الليل

وين تنطي الوجه زينب خلافكم يهل المحنه
لا عدل بالراحه يحضى ولا الميت ينسه حزنه
الميت تسحگة الحوافر والعدل بحبال ينجر
هنانه حتى الطاح ميت محد يغسله ويدفنه
..........................................................
مرتضى عامر الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#محرم الحرام ١٤٤٧ه
#الليله الاولى
------------------------------
كافي كافي  ارد اخدمك من صدك
كافي يمعلمني انته اصل العشك
كافي  من اسمع صدرك ينسحك
كافي خل كلبي يوكف ما يدك


بلخدمه شفت أنا العجب
شفت اليحب والما يحب
كله تعيش بلخدمه هاي
اغله من الفضه والذهب


اسهر ليالي.        وانته عبالي
مطلعني من دنيا الضلام
اشكر رحمتك.      نعمه خدمتك            
  اه ياحسين  كل  الكلام
**
ضلمه  ضلمه بدونك كل دنياي
ضلمه لمن عرفتك صرت ضواي
ضلمه  تغيرت حياتي انا  هواي
ضلمه  عيوني تجري بشرب ماي


مثل يعكوب صرت انا اعمه
جانت حياتي ابدونه ضلمه
يوسف قميصه رداله شوف
مجلسك شوفي لمن اشمه

كل حياتي.         وديني وصلاتي

حبك فرض  ليه انوجب

انته وجودي.       وقبلت سجودي
بلدنيا كلشي عني انحجب
**
نادم يوميه اذنب وارجع اتوب
نادم ماتسوه دينه بله محبوب
نادم اعوفن دربك وامشي دروب
نادم لمن اجيتك كلي اذنوب


شايل ذنوبي وكتلي تعال
بحياتي عايش مثل الخيال
بمجلسك ياهو يقرأ اكول
ما اريد اعيدن هذا السوال



ضايع لكلاني.          ويمه خذاني
خلاني اعيش برحمته
حب ابو الكبر.         خلاني اكبر
مكبرلي اسمي بخدمته
*
عايف يمك ضحكتي ودمعه بجيت
عايف كلشي لجلك لمن اجيت
عايف دنيا علمودك وعمري نطيت
عايف دروبي كله وبدربك مشيت

طبكته كلبي بضرف الرسايل
تمنيته يمشي بذيج المحامل
كل عمري اعيش علناكه هزله
من اسمع زينب ضهرها مايل

سلمته امري.         ونطيته عمري
حته خادم  اله اصير
مدليني دربي.         ومضوي كلبي
يمك اعيشن مثل الامير 
__
خادم الزهراء ابو فاطمه المالكي
___
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#لعيد_الغدير_الاغر

ربك من العرش اختار ....والي اعله الامة الكرار
وگال اليوم اكملت الدين ... بلّغ بلّغ يالمختار
  ـــــــــــــــــ ❁ ❁ ❁ ـــــــــــــــــ
ب 18 ذو الحجة ... ربك أوحى لنبينه
يبشره بإتمام النعمة ... وبإكماله لكل دينه
وتم النعمة وأكمل دين .. بكل فضله الرب علينه
وكلفنا باعظم تكليف ... نقر بالبيعة لعلينه

والقر بهذا الإقرار ... يندل كل شيء وما يحتار
ويندل درب الحگ منين ... بلّغ بلّغ يالمختار
  ـــــــــــــــــ ❁ ❁ ❁ ـــــــــــــــــ
كلمن يريد يدلي .... الناس ويحدد دربه
لابد عنده فد إنسان .. يدليهم من كل گلبه
ولو يستشهد هذا بيوم ... لابد ما يترك ربعه
بلا والي يظل يدعي الناس ... وياخذهم بيده لربه

بلا ترغيب ولا أنذار ... شما تجمع يصبح طشار
وزين بألفك تلگه اثنين ... بلّغ بلّغ يالمختار
  ـــــــــــــــــ ❁ ❁ ❁ ـــــــــــــــــ
ويقصر لو ما وصى ... ولا والي الهم خله
وتصير عدهم اسباب ... لكل واحد أن يتخله
عن دينه ومن تسأله... يطلع چم عله بعله
ومن هاي ربك نصب ... حيدر وچفه تعلّه

وچفه اتعله من الستار ... بچف طه گبال الأنظار
وتشهد كل كتب الصوبين ... بلّغ بلّغ يالمختار
  ـــــــــــــــــ ❁ ❁ ❁ ـــــــــــــــــ
حيدر من قبل التكوين ... والي من چان بصورة
نور ومن خمسة انوار ... بصلب ادم ويشع نورة
وهو الخليفة اعله الكون ... مو بس على المعمورة
وعنده معاجز آلاف ... عن الوادم مستورة

اعظم سر بهالاسرار ... ما ينحد باي افكار
اعظم سر من التكوين .... بلّغ بلّغ يالمختار
  ـــــــــــــــــ ❁ ❁ ❁ ـــــــــــــــــ
ومن ذاك اليوم ولليوم... نوالي حيدر ونطيعه
ويوم الغدير بكل عام ... بي تلتم كل الشيعة
تهتف يا حيدر لبيك ... جينه نجدد لك بيعة
ونبقى اعله درب الكرار ... وهذا الدرب مَنبيعه

ما نهتم جنه أو نار ... كل همنه حب حامي الجار
" عدلين يمه وميتين" ... بلّغ بلّغ يالمختار
  ـــــــــــــــــ ❁ ❁ ❁ ـــــــــــــــــ
عبد فاطم
مصطفى باسم الغزي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

الدللاها حسين دم بجـــاها
من سدر بالعايله وخــــلاها
ــــــــــــــــــــ ــــــــــــــــــــ
من عزم روح النبي للطف يشيــــل
والضعن كله استعد لجل الرحيـــــل
توّه سار بضعنه ابن حامي الدخيل
وكف واخدوده الدمع چوّاها
ــــــــــــــــــــ ــــــــــــــــــــ
خلفه يسمع صوت يابويــــه يصيـح
اوياكم اخذوني أنه ام كلب الجريح
تركض ابلا حيل بتّـــــه ومن تطيح
كلب ابوسكينه يطيح اوياها
ــــــــــــــــــــ ــــــــــــــــــــ
اتكله اظل بغربتي وابلايـــــــــه روح
كون ترتاح العليله مو تنـــــــــــــــوح
حتى لو ماعندي  محمل ممشه اروح 
دار وجهه حسين ماحاجاها
ــــــــــــــــــــ ــــــــــــــــــــ
ليش من تشوفني اتديـــــــــر النظر
وانت تسمع ونتي اتفت الصخـــــــر
بيش اتسله اذا طـــــــــــــــال السفر
وذكرياتك بويـــــــه ماانساها
ــــــــــــــــــــ ــــــــــــــــــــ
گلبي گطعته يبويه بهالســـــــــكوت
تزيد مرضي بدمعتك سمعني صوت
گلي امشي وبالدرب حتى امن اموت
موتتي اعله اجفوفك اشمحلاها
ــــــــــــــــــــ ــــــــــــــــــــ
كلها ماخذها والــــــي مخلي العذاب
شفت بعيونك يبويه اشجم مصاب
وشفته بيدك ينذبح تعب الربـــــاب
اعيوني دمعك جم هظم راواها
ــــــــــــــــــــ ــــــــــــــــــــ
من مشه وبهدمـــه زحفت چلبت
صبري گوض گالها ولختـه التفت
عذبتنـــي ايگلها واهيــه اتعذبت
يختي سليها الحزن غطاها
ــــــــــــــــــــ ــــــــــــــــــــ
ردت ام الحزن سلّتها ومشـــــــو
كلهم اعليـــــــها يصدون وبچــو
اتلوّح ابجفينها حد ماجــــــــــزو
اشما تريد اتطب امــــــل رداها
ــــــــــــــــــــ ــــــــــــــــــــ

علي محسن الزيادي

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4